Category: Uncategorized

Umushinjacyaha mukuru mu cyaro cya Karma yavuze ko yabwiwe amakuru ko igitero cy'ishe abaturage cyabaye mu mpere z'icyumweru gishize kuwa gatanu,gikozwe n'abantu bari bambaye gisirikare ariko batazwi.

Abarokotse ubwo bwicanyi babwiye AFP dukesha iyi nkuru ko abacinyi babarirwa mu 100 aribo bagabye igitero bari ku ma mato n'imodoka za pick-up baza barasa buhumyi.

Igitero nk'iki cy'agatsiko kitwara gisirikare muri Burkina faso kibaye mu gihe hari ikindi nk'iki giheruka ahitwa Ouahigouya mu cyumweru gishize, gihitana 40 abandi 30 barakomereka

Kugeza ubu, ibihumbi by'abaturage barishwe kuva aho imitwe igendera ku mahamwe akazi ya islam itangiriye kwaduka muri 2015.

BBC

Source : https://umuryango.rw/amakuru/mu-mahanga/umutekano/article/burkina-faso-abicanye-bambaye-imyenda-ya-gisirikare-bishe-abagera-muri-60

Imyuga ntikiri iy'abaswa nkuko byafatwaga mbere ndetse abazi gusesengura neza ahazaza, bemeza ko ariho ubuzima n'ubukire bwihishe. Umugani w'uko 'Umwana w'umufundi abwirirwa ataburara', turi kubona agaciro kawo ubu.

Niyo mpamvu Guverinoma y'u Rwanda yashyize imbaraga mu guha Abaturarwanda ubumenyi n'ubushobozi bushingiye ku bikorwangiro, kuko aribyo shingiro ry'intumbero y'amajyambere yihuse kandi arambye.

Ibi bigaragarira mu cyerekezo 2050, muri gahunda ya guverinoma y'imyaka irindwi yo kwihutisha iterambere, NST1 [2017-2024] n'ibindi.

Guverinoma yihaye ingamba yo kongera umubare w'abagana amashuri y'imyuga n'Ubumenyingiro bakava kuri 31% bariho mu 2017, bakazaba bageze kuri 60% umwaka utaha wa 2024.

Kugira ngo ibyo bigerweho,hari iby'ingenzi byasabwaga, birino kuvugurura politiki, amategeko, amabwiriza, inzego n'ibindi bigenga uburezi, hatibagiwe ibikorwa remezo birimo amashuri, ibikoresho n'ibindi nk'inkingi ya mwamba mu mashuri y'imyuga n'ubumenyingiro.

Imyuga yari yarabaye nka rya buye ryirengagijwe

Abemera Bibiliya hari umurongo uri muri 1 Petero 2, rivuga ko 'Ibuye ryanzwe n'abubatse ariryo rikomeza imfuruka'. Ngibyo ibyabaye ku myuga n'ubumenyingiro mu Rwanda rwo hambere, aho uwigaga imyuga yafatwaga nk'umuswa, igisigazwa cyangwa uruhira abandi.

Nko mu gihe cy'Ubukoloni, abigaga imyuga bari abakobwa bategurwaga kuzavamo abagore mu rugo. U Rwanda rumaze kuba Repubulika aboherezwaga mu myuga babaga ari urubyiruko rwacikishirije amashuri rukigishwa imyuga iciriritse, ibyo abaturage bari bazi nka Serayi (Centre d'éducation rurale et artisanale intégrée; CERAR/CERAI).

Amateka kandi atwereka ko ivangura n'akarengane ryatumye benshi boherezwaga kwiga muri CERAI atari uko batari bashoboye. Byumvikane ko uwigaga aya mashuri yabaga akuriweho amahirwe yose yo gukomeza kwiga mu bindi byiciro.

Nyuma gato y'ayo mavugururwa, mu gihugu hose hatangijwe amashuri atanu yisumbuye ya tekiniki (École Technique Officielle- ETO).

Nyuma ya Jenoside yakorewe Abatutsi mu 1994, Ministeri y'Uburezi yakomeje kureberera gusa ayo mashuri atanu mu gihe ibigo bya CERAI byahindutse CFJ/CFP (Centres de Formation des Jeunes) byahawe Ministeri y'umurimo ndetse n'iy'Urubyiruko.

Mu 2008, nibwo bwa mbere hashyizweho politiki yihariye ya TVET ihuriza hamwe amashuri ya tekiniki yisumbuye (Technical Secondary schools- TSS) ndetse n'amashuri y'imyuga y'igihe gito (Vocational Training Centers).
Mu mwaka wa 2010, habarwaga gusa amashuri ya TVET 65 yose hamwe (TSS na VTC) yabarizwagamo abanyeshuri 51,773.

Ingamba nyinshi zo gushishikariza Abaturarwanda kwitabira aya mashuri zagiye zifatwa ndetse no mu 2017, habayeho gukomatanya VTCs na TSS bikitwa TVET [Technical and Vocational Education and Training].

Impamvu zatumye habaho ayo mavugurura zari zigamije kugira ngo imyumvire abantu bari bafite kuri VTCs ihinduke ariko ntibyatanze umusaruro.

Imibare igaragariza ko n'ubwo mu 2020, aya mashuri yari amaze kuba 365, umubare w'abayagana wikubye kabiri gusa uhereye mu 2010.

Amavugururwa aherutse yo mu 2020, yahaye imbaraga inzego zishinzwe gushyira mu bikorwa politiki ya TVET.

Umunyamabanga wa Leta ushinzwe Ikoranabuhanga, Tekinike, Imyuga n'Ubumenyingiro, muri Minisiteri y'Uburezi, Irere Claudette yemeza ko Guverinoma izakomeza kongera ingengo y’imari igenewe imyuga n’ubumenyingiro

Politiki ya TVET ntikiri ukwayo, ubu ibarizwa muri politiki rusange y'uburezi hagamijwe guhuriza hamwe gahunda zose z'uburezi no kwirinda gutatanya imbaraga. Igenamigambi rikorerwa hamwe ndetse n'amategeko, amabwiriza n'izindi gahunda zose z'uburezi bishyirirwaho amashuri, abanyeshuri ndetse n'abarimu bigera no kuri TVET.

Nyuma y'imyaka ibiri amavugururwa akozwe, amashuri amaze kuba 493 (TSS 391 na VTC 102), kandi haracyubakwa andi, abarimu bagera ku 7,354 kandi baracyongerwa, ibikoresho bishira n'ibidashira biratangwa buri mwaka, abanyeshuri nabo bamaze gusaga ibihumbi 110.

Mu bibazo bigihari harimo kunoza ireme ry'uburezi, kongera ibikorwaremezo, ibikoresho bigezweho bijyanye n'iterambere ry'ikoranabuhanga, gushaka no guhugura abarimu ndetse no gukora ubukangurambaga biri mu byihutirwa kugira ngo tugere ku ntego Guverinoma yihaye.

Ibikorwa byo kuyubaka no kuyashyiramo ibikoresho byagiye bituma ingengo y'imari igenda yiyongera aho yavuye kuri 6,981,390,903 Frw mu 2020/21 igera kuri 22,128,781,921 Frw.

Ni amafaranga yakoreshejwe mu kubaka ibikorwaremezo by'amashuri no kuyagurira ibikoresho akeneye.

Ku rundi ruhande ariko Minisiteri y'Uburezi igaragaza ko uyu munsi hakiri imirenge 114 idafite ishuri na rimwe.

Umunyamabanga wa Leta ushinzwe Ikoranabuhanga, Tekinike, Imyuga n'Ubumenyingiro, muri Minisiteri y'Uburezi, Irere Claudette aherutse kubwira Umutwe w'Abadepite mu Nteko Ishinga Amategeko ko hazakomeza kugenda hongerwa ingengo y'imari ishyirwa mu iterambere ry'uru rwego.

Ati 'Muri uyu mwaka w'ingengo y'imari turimo 2022/23, hateganijwe hafi miliyari 8Frw zikaba zirimo kubaka amashuri mu mirenge 90. Imirenge 24 isigaye iteganyijwe mu ngengo y'imari ya 2023/24.'

Irere agaragaza ko mu kubaka amashuri mashya, hongerwa ibyumba ndetse n'aho abanyeshuri bakorera amasomo ngiro [Workshops] ku mashuri asanzwe yigisha iby'ubumenyi rusange [Groupe Scolaire cyangwa 12 Year Basic Education schools].

Ku rundi ruhande ariko , hari amashuri yigenga abarizwa mu mirenge imwe n'imwe akaba ariyo yonyine ahari bityo amafaranga y'ishuri asaba akaba aremereye ababyeyi.

Guverinoma y'u Rwanda igaragaza ayo nayo hari ibiganiro byatangiye ku buryo bw'umwihariko kugira ngo Leta ibe yayunganira, haba mu buryo bwo koherezayo abanyeshuri ba Leta, cyangwa se kubafasha kujya mu cyiciro cy'amashuri yigenga ariko afashwa na Leta kubw'amasezerano.

Ni ikibazo kigaragara mu mashuri agera kuri 74 mu gihugu hose ariko, ngo agera kuri 27 muri yo yamaze kugirana amasezerano na Leta ku buryo ubu yoherezwamo abanyeshuri ba Leta.

Kuri ubu hari abanyeshuri basaga ibihumbi 110 biga imyuga n’ubumenyingiro mu Rwanda

---

Source : http://igihe.com/amakuru/u-rwanda/article/kuva-kuri-serayi-ku-myuga-amashuri-yabaye-nka-ryabuye-ryanzwe-ryakomeje

Ati “Ubu nsigaye njya kuvuga nkatekereza kabiri, nkavuga nti wasanga nisibiye n'amayira nari nsigaranye, byatumye ntekereza cyane kuko ngomba kwiyushyurira ibintu byose.”

Mu kiganiro yagiranye na Radio Rwanda dukesha iyi nkuru Papa Cyangwa yavuze ko gutandukana na Rocky byatumye hari byinshi bisubira inyuma ariko na none bikanamufasha kwiga uko akwiye kwitwara bitandukanye n'uko yahoze.

“Kiriya gihe nakoraga ibyo nishakiye nkavuga nti Rocky Kimomo azajya kubikemura, niyo mpamvu mutakimbona mu biganiro byinshi cyane byo kuri za YouTube, ni uko hari umurongo nihaye.”

Papa Cyangwe yakomeje avuga ko abavuga ko ibihangano bye byasubiye inyuma batabeshya kuko ibyo yakoraga mbere abifashijwe n'abandi ubu abikora wenyine.

Ati “Hari abavuga ngo narakonje, ntakonja se! Umuntu uba iwabo ku babyeyi, iyo agiye kwibana, ubwo buzima buba butandukanye cyane. Hariya hari nko mu muryango, nari meze nk'uhagarariwe n'ingwe, nakoraga ibyo nshaka kuko nabaga nziko hari uri buze kubikemura, agakosora amakosa naba nakoze.”

“Indirimbo zarakundwaga cyane kuko nyine nari kumwe n'ikipe ngari imfasha ibyo byose birumvikana, nyuma yaho hajemo icyo cyuho ariko ubu biri kugenda bikemuka.”

Ku bijyanye n'abamufasha gushora imari muri muzika, uyu muhanzi avuga ko ntabo afite kugeza ubu, gusa hari abakunda ibihangano bye bemera kumuba hafi umunsi ku munsi.

Ati “Ubu ntabwo navuga ko mfite umuntu runaka uri kumfasha mu bikorwa byanjye, ni abantu bankunda banshyigikira barimo Ndahiro Valens Papy n'abandi mbwira nti ngiye gukora amashusho y'indirimbo bakagira uko babigenza bakamfasha.”

Source : https://umuryango.rw/imyidagaduro/article/papa-cyangwe-yahishuye-ingaruka-yahuye-nazo-nyuma-yo-gutandukana-na-rocky

Urukiko rw'Ubujurire mu Bwongereza, ruratangira kumva ikirego cy'abimukira n'imiryango iharanira uburenganzira bwabo, bagaragaza impamvu batemeranya n'umwanzuro wo koherezwa mu Rwanda, kuri uyu wa Mbere tariki 24 Mata 2023.

Aba bimukira bajuririye umwanzuro wafashwe n'Urukiko Rukuru mu Ukuboza umwaka ushize, rwemeza ko Guverinoma y'u Bwongereza ikomeza gushyira mu bikorwa amasezerano yagiranye n'u Rwanda, yo kwakira abimukira binjira muri icyo gihugu mu buryo bunyuranyije n'amategeko.

Igihe cyanditse ko ari umwanzuro u Bwongereza bwafashe nyuma yo kubona ubwinshi bw'abimukira binjirayo banyuze mu nyanja bakagerayo binyuranyije n'amategeko, n'ikiguzi Leta ikomeje gutanga mu kwita kuri abo bimukira mu gihe batarabona ibyangombwa.

Itsinda ry'abimukira bo muri Iran, Iraq na Syria niryo ryatanze ikirego, rigaragaza ko ritemera umwanzuro w'urukiko rukuru.

Ikinyamakuru Evening Standard cyatangaje ko muri uru rubanza byitezwe ko ruzamara iminsi ine, abacamanza bazahabwa ibimenyetso byerekana ko bagenzi babo bo mu rukiko rukuru bibeshye, ubwo bemezaga ko mu Rwanda ari amahoro kandi nta we uzabagirira nabi.

Imwe mu miryango iharanira uburenganzira bw'abimukira ivuga ko idashaka ko abo bimukira boherezwa mu Rwanda, ngo kuko bashobora gutotezwa kandi aribyo baje bahunga.

U Rwanda rwakunze kugaragaza kenshi ko nta kibazo abo bimukira bazagira dore ko rusanganywe izindi mpunzi n'abimukira baturuka muri Libya, kandi ntawe urahagirira ikibazo.

Ikindi amasezerano u Rwanda rwasinye n'u Bwongereza umwaka ushize, ashyiraho Komite ihuriweho izaba ikurikirana umunsi ku munsi iyubahirizwa ry'ibiri mu masezerano, ku buryo nta wayarengaho.

Tariki 14 Kamena 2022 nibwo abimukira ba mbere bari kuba bageze mu Rwanda ariko byaje guhagarikwa ku munota wa nyuma, kubera ikirego cyihuse cyatanzwe n'imiryango iharanira uburenganzira bw'abimukira yasabye urukiko kwitambika iryo yoherezwa.

Guverinoma y'u Bwongereza yagaragaje ko ishyigikiye ayo masezerano kandi izakora ibishoboka byose akajya mu bikorwa, kubera ko ikeneye gushakisha ibisubizo byose bishoboka byatuma abimukira binjirayo bagabanyuka.

Hari umushinga w'itegeko utegerejwe mu Nteko kuri uyu wa Gatatu, aho Guverinoma y'u Bwongereza ishaka kuvugurura Itegeko rigenga abimukira, hakajyamo ingingo zemerera Guverinoma kohereza abimukira mu bindi bihugu ku nyungu z'umutekano w'igihugu n'iyo urukiko rwaba rwabyanze.

The post Urukiko mu Bwongereza ruratangira kumva abimukira badashaka kuzanwa mu Rwanda appeared first on FLASH RADIO&TV.

Source : https://flash.rw/2023/04/24/urukiko-ruratangira-kumva-abimukira-badashaka-kuzanwa-mu-rwanda/?utm_source=rss&utm_medium=rss&utm_campaign=urukiko-ruratangira-kumva-abimukira-badashaka-kuzanwa-mu-rwanda

Myugariro wa Man City,Benjamin Mendy afite umwana yabyaye mu ibanda n'umukobwa bahuriye mu biruhuko yari yagiyemo ku nyanja ya Mediterrane.

Muri iyi minsi nibwo byamenyekanye ko uyu musore umaze igihe kinini atagaragara muri Premier League yishyura mu ibanga umugore witwa Yolanda Agueraamapawundi agera kuri 350 yo kumufasha kurera umukobwa wabo gua uyu ngo arifuza ko uyu mukinnyi ayakuba kane.

Umwana waba bombi ubu afite imyaka,kandi yaturutse ku mubano w'uyu Yolanda w'imyaka 41,wakoraga muri Banki ubwo yahuraga na Mendy bagasohokana muri Hoteli i Barcelona hanyuma bakaza kujya no mu kirori cyo mu rugo rw'inshuti y'uyu mukinnyi.

Mendy w'imyaka 28, ntiyigeze yihakana uyu mwana.

Uyu mukinnyi uhembwa ibihumbi 90,000 by'amapawundi ku cyumweru muri Manchester City biravugwa ko azarangiza amasezerao ye muri Kamena.

Uyu mukinnyi yahagaritswe muri Man City muri Nzeri 2021, bituma kugeza ubu atagihembwa kubera ibyaha byo gufata ku ngufu ashinjwa.

Uyu mugore uba mu kazu gato mu mujyi wa Badalona wabyaranye na Mendy yabwiye The Suna ati “Imyaka itatu ishize ndera njyenyine yari igoye.

Nabyukaga amasaha abiri mu ijoro nkamwonsa nkanita kuri nyogokuru ku manywa mbere y'uko ajya mu kigo cy'abageze mu izabukuru.

Kuva umukobwa wanjye yatangira kwiga mu ncuke uyu mwaka,nabonye umwanya wo gushaka akazi ariko ngomba kwita ku mirimo ishobora kumfasha kubahiriza ingengabihe ye.

Amafaranga Ben aduha azadufasha ariko mpangayikishijwe nuko tuzahura nkamenya ko umwana wacu atazabura ibyo akenye.

Uyu mugore yavuze ko yabuze Mendy ubu ariko ari gukoresha amafaranga yizigamiye mu yo yamuhaye mu minsi ishize.

Yakomeje avuga ko yifuza ko Benjamin Mendy yababa hafi umukobwa wabo akazamubona ari gukura.

Uyu mugore yavuze ko uyu mwana yabonye se inshuro imwe gusa ubwo bajyaga kumusura i Manchester.

Uyu mukobwa ngo nawe akunda umupira w'amaguru ndetse akinisha ukuguru ku ibumoso nka se gusa uyu mugore yavuze ko nabona ubushobozi azamujyana mu ishuri ryigisha siporo n'umuziki kuko abikunda.

Avuga ku guhura kwabo,Yolanda yavuze ko we na Mendy bahuriye bwa mbere ahitwa W Hotel i Barcelonamuri Nyakanga 2019.

Uyu ngo yari yagiye kunywa inzoga ari kumwe n'inshuti ze hanyuma baganira na Mendy nawe wari kumwe n'inshuti ze.

Uyu mugore yavuze ko bombi babyinanye umuziki birangiye bajya kwicara barasomana.

Uyu yavuze ko inshuti ye yamubwiye ko Mendy ari umukinnyi kuko ngo we ntabwo yari asanzwe amuzi.

Mendy ngo yamujyanye mu nzu bari bakodesheje hafi ndetse ngo yari yasigayemo umwe mu nshuti z'uyu mukinnyi ngo abatekere.

Uyu mukinnyi ngo yafashe uyu mukobwa mbere yo kurya amwinjiza mu cyumba batera akabariro.

Uyu mugore ngo yamenye ko atwite nyuma y'ibyumweru bitanu hanyuma aza kubagwa abyara umwana kuwa 22 Mata 2023.

Uyu mugore ngo yabwiye Mendy ko atwite ariko ntabwo yamwandikishijeho umwana ubwo yavukaga nubwo uyu mukinnyi ngo atigeze amwihakana.

Kuva ubwo ngo bagiye baganira ku kurera umwana wabo.

Mendy yajyanwe mu rukiko rwa Chester mu mwaka ushize ashinjwa ibyaha birindwi byo gusambanya ku ngufu abagore bane no gushaka gufata ku ngufu uwa gatanu.

Mendy yagizwe umwere ku byaha bitandatu ariko azasubira mu rukiko muri Kamena ku cyaha kimwe cyo gufata ku ngufu cyasigaye no kugerageza gufata ku ngufu yahakanaye.

Mendy yahawe uburenganzira bwo gusura umukobwa we.

Uyu mugore avuga ko atwite yumvaga yakuramo inda ya Mendy ariko ngo ubu yishimiye kuba umubyeyi ndetse nta byishimo yagira birenze kuba yarabyaye uyu mwana.

Source : https://umuryango.rw/imyidagaduro/imikino/article/benjamin-mendy-wafungiwe-gufata-ku-ngufu-arashinjwa-gutera-inda-umukobwa

Nikolai Peskov yagize ati: 'Zari inshingano zanjye…Sinashoboraga kwicara gusa ngo ndebe inshuti zanjye zijya hariya'.

Wagner yitwa 'kompanyi ya gisirikare yigenga' mu Burusiya ariko ubu ivugwa ko ifite n'amashami mu mahanga kandi ishinjwa ibyaha muri Ukraine.

Yinjije muri yo abantu ibihumbi bari bafungiye mu Burusiya nyuma yo gutsindwa kwa hato na hato ku rugamba.

Ntibisanzwe ko umwana w'umuntu ukomeye mu Burusiya ahitamo kujya muri iri tsinda — benshi bagiye mu mahanga birinda gushyirwa mu gisirikare gisanzwe.

Nikolai Peskov azwi kandi nka Nikolai Choles, avuga neza Icyongereza, nyuma y'uko yamaze imyaka myinshi y'ubuto bwe i Londres. Yakoze nk'umunyamakuru wo mu mahanga w'ikigo cya leta cy'itangazamakuru RT.

We na se bombi bari ku rutonde rw'abafatiwe ibihano na Amerika.

Mu kiganiro n'ikinyamakuru Komsomolskaya Pravda gishyigikiye leta, yavuze ko cyari icyemezo cye bwite kwinjira muri Wagner, ariko ko atari azi uko azabigenza, ati: 'bityo naciye kuri data…maze abimfashamo'.

Yavuze ko yakoresheje indangamuntu itari yo kugira ngo bagenzi be muri Wagner batamenya aho ahuriye na Kremlin. Ntabwo yavuze izina yakoreshaga kuko avuga ko ashobora kuzongera akarikoresha.

Ibi Nikolai Peskov avuga bihuriranye n'umugambi mushya wo kwinjiza abantu mu gisirikare, aho leta irimo gushishikariza abagabo gukora 'inshingano y'igihugu' muri iyi ntambara ya Ukraine.

Abagabo ibihumbi za mirongo bahunze Uburusiya muri Nzeri (9) ishize banga kwinjizwa mu gisirikare, nyuma y'uko Perezida Vladimir Putin atangaje umugambi wo kwinjiza abantu ibihumbi amagana mu ngabo.

Nikolai Peskov ntiyatangaje aho yarwanye neza neza muri iyi ntambara Uburusiya bwita 'ibikorwa bidasanzwe bya gisirikare' muri Ukraine.

Gusa Yevgeny Prigozhin ukuriye umutwe wa Wagner, we yatanze amakuru arenzeho, abwira ibinyamakuru byo mu Burusiya.

Yavuze ko nyuma yo kwinjira muri iri tsinda ku nyandiko zitari ukuri, uyu muhungu w'umuvugizi wa Putin yamaze ibyumweru bitatu mu myitozo.

Umunyamakuru Dmitry Nizovtsev, ukorana n'impirimbanyi itavuga rumwe n'ubutegetsi ifunze Alexei Navalny, yigize nk'umukozi wa gisirikare ushinzwe kwinjiza abantu mu ngabo ahamagara Nikolai kuri telephone.

Mu ijwi ritegeka kandi rikaze, Dmitry Nizovtsev yamubajije impamvu ataraza kwiyandikisha ku kigo abandi bari kujya kwiyandikishaho mu gisirikare i Moscow.

Nikolai yamusubije arakaye, yibutsa Nizovtsev ati: 'ndi [umuhungu wa] Peskov'.

Yongeraho ati: 'Ibi ndabizamura ku rundi rwego, ubundi nkeneye kumenya ibirimo kuba n'uburenganzira bwanjye.'

Source : https://umuryango.rw/amakuru/mu-mahanga/politiki/article/umuhungu-w-umuvuguzi-wa-putin-yagiye-muri-wagner-muri-ukraine

Ibi Frida yabitangaje ubwo yari yatumiwe mu kiganiro Willy M Tuva wa Radio Citizen muri Kenya avuga ko yamaze kwakira ko yatandukanye na Harmonize ahubwo ko ari mu rukundo rushya.

Ubwo ari abajijwe niba yaramaze kwakira kubaho atari mu rukundo na Harmonize bakanyujijeho Frida Kajala yagize ati: 'Ni byo namaze kubyakira, ubundi mfite ndi mukunzi ukomoka hano muri Kenya.'

Ni ibintu byahise bitera amatsiko umunyamakuru cyane ko uwari gutekereza wese yari guhita yibaza ko yaba ari mu rukundo n'icyamamare mu myidagaduro yo muri Kenya gusa bitandukane n'ukuri kuko Kajla yavuze ko akundana n'umunyapolitike ukomeye muri Kenya.

Ati: 'Ni umuntu uzwi cyane hano ari mu banyapolitike bakomeye mufite. Ibyo mvuga kandi ni ukuri. Rero wimbaza byinshi, keretse niba mutankeneye nk'umukazana hano, mukaba mushaka ko nsubira muri Tanzania.'

Frida Kajala atangaje ko ari mu rukundo rushya nyuma y'igihe gito atandukanye na Harmonize wari waranamwambitse impeta bombi bashimangira ko banejejejwe no kuzabana akaramata nubwo atariko byagenze.

Inkuru yo gutandukana kwabo yatunguye benshi bitewe nuko umubano wabo wagaragaraga cyane, benshi bibajije byinshi ku cyaba cyarabatandukanyije gusa biza kumenyekana ko urukundo rwabo rwari ruhenze cyane nkuko Harmonize yabitangaje.

Source : https://umuryango.rw/imyidagaduro/article/frida-kajala-yatunguranye-avuga-ko-ari-mu-rukundo-n-umunyapolitike-wo-muri

Perezida w'u Burundi, Evariste Ndayishimiye, yagiranye ikiganiro na babiri bamubanjirije ku butegetsi, Sylvestre Ntibantunganya wayoboye iki gihugu kuva mu mwaka w'1994 kugeza mu 1996 na Domitien Ndayizeye wakiyoboye kuva mu 2003 kugeza mu 2005.

Nk'uko ibiro by'Umukuru w'Igihugu bibisobanura, iki kiganiro cyabaye kuri uyu wa 23 Mata 2023 cyibanze ku ngingo zitandukanye zirimo imiyoborere myiza n'iterambere ry'abaturage n'ubukungu.

Ibi biro byatangaje ko Ntibantunganya na Ndayizeye basangiye na Perezida Ndayishimiye ubunararibonye, nk'abamubanjirije ku butegetsi.

Ku rundi ruhande, abagore babo; Angeline Ndayubaha wa Ndayishimiye, Pascasie Minani wa Ntibantunganya n'uwa Ndayizeye nabo bari bahari.

Sylvestre Ntibantunganya wategetse u Burundi imyaka ibiri (1994 – 1996) akavaho ahiritswe na Petero Buyoya – wapfuye, ni umwe mu bantu bubashywe mu Burundi no mu karere.

Mu 2019 Ntibantunganya yasohoye igitabo yise “Burundi, démocratie piégée” avugamo ibyo azi ku mateka ya politiki y'iki gihugu.

Naho Domitien Ndayizeye, nawe wayoboye u Burundi imyaka ibiri (2003—2005) agaha ubutegetsi CNDD-FDD ya Petero Nkurunziza, umwaka ushize yashyizwe mu itsinda (rya gatanu) ry'Ubumwe bwa Africa rya 'Panel of the Wise' ritanga inama ku mahoro n'umutekano muri Africa.

Ikiganiro cy'aba bagabo batatu kiraca kuri televiziyo y'u Burundi saa tatu z'ijoro ku isaha yaho nk'uko bivugwa n'ibiro bya perezida.

Source : https://umuryango.rw/amakuru/mu-mahanga/politiki/article/burundi-perezida-ndayishimiye-yiyambaje-abamubanjirije-ku-butegetsi-bungurana

Abafite ababo bashyinguye mu Rwibutso rwa Jenoside yakorewe Abatutsi mu 1994, barasaba ko amasanduka arimo imibiri y'ababo yahindurwa kuko amwe muri yo yatangiye kwangirika.

Ni ku nshuro ya 29 mu Rwanda n'inshuti zarwo, hibukwa Jenoside yakorewe Abatutsi 1994, magingo aya igihugu kiri mu minsi 100 yo kwibuka Jenoside, ari nako mu Karere ka Ruhango naho biri gukorwa.

Jean Claude Nkurayija, uhagarariye abafite ababo bashyinguye mu rwibutso rw'akarere ka Ruhango, yasabye ababifite mu nshingano ko amasanduka arimo imibiri bishobotse yahindurwa kuko yatangiye kwangirika.

Yagize ati 'Ndasaba ubuyobozi bw'Akarere buzadufashe amasanduka ari mu rwibutso rwiza, akarere kadufashije kubaka ko yazahindurwa kuko atameze neza.'

Minisitiri w'Ishoramari rya leta icyarimwe akanaba n'imboni y'aka karere, Eric Rwigamba, avuga ko ibi bigomba gukorwa bafatanyije n'inzego bakorana.

Ati 'Tuzafatanya n'ubuyobozi bw'Akarere ndetse na MINIBUMWE n'abandi dukorana. Ibikomeye nibyo byakozwe naho ibindi byifuzo byo biroroshye, turabikurikirana bityo bikemuke.'

Urwibutso rwa Jenoside yakorewe Abatutsi mu 1994 rw'Akarere ka Ruhango, ruruhukiyemo imibiri y'Abatutsi 22.249, kuri iyi nshuro kandi hashyinguwe imibiri itanu.

Théogène NSHIMIYIMANA

The post Ruhango: Barasaba ko amasanduku ashyinguyemo imibiri y'abatutsi bishwe muri Jenoside yahindurwa appeared first on FLASH RADIO&TV.

Source : https://flash.rw/2023/04/24/ruhango-barasaba-ko-amasanduku-ashyinguyemo-imibiri-yabatutsi-bishwe-muri-jenoside-yahindurwa/?utm_source=rss&utm_medium=rss&utm_campaign=ruhango-barasaba-ko-amasanduku-ashyinguyemo-imibiri-yabatutsi-bishwe-muri-jenoside-yahindurwa

Umuhanzi nyarwanda uri mu bakunzwe muri iyi minsi, Itahiwacu Bruce wamamaye nka Bruce Melodie ari mu gahinda gakomeye nyuma yo gupfusha nyirakuru.

Uyu mubyeyi akaba yitabye Imana mu ijoro ryakeye ryo ku wa 23 rishyira 24 Mata 2023 ni mu gihe Melodie yari muri Nigeria aho yagiye mu bikorwa bya muzika.

Mu butumwa yanyujije ku rukuta rwe rwa Instagram, yagarageje agahinda yatewe no kubura nyirakuru.

Ati “Ruhukira mu mahoro nygorokuru. Ndagukunda ubuzima bwanjye bwose.”

Uyu mubyeyi ni we Melodie yari asigaranye kuko hashize imyaka 11 Bruce Melodie apfushije nyina umubyara aho yasigaranye n’abavandimwe be 3 ni mu gihe se yapfuye Melodie afite imyaka 6 gusa.

View this post on Instagram

A post shared by Bruce Melodie Igitangaza (@brucemelodie)

Bruce Melodie ari mu gahinda gakomeye ko gupfusha nyirakuru

Source : http://isimbi.rw/imyidagaduro/article/bruce-melodie-mu-gahinda-gakabije