Turamenyesha ko uwitwa INEZA Bella Scalla mwene na utuye mu Mudugudu wa Bwiza, Akagari ka Kanserege, Umurenge wa Kagarama, Akarere ka Kicukiro, mu Mujyi wa Kigali
wanditse asaba uburenganzira bwo guhinduza amazina asanganywe ariyo INEZA Bella Scalla,
akitwa ISARO LUNA MECHTA KAYOBOKE mu gitabo cy'irangamimerere.
Impamvu atanga yo guhinduza izina ni Izina ry'umuryango.
The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.
Mu cyumweru gishize ni bwo Miss Mutesi Jolly yasangije abamukurikira inkuru mpamo y’ubutekamitwe yakorewe, asaba urubyiruko kugira amacyenga no kugisha inama mu gihe hari abashatse kubafasha mu buryo bumwe n'ubundi cyane cyane mu buryo bunyuze mu ikoranabuhanga kuko hateye abatekamutwe.
Mutesi Jolly wabaye Miss Rwanda 2016, yanditse ku mbuga nkoranyambaga ze ubutumwa bugaragaza ko hari abantu bashatse kumwereka ibintu by'agatangaza bamuhishiye, nyamara birangira abatahuye.
Abo batubuzi ni abantu bakomoka muri South Africa bifuzaga ko yazabafasha mu bikorwa bya Netflix afatanije na Drake na Kylie Jenner, bakamubwira ko bazamuhemba agera kuri Miliyoni 4 z'amadorali mu mwaka (Miliyari 4 Frw).
Gusa yagize amacyenga agisha inama inzego z'Ubuyobozi bw'u Rwanda zirimo na Ambasade y'u Rwanda muri South Africa, birangira bamufashije gutahura ko abo ari abatekamutwe, akira atyo.
Abo batekamitwe ni Thabo Bester ikigenge kabuhariwe na Dr Nandipha inzobere mu buvuzi ariko ushinjwa gukorana n'uyu muhezanguni wigize umunyamerika agacucura benshi.
InyaRwanda igiye kubagezaho ubuzima bw’aba batekamitwe bombi kuri ubu bamaze no gutabwa muri yombi aho basanzwe mu gihugu cya Tanzania bagahita bajyanwa muri South Africa.
Thabo Bester
Bester wamamaye cyane mu buriganya n'uruhando rw'abanyabyaha, yubatse ikompanyi yaruburika y'ubwubatsi yitwa Arum yari afatanije n'umukunzi we Dr Nandipha.
Iyi kompanyi yagiye yitabazwa na benshi ngo ibagezeho ibikoresho nyamara abishyuye za miliyoni bose nta nu’mwe wigeze ahabwa ibikoresho na serivisi yabaga yemerewe.
Yatawe muri yombi, nyuma biza kwizerwa muri Gicurasi 2022 ko yahiriye mu nzu y'imbohe, ariko nyuma y'ubusesenguzi byavumbuwe ko umubiri we wasanzwe mu cyumba atari we. Yongeye guhigwa bukware guhera muri Werurwe 2023.
Uyu mugabo yagiye ashinjwa ibyaha bikomeye birimo ubwicanyi, gufata ku ngufu n'ibindi byibasira abari n'abategarugori yakorera ku mbuga nkoranyambaga.Â
Muri 2012 yahamijwe icyaha cyo gutoteza no kwivugana Nomfundo Tyhulu umunyamideli wari umukunzi we.
Muri 2011 nabwo yahamijwe ibyaha by'ubujura no gufata ku ngufu abagore akatirwa igihano cya burundu.
Uyu mugabo nubwo bivugwa ko akomoka muri Afurika y’Epfo, nyamara ntakoresha ibyangombwa byaho nk’uko byagaragaye ubwo yafatirwaga muri Tanzania.Â
Nk’uko byatangajwe na Minsitiri w'Ububanyi n'Amahanga wa Afurika y’Epfo, Aaron Motsoaledi yasanganwe pasiporo ya Amerika mu izina rya Tom Williams.
Ibi byaturutse ku kuba nyina Maria Mabaso ubwo yamwibarukaga kuwa 13 Kamena 1986, ntiyabashije kumwandikisha.
Kuwa 03 Gicurasi 2022 ni bwo Bester yatorotse gereza y'ibanga ya Mangaung Correctional Services, hahimbwa ikinyoma ko yapfuye.
Umurambo yifashishije acura umupangu wo gucika ni uw’uwitwa Katlego Bereng Mpholo.
Dr Nandipha Sekeleni Magudumana
Dr Nandipha ni inzobere mu buvuzi akaba na rwiyemezamirimo wanashinze Optimum Medical Solutions. Yabonye izuba kuwa 15 Nzeri 1989 mu gace ka Bizana ko muri Eastern Cape.
Yarezwe na nyina muri Port Edward muri South Africa. Kuva ku myaka itandatu yari afite indoto zo kuba Dogiteri.
Yize amashuri abanza mu ishuri rya Port Edward, asoreza ayisumbuye muri Port Shepstone. Afite impamyabumenyi y'icyiciro cya kabiri cya Kaminuza mu ishami rya 'Health Science' n’indi mu kubaga. Izi zose yazikuye muri Kaminuza ya Witwatersrand.
Yakomeje amasomo ye kugera abonye impamyabushobozi y'ikirenga mu buvuzi no kubaga, ibintu amaze imyaka itari micye akoramo.
Uyu mugore afite umugabo witwa Mr Vugo Magudumana bafitanye abana 2 ari bo Aziza na Ayana. Akunda gutemberera mu bice bitandukanye by'isi ari wenyine cyangwa n'umuryango we.
Ubuzima bw'uyu mugore ariko bwaje guhinduka cyane bitewe n'umubano bivugwa ko afitanye na Thabo Bester umunyabyaha rurangiranwa.
Nyuma y’uko Bester ahimbye amayeri y’uko yitabye Imana, umuntu utaratangajwe amazina yatangaje ko yababonanye mu iduka bari guhaha bombi mu gace ka Sandton City.
Musaza wa Dr Nandipha, Nkosinathi Sekeleni yatangaje ko umuvandimwe we yagiye aca inyuma umugabo we kuri Bester mu bihe bitandukanye ndetse haje kumenyekana ko amafaranga uyu mugabo akura mu byaha bitandukanye anyuzwa muri Optimum Medical Solutions ngo abonerwe igisobanuro.
Muri Mata 2023 yaje gutabwa muri yombi ari kumwe na Bester muri Tanzania.
 Dr Nandipha ari mu nzobere mu birebana n’ubuvuzi no kubaga muri Afurika Yepfo.
Akurikiranweho ibyaha bifite aho bihuriye n’ihohoterwa ry’abantu n’uburiganya burimo nubwo bashakaga gukorera Miss Jolly
Thabo Bester yahimbye urupfu rwe maze atoroka gereza iri mu zikomeye z’ibanga muri Afurika y’Epfo
Nubwo avuka muri Afurika y’Epfo nta byangombwa by’iki gihugu agira ahubw afite ibya Leta Zunze Ubumwe za Amerika 
Miss Jolly agendeye ku byamubayeho yasabye abantu kugira amacyenga mu byo bakora byose no kugira umuco wo kugisha inama
Miss Jolly yari yijejwe za miliyari gusa ntizamuhuma amaso agisha inama maze inzego za Leta y’u Rwanda zikiza ubuzima bwe bwaganaga ahabi
Umusore witwa Rudy Villalobos wo muri Leta Zunze Ubumwe za Amerika akomeje kuvugisha benshi ku mbuga nkoranyambaga nyuma yaho atangaje amafaranga yakoresheje kugira ngo abaganga bamutereho ikibuno gisa neza n’icy’umuraperikazi Nicki Minaj.
Si ibanga ko umuraperikazi Nicki Minaj ari mu byamamarekazi byihinduje imiterere irimo n’ikibuno aho bacyongereye kikaba kinini, ibi byatumye bamwe mu bafana be n’abandi bamureberaho bagakoresha nk’ibyo nawe yakoresheje ubwo yakoraga plastic surgery.Â
Umusore yitereshejeho ikibuno kimeze nk’icy’umuraperikazi Nicki Minaj
Umwe mu barebeye kuri uyu muraperikazi harimo umusore Rudy Villalobos wemera ko aryamana n’abo bahuje ibitsina (Gay).Â
Yahishuye ko yishuye ibihumbi mirongo itandatu by’amadolari ($60k) ahwanye na miliyoni 66.453.830. Mu kiganiro Rudy yagiranye n’ikinyamakuru All Hip Hop News yahishuye icyatumye yitereshaho ikibuno nk’icya Nicki Minaj.
Uyu musore yatangaje ko yishyuye $60k arenga miliyoni 60 Frw
Rudy Villalopos w’imyaka 28 yagize ati: ”Kuba nkunda Nicki Minaj sibyo byatumye nishyirishaho ikibuno nk’icye ahubwo n’uko nabonaga ariwe mugore wabashije kwitereshaho ikibuno kinini kimeze neza. Kwa muganga bakimbaza ikibuno nshaka nababeretse amafoto ya Nicki Minaj, mbasaba ko bampa ikimeze nk’icye kuko mbona kigaragara neza”.
Rudy yitereshejeho ikibuno nk’icya Nicki Minaj kuko yabonaga gisa neza
Rudy avuga ko adatewe isoni no kuba aryamana nabo bahuje igitsina
Uyu musore uvuga ko adatewe isoni n’uko ari umutinganyi no kuba yitwara nk’abakobwa yahishuye ko abantu benshi bamwibasira ku mbuga nkoranyambaga.Â
Yagize ati: ”Turi mu 2023 sinibaza impamvu abantu banyibasira bambaza impamvu nkunda abasore cyangwa impamvu nitereshejeho ikibuno. Numva ko buri muntu yakwakira undi uko ameze ntamuzize amahitamo ye”.
Rudy avuga ko benshi bamwibasira kubera ko yihinduje imiterere
Iyo yagiye kurya ubuzima ku mazi yifotoza nk’abakobwa
All Hip Hop News yatangaje ko Rudy Villalopos asanzwe akora akazi ko gusiga ibirungo (Make Up Artist) abagore n’abakobwa kandi ko ari umwe mu bitabazwa n’abenshi mu mujyi wa Los Angeles.
Mu byamamare Rudy yasize ibirungo harimo icyamamarekazi Madonna, umukinnyi wa filime Zendaya, Teyana Taylor b’abandi.
Rudy akora akazi ko gusiga ibirungo by’ubwiza igitsinagore
Kugeza ubu Rudy akomeje kugarukwaho cyane aho amafoto ye ari guhererekwanywa ku mbuga nkoranyambaga, aho benshi bibaza icyatumye umuhungu yitereshaho ikibuno. All Hip Hop News yatangaje ko Rudy ariwe musore wa mbere wakwitereshaho ikibuno nk’icya Nicki Minaj kuko abasanzwe babikora ari igitsinagore.
Imiterere ya Rudy witereshejeho ikibuno nk’icya Nicki Minaj akomeje kuvugisha benshi
Ikinyamakuru The Huffington Post U.K. cyatangaje ko uyu mugore Kim West afite imyaka 51, naho umuhungu we bakundana, Ben Ford, akaba afite 32 y’amavuko.
Biravugwa kandi ko bamaze imyaka ibiri bari mu munyenga w’urukundo, bakaba bari gupanga gushyingiranwa ngo barusheho kwinezeza bidasanzw nk’uko byatangajwe n’ikinyamakuru The New Day.
Binyuze kuri icyo kinyamakuru kandi, ngo uyu mugore n’umuhungu we bagiranye umunezero udasanzwe mu gikorwa cy’abashakanye kugeza ubwo Ford yatse gatanya akisangira nyina bafitanye rukuruzi idasanzwe hagati y’abo.
Mu 2015 ni bwo New York Magazine yashyize hanze ikiganiro yari yagiranye n’umukobwa w’imyaka 18 wavugaga ko yambuwe ubusugi na se ku myaka 12. Bijya gusa n’uyu West na Ford, Maze se aza kuvuga ko bumva bakururana ku buryo bazanashyingiranwa mu gihe kiri imbere.
Gusa icyo iyo miryango yose ihuriyeho, ni uko ababyeyi ari bo bashinjwa kuba babi. Abahanga muri bisikoroji (psychology) bo bakavuga ko mu gihe iyo miryango yaramuka ibanye, ko hari amahirwe make yuko abana babo bavuka bameze neza.
West ukundana n’umungu we akaba yarahize ati:” ndabyumva abantu baraturakariye, baba bumva badutera amabuye, ariko iyo wakubiswe n’urukundo ntiwita ku kindi kintu icyo aricyo cyose, uba ufite kururwanira ishyaka”.
Umuhungu na nyina bari mu kibatsi cy’urukundo
Umwanditsi: Nigabe Emmanuel
Turamenyesha ko uwitwa MUKASHARANGABO Catherine mwene Kalisa Vincent na Nyampundu
Ester, utuye mu Mudugudu wa Karangazi, Akagari ka Rwisirabo, Umurenge wa Karangazi,
Akarere ka Nyagatare, mu Ntara y'Iburasirazuba wanditse asaba uburenganzira bwo guhinduza
amazina asanganywe ariyo MUKASHARANGABO Catherine, akitwa KATE NAMPA mu gitabo
cy'irangamimerere. Impamvu atanga yo guhinduza izina ni Izina niswe n'ababyeyi.
The post INGINGO Z'INGENZI Z'IMPAMVU YO GUSABA GUHINDUZA AMAZINA appeared first on RUSHYASHYA.
Noam Fritz Emeran yavutse taliki 24 Nzeli 2022, avukira ahitwa Paray-le-Monial mu Bufaransa. Yatangiye gukina umupira w'amaguru ahereye mu ikipe y'abato ya FC Brussels yo mu Bubiligi. Mu 2011 yaje kwerekeza mu ikipe n'ubundi y'abato ya Entente SSG yo mu Bufaransa.
Muri iyi kipe yahamaze imyaka 6, maze mu mwaka wa 2017 ahava yerekeza muri Amiens. Nyuma y'imyaka ibiri gusa ageze muri Amiens, yatangiye gushakwa n'amakipe akomeye arimo FC Barcelona, Paris Saint-Germain na Juventus.Â
Mu kwezi kwa 02 muri 2019 byarangiye Noam Fritz afashe umwanzuro wo kujya gukinira Manchester United nyuma y'ibiganiro byamaze igihe kinini yagiranye n'iyi kipe yo mu Bwongereza.Â
Muri uyu mwaka w'imikino uyu mukinnyi amaze gukinira Manchester United y'abaterengeje imyaka 21 imikino 19 yatsinzemo ibitego 2 anatanga umupira 1 uvamo igitego.Â
Kugeza ubu uyu mukinnyi yakiniye ikipe y'igihugu y'u Bufaransa y’abatarengeje imyaka 16 muri 2017, yahakinnye imikino ibiri, gusa yemerewe gukinira Amavubi bitewe n’uko afite ababyeyi baturuka mu Rwanda.Â
Se umubyara Emeran Nkusi yakiniye Amavubi ndetse n'uyu mukinnyi Emeran Noam Fritz yaje mu Rwanda mu birihuko ahita ajya no gusura ikipe y'abato ya Jimmy Mulisa.Â
Amakuru ahari ni uko bishoboka ko uyu mukinnyi yakwemera gukinira u Rwanda agahita ahera no ku mukino Amavubi afitanye na Mozambique mu mikino yo gushaka itike y'igikombe cy'Afurika kizabera muri Cote d'Ivoire mu mwaka utaha.
Noam Emeran ashobora gukinira Amavubi
Emeran yigeze no gukora imyitozo mu ikipe nkuru ya Manchester United
Hari icyizere ko uyu musore ashobora gukinira Amavubi
Christopher Maurice Brown umuhanzi w’icyamamare akaba n’umubyinnyi kabuhariwe, yongeye kugirana ibihe byiza n’abana be batatu nyuma y’igihe atababona bitewe n’uko yari amaze ibyumweru 7 azenguruka ibihugu byo mu Burayi akorerayo ibitaramo yise ‘Under The Influence Tour’.
Uyu muhanzi ukunzwe cyane mu njyana ya R&B ku rwego mpuzamahanga, yagarutse muri Leta Zunze Ubumwe za Amerika, akihagera ahita ahuriza abana be batatu hamwe mu rugo rwe basangira impera za weekend nk’uko Hollywood Life yabitangaje.Â
Chris Brown ukubutse i Burayi yagiranye ibihe byiza n’abana be
Abana ba Chris Brown bagiriye ibihe byiza muri pisine yo mu rugo rwe
Abana ba Chris Brown uko ari batatu yabyaranye n’abagore 3 batandukanye, aribo imfura ye Royalty Brown, Aeko Brown hamwe na Symphany Brown bose bagiranye ibihe byiza na Se nk’uko amafoto yashyize hanze yabigaragaje aho bishimanye bakanogana muri pisine iri mu rugo rw’uyu muhanzi.
Chris Brown ateruye umukobwa aherutse kwibaruka yise Symphany Brown
Hollywood Life yakomeje ivuga ko bidasanzwe ko Chris Brown ahuriza abana be bose hamwe kuko inshuro nyinshi akunze kuba arikumwe n’umwe cyangwa babiri ndetse ko bitaba byoroshye ko bose abahuriza hamwe kuko batuye mu mijyi itandukanye, gusa kuri iyi nshuro uyu muhanzi yabashije kuba yakwishimana nabo nyuma y’igihe atababona.
Chris Brown yahurije abana be batutu hamwe maze bagirana ibihe byiza nyuma y’igihe atababona
Habimana Jean Eric uzwi cyane mu mukino wo gusiganwa ku magare mu misozi, yongeye kwigaragaza yanikira abandi bakinnyi basanzwe bakinana mu irushanwa risanzwe.
Ni isiganwa ryabaye kuri iki cyumweru tariki 23 Mata 2023, ribera i Nyamirambo kuri Fazenda Sengha aho abakinnyi bahagurukira mu marembo yaho, ndetse bakazenguruka ishyamba mu byiciro bitandukanye.Â
Abakinnyi bakiri bato mu bahungu n’abakobwa, nibo batangiye isiganwa ahagana mu ma saa Tatu n’Igice.
Muri uyu mukino abakinnyi banyura mu mashyamba, mu mirima ndetse no mu mayira agoye arimo ibinogoÂ
Abangavu, n’ingimbi, bazengurutse inshuro enye, aho bakoraga intera ya kirometeri enye. Shyaka Janvier mu ngimbi ni we wabaye uwa mbere akoresheje iminota 54 n’amasegonda 22.
Nshutiraguma Kevin yabaye uwa kabiri arushwa amasegonda 33, naho Ntirenganya Moses aza ku mwanya wa gatatu arushwa cyane hafi iminota 7.
Mu bakobwa, Mwamikazi Djazila yabaye uwa mbere akoresheje isaha imwe, iminota itanu n'amasegonda atanu, Ntakirutimana Martha aba uwa kabiri arushijwe isegonda rimwe, naho Irakoze Neza Violete aba uwa gatatu yabaye uwa gatatu arushwa umunota.
“Mu misozi byari bikomeye kuko imvura yaramutse igwa, byatumye hanyerera cyane ariko twahanganye tubasha gutsinda.” Mwamikazi Djazila aganira n’itangazamakuru.
Nyuma yaho, hakurikiye abakinnyi bakuru ndetse n’abakina batarabigize umwuga, aho bazengurutse ishyamba rya Meraneza inshuro 8 zingana na kirometeri 32.
Habimana Jean Eric kizigenza muri uyu mukino mu Rwanda, niwe wegukanye iri sigabwa, aho yarushije iminota 7 Muhoza Eric waje ku mwanya wa kabiri.
Habimana Jean Eric ukinira Inovo Tec, yatangiye isiganwa ari uwa mbere arinda asoza nta muntu umuciyeho. Nzamuye Theogéne utari umenyerewe cyane, yaje ku mwanya wa gatatu.
Habimana Jean Eric yatangaje ko iri siganwa yari arikeneye kugira ngo abone amanota “Ntabwo byari byoroshye, nkuko mubizi Mountain Bike ni irushanwa risaba kwohangana no kwitoza cyane. Nshimishijwe n’uko ndyegukanye kuko nashakaga amanota ya UCI kugira ngo nzabashe kwitabira imikino mpuzamahanga.”
Habimana Jean Eric ni umwe mu banyarwanda bazi gukina uyu mukino
Mu batarabigize umwuga cyangwa se bakina byo kwinezera, Simon Hupperetz niwe wabaye uwa mbere akoresheje isaha n'iminota 32 n'amasegonda 10.Â
Uyu mugabo wari wanikiye abandi, yarushije Mark Schut iminota 13. Nathan Byukusenge wamenyekanye cyane mu mukino w’amagare, niwe waje ku mwanya wa gatatu.Â
Simon wabaye uwa mbere mu batarabigize umwuga ni umwe mu bategura Mountain Bike Â
Mwamikazi Djazila asanzwe yitwara neza mu magare asanzweÂ
Shyaka Janvier niwe wegukanye isiganwa mu ngimbi
Imirwano ikomeye irimo kubera muri Sudani yinjiye mu Cyumweru cya kabiri, mu gihe imaze kugwamo abaturage amagana, naho abagera mu bihumbi barakomeretse abandi bavanwa mu byabo.
Kuri iki Cyumweru Perezida w'u Bufaransa, Emmanuel Macron, yatangaje ko abaturage bo mu bihugu by'i Burayi ndetse n'ahandi bahungishijwe muri Sudani, indege ikabageza muri Djibouti.
Yagize ati “Sudani ubu ni isibaniro ry'imirwano ikomeye. Indege ya mbere icyuye bagenzi bacu, abakomoka mu Burayi ndetse no mu bindi bihugu, imaze kugwa muri Djibouti. Ndashima umuhate w'ingabo zacu n'abakozi ba Minisiteri ishinzwe u Burayi n'Ububanyi n'amahanga.”
Le Soudan est en proie à de violents affrontements. Un premier avion rapatriant nos compatriotes, des ressortissants Européens et d’autres pays, vient d’atterrir à Djibouti. Je salue la mobilisation de nos armées et des agents du ministère de l’Europe et des affaires étrangères. pic.twitter.com/DP6kIonCV9
â” Emmanuel Macron (@EmmanuelMacron) April 23, 2023
Mu gitondo cyo kuri uyu wa Mbere, iyi minisiteri yatangaje ko ibikorwa byo gucyura abaturage n'abadipolomate bikomeje, ndetse mu bamaze guhungishwa harimo n'Abanyarwanda.
Yakomeje iti “Nyuma y'urugendo rwa kabiri n'urwa gatatu muri iri joro, abantu 388 bahungishijwe, barimo abafaransa n'abaturuka mu bindi bihugu.”
Izi ngendo zirimo gukorwa hagati ya Khartoum na Djibouti kuva ku mugoroba wo kuri uyu wa 23 Mata no mu gitondo cyo kuri uyu wa 24 Mata, ngo buri rumwe rwagendagamo abantu basaga 100.
Ambasaderi w'u Bufaransa mu Rwanda, Antoine Anfré, yemeje ko “mu baturage batari abanyaburayi bahungishijwe n'u Bufaransa bavuye i Khartoum, harimo abaturage bake b'u Rwanda.” Icyakora, ngo ambasade ntiramenya umubare ntakuka wabo.
Yakomeje ati “Iki nicyo bita kwifatanya.”
Among the non 🇪🇺 citizens evacuated from Khartoum by the 🇫🇷 operation there are a few 🇷🇼 citizens (this embassy doesn’t know yet the precise number).
This is what’s called solidarity !#Sudan https://t.co/DfM6e5YkTJâ” Antoine Anfré (@antoine_anfre) April 24, 2023
Kuri iki Cyumweru, Ibihugu birimo Leta Zunze Ubumwe za Amerika, u Bwongereza n'u Bufaransa byatangaje ko birimo guhungisha abaturage babyo babaga muri Sudani.
Mu itangazo Perezida Joe Biden yasohoye, yavuze ko abakozi ba ambasade n'imiryango yabo bahungishijwe n'Ingabo za Amerika.
Yakomeje ati “Ku mabwiriza natanze, Ingabo za Amerika zakoze ubutumwa bwo kuvana abakozi ba Guverinoma ya Amerika muri Khartoum.”
Today, on my orders, the United States military conducted an operation to extract U.S. Government personnel from Khartoum in response to the situation in Sudan.
I am grateful for the commitment of our Embassy staff and the skill of our service members who brought them to safety.
â” President Biden (@POTUS) April 23, 2023
Minisitiri w'Intebe w'u Bwongereza, Rishi Sunak, na we yatangaje ko “Ingabo z'u Bwongereza zasoje ubutumwa bugoye kandi bwihuse bwo guhungisha abadipolomate b'u Bwongereza n'imiryango yabo muri Sudani, mu gihe ubugizi bwa nabi bukomeje gufata indi ntera n'inkeke ku bakozi ba ambasade.”
Yavuze ko bakomeje gukurikiranira hafi ibiri kuba muri Sudani, ari nako bacungira hafi umutekano w'Abongereza bakiri muri icyo gihugu.
Yakomeje ati “Ndasaba impande zombi gushyira intwaro hasi zigahagarika imirwano ku mpamvu z'ubutabazi, kugira ngo abasivili babashe kuva mu duce turimo kuberamo imirwano.”
UK armed forces have completed a complex and rapid evacuation of British diplomats and their families from Sudan, amid a significant escalation in violence and threats to embassy staff.
I pay tribute to the commitment of our diplomats and bravery of the military personnel whoâ¦
â” Rishi Sunak (@RishiSunak) April 23, 2023
Itangazo ryasohowe n'Igisirikare cya Sudani ku wa Gatandatu, ryahamije ko Umugaba w'Ingabo zemewe za Leta, Gen Abdel Fattah al-Burhan, yemeye gufasha ibi bihugu gutwara abantu babyo mu masaha ari imbere.
Rikomeza rivuga ko aba baturage baza gutwarwa n'indege z'Ingabo za Sudani, bose bagahagurukira mu Murwa Mukuru Khartoum.
Ikibuga cy'Indege Mpuzamahanga cya Khartoum kimaze iminsi gifunze kubera iyi mirwano, byatumye Amerika n'u Bwongereza bitabasha gutwara abaturage babyo.
Imirwano hagati y'Umutwe wa RSF n'Igisirikare cya Sudani yatangiye mu mpera z'icyumweru gishize ikomotse ku kutumvikana ku masezerano yagombaga gusinywa ku wa 1 Mata 2023 agamije kuvanga ingabo za Leta zihagarariwe na Gen Abdel Fattah al-Burhan usanzwe uyoboye Akanama ka Gisirikare gategeka igihugu na RSF iyobowe na Gen Mohamad Hamdan “Hemedti” Dagalo usanzwe unamwungirije.
Izi mpande zombi zanananiwe kumvikana ku buryo bwo kuyobora izi ngabo zaba zihurijwe hamwe.
Umutwe wa RSF ugizwe n'abahoze ari Aba-Janjaweed, washinzwe mu 2013 n'uwahoze ari Perezida wa Sudani, Omar Al Bashir, waje guhirikwa ku butegetsi mu 2019.
Aba bimukira bajuririye umwanzuro wafashwe n'Urukiko Rukuru mu Ukuboza umwaka ushize, rwemeza ko Guverinoma y'u Bwongereza ikomeza gushyira mu bikorwa amasezerano yagiranye n'u Rwanda, yo kwakira abimukira binjira muri icyo gihugu mu buryo bunyuranyije n'amategeko.
Ni umwanzuro u Bwongereza bwafashe nyuma yo kubona ubwinshi bw'abimukira binjirayo banyuze mu nyanja bakagerayo binyuranyije n'amategeko, n'ikiguzi Leta ikomeje gutanga mu kwita kuri abo bimukira mu gihe batarabona ibyangombwa.
Itsinda ry'abimukira bo muri Iran, Iraq na Syria niryo ryatanze ikirego, rigaragaza ko ritemera umwanzuro w'urukiko rukuru.
Ikinyamakuru Evening Standard cyatangaje ko muri uru rubanza byitezwe ko ruzamara iminsi ine, abacamanza bazahabwa ibimenyetso byerekana ko bagenzi babo bo mu rukiko rukuru bibeshye, ubwo bemezaga ko mu Rwanda ari amahoro kandi nta we uzabagirira nabi.
Imwe mu miryango iharanira uburenganzira bw'abimukira ivuga ko idashaka ko abo bimukira boherezwa mu Rwanda, ngo kuko bashobora gutotezwa kandi aribyo baje bahunga.
U Rwanda rwakunze kugaragaza kenshi ko nta kibazo abo bimukira bazagira dore ko rusanganywe izindi mpunzi n'abimukira baturuka muri Libya, kandi ntawe urahagirira ikibazo.
Ikindi amasezerano u Rwanda rwasinye n'u Bwongereza umwaka ushize, ashyiraho Komite ihuriweho izaba ikurikirana umunsi ku munsi iyubahirizwa ry'ibiri mu masezerano, ku buryo nta wayarengaho.
Tariki 14 Kamena 2022 nibwo abimukira ba mbere bari kuba bageze mu Rwanda ariko byaje guhagarikwa ku munota wa nyuma, kubera ikirego cyihuse cyatanzwe n'imiryango iharanira uburenganzira bw'abimukira yasabye urukiko kwitambika iryo yoherezwa.
Guverinoma y'u Bwongereza yagaragaje ko ishyigikiye ayo masezerano kandi izakora ibishoboka byose akajya mu bikorwa, kubera ko ikeneye gushakisha ibisubizo byose bishoboka byatuma abimukira binjirayo bagabanyuka.
Hari umushinga w'itegeko utegerejwe mu Nteko kuri uyu wa Gatatu, aho Guverinoma y'u Bwongereza ishaka kuvugurura Itegeko rigenga abimukira, hakajyamo ingingo zemerera Guverinoma kohereza abimukira mu bindi bihugu ku nyungu z'umutekano w'igihugu n'iyo urukiko rwaba rwabyanze.
