Webrwanda Backend

Category: Uncategorized

  • Iyo ubikoze nabi bigukoraho, dore ingaruka zo konka igitsina cy’umugabo – YEGOB #rwanda #RwOT

    Kenshi abantu bakeka ko nta kibazo byatera umuntu kunyunyuza igitsina cya mugenzi we cyangwa se kunyunyuzwa, nyamara ubushakashatsi butandukanye bwagaragaje ko muri iyi nzira naho umuntu ashobora kuhandurira virusi itera SIDA.

    Abahanga mu by'icyi cyorezo cya SIDA bemeza ko ibyago byo kwandura ku muntu unyunyuza igitsina cya mugenzi we, byongerwa n'uko unyunyuzwa asohoreye mu kanwa ka mugenzi we, bikongerwa na none ko umira amatembabuzi aturuka mu gitsina nawe yaba afite udusebe mu kanwa, kabone niyo twaba tutagaragara mu maso ya muntu.

    Source : https://yegob.rw/iyo-ubikoze-nabi-bigukoraho-dore-ingaruka-zo-konka-igitsina-cyumugabo/

  • Menya uko imikino yose y’umunsi wa 26 wa shampiyona y’u Rwanda yagenze – YEGOB #rwanda #RwOT

     

    Shampiyona y'u Rwanda igeze aharyoshye dore ko yasigaye imikino mike cyane ngo iyi shampiyona iyobowe n'ikipe ya APR FC iherutse gutsikira ikanganya n'ikipe ya Gasogi United.

    Ikipe ya APR FC iranganya amanota n'ikipe ya Kiyovu Sports aho zose zifite amanota 53-53 zikaba zirushanwa ibitego aho ikipe ebyiri za nyuma benshi bita mu murongo utukura ari Marine FC na Espoir FC.

    Dore uko umunsi wa 26 wa shampiyona y'u Rwanda wagenze:

    Source : https://yegob.rw/menya-uko-imikino-yose-yumunsi-wa-26-wa-shampiyona-yu-rwanda-yagenze/

  • Rutahizamu w’ikipe ya Rayon Sports yateye abantu agahinda nyuma y’ikibazo yagize gikomeye gishobora gutuma asiba imikino myinshi kandi ikomeye iyi kipe ifite – YEGOB #rwanda #RwOT

    Rutahizamu w'ikipe ya Rayon Sports ukomoka mu gihugu cya Uganda Joachim Ojera yateye agahinda abakunzi b'iyi kipe kubera ikibazo gikomeye yagize ku mukino bakinnyemo n'ikipe ya Bugesera FC.

    Mu mukino ikipe ya Rayon Sports yitwayemo neza kuri iki cyumweru Uyu rutahizamu yavuye mu kibuga igice cya mbere kirangiye kubera akabazo k'imvune yagize bituma adakomeza gufasha iyi kipe.

    Iyi mvune uyu musore yagize ntabwo ari ikibazo kikanganye cyane bitewe ni uko yavuye mu kibuga agenda ntakibazo ariko bishoboka umutoza Haringingo Francis yabonye bishobora guteza ikibazo gikomeye ahitamo kumukuramo.

    Umukino waje kurangira Ikipe ya Rayon Sports yitwaye neza bituma ihita yegera ikipe zirimo APR FC, Kiyovu Sports zifite amanota 53 nayo ihita igira amanota 49, bivuze ko isi kipe zirimo kuyirusha 4 gusa.

    Source : https://yegob.rw/rutahizamu-wikipe-ya-rayon-sports-yateye-abantu-agahinda-nyuma-yikibazo-yagize-gikomeye-gishobora-gutuma-asiba-imikino-myinshi-kandi-ikomeye-iyi-kipe-ifite/

  • Kamonyi-Gacurabwenge: Ikamyo ya HOWO( HOHO) itwaye ubuzima bw'umunyegare wari uvuye mu butumwa bw'akazi #rwanda #RwOT

    Ku mugoroba wo kuri uyu wa 16 Mata 2023, ahagana ku i saa kumi n'ebyiri(18h00) mu Mudugudu wa Mushimba ahazwi nka Kariyeri urenze gato ahazwi nko ku Bakoreya mu kagari ka Kigembe, Umurenge wa Gacurabwenge, ikamyo yo mu bwoko bwa HOWO benshi bazi nka HOHO ifite ibiyiranga( Pulake) RAE 333X, igonze umunyegare ahita apfa.

    Umunyegare ugonzwe n'iyi kamyo ni uwitwa Hakizimana Inosenti wari ukiri ingaragu nkuko abamuzi babibwiye intyoza.com. Yakoreraga umucuruzi witwa Nshimiyimana Jacques ukorera mu isantere y'ubucuruzi ya Rugobagoba ari nawe wari wamutumye.

    Aho abantu bahagaze ni mu gice cy'umuhanda uzamuka werekeza Nkoto, aho HOHO yasanze uwo yagonze.

    Umukoresha wa Nyakwigendera, yabwiye intyoza ati' Uriya mwana yari umwana unkorera, nari namutumye kuko njye ndacuruza. Yari ajyanye imari ku bacuruzi harimo; Isukari, umuceri….,ubwo rero yari avuyeyo arimo kuza azamuka( yerekeza mu isantere). Abari bahari bambwiye ko yazamukaga imodoka imanuka, iradepansa( ica ku modoka zari imbere yayo), mu ikorosi, imusanga aho yari ari iramukubita bahita bampamagara vubavuba mpita mpagera nsanga yapfuye byarangiye, kuko ni HOHO yahise imumena umutwe nyine…'.

    Aho Nyakwigendera yaguye.

    Kuraningoga Callixte, Se wabo wa nyakwigendera, bose bakaba baturuka mu karere ka Ngororero, aho bamaze imyaka 3 muri Kamonyi, avuga ko bamuhamagaye impanuka ikiba, yihutira kuhagera ngo arebe ibyabaye ariko asanga byarangiye, Hakizimana Nosenti yapfuye.

    Mu kababaro kenshi, avuga ko nyakwigendera baherukaga kuvugana mu masaha ya mugitondo, ko kandi yari umusore witonda, w'umwizerwa watumwaga agatumika kugera n'aho yajyanaga ibicuruzwa akagarura amafaranga cyangwa akayajyana aho atumwe.

    HOWO yamugonze, ntabwo yatinze mu muhanda kugira ngo urujya n'uruza ku modoka rwari rwahagaze rukomeze.

    Ababonye iyi mpanuka barimo Twagiriyaremye Joseph, yabwiye intyoza.com ko ibi byago byatewe n'umushoferi w'iyi kamyo ya HOWO(HOHO) wagendaga yiruka cyane kandi aca ku modoka ahantu hari ikorosi, agata umukono we aribwo yasangaga uyu munyegare mu gice cy'umuhanda uzamuka ugana Nkoto ahita amugonga arapfa.

    Umutandiboyi wa HOHO nawe ntiyoroheye ab'intege nke bahageze mbere barimo umunyegare waje abaza uburyo bagonze mugenzi we bamusanze mu mukono we. Uyu Tandiboyi yamubwiye ko ajya kubaza shoferi wari wagiye, anahita amushota umugeri arabandagara, ahagurutse ngo abaze amwongera undi yitura hasi abari hafi barakiza.

    Barimo baterura umurambo bari bamaze kuzingira muri shitingi, bashyira mu modoka y'akarere.

    Nkurunziza Jean de Dieu wari aho impanuka yabereye akaba ari n'umwe mu bihutiye gutabara Tandiboyi n'umunyegare wakubitwaga ngo hato abaturage bativanga bashaka kwihorera bikaba ibibazo, avuga ko nawe uyu Tandiboyi yahise amukubita ingumi mu misaya, abaturage na Polisi bahita baza urugamba rwari rugiye kuba rurahagarara.

    Umurambo wa Nyakwigendera watwawe n'imodoka y'Akarere ka Kamonyi ku i saa moya irengeho iminota, aho nyuma yo koroswa igitenge iyi modoka yagiye kuzana shitingi mu isantere bamushyiramo, baterura bashyira mu modoka yahise itwara umurambo. Ni mu gihe kandi shoferi wari wahunze yahamagawe na tandiboyi, aje ahita afatwa na Polisi.

    intyoza

    Source : https://www.intyoza.com/2023/04/16/kamonyi-gacurabwenge-ikamyo-ya-howo-hoho-itwaye-ubuzima-bwumunyegare-wari-uvuye-mu-butumwa-bwakazi/

  • Rayon Sports yatsinze Bugesera FC isatira ikipe za mbere #rwanda #RwOT

    Ikipe ya Rayon Sports yatsinze Bugesera FC ibitego 2-0 mu mukino w'Umunsi wa 26 wa Shampiyona waberaga mu Bugesera ihita yegera amakipe ya mbere.

    Mu mukino wari utegerejwe na benshi,Rayon Sports yongeye kwereka Bugesera FC ko ari insina ngufi iyitsinda ibitego 2-0.

    Rayon Sports yatangiye neza umukino,kuko ku munota wa 4 gusa yabonye uburyo bukomey ubwo Luvumbu yari ahawe umupira ari inyuma y'urubuga rw'amahina, atera ishoti rikomeye, umunyezamu Nsabimana Jean De Dieu awukoraho gato ujya muri koruneri.

    Bugesera yahise isatira ibona uburyo bwiza bubiri mu minota 10 ya mbere ariko ntiyabubyaza umusaruro.

    Ku munota wa 15' Rayon Sports yahushije igitego ubwo Onana yyinjiranaga umupira ahereza Luvumbu, atera ishoti rikurwamo na Nsabimana 'Shaolin'.

    Ku munota wa 17 Bugesera FC yahushije igitego cyabazwe ubwo Vincent Adams yinjiragamu rubuga rw'amahina rwa Rayon Sports, ateye umupira usubizwa inyuma n'igiti cy'izamu.

    Ku munota wa 32 Rayon Sports yatsinze igitego cya mbere ibifashijwemo na Willy Onana ku mupira yatereye hagati ya ba myugariro ba Bugesera FC, umunyezamu Nsabimana ntiyabasha kuwuhagarika.

    Mu mpera z'igice cya mbere,Ojera yavuye mu kibuga asimburwa na Iraguha Hadji.

    Ku munota wa 45,Onana yinjiranye umupira mu rubuga rw'amahina, awuteye mu izamu ukorwaho na Nsabimana n'ikiganza, mbere y'uko Kato Samuel awurenza.

    Igice cya mbere cyarangiye Rayon Sports itsinze igitego 1-0.

    Ku munota wa 64,Musa Esenu yatsinze igitego cya kabiri cya Rayon Sports ku mupira muremure waje awufungisha igituza, aroba umunyezamu Nsabimana wari uhagaze imbere.

    Ku munota wa 75 Bugesera FC yirangayeho ubwo Ssentongo Farouk yakinanaga na Cyubahiro Idarusi wari usigaye arebana n'izamu, ariko ateye umupira ujya ku ruhande.

    Ku munota wa 78' Rayon Sports yarokotse ubwo Makaya yateraga umupira usubizwa inyuma na Hategekimana Bonheur bigoranye, usubijwemo na Farouk ujya ku ruhande.

    Umukino warangiye ari ibitego 2-0 bya Rayon Sports.

    Iyi kipe yambara ubururu n'umweru igize amanota 49 ku mwanya wa gatatu, irushwa ane n'amakipe ya APR FC na Kiyovu Sports ziyoboye Shampiyona.

    Ku wa Gatatu, Rayon Sports izakina umukino w'Igikombe cy'Amahoro uzahuza na Intare FC.

    Mu mikino 15 imaze guhuza Rayon Sports na Bugesera FC kuva izamutse mu Cyiciro cya Mbere, iyi kipe yo mu Burasirazuba yatsinzemo umwe, itsindwa 13.

    Source : https://umuryango.rw/imyidagaduro/imikino/article/rayon-sports-yatsinze-bugesera-fc-isatira-ikipe-za-mbere

  • Murarye muri menge abajura basaze! Kigali camera zafashe wari ari gukurura imyenda uriye igipangu – YEGOB #rwanda #RwOT

    Ku mbuga nkoranyambaga hakomeje gukwirakwira amashusho y'umusore wafashwe amashusho na kamera zo ku nzu ari gukurura imyenda yanitswe ku mugozi.

    Uyu musore yafashwe amashusho ubwo yuriraga igipangu agakurura imyenda y'umuturage gusa ntago yahise afatwa kugeza nubu nta muntu uzi niba yafashwe.

    Ubundi ibi ni ibintu bidasanzwe ko umuntu apfa gutinyuka urugo rwubakiye n'igipangu kuko usanga abenshi biba mu ngo zitagira inzitiro z'ibipangu , ariko uyu we ntiyabyitayeho kuko yuriye ntankomyi akamanura imyenda ibiri ubundi akiruka.

    Source : https://yegob.rw/murarye-muri-menge-abajura-basaze-kigali-camera-zafashe-wari-ari-gukurura-imyenda-uriye-igipangu/

  • Burya nta kure cyane Imana itakura umuntu: ihere ijisho amafoto y’umuhanzi Dany Nanone ataragafata (amafoto) – YEGOB #rwanda #RwOT

     

    Umuhanzi ukunzwe cyane hano mu Rwanda Dany Nanone yashyize hanze amafoto icumi y'urwibutso agaragaza uko yarameze mbere yuko abona amafaranga.

    Dany Nanone umeze neza mu muziki nyarwanda dore ko indirimbo ye nshya yise Nasara iherutse kuzuza miliyoni yabayirebye kuri YouTube ibi bikaba bishimangira urukundo afitiwe n'abakunzi b'umuziki.

    Dore amafoto icumi y'umuhanzi Dany Nanone yasangije abakunzi be kuri Instagram:

    Source : https://yegob.rw/burya-nta-kure-cyane-imana-itakura-umuntu-ihere-ijisho-amafoto-yumuhanzi-dany-nanone-ataragafata-amafoto/

  • Diamond na Davido bahetse mapyisi abanyafurika bose cyane cyane abahanzi – YEGOB #rwanda #RwOT

    Umuhanzi Diamond Platnumz ukomoka mu gihugu cya Tanzania ndetse na Davido ukomoka mu gihugu cya Nigeria nibo bahanzi rukumbi muri Africa baje ku rutonde rw'abantu 10 bavuzwe cyane aho uyu mwaka ugeze.

    Dore urutonde rwashyizwe hanze na Google ku bantu bavuzwe cyane.

    1. Israel Adesanya nubundi wari ku mwanya wa mbere ku rutonde ruheruka.

    2. Bola Ahmed Tinibu ku rutonde ruheruka yari ku mwanya wa munani.

    3. Khosi Twala ku rutonde ruheruka yari ku mwanya wa 22.

    4. Peter Obi ku rutonde ruheruka yari ku mwanya wa kabiri.

    5. Julius Malema ku rutonde ruheruka yari ku mwanya wa gatanu.

    6. Davido ku rutonde ruheruka yari ku mwanya wa 15 akaba yaje imbere.

    7. William Ruto perezida wa Kenya nubundi ku rutonde ruheruka yari ku mwanya wa 7.

    8. Diamond Platnumz ku rutonde ruheruka yari ku mwanya wa gatanu akaba yasubiye inyuma.

    9. Chiamanda Ngozi Adiche ku rutonde ruheruka yari ku mwanya wa kenda.

    10. David Oyedepo ku rutonde ruheruka yari ku mwanya wa 10.

    Source : https://yegob.rw/diamond-na-davido-bahetse-mapyisi-abanyafurika-bose-cyane-cyane-abahanzi/

  • PL: Arsenal yishyize mu mazi abira – YEGOB #rwanda #RwOT

    Ikipe ya Arsenal yishyize mu mazi abira ubwo yananirwaga gustinda ikipe ya West Ham United , bakanganya ibitego bibiri kuri bibiri mu mukino w'umunsi wa 31 muri shampiyona y'ikiciro cya mbere mu Bwongereza.

    Bukayo Saka wahushije penaliti yari kurokora ikipe

    Arsenal niyo yari yabanje kwitwara neza itsindw ibitego bibiri mu gice cya mbere byatsinzwe na Gabriel Jesus ku munota wa 7 na Martin Ødegaard ku munota wa 10.
    Mu gihe West Ham United yatsindiwe na Benrahma ku munota wa 33 na J. Bowen ku munota wa 55.
    Arsenal kunganya kwayo byatumye irusha Manchester City amanota 4 gusa kandi City ifite ikirarane cy'umukino umwe.

    Source : https://yegob.rw/pl-arsenal-yishyize-mu-mazi-abira/

  • Gakenke: Umugabo yafatiwe ku nsinga z’amashanyarazi – YEGOB #rwanda #RwOT

    Umugabo witwa Dukurikiyimana Céléstin utuye mu karere ka Gakenke yafatiwe mu cyuho, ari hejuru ku ipoto arimo kwiba intsinga z'amashanyarazi.

    Uwo mugabo yatawe muri yombi hamwe n'abandi bantu bane bikekwako gufatanya nawe muri ubwo bujura.

    Bahise bajyanwa kuri sitasiyo ya RIB kugirango akurikiranweho icyo cyaha.

    Source : https://yegob.rw/gakenke-umugabo-yafatiwe-ku-nsinga-zamashanyarazi/