Category: Uncategorized

Tugiye kurebera hamwe amakosa agera ku 10 wakirinda buri gitondo bigatuma wiriranwa akanyamuneza, kuko ibyishimo, guseka aribyo soko yo kuramba no no kugera ku munezero w'ubuzima tubayemo.

1. Gukangurwa n'inzogera, isaha( reveille): Abantu benshi bahitamo gukangurwa n'isaha cyane cyane bashyira mu matelefoni yabo ikagenda ivuga buri minota 15 bitewe nuko isaha yo kubyukiraho umubiri uba utarayimenyera. Iki ni ikintu kibi cyane kinaniza umubiri umunsi wose, ahubwo abahanga batubwira ko umuntu yagombye kumenyereza umubiri igihe cyo kubyukiraho buri munsi.

2. Kuguma mu kizima bwacyeye: Abantu bamwe bahitamo kwijimisha icyumba baryamamo bashyiramo amarido yijimye kugirango urumuri rw'umucyo rwa mu gitondo rutaza kubakangura. Ibi sibyo kuko ari ukuvuna umubiri wacu kandi uba ukeneneye ruriya rumuri rwa mu gitondo.

3. Kubyuka vuba vuba igihe ukangutse: Iri ni rimwe mu makosa ananiza umubiri umunsi wose igihe ukangutse ugahita ubaduka vuba na bwangu, ibi bituma amaraso yirukanyira mu maguru bikaba byanagutera umuvuduko w'amaraso ukabije, isereri n'ibindi. Tugirwa inama zo kubanza kwicara ku buriri gato ukabanza ugatekereza ibyo ugiye gukora no kunanura umubiri.

4. Kudakora imyitozo ngororamubiri: Siporo ya mu gitondo niyo iruta izindi twakora ku yandi masaha y'umunsi kuko ariyo ituma umuntu atiyongera ibiro uko yiboneye. Iyi myitozo yoroheje ikorwa igihe uvuye mu buriri ituma umuntu yiriranwa akanyamuneza umunsi wose.

5. Kutoza amenyo: Iri ni ikosa rikorwa n'abantu batari benshi ariko rikomeye cyane kuko ubyutse ntusukure amenyo wiriranwa uburyaryate mu kanwa butuma umubiri wirirwa wumva utameze neza.

6. Koza amenyo ukimara kunywa ibintu byifitemo acide: Iri ni ikosa rikorwa n'abantu benshi iyo bamaze gufata ifunguro rya mu gitondo(Petit dejeunner). Ku bakoresha ikawa , amazi arimo indimu n'ibindi biribwa birimo acide mu ifunguro rya mu gitondo bagirwa inama ko bajya basukura amenyo yabo nyuma nibura y'iminota mirongo ine nyuma y'uko bafata iryo funguro.

7. Kwihutira kubyukira ku byuma by'ikoranabuhanga: Iri ni ikosa rikorwa n'abantu benshi bitewe n'umuvuduko w'iterambere isi yacu igezemo ariko ni rimwe mu makosa akomeye ananiza umubiri wacu. Harimo kubyukira ako kanya kuri telefoni usoma ubutumwa bugufi, ku mbuga nkoranyambaga, ku mashini y'akazi ukiva mu buriri. Ahubwo ubu bushakashatsi bugira inama ko abantu bagomba kubanza kwitegura umunsi ibi ukabikora aruko winjiye mu kazi kawe ka buri munsi. Iri kosa hari n'abarigwamo bakibereye mu buriri.

8. Gutangira akazi nta gahunda ufite y'umunsi: Iri ni ikosa rikomeye kubyuka ukajya mu mirimo ya buri munsi utarategura gahunda yawe yose y'umunsi kuko akenshi hari igihe umunsi ukwiriraho nta kintu na kimwe ukoze gifatika, ubishoboye byuka wandike ku gapapuro gahunda yawe yose y'umunsi.

9. Kubyuka utekereza ibibazo ufite: Uyu ni umwitozo twese dusabwa gukora buri gitondo aho umuntu yabyutse yishimira ibyiza yagezeho mu buzima ku rwego rwe aho kubyuka utekereza ibibazo bigukikije.

10. Gutinda kuryama ngo utabura ibitotsi: Hari abantu benshi bahitamo kujya mu buriri bakererewe ngo nibwo babona ibitotsi ku buryo bwihuse. Ibi sibyo ahubwo abahanga batugira inama ko umuntu yagombye kumenyereza umubiri we isaha yo kuryamiraho n'iyo kubyukiraho ntubihindagure uko wiboneye.

Aya makosa tumaze kuvuga agera ku icumi hiyongeraho ikosa rikomeye ku bashakanye kandi bagomba gukosora . Umunezero wa mbere ushobora gutuma umugore cyangwa umugabo yirirwa ameze neza umunsi wose ni igikorwa cyo gutera akabariro buri gitondo kuko bituma akazi bagakora neza kandi baruhutse mu mutwe.

Source : https://umuryango.rw/ubuzima-115/udushya/article/reba-amakosa-10-abantu-bakunze-gukora-mugitondo-bigatuma-birirwana-umunabi

Umugore wo mu Karere ka Ruhango akurikiranyweho kwiba uruhinja rwa mugenzi we aho yari arwariye mu bitaro.

Niyitegeka Marie Thèrese wo mu Mudugudu wa Nyamutarama, Akagari ka Kabuga mu Murenge wa Mbuye arashinjwa kwiba umwana.

Abahaye amakuru UMUSEKE dukesha iyi nkuru bavuga ko uyu Niyitegeka Marie Thèrese wari urwariye mu Bitaro Bikuru bya Kaminuza i Butare (CHUB) yacunze ko mugenzi we ahuze afata umwana we w'uruhunja abyaye aramwiba ahita acika.

Abaturage bavuga ko babonye inzego z'umutekano Polisi na DASSO zita muri yombi uwo mugore zikamushinja ko umwana ahetse yamwibye umubyeyi we mugenzi we.

Bavuze ko Niyitegeka yakuyemo inda, yigira inama yo kwiba uwo mwana kugira ngo abamubona bagire ngo ni we wamubyaye.

Umwe yagize ati 'Yibye urwo ruhinja taliki 23 Werurwe 2023 batangira kumushakisha, uyu munsi (ku wa Kabiri) nibwo yafashwe.'

Inzego zibishinzwe ntizigeze zivuga ku ifatwa ry'uyu mugore.

Bavuze ko Nyiri kwiba umwana abyiyemerera kuri ubu akaba acumbikiwe kuri Sitasiyo ya Polisi mu Murenge wa Mbuye mu gihe bategereje ko RIB iza kumutwara.

Source : https://umuryango.rw/amakuru/mu-rwanda/umutekano/article/ruhango-polisi-yafunze-umugore-ushinjwa-kwiba-umwana-mu-bitaro

Haruna Niyonzima wahoze ari Kapiteni w'ikipe y'igihugu Amavubi yahaye ubutumwa abakinnyi b'ikipe y'amavubi ndetse n'abafana mbere y'umukino u Rwanda rufitanye na Bénin kuri uyu mugoroba wo ku ya 29 Werurwe 2023.

Haruna uheruka gusinyira ikipe ya Al Ta'awon muri Libya , mu butumwa yatanze yifashishije videwo y'iminota micye yagize ati' Ati “Ndifuriza ikipe y'igihugu Amavubi, ikipe y'abanyarwanda kugira umukino mwiza, ndabizi ko ari umukino utoroshye, ni umukino buri wese yifuza gutsinda yaba ku Rwanda cyangwa kuri Benin ariko ku bwanjye amahirwe nyahaye ikipe y'igihugu yanjye nanabasabira nabifuriza kugira umukino mwiza, ndabifuriza kubyuka neza kugira ngo babashe gushimisha abanyarwanda .”

Yasoje asaba abanyarwanda muri rusange kuba hafi ikipe y'igihugu kuri uyu mukino

Ati “Ndasaba abanyarwanda ko twaba hafi y'ikipe yacu, twashyigikira ikipe yacu kandi nanizera ko abasore babishoboye kandi Uwiteka aradufasha turare twishimye, amahirwe masa, amahirwe ku banyarwanda, amahirwe ku Mavubi. “

Bénin irakina n'Amavubi idafite abakinnyi bayo batatu barimo Jordan Adéoti, Sessi d'Almeida na Ange Tchibozo bahamagajwe n'amakipe yabo kubera ko tariki ya 29 Werurwe umukino uberaho, ntiri ku ngengabihe y'imikino y'amakipe y'ibihugu yashyizweho na FIFA.

Hejuru y'ibyo, hiyongeraho ko Bénin yasabwe na Stade Brestois 29 yo mu Bufaransa ko rutahizamu wayo, Steve Mounié watsinze Amavubi mu mukino uheruka, atagomba gukina iminota irenze 30 kubera ko asanganywe imvune.

Bénin ya nyuma n'inota rimwe, irasabwa gutsinda Amavubi kugira ngo izamure icyizere cyo kujya mu Gikombe cya Afurika kizabera muri Côte d'Ivoire mu mwaka utaha.

Itsinda L riyoboye na Sénégal yamaze kubona itike n'amanota 12, igakurikirwa na Mozambique ifite amanota ane mu gihe u Rwanda rufite amanota abiri.

Source : https://umuryango.rw/imyidagaduro/imikino/article/haruna-niyonzima-yageneye-ubutumwa-amavubi-mbere-y-umukino-afitanye-na-benin

Myugariro Marcelo,umunyabigwi wa Real Madrid wayihesheje ibikombe byinshi yaganiriye byinshi ku mwuga we ndetse agaruka ku mukinnyi wamugoye mubo bahuye.

Uyu mukinnyi ukina inyuma ku ruhande rw'ibumoso,yahuye n'abakinnyi benshi basatira baciye ku ruhande rw'iburyo baba bakomeye cyane.

Marcelo yahuye n'ibyamare nka ba Robben,Nani n'abandi batandukanye ariko yavuze ko uwamuzengereje ari Lionel Messi wa FC Barcelona.

Uyu bahuye inshuro 33 banahangana mu minota 2,556.

Marcelo w'imyaka 34,yatsinzemo inshuro 10,anganya zirindi hanyuma atsindwa imikino 16 ahanganye na Lionel Messi.

Intambara y'aba bombi isa n'iyarangiye kuko bavuye muri Espagne kandi bose bari mu mpera z'umwuga wabo.

Marcelo yabwiye The Athletic ati: “Messi ntasanzwe,niwe mukinnyi ukomeye kurusha abandi bose nahuye nabo.

Twese tuzi ubuhanga afite kugeza ubu afite imyaka 35 kandi na mbere y'aho niko yari ameze.

Umukino wa El Clasico wahoze ari umukino ukomeye yaba mu kuwureba no kuwukina.Ndi umunyamahirwe bikomeye kuba narabashije gukina mu bihe byiza cyane bya El Clasico.”

Marcelo yavuze ko mugenzi we bakinannye Cristiano Ronaldo n'abandi bakinnyi bakinannye bari badasanzwe kuko batumye uriya mukino ukomera cyane.

Uyu munyabigwi yavuye kuri Bernabeu muri 2022 yerekeza muri Olympiacos yamazemo igihe gito kuko muri kwezi gushize yasubiye mu ikipe yamuzamuye ya Fluminense.

Yavuze ko inzozi ze ari ukuyikinira mu gikombe cya Copa Libertadores ndetse akayifasha kucyegukana.

Marcelo yemeje ko Messi ariwe mukinnyi wamugoye kurusha abandi

Source : https://umuryango.rw/imyidagaduro/imikino/article/marcelo-yahishuye-umukinnyi-wamugoye-kurusha-abandi-bose-bahuye

Umutinganyi yishe abana batatu akomeretsa abandi benshi mw’ishuri rya gikristu muri Leta zunze ubumwe za America. Akoresheje imbunda ya AR15.

Inzobere mu buzima zivuga ko iyi ndwara ishobora guterwa n'agahinda gakabije nyamara abenshi ntibabimenya.

Uburemba ni bumwe mu burwayi buhangayikisha umuryango bugateza amakimbirane n'urwikekwe bikaba byanatuma urugo rusenyuka.

Indwara y'uburemba ku gitsina gabo ivugwa mugihe batagishobora kugira ubushake bwo gukora imibonano mpuzabitsina, kabone nubwo haba hari ibyo abona byakamuteye ubwo bushake.

Urubuga hive health media rwanditse ko indwara y'uburemba irimo amoko abiri, hari uburemba bw'igihe gito ni ubwigihe kirekire.

Rukomeza ruvuga ko uburemba bw'igihe gito bushobora guterwa n'ihungabana umutu yatewe n'ibibazo bitandukanye umuntu ahura nabyo,mugihe uburemba bw'igihe kirekire bushobora kuvukanwa cg bukaza mu bwana

Abahanga bavuga ko hari impamvu zizwi zishibora gutera ubu burwayi.

Harimo ibibazo mu buzima bijyanye n'imigendekere mibi mu gutera akabariro bigatera kuzinukwa ubushake bukagenda burundu.

-Uburemba bushobora kuba ikimenyetso cy'uburwayi bukomeye mu mubiri, ushobora kuba utaramenya ko unabufite.

Muri ubwo burwayi harimo Diyabete, indwara z'umutima, kanseri,umwingo ndetse no kuba warigeze kubagwa bikomeye.

Igabanuka ry'umusemburo wa Testosterone (Tesitositerone) mu mubiri. Iki kibazo gishobora kuvurwa.

-Hari imiti imwe n'imwe abantu banywa nayo ishobora gukurura ikibazo cy'uburemba,kunywa inzoga nyinshi nitabi nabyo biri mu bishobora gukurura ubu burwayi.

Ikindi gikomeye gishobora gutera uburemba harimo Depression n'imihangayiko.

Urubuga hive health media ruvuga ko mugihe wumva udafite ubushake bwo gukora imibonano mpuzabitsina, uba ukwiye kwihutira kujya kwa muganga hakarebwa ikibazo gihari.

Inzobere mu buzima zivuga ko ufite ubu burwayi aba akwiye kujya kwa muganga bakareba impamvu yabuteye, ikaba ariyo ivurwa, rimwe na rimwe ngo bushobora no gukira.

Gusa abahanga bagaragaza ko impamvu abenshi batakira urwaye ubu burwayi bigatuma akenshi abigira ibanga, akabana nabwo cyangwa akivuriza ahadakwiye.

Umuntu wagize ikibazo ntakwiye kubyihererana agombye guhita ajya kwa muganga kandi agakurikiza inama agirwa.

Nubwo imibonano mpuzabitsina ari ikintu cy'ibanga kiganirwaho nawe n'umufasha wawe gusa, iyo ufite iki kibazo ni ngombwa ko ushaka ubufasha kwa muganga.

 Abaganga b'ingenzi uba ugomba kujya kwivuzaho ni abo twita aba 'urologists' bakaba bazobereye mu bibazo by'imyororokere y'abagabo n'imiyoboro y'inkari na Prostate.

Ushobora kandi no kwegera abaganga bavura indwara zo mu mutwe.

Inzobere mu buzima zivuga ko kutivuza uburwayi bw'uburemba bitera kubura urubyaro hagati y'abashakanye.

 Ubushakashatsi butangwa n'Ishami ry'Umuryango w'Abibumbye ryita ku buzima OMS, bugaragaza ko  ku mu ngo 100 zibura urubyaro 50 muri zo, biba byaraturutse ku buremba bw' umugabo.

Yvette Umutesi

The post Wari uzi ko indwara y'uburemba ivurwa igakira? appeared first on FLASH RADIO&TV.

Source : https://flash.rw/2023/03/29/wari-uzi-ko-indwara-yuburemba-ivurwa-igakira/?utm_source=rss&utm_medium=rss&utm_campaign=wari-uzi-ko-indwara-yuburemba-ivurwa-igakira

Ikipe ya Manchester United ishobora kubuzwa gukina Champions League igihe yaba iguzwe n'umuherwe Jim Ratcliffe kabone nubwo yaba yarangije mu makipe ane ya mbere.

Kugeza ubu,iyi kipe iri ku isoko ihataniwe n'abagabo babiri barimo uyu Mwongereza ndetse n'umunya Qatar witwa Sheikh Jassim bin Hamad Al-Thani.

Ikinyamakuru The Sun kivuga ko umuherwe Ratcliffe aguze Man United ashobora kuba intandaro zo kuba ishobora kuvutswa gukina Champions League kuko asanzwe afite indi kipe yitwa Nice yo mu Bufaransa.

Amategeko ya UEFA,avuga ko iyo amakipe y'umuntu umwe abonye itike yo kwerekeza mu irushanwa rya Champions League,ikipe yarangije ku mwanya mwiza kurusha indi niyo ikina irushanwa.

Ibi bivuze ko United ibonye itike ya Champions League na Nice ikayibona byatuma ikipe imwe yarangije ku mwanya mwiza muri shampiyona ikinamo ariyo yemererwa gukina iri rushanwa.

Igihe Ratcliffe yagura Man United hanyuma Nice ikarangiza ku mwanya wa gatatu muri Ligue 1 naho United ikaba iya kane muri Premier League,Nice yaje hafi niyo yakina Champions League.

Icyakora ubu Nice ni iya karindwi muri Ligue 1 aho irushwa amanota 13 na Lens ya gatatu mu gihe Man United ari iya gatatu mu Bwongereza ndetse ifite amahirwe menshi yo kuba yakina iri rushanwa iramutse iguzwe n'uriya muherwe wa mbere mu Bwongereza.

Source : https://umuryango.rw/imyidagaduro/imikino/article/umuherwe-uzagura-manchester-united-ashobora-kuyibuza-gukina-champions-league

Source : https://umuryango.rw/inkuru-zamamaza-85/article/ivuriro-kundubuzima-health-care-ryabazaniye-umuti-witwa-supreme-detox-ukuraho

No more demonstrations in Kisumu, Governor Nyongo We shall have […]

The post No more demonstrations in Kisumu, Governor Nyongo appeared first on UGWIRE.

Source : https://ugwire.com/no-demonstrations-maandamano-kisumu-anyang-nyongo/

Myugariro mpuzamahanga w’umunyarwanda Emery Bayisenge yamaze kwerekanwa mu ikipe ya Gor Mahia muri Kenya.

Iyi kipe ibinyujije ku mbuga nkoranyambaga za yo Gor Mahia yatangaje ko yamaze gusinyisha uyu mukinnyi nka myugariro mushya wa yo.

Emery Bayisenge wakiniraga ikipe ya Saif Sporting Club, akaba yasinyiye iyi kipe amasezerano y’umwaka n’igice.

Gor Mahia yo muri Kenya yanyuzemo abanyarwanda nka Meddie Kagere, Abouba Sibomana, Jacques Tuyisenge na Mugiraneza Jean Baptiste Migi.

Emery ukina mu mutima w’ubwugarizi kimwe n’abandi bashya 5 batangarijwe rimwe, biteganyijwe ko bagiye gukomeza gufasha iyi kipe muri shampiyona aho mu mikino 20 ari yo ya mbere n’amanota 42.

Emery Bayisenge yakiniye amakipe atandukanye arimo APR FC na AS Kigali zo mu Rwanda, Kenitra na JS Massira zo muri Maroc, Saham Club yo muri Oman USM Alger yo muri Algeria na Saif Club yo muri Bangladesh aherukamo.

Emery Bayisenge yatangajwe nk’umukinnyi mushya wa Gor Mahia

Source : http://isimbi.rw/siporo/article/emery-bayisenge-yatangajwe-mu-ikipe-nshya