Category: Uncategorized

Iki gikorwa cy’ubukangurambaga ni igikorwa cyatangiye ku wa Mbere w’icyumweru gishize, tariki 27 Werurwe 2023, kikaba ari igikorwa kimaze igihe ariko cyari kigamije kwibutsa nk'uko twabitangarijwe na Beatha Akimpaye, Umuyobozi Ushinzwe Ishami rikurikirana iyubahirizwa ry'amategeko arengera ibidukikije.

Kugira ngo ibyo bikoresho bifatwe, hakorwa ubugenzuzi buhoraho, aho REMA igenda igenzura mu maguriro manini n’abacuruzi banini, hagamijwe gushakisha isooko y’ibyo bikoresho bikigaragara ku masoko hirya no hino. Mu magenzura aherutse, REMA yabonye ububiko bw’ibyo bikoresho mu mujyi wa Kigali burimo ibigera kuri toni eshanu, nk’uko yabigaragarije itangazamakuru kuri uyu wa Kabiri tariki 4 Mata 2023.

Maniraguha Alexandre, umwe mubo basanganye ibi bikoresho byafatiriwe, yadutangarije ko Rema yabitwaye abimaranye hafi imyaka 3 biri muri ‘stock’.

Yagize ati: “Rema yaje kumenya amakuru ko hari stock iri hano, iyo stock ikaba yari imaze hafi imyaka 3 hano ifunze kuko bakimara kuduhagarika, imyaka ibiri baduhaye yari mikeya. Twarabifashe, twanga kubisubiza ku isoko, tubicungira hano muri contineri.”

Uyu mucuruzi wemera ko habayeho ibiganiro mbere y’uko baza kumufungira, yavuze ko ajya kurangura yari yaranguye ibizamara imyaka icumi, bityo ko byamuteje igihombo kuko babahaye gusa imyaka ibiri yo kubicuruza ngo babe babimaze.

Yifuza ko aho kubitwara bari bakwiriye kubongerera igihe, kuko byabateje igihombo. Yadutangarije ko stock ye yafatiriwe ihagaze muri miliyoni 5 z’amafaranga y’u Rwanda, ariko ko muri rusange abara ko bizamutera igihombo kiri hagati ya miliyoni 30 na 25.

Maniraguha Alexandre wafatanywe ibikoresho bya pulasitiki bikoreshwa rimwe avuga ko yahombye 

Ati: “Twifuza ko batwereka indi nzira yo gukora, turi abashoramari ntabwo tuzarekeraho gukorera igihugu cyacu, batwereke indi nzira nziza, umurongo mwiza tugenderaho kuko turi abashoramari, dukeneye ko igihugu cyacu tugikorera, tugisorera… Ibi bisigaye muri kontineri ni nka miliyoni 5. Igihombo cyo twarakigize cyane, kuko niba w'imporse ibintu uzacuruza mu myaka 10 ukabicuruza mu myaka ibiri nabwo ubyirukansa cyane, igihombo cyo twarakigize…Nteganya igihombo hagati ya miliyoni 30 na 25.”

Ku ruhande rwa REMA, ivuga ko abacuruzi n’abandi bashoramari batatunguwe n’ibi byemezo biri gufatwa.

Madamu Beatha Akimpaye, Umuyobozi ushinzwe Ishami rikurikirana iyubahirizwa ry’amategeko arengera Ibidukikije, yavuze ko itegeko ribuza amasashi ryashyizweho cyera mu mwaka wa 2008, rikaza kuvugururwa ubwo Leta y’u Rwanda yabonaga ko n’ibikoresho bikozwe muri pulasitiki bikoreshwa rimwe nabyo byangiza ibidukikije.

Asobanura ko hanabayeho ubukangurambaga, kwigisha, inama ndetse n’ibindi bigamije gukangurira abantu kumva akamaro k’iri tegeko n’ubwo hari ababirengaho.

Ati: “Abantu ntabwo bahita bahindukira rimwe. REMA ifite inshingano zo gukurikirana buri munsi ko iryo tegeko rishyirwa mu bikorwa, ko hatagira abarirengaho, ni inshingano ifite nk'uko n'ubundi ikurikirana n'andi mategeko yubahiriza Ibidukikije. Muri uko rero kubishyira mu bikorwa, REMA binyuze muri rya shami, REMA ikora ubugenzuzi ikajya ahantu hatandukanye, ikajya mu masoko, muma alimentations, mu mabutike atandukanye kugira ngo irebe ko hatari abarimo kurenga kuri rya tegeko.

Niyo mpamvu mwabonye ibi bikoresho, ni ibigenda bifatwa muri ubwo bugenzuzi …byanyuze muri ubwo bugenzuzi REMA imazemo iminsi, guhera kuwa Mbere w'icyumweru gishize kugeza uyu munsi. Akaba ari ubugenzuzi bukomeza, akaba ari n'ubugenzuzi dukora buri munsi.”

Madamu Beatha yakomeje avuga ko impamvu bidashira ku isoko ari uko hari abantu banyura inyuma bakabizana mu buryo bwa magendu cyangwa no mu buryo bw’amayeri bakoresha, bakabyitirira ibindi bikoresho bityo abashinzwe ubugenzuzi rimwe na rimwe bikaba byabaca mu rihumye.

Asaba abaturage gufatanya n’inzego bireba zose bagatanga amakuru kuko akenshi baba bazi ababikora.

Yemeza kandi ko abasanganywe ibyo byafatiriwe, bahawe igihe gihagije cyo kugira ngo babe babikuye muri stock babigurishije, ndetse abafite inganda zibikora mu Rwanda bahabwa imyaka ibiri. Avuga ko bari babizi ko bibujijwe, mbese ko batatunguwe kuko “Abo mwabonye abenshi turahorana, turigana, …aho ngaho haba habayeho kwirengagiza amategeko.”

“Nk'uko za magendu zinjira mu gihugu,…umva kanyanga yaraciwe ariko tukaba tukizibona mu gihugu n'ibyo bikoresho bimwe biza muri ubwo buryo. Ubundi hakaba igihe wenda abantu baje babihishe babyita ibindi bikoresho…”

Hari izindi nzego za Leta zifatanya na REMA “inshingano zo gukora ubuvugizi kuri ibi; hari inzego z'ibanze, hari Rwanda Revenue, hari RICA, hari Rwanda National Police, hari inzego zitandukanye zikorera kuri za gasutamo,…' gusa abacuruzi bamwe babirengaho.

Madame Beatha Akimpaye asaba abashoramari kureka kwihombya no guhombya Leta

Agira inama abashoramari n’abacuruzi kubahiriza itegeko ryo kubungabunga ibidukikije, kuko bizabarinda ibihombo binabirinde igihugu cyacu, anongeraho ko ubukangurambaga buzakomeza.

Ku rundi ruhande rwa bimwe mu bikoresho bikigaragara nyamara ari amasashi cyangwa se bikozwe muri pulasitiki ikoreshwa rimwe, nko kwa muganga n’ahandi, yavuze ko 'mu gihe umuntu afite ibyo akora cyangwa se product bigaragara ko mu Rwanda cyangwa se ku ruhando mpuzamahanga hataraboneka igikoresho gisimbura pulaistiki (ikoreshwa rimwe) cyangwa isashi, uwo muntu asaba uruhusa mu nyandiko ku rwego rubifitiye ububasha arirwo REMA, hakarebwa neza niba ibyo avuga aribyo uwo muntu ashobora guhabwa uruhusa rumwemerera kuba yakoresha ibyo bikoresho. Ni muri urwo rwego nshyiramo ibikoresho byo kwa muganga.'

Itegeko N° 17/2019 ryo ku wa 10/08/2019 ryerekeye kubuza ikorwa, itumizwa mu mahanga, ikoreshwa n’icuruzwa ry’amasashe n’ibikoresho bikozwe muri pulasitiki bikoreshwa inshuro imwe; riteganya ibihano ku barirenzeho mu ngingo yaryo ya 9, 10,11 na 12.

Ibyo bihano birimo gufungirwa ibikorwa, kwamburwa ayo masashe n’ibyo bikoresho ndetse no kwishyura ihazabu yo mu rwego rw’ubutegetsi ingana na 10,000,000 Rwf; kwishyura ihazabu ingana n’inshuro icumi z’agaciro k’ayo masashe n’ibyo bikoresho; ihazabu ya 700.000 FRW n’ihazabu ya 300.000 FRW kandi ayo masashe n'ibyo bikoresho akabyamburwa (ibihano bikurikirana uko ingingo zikurikirana).

Kontineri y'ibikoresho bya pulasitiki bikoreshwa rimwe byafatanywe Maniraguha Alexandre

Bimwe mu biooresho bya pulasitiki bikoreshwa rimwe biri kuri REMA byafatanywe abacuruzi n'abashoramari

Ibi nabyo byafatiwe muri 'stock' y'umucuruzi, mu mujyi wa Kigali 

Harimo n'udukombe twifashishwa mu kunywa ibintu

Abakuru b'ibihugu byombi babigarutseho mu kiganiro bagiranye n'itangazamakuru mu ruzinduko William Ruto yagiriye mu Rwanda ku butumire bwa mugenzi we Paul Kagame.

Muri uru ruzinduko hasinywe amasezerano 10 agamije gushimangira ubufatanye mu ngeri zitandukanye zirimo uburezi, ubuzima, ubuhinzi, ikoranabuhanga n'izindi.

Perezida William Ruto yavuze ko hari impinduka zagaragaye mu kwezi gushize mu Burasirazuba bwa Congo, ku buryo ubu hari ibyo kwishimira.

Ati 'Amakuru meza ahari ni uko mu kwezi gushize, twabonye impinduka nziza nyinshi zigendanye n'ibibazo by'umutekano mu Burasirazuba bwa RDC. Ubu dufite izindi ngabo zasanze iza Kenya zari zimaze amezi arenga atandatu, iz'u Burundi zagezeyo, iz'u Burundi, izo muri Angola nazo zagiyeyo mu gutanga umusanzu kugira ngo ituze riboneke.'

Ruto yavuze ko imitwe yitwaje intwaro nayo yasabwe gushyira intwaro hasi, ahubwo ikubahiriza ibikubiye mu masezerano yo kugarura amahoro mu karere, zikemera kujya mu duce twagenwe.

Ruto avuze ibi mu gihe abarwanyi b'umutwe wa M23 bakomeje kuva mu bice bitandukanye bari barigaruriye harimo Bunagana, Sake, Mshaki, Neenero, Kilorirwe n'ahandi.

Perezida Kagame nawe yashimangiye ko hari impinduka ziri kugaragara mu Burasirazuba bwa Congo guhera mu byumweru bike bishize.

Ati 'Dukeneye gukora byinshi byisumbuyeho kugira ngo impinduka zikomeze kugaragara'.

Umukuru w'Igihugu yavuze ko ibibazo byo mu Burasirazuba bwa Congo byagiye bikemurwa nyuma bikagaruka, ndetse ko mu myaka ishize ikibazo cyakemuwe nabi, hagashyirwa imbere imvugo zo kwitana ba mwana.

Ati 'Ndatekereza ko uburyo bwiza bwo gukemura ikibazo ari ukwiga, gusobanukirwa n'umuzi wacyo cyangwa se ikindi kibazo icyo aricyo cyose ahandi. Iyo utarebye umuzi w'ikibazo, wisanga utanze igisubizo kitaboneye hanyuma ikibazo kikagaruka.'

Perezida Kagame yavuze ko iki kibazo cyo mu Burasirazuba bwa Congo kigaragaza uburyo amahanga atigira ku byabaye, ngo agire uruhare mu gukemura ikibazo rimwe na rizima.

Ati 'Mu Isi tubamo, nta masomo dukuramo, ni yo mpamvu ubona ibibazo hirya no hino, kimwe ku kindi. Mu gihe twaba twabyigiyemo, tugashyira mu bikorwa ibyo twize, ndatekereza ko twashoboraga kugira ibibazo bike.'

'Ni kimwe n'ibibazo byo mu Burasirazuba bwa Congo, bifitanye isano n'ibibazo twagize hano mu Rwanda n'ibindi byo muri Congo, hanyuma bikivanga. Ibyo muri Congo n'ibyo mu Rwanda mu gihe byivanze, ntubikemure mu buryo buboneye, uba ushobora kwisanga mu bibazo nk'ibi bitarangira.'

Umukuru w'Igihugu yavuze ko ibyo Umuryango wa Afurika y'Iburasirazuba uri gukora, ari ukwishakira ibisubizo, ndetse ko yizeye ko bizaboneka ku buryo amahanga nayo yazashyigikira ibyo abayobozi b'Abanyafurika bo ubwabo bari gukora.

Ati ' Aho kwivanga bagaragaza ibyo bumva ko bikwiriye kuba ibisubizo. Ni byiza gushyigikira imyanzuro yatanzwe n'abayobozi ba Afurika. Ikibazo kirahari, uburyo bwo kugikemura bwashyizweho, nibwira ko twabiha umwanya, bitari cyera dushobora gukora ibyo tugomba gukora tukagera ku bisubizo abaturage bakeneye.'

Abakuru b'ibihugu bavuze ibi mu gihe n'umuhuza mu bibazo bya Congo, Uhuru Kenyatta, yashyize hanze itangazo rigaragaza ko hari intambwe ifatika imaze guterwa mu kugarura amahoro mu Burasirazuba bwa Congo.

Kenyatta yavuze ko muri Kivu y'Amajyepfo hatangiye kugaragara amahoro bitewe n'ibikorwa bibangamira ubuzima bw'abaturage byagabanutse kuva ibiganiro biganisha ku mahoro byatangira.

Yavuze ko ikibazo kikigaragara muri Kivu y'Amajyaruguru nubwo naho harii intambwe yatewe.

Itangazo rya Uhuru ryagiye hanze yikurikira ingabo za Sudani y'Epfo nazo zamaze kugera mu Burasirazuba bwa Congo.

Ngarambe yari amaze imyaka irenga 20 ku bunyamabanga bukuru bw'Umuryango wa FPR Inkotanyi. Mu matora yabaye mu mpera z'icyumweru gishize muri Kongere ya 35 y'uyu muryango, yasimbuwe na Gasamagera Wellars.

Igikorwa cy'ihererekanya bubasha cyabereye ku cyicaro gikuru cy'Umuryango FPR Inkotanyi giherereye i Rusororo cyitabirwa n'abandi banyamuryango batowe barimo Visi Chairman w'uyu muryango Uwimana Consolée n'uwo yasimbuye kuri uyu mwanya Bazivamo Christophe n'abandi.

Gasamagera yagiye kuri uyu mwanya nyuma yo guhigika Depite Bakundufite Christine, kuko yatowe agize amajwi 1899 bingana na 90,3% naho Bakundufite atorwa n'abanyamuryango 183 bingana na 8,8% mu gihe imfabusa zabonetse ari 20.

Umukuru w'Igihugu, Perezida Paul Kagame nawe wongeye gutorerwa kuba Chairman w'umuryango, yashimye abari basanzwe mu mirimo yo kuyobora FPR Inkotanyi ndetse n'akazi bakoranye.

Yashimiye Ngarambe François wari Umunyamabanga Mukuru na Bazivamo Christophe wari Vice Chairman, ku muhate bakoranye akazi ndetse ashimangira ko iyo bashaka kongera kwiyamamaza 'bari gutorwa'.

Yashimye icyizere abanyamuryango bakomeje kumugirira ndetse yizeza ko asa n'aho afite umwenda kuri bo mu kuzuza inshingano zijyanye n'icyizere agirirwa.

Yagize ati 'Iyo mwanshyizemo icyizere nk'iki buri gihe, kandi bimaze igihe kirekire, harimo ibintu bibiri, harimo kwishimira icyizere, hakaza n'ikindi gitandukanye n'icyo. Numva mfite umwenda, hari ikikibuze ngomba guhora nshakisha uburyo bwo gukemura.'

Ngarambe nawe yashimye cyane Umukuru w'Igihugu wamugiriye icyizere mu myaka yose yari amaze kuri uwo mwanya, ashimira n'abo bakoranye muri iyo myaka yose bijyanye n'ibyo umuryango wagezeho.

Yagaragaje ko nubwo hakozwe byinshi ariko urugendo rugikomeje, asaba abagiye kumukorera mu ngata gukomeza gukorana bya hafi n'ubuyobozi bushya, kugera kuri byinshi mu guharanira impinduka z'iterambere ry'igihugu.

Gasamagera n'abandi batorewe kuyobora uyu muryango manda yabo izamara imyaka itanu.

Ubwo Ngarambe na Gasamagera bahererekanyaga ububasha

Ngarambe yishimira icyizere yagiriwe cyo kuyobora umuryango FPR Inkotanyi mu myaka irenga 20

Iki gikorwa cyitabiriwe n’abandi bayobozi barimo Visi Chairman Uwimana uherutse gutorwa

Gasamagera na Uwimana bari kumwe na Bazivamo na Ngarambe basimbuye ku buyobozi bw’Umuryango FPR Inkotanyi

Ni igikorwa cyitabiriwe n’abandi bayobozi baheruka gutorwa

Akingeneye avuga ko nubwo hari abantu batinya kumwegera kubera isura ye, yemeye kwiyakira uko ari, ubu akaba ageze mu mwaka wa gatatu wa Kaminuza aho yiga itangazamakuru n'itumanaho afatanya no gucuruza ibirungo by'ubwiza (Make Up).

Uyu mukobwa w'imyaka 23 ashimira ababyeyi be batumye atinyuka kujya aho abandi bana bari kuva akiri muto, nubwo bamutinyaga kubera uburyo yari apfutse umutwe wose uretse amaso.

Ibi ni bimwe mu byo Akingeneye yagarutseho mu buhamya yatangiye mu ihuriro rya Story Telling Night ryabaga ku nshuro ya kabiri ritegurwa na Interact Rwanda.

Akingeneye avuga ko nubwo yahuye n'ikibazo akiri muto ariko ubu yumva ko ari mwiza ndetse hari umugambi Imana imufiteho.

Yagize Ati 'Bambwira ko ubwo nari muto mfite imyaka itatu ndwaye malaria numvise mfite imbeho njya mu gikoni aho bari batetse ngiye kota mpageze ngira isereri ngwa mu nkono y'ibishyimbo iri ku ziko.'

Ubu bushye bwatumye amara imyaka itatu ari mu bitaro aho yavuye ajya gutangira ishuri ariko abana bakamutinya bakamuhunga nyamara we yumvaga yabasanga bagakina.

Ati 'Njya gutangira kwiga byari bikomeye cyane, nari nkifite ibipfuko , abana bantinya, nanjye ndwana no kwihisha izuba ariko numvaga nabegera tugakina.'

'Ibyo nabinyuzemo mbifashijwemo n 'umuryango wanjye , navuye ku myaka itatu ubu ngeze kuri 23 ndabizi ko ndi umukobwa mwiza nubwo mutabimbwira ariko niyiziho ko ndi mwiza, nkunda guseka cyane mba numva nahora nishimye.'

Umubyeyi wa Akingeneye yamwigishije uko yakegera abantu akabaganiriza agira inama imiryango ifite abana bafite ubumuga kutabahisha mu nzu ahubwo ko bakwiriye kubigisha uko babaho muri sosiyete.

Yagize ati 'Imiryango myinshi ifite abana bafite ubumuga babahisha mu nzu, ibyo sibyo ntimukabyemere, njye buriya nahoraga ku muryango nakira abaza mu rugo.'

Yakomeje avuga ko n'iyo mu rugo iwabo habaga hari abana bari gukina hanze akajya mu cyumba umubyeyi we atabyishimiraga agahita amusangayo akamusohora ngo ajye gukina n'abandi bana.

Ati 'Ubwo bwari uburyo bwo kuntinyura ngo mbone uko nabashaka kubana n'abandi bana. Ubu umutima wanjye unyemerera kujya aho abantu bari, ubushye bwanjye ntabwo bwatuma ntakora, mureke tubwirane inkuru zacu kugira ngo tubohorane imitima tuvuge inkuru z'ubuzima bwacu Kandi hari benshi zafasha.'

Uyu mukobwa ari kwiga itangazamakuru muri kaminuza ya Mount Kenya aho yagiye kubyiga azi neza ko hari abantu bazavuga ibijyanye n'isura ye ariko ibyo ntibyamuciye intege yemeza ko n'akazi azakabona kandi keza.

Gahunda ya Story Telling Night itegurwa na Interact Rwanda iba buri nyuma y’amezi abiri

Story Telling Night yitabirwa n’urubyiruko ruganirizwa na ba rwiyemezamirimo batandukanye bavuga inkuru z’ubuzima bwabo zigamije kwigisha no gutinyura abashaka kwihangira imirimo

Kuba yarahiye isura ntibimubuza kujya ahari abantu benshi kandi akavuga neza inkuru y’ubuzima bwe adategwa

Akingeneye Olga ashimira umubyeyi we wamuremyemo icyizere ndetse n’uko yaganiriza abandi kugira ngo batazakomeza kumutinya

Julius Mugabo washinze Interact Rwanda itegura gahunda ya Story Telling Night igamije guhugura urubyiruko

Akingeneye Olga ni umwe mu batanze ikiganiro mu ihuriro Story Telling Night yahuriyemo na Gaël Karomba uzwi nka Coach Gaël , Miss Uwimana Jeannette, Eng Twizere Turambe na Julius Mugabo washinje Interact

Ni amasezerano yasinywe mu ruzinduko Perezida William Ruto wa Kenya yagiriye mu Rwanda, rwa mbere kuva yatorerwa kuyobora igihugu cye mu mwaka ushize.

Amasezerano yasinywe ari mu ngeri zirimo ubufatanye mu bijyanye n'amagororero, ajyanye n'amahugurwa mu bya dipolomasi, ajyanye n'ikoranabuhanga, ajyanye n'ubuzima, ajyanye n'urubyiruko n'ayo guteza imbere amakoperative.

Yasinywe na ba Minisitiri b'Ububanyi n'Amahanga, uw'u Rwanda Dr Vincent Biruta n'uwa Kenya, Dr Alfred Nganga Mutua.

Minisitiri w'Uburezi mu Rwanda, Dr Uwamariya Valentine na mugenzi we wa Kenya, Ezekiel Machogu Ombaki basinyanye amasezerano y'imikoranire mu burezi mu gihe Minisitiri w'Ubuhinzi, Dr Ildephonse Musafili hamwe na mugenzi we wa Kenya, Franklin Mithika Linturi, basinye amasezerano mu bijyanye n'ubuhinzi.

Minisitiri w'Uburinganire n'Iterambere ry'Umuryango, Prof Jeannette Bayisenge na mugenzi we wa Kenya, Aisha Jumwa Karisa Katana, basinye ajyanye no guteza imbere uburinganire.

Perezida Kagame yavuze ko mu myaka myinshi ishize, u Rwanda na Kenya byubatse umubano ukomeye, ndetse uruzinduko rw'uyu munsi, rushimangira ubwo bushuti.

Ati 'Tumaze gukurikira isinywa ry'amasezerano mu ngeri z'ingenzi nk'ikoranabuhanga, ubuzima, uburezi, urubyiruko n'ubuhinzi. Izi ngeri nshya z'ubufatanye zizatuma turushaho gukorana. Twishimiye ko u Rwanda ari mu rugo ku muryango mugari w'abanyakenya. Dushima umusanzu wabo ku iterambere ryacu.'

Perezida Kagame yavuze ko yizeye ubufatanye buri hagati y'ibihugu byombi, bushobora gutuma urubyiruko rubasha kunguka ubumenyi, rugahanga ibishya kandi rukabasha guhatana ku isoko.

Perezida Ruto yashimye mugenzi we w'u Rwanda wamutumiye ngo asure u Rwanda, avuga ko bagiranye ibiganiro birenga ibihugu byombi, akarere ahubwo biri mu nyungu z'umugabane muri rusange.

Ruto yavuze ko amasezerano yasinywe azatuma ibihugu byombi bisangira ubunararibonye, ku buryo nko mu bijyanye n'ikoranabuhanga hashobora kubakwa irishobora gutuma hatangwa inguzanyo n'ibindi.

Yatanze urugero ku masezerano mu bijyanye n'ubuzima, avuga ko akubiyemo ubufatanye hagati y'ibitaro bikuru byo mu Rwanda n'ibyo muri Kenya.

Ati 'Hazabaho ubufatanye hagati y'ibitaro byacu bibiri by'icyitegererezo. Ibitaro binini by'icyitegererezo mu Rwanda hamwe n'ibyo muri Kenya, ku buryo habaho guhanahana ubunararibonye, ubushobozi aho biri ngombwa.'

Perezida Kagame yavuze ko hari izindi ngeri nyinshi ibihugu byombi bizakomeza gufatanyamo, bihanahana ubunararibonye.

Yaboneyeho gushimira Abanya-Kenya baba mu Rwanda ku bw'umusanzu wabo mu iterambere ry'igihugu. Ati 'Twishimiye ko bari hano, hari ibintu byinshi bari gukora, kandi ibyo bakora ku giti cyabo ni ingirakamaro ku Rwanda n'Abanyarwanda.'

Yavuze ko bamwe muri bo ari Abarimu, urwego igihugu gifitemo ubushobozi buke yaba mu mubare no mu byo abarukoraho batanga nk'umusaruro. Yashimye abakora mu nzego z'ubuzima n'iz'ubukerarugendo.

Ati 'Bazibye icyuho mu nzego zacu, kubera aho twavuye…bamaze igihe hano, batangiye kuza hano mu myaka ya 2000 cyangwa se mbere yaho gato, icyo gihe nta bushobozi twari dufite mu nzego izo arizo zose, rero Abanya-Kenya cyane cyane n'abandi baturage bo muri EAC, baje hano gukora ibyo bazi, babyungukiramo natwe tubyungukiramo. Ni byo rero bikubiye muri aya masezerano n'umubano uri hagati y'ibihugu byombi.'

Kenya ifite ishoramari ryinshi mu Rwanda mu ngeri zitandukanye. Nko mu burezi, ifite Kaminuza ya Mount Kenya, mu itangazamakuru hari ibigo bikomeye nk'ibinyamakuru nka Rwanda Today, The East African, Royal FM na Kiss FM.

Mu rwego rw'amabanki, Banki y'Abaturage isigaye iri mu maboko y'Abanyakenya nyuma yo kugurwa na KCB, hari kandi na Equity Bank, GT Bank, I&M Bank n'izindi.

Hari ibindi bigo nka Britam bitanga serivisi z'ubwishingizi ndetse mbere y'uko UAP igurwa na Old Mutual nayo yari ishoramari ry'Abanyakenya mu Rwanda.

Mu bigo by'ubukerarugendo hari Serena Hotel n'ibindi.