Category: Uncategorized

Ni isangira ryabereye muri Kigali Convention Centre ku mugoroba wo ku wa Mbere tariki 4 Mata.

Perezida Ruto yavuze ko kimwe mu bibazo byatumye Abanyafurika badakunda kugirana imikoranire ari imipaka yashyizweho ubwo ibihugu byinshi by'uyu mugabane byakoronizwaga.

Ati 'Nk'uko mubizi Perezida mu myaka 137 ishize mu nama yamenyekanye cyane y'i Berlin, umugabane wacu wagabanywe n'inshuti, bituma hahangwa imipaka yatumye tugorwa no gukorera hamwe, guhahirana no kujya inama ariko nk'umuyobozi w'Umunyafurika nishimiye ko gake gake turi kongera guhuza utwo duce duto Afurika yagabanyijwe kugira ngo habeho isoko rimwe rinini binyuze mu Isoko Rusange rya Afurika.'

Amasezerano ashyiraho Isoko rusange rya Afurika (AfCFTA) yasinyiwe i Kigali mu 2018. Iri soko ryitezweho kuzamura ikigero ibihugu bya Afurika bikoranaho ubucuruzi kikagera kuri 60% mu 2034, gukuraho imbogamizi zose zidashingiye ku misoro, gushyiraho akarere k'ubucuruzi gafite abantu miliyari 1,3 n'umusaruro mbumbe wa miliyari 3,4 z'amadolari.

Iri soko nirishyirwa mu bikorwa ku gipimo cyuzuye, rizakura abaturage miliyoni 50 mu bukene bukabije, rizamure 9% ku byo binjiza mu 2035 nk'uko Banki y'Isi ibitangaza.

Perezida Ruto yagaragaje ko intambwe yatewe yo gushyiraho iri soko ituma yizera ko Afurika ari umugabane uzaba uhagaze neza mu myaka iri imbere.

Ati 'Kubera iyi ntambwe niziye ntashidikanya ko ubucuruzi, ishoramari no guhanga imirimo kuri uyu mugabane bizafata indi ntera. Ubu hari ukuri tutahindura ko mu 2050 Afurika izaba ifite kimwe cya kane cy'abaturage bose b'Isi kandi ubutunzi dufite mu bijyanye n'amabuye y'agaciro n'isoko rigari rizava muri aba baturage bagize kimwe cya kane cy'abatuye Isi ukanabihuza n'uko Afurika ariwo mugabane ufite abaturage bakiri bato bishimangira ko aritwe Mugabane w'ahazaza.'

Yakomeje ashimira Perezida Kagame n'abandi bakuru b'ibihugu bya Afurika bagize uruhare mu guhuza uyu mugabane binyuze muri iri soko.

Ati 'Abayobozi nkamwe mwaharaniye guhuza umugabane wacu binyuze mu isoko rusange rya Afurika banyongerera imbaraga. Iyi ni nayo mpamvu yatumye Kenya yohereza ingabo zayo muri Congo ndetse igakoresha n'amafaranga mu kugerageza kugarura amahoro mu Burasirazuba bwa Congo kuko twumva ko ari inshingano gufasha abaturanyi kubona umutekano kugira ngo tugire uburyo bwo kubyaza umusaruro amahirwe ari ku mugabane wacu.'

Perezida Kagame yashimye uyu muhate Kenya yagize wo kohereza ingabo muri Congo.

Ati 'Ndashaka ku gushimira na none kubera ubuyobozi bwawe no kwiyemeza muri gahunda zo gushaka igisubizo ku bibazo by'umutekano muke mu Burasirazuba bwa Repubulika Iharanira Demokarasi ya Congo byatugizeho ingaruka twese mu Karere.”

“Ingabo za kenya zafashe iya mbere mu ngabo z'Akarere, hamwe n'ibindi bihugu byo mu Karere u Rwanda ruzakomeza gukora ibirureba hagamijwe kugera ku mahoro n'ituze birambye mu Burasirazuba bwa Congo.'

Yavuze ko Abanyarwanda batewe ishema no kongera kwakira William Ruto wakunze kubagenderera mu bihe bitandukanye ariko uyu munsi akaba agarutse ari Perezida.

Perezida Kagame yakomeje avuga ko Kenya n'u Rwanda bifitanye umubano ushingiye mu nzego zitandukanye.

Ati 'U Rwanda na Kenya ni ibihugu by'abavandimwe bihuzwa no kuba biri mu muryango wa Afurika y'Iburasirazuba ndetse hakaba hari byinshi bihuriyeho bimaze igihe birimo ururimi, umuco, ubucuruzi, uburezi n'izindi nzego. Twishimiye kuba hano dufite abavandimwe b'Abanya-Kenya barimo n'abamaze imyaka myinshi baba mu Rwanda ndetse batanga umusanzu mu kubaka umuryango nyarwanda.'

Ku wa Mbere nibwo Perezida wa Kenya, William Ruto, yatangiye uruzinduko rw'iminsi ibiri mu Rwanda rugamije gushimangira umubano hagati y'ibihugu byombi, ahanini mu ngeri zirimo ubucuruzi n'ubuhahirane.

Ku munsi wa mbere w'uru ruzinduko u Rwanda na Kenya byasinyanye amasezerano 10 agamije ubufatanye mu ngeri zirimo uburezi, ikoranabuhanga, ubuhinzi n'izindi, aho ibihugu byombi biyitezemo ko azarushaho guteza imbere abaturage babyo.

Umunyamabanga Uhoraho muri Minisiteri y’Ikoranabuhanga na Inovasiyo, Iradukunda Yves ubwo yageraga kuri Kigali Convention Centre, ahabereye umuhango wo kwakira ku meza Perezida wa Kenya, William Ruto

Umujyanama muri Minisiteri y'Ububanyi n'Amahanga, Amb Mukaruliza Monique nawe yitabiriye uyu muhango

Gen Jean Bosco Kazura aganira na Ambasaderi wa Israel mu Rwanda, Ron Adam n'Umuyobozi wa Polisi y'u Rwanda

Umugaba Mukuru w'Ingabo z'u Rwanda, Gen Jean Bosco Kazura, Ambasaderi wa Israel mu Rwanda, Ron Adam n'Umuyobozi wa Polisi y'u Rwanda, Felix Namuhoranye ubwo bageraga kuri KCC

Minisitiri w’Ubutabera, Dr Ugirashebuja Emmanuel aganira n'abashyitsi bitabiriye umuhango wo kwakira ku meza Perezida wa Kenya

Uyu musangiro wabaye n'umwanya wo kungurana ibitekerezo hagati y'abayobozi, aha Umuvugizi wa Guverinoma y'u Rwanda, Yolande Makolo yaganiraga na Ambasaderi w'u Bwongereza

Ambasaderi w’u Bwongereza mu Rwanda, Omar Daair aganira n'Umuyobozi w'Umujyi wa Kigali, Pudence Rubingisa

Ambasaderi mushya w’u Bushinwa mu Rwanda, Wang Xuekun nawe yari yatumiwe muri uyu muhango

Minisitiri w’Ikoranabuhanga na Inovasiyo, Ingabire Musoni Paula aganira na Ambasaderi Ron Adam

Akanyamuneza kari kose kuri Minisitiri kuri Minisitiri w'Uburinganire n'Iterambere ry'Umuryango, Bayisenge Jeannette na Minisitiri w'Uburezi, Dr Uwamariya Valentine

Abayobozi mu nzego nkuru z'igihugu bongeye guhura baraganira

Abayobozi mu nzego nkuru z'igihugu bongeye guhura baraganira

Umunyamabanga Mukuru w’Urwego rw’Igihugu rushinzwe Iperereza n’Umutekano, Maj Gen Joseph Nzabamwita nawe yari muri uyu muhango

Umujyanama wa Perezida wa Repubulika mu by'Umutekano, Gen James Kabarebe aganira n'umwe mu bashyitsi baturutse muri Kenya

Umuyobozi w’Umujyi wa Kigali, Pudence Rubingisa yakira abashyitsi bagendereye u Rwanda

Ambasaderi w'u Buyapani mu Rwanda, Isao Fukushima aganira n’Umunyamabanga wa Leta muri Minisiteri y'Ibikorwaremezo, Eng Patricie Uwase

Umunyamabanga wa Leta muri Minisiteri y'Ibikorwaremezo, Eng Patricie Uwase

Umuyobozi w’Umujyi wa Kigali, Pudence Rubingisa ni umwe mu bayobozi bitabiriye uyu musangiro

Minisitiri w'Ubuzima, Dr Sabin Nsanzimana aganira n'abarimo Ambasaderi wa Israel

Umunyamabanga wa Leta muri Minisiteri y'Ububanyi n'Amahanga n'Ubutwererane ushinzwe Umuryango wa Afurika y'Iburasirazuba, Prof Nshuti Manasseh hamwe na Gen James Kabarebe

Perezida Paul Kagame yakiriye ku meza mugenzi we wa Kenya, William Ruto

Perezida Kagame aganira na Perezida William Ruto

Perezida Kagame yashimye umuhate wa Kenya mu kugarura amahoro mu karere

Abitabiriye uyu muhango basusurukijwe n’iri tsinda rikora umuziki gakondo

Perezida Kagame yagaragaje ko Kenya n’u Rwanda bifite byinshi bihuriyeho

Perezida Ruto yashimye uruhare rwa mugenzi we w’u Rwanda mu guhuza Afurika

Perezida Kagame yakiriye Perezida Ruto n’abo bazanye basangira ku meza

Amafoto: Igirubuntu Darcy

Ikigo gishinzwe Imisoro n'Amahoro muri Kenya, KRA, gisigaye gikoresha ikoranabuhanga ryifashishwa mu gukusanya imisoro cyitwa 'eTIMS' rifite imikorere ihuye n'iya 'Electronic Billing Bachines (EBM)' zisanzwe zikoreshwa mu Rwanda.

Muri Werurwe, ni bwo ubu buryo bushya bwo gutanga inyemezabwishyu no kumenyekanisha imisoro bwatangiye gukoreshwa muri Kenya.

Ni intambwe yatewe bigizwemo n'u Rwanda, kuko Kenya yakoreye urugendoshuri mu gihugu, ikabona uburyo EBM ikora, nayo ikiyemeza gukora muri ubwo buryo mu kurushaho gukusanya imisoro.

Kenya yari isanganywe ikoranabuhanga yifashisha mu gukusanya imisoro, gusa ntiryatangaga umusaruro uboneye bituma ihitamo gushaka igisubizo. Ni ho havuye igitekerezo cyo gusura u Rwanda, cyane ko rwishatsemo ibisubizo rugakora EBM ubwarwo mu buryo butandukanye n'iboneka ahandi.

Abayobozi barimo Komiseri w'Ikigo gishinzwe Imisoro muri Kenya basuye u Rwanda, basaba ko iryo koranabuhanga barihabwa uko ryakabaye, bitagombeye kuba bajya kuryigiraho nabo bagakora iryabo.

Kimwe mu byanyuze Kenya mu mikorere ya EBM ni uburyo mu 2013 ubwo yatangizwaga, yazamuye imisoro ya TVA ku kigero cya 48% ndetse mu myaka yakurikiyeho iryo zamuka rikagera kuri 12% ku mpuzandengo ya buri mwaka.

Umusoro wa TVA ugize nibura 34% by'imisoro yose Ikigo cy'Imisoro n'Amahoro mu Rwanda gikusanya. EBM ituma RRA ibona amakuru y'ingenzi y'abagomba kwishyura uwo musoro ku buryo nta bayinyereza.

Perezida Ruto yavuze ko ubwo yasabaga mugenzi we w'u Rwanda, igihugu cye cyahabwa iri koranabuhanga, igitekerezo cye cyakiriwe neza.

Ati 'Nababwira ko Kenya yungukiye cyane mu bufasha yahawe n'u Rwanda. Ubwo nahamagaraga Perezida [Kagame], yakiriye neza icyifuzo cyo kuduha ikoranabuhanga rijyanye no gucunga umusoro ku nyongeragaciro. Nk'umusaruro w'iryo koranabuhanga u Rwanda rwahaye Kenya, twabashije kubona impinduka mu buryo twakira imisoro ya TVA.'

Mu 2013 ni bwo u Rwanda rwatangiye gukoresha ikoranabuhanga rya EBM, bituma imitangire y'umusoro ku nyongeragaciro (TVA) irushaho kuba myiza.

Icyo gihe byasabaga ko umuntu wese wanditse muri TVA agomba gutunga no gukoresha EBM, ndetse kugeza ubu 98% by'abari muri TVA basigaye bakoresha EBM mu gutanga inyemezabuguzi.

Muri 2019, hasohotse itegeko rigena ko n'abantu batabaruye muri TVA batangira gukoresha EBM mu bikorwa byabo bya buri munsi. Ni ukuvuga ko umucuruzi wese, yaba ubona umusaruro wa miliyoni 20 cyangwa eshatu z'amafaranga y'u Rwanda ku mwaka, afite inshingano zo gukoresha ikoranabuhanga rya EBM atanga inyemezabuguzi.

Kenya yahisemo gukoresha ubu buryo bwa EBM kuko yabonaga hari icyuho kinini mu bijyanye n'uburyo umusoro ku nyongeragaciro ukusanywa.

Perezida wa Kenya William Ruto ari mu Rwanda mu ruzinduko rw'akazi rw'iminsi ibiri, rugamije gushimangira umubano hagati y'ibihugu byombi, ahanini mu ngeri zirimo ubucuruzi n'ubuhahirane.

Nyuma yo gusinya amasezerano 10 hagati y'u Rwanda na Kenya, Perezida William Ruto yasuye Urwibutso rwa Jenoside rwa Kigali ku Gisozi, agaragaza ko inshingano y'ibanze y'abayobozi ari ukwimakaza amahoro mu baturage bayobora.

Abinyujije ku rukuta rwe rwa Twitter Perezida Ruto yagize ati 'Amahoro n'ubumwe ni umusingi ibihugu byacu byubatseho. Inshingano y'ibanze y'abayobozi ni uguharanira no kwimakaza amahoro mu baturage. Ibyo duteganya byose n'imigambi tugira bishingira ku musingi w'amahoro.'

Uru ruzinduko ni urwa mbere Perezida Ruto agiriye mu Rwanda kuva yatorerwa kuyobora Kenya mu mpera z'umwaka wa 2022.

Umuvugizi w'Ibiro by'Umukuru w'Igihugu muri Kenya, yatangaje ko uru ruzinduko rugamije gushimangira ubucuruzi n'ubuhahirane muri Afurika y'Iburasirazuba, no ku mugabane wa Afurika muri rusange.

Yavuze kandi ko abakuru b'ibihugu baganira ku bibazo bijyanye n'amahoro n'umutekano mu karere hanyuma hasinywe n'amasezerano hagati y'ibihugu byombi.

Mu masezerano 10 yasinywe, atandatu ari mu ngeri zirimo ubufatanye mu ikoranabuhanga, ubuzima, guteza imbere urubyiruko, guteza imbere amakoperative, imikoranire hagati y'inzego zishinzwe igorora n'ubufatanye mu bya dipolomasi.

Perezida wa Kenya William Ruto uri mu Rwanda yasuye Kaminuza ya Canergie Mellon University Africa, aganira n'abanyeshuri ku ruhare w'urubyiruko mu guteza imbere Umugabane wa Afurika.

Ku mugoroba wo kuri uyu wa Kabiri tariki ya 4 Mata 2023, Perezida w'u Rwanda Paul Kagame yakiriye Ruto ku meza.

Ku munsi wa nyuma w'uruzinduko rwe, byitezwe ko azagirana ikiganiro n'Abanyakenya batuye mu Rwanda.

Kuva ku wa 3-6 Mata 2022, mu Rwanda hateraniye inama ya 22 ya Komite ishinzwe ubugenzuzi y'Inama y'akarere k'ibiyaga bigari (22nd ICGLR Audit Committee) ku mabuye y'agaciro.

Ni umuryango u Rwanda rubarizwamo hamwe n'ibihugu 11 bya Angola, u Burundi, Repubulika ya Centrafrique, Congo, RDC, Kenya, Sudani y'Epfo, Sudani, Tanzania, Uganda na Zambia.

Iyi komite ifite inshingano zo gukurikirana ibijyanye n'ubucukuzi bw'amabuye y'agaciro, ireba uko butaba inkomoko y'amakimbirane n'umutekano muke mu karere.

Ni mu gihe hamaze kumenyerwa uburyo bwashyizweho, bufasha mu kugaragaza inkomoko y'amabuye y'agaciro igihugu runaka cyohereza mu mahanga.

Umuyobozi mukuru wungirije w'Ikigo gishinzwe mine, peteroli na gaz, Dr Ivan Twagirashema, yavuze ko u Rwanda ruteganya gukoresha ibirango by'ikoranabuhanga, mu kugaragaza inkomoko y'amabuye y'agaciro yarwo.

Ni ibintu byitezweho kuvanaho urujijo ku bashidikanya ko nta mabuye y'agaciro u Rwanda rugira.

Ati “Iyo ugiye gushyiraho akarango (tag) kuri buri buye, bikoreshwa intoki, ni ukuvuga ngo ikigo cyahawe ibirango bijyanye n'amabuye gisanzwe gicukura, umukozi ashobora kuba yakwiba ka karango k'udupapuro, akaba yakajyana akakagurisha ahandi.”

“Ikoranabuhanga ntirizabimwemerera kuko nta kintu azaba afite ajyana mu ntoki, gushyiraho ibirango bizajya bikorwa hakoreshejwe ikoranabuhanga nka kuriya iyo ugiye kugura igicuruzwa muri supermarket, iyo ugiye kwishyura hari ahantu bakinyuza, hakagira ikintu gisoma ibyanditseho.”

Ni gahunda iba ireba amabuye y'agaciro atandukanye arimo zahabu, gasegereti, wolfram n'andi. Kugeza ubu amabuye y'agaciro acukurwa mu Rwanda abasha kugenzurwa inkomoko 100% , ku buryo ntaho ahurira n'ibice birimo amakimbirane.

Mu nama idasanzwe yabaye mu Ukuboza 2010 i Lusaka muri Zambia, abakuru b'ibihugu na za Guverinoma bemeje gahunda y'akarere igamije kurwanya ubucukuzi bw'amabuye y'agaciro budakurikije amategeko.

U Rwanda ni cyo gihugu cya mbere cyabashije gushyira mu bikorwa ingingo esheshatu, zafashije mu kurwanya ubucuruzi bw'amabuye y'agaciro buubahirije amategeko.

Dr Twagirashema yavuze ko u Rwanda ari igihugu cya kabiri muri ICGLR cyatangije gahunda yo kugaragaza inkomoko y'amabuye y'agaciro yacyo yoherezwa mu mahanga (ICGLR Certificate on mineral exports), ndetse ishyira mu bikorwa iri genzura mu gihugu hose.

Mu bikorwa harimo ko Ikigo gishinzwe mine, peteroli na gaz cyashyizeho abagenzuzi mu Turere twose, bahuza ibikorwa by'ahacukurwa amabuye y'agaciro hirya no hino mu gihugu.

Umunyamabanga nshingwabikorwa wungirije wa ICGLR, Amb Yasir Ibrahim Ali Mohammed, yavuze ko intambwe u Rwanda rumaze gutera igaragaza ko no mu bindi bihugu bishoboka.

Ati “Komite iriho kugira ngo ikore ubugenzuzi ku bucukuzi n'ubucuruzi bw'amabuye y'agaciro bidakurikije amategeko. ICGLR umaze gutera intambwe igaragara mu kugenzura cyane abohereza amabuye y'agaciro ku isoko mpuzamahanga, kandi imibare y'abo tugenzura iriyongera. Gusa dusaba ko ibihugu byemeza burundu gahunda y'ubugenzuzi bukorwa.”

Yasabye ibihugu kugira uuruhare mu gutuma ubu bugenzuzi bukorwa neza. Kugira ngo bubashe gutanga umusaruro.

Iyi komite y'ubugenzuzi ivuga ko mu myaka itatu ishize yakurikiranye amagenzura 24, harimo 16 yabereye mu Rwanda.

Yashimye umuhae u Rwanda rushyira mu kunoza no kugenzura ubucukuzi bw'amabuye y'agaciro.

Umuyobozi wa Komite ngenzuzi ya ICGLR yashimye imbaraga u Rwanda rwashyize muri iyi gahunda

Mu izina ry’abafatanyabikorwa, Umuyobozi wungirije ushinzwe ubutwererane muri Ambasade y’u Budage, Christina Liesegang, yashimye gahunda zashyizweho na ICGLR

Umunyamabanga Nshingwabikorwa wungirije wa ICGLR yasabye ibihugu gukurikiza gahunda zashyizweho z’ubugenzuzi

Mu masaha ya Saa mbiri z’ijoro  zo mu Rwanda, Saa munani za New York muri Leta Zunze Ubumwe za Amerika, niho byari biteganyijwe ko uwahoze ari Perezida wa Amerika, Donald Trump yiregura  ku birego yarezwe mu rukiko rwa Manhattan. Donald Trump waraye mu mujyi wa New York mu ijoro ryo kuwa Mbere, bivugwa ko yatawe muri yombi mbere yo gutangira kuburana urubanza aregwamo.

Stormy Daniels wabaye intandaro yo Gukurikirana Donald Trump, yavuze ko Trump mu mwaka wa 2006 yaryamanye nawe akamuhonga amafaranga. Ubwo Trump yiyamamazaga mu mwaka wa 2016,  yamenye ko uwahoze akina  filimi z’urukozasoni agiye gushyira amabanga hanze akagaragaza umubano wabo. Ubwo yamwishyuraga yakoresheje uwari umunyamategeko we, amwishyurira 130.000$.  Ibyo yakoze ntibyemewe muri Amerika, akaba ariyo mpamvu agomba gukurikiranwa mu rukiko.

Ubwo yishyuraga umunyamateko we amafaranga yahaye Stormy Daniels, yanditse ko amwishyuye amafaranga kubera akazi yakoze bimuviramo gukekwaho icyaha cyo gukoresha inyandiko mpimbano.

Donald Trump kuri uyu wa Kabiri yageze mu rukiko rw'Umujyi wa New York, aho yagombaga kubanza gukora  ibikorwa bibanziriza kwinjizwa mu rubanza. Bivugwa ko ubwo yahageraga yahise atabwa muri yombi, aho kwijyana mu rukiko ku bushake.

Trump wagejejwe imbere y'umucamanza Juan Merchan, biteganijwe ko Trump ko agezwaho ibyaha aregwa agatanga ubwiregure bwe. Bivugwa ko nyuma yo kwiregura, Trump abapolisi bamwerekeza mu buroko.

Trump mbere y’uko atabwa muri yombi, yanditse ku rubuga rwa Trust social  ati “Bagiye kumfata, ntabwo byumvikana ukuntu ibi bintu bibera muri Amerika.”

Bamwe mu banya-Amerika bashyigikiye Trump, bavuga ko kumuta muri yombi ari ugushyira iherezo rya Demukarasi muri Amerika.

Abapolisi bafunze imihanda, indege ya kajugujugu yumvikanye igenda hejuru, ibitangazamakuru byo hirya no hino bitegereje kumenya ibikurikira gutabwa muri yombi kwa Trump.

Umucamanza yakumiriye kamera za Televiziyo mu cyumba cy’urukiko, ariko yemereye abanyamakuru gufotora amafoto.

Donald Trump mu kwezi gushize yahamagariye abamushyigikiye kuzigaragambya igihe yatabwa muri yombi, bigaragara ko yari azi ko ari mu mazi abira.

Inkomoko: ABCnews