Category: Uncategorized

Umuhanzikazi Oda Paccy wamenyekanye cyane mu njyana ya Hip Hop yifatanyije n’u Rwanda mu kwibuka abazize Jenoside yakorewe Abatutsi mu Rwanda muri Mata 1994, akangurira urubyiruko gufata iya mbere mu kurwanya ingengabitekerezo ya Jenoside.

Yagize ati “Nifatanyije n’abanyarwanda muri ibi bihe twibuka abacu bazize Jenoside yakorewe Abatutsi mu 1994', akomeza abwira urubyiruko ati “Nibutsa urubyiruko ko aritwe dukwiriye gufata iya mbere mu kurwanya ingengabitekerezo ya Jenoside, no guharanira ko igihugu cyacu gitemba amahoro.”

Ubutumwa bwa Oda Paccy buje bwunganira ubwatanzwe na Minisiteri y’Ubumwe bw’Abanyarwanda n’Inshangano Mboneragihugu, isaba abanyarwanda kwibuka no kwigisha cyane cyane urubyiruko ububi bwa Jenoside, hagamijwe guharanira ko Jenoside itazongera kubaho ukundi mu Rwanda. 

Bakomeza bavuga ko nyuma y’imyaka 29 Jenoside ihagaritswe, u Rwanda rwabashije kwiyubaka bigizwemo uruhare n’abari urubyiruko, ndetse hakomezwa urugamba rwo gukangurira urubyiruko kurinda ibyagezweho mu rugendo rwo kubaka igihugu no guhangana n’abapfobya n’abahakana amateka ya Jenoside yakorewe Abatutsi mu 1994.

Minubumwe isoza isaba abanyarwanda by’umwihariko urubyiruko ko bagomba kwiga no kumenya amateka ya Jenoside yakorewe Abatutsi kugira ngo birinde icyakongera kuyitera, ndetse banamenye ukuri bashingiraho bavuguruza abayihakana n’abayipfobya haba mu Rwanda no mu mahanga.

Oda Paccy yibukije urubyiruko gufata iya mbere mu kurwanya ingebitekerezo ya Jenoside, by'umwihariko muri iki gihe u Rwanda rwibuka ku nshuro ya 29 Jenoside yakorewe Abatutsi mu 1994

Source : https://inyarwanda.com/inkuru/127946/kwibuka29-oda-paccy-yibukije-urubyiruko-gufata-iya-mbere-mu-kurwanya-ingengabitekerezo-ya–127946.html

Bamwe mu baturage batuye mu mudugudu wa Giheka mu Murenge wa Kinyinya, mu Karere ka Gasabo, bavuga ko hari abantu barwaniriye uwo mudugudu ntihagira umututsi uhicirwa, muri Jenoside yakorewe Abatutsi mu 1994, bakwiye kugirwa abarinzi b'igihango kuko bakoze ibitarakozwe na benshi, mu rwego rwo gusigasira ayo mateka.

Mukankubana Adela ni umwe mu bantu barwaniriye Abatutsi bari batuye mu mudugudu wa Giheka ntibicwa.

Uyu mubyeyi avuga ko ku giti cye, yabashije guhisha abahigwaga basaga 50, ariko hari abandi basaza be n'abandi bantu bacye bari batuye muri uwo mudugudu, bahuje imbaraga bishyiriraho bariyeri yo guhagarika interahamwe zavaga mu duce twa Nyacyonga na Kabuye.

Yagize ati 'Basaza banjye barahagarara, bati ibyo bintu ntidushobora kubyemera. Kubw'amahirwe inkotanyi zahageze nta muntu urapfira muri uno Mudugudu.'

Adela avuga ko uko bari bishyize hamwe babonaga ko Abatutsi barimo kwicwa barenganaga, bahitamo guhuza imbaraga ngo babarengere, kugeza igihe inkotanyi zigereye muri uwo mudugudu nta numwe uricwa.

Bamwe mu baturage batuye muri uyu mudugudu, bavuga ko aba bantu bakwiye gushimirwa by'umwihariko bakanagirwa abarinzi b'igihango, kuko bakoze ibintu bitakozwe na benshi byarokoye Abatutsi Amagana.

Umwe ati 'Numva muri uwo muryango bishoboka bakurwa mu cyiciro barimo, ahubwo bakemezwa mu kindi cyiciro cy'Abarinzi b'igihango, kugira ngo rwose amateka adakomeza gusibangana kandi igihugu kibagaragariza ko kizirikana ubufasha batanze budashyikirwa.'

Undi ati 'Hari n'abandi bagiye gutura ahandi, ariko nk'uko IBUKA yabitwemereye n'inzego bwite za leta, tugiye gukora ubusabe ku buryo hatangira urugendo rw'uko abantu bagirwa abarinzi b'igihango ku rwego rw'igihugu.'

Ubuyobozi bw'Umurenge wa Kinyinya, buvuga ko iki kifuzo bagishyikirije inzego bireba bakaba bagitegereje igisubizo.

Icyakora nk'uko bitangazwa na Perezida w'inama Njyanama y'Umurenge wa Kinyinya,Bwana Ndagijimana Jean Baptiste, ngo aba bantu barazwi kandi barakurikiranwa mu mibereho yabo nk'ishimwe ry'ibikorwa bikomeye bakoze.

Ati 'Hari aborozwa, hari abashobora gutuzwa, hari abashobora kurihirwa amashuri, hari n'abakorerwa ubuvugizi burenze kuko hari ibyemezo dufata ariko hari n'ibifatwa n'inzego zidukuriye.'

Ubwo barwanyaga interahamwe zaturukaga mu bice bikikije uyu mudugudu, hari n'abahasize ubuzima.

Ubuyobozi bw'Umurenge wa Kinyinya, buvuga ko abo mu miryango basigaye, nabo bazajya bitabwaho nk'uko bita ku bandi barwanyije interahamwe. 

CYUBAHIRO GASABIRA Gad

The post Gasabo-Giheka: Abarokoye Abatutsi muri Jenoside barasabirwa kugirwa Abarinzi b'igihango appeared first on FLASH RADIO&TV.

Source : https://flash.rw/2023/04/10/gasabo-giheka-abakijije-abatutsi-muri-jenoside-barasabirwa-kugirwa-abarinzi-bigihango/?utm_source=rss&utm_medium=rss&utm_campaign=gasabo-giheka-abakijije-abatutsi-muri-jenoside-barasabirwa-kugirwa-abarinzi-bigihango

Imitwe ibiri iri mu isanzwe ifasha igisirikare cya Leta ya Repubulika ya Demokarasi ya Congo, yasubiranyemo, irwana inkundura mu bice byo muri Rutshuru na Masisi, nyuma yuko umutwe wa M23 urekuye ibice yagenzuraga.

Bivugwa ko iyi mirwano ikomeye yabaye kuri iki Cyumweru tariki 09 Mata 2023 muri Teritwari ya Rutshuru mu gace ka Kiwanja mu bice bya Busumba, Mpati, Kivuvuye.

Uwatanze amakuru y'iyi mirwano, avuga ko yabaye hagati y'amashami abiri y'umutwe wa Nyatura usanzwe ubarizwa mu bufatanye bw'imitwe yiyemeje gufasha igisirikare cya Congo.

Nanone kandi kuwa Gatandatu tariki ya 8 Mata, hari habaye imirwano y'iyi mitwe mu bice bya Bishange muri Sheri ya Buhande.

Aho umutwe wa M23 urekuriye ibice wari warafashe, haravugwa ko imwe mu mitwe yakunze guhohotera Abanyekongo bo mu bwoko bw'Abatutsi, yahise yigabiza ibyo bice byarekuwe na M23, ikajya kongera guhohotera abaturage.

Gusa umutwe wa M23 urabyamagana, ugasaba ko ingabo ziri mu butumwa bw'Umuryango wa Afurika y'Iburasirazuba,zarushaho kurinda abaturage wazisigiye, bitaba ibyo ukongera kwegura intwaro.

Uyu mutwe kandi ubwo warekuraga ibi bice, wavugaga ko FARDC ndetse n'imitwe bafatanya, badakwiye gukandagiza ikirenge muri ibyo bice mu gihe cyose amasezerano bifuza kugirana na Guverinoma ya Congo atarabaho.

Umutwe wa M23 umaze iminsi urekura uduce wari warigaruriye mu Burasirazuba bwa RDC, mu rugendo rwo gushyira mu bikorwa ibyavuye mu biganiro bya Nairobi na Luanda.

Kuwa 3 Mata 2023 uyu mutwe wari warekuye agace ka Bunagana gashyikirizwa ingabo za Uganda ziri mu butumwa bw'Umuryango wa Afurika y'Iburasirazuba, EACRF.

Umuvugizi w'Ingabo za Uganda, UPDF, Brig. Gen Felix Kulayigye Kuri uyu wa 10 Mata 2023 abinyujije ku rukuta rwa Twitter yatangaje ko Ingabo za Uganda ziri muri EACRF zamaze kugera mu gace ka Kiwanja muri Teritwari ya Rutshuru, karekuwe n'umutwe wa M23.

Ati “Ingabo za Uganda ziri muri EACRF zageze i Kiwanja muri Rutshuru, nyuma y'uko M23 itanze ako gace ko mu Burasirazuba bwa RDC.”

Source : https://umuryango.rw/amakuru/mu-mahanga/umutekano/article/imitwe-ifasha-fardc-yasubiranyemo-ipfa-agace-m23-yari-imaze-kuvamo

Abagenzi bahuye n'ibihe biteye ubwoba ubwo indege barimo ya kompanyi yitwa Ryanair yaparikaga ishinze izuru,igeze ku kibuga cyindege cya Dublin.

Ubutabazi bwihutirwa bwahise butangwa nyuma yuko iyi ndege ihagaze nabi kubera ko ipine ryayo ry'imbere ryanze gufunguka kubera akabazo kabaye muri tekinike.

Nta muntu n'umwe wakomeretse ubwo iyi ndege ya Ryanair yari iparitse ivuye mu mujyi wa Liverpool.

Amashusho yafashwe yerekana iyi ndege igera ku butaka ariko ipine ryayo ry'imbere ryanze gufunguka ku cyumweru nyuma ya saa sita.

Amashusho yerekana abashinzwe ubutabazi bihutira kujya mu ndege.

Amafoto yafashwe nyuma y'uko iyi ndege imaze guhagarara yerekana igice cy'imbere n'aho ipie riba hangiritse.

Itangazo ry'ubuyobozi bw'ikibuga cy'indege cya Dublin ryagize riti: 'Serivisi ishinzwe kuzimya umuriro ku kibuga cy'indege cya Dublin yaratabaye, maze abagenzi bava mu ndege bisanzwe umuyobozi ushinzwe ubutabazi ku kibuga cy'indege amaze gutanga uruhushya.'

Abakozi ba serivisi ishinzwe ubutabazi n'ubuvuzi bahuye n'abagenzi bageze mu nyubako.Nta bakomeretse nubwo umuntu umwe yavuwe kubera guhungabana.”

Inzira iyi ndege yakoreyemp impanuka yafunzwe hasigara hakoreshwa imwe yo mu majyepfo nkuko byahise bitangazwa.

Source : https://umuryango.rw/amakuru/mu-mahanga/umutekano/article/abagenzi-batashywe-n-ubwoba-ubwo-indege-yaparikaga-nabi

Mu kiganiro aherutse kugirira kuri Mashariki TV, Ndayishimiye yabajijwe uko umubano w'u Burundi n'u Rwanda uhagaze muri iki gihe, asubiza ko umeze neza.

Uyu Mukuru w'Igihugu yatanze ibimenyetso bigaragaza ko uyu mubano umeze neza birimo kuba abasirikare b'ibihugu byombi baragiye bahurira mu nama, kuba Umunyarwanda yaritabiriye inama yahurije abagaba bakuru b'ingabo zo mu karere i Bujumbura no kuba aherutse kohereza intumwa mu Rwanda.

Perezida Ndayishimiye yavuze ko nta nyungu yava mu kubana nabi k'u Burundi n'u Rwanda. Ati: 'Ni iyihe nyungu y'uko ibyo bihugu bibana nabi? Ibyo mpora mbivuga igihe cyose, abana babana ntibabura icyo bapfa. Erega burya hangana n'abakundana! None ugira ngo ntitwigeze dukundana?'

Yongeye avuga ko nta bibazo ibi bihugu byagirana ngo binanirwe kubikemura. Ati: 'Ni yo mpamvu iyo mugiranye ibibazo n'umuturanyi, icyiza ni uko muganira mukabikemura. Nzi ko ibyo twapfa n'igihugu cy'u Rwanda, ibyo twavuga ngo turapfa ni ibibazo dushakira umuti mu biganiro. Kandi uko abantu baganira ni ko bazana n'umutima wo gushyira hamwe.'

U Rwanda n'u Burundi byabaye inshuti zikomeye cyane ariko umubano uzamo igitotsi mu mwaka w'2015 ubwo habaga igerageza ryo guhirika ubutegetsi bwa Pierre Nkurunziza. Gusa ku butegetsi bwa Ndayishimiye, ibihugu byombi byaraganiriye, bikemura bimwe mu bibazo byari bifitanye kandi ngo n'ibyasigaye biri mu nzira yo gukemuka.

Bwiza

Source : https://umuryango.rw/amakuru/mu-rwanda/politiki/article/perezida-ndayishimiye-yagaragaje-ishingiro-ry-umubano-w-igihugu-cye-n-u-rwanda

Umuyobozi wungirije akaba n'umwarimu wo muri imwe mu mashuri y'ahitwa Nyamira muri Kenya yatewe icyuma mu bikekwa ko yazize gukunda umukunzi w'abandi

Nyakwigendera, Thomson Ndege, yatewe icyuma ubwo yerekezaga kuri parikingi yo kuri imwe muri hoteri i Kisii.

Ibi byatangarijwe kuri sitasiyo ya Polisi ya Mosocho ku i saaa saa saba zo kuri uyu wa mbere,tariki ya 10 Mata.

Byavuzwe ko habaye gushwana hanze y'akabari kitwa Pillars mu gace ka Matieko muri metero 400 uvuye kuri sitasiyo ya polisi.

Polisi yihutiye kujya aho byabereye,ihasanga imodoka y'umufarumasiye w'umugore wo ku bitaro bya Marani Sub County,wagerageje kwihutisha umukunzi we watewe icyuma,mu bitaro. Uyu mugore ari mu myaka 50.

Raporo y'abapolisi ikomeza ivuga ko uyu mwarimu yari kumwe n'uyu mugore wavuzwe ubwo bavaga mu cyumba cya hoteli.

Igira iti”Yatewe icyuma n'umugabo bivugwa ko ari undi mukunzi w'uyu muganga uri mu kigero cy'imyaka 30. Ukekwaho icyaha yari yababonye bajya mu cyumba cya hoteli maze arabatega ubwo berekezaga ku modoka muri parikingi. Yateye icyuma uyu mugabo kabiri mu gituza maze agwa hasi ata ubwenge. “

Nk'uko abapolisi babitangaza ngo uwagabye igitero yahise ahungira mu mwijima.

Ku cyumweru,uyu mugore na nyakwigendera bagaragaye muri rimwe mu maduka manini yo mu mujyi wa Kisii ahagana saa kumi n'ebyiri z'umugoroba mbere yuko bafaya imodoka berekeza kuri hoteri yavuzwe, aho uwagabye igitero yabakurikiye.

Uyu mwarimu yahise ajyanwa mu bitaro bya Kisii Teaching and Referral kugira ngo avurwe byihutirwa ariko bimenyesha ko yapfuye akihagera.

Source : https://umuryango.rw/amakuru/mu-mahanga/ubuzima/article/umwarimu-yishwe-n-uwamushinjaga-kumutwarira-umukunzi

Ubu buhamya yabutanze kuri iki Cyumweru tariki ya 9 Mata 2023 ubwo abikorera bo mu Ntara y'Iburasirazuba bibukaga abacuruzi bazize Jenoside yakorewe Abatutsi mu 1994.

Ni umuhango wabereye ku Rwibutso rwa Jenoside yakorewe Abatutsi rwa Mukarange, wabanjirijwe n'urugendo rwavuye mu Mujyi wa Kayonza rukagera ku rwibutso.

Ndangamira wari umucuruzi ubwo Jenoside yakorwaga, yagarutse ku kuntu abacuruzi bo muri aka Karere benshi bagize uruhare mu kwicisha bagenzi babo b'Abatutsi, ngo bigarurire imitungo yabo.

Nyamara mbere y'uko Jenoside iba, abishwe bagiraga uruhare mu kuzamura ababishe binyuze mu kubaha imari bagacuruza bakazaba babishyura, n'ubundi buryo bwinshi.

Ndangamira yavuze ko ibimenyetso by'uko Jenoside yakorewe Abatutsi yategurwaga byatangiye kugaragara kera, nk'aho mu 1990 ubwo Inkotanyi zateraga, bahise bata muri yombi abantu benshi bitwa ibyitso, mu zahoze ari Komine Muhazi na Kayonza.

Nyuma y'iminsi mike ngo abasirikare na rumwe mu rubyiruko batangiye kwishimira ko bishe Gen Maj Gisa Rwigema.

Ibi byishimo ngo byakorwaga binyuze mu karasisi kakorewe mu Karere ka Kayonza, bamwe banywa inzoga nyinshi, barya inyama bishimira urwo rupfu. Ibi ngo byakorwaga n'abacuruzi, abasirikare ndetse n'urubyiruko rwabaga rwatoranyijwe.

Yakomeje avuga ko ubwo amashyaka menshi yatangiraga kwemerwa, ibintu byarushijeho gukomera hatangira gutegurwa urubyiruko ruzica abatutsi, ari nako bakomeza gutegura Jenoside mu buryo batanatinyaga kubigaragaza.

Uko abacuruzi bicishije bagenzi babo

Ndangamira avuga ko nibura muri Jenoside yakorewe abatutsi mu 1994, hari abacuruzi basaga 11 bakoreraga mu Mujyi wa Kayonza bicishijwe na bagenzi babo, kugira ngo bigarurire imitungo yabo.

Benshi muri aba ngo bishwe Jenoside igitangira, bicwa na bagenzi babo kugira ngo batange urugero ku rundi rubyiruko, ngo rutangire rwice.

Ati “Ubundi abacuruzi benshi bari batuye muri Komine Muhazi noneho hepfo muri Komine Kayonza ariho hatuye Interahamwe nyinshi, bakabura uko batugeraho, bajyaga baza tukabirukana bagasubirayo, inama zose bazikoreraga ahitwaga kwa Harora, akaba ariho bapangira ibintu byose.”

Ndangamira yavuze ko hari nk'umucuruzi witwaga Rasana wafashe uwitwaga Semana akamuzamura gake gake mu bucuruzi, ndetse aza no kumugaragira mu bukwe.

Nyuma ngo yananugurije amafaranga agura imodoka, ariko Jenoside igitangira yamuhembye kumwica, mu gutanga urugero ko buri wese yakwica umucuruzi w'umututsi w'inshuti ye.

Ibi ngo niko byaje kugenda, abakarasi bica abandi bakarasi b'Abatutsi, abacuruzi batangira kugambanira inshuti zabo b'Abatutsi, ubundi bagahita basahura imitungo yabo yose.

Ibi byajyanaga no kubicana n'imiryango yabo, aho ngo bajyaga kubica bababeshya ko bagiye kubahisha kuko babanye neza.

Ndangamira yavuze ko nyuma yo kwica abatutsi b'abacuruzi, Interahamwe zakurikijeho kwica Abatutsi bari bahingiye mu bice bitandukanye birimo abiciwe Midiho bari hagati ya 200 na 500, n'ubu imibiri yabo ikaba itaraboneka ngo ishyingurwe mu cyubahiro.

Nyuma y'aho Interahamwe n'abari abayobozi bakurikijeho kujya kuri Paruwasi ya Mukarange kwica Abatutsi benshi bari bahahungiye.

Yashimiye Inkotanyi zahagaritse Jenoside yakorewe Abatutsi, asaba abacuruzi bariho ubu kubana neza na bagenzi babo, bagaharanira gushyira hamwe.

Ati “Ndashimira Perezida wa Repuburika wari uyoboye ingabo zahagaritse Jenoside akongera akubaka igihugu cyacu, ku buryo buri muturage wese yishyira akizana, ubu igihugu gifite umutekano aho kinarenga kikanawusagurira amahanga.”

“Abacuruzi nabo nabasaba gukomeza gufasha Leta bafasha abatishoboye, aho kumera nka bariya ba kera bishe abantu bakanatanga urugero rubi.”

Muri uyu muhango abikorera b'Iburasirazuba baremeye inka 100 imiryango yarokotse Jenoside yakorewe Abatutsi, biyemeza gukora neza no guteza imbere abaturage mu rwego rwo kwerekana itandukaniro ry'abacuruzi bariho mbere ya Jenoside n'abariho ubu.

Ndangamira yasabye abacuruzi bariho ubu kugerageza kwirinda amacakubiri

Guverineri Gasana yitabiriye uyu muhango

Abikorera bahaye inka imwe mu miryango yarokotse Jenoside yakorewe Abatutsi

---

Source : http://igihe.com/amakuru/u-rwanda/article/kayonza-uburyo-abacuruzi-bicishije-bagenzi-babo-kugira-ngo-bigarurire-imitungo

Iyi gahunda yo guha abasora imashini zitanga fagitire za EBM ku buntu yashyizweho mu rwego rwo gufasha abasora kuzuza inshingazo zabo zo gutanga inyemezabuguzi zikoresheje ikoranabuhanga, nk'uko byatangwajwe n'ubuyobozi bw'imisoro mu itangazo ryasohotse ku wa 2 Werurwe uyu mwaka.

Muri iryo tangazo, RRA ivuga ko usora wese wifuza imashini itanga fagitire za EBM ku buntu asabwa kugana ibiro by'imisoro bimwegereye, cyangwa akajya ku rubuga rwa RRA, akuzuza ifishi isaba iyo mashini anyuze hano.

Ubwo yavuganaga n'itangazamakuru, Komiseri wungirije ushinzwe abasora akaba n'umuvugizi wa RRA, Uwitonze Jean Paulin, yibukije ko izi mashini zitanga fagitire za EBM ziri gutangirwa ubuntu, zije zisanga ubundi buryo RRA yashyizeho bwo gutanga fagitire zemewe nabwo butangirwa ubuntu harimo nka EBM Version 2.1 ishyirwa muri mudasobwa, EBM Mobile ishyirwa muri Telefone igendanwa, na Online EBM isaba uyikuresha kuba gusa kuba afite internet.

Izi mashini ni igisubizo ku kibazo cyakunze kugaragazwa na bamwe mu basora, bavugaga ko badafite ubushobozi bwo kugura mudasobwa (computer, laptop, tablet), cyangwa Smartphone byo gushyiramo uburyo bwo gutanga fagitire zemewe.

Karemera Rodrigue, umucuruzi mu Muji wa Kigali, yagize ati “Nafunguye aga papeterie (inzu icuruza ibikoresho bijyana n'impapuro) gato i Remera. Abakozi ba RRA bansabye ko ngomba kujya ntanga fagitire za EBM, ariko sinari mfite ubushobozi bwo kugura imashini ngo nshyiremo EBM yabugenewe. Iyi mashini iramfashije cyane.”

Mu mwaka wa 2019, nibwo hasohotse itegeko risaba umuntu wese ukora ibikorwa bibyara inyungu gutanga inyemezabuguzi ikoresheje ikoranabuhanga ryemewe n'ikigo cy'Imisoro n'Amahoro.

Ku wa 24 Ukuboza 2020, RRA yasohoye itangazo risa nk'irishyira mu bikorwa iri tegeko, kuko ryasabaga abacuruzi bose, baba abanditse n'abatanditse ku musoro ku nyongeragaciro gutanga inyemezabuguzi zikozwe mu buryo bw'ikoranabuhanga bwemewe n'ubuyobozi bw'imisoro. Kugeza ubu, abarenga 78000 bakoresha uburyo butandukanye mu gutanga inyemezabuguzi zemewe.

Komiseri wungirije ushinzwe abasora akaba n'umuvugizi wa RRA, Uwitonze Jean Paulin, yavuze ko izi mashini zije zisanga ubundi buryo RRA yashyizeho bwo gutanga fagitire zemewe

---

Source : http://igihe.com/amakuru/u-rwanda/article/rra-yatangiye-gutanga-imashini-zikora-fagitire-ya-ebm-ku-buntu

First of all, there are countless real estate firms in […]

The post Top Leading Real Estate Firms Companies in Uganda 2023 appeared first on UGWIRE.

Source : https://ugwire.com/real-estate-firms-uganda/

Igihugu cya Kenya cyaje ku rutonde rw'ibihugu icumi ku isi, aho abanyamahanga boroherwa no gutura kubera uburyo bwashyizweho buborohereza kubona serivisi bifuza.

Uru rutonde rwakozwe n'ikinyamakuru cya CNBC nyuma y'ibazwa ry'abanyamahanga basaga 12000 bakorera mu bihugu bitari iwabo hirya no hino ku Isi.

Mu byagendeweho babazwa harimo koroherwa no serivisi za leta n'izindi hifashishijwe ikoranabuhanga, kubona aho gutura byoroshye, kubona visa, gufungura konti ya banki, koroherwa n'ururimi ruvugwa muri icyo gihugu n'ibindi.
Ibihugu byaje imbere ni Bahrain, Leta Zunze Ubumwe z'Abarabu, Singapore, Estonia na Oman.

Bikurikirwa n'ibihugu nka Indonesia Arabie Saoudite, Qatar, Kenya na Canada.
Kimwe mu byahurijweho kuri ibi bihugu, ni uko serivisi nyinshi ziboneka mu buryo bw'ikoranabuhanga no kuba bikoresha Icyongereza nk'ururimi mpuzamahanga ku buryo byoroshye kuhisanga.

Mu bihugu 52 byashyizwe ku rutonde, u Budage, u Buyapani n'u Bushinwa biri mu bya nyuma, kubera imbogamizi abanyamahanga bahura nazo zirimo n'ururimi.

Nguru urutonde rw'ibihugu 10 byorohera cyane abanyamahanga kubituramo.

1.Bahrain

2.United Arab Emirates

3.Singapore

4.Estonia

5.Oman

6.Indonesia

7.Saudi Arabia

8.Qatar

9.Kenya

10.Canada

Source : https://umuryango.rw/amakuru/mu-mahanga/article/hamenyekanye-igihugu-cya-afurika-cyorohera-abanyamahanga-guturamo-urutonde