Nk'uko bahora babikora buri mwaka iyo Pasika yaraye ibaye, abasaserdoti, abihaye Imana n'abari mu miryango mishyashya ya Mutima-Mweranda bo muri Diyoseze Nkuru ya Bujumbura bagiye kuryoshya ku mazi.
Ku wa mbere w'iki Cyumweru, abagize Diyoseze nkuru ya Bujumbura basohokeye ku kiyaga cya Tanganyika kurya ubuzima.
Aba bagiye bari kumwe n'Umwepiskopi Mukuru, Nyiricyubahiro Musenyeri Gerevazi Banshimiyubusa, mu rwego rwo kwishimira Pasika y'Umwami Yezu yo muri uyu mwaka wa 2023.
AMAFOTO
Â
Umubyeyi wo mu karere ka Nyamasheke mu murenge wa Macuba witwa Mukamuyoboke Vestine warokotse Jenoside yakorewe Abatutsi muri Mata 1994 warumaze igihe kinini arwaye impyiko zose ndetse arembye cyane yahawe impyiko n'umwe mu bantu batari mubahigwaga muri Jenoside yakorewe Abatutsi muri Mata 1994.
Mukamuyoboke Vestine yagizwe intwaza na Jenoside yakorewe Abatutsi muri Mata 1994 akaba yarahawe impyiko n'umuturanyi we witwa Ugabanumva Desire nyuma yuko yaramaze imyaka myinshi arembye cyane gusa nyuma yo guhabwa impyiko arashimira cyane uwayimuhaye ndetse ngo kuri we ntacyo yabona yamwitura.
Ugabanumva Desire wahaye impyiko uyu mubyeyi avuga ko yabitekerejeho maze abiganiriza umugore we nuko nawe ntiyazuyaza aramwerera ahita ahamagara uyu mubyeyi Desire avuga ko ari igikorwa yakoranye umutima ukunze.
Uyu mubyeyi avuga ko yahamagawe na Ugabanumva Desire akamubwira ko ashaka kumuha impyiko ngo kuri we ntago yaraziko gutanga impyiko bibaho gusa akomeza amushimira byimazeyo ngo cyereka Imana yonyine niyo yamuhemba naho we ntacyo afite yamwitura.
Â
Â
Dj Dizzo wahawe iminsi 90 yo kubaho kubera Kanseri, yashimiye Imana ndetse n'abantu bayo barimo YAGO na Shaddboo
Abinyujije ku rukuta rwe rwa Instagram aho yiyita 'Dj Dizzo On the Mix' yagarutse kubuzima bubi yabayemo ashimira abakomeje kumufasha.
Mu butumwa bwuzuyemo urugendo rwe rw'uburwayi, Dj Dizzo avuga ko Imana yahabaye ubwo yari amaze guhabwa iminsi 90 yo kubaho gusa.
Yagize ati:' Kuri uyu munsi nari nabwiwe ko nsigaranye iminsi 90 gusa yo kubaho. Natekereje ko iminsi yanjye igeze ku iherezo simbabeshya pe.
Ubwo nagarukaga mu Rwanda , nagarukanye urukundo rwanyu bamwe ntibabyumva ariko nabashije kubitsinda.
Kugeza magingo aya ndifuza gushimira abantu bose bamfashije kandi bakomeje kumfasha mu burwayi bwanjye kugeza magingo aya.
'Yago, Dady Maximo, Dj Princess, Christel, Shaddboo, muri amahirwe yanjye ndetse n'abandi ntavuze nishimira ko nabamenye.Icyo ntekereza k'ubuzima bwanjye uyu munsi, ni uko Imana imfite kandi nkaba nzakomeza kubaho Kandi sinterwe ubwoba no gupfa'.
Uyu musore yasoje agira ati:' Hari abantu bambona, bakavuga bati Yesu ashimwe kuko ukiriho nanjye nkabwira ati, ni ukubera Imana'
Mu gihe uri koza icyombo bikozwe muri aluminium ukoresheje ikiyiko cyicyuma cyangwa ikindi kintu gikuba nka 'situruwaya' ishishura uduce duto tw'icyuma. Utwo twuma twinjira mu biryo bitetse maze wabirya nawe ukabyinjiza mu mubiri binyuze mu biryo.
Guteka ibiryo bifite acide ukoresheje ibikoresho bikozwe muri aluminium bigira ingaruka mbi ku buzimaÂ
Mu gihe uri guteka aya mafunguro, iyo acide ituma ibyo bikoresho bishonga hakavaho uduce duto tw'icyuma bya aluminum bityo ukabirya mu biryo. Urugero rw'aya mafunguro ni nka tungurusumu, inyanya nibindi bintu bya acide iyo bitetse muri ibyo bikoresho bishongesha ibyo byuma maze ukabirya mu biryo.
Aluminium iyo igize mu mubiri ihinduka uburozi buhoro
Ubushobozi bw'umubiri w'umuntu bwo gusohora ibyuma nkibi ni buke. Iyo bigeze mu mubiri byikusanyiriza buhoro buhoro mu tunyangingo tw'imitsi, impyiko, umwijima, amagufwa n'ibindi. Nanone kandi igira ingaruka mbi cyane ku tunyango tugize ubwonko.
Indwara zituruka ku biryo bitetse mu bikoresho bya aluminium
. Indwara zamagufa(nka osteoporose)
. Indwara z'amaso,
. Kugabanya imikorere y'impyiko
. Impiswi
. Igifu
. Kubabara mu nda
. kwandura amara (Colitis)
. Gutakaza kwibuka.
. Gutakaza imikorere yimitsi.
. Kubabara umutwe
Taylor Swift umuhanzikazi akaba n’umukinnyi wa filime uri mu bahagaze neza muri Leta Zunze Ubumwe za Amerika, yasubiye ku isoko ry’ingaragu zidafite abakunzi (single), nyuma yaho atandukaniye n’umukinnyi wa filime Joseph Matthew Alwyn uzwi cyane ku izina rya Joe Alwyn.
Amakuru yo gutandukana kwa Taylor Swift n’Umwongereza Joe Alwyn, yabanje gutangazwa na PageSix aho yavuze ko aba bombi batandukanye muri Werurwe bakabigira ibanga hagati yabo.Â
Aya makuru yemejwe na Joe Alwyn ubwo yaganiraga na Enterntainment Tonight aho yavuze ko urukundo rwe na Taylor Swift rwarangiye.
Mu magambo ye Joe Alwyn yagize ati: ”Inkuru y’urukundo rwanjye na Taylor Swift yararangiye ariko yarangiye neza. Ntabwo twatandukanye nabi nk’uko nabonye babivuga ku mbuga nkoranyambaga. Ni icyemezo twafatiye hamwe twemeranya ko buri wese aca mu nzira ye.”
Abajijwe icyatumye batandukana nyuma y’imyaka 6 bakundana, Joe Alwyn yasubije ati: ”Buriya abantu bose ntabwo urukundo rwabo rukomeza kuko bamaranye igihe. Ntabwo navuga ngo ikintu cyatumye dutandukana ni iki kuko ni ibintu byinshi twagenzuye tubona ntabwo bitwemerera kugumana”.
Taylor Swift w’imyaka 33 na Joe Alwyn batandukanye hari hashize iminsi bivugwa ko aba bombi bari kwitegura kurushinga. PageSix yatangaje ko amakuru aturuka ku nshuti z’uyu muhanzikazi, avuga ko Joe Alwyn atari yiteguye gukora ubukwe bikaba byaragize uruhare mu itandukana ryabo.
Taylor Swift yamaze gutandukana na Joe Alwyn bari bamaranye imyaka 6 mu rukundo
Joe Alwyn yemeje itandukana ryabo, yirinda gutangaza icyatumye batandukana
Taylor Swift na Joe Alwyn bakanyujijehoÂ
Batangiye gukundana mu 2016 batandukanye mu 2023
Nyuma y’uko ishyirahamwe ry’umupira w’amaguru mu Rwanda ryari ryijeje amakipe ko umunsi wa 26 bashobora kuwukinira kuri Kigali Pelé Stadium ku makipe yari asanzwe ahakirira, yasabwe gukomeza kwakirira aho yakiriraga kuko iki kibuga kitaraboneka.
Muri Mutarama uyu mwaka ni bwo iki kibuga cyari gisanzwe kifashishwa n’amakipe menshi cyatangiye kuvugurwa, cyatashywe muri Werurwe 2023 aho cyanahindurirwe izina riva kuri Kigali Stadium cyitwa Kigali Pelé Stadium.
Ibyo byari bivuze ko amakipe nka APR FC, Rayon Sports, AS Kigali, Police FC, Gasogi United, Kiyovu Sports na Gorilla FC yari asanzwe ahakirira imikino ashaka ahandi.
APR FC, AS Kigali, Gorilla FC na Gasogi United zagiye ku kibuga cya Bugesera mu gihe Kiyovu Sports, Rayon Sports na Police FC zagiye ku kibuga cy’i Muhanga.
Mu gihe byari byitezwe ko imikino y’umunsi wa 26 wa shampiyona ya 2022-23 izakinwa ejo no ku Cyumweru, amakipe ashobora kwakirira kuri iki kibuga, ahubwo yasabwe gukomeza kwakirira aho asanzwe akinira.
Amakuru agera ku kinyamakuru ISIMBI ni uko iki kibuga gisanzwe kiri mu maboko y’Umujyi wa Kigali atari yo yakivuguruye ahubwo ari leta.
Nyuma yo kuvugururwa Umujyi wa Kigali ukaba utaragishyikirizwa kugira ngo wongere ukigenzure nka mbere, utegereje ko habaho ihererekanyabubasha ari nabwo aya makipe azongera kugikiniraho.
Gahunda y’umunsi wa 26
Ku wa Gatandatu tariki ya 15 Mata 2023
Gorilla FC vs Etincelles
APR FC vs Gasogi United
Rwamagana City vs Musanze FC
Kiyovu Sports vs AS Kigali
Ku Cyumweru tariki ya 16 Mata 2023
Mukura VS&L vs Marines FC
Police FC vs Rutsiro FC
Espoir FC vs Sunrise FC
Bugesera FC vs Rayon Sports
Umuryango uharanira inyungu z'abarokotse Jenoside yakorewe Abatutsi IBUKA, wongeye gutakambira inzego z'igihugu gushyira imbaraga mu gushaka uko abakekwaho kugira uruhare muri Jenoside, bari mu mahanga baburanishwa.
Kuba abarokotse Jenoside yakorewe abatutsi mu Rwanda barabonye ubutabera bwihuse ahanini bigizwemo uruhare n'inkiko gacaca, bifatwa nka kimwe mu byatumye nibura baruhura umutwaro n'agahinda basigiwe n'ibyo bakorewe, ariko kuba hari abakekwaho kugira uruhare muri Jenoside yakorewe abatutsi bakidegembya mu bihugu by'amahanga nyuma y'imyaka 29.
Ni ikibazo ku muryango uharanira inyungu z'abarokotse Jenoside nk'uko bisobanurwa na Perezida wa IBUKA, Dr. Gakwenzire Philbert.
Ati 'Ikindi gihangayikishije n'uburyo hirya no hino ku isi hari abakatiwe icyaha cya Jenoside yakorewe abatutsi barimo kugenda bafungurwa cyangwa bakagabanyirizwa ibihano, ngo kubera bitwaye neza muri gereza. Urugero ni uwitwa Mbanenande Stanislas wakatiwe gufungwa burundu n'inkiko z'igihugu cya sued, none ngo akaba agiye gufungurwa mu myaka itanu iri imbere.'
Yakomeje agira ati 'Ibyo byose inzego za leta yacu zikwiye kubikurikiranira hafi, kuko akenshi usanga bikorwa mu nyungu zibangamiye ubutabera bw'u Rwanda. Aha hiyongeraho na ba ruharwa bacyidegembya mu bihugu by'amahanga' niyo mpamvu umuntu wese yaba umunyarwanda, yaba umunyamahanga wagira amakuru kuri aba bantu yayageza ku nzego z'ubutabera, kugira ngo zibakurikirane.'Â
Ubushinjacyaha bw'u Rwanda buvuga ko ntako butagira, ngo bushakishe aho abakekwaho kugira uruhare muri Jenoside yakorewe baherereye hirya no hino ku Isi ndetse bukohereza n'impapuro zo kubata muri yombi.
 icyakora Dr. Wibabara Charity, umuyobozi w'ishami rishinzwe gukurikirana ibyaha mpuzamahanga n'ibyambukiranya imbibi mu bushinjacyaha bukuru bw'u Rwanda, aherutse kubwira televiziyo ya leta ko inzitizi zikiri mu gutahura imyirondoro n'ibihugu abo bakekwa barimo, kuko bahora babihindagura.
Ati 'Ugomba kuvuga ngo ni inde? Ni mwene nde? Ukamenya uwo ari we ukamenya naho akorera, kugira ngo nabo biborohere. Ninayo mpamvu ubona bibanza gufata igihe kuko urabanza ugashakisha, wenda twe turamuzi tuzi nicyo yasize akora, ariko kumenya aho abarizwa kuko bagenda bahindagura ibihugu kandi ugomba kuba uzi neza icyo akora, kugira ngo niba usaba kumufata bamenye ese baramukura he?'
Hari abanyamategeko basanga kugira ngo abakekwaho kugira uruhare muri Jenoside yakorewe abatutsi, bakurikiranwe  kuri ubu bisaba imbaraga za Diplomasi ziyongera ku nzira zisanzwe z'amategeko.
Maitre Gatari Steven niwe ukomeza.
Ati 'Ikindi wenda gikwiye gukorwa na leta y'u Rwanda ni munzira za diplomasi mu nzego mpuzamahanga ku buryo bakumvisha, bakomeza kubwira ibihugu bibacumbikiye wenda umwe kuri umwe bakajya bagenda umwe abivaho, undi abivaho ariko ntekereza ko nta kindi kintu kidasanzwe cyakorwa ku buryo gufatwa byakoroha kuruta uko bikorwa.'
Kugeza ubu ubushinjacyaha bw'u Rwanda, buvuga ko bumaze kohereza hanze impapuro zita muri yombi abakekwaho kugira uruhare muri Jenoside yakorewe abatutsi, zigera 1048 zikaba zaroherejwe mu bihugu 33 byo hirya no hino ku Isi.
Tito DUSABIREMA
The post Hakenewe imbaraga za Diplomasi kugira ngo abakekwaho Jenoside bari hanze bakurikiranwe-Abanyamategeko appeared first on FLASH RADIO&TV.
Umuherwekazi w’umugande uba muri Afurika y’Epfo, Zari Hassan avuga ko ku mu gihe umugore aciye inyuma umugabo we ku bintu byamuhindurira ubuzima, yumva nta kibazo yabikora.
Uyu mugore w’abana 5, avuga ko abagabo bo babikora nta n’icyo bibinjiriza ariko umugore we mu gihe byamuha inzu nta cyaha yaba akoze.
Ati “muce inyuma kubera inzu, muce inyuma ushaka ubataka, muce inyuma kubera imodoka y’inzozi za we. Ni ko bimeze. “
Nyuma yo kotswa igitutu, Zari mu mashusho yashyize kuri Instagram Stories, yongeye kubishimangira avuga ko niba umugabo aca inyuma umugore kubera ikibuno kubera iki umugore atabikora kubera inzozi ze.
Ati “turi muri 2023 umugore ntabwo aguca inyuma, wowe umuciye inyuma kubera ikibuno kinini, kuki we ataguca inyuma kugira ngo abone inzu?”
Avuga ko abagabo na bo bagomba kwiga kubabarira nk’uko abagore babababarira iyo babaciye inyuma.
Zari kandi avuga ko guca inyuma atari ibintu umuntu abyuka ngo akore ahubwo bitangira gake gake, wemera kwakira ubushuti ku mbuga nkoranyambaga (friend request), ukora like ku mafoto ye kugeza mutangiye kohererezanya utuntu tuganisha ku rukundo.
Zari Hassan muri 2018 yatandukanye na Diamond Platnumz bari bamaze kubyarana abana babiri, yashinjaga uyu mugabo kumuca inyuma.
Source : http://isimbi.rw/imyidagaduro/article/zari-hassan-yagiriye-inama-abagore-guca-inyuma-abagabo-ba-bo
Guverineri w'Intara y'Uburengerazuba, Habitegeko Francois aravuga ko inyigisho mbi z'Abanyapolitiki ba cyera zatumye n'imbuto nziza bagombaga kwerera abaturage zitera, abatutsi bicwa urwagashinyaguro muri Jenoside, benshi barohwa muri Nyabarongo. Ahamya ko 1990 abishe abatutsi batahanwe, bityo mu 1994 bakorana ishyaka kuko n'abababanjrije ntawigeze abibazwa cyangwa ngo abihanirwe.
Guverineri Habitegeko, ibi yabigarutse ubwo hasozwaga icyumweru cyo kwibuka ku nshuro ya 29 Jenoside yakorewe abatutsi mu karere ka Ngororero ho mu ntara y'uburengerazuba mu cyahoze ari Komini Kibilira, ahafatwa nk'ahatangiriye Jenoside mu 1990, aho byanatangiranye n'itotezwa rya bamwe.
Yagize ati' Iki gice cyabayemo abanyapolitiki benshi babibaga amacakubiri kandi benshi muri bo banavukaga muri iki gice. Abanyapolitiki b'ubu bafite umurongo mwiza bakoreramo udacamo abantu ibice, bityo rero amahitamo yabo kugeza ubu ni meza cyane kandi buri mbuto igira umusaruro wayo'.
Akomeza avuga ko imikorere n'imyitwarire ya bamwe mu banyapolitiki ba cyera yatumye abatutsi bicwa kubera umusaruro w'ibitekerezo bibi bagize bakanabikangurira abaturage, bagira umuhate wo gukora Jenoside ntacyo bikanga kuko bumvaga ko bashyigikiwe n'abari abayobozi.
Avuga kandi ko kuba iki gice kibarwa nk'urukiga cyaravukagamo abanyapolitiki benshi kandi bari bafite ijambo ku baturage byatumye bitiza umurindi ishyirwa mu bikorwa rya Jenoside yakorewe abatutsi, benshi bayishyira mu bikorwa.
Sebatware Felix watanze ubuhamya, yavuze ko mu gihe cya Jenoside we n'ababyeyi be n'abatutsi muri rusange bahigwaga banyuze mu bihe bibi bitewe na Politiki mbi yashyizweho n'abanyapolitiki babi barangwaga n'amoko n'amacakubiri. Ashimira ubuyobozi bw'Igihugu budaheza kandi bufata abaturage kimwe, uko bafasha abarokotse gukomeza kwiyubaka bakiteza imbere.
Umuyobozi w'Umuryango uharanira inyungu z'abarokotse Jenoside mu karere ka Ngororero (Ibuka), Ntagisanimana Jean Claude avuga ko abarokotse amateka ya Politiki mbi n'ubuyobozi bubi bagihura n'abatarunamura icumu, bagifite ingengabitekerezo ya Jenoside ikomoka ku butegetsi bubi. Avuga kandi ko ibyo byasize ibikomere by'ihungabana rikomoka kubyo baciyemo.
Akomeza avuga ko nyuma ya Jenoside yakorewe Abatutsi, benshi mu barokotse babayeho mu bukene n'ubushomeri, ariko agahamya ko bizeye ko ibyo bibazo barimo bizashakirwa umuti bigakemuka kuko hari ubuyobozi bwiza bufite icyerekezo gihabanye n'icy'abayobozi babi batumye benshi mu batutsi bahatikirira.
Umuyobozi w'Akarere ka Ngororero, Nkusi Christophe avuga ko ibibazo bikomoka kuri Politiki mbi ikomoka ku moko n'ubuyobozi bubi bizakomeza gushakirwa ibisubizo bigakemurwa. Muri ibyo bibazo harimo; Imanza zaciwe na gacaca zitararangizwa, Imitungo yangijwe itarishyurwa beneyo ndetse n'ibibazo by'abafite amacumbi agomba gusanwa n'abagomba kubakirwa.
Muri iki gikorwa gisoza icyumweru cy'icyunamo cyo kwibuka ku nshuro ya 29 Jenoside yakorewe Abatutsi, ku rukuta rwanditseho amazina 400 y'abatutsi bazwi biciwe ndetse bakajugunywa muri Nyabarongo hashyizwe indabo ku kimenyetso ndangamateka no mu mugezi wa Nyabarongo. Igikorwa kandi cyakomereje ku bitaro bya Muhororo hunamirwa abari abakozi, abarwayi n'abarwaza bishwe muri Jenoside. Urwibutso rwa Kibirira rushyinguyemo imibiri isaga ibihumbi 57,000 bamaze kumenyekana.
Akimana Jean de Dieu
Â
Umubikira witwa Twizerimana Vestine usanzwe uyobora ikigo Nderabuzima giherereye mu karere ka Rutsiro cya Kivumu yatawe muri yombi n'urwego rw'igihugu rushinzwe ubugenzacyaha RIB akekwaho kwirengagiza umugore uri ku bise.
Twizerimana Vestine arishijwa kwanga gutanga imbagukiragutara ngo ijye gutwara umubyeyi wari ku nda arembeye ku kigo Nderabuzima cya Bukanda
agomba kujyanwa ku bitaro bya Gisenyi nyuma yo guhamagarwa n'abayobozi batandukanye.
RIB ivuga ko ibi byaviriyemo umubyeyi ku byara umwana washizemo umwuka mbese witabye Imana kubera uyu umubikira yinangiye gutanga imbagukiragutara bikaba byarabaye tariki 10 Mata 2023.
Source : https://yegob.rw/umubikira-yatawe-muri-yombi-akurikinyweho-kwirengagiza-umugore-uri-ku-nda/