Webrwanda Backend

Category: Uncategorized

  • Muhanga: Abayisilamu basabwe gukomeza kunogera Nyagasani na nyuma y'Igisibo Gitagatifu-Imam Aboubacar #rwanda #RwOT

    Umuyobozi w'Umusigiti witiriwe Aboubacar uherereye mu karere ka Muhanga mu mujyi, Imam Ruberwa Aboubacar yasabye abayoboke b'idini ya Islam ko bakwiye gukomeza kurangwa n'imico myiza ibaranga mu gihe cy'Igisibo, bakaba hafi bagenzi babo bityo ijuru bifuza bagakomeza kurikorera, na nyuma y'igisibo bagakomeza kurangwa n'ibikorwa byiza.

    Imam Aboubacar, ibi yabivuze mu butumwa yatangiye mu Isengesho yayoboye risoza igisibo cya Ramadan ryasengewe ku kibuga cya Centre culturel ya Muhanga mu kagali Ka Gitarama.

    Yagize ati' Bavandimwe banjye dufatanyanyije urugendo rwo kwitagatifuriza hano ku isi, dukwiye gukomeza imigenzo myiza kuko niyo Allah adukeneyeho. Nk'uko twitwaye neza tugakora amasengesho yacu, dukomeze dushyire imbere imigenzereze myiza twirinde ko ibyo dukora mu gisibo bijyana nacyo iyo kirangiye'.

    Akomeza avuga ko buri mwemera Mana wese akwiye gufasha mugenze we kuva mu magorwa yaba inzara, byaba ibibazo bitandukanye by'amagorwa duhura nayo 'kuko mu gisibo ndumva nta musilam wabuze icyo kurya, rero namwe mugandukire Nyagasani mufashe abababaye nkuko intumwa y'Imana Mouhamad yabigenzerezaga abandi'.

    Akomeza ati' Nibyo hari ibyo mwigomwe! mukomeze mubyigomwe kuko ingororano zanyu ziri mu ijuru, kuko ingororano isi itanga sizo ziri mu ijuru. Ikindi hari abana batiga kubera ubukene, mubafashe. Hari abapfakazi n'abandi batandukanye bagowe n'ubuzima, kuki umwana wawe yakwiga ugafata undi kuba umukozi wawe kandi nawe afite uburenganzira? Muhinduke mufashe abagowe n'ubuzima'.

    Umubyeyi Shariffa, avuga ko igisibo ari umwanya mwiza wo kwiyunga n'Imana ndetse no kuyiyegereza ariko ko na nyuma y'Igisibo ntawe ukwiye kugaruka mu moshya ahubwo umuyisilamu aba akwiye kurushaho gukora ibikorwa bitamutandukanya n'Imana.

    Yagize Ati' Igisibo dushoje cyagenze neza cyane kandi cyadufashije kwiyunga n'Imana aho bitagenze neza, n'iyo kirangiye buri muyisilamu akwiye gukomeza kwiyegereza Nyagasani akirinda gusubira mu byaha kuko icyaha kitujyana kure ya Nyagasani'.

    Ntezimana Idrissa, avuga ko buri Muyisilamu akoze ibyo asabwa n'Intumwa y'Imana Muhammad, Imana imuhe amahoro n'Imigisha, ijuru yifuza kuzajyamo yazarigeramo neza kuko azaherekezwa n'imigisha yakorewe ku Isi.

    Akomeza asaba buri mwemera Mana ko abababaye bose bakwiye kwitabwaho nubwo bose batagerwaho ariko abagezweho bagafashwa mu bibazo bibabangamiye bibabuza gusabana n'Imana.

    Imam Wungirije mu Karere ka Muhanga, Kanyankore Ally avuga ko Igisibo gifasha buri Mwemera Mana kwiyegereza Nyagasani no kumugisha inama akoresheje isengesho maze ibibazo afite bigahabwa ibisubizo bijyanye n'ugushaka ku Imana. Akomeza yibutsa abayisilamu ko ibikorwa byo gufasha abababaye bitarangiye kandi bitagarukira ku basilamu gusa, ahubwo bigera kuri buri munyarwanda wese aho ava akagera.

    Yibutsa kandi Abayisilamu ko bakwiye kwegera abarokotse Jenoside no kubaba hafi muri iki gihe cy' iyi minsi 100 yo kwibuka ku nshuro ya 29 Jenoside yakorewe Abatutsi mu Rwanda, hagamijwe gukomeza kubafata mu mugongo no kubarinda ihohoterwa ryatoneka ibikomere bagize bitandukanye.

    Muri iki gisibo basoje, bagisoje hakinwa umukino wa nyuma mu marushanwa Eid Cup cyatwawe n'ikipe y'abayisilamu bo mu karere ka Muhanga ku kibuga cya Nyanza ho mu karere ka Nyanza.

    Akimana Jean de Dieu

    Source : https://www.intyoza.com/2023/04/23/muhanga-abayisilamu-basabwe-gukomeza-kunogera-nyagasani-na-nyuma-yigisibo-gitagatifu-imam-aboubacar/

  • Perezida Kagame mu bakuru b'ibihugu bategerejwe muri Transform Africa Summit muri Zimbabwe – #rwanda #RwOT

    Bwagize buti “Tunejejwe no kuabatangariza ko Transform Africa izabera muri Victoria Falls. Kuri ubu bidasubirwaho abakuru b'ibihugu batanu ndetse n'abandi nibo bazayitabira.”

    Bwakomeje buvuga ko muri abo bakuru b'ibihugu “harimo Perezida wa Zimbabwe, Emmerson Mnangagwa, Perezida Paul Kagame w'u Rwanda, Perezida Lazarus Chakwera wa Malawi, Umwami Mswati III wa Eswatini na Perezida Hakainde Hichilema wa Zambia.”

    Smart Africa kandi yatangaje ko ibihugu nka Angola, Estonia, na Tunisia byamaze kwemeza abazahagararira abakuru b'ibihugu babyo ndetse ngo na Minisitiri w'Intebe wungirije akaba na Minisitiri w'Imari wa Serbia, Siniša Mali azaba ahari.

    Iyi nama izitabirwa n'abaminisitiri bagera kuri 40, abakuriye imiryango mpuzamahanga, abadipolomate, abayobozi b'ibigo n'inganda bitandukanye n'abandi bazaba baturutse mu bihugu birenga 70.

    Umuyobozi Mukuru wa Smart Africa, Lacina Koné, aherutse kuvuga ko iyi nama bwa mbere igiye kubera mu gihugu kitari u Rwanda izibanda ku ngingo nyamukuru zijyanye no kureba umuhate w'ibihugu bya Afurika mu kwihutisha gahunda yo kwimakaza ikoranabuhanga.

    Ati “Dutegereje abantu batandukanye baba abo mu bigo bya leta n'iby'igenga bo ku Mugabane wa Afurika, bakora mu rwego rw'ikoranabuhanga. 2023 ni umwaka Afurika igomba kugaragazamo impinduka mu bijyanye n'ikoranabuhanga.”

    Inama ya Transform Africa yitabirwa n'abakuru b'ibihugu, abahagarariye Guverinoma z'ibihugu bitandukanye, ibigo by'ubucuruzi, imiryango mpuzamahanga n'abahanga mu by'ikoranabuhanga, hagamijwe kwigira hamwe uko Afurika by'umwihariko yarushaho gutahiriza umugozi umwe mu bikorwa bigamije kwimakaza ikoranabuhanga.

    Izasuzumirwamo politiki n'ingamba z'ibihugu bya Afurika mu bijyanye n'ikoreshwa rya internet mu bindi bikoresho (Internet of Things: IoT), guteza imbere ubwenge bw'ubukorano (AI) no kwimakaza ikoreshwa rya za drones n'izindi robots mu mirimo itandukanye.

    Izigirwamo kandi uburyo ibihugu bya Afurika byateza imbere gahunda zo gutanga serivisi z'imari hifashishijwe ikoranabuhanga, guha imbaraga ubwikorezi bwibanda ku ngufu zitangiza ibidukikije n'izindi serivisi zishyira ku ntego yo kugira Afurika isoko rimwe mu bijyanye n'ikoranabuhanga bitarenze mu 2030.

    Transform Africa ya 2019 yabereye mu Rwanda yagaragayemo udushya twinshi ari nabwo ku nshuro ya mbere robot ya 'Sophia' yagejejwe mu Rwanda, aho yerekanye ubushobozi bwo kwitegereza ikamenya abantu, kuvuga no kugaragaza ibimenyetso by'umubiri nko kumwenyura.

    Smart Africa yamuritswe mu 2013 n'abakuru b'ibihugu birindwi, birimo u Rwanda, Kenya, Uganda, Sudani y'Epfo, Mali, Gabon na Burkina Faso, yiyongereyeho n'imiryango iharanira iterambere ry'ikoranabuhanga n'itumanaho hagamijwe guhindura imibereho y'abaturage n'iterambere ry'ubukungu.

    Kuri ubu igaragaza ko yagukiye mu bihugu 36 bya Afurika bihagarariye abaturage bagera kuri miliyari, igakorana n'ibigo bikomeye mu ikoranabuhanga bisaga 30 birimo Facebook, Microsoft, Huawei n'ibindi.

    Kugeza ubu abarenga 15000, bamaze kwitabira Transform Africa kuva mu 2013 yatangira, baraturutse mu bihugu birenga 112, bose barajwe ishinga no kugira Afurika igicumbi cy'ikoranabuhanga.

    Ifite intego yo guhindura ikoranabuhanga ishingiro ry'iterambere n'imibereho myiza, kugeza abantu ku ikoreshwa ry'ikoranabuhanga cyane cyane hakoreshejwe umuyoboro mugari w'itumanaho (broadband), gushyira imbere urwego rw'abikorera mu ikoranabuhanga, no kubakira iterambere rirambye ku ikoranabuhanga.

    Perezida Kagame aganira na Emmerson Mnangagwa wa Zimbabwe

    Source : http://igihe.com/amakuru/u-rwanda/article/perezida-kagame-mu-bakuru-b-ibihugu-bategerejwe-muri-transform-africa-summit

  • Ifoto ya kera ya Anita Pendo ateruye iparato yuzuye amandazi n’igikoma ikomeje gutungurana – YEGOB #rwanda #RwOT

    Ku mbuga nkoranyambaga hakwirakwiye ifoto y'umunyamakuru Anita Pendo ya kera yiteretse amandazi akayabo kayo ndetse afite n'urukombe rw'igikoma ari kuzunguza.

    Iyi foto bivugwa ko ishobora kuba ari iyambere yuko atangira umwuga w'itangaza makuru, nk'igihe yaba aribwo yarakirangiza segonderi.

    Gusa nta muntu ubizi, ikigaragara cyo ni iya kera akiri umukobwa.

     

    Source : https://yegob.rw/ifoto-ya-kera-ya-anita-pendo-ateruye-iparato-yuzuye-amandazi-nigikoma-ikomeje-gutungurana/

  • Abafana ba Manchester United biruhukije nyuma yo kumenya ibya Maguire ukomeje kubabera icyago – YEGOB #rwanda #RwOT

    Abakunzi n'abafana ba Manchester United burukije nyuma yo kumenya ko Kapiteni w'ikipe yabo, Harry Maguire yujuje amakarita atamwemera gukina umukino wa ½ muri FA CUP.

    Uyu munsi kuri sitade Wembley saa Kumi n'imwe n'igice , Manchester United iratana mu mitwe na Brighton and Hove Albion , mu mukino werekeza ku mukino wa nyuma wa FA CUP.

    Manchester United iribukine ibura abakinnyi batandukanye ariko icyanejeje abafana ba Manchester United, n'uko Harry Maguire umaze igihe abatsindisha atari bukine. Bishoboka ko mu mutimwa w'ubwugarizi Victor Lendrof afatanya na Luke Shaw.

    Source : https://yegob.rw/abafana-ba-manchester-united-biruhukije-nyuma-yo-kumenya-ibya-maguire-ukomeje-kubabera-icyago/

  • Mbega ikibazo we: Clapton Kibonke yabajije ikibazo gisekeje Bruce Melodie kijyanye n’ibiryo byo muri Nigeria – YEGOB #rwanda #RwOT

    Umunyarwenya ukunzwe cyane hano mu Rwanda Clapton Kibonke yabajije umuhanzi Bruce Melodie uri kubarizwa mu gihugu cya Nigeria uburyo umuceri wo muri iki gihugu umeze maze na we amusubiza mu buryo busekeje.

    Bruce Melodie yabajijwe na Clapton Kibonke uburyo umuceri wo mu gihugu cya Nigeria umeze na we agira ati:' Uryoshye nk'intoryi' akaba ari amagambo akomeje gusetsa benshi mu bakoresha urubuga rwa Instagram kuko bari kwibaza uburyo umuceri uryoshye nk'intoryi umeze kandi baziko uburyohe bw'inoryi bushindikanywaho.

    Source : https://yegob.rw/mbega-ikibazo-we-clapton-kibonke-yabajije-ikibazo-gisekeje-bruce-melodie-kijyanye-nibiryo-byo-muri-nigeria/

  • Bamutangariye na we aratangara: Ikizungerezi Kate Bashabe cyatangajwe n’umwanda uba mu gihugu cy’Ubuhinde n’uburyo abaturage baho bamurangariye(video) – YEGOB #rwanda #RwOT

    Umunyamideli ukomeye cyane hano mu Rwanda Kate Bashabe uri kubarizwa ku mu gabane wa Aziya mu gihugu cy'Ubuhinde yatangajwe n'umwanda ugaragara muri iki gihugu.

    Kate Bashabe yatangajwe n'umwanda uri mu Buhinde ndetse n'uburyo abaturage baho bamutangariye ubwo yatambuka mu mihanda yo muri iki gihugu ku buryo bamwe bamusifuraga ndetse abandi bagashaka no kumuhagarika nk'uko bigaragara kuri video yafashwe n'umwe mubari bari kumwe na Kate Bashabe.

    Source : https://yegob.rw/yatangaje-numwanda-ubayo-ikizungerezi-katy-bashabe-yatangaje-numwanda-uba-mu-gihugu-cyubuhinde/

  • Bari bakumbuwe: nyuma y’imyaka myinshi umuhanzi Pallaso yongeye kubonana n’umuryango we – YEGOB #rwanda #RwOT

    Umuhanzi ukomeye cyane wo mu gihugu cya Uganda Pius Mayanja uzwi cyane ku izina rya Pallaso yongeye guhura n'umugore we w'umunyamerika n'abana be babiri nyuma y'imyaka igera kuri 6 yose batabonana.

    Umuhanzi Pallaso yavuye muri Leta zunze ubumwe z'Amerika maze yerekeza iwabo mu gihugu cya Uganda asize umugore we Nicole Hayman ndetse n'abana be babiri aribo Dinari Mayanja w'umuhungu ndetse n'umukobwa Maisha Mayanja aje gukora umuziki kugira ngo azabe ubukombe muri uyu mwuga nk'uko abi wabo bose babikoze.

    Pius Mayanja avukana n'ibyamamare bitandukanye mu muziki aribyo Jose Chameleon ufite izina rihambaye mu muziki w'Afurika ndetse na Weasel mwamamaye cyane mu itsinda rya ' Good life' na nyakwigendera AK-47.

    Pallaso yakiriye umugore we n'abana ku kibuga gikuru cy'indege cya Intembe muri Uganda maze abajyana kubereka umuryango we akaba ari bintu byashimije mukuru we Jose Chameleon ndetse n'ababyeyi be.

    Source : https://yegob.rw/nyuma-yimyaka-myinshi-umuhanzi-pallaso-yongeye-kubonana-numuryango-we/

  • Mubigire ibinga! Dore ahantu 5 abagore n’abakobwa bahisha amafaranga utapfa kumenya – YEGOB #rwanda #RwOT

    Abagore n'abakobwa ni abantu bazwiho guhisha ikintu runaka ku buryo utapfa kumenya aho bagihishe. Kandi akenshi babihisha ahantu hafi gusa utacyeka.

    Aha ni hamwe mu hantu hibanga bahisha amafaranga

    1.Mu myenda y'abana, cyangwa mu tubati tujyamo imyenda y'abana : birumvikana ko utapfa gutekereza gushakira amafaranga mu myenda y'umwana muto.

    2. Mu masogisi ari mu nkweto: ntago wapfa gutekereza ko yafashe isogisi agashyiramo amafaranga ubundi agaseseka mu nkweto kuko uba wumva atabikora.

    3. Muri pad zitarakoreshwa : niyo waba uhumurirwa n'amafaranga ntago watinyuka kurambura pad y' umukobwa ngo ugiye gushaka mo amafaranga.

    4. Mu nsi ya matera : ahandi hantu abenshi bakunze gukoresha ni munsi ya matera ariko nanubu ntamuntu uba ubizi ko munsi ya matera bashobora kubikamo.

    5. Mu matiyo y'amarido : hari amarido afite amatiyo afunguka mu mande ku buryo aripfundura akabivamo, akongera agapfundikira.

    Source : https://yegob.rw/mubigire-ibinga-dore-ahantu-5-abagore-nabakobwa-bahisha-amafaranga-utapfa-kumenya/

  • Yajyanye n’imodoka zitagira ingano: Diamond Platunmz yagiye kwakira Zari n’abana be Ari kimwe n’imodoka zitagira ingano – YEGOB #rwanda #RwOT

    Umuhanzi ukunzwe cyane mu gihugu cya Tanzania ndetse akaba Ari kwisonga mu karere Diamond Platunmz yagiye kwakira uwahoze ari umugore Zari ku kibuga cy'indege aherekejwe n'imodoka nyinshi cyane.

    Zari Hassan iherutae kurushinga n'umusore arusha imyaka 11 y'amavuko yerekeje mu gihugu cya Tanzania gusura uwahoze ari umugabo Diamond Platunmz ari kumwe n'abana babo babyaranye maze Diamond Platunmz na we afata imodoka zitagira ingano ajya kwakira Zari Hassan ku kibuga cy'indege aherekejwe n'imodoka nyinshi ndetse n'inshuti ze zitandukanye barikumva umuziki.

    Uwahoze ari umugore wa Diamond Platunmz Zari Hassan hamwe n'abana be babiri aribo Tiffah na Nillan bafashe rutemikirere ibavana mu gihugu cya Afurika y'epfo iberekeza mu gihugu cya Tanzania ubwo bakirwaga na Diamond Platunmz byari ibirori byagatanza kuko byagaragara ko uyu muryango wishimanye mbese hagati hari umubano mwiza.

     

    Source : https://yegob.rw/ni-modoka-zitagira-ingano-diamond-platunmz-yagiye-kwakira-zari-ari-kumwe-nabana-be/

  • Alexis Dusabe yashyize hanze amatike yo kwinj… – #rwanda #RwOT

    ‘Integrity Gospel Concert’ izabera muri Camp Kigali kuwa 21 Gicurasi 2023, ndetse kugeza ubu imyiteguro ayigeze kure. Ni igitaramo kibimburira ibindi bikomeye bizaba muri uyu mwaka bikabera ahantu hanyuranye mu gihugu.

    Alexis Dusabe umaze imyaka irenga 20 mu muziki wo kuramya no guhimbaza Imana, ni ku nshuro ya mbere ateguye igitaramo ngarukamwaka yise ‘Integrity Gospel Concert’. Yagiteguye binyuze muri kompanyi ye y’ivugabutumwa yise ‘East African Gospel Festival’.

    Kwinjira muri iki gitaramo cyitezweho guhembura imitima y’abazacyitabira, ni ugushyigikira umurimo Imana yashyizemo muri Alexis Dusabe, ugura itike ku mafaranga 5,000 Frw mu myanya isanzwe; 10,000 Frw muri VIP, ndetse na 20,000 Frw muri VVIP.

    Amatike yo kwinjira muri iki gitaramo gitegerejwe na benshi, wayabona ku rubuga rwa NONEHO [www.events.noneho.com] dusanga ku inyaRwanda.com. Kanda HANO ugure itike yo muri iki gitaramo cy’abaramyi bakunzwe mu Karere.

    Igitaramo Integrity Gospel Concert cyahumuye!!

    Alexis Dusabe yamenyekanye mu ndirimbo nka ‘Umuyoboro, Kuki Turira, Ngwino’, ‘Njyana I Gorogota’, ‘Igihango’, ‘Ndagushima’, ‘Ninde wamvuguruza’, ‘Gakondo yanjye’, ‘Amazi y'ubugingo’, ‘Yesu araje’, n’izindi zikomeje kwegereza benshi Intebe y’Imana.

    Mu kiganiro na InyaRwanda, Alex Dusabe yasobanuye byinshi kuri iki gitaramo cye n’uruhisho afitiye abazacyitabira. Avuga ko yacyise Integrity Gospel Concert, kubera ko “Imana ikwiriye amashimwe, Ikwiriye icyubahiro no gushyirwa hejuru, ni iyo Kwizerwa.

    Ni Imana iri ‘Integre’ kandi iduhamagarira kuba abizerwa muri Yesu Kristo. Niyo ikwiriye icyubahiro cyose, Gushimwa no gushyirwa hejuru, Ikwiriye no gutaramirwa.”

    Akomoza ku ntego y’ibitaramo bye, ati: “Intego y’ibitaramo byacu ni ugukirisha abantu ubutumwa bwiza ariko no gushyira Izina ry’Imana hejuru kuko ari iryo kubahwa no kuvugwa mu ndimi zose nk’uko ijambo ryayo ribivuga ngo ‘Amavi yose azapfukama, Indimi zose zature ko Kristu Yesu ari Umwami.”

    Yavuze ku musaruro witezwe muri iki gitaramo, avuga ko inyungu y’ibanze ari ukwamamaza ubutumwa bwiza, hagamijwe ko abantu bose bahindukirira Umwami Yesu, anavuga ko mu bindi bitaramo bizakurikiraho, bazataramira ahantu hagutse kandi hafunguye kuri buri muntu

    Uyu muramyi uri mu bakunzwe cyane mu Karere k’Africa y’Iburasirazuba, aragira ati “Inyungu ya mbere ni ukwamamaza ubutumwa bwiza, nitubonamo abahindukirira Umwami Yesu, bizaba ari inyungu ikomeye mu bazaza bose”.

    “Ibi bitaramo bizajya biba ngarukamwaka kandi mu buryo bubiri, ntabwo tuzajya dutaramira muri Camp Kigali gusa, ahubwo hazaba no gutaramira ahantu hakinguye, aho buri wese azajya agira Access (Uburyo).”

    Dusabe afite amatsiko y’abantu benshi ‘bazaza ngo hamwe no gufatanya na Appolinaire, David, Aime na Prosper’. Ati “Tuzatarama ariko by’umwihariko wanjye nzakingura umutima wanjye ngo abantu base nk’abarebamo maze indirimbo nzaririmba zizabaha ishusho y’bimbamo”.

    “Ndumva abantu bazaza bazatahana umunezero nyakuri, mbega ukuntu Imana yaduhaye umurimo mwiza!!! Uzaza ababaye ari stressed ari deprimé cyangwa yihebeshejwe n’ibibazo by’ubu buzima. Imana izamugenderere atahe yumva yuzuye ibyishimo birimo imbaraga z’ibyiringiro bizima biva ku Mwami Yesu Kristo”.

    Yakomeje avuga ko nawe afite amatsiko. Ati “Mfite amatsiko n’ibinezaneza by’abantu benshi bazahinduka bagatera umugongo umwijima bagahindukirira umucyo wa Kristo twamamaza.

    Ni we nyiri icyubahiro cyose, bikazazana impinduka nziza no mu buzima bwabo kandi bakava mu ngeso mbi bagahinduka beza ku bwo kwizera ubutumwa bwiza.

    Mu buzima busanzwe Alexis Dusabe anezezwa cyane gukora ikintu cyari cyaramunaniye. Ati “Nezezwa no gushobora ikintu cyari cyarananiye mbere yo kugeregeza kenshi byanga. Ibyo bindemera umunezero mwinshi”.

    Akunda cyane umuryango we, abana be, umufasha we Carine Ingabire ndetse n’abarokore bose. Ati “Nkunda abarokore ariko nkanakunda abantu bose muri rusange, uko nshoboye numva nabakunda urukundo rubakururira kuri Kristo Yesu”.

    Apotre Appolinaire ategerejwe mu Rwanda mu gitaramo cya Alexis Dusabe

    Prosper Nkomezi uzwi mu ndirimbo zirimo “Humura” azaririmba muri iki gitaramo

    Aime Uwimana bakunze kwita Bishop azashyigikira Alexis Dusabe mu gitaramo cye

    David Nduwimana utuye muri Australia azaririmba mu gitaramo cya Alexis Dusabe

    Alexis Dusabe yateguje umunezero mwinshi no guhembuka ku bazitabira igitaramo cye

    Iyo ukanze muri ‘Link’ y’urubuga rugurishirizwaho amatike uhingukira kuri iyi Paji ugahita ukanda ahanditse ‘Buy Ticket’ [Gura itike]

    Nyuma yo gukanda kuri Buy Ticket, ubona ibiciro by’amatike ugahitamo itike ushaka maze ukishyura ukoresheje Mobile Money

    KANDA HANO UGURE ITIKE YO KWINJIRA MU GITARAMO CYA ALEXIS DUSABE

    Source : https://inyarwanda.com/inkuru/128378/alexis-dusabe-yashyize-hanze-amatike-yo-kwinjira-mu-gitaramo-cyamateka-yise-integrity-gosp-128378.html