Category: Uncategorized

Source : https://umuryango.rw/amakuru/urukundo/article/dore-ibintu-10-wakorera-umukunzi-wawe-agahora-akwirahira

Umurambo w'uyu mugabo uzwi nka Nshimiye uri mu kigero cy'imyaka 25 y'amavuko, wabonetse mu gitondo cyo kuri uyu wa Gatanu tariki 17 Werurwe 2023

Abasanzwe bakorera muri aka gace gakorerwamo ubucuruzi bwiganjemo ubw'imboga, babwiye Radiotv10 dukesha iyi nkuru ko nyakwigendera yari asanzwe ari umukarani wikorera imizigo yiganjemo imyaka.

Bamwe mu bazi nyakwigendera, bavuze ko ashobora kuba yahitanywe n'indwara y'igicuri, kuko yari asanzwe ayirwara.

Umwe yagize ati 'Nubwo umurambo wabonetse muri iki gitondo ahagana saa mbiri ariko ashobora kuba yapfuye mu masaha ya kare nka saa kumi n'imwe za mu gitondo.'

Umunyamabanga Nshingwabikorwa w'Umurenge wa Muhima, mu kiganiro yagiranye na Radiotv10, yemeje ko amakuru y'ibanze, yemeza ko uyu mugabo yishwe n'indwara y'igicuri.

Umurambo wa nyakwigendera wahise ujyanwa mu buruhukiro bw'Ibitaro bya Nyarugenge kugira ngo unakorerwe isuzuma, uzabone gushyikirizwa umuryango wa nyakwigendera, uwushyingure.

Src:Radiotv10

Source : https://umuryango.rw/ubuzima-115/article/nyabugogo-uwakoraga-akazi-ko-kwikorera-imizigo-yasanzwe-yapfuye

Minisitiri w'Imari n'Igenamigambi (MINECOFIN) yijeje Urugaga rw'Ibigo bitwara abagenzi (ATPR), ko amafaranga y'ibirarane urwo rugaga rumaze igihe rusaba rugiye kuyahabwa.

ATPR ivuga ko imodoka zirenga kimwe cya kabiri (1/2) zimaze guparikwa bitewe n'ubukererwe bw'amafaranga Leta isanzwe yishyura ibigo bitwara abagenzi, kugira ngo igabanyirize abaturage ikiguzi cy'urugendo.

Inyunganizi ku biciro by'ingendo ni gahunda yashyizweho na Guverinoma y'u Rwanda kuva muri Covid-19, aho bitewe n'izamuka ry'ibiciro by'ibikomoka kuri peteroli, ibigo bitwara abagenzi bihabwa amafaranga atuma ikiguzi cy'urugendo kitaremerera abaturage.

Ibaruwa ATPR yandikiye Minisitiri w'Intebe ku itariki ya 14 Werurwe 2023, ivuga ko Leta ifitiye ibigo bitwara abagenzi ibirarane by'amezi arenga atanu kuva mu kwezi k'Ukwakira 2022 kugera muri Gashyantare 2023.

ATPR ivuga ko kubura amafaranga yo gukoresha byatumye imodoka zigera kuri 1/2 cy'izo ibigo bikoresha ziparikwa, kuko habuze ubushobozi bwo kuzisana, kuzigurira ibikoresho (spare parts), kuzigurira mazutu, ndetse no guhemba abakozi bazikoresha.

ATPR ivuga ko kugeza ubu hari abakozi bamaze kujyana ibigo bakorera mu nkiko kubera kudahembwa, ndetse na banki zabihaye inguzanyo ngo ntizibyoroheye.
Umuyobozi Mukuru wa ATPR, Théoneste Mwunguzi, yatangarije itangazamkuru ko ko banditse amabaruwa menshi basaba ayo mafaranga y'inyunganizi ku biciro by'ingendo ariko ntibahabwe igisubizo na kimwe.

Mwunguzi yagize ati “Turashaka amafaranga kugira ngo dutware abaturage.”
Urugaga ATPR ruvuga ko mu gihe cyo gucyura abanyeshuri baza mu biruhuko bishobora kugorana, bitewe n'uko imodoka zagabanutse cyane kandi ko kubura ubushobozi ari byo birimo gutuma serivisi z'ingendo zirushaho kuba mbi.

Uru rugaga rugizwe n'ibigo 27 bitwara abagenzi hirya no hino mu Gihugu, rwamenyesheje Minisitiri w'Intebe ko hari ibigo bishobora gufunga imiryango mu gihe ikibazo kivugwa cyaba kidakemutse vuba.

Mu kiganiro yahaye Abanyamakuru ku wa Kane tariki 16 Werurwe 2023, Minisitiri w'Imari n'Igenamigambi, Dr Uzziel Ndagijimana, yemeye ko ayo mafaranga yakererewe guhabwa ibigo bitwara abagenzi, ariko ko ari mu nzira zo kubageraho.

Dr Ndagijimana ati “Hari ubukererwe bwo kwishyura ayo mafaranga yo kunganira umugenzi ugenda muri bisi, ariko birimo gukorwa, ngira ngo n'uyu munsi hari ayo bashobora kuba baraye babonye kandi bizakomeza.”

ATPR ivuga ko imodoka zo gutwara abagenzi zitabaye nke nk'uko bivugwa, ahubwo inyinshi ngo zaraparitswe bitewe no kubura amafaranga yo kuzikoresha, ndetse n'ayo guhemba abakozi bazikoresha.

Source : https://umuryango.rw/amakuru/mu-rwanda/ubukungu/article/minecofin-igiye-kwishyura-ikirarane-ku-bigo-bitwara-abagenzi

Uwitwa NGAYIRENDE NOELLA AXELLE yasabye guhindura amazina mu buryo bwemewe n'amategeko akitwa IRANKUNDA NOELLA AXCEL mu bitabo by'irangamimerere.

Impamvu atanga zituma asaba guhindura amazina akaba ari uko ari amazina yakoresheje mu ishuri.

Source : https://umuryango.rw/amatangazo/article/itangazo-ngayirende-noella-axelle-yasabye-guhindura-amazina-akitwa-irankunda

Ni mu mashusho Zari yasangije abamukurikira ku mbugankoranyambaga akoresha aho aba bahungu uko ari batatu bagaragara kwihangana byabananiye bari kurira ayaherekeresha ubutumwa bugirabuti””biraza kumera neza bahungu banjye.”

Semwaga wahoze ari umugabo wa Zari yitabye Imana 2017 azize impanuka .Yari yarabyaranye na Zari abana batatu b'abahungu icyakora bari baratandukanye kuko yitabye Imana batakibana.

Nyuma y'uko batandukanye Zari yaje gukundana na Diamond ndetse banabanaho munzu nk'umugore n'umugabo banabyarana abana babiri umukobwa n'umuhungu baje biyongera ku bahungu batatu yari afite kuri ubu akaba ari umubyeyi w'abana batanu.

Urukundo rwa Zari na Diamond narwo rwaje kuzamo agatotse ndetse bahitamo no gutandukana icyakora bafatanya inshingano zo kurera abana.

Kuri ubu Zari utuye muri Africa y'Epfo ari mu rukundo n'umusore witwa Shakib bakunze kugarukwaho cyane mu itangazamakuru n'inkoranyambaga kubera ikinyuranyo cy'imyaka iri hagati yabo cyane ko bivugwa ko Zari arusha uyu musore imyaka irenga icumi.

Source : https://umuryango.rw/imyidagaduro/article/abana-ba-zari-bafashwe-n-ikiniga-ubwo-bari-basuye-igituro-cya-se

Ibihugu 'byfashe nabi Ukraine' bizabyishyura intambara nirangira, nk'uko bivugwa na minisitiri wayo w'ububanyi n'amahanga Dmytro Kuleba.

Mu kiganiro na BBC, Kuleba yavuze ko amahitamo y'uruhande ya buri gihugu muri iyi ntambara Uburusiya bwashoje kuri Ukraine 'azashingirwaho mu kubaka umubano w'ahazaza'.

Muri iki kiganiro, Kuleba yavuze uko abona iyi ntambara izarangira, uruhare rw'Ubushinwa muri iyi ntambara, no kuba Papa Francis atarasura iki gihugu muri iki gihe cy'intambara.

Nubwo Ukraine ibona inkunga y'imari n'iya gisirikare y'ibihugu bikomeye by'iburengerazuba kuva yaterwa, ibihugu byinshi muri Africa, Aziya na Amerika y'Epfo byirinze kugira uruhande bifata.

Bimwe bifitanye amateka y'ubucuti n'Uburusiya, ibindi bifite impungenge z'ingaruka z'iyi ntambara ku bukungu, ibindi byibaza ko ibihugu by'iburengerazuba birimo gutinza iyi ntambara bitari ngombwa.

Gusa Kuleba yavuze yeruye ko ibihugu bitashyigikiye Ukraine — ibyo yavuze ko 'muri iyi ntambara byitwaye nabi kandi bigafata nabi Ukraine', bizabyishyura mu gihe kiri imbere.

Ukraine ishobora kuba icungira ku nkunga y'iburengerazuba mu bya gisirikare mu gihe gito cyangwa kirekire bityo kwinuba kwayo bishobora kudahangayikisha ibihugu bimwe. Ariko mu bihe by'amahoro ubushobozi bwa Ukraine bwo kohereza ibinyampeke byinshi cyane ku isoko ry'isi buyiha ijambo mu bukungu, cyane cyane mu bihugu biri mu nzira y'amajyambere.

Kuleba yagize ati: 'Niba ku isi hari utekereza ko uko igihugu runaka cyitwaye — cyangwa cyafashe Ukraine mu gihe kibi cyane mu mateka yayo — bitazarebwaho mu kubaka umubano w'ahazaza, uwo ntabwo azi uko dipolomasi ikora.

'Intambara ni igihe ugomba gukora amahitamo. Kandi buri mahitamo twarayanditse.'

Kuleba yavuze ko ibihugu by'inshuti zayo by'iburengerazuba bidatanga inkunga ya gisirikare vuba bikwiriye.

Ati: 'Turifuza ko abadufasha babigira vuba, kuko iyo hari ukohereza [intwaro] gutinzeho umunsi umwe, bivuze ko hari umuntu ugomba gupfa ku rugamba.'

Bakhmut, umujyi wo mu burasirazuba, ni hamwe mu hantu Ukraine ikeneye intwaro kurusha ahandi, hano ingabo zimaze amezi arenga arindwi zirwana n'ibitero by'Uburusiya bushaka gufata uwo mujyi.

Hano Kuleba yavuze ko 'bigoye cyane mu buryo bubabaje' kubera gutakaza gukomeye bahagiriye.

Ariko Bakhmut nifatwa n'indi mijyi izakurikiraho: 'Rero mu kurengera ubuzima hariya tugomba kurwana kuri Bakhmut uko dushoboye kose.'

Kuleba yavuze ko nta kimenyetso ko Uburusiya bushaka ibiganiro byo kurangiza imirwano, ariko yongeraho ati: 'Buri ntambara irangirira ku meza y'ibiganiro…Ariko intego yanjye nka minisitiri ni uko Ukraine igera kuri ayo meza imaze kugera ku ntsinzi ku rugamba.'

Ibyo bisaba ubufasha bukomeye bwa benshi, abo abona ko Papa Francis atarimo. Kuleba avuga ko atari we wacira urubanza Papa ahubwo ari Imana. Ati: 'Tubabajwe cyane no kuba Papa atarabasha gusura Ukraine kuva intambara itangiye.'

Ku Ubushinwa, Kuleba avuga ko budashishikajwe no gushaka iherezo ry'iyi ntambara kandi bwakomeje kwanga ko Perezida Volodymyr Zelensky aganira na mugenzi we Xi Jinping, uyu aritegura gusura Moscow vuba.

Kuleba ati: 'Sinibaza ko Ubushinwa bwiteguye [kuganira] ubu…mu gihe ahubwo bwiteguye guha intwaro Uburusiya.'

Naho kuri Leta zunze ubumwe za Amerika, aho inzobere zivuga ko inkunga ihabwa Ukraine ishobora kugabanuka nyuma y'amatora ya perezida umwaka utaha, Kuleba avuga ko bizeye 'inkunga y'uruhande rwose yaba abarepubulikani cyangwa abademokrate.'

BBC

Source : https://umuryango.rw/amakuru/mu-mahanga/politiki/article/ukraine-yiyemeje-kuzahangana-n-ibihugu-byose-bitayishyigiye-mu-ntambara-n

Akomeza agira ati: 'Mwaramfashishije igihe kirekire kuva nakitwa Rajab kugera n'ubu mumfata nka Harmonize, Kondeboyieshi, Tembo na Bakhres. Mu kuri muri abavandimwe banjye kandi nzahora iteka mbasengera.'

Yahise atangaza ko ku bufatanye na Boomplay yamaze gutangiza Podcast ye azajya akoresha agira inama abafana be ikaba yiswe “Harmonize Podcast”.

Harmonize ati: 'Buri umwe afite inkuru yo kubara kandi nkunda kumva ibyo abantu bavuga ku buzima bwabo ariko kuri ubu ngiye gutangira kuvuga inkuru yanjye.'

Ibice azajya yibandaho birimo kugaruka ku buzima bwe aho yavuye n'ibyo yanyuzemo ngo agere aho ageze. Azagaruka kandi ku buzima bwihariye bw'umuziki we n'ibizazane yahuriyemo nabyo.

Harmonize yamuritse Podcast ye ku munsi yizihijeho isabukuru y'amavuko y'imyaka 33

Agiye gutangira gushyira hanze inkuru ku buzima bwe yaba ubusanzwe, ubw'umuziki n'ibindi

Ari mu bahanzi bacyeya batigisa imbuga nkoranyambaga zo mu Karere k'Iburasirazuba

Source : https://umuryango.rw/imyidagaduro/article/harmonize-yemereye-abafana-be-ikintu-gishya-ku-isabukuru-ye

Liyetona-jenerali Constant Ndima, guverineri wa Kivu y'Amajyaruguru, yongeye gusubizwa kuyobora ibikorwa bya FARDC muri iyi ntara,agahangana n'umutwe wa M23 wananiranye.

Amakuru aturuka mu gisirikare avuga ko yabimenyeshejwe ku wa gatatu tariki ya 15 Werurwe n'umuyobozi mukuru wa FARDC, Liyetona-jenerali Christian Tshiwewe.

Ibaruwa yahawe igira iti: “Ndabamenyesha ko Minisiteri y'Ingabo y'igihugu yagusubije mu mirimo yawe yose ndetse n'inshingano zawe (…) nk'uko bigaragara mu mabwiriza y'itegeko 21/016 ryo ku ya 03 Gicurasi 2021, ashyira mu mirimo ingabo z'igihugu mu gihe cy'intambara ku butaka bwa DRC, cyane cyane mu ngingo ya 5 iteganya ko mu gihe cyose igihugu cyugarijwe, guverineri w'ingabo ayobora ibikorwa.”

Ku ya 12 Nyakanga 2022, ubuyobozi bw'ingabo bwakuye Liyetona Jenerali Constant Ndima kuri iyo mirimo,hashyirwaho Umuyobozi w'akarere ka gatatu k'ingabo, Jenerali Philémon Yav, waje gusimburwa na Liyetona Jenerali Marcel Mbangu Mashita.

Source : https://umuryango.rw/amakuru/mu-mahanga/umutekano/article/fardc-yashyizeho-umuyobozi-mushya-uyobora-urugamba-rwo-guhashya-m23

Ni inkuru yatangajwe n'umugore we Mary Caldwell aho yavuze ko uyu munyamuziki yari amaze igihe ahanganye n'uburwayi bufitanye isano n'imitsi ikorana n'ubwonko.

Caldwell avuga ko uyu musaza yapfiriye mu biganza bye ubwo bari mu rugo rwabo ruri i Great Meadows muri New Jersey nyuma y'imyaka itandatu yari amaze ahangana n'uburwayi.

Ati “Bobby yapfiriye hano mu rugo. Namufashe mu maboko igihe yadusigaga. Nzahorana umutima umenetse. Ndashimira mwese ku bw'amasengesho yanyu menshi mwakoze buri mwaka. Yari ahanganye n'uburwayi mu myaka itandatu n'amezi abiri. Ruhukira ku Mana, Rukundo rwanjye.”

Bobby Caldwell yamenyekanye mu ndirimbo zitandukanye zakunzwe na benshi gusa aza kuba ikirangirire ubwo yasohoraga indirimbo 'What You Won't Do For Love' yanasubiwemo n'abandi bahanzi.

Source : https://umuryango.rw/imyidagaduro/article/bobby-caldwell-yitabye-imana-ku-myaka-71

Abasenateri n'abadepite bo muri RDC basabye bakomeje ko FARDC na Guverinoma ya RDC bakwiye kugarura amahoro mu burasirazuba bw'igihugu vuba na bwangu.

Umusenateri mu Nteko Ishinga Amategeko ya Repubulika ya Demokarasi ya Congo uherutse kunenga imyitwarire Perezida Felix Tshisekedi yagaragaje imbere ya Emmanuel Macron, yavuze ko muri Congo hakenewe kugarurwa amahoro vuba na bwangu.

Ibi Senateri Francine Muyumba yabitangaje kuri uyu wa Kane tariki 16 Werurwe 2023 mu kiganiro yagiranye na Radio Okapi, avuga ko ingingo yo kugarura amahoro no kuzamura imibereho y'abanyekongo bikwiye gushyirwa imbere kuruta ibindi byose.

Yagize ati 'Inteko ishinga amategeko igomba gukora imirimo yayo yo kugenzura ubuyobozi nta kwinezeza ngo itume guverinoma ikemura ibibazo by'ubukungu, politiki ndetse n'umutekano.'

Yifuza kandi ko Inteko Ishinga Amategeko yashyira imbere ibibazo bibangamira ubuzima bwa buri munsi bw'Abanyekongo.

Ati 'Ibiciro by'ibanze bikenerwa byikubye kabiri cyangwa bikubye gatatu mu gihugu cyose. I Lubumbashi, aho ndi ubu, umufuka w'ibigori wavuye ku mafaranga 28.0000 y'Abanyekongo ugera ku 70.000 by'Abanyekongo.'

Naho Depite Jean-Baptiste Muhindo Kasweka ubwo yari mu Nteko ishinga amategeko, we yemeje ko icy'ibanze muri iki cyiciro kigomba kuba ugusuzuma ibikorwa bya gisirikare byabereye mu majyaruguru ya Kivu na Ituri mu gihe cyo kugotwa, ariko no muri Gicurasi- Ndombe.

Nk'uko byatangajwe n'uhagarariye uhagarariye Kivu y'Amajyaruguru, isuzuma ryo kuvana DRC muri EAC kimwe no gusuzuma imikorere y'ingabo zigomba kuba ibintu bibiri by'ingenzi muri iki cyiciro.

Ati 'Iby'ibanze byihutirwa muri iki cyiciro bigizwe mbere na mbere mu gusuzuma bidasubirwaho impamvu zatumye FARDC igenda itererana imijyi myinshi iri mu maboko ya M23. Icya kabiri cyihutirwa ni ugutora icyemezo gitegeka kuvana igihugu cyacu muri EAC.'

Hasigaye rero ko ibiro by'imitwe yombi y'Inteko Ishinga Amategeko bitanga ingengabihe y'ibibazo bizirikana ibyo abayobozi batowe bashyira imbere.

Source : https://umuryango.rw/amakuru/mu-mahanga/politiki/article/rdc-abo-mu-nteko-ishinga-amategeko-barakaye-bibasira-perezida-tshisekedi-na