Category: Uncategorized

Perezida Paul Kagame yabonanye na Prof Jacques Marescaux washinze unayobora Ikigo gikora ubushakashatsi kikanatanga amasomo mu kubaga umuntu hifashishijwe ikoranabuhanga (IRCAD) wari kumwe n'intumwa ayoboye, kuri uyu wa Gatatu tariki 29 Werurwe 2023.

Baganiriye ku guhugura abaganga ku ikoranabuhanga rishya ryo kubaga bidasabye ko hasaturwa igice kinini cy'umubiri.

The post <strong>Perezida Kagame yaganiriye n'umuyobozi w'ikigo kibaga abantu ku ikoranabuhanga</strong> appeared first on FLASH RADIO&TV.

Source : https://flash.rw/2023/03/29/perezida-kagame-yaganiriye-numuyobozi-wikigo-kibaga-abantu-ku-ikoranabuhanga/?utm_source=rss&utm_medium=rss&utm_campaign=perezida-kagame-yaganiriye-numuyobozi-wikigo-kibaga-abantu-ku-ikoranabuhanga

Iyi filime iri mu biganza bya King Sabas nawe uzakina muri iyi filime; hari kandi Lavine, Mugisha n’abandi.

'Siperansiya' cyangwa Intare y'Ingore yabwiye InyaRwanda ko n’ubwo ari bo batangiye gukina mu bice bya mbere by’iyi filime ‘ariko izagaragaramo n’abandi bakinnyi ba hano mu Burundi b’abasitari b’inaha b’abarundi’.

Uyu mukinnyi wa filime wagize izina rikomeye abicyesha filime ‘Seburikoko’, yavuze ko iyi filime izagaragaza impinduka bitewe n’uko habayeho guhuza imbaraga hagati y’abatuye ibihugu byombi.

Akomeza ati “Baba bagutekereje cyangwa baba bakubonyeho ko ushobora gushobora ibyo baba bagusabye ko wabakiniramo. Twarahageze, batwakira neza, hari ikiganiro n’abanyamakuru cyabaye. Ni ibintu byinshi byagiye biba bigiye bitandukanye.”

'Siperansiya' yavuze ko muri rusange iyi filime ‘Ingaruka’ yubakiye ku kugaragaza ko iyo ugize neza, ineza uyisanga imbere kandi ko n’iyo ugize nabi nabwo bikugiraho ingaruka. Akomeza ati “Igihe icyo ari cyo cyose, iyo ubibye icyiza usarura icyiza, iyo ubibye inabi n’ubundi nawe urayisarura.”

Muri iyi filime, Irunga aba ari umugabo wa Siperansiya baba barashyingiranwe Siperansiya atabishaka kubera ko aba yarabanje kumutera inda. Uyu mugabo aba akora ibikorwa by’ubushabitsi binyuranye.

Muri uko kubana nk’umugabo n’umugore, Siperansiya ntiyigeze amukunda ntarimwe. Bigera n’aho Irunga abona ko umugore we atamukunda atangira ibikorwa byo kumutoteza, bahora mu makirimbirane adashira.

Kugeza ubu, hamaze gufatwa amashusho y’igice cya mbere (Season 1) cy’iyi filime muri ‘Season’ esheshatu abakinnyi bazakina.

‘Siperansiya’ [Uwa Gatatu uvuye iburyo] na Irunga [Uwa Mbere uvuye ibumoso] bari kubarizwa mu Burundi, aho batumiwe gukina muri filime ‘Inyungu’    

Irunga Rongin, umukinnyi wa filime umaze igihe kinini. Agezweho muri iki gihe binyuze muri filime zirimo ‘Bamenya’ itambuka kuri shene ya Youtube 

‘Siperansiya’ yavuze ko bakiriwe neza mu Burundi, kandi ko bagiranye ikiganiro n’itangazamakuru basobanura birambuye ibijyanye n’iyi filime 

‘Siperansiya’ na Irunga bavuga ko iyi filime izaba yihariye bitewe n’uko abanyarwanda n’abarundi bahuje imbaraga 

Muri filime, Siperansiya akina ari umugore wa Irunga, ariko urugo rw’abo rwugarijwe n’amakimbirane

Source : https://inyarwanda.com/inkuru/127558/siperansiya-yavuze-kuri-filime-bari-gukinira-mu-burundi-na-irunga-rongin-amafoto-127558.html

Ikipe ya Rwamagana City ubu ikomeje guhatanira kuguma marushanwa ya shampiyona y’umupira mu cyiciro cya mbere kuko kugeza ubu ifite amanota 23 n’umwanya wa 13. Abakurikiranira hafi gahunda yayo bavuga ko mu mikino isigaye igomba gukora ibishoboka ikabonamo amanota nibura 10 kugira ngo itazasubira mu cyiciro cya kabiri.

Muri Nyakanga 2022, mu karere ka Kayonza habereye inama yari igamije gufata ingamba zo guteza imbere siporo mu Ntara y’Iburasirazuba. Muri iyo nama hafashwe umwanzuro ko uturere dutandatu muri 7 tugize iyo Ntara tugomba guhuza imbaraga bakagira ikipe imwe ifashwa b’Uturere tubiri , akarere ka Bugsera kakazirwanaho mu gutunga ikipe yabo Bugesera FC.

Akarere ka Nyagatare na Gatsibo tuzahurira kuri Sunrise FC ndetse ikaba ishobora kugumana izina ryayo cyangwa rigahinduka ikitwa Umutara FC dore ko bahoze bafite ikipe bahuriyeho hataraba kugabanya Intara. 

Akarere ka Ngoma na Kirehe bazahurira kuri Etoile de l’Est kugeza iyoboye itsinda yarimo ikaba yaramaze kumenya ikipe bizahura mu mikino ya 1/4 mu cyiciro cya 2. Hari abavuga ko Etoile de l’Est nayo ishobora kwitwa Gisaka United FC.

Akarere ka Rwamagana na Kayonza bazahurira ku ikipe ya Rwamagana City ndetse amakuru yizewe inyaRwanda yamenye ni uko iyo kipe nta gihindutse izitwa Buganza FC, nyuma hakazatekerezwa amazina atatu agomba kuvamo izina abaturage bo muri utwo turere bazayibonamo. Amazina yagomba kuvamo izina ryayo ni Buganza FC na Muhazi FC.

Izina ryifuzwa n’impande zombi ni Buganza FC ndetse ntagihindutse izaritangirana umwaka w’imikino utaha, ndetse uturere twa Rwamagana na Kayonza tuzashyiramo ingengo y’imari ihagije izatuma iyo kipe ibasha guhangana n’andi makipe muri shampiyona.

Umuyobozi w’Akarere ka Rwamagana, Mbonyumuvunyi Radjab, kuwa 13 Werurwe 2023  ubwo yaganiraga n’itangazamakuru, yahamije ko akarere ka Rwamagana na Kayonza tuzafatanya gutera inkunga Rwamagana City FC.

Mu kiganiro umuyobozi w’Akarere Kayonza yagiranye n’abanyamakuru kuwa kane tariki 23 Werurwe 2023 abajijwe gahunda aka karere gafite mu guteza imbere siporo, yashimangiye ko hari ubufatanye buzabaho hagati y’uturere twa Rwamagana na Kayonza mu rwego rwo guteza imbere siporo.

Umuyobozi wa Rwamagana City FC, Uwimana Nehemie, yabajijwe n’umunyamakuru wa InyaRwanda.com niba ibivugwa ko Rwamagana City izitwa Buganza FC, avuga ko bishoboka, ariko ihinduye izina iryo zina riri mu yifuzwa.

Ati: “Nkuko mubivuze hari igitekerezo cy’uko ikipe yafashwa n’uturerere twa Rwamagana na Kayonza. Ibyo guhindura izina ntabwo biraba ariko bibaye ngombwa iryo uvuze riri mu mazina twahitamo ariko ntabwo ikipe yigeze ihindura izina irakitwa Rwamagana City nkuko bisanzwe.”

Nubwo umuyobozi wa Rwamagana City igisubizo yatanze kitahamije izina Buganza FC, amakuru twahawe n’umwe mu banyamuryango b’iyi kipe, yatubwiye ko ryamaze kwemezwa kuko byifuzwa n’abo mu karere ka Kayonza.

Impamvu bashingiyeho bita ikipe iryo zina ni uko Ubuganza cyari ibice cy’Igihugu cyaborwaga n’umutware – uwuzwi cyane ni Faransisiko Rwabutogo ndetse Ubuganza bwafataga igice cya Rwamagana ndetse n’igice kimwe cya Kayonza.

Impamvu ya kabiri Ubuganza biva ku nshinga “Kuganza”, ibyo nabyo byatumye abashakaga ko ikipe yitirirwa ikiyaga cya Muhazi, baganzwa n’abifuza ko yitwa Buganza.

Source : https://inyarwanda.com/inkuru/127565/impamvu-rwamagana-city-ishobora-kwitwa-buganza-fc-127565.html

Harabura amasaha make ikipe y’igihugu Amavubi igacakirana na Benin mu mukino w’umunsi wa 4 w’itsinda L mu gushaka itike y’igikombe cy’Afurika cya 2023 kizabera muri Côte d’Ivoire.

Ni umukino uri bube uyu munsi tariki ya 29 Werurwe 2022 aho uri bubere i Kigali kuri Kigali Pelé Stadium saa 15h00′.

Nta mpinduka nyinshi yakoze ugereranyije n’abakinnyi babanjemo ku mukino ubanza aho banganyije na Benin muri 1-1.

Impinduka zabaye ni Hakim Sahabo utari bukine uyu mukino kubera ikarita itukura yabonye ku mukino ubanza, yahise agarura Rafael York mu kibuga hagati maze yinjizamo Muhozi Fred mu busatirizi.

Serumogo Ali kandi yaje mu mwanya wa Omborenga Fitina wari babanjemo umukino ubanza.

Ni mu gihe indi mpinduka ari iya Steve Rubanguka utarakinnye umukino ubanza kubera ko atajyanye n’ikipe muri Benin kubera kubura ibyangombwa, yasimbuye Djihad Bizimana.

Uyu mutoza umenyerewe kuri sisiteme ya 3-5-3 ariko ku mukino wa Benin ubanza yakoresheje 4-3-3 akaba ari na yo ari bukoreshe uyu munsi.

11 bari bubanzemo

Umunyezamu: Ntwali Fiacre

Ba Myugariro: Serumogo Ali, Manzi Thierry, Mutsinzi Ange Jimmy na Imanishimwe Emmanuel Mangwende

Abakina Hagati: Rubanguka Steve, Muhire Kevin na Rafael York

Ba Rutahizamu: Mugisha Gilbert, Muhozi Fred na Meddie Kagere

11 abanzamo ku mukino wo kwishyura wa Benin

Source : http://isimbi.rw/siporo/article/impinduka-muri-11-b-amavubi

Turamenyesha ko uwitwa TUYIZERE THEOPHILA mwene Muvunyi Samuel na Musengimana, utuye mu Mudugudu wa Byimana, Akagari ka Kitazigurwa, Umurenge wa Muhazi, Akarere ka Rwamagana, mu Ntara y'Iburasirazuba wanditse asaba uburenganzira bwo guhinduza amazina asanganywe ariyo TUYIZERE THEOPHILA, akitwa BATAMURIZA Theophilla mu gitabo cy'irangamimerere. Impamvu atanga yo guhinduza izina ni Niyo mazina nakoresheje mu ishuli kuva ngitangira kwiga.

The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.

Source : https://rushyashya.net/ingingo-zingenzi-zimpamvu-yo-gusaba-guhinduza-amazina-45/?utm_source=rss&utm_medium=rss&utm_campaign=ingingo-zingenzi-zimpamvu-yo-gusaba-guhinduza-amazina-45

Turamenyesha ko uwitwa MIZERO Oscar mwene Ntigurirwa Pascal na Mukamana Marie, utuye mu Mudugudu wa Kagunga, Akagari ka Gasharu, Umurenge wa Nyamirambo, Akarere ka Nyarugenge, mu Mujyi wa Kigali wanditse asaba uburenganzira bwo guhinduza amazina asanganywe ariyo MIZERO Oscar, akitwa MIZERO NYABAMI mu gitabo cy'irangamimerere. Impamvu atanga yo guhinduza izina ni Ndashaka izina ry'umuco nyarwanda.

The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.

Source : https://rushyashya.net/ingingo-zingenzi-zimpamvu-yo-gusaba-guhinduza-amazina-46/?utm_source=rss&utm_medium=rss&utm_campaign=ingingo-zingenzi-zimpamvu-yo-gusaba-guhinduza-amazina-46

Mu gihe abahinzi batakaga kutabona inguzanyo zishingiye ku musaruro w'ubuhinzi, bamwe batuye mu Mirenge yo mu Karere ka Nyamasheke baravuga ko kuba bashyiriweho inguzanyo zishingiye ku musaruro w'ubuhinzi bigiye kuzamura iterambere ry'ubuhinzi n'ubworozi bakoragabakoraga.

Hirya no hino mu gihugu usanga Abahinzi bataka kutabona inguzanyo zishingiye ku musaruro w'ubuhinzi n'ubworozi  bo mu mu Mirenge ya Karambi, Macuba n'indi irimo abaturage bakorana na Koperative umurenge Sacco, Karambi vision Sacco bagiye kujya bahabwa iyo nguzanyo nk'uko bisobanurwa na Kajyimbangabo Jean, Perezida w'iyi Sacco.

Ati 'Ni ukumvikanisha tukumva ko tugiye gukora iyo serivisi nshyashya, ninabyo twasabaga abanyamuryango bagize inteko rusange ko batwemerera tukavugurura iyo politiqwe y'inguzanyo, kugira ngo icyo nacyo tucyongeremo.'

Ni ibyatanze igisubizo kuri aba bahinzi n'aborozi, benshi muri bo bakaba bahinga b'icyayi, bavuga ko Aacco y'Abahinzi b'icyayi ya gatare yabahaga inguzanyo ntoya bityo ko bigiye kubafasha kwagura ubuhinzi bakoraga.

Umwe ati 'Abahinzi b'icyayi abenshi cyane baba ari abakire bakenera amafaranga menshi cyane, ngo biteze imbere ariko Sacco ya Cyivugiza ntabwo igira amafaranga menshi, itanga amafaranga macye ashobora gutuma imishinga y'ahabinzi idatera imbere.Tukimara kumva ko hari inguzanyo tuzahabwa hano turabyishimiye cyane, njye ndi muba mbere bazafata iyo nguzanyo.'

Undi ati 'Icyayiu gihingwa gatatu cyangwa kane mu mwaka, azadufasha kubagara kiriya cyayi gitange umusaruro, bizadufasha kubona umusaruro. Iyo tutakibagaye ntitubona umusaruro uhagije, ikindi kandi bizadufasha kwiteza imbere mu ngo zacu'

.

Umuyobozi wa Sacco Vision Karambi, Bumbari Machiavel, avuga ko ari ikifuzo cyaturutse ku banyamuryango aho ngo hari abahinzi bari barasigaye inyuma, bakazajya bishyura nyuma y'amezi ane.  

Ati 'Kiriya gitekerezo cyaturutse ku cyifuzo cy'abanyamuryango bamaze kutubwira ko twanoza serivisi dutanga tukabihuza nibyo bakenera, ariko cyane cyane ibyiciro by'abahinzi borozi bataragera ku rwego rushimishije. Rero twabashije gukora iyi gahunda y'inguzanyo yitwa Aguka Muhinzi kugira ngo ifashe abahinzi, icyo bifuza ni uko bakwishyura bashingiye ku musaruro ariko wowe ukamuha inguzanyo yajyana mu mushinga w'iterambere ugamije kugira icyo umugezaho. Rero twabahaye amezi ane kuko hari ibyerera amezi atatu ugashyiraho n'ukundi ko kujyana ku isoko.'

Sacco ya Karambi ifite abanyamuryango basaga ibihumbi 11, bakaba bavuga ko izi gahunda z'inguzanyo zizongera ubwinshi bw'igishoro bafite no kuzamura imibereho y'abanyamuryango ndetse zikazaba zifite ubwishingizi.

Sitio Ndoli

The post <strong>Nyamasheke: Abahinzi bagiye kujya bahabwa inguzanyo ishingiye ku musaruro</strong> appeared first on FLASH RADIO&TV.

Source : https://flash.rw/2023/03/29/nyamasheke-abahinzi-bagiye-kujya-bahabwa-inguzanyo-ishingiye-ku-musaruro/?utm_source=rss&utm_medium=rss&utm_campaign=nyamasheke-abahinzi-bagiye-kujya-bahabwa-inguzanyo-ishingiye-ku-musaruro

Umuyobozi w'umujyi wa Goma afatanije n'umuyobozi wa Gisirikare mu ntara ya Kivu y'amajyaruguru yahamagariye urubyiruko ruva mu mitwe y'inyeshyamba itandukanye, kwinjira mu gisirikare no mu gipolisi kugira ngo bafashe abandi kubungabunga umutekano wo muri uyu mujyi, kuko ngo ushobora kwibasirwa n'inyeshyamba za M23

Ibi yabigarutseho kuri uyu wa 28 Werurwe mu nama y'imbonankubone yagiranye n'abayobozi bo mu nzego z'ibanze, abahagarariye imitwe y'inyeshyamba itandukanye ikomoka imbere mu gihugu n'indi miryango itegamiye kuri Leta.

Rwanda Tribune dukesha iyi nkuru ivuga ko mu ngingo y'umutekano yagaragaje ko umutekano ugenda urushaho kuba muke ndetse bakaba bafite ubwoba ko inyeshyamba za M23 zigenda zivuga ko ziri kurekura ibice bitandukanye, zishobora kuba ziri kwegeranya imbaraga kugira ngo zibone uko zimanukira mu mujyi zifite imbaraga.

Muri iyi nama hagaragajwe ko ikibazo cy'umutekano wo muri Kivu y'amajyaruguru umeze nabi kandi ko no mu mujyi wa Goma usanzwe ari umurwa mukuru w'intara naho bitameze neza.

Zimwe mu ngamba zafashwe harimo kuba hari ingando za gisirikare ziri kubera ahantu hatandukanye mu mujyi wa Goma nko mu gace ka Munzenze no mu gace ka Katindo.

Indi ngamba ni urubyiruko rwakoze itsinda ryitwa Wazalendo rwiyemeje gufata intwaro rukarwanya inyeshyamba zoze z'inyamahanga ziri k'ubutaka bwa Congo mu rwego rwo kurengera ubusugire bw'igihugu cyabo, ruhereye ku nyeshyamba za M23

Komiseri Mukuru François Kabeya Makosa we mbere na mbere yishimiye iki gikorwa cy'abaturage cyo kwegera ubuyobozi, avuga ko bizatanga umusaruro ushimishije, kuko kwishyira hamwe nibyo bizagwiza imbaraga z'igihugu ndetse bagashobora guhashya umwanzi.

Kabeya Makosa avuga ko asangiye imibabaro n'abaturage, mu gihe yabahamagariye gukomeza kuba maso no kureba ukora ibitajyanye mu baturanyi babo.

yongeyeho ati' Guhuriza imbaraga hamwe kw'urubyiruko, abaturage n'ubuyobozi nibyo bizatuma dushobora kurinda ubusugire bw'igihugu cyacu'

Source : https://umuryango.rw/amakuru/mu-mahanga/umutekano/article/guverineri-wa-goma-yatanze-impuruza-kubera-ubwoba-bw-uko-m23-yabatera

By'umwihariko hano mu Rwanda dukurikije n'umuco, imyumvire na kamere y'abanyarwanda, hari ibyo umukobwa yakorera umusore bakundana akarushaho kumwishimira. Muri ibyo harimo ibi bikurikira :

1. Mwubahe umwereke ko ari umuntu w'igiciro kuri wowe, wirinde kumwereka ko agukundira ko uruta abandi ahubwo umwereke ko agukundira agaciro umuha abandi batamuha bityo bizatuma akwimariramo kuko burya abahungu bakunda kubahwa cyane.

2. Jya umutungura(surprise) umusohokane cyangwa umugurire impano bitewe n'ubushobozi ufite kabone n'ubwo umukunzi wawe yaba yishoboye cyane kukurusha ! N'iyo wamugurira agakarita ka phone biba bihagije. Burya umukunzi wawe biramwubaka bigatuma akugirira icyizere ko utarambirije ku bintu (materialism) kandi ushishikajwe no kumwitaho.

3. Jya wishimira gusangira na we, umutumire musangire kandi umugaragarize ko gusangira na we ntako bisa ! Rimwe na rimwe muri gusangira mwenyine jya umutamika burya abahungu nabo bifuza kwitabwaho nk'abana.

4. Jya umuhamagara kenshi cyangwa umwoherereze ubutumwa bugufi umwereke ko umuzirikana, umubaze uko yiriwe cyangwa uko yaramutse, niba yariye n'icyo yariye ! Bizatuma ahora aterwa ishema n'uko hari umuntu umuzirikana wifuza kumumenyera buri kimwe cyose.

5. Niba muri kumwe, jya ukunda kumuganiriza ku buzima bwawe bwa buri munsi no ku dukuru tujyanye n'inshuti zawe z'abakobwa nk'uburyo babanye n'abakunzi babo n'ibindi, mbese n'ibyo ubona bikwiye ku bakundana ubivugeho utanze urugero ku bandi, bimwubakamo kurushaho kukwiyumvamo.

6. Jya umwita akazina k'igiciro muri kumwe unakandike nk'izina rye kuri nimero ye ya telefone bityo bizamwereka ko nta pfunwe uterwa no kuba umufite nk'umukunzi. Ni bibi cyane kwandika nko muri telefone izina ridasobanutse, utumenyetso cyangwa impine z'amazina kuko bishobora gutuma akeka ko umutendeka ukaba wirinda ko abandi babona utwo tuzina nka honey, my love, Sweetheart,…

7. Nimuba muri kumwe mugahura n'inshuti zawe ntukazuyaze kuziratira uwo wihebeye muri kumwe, bituma arushaho kukugirira icyizere no kumva ko umuhesha agaciro mu bandi.

8. Ntukagire ibintu byawe utinda kumugezaho. Niba ugize amahirwe nko kuzamurwa (promotion) mu kazi cyangwa ikindi kintu wungutse mu buzima, bimumenyeshe musangire ibyishimo. Nuhura n'ikibazo nabwo ntukazuyaze kumumenyesha no kumusaba inama.

9.Niba yibana jya umusura umuterere ipasi, umutekere icyayi,… Ni utuntu tworoheje ariko tumucengera agatwarwa wese.

10. Jya umuganiriza kubuzima bwanyu bw'ahazaza bimwereke ko umwibonamo, umwizera kandi umufiteho ibyifuzo byiza n'umugambi uhamye mu gihe cy'ahazaza.

Source : https://umuryango.rw/ubuzima-115/udushya/article/reba-ibintu-10-umukobwa-ashobora-gukorera-umusore-bakundana-bigatuma-amutwara

Ingabo za Uganda zinjiye muri DRC n'ibikoresho bikomeye aho zigiye gufatanya n'iza EAC mu kugarura amahoro.Amakuru aravuga ko zinjiriye mu bice bifitwe na M23.

Ubuyobozi bw'Ingabo za Uganda bwabyutse bwemeza ko abasirikare b'iki gihugu bari ku mupaka wa Bunagana aho babombaga kwinjira muri Repubulika ya Demokarasi ya Congo kugarura amahoro.

Abo basirikare bari mu Ngabo z'Umuryango wa Afurika y'Iburasirazuba zatoranyijwe kujya mu butumwa bwo kugarura amahoro, EACRF.

Ingabo za Uganda, UPDF zigomba gukorera muri Teritwari ya Rutshuru mu Ntara ya Kivu y'Amajyaruguru hamaze igihe mu biganza by'umutwe w'inyeshyamba wa M23.

Kuri uyu wa Gatatu, Ubuvugizi bwa UPDF bwanditse kuri Twitter ko abasarikare boherezwa mu butumwa bw'amahoro muri RD Congo bari ku mupaka wa Bunagana aho bategereje guhabwa ibendera rya Uganda.

Herekanywe imodoka z'intambara n'imbunda rutura bagomba kujyana muri Rutshuru guhagarika imitwe y'inyeshyamba irangajwe imbere na M23.

Ingabo za Uganda zisanze muri RD Congo iza Kenya n'u Burundi zatangiye imirimo muri EARCF.

Ingabo z'u Burundi ziri mu bice bya Sake, Kilorirwe, Kitchanga, iza Kenya zigakorera muri Kibumba, Rumangabo, Tongo, Bwiza na Kishishe.

Ni mu gihe Ingabo za Sudani y'Epfo zigomba kujya mu duce twa Rumagabo zigakorana n'iza Kenya, naho Ingabo za Uganda zikajya muri Bunagana, Kiwanja/Rutshuru na Mabenga.

Uganda isanganywe abasirikare basaga 1000 mu bikorwa byo kurwanya umutwe wa ADF, muri Ituri.

Source : https://umuryango.rw/amakuru/mu-mahanga/umutekano/article/rdc-ingabo-za-uganda-zinjiriye-mu-matware-ya-m23-n-ibikoresho-bikomeye