Category: Uncategorized

Ibi babisabye ku wa Kabiri, tariki ya 11 Mata 2023, ubwo hibukwaga abazize Jenoside yakorewe Abatutsi biciwe mu yahoze ari Komini Murambi.

I Kiziguro ni hamwe mu hantu Jenoside yakorewe Abatutsi yakoranwe ubukana budasanzwe ishyigikiwe na Gatete Jean Baptiste wahoze ayobora Komini Murambi, kuri ubu yahamijwe ibyaha bya Jenoside.

Kuri iyi tariki Abatutsi benshi bari bahungiye ku Kiliziya ya Kiziguro barishwe abandi batabwa mu cyobo kireshya na metero zirenga 25. Aba Batutsi bishwe mu minsi mike cyane kuko abicanyi bikangaga ko Inkotanyi ziri hafi kubageraho.

Perezida wa Ibuka mu Karere ka Gatsibo, Sibomana Jean Népomuscène , yagarutse ku byifuzo bitatu bifuza ko bafashwa gukemura birimo icyuko abarokokeye i Kiziguro babona hashyirwa ikimenyetso nk'ahantu bari bahungiye ari benshi ariko ntibahabonere ubufasha.

Ati 'Twifuza nk'abacitse ku icumu ko aha hantu hari Kiliziya ya Kiziguro hashyirwa ikimenyetso nk'ahantu haguye ibihumbi n'ibihumbi by'Abatutsi kandi benshi muri bo bari abakristu. Twumva nta gisebo cyaba kirimo nimubitwemerera tuzabashimira.'

Yakomeje avuga ko ikindi cyifuzo bafite ari uko ku rwibutso rwa Jenoside yakorewe Abatutsi rwa Kiziguro hakubakwa inzu nto yajya ifashirizwamo abahuye n'ihungabana ngo kuko iyo abantu baje kuhibukira usanga hagaragara icyo kibazo abantu ntibabone aho bafashirizwa.

Sibomana yavuze ko icya gatatu bibutsaga Akarere ka Gatsibo ari uko mu rwibutso rushya rwubatswe hashyirwamo inkuru n'amateka bigaragaza uburyo Jenoside yakorewe Abatutsi muri Kiziguro yakozwe n'ubugome yakoranwe kugira ngo bijye bifasha benshi bahasura gusobanukirwa n'amateka yaranze Jenoside yakorewe Abatutsi muri aka Karere.

Kananura Jean Baptiste warokokeye muri Kiliziya ya Kiziguro yavuze ko iyi kiliziya Abatutsi bihutiye kuyigeramo bazi ko bari buharokonere ubufasha ariko ngo birangira hiciwe abantu benshi.

Ati 'Rero nibura muri kiliziya imbere habayemo ikimenyetso cy'urwibutso igaragaza ubwicanyi bwahabaye n'abacu bahaguye, byadufasha.'

Musenyeri wa Diyoseze ya Byumba, Musengamana Papias, yavuze ko icyifuzo bagejejweho kizaganirwaho ngo ku buryo nta kibazo kirimo kuba kuri Kiliziya ya Kiziguro hashyirwa ikimenyetso.

Yijeje Ibuka ko bagiye kubiganiraho kandi ngo hazatangwa igisubizo cyiza. Ati ' Ubu turi muri gahunda yo kuvugurura iriya Kiliziya kuko iri kwitegura kwizihiza Yubile y'imyaka 100. Buriya rero bizagendera muri iyo gahunda ku buryo bitazafata igihe kinini, tuzabiganiraho turebe ibyafasha abakirisitu ku buryo bibafasha kubibuka no kubasabira, ntabwo rero bizafata igihe kinini.'

Umunyamabanga wa Leta muri Minisitiri y'Ubutabera Ushinzwe Ibyerekeye Itegeko Nshinga n'andi Mategeko, Amb. Solina Nyirahabimana, yavuze ko ibyifuzo abarokotse bagaragaje birimo inyubako yajya ifashirizwamo abaje kwibuka bahuye n'ihungabana n'ibindi byose biri muri gahunda yo gukorwa no gushakirwa ibisubizo.

Yasabye kandi abatarahigwaga baba bazi ahakiri imibiri y'abishwe itari yashyingurwa mu cyubahiro kuvuga “aho iri kugira ngo ishyingurwe mu cyubahiro”.

Umuhango wo kwibuka wasojwe hashyingurwa imibiri itandatu yabonetse mu mirenge ya Rugarama na Kiziguro y'abishwe muri Jenoside yakorewe abatutsi.

Kuri ubu Urwibutso rwa Kiziguro rusanzwe rushyinguyemo imibiri y'Abatutsi bazize Jenoside 20.121, kongeraho imibiri itandatu yarushyinguwemo.

Perezida wa Ibuka mu Karere ka Gatsibo, Sibomana Jean Népomuscène, yasabye Kiliziya Gatolika gushyira ikimenyetso kuri Kiliziya ya Kiziguro

Umuyobozi w'Akarere ka Gatsibo, Gasana Richard, yavuze ko abarokotse bazakomeza kwitabwaho

Umunyamabanga wa Leta muri Minisitiri y’Ubutabera Ushinzwe Ibyerekeye Itegeko Nshinga n’andi Mategeko, Nyirahabimana Solina, yasabye abafite amakuru ku hantu haba hari imibiri itari yashyingurwa kuhavuga ngo ishyingurwe mu cyubahiro

Hashyinguwe imibiri itandatu yabonetse mu Murenge wa Kiziguro n’uwa Rugarama

---

Source : http://igihe.com/amakuru/u-rwanda/article/gatsibo-kiliziya-ya-kiziguro-yasabiwe-gushyirwaho-ikimenyetso-nka-hamwe-mu

Ni ibintu bidakwiye muri uyu murenge ufite umwihariko wo gukora ku bihugu bibiri, u Burundi na Repubulika ya Demokarasi ya Congo, biha abawutuye amahirwe yo gukora ubucuruzi bubinjiriza amafaranga menshi.

Byiyongera ku kuba uyu murenge ufite umwihariko wo kweza umuceri mwinshi ukanagira ibiti byinshi by'imbuto ziganjemo imyembe, amaronji n'izindi.

Abo bana 26 harimo 22 bari mu ibara ry'umuhondo bivuze ko bari bafite ikibazo cy'imirire mibi ariko kidakabije cyane n'abandi bane bari mu ibara ry'umutuku, bivuze ko bari bafite ikibazo cy'imirire mibi ikabije.

Abenshi muri aba bana si ubwa mbere imiryango yabo yari irwaje indwara z'imirire mibi ituruka ku kutabona indyo yuzuye kuko harimo abafite bakuru babo bigeze kugira iki kibazo n'abari bagaragaye kuri uru rutonde inshuro zirenze imwe.

Umunyamabanga Nshingwabikorwa w'uyu murenge, Nsengiyumva Vincent de Paul, yabwiye IGIHE ko yahise atumiza abakire bo muri uyu murenge mu nama y'igitaraganya. Iyo nama yarimo abahagarariye amadini n'amatorero, abacuruzi bakomeye, n'abakozi ba Leta.

Ati 'Twasanze ubukene no kutabona ibyo kurya bihagije atari yo mpamvu ibanza mu byateye abo bana kujya mu mirire mibi, ahubwo ari imyumvire n'ubumenyi buke ku gutegura indyo yuzuye'.

Gitifu Nsengiyumva yabwiye abakire n'abasirimu bo muri uyu murenge ko iki kibazo badakwiye kukirenza ingohe, kuko iyo agiye mu nama ku karere bakavuga ko umurenge wa Bugarama ufite abana bafite imirire mibi kandi ari wo ugaburira igihugu umuceri n'imbuto, ababyumvise bahita babona ko abakire n'abasirimu bawutuyemo badasobanutse.

Abakire bo muri uyu murenge bahise bashyiraho gahunda bise 'Tumube hafi tumurengere nawe ni uwacu' mu rwego rwo guhangana n'ikibazo cy'imirire mibi.

Buri mukire yahisemo urugo rumwegereye mu zifite abana bafite imirire mibi, umurenge umuha inshingano icyenda agomba gukorera urwo rugo harimo kurusura, kureba niba ibikenewe ngo ifunguro ribe ryuzuye bihari, kumenya igihe umwana arira, ingano y'ibyo bamutegurira, abandi bavandimwe be barya bate, bafite akarima k'igikoni, kubigisha gutegura ifunguro ririmo ibyubaka umubiri, ibirinda indwara, n'ibitera imbaraga.

Aba bakire basinyanye n'umurenge amasezerano y'uko bagiye kuba abafashamyumvire b'iyi miryango kugira ngo barebe abazatanga abandi kuvana abana mu mirire mibi.

Muri Gashyantare uyu mwaka, Ikigo Nderabuzima cyongeye gupima ba bana 26 gisanga bose baravuye mu mirire mibi uretse abana batatu muri bane bari mu mutuku. Umwana uri mu mutuku kumuvana mu mirire mibi bifata igihe kuko aba agomba no kunywa imiti yo kwa muganga.

Mbarushimana Hamim avuga ko atewe ishema no kuba yarafashije abana babiri bo mu mudugudu wa Rusayo, akagari ka Nyange kuva mu mirire mibi.

Ati 'Narakurikirana nkamenya niba abo bana bariye igi, bakanywa igikoma, bakarya imbuto. Bafataga ko igi riribwa n'umuntu wageze iyo ajya mbasobanurira ko igi rigura 150Frw bityo ko n'uwagiye gupagasa akabona 2000Frw ataburamo 150Frw yo kugura amagi '.

Umuyobozi w'Akarere ka Rusizi, Dr Anicet Kibiliga yabwiye IGIHE ko muri aka karere bari kubaka mu baturage umuco wo gushishikariza buri wese gutanga icyo afite mu gukemura ibibazo akarere gafite.

Ati 'Iyo gahunda yo mu Bugarama kuba yakwaguka ikagera no mu yindi mirenge byaba ari ikintu cyiza kuko n'abandi na bo bafite gahunda zigiye zitandukanye ariko burya gahunda itanze umusaruro kurusha izindi ni yo ikora hose'.

Akarere ka Rusizi niko karere ko mu Ntara y'Iburengerazuba gafite abana bake bagwingiye kuko ari 30,7% mu gihe muri iyi Ntara igwingira ry'abana riri kuri 40%, naho mu gihugu rikaba riri kuri 33%.

Mu Ntara y'Iburengerazuba akarere ka Ngororero ni ko gafite abana benshi bagwingiye kuko ari 50,5% bavuye kuri 59% mu 2015, gakurikirwa na Nyabihu 49,5%, Rutsiro 44,4% Rubavu 42%, Nyamasheke 37,7% na Karongi 32,4%.

U Rwanda rwihaye intego yo kugabanya abana bagwingiye bakagera munsi ya 19% bitarenze 2024.

Mu ngamba akarere ka Rusizi kafashe kugira ngo iyi ntego izagerweho harimo ko buri rugo rugomba kugira akarima k'igikoni, rukagira nibura inkoko ebyiri kandi buri nyubako ya Leta ikagira akarima k'igikoni.

---

Source : http://igihe.com/amakuru/u-rwanda/article/rusizi-abakire-bakoze-irushanwa-ryo-kuvana-abana-mu-mirire-mibi

Inyandiko za Pentagon ziherutse gushyirwa ku karubanda BBC yabashije kubona, ziragaragaza ikiganiro hagati y'abayobozi bo mu rwego rwo hejuru bo muri Koreya y'Epfo ku bijyanye no kugurisha intwaro zashoboraga gukoreshwa muri Ukraine .

Ni ikiganiro cyabaye hagati y'abajyanama bakuru ba Perezida Yoon Suk Yeol.

Muri icyo kiganiro humvikanamo kutumvikana hagati y'igitutu cya Amerika cyo kohereza amasasu muri Ukraine na politiki yabo yo kudaha intwaro ibihugu biri mu ntambara.

Umwe mu bajyanama atanga igitekerezo cyo kohereza ahubwo amasasu muri Pologne, mu rwego rwo kwirinda kugaragara ko yoherejwe muri Amerika.

Washington imaze iminsi ishakisha uwaba yarashyize ahagaragara aya makuru y'ibanga, Pentagon ivuga ko ari ikibazo gikomeye ku mutekano w'igihugu.

Umwaka ushize, Koreya y'Epfo yemeye ko izagurisha Amerika ibisasu bya rutura kugira ngo yuzuze ububiko bwayo, ariko ishimangira ko Amerika igomba kugumana ibisasu kandi ntibyohereze i Kyiv.

Mu kiganiro bagiranye ku itariki ya 1 Werurwe, umunyamabanga ushinzwe ububanyi n'amahanga wa Perezida Yoon Yi Mun-hui ngo yabwiye umujyanama mu by'umutekano w'icyo gihe, Kim Sung-han, ko guverinoma “yatewe impungenge n'uko Amerika itazaba umukoresha wa nyuma” w'amasasu.

Bafite kandi impungenge ko Perezida Biden ashobora guhamagara Perezida Yoon mu buryo butaziguye kuri iki kibazo, kandi Koreya y'Epfo yaramuka ihinduye politiki yayo yo gutanga intwaro muri Ukraine, bigasa nk'aho byatewe n'igitutu cya Amerika.

Nk'uko iyi nyandiko ibigaragaza, umujyanama mu by'umutekano muri Koreya y'Epfo, Kim, yahise avuga ko bashobora kugurisha ibisasu muri Pologne, binatewe n'uko “kugeza amasasu muri Ukraine byihuse yari yo ntego nyamukuru ya Amerika”.

Koreya y'Epfo ivuga ko iri gukora iperereza ku kumena ayo mabanga ariko ikaba yashimangiye ko bidashoboka kumva ibiganiro byihariye mu biro bya perezida, kandi ko iki kiganiro kidashobora kuba cyarabereye mu ndake yihariye ya perezidansi.

Amerika ntabwo yahishe ko ishaka ko Seoul iha intwaro Ukraine. Yizera ko Koreya y'Epfo, n'ubushobozi bwayo bwo gukora intwaro ziteye imbere ku buryo bwihuse, ishobora kugira uruhare runini mu byava mu ntambara.

Ariko Seoul yanze kubikora kenshi ikomoza kuri politiki yayo yo kutohereza intwaro mu bihugu biri mu ntambara, mu gihe ku giti cyayo ihangayikishijwe n'uko umubano wayo n'u Burusiya wakwangirika.

Source : https://umuryango.rw/amakuru/mu-mahanga/umutekano/article/koreya-y-epfo-yatinye-kohereza-intwaro-muri-ukraine-biri-mu-mpapuro-amerika

Indege itwara imizigo muri Colombia yagonze igice cyo hejuru cy'igiti ubwo yari imaze gusoza umuhanda wayo ifashe ikirere bituma igaruka ku butaka nyuma y'iminota mike yari imaze igenda.

Amakuru avuga ko iyi ndege yahagurutse ifite ibiro 274 kg birenze ku rugero igomba gutwara, nk'uko iperereza ryakozwe kuri iki kibazo ribigaragaza.

Ku ya 3 Gashyantare 2022,nibwo Boeing 737-200 ya Aerosucre hamwe n'abakozi bayo batanu bahagurutse ku kibuga cy'indege cya Puerto Carreno muri Kolombiya ku butumburuke bwo hasi buteje akag,byatumye igonga amababi y'igiti.

Ubwo iyi ndege yafataga ikirere,amapine yayo yagonze igiti cya metero14 giherereye kuri 295 m,uvuye ku mpera z'umuhanda wayo.

Amashusho yafashwe na kamera yo ku rugo ruturanye n'umuhanda w'iyi ndege yerekana iyi ndege igendera hasi cyane,ishaka kugonga insinga z'amashanyarazi ariko ku bw'amahirwe ntibyaba ahubwo igonga ku mpera z'igiti gituranye n'ikibuga.

Abapilote basubiye ku kibuga cy'indege nyuma yiminota 20 bari mu kirere nyuma y'uko moteri y'ibumoso ibuze ingufu.

Ubugenzuzi bwakurikiyeho bwerekanye ko iyo moteri yinjiyemo amababi y'iki giti yagonze ubwo yari imaze guhaguruka.

Mbere yo kugaruka ku kibuga cy'indege,iyi ndege ya kompanyi yo muri Bogota yazamutse igera hejuru, maze abakozi bongera kwatsa moteri y'ibumoso. Icyakora, yari yashyushye cyane bituma icumba umwotsi ubwo yari imaze kugwa, nubwo nta muriro wagaragaye.

Abashinzwe iby'indege bavuze ko ibiro iyi ndege yari itwaye biri mu byateye ikibazo ndetse no kwirara kw'abapilote batahaye agaciro uburemere ibyo yari itwaye.

Source : https://umuryango.rw/ubuzima-115/udushya/article/indege-yagarutse-igitaraganya-ku-kibuga-nyuma-yo-kunanirwa-guhaguruka-neza

Mu butumwa bwe bwumvikanamo guharanira guha icyizere cy'ejo hazaza abarokotse Jenoside yakorewe abatutsi Miss Grace yasabye abanyarwanda kurushaho kubitaho mu rwego rwo guharanira kubaho kandi neza.

Ati 'Mu gihe twibuka ku nshuro ya 29 Jenoside yakorewe Abatutsi, mureke tube hafi abasizwe iheruheru nayo, tubafate mu mugongo, tubahe icyizere cy'ejo hazaza duharanira kubaho neza. Ikindi kandi, ni umukoro wacu twese kurwanya icyadusubiza inyuma icyo aricyo cyose.'

Source : https://umuryango.rw/imyidagaduro/article/ni-umukoro-waco-ubutumwa-bwa-miss-grace-bahati-ushimangira-ko-kurwanya

Mu gihe hirya no hino havugwa ubujura bukabije, Umuvugizi wa Polisi, CP John Bosco Kabera yavuze ko hafashwe ingamba zikomeye zigamije guhashya ibyo bikorwa.

CP Kabera yabwiye RBA ko abitwaza intwaro gakondo bagakomeretsa cyangwa bakica abaturage ko batazihanganirwa.

Ubujura bukomeje gufata intera aho abajura hirya no hino mu mujyi wa Kigali basigaye batema cyangwa bagakatisha inzembe abo bashaka kwambura ku manywa y'ihangu.

Mu murenge wa Rwezamenyo, mu karere ka Nyarugenge, abajura bitwaje intwaro gakondo mu ijoro ryo ku wa Mbere rishyira kuri uyu wa Kabiri,tariki ya 11 Mata 2023, bateye umuturage inshuro ebyiri, bwa mbere batwaye amafaranga ibihumbi 600Frw nyuma baragaruka, aratabaza.

Uyu muturage tutavuga amazina ye ku mpamvu z'umutekano, yabwiye UMUSEKE ko abamwibye babanje bacukura inzu ye, maze baramucucura ntibagira icyo basiga.

Atuye mu Kagari ka Kabuguru II , Umudugudu w'Ubusabane, yabwiye UMUSEKE ko yatashye iwe mu ijoro asanga idirishya baryishe, bamaze kumwiba.

Ati 'Natashye nko mu saa tatu (21h00), nsanga abajura babomoye (basenye) batwaye imiguru nka 15 y'inkweto, batwara ibihumbi 600frw, batwara amapantaro nka 28, batwara n'isaha

Yakomeje avuga ko mu masaha yo mu rukerera nabwo bagarutse, ahita atabaza ndetse noneho ngo bari bitwaje intwaro gakondo.

Ati 'Bari bafite amaferabeto, turunevisi. Iyo babuze ibyo batwara nawe baragutwara, cyangwa iyo ushatse kubatesha.'

Polisi n'inzego z'ubuyobozi zahise zigera kuri uyu muturage ndetse Gitifu wa Rwazamenyo yemeje ko hagiye gukazwa ingamba mu gukumira ubujura.

Source : https://umuryango.rw/amakuru/mu-rwanda/umutekano/article/polisi-yarahiriye-guhashya-abajura-bakomeje-kwiyongera-hirya-no-hino

By'umwihariko umukobwa we Carine Kanimba, ku mbuga nkoranyambaga ze ntihasibagaho ubutumwa bwibasira u Rwanda ko rwafunze se mu buryo butari bwo. ariko aza gusa n'ucogoye yumvise amakuru yo kurekurwa kwa se.

Nyuma yo gusubiza agatima impembero, Kanimba amaze iminsi asangiza abamukurikira ku mbuga nkoranyambaga ubutumwa bwibasira Guverinoma y'u Rwanda.

Usibye ibyo yandika ubwe, asakaza ibitekerezo by'abandi basebya u Rwanda nka Michael Wrong n'abandi bizwi ko batajya barucira akari irutega. Ubu ugezweho ni Umunyamakuru Anjan Sundaram.

Mu gitondo cyo kuri uyu wa Kabiri, Carine Kanimba yasangije abamukurikira igitekerezo cyanditswe na Sundaram muri The New York Times, mu gace kavuga ko abanyamakuru bo mu Rwanda bameneshwa, bagahunga cyangwa se bakicwa.

Muri ubwo butumwa, harimo ko abatavuga rumwe n'ubutegetsi mu Rwanda bafungwa nyuma y'iminsi mike bagasangwa bapfuye.

Sundaram yanditse Igitabo yise “Bad News: Last Journalists in a Dictatorship” aho avuga ko mu Rwanda Guverinoma nta mwanya iha tangazamakuru, ko nta bwinyagamburiro rifite.

Ni igitabo bwa mbere cyamaganwe n'abo avuga ko bamuhaye ubuhamya kuko bagaragaje ko yababeshyeye akavuga ibyo batamubwiye.

Sundaram akunze kugaragara mu biganiro by'abatavuga rumwe na Leta y'u Rwanda birimo iby'abakorana na RNC ya Kayumba Nyamwasa ndetse bivugwa ko uwo mutwe w'iterabwoba ujya unamuhemba kugira ngo asebye u Rwanda.

Kanimba uherutse kongera kubona se, wari ufungiye mu Rwanda, yirengagije ineza yagiriwe umubyeyi we kabone n'ibyaha bikomeye yashinjwaga, yiyemeza gusebya u Rwanda ko rugirira nabi abatavuga rumwe n'ubutegetsi, kandi se yaratashye nta nkomyi ari muzima.

Yirengagije ubugwaneza bw'abafunguye se

Mbere y'uko Rusesabagina afungurwa, Perezida Kagame yavuze ko u Rwanda n'Abanyarwanda nta mutima mubi bagira, kuko ngo rwubakiye ku mbabazi cyane ko rwazihaye n'abakoze ibyaha ndengakamere nka Jenoside.

Mu gihe gito, byahise byigaragaza maze Inama y'Abaminisitiri yemeza ko Paul Rusesabagina n'abo bareganwaga bahawe imbabazi n'Umukuru w'Igihugu.

Nubwo yari yaranditse ibaruwa isaba imbabazi, byarashobokaga ko atazihabwa, agakomeza gufungwa. Gusa u Rwanda rwagiranye ibiganiro na Amerika, binagirwamo uruhare na Leta ya Qatar, bigamije gukemura ikibazo cye dore ko cyari agatotsi mu mubano w'ibihugu byombi.

Bivugwa ko ibyo biganiro ku ruhande rwa Amerika byari biyobowe n'Umujyanama wa Perezida Biden mu by'Umutekano, Jake Sullivan.

Rusesabagina yatawe muri yombi ibihugu bimwe bimwita intwari, bitangira gushyira igitutu ku Rwanda ngo rumufungure bwangu. Icyo gihe byeruriwe ko “igitutu kidakora hano.”

Mu bijyanye na bwa bugiraneza bw'u Rwanda bamwe batahaye agaciro, Rusesabagina yafashwe akekwaho kurema no kuyobora Umutwe w'Iterabwoba wa MRCD/FLN, wishe abantu icyenda mu bitero bitandukaye mu nkengero z'Ishyamba rya Nyungwe, abandi barakomereka, imitungo yabo irasahurwa.

Ibindi bihugu byatanze urugero ko iyo ubonye aho icyihebe cyihishe, woherezayo umunwa w'imbunda, missile cyangwa rockette, kumwe Amerika ibigenza. Ni yo mpamvu twabonye ijya kurasa muri Iran, Iraq, Afghanistan, Syria n'ahandi, rimwe na rimwe n'impamvu zayo kumvikana bikagorana.

Nyamara Rusesabagina yarafashwe, arafungwa, ahabwa abamwunganira mu mategeko, afatwa neza haba aho yari afungiye cyangwa iyo yajyaga kuburana.

Si amahirwe benshi mu bagize umutwe yayoboraga bagize, kuko bamwe baguye mu bitero, abandi bagwa muri Congo ubwo bafatwaga ngo boherezwe mu Rwanda.

Ntabwo Amerika yari yizeye ko uyu mugabo u Rwanda rwamurekura ahanini bitewe n'uburemere bw'ibyaha yahamijwe.

Ni nako byagenze ubwo yari amaze gufatwa n'inzego z'u Rwanda, kuko Amerika itahise isaba ko arekurwa ako kanya, kuko yari imaze kubona ko hari ibimenyetso bikomeye bimushinja uruhare mu gutera inkunga imitwe yitwaje intwaro igamije guhungabanya umutekano w'u Rwanda.

Icyari ihurizo kuri Amerika ni uburyo u Rwanda rwarekura umuntu wahamijwe ibyaha by'iterabwoba no kwica abantu. Ni na yo mpamvu kuva Rusesabagina yafatwa, Ububanyi n'Amahanga bwa Amerika bwavuze kuri dosiye ye hashize igihe.

No mu gihe Amerika yotsaga u Rwanda igitutu, rwakomeje kwihagararaho, kugeza n'aho Antony Blinken yakoreye uruzinduko i Kigali afite muri gahunda gucyura Rusesabagina ariko ntabigereho.

Ubwo Blinken yari avuye mu Rwanda, bivugwa ko Amerika yahise ibona ko igitutu kitazigera gikora ngo rube rwarekura Rusesabagina.

Nyuma y'iminsi ine, bivugwa ko umuntu witwa John Tomaszewski ukorana bya hafi n'Umusenateri witwa James Risch wo muri Amerika yagiye gusura Rusesabagina i Mageragere.

Ageze yo ngo yamuganirije ku gitekerezo cyo kuba yakwandika asaba imbabazi Perezida Kagame, kugira ngo abe yarekurwa. Rusesabagina utari wizeye ko yahabwa imbabazi, ngo yavuze ko agiye kubigerageza.

Tomaszewski aherutse gutangaza ko umuryango wa Rusesabagina na wo utari ubyizeye. Inzira za dipolomasi ni aho zahereye, inzego za Amerika n'iz'u Rwanda zitangira kuganira kuri uko kurekurwa.

Bivugwa ko muri uko kuganira, u Rwanda nta kintu rwigeze rusaba Amerika kugira ngo Rusesabagina abe yarekurwa, ahubwo icyo rwari rushyize imbere kwari uko ibikorwa uyu mugabo yakoze bitazongera ukundi, kandi ko Amerika na yo igomba kubyamagana.

Source : https://umuryango.rw/amakuru/mu-mahanga/article/nyuma-y-ifungurwa-rya-se-umukobwa-wa-rusesabagina-yongeye-kwigaragaza

Cassa Mbungo André , umutoza wa AS Kigali, ikipe isanzwe ikina shampiyona y'ikiciro cya mbere mu Rwanda yatanze ubutumwa bw'ihumure ndetse n'isanamitima.

U Rwanda ruri mu minsi ijana yahariwe kwibuka ku nshuro ya 29 Jenoside yakorewe Abatutsi muri Mata 1994 igahitana inzirakarengana zirenga miliyoni imwe.

Abantu batandukanye barimo n'abasiporitifu bagenda batanga ubutumwa bw'ihumure ku banyarwanda ndetse isana n'imitima.
Cassa Mbungo André niho yahereye nawe aganira n'ikinyamakuru Igihe, atanga ubutumwa bw'ihumure ndetse anatangaza uburyo ukuri n'ubugwaneza bigarura ubuzima mu mitima y'abacitse ku icumu rya Jenoside yakorewe Abatutsi.

Cassa Mbungo yagize ati ' Amagambo ahumuriza harubwo ashira ivuga ariko imirimo myiza ,yuzuye urukundo, ukuri n'ubugwaneza bigarura ubuzima mu iterambere ry'abacitse ku icumu rya Jenoside yakorewe Abatutsi mu 1994.
Twibuke Twiyubaka'.

Source : https://yegob.rw/ukuri-nubugwaneza-bigarura-ubuzima-ubutumwa-bwihumure-bwa-cassa-mbungo/

Irambona Eric wabaye umukinnyi w'umupira w'amaguru mu makipe arimo Rayon Sports na Kiyovu Sports , yahaye umukoro urubyiruko rw'u Rwanda.

Kuva ku itariki 07 Mata 2023 u Rwanda ndetse n'Isi muri rusange batangiye iminsi ijana yo kwibuka ku nshuro ya 29 Jenoside yakorewe Abatutsi muri Mata, igahitana inzirakarengana z'Abatutsi barenga miliyoni imwe.

Abantu batandukanye mu ngeri zose bagenda batanga ubutumwa bw'ihumure ndetse bunakomeza abantu. Abandi bagira inama urubyiruko rw'uko rwahangana n'abahembera urwango ndetse n'ingengabiteketezo ya Jenoside.
Irambona Eric aganira n'ikinyamakuru Igihe yasabye urubyiruko ko rwakomeza kwirinda abashaka kurucengezamo ingengabitekerezo ya Jenoside.

Irambona yagize ati : 'Leta ntizajya mu ntambara y'imbuga nkoranyambaga isize umupaka aho FDRL nizo nterahamwe zishaka kugaruka zanyurana . Ni inshingano zacu nk'urubyiruko kwirinda ko abo abantu bakomeza kudushyiramo Virusi'.

Source : https://yegob.rw/kwibuka29-irambona-eric-wakiniye-amakipe-arimo-kiyovu-na-rayon-sports-yahaye-umukoro-urubyiruko/

 

Nduwimana Jean Paul wamenyekanye cyane ku izina rya Noopja akaba ari rwiyemeza mirimo ukomeye cyane ufite studioya country records yakoreragamo umusore utunganya imiziki uzwi cyane nka Element yatanze ubutumwa bukomeye cyane ku banyarwanda bose muri ibi bihe byo kwibuka ku nshuro ya 29 Jenoside yakorewe Abatutsi muri Mata 1994.

Noopja yagize ati:' Kwibuka Jenoside yakorewe Abatutsi muri Mata 1994, ni inshingano za buri munyarwanda aho ari hose. Si ibyo guharirwa bamwe gusa, ni amateka yacu twese. Ni muze kandi dukore tutizigama, twiyubake, dutere imbere, kandi ubumwe n'ubufatanye bikomeza kuturanga kuko ni wo musingi duheraho twubaka u Rwanda twifuza'.

Noopja yasabye abantu gukora cyane kandi bagakunda igihugu kandi yasoje agira ati:' Twibuke Twiyubaka'.

Source : https://yegob.rw/noopja-yatanze-ubutumwa-bukomeye-ku-banyarwanda-bose-muri-ibi-bihe-byo-kwibuka-ku-nshuro-ya-29-jenoside-yakorewe-abatutsi/