Category: Uncategorized

Ni umwe mu myanzuro yafashwe ku wa Mbere, tariki 24 Mata 2023, nyuma yo kugezwaho raporo y'ibikorwa by'Urwego rw'Igihugu rw'Imiyoborere, RGB, mu 2021/22 ndetse n'ibiteganyijwe gukorwa mu 2022/23.

Ubushakashatsi bwa 11 ku buryo abaturage babona imiyoborere ibabereye n'imitangire ya serivisi mu nzego zibegereye, CRC [Citizen Report Card], bwagaragaje ko igipimo cy'uko abaturage babona imitangire ya serivisi cyakomeje kuzamuka.

Isesengura ry'ibyavuye mu bushakashatsi rigaragaza ko abaturage bishimiye serivisi bahabwa n'inzego zibegereye ku kigero cya 76.1%, kivuye kuri 74.1% muri CRC ya 2021.

Umutekano ni cyo cyiciro gikomeje kuza ku isonga mu gushimwa n'abaturage aho muri uyu mwaka gishimwa ku gipimo cya 91.9% mu gihe muri CRC ya 2021 cyashimwaga kuri 91.6%.

Igipimo cya serivisi z'inzego z'ibanze cyavuye kuri 70.9% mu 2021 kikaba kiri kuri 78.8% mu 2022. Serivisi z'ubutaka n'imiturire ni zo ziri ku kigero cyo hasi kurusha izindi aho ziri kuri 60.5%.

Ibyavuye muri ubu bushakashatsi bigaragaza ko abaturage bashima imikorere y'inzego z'ibanze ku gipimo cya 78.8% n'aho abanenga ni 16.3%.

Abagabo ni bo banenga cyane serivisi zitangwa n'inzego z'ibanze ugereranije n'abagore kuko bazinenga ku gipimo cya 17.3% naho abagore bakanenga ku gipimo cya 15.5%. Ugereranyije na CRC ya 2021 iki gipimo cyazamutseho 7.9%.

Mu gusesengura iyo raporo, Komisiyo ya Politiki, Uburinganire n'Ubwuzuzanye bw'Abagabo n'Abagore mu Iterambere ry'Igihugu mu Nteko Ishinga Amategeko, yasanze hakwiye gutumizwa Minisitiri ufite inzego z'ibanze mu nshingano kugira ngo asobanure ahari ikibazo n'ingamba zo kugikemura.

Visi Perezida wa Komisiyo, Mukamana Elisabeth, yavuze ko bikwiye 'Gutumiza Minisitiri w'Ubutegetsi bw'Igihugu agatanga ibisobanuro mu magambo ku bibazo byagaragaye mu mitangire ya serivisi itanoze ya bamwe mu bakozi b'inzego z'ibanze.'

Depite Mukamana yavuze ko Minisitiri ufite inzego z'ibanze mu nshingano agomba kuba yitabye Inteko mu gihe kitarenze amezi atatu.

CRC ni igipimo cy'uko abaturage bishimiye serivisi bahabwa n'uko bishimiye uko bayobowe. Iri suzuma rikorwa hagamijwe kugaragaza isura nyayo y'uko inzego z'ibanze zihagaze mu mitangire ya serivisi no mu mikorere yazo hashingiwe ku byifuzo by'abaturage.

Ubu bushakashatsi buba bwubakiye ku byiciro 16 bikubiye mu nkingi eshatu za gahunda ya Guverinoma y'imyaka irindwi yo kwihutisha iterambere, NST1. Ni ubukungu, imibereho myiza y'abaturage n'imiyoborere.

Abadepite bayobora Komisiyo ya Politiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu

Abadepite basabye Minisitiri ko mu mezi atatu agomba kuba yabasobanuriye ikibazo cy’imitangire ya serivisi mu nzego z’ibanze

Abagize Biro y’Umutwe w’Abadepite mu Nteko Ishinga Amategeko

Ibi Senateri Evode yabisabye urubyiruko mu muhango wo kwibuka ku nshuro ya 29 Jenoside yakorewe abatutsi mu 1994 by'umwihariko mu Murenge wa Muhima mu Karere ka Nyarugenge.

Senateri Uwizeyimana yavuze ko abahagaritse jenoside yakorewe abatutsi ari urubyiruko ndetse n'abagiye bayishyira mu bikorwa benshi ari urubyiruko, bityo rukwiye kwiga amateka no kuyamenya kugira ngo ruhangane n'abapfobya Jenoside yakorewe abatutsi mu 1994.

Yagize ati 'Mu bwicanyi impuzamigambi, interahamwe n'inkuba, uru rubyiruko rwose rwari mu bwicanyi, urubyiruko rwabugizemo uruhare runini nanone urubyiruko rugira uruhare rwo guhagarika jenoside yakorewe abatutsi kandi uyu munsi na none urubyiruko ku mibare dufite igaragaza ko ruracyari hejuru, icyo turusaba nta kindi ni ukwiga amateka y'igihugu cyabo bakayamenya kuko nibyo bizatuma bashobora no guhangana n'abahakana kandi bagapfobya jenoside.'

Senateri Uwizeyimana yongeyeho ko icyo abanyarwanda bifuza ari gihugu cy'ubudaheranwa kandi kubigeraho bisaba ko urubyiruko rwiga rukanamenya amateka rukagira ubumenyi kuko rutabufite rutajya mu mpaka ku ngingo nk'izo n'abafite ubumenyi buruta ubwarwo.

Uwarokokeye Jenoside yakorewe anbatutsi mu 1994 muri Saint Famille, Angelique Ndoha Uwamariya, yavuze ko jenoside yabaye afite imyaka 12 ndetse kubera umutima wihangana no kutagira igihunga interahamwe zanze kumwica zimwita akana k'Imana.

Ati 'Jenoside yabaye mfite imyaka 12 mba umwana ufite ubwenge, navuye mu mirambo inshuro nyinshi najyaga ku nzuzi inshuro nyinshi ariko nta na rimwe navuyemo umutima ngo numve urakutse, umutima wanjye wahoraga mu gitereko kubera iyo mpamvu ibyo nabonaga byose narabyibukaga batangira kunyita akana k'Imana kuko batiyumvishaga ko inkotanyi zizatsinda.'

Umuyobozi Nshingwabikorwa w'Akarere ka Nyarugenge, Ngabonziza Emmy, yavuze ko intwaro zikomeye abanyarwanda bafite ari izo kubungabunga inzibutso za jenoside n'amateka bigasigwasirwa.

Yashimiye ko mu minsi iri mbere hagiye kubakwa urwibutso rwa Jenoside yakorewe abatutsi rwa Mageragere no gusana urwibutso rwa Jenoside yakorewe abatutsi ya Cyahafi mu Murenge wa Gitega.

Ngabonziza yashimiye abarokotse Jenoside yakorewe Abatutsi uko biyubatse, abizeza ko hari kwigwa uko inzu zabo zisanwa kugira ngo babone aho kuba.

Muri uyu murenge wa Muhima bivugwa ko hashobora kuba hariciwemo abatutsi barenga 1000 muri jenoside yakorewe abatutsi mu 1994.

Senateri Evode Uwizeyimana yunamiye abazize Jenoside yakorewe Abatutsi mu 1994

Ibi byemejwe nyuma y'ishyirwaho ry'itegeko nº 002/2023 ryo ku wa 21/02/2023 ryemeza burundu ayo masezerano y'ubufatanye mu by'amategeko mu rwego mpanabyaha hagati y'ibihugu byombi yashyiriweho umukono i Kigali muri Mata 2022.

Muri aya masezerano y'ubufatanye yemerera ibihugu byombi gufatanya mu gukumira ibyaha, gukora iperereza, gukurikirana ndetse no mu gushinja ibyaha mu manza zitandukanye.

Mu byo ibihugu byombi bigomba gufatanyamo harimo, gutanga imvugo cyangwa imenyekanisha ry'abantu, guhana amakuru akubiye mu nyandiko no kuyatanga, gutanga inyandiko n'ibikoresho byerekana ibimenyetso, harimo imiyoborere, amabanki, imari n'ubucuruzi rusange.

Hari kandi kumenyakanisha aho abantu bashakishwa n'ubutabera baherereye muri ibyo bihugu, kohererezanya abantu bafunzwe bakaba batanga ubuhamya cyangwa ibimenyetso mu nkiko no gushyira mu bikorwa ibyemezo byo gufata, gushakisha no kubata muri yombi.

Ni itegeko kandi rigaragaza ko inzego bireba ari zo Minisiteri y'Ubutabera mu Rwanda ndetse n'Intumwa Nkuru ya Leta muri Angola bashobora kuvugana byihuse bitarinze guca mu nzira za dipolomasi.

Nubwo ayo masezerano ahari, impande zombi zemeza ko rumwe rushobora kwanga ubusabe rwahawe bitewe n'impamvu zitandukanye zirimo kuba ibisabwa bigize icyaha mu bijyanye n'amategeko ya gisirikare, icyifuzo gishobora kubangamira ubusugire n'umutegano by'igihugu, kuba umuntu ukenewe yaramaze kugirwa umwere cyangwa guhabwa igihano muri Leta asabwamo kandi ari ku bintu agiye gukurikiranwaho.

Aya masezerano kandi agaragaza ko uruhande rusaba rubikora binyuze mu nyandiko kandi urwego bireba rukabikora bitarenze iminsi 15 mu gihe urusabwa narwo rugomba kwihutira gusubiza ku busabe rwahawe.

Ingingo ya karindwi yerekana ko ibyangombwa n'ibimenyetso biba byatanzwe n'impande zombi bigomba gufatwa nk'ibimenyetso mu nkiko bidasabye kunyuzwa mu zindi nzira.

Ikindi cyumvikanyweho ni uko Leta isabwa ariyo igomba kwishyura ikiguzi mu ishyirwa mu bikorwa by'icyifuzo cy'iyindi mu gihe ibikorwa byose byabereye ku butaka bwayo.

Ikiguzi kirimo amafaranga y'ingendo z'abahanga bagiye muri icyo gihugu mu gihe cy'iperereza cyangwa cy'ishyirwa mu bikorwa by'ubwo busabe, kuvana abantu mu gihugu kimwe bajya mu kindi cyo kizajya kishyurwa n'igihugu cyasabye.

Aya ni amasezerano akubiyemo ingingo 26 impande zombi zamaze kumvikanaho aho ku ruhande rw'u Rwanda yashyizweho umukono na Minisitiri w'Ubutabera Dr Ugirashebuja Emmanuel na mugenzi we wa Angola Francisc Manuel Monteiro de Queiroz.

Imibanire y'ibihugu byombi ikomeje kugenda ifata indi ntera mu ngeri zitandukanye z'imikoranire cyane ko muri 2020 byasinyanye amasezerano y'ubufatanye mu rwego rw'ubwikorezi bwo mu kirere, umutekano, ikoranabuhanga n'ishoramari.

Mu 2022 nabwo ibi bihugu byasinyanye amasezerano atandukanye agera kuri 13 arimo gukuraho gahunda yo gusoresha kabiri, guhererekanya abakekwaho ibyaha, ubufatanye mu gutanga ubufasha mu by'amategeko no guhererekanya abanyabyaha.

Hari kandi amasezerano y'imikoranire mu by'ubutwererane no guteza imbere urwego rw'ubuhinzi n'ubworozi, guteza imbere imiyoborere mu nzego z'ibanze, uburezi, ubucukuzi bw'amabuye y'agaciro n'amahugurwa y'abakozi ba leta.

U Rwanda na Angola bihuriye mu muryango w'ibihugu byo mu Karere k'ibiyaga bigari ICGLR, uhuriweho n'ibihugu bigera kuri 12 ari byo Angola, Burundi, Centre Afrique, Congo, Repuburika Iharanira Demokarasi ya Congo, Kenya, Uganda, Rwanda, Sudan y'Epfo, Sudan, Tanzania and Zambia.

Iki gihugu gituwe na miliyoni 32,9 kikaba ku mwanya wa munani mu bifite ubukungu bwihagazeho muri Afurika yo munsi y'ubutayu bwa Sahara kibikomoye ahanini ku bucukuzi bwa peteroli dore ko kiza ku mwanya wa kabiri muri Afurika yo munsi y'ubutayu bwa Sahara mu gucukura peteroli nyinshi.

Muri Angola habarizwa gaz n'amabuye y'agaciro y'ubwoko burenga 25 harimo zahabu, umuringa, diamant, Nickel, platinum, chromite, manganese, gasegereti, wolfram, quartz n'ayandi.

Muri 2022 nibwo u Rwanda na Angola byasinyanye amasezerano atandukanye

Hoteli y’inyenyeri 4 ya Cristiano Ronaldo irimo yubakwa mu Mujyi wa Paris mu Bufaransa, yongerewe igihe cyo gufungurwa aho hiyongereyeho indi myaka 4.

Ikinyamakuru Daily Mail gitangaza ko havutse ibindi bibazo bituma imirimo yo gukomeza kuyubaka yakabaye yarasubukuwe mu byumweru bishize itaba.

Byari byitezwe ko iyi hoteli igomba kuzura itwaye miliyoni 53 z’amadorali yari gutahwa muri 2021.

Kubera icyorezo cya COVID-19 cyajegeje Isi byatumye n’iyubakwa ryayo ridindira.

Ikindi kivugwa cyatumye iyi hoteli itinda ikaba izuzura muri 2027 harimo iperereza rusange ryakozwe mu gutanga hoteli zemewe kubakwa aho ryakozwe muri Gicurasi 2019.

Ni hoteli yubatse ibumoso bwa banki ya River Seine iruhande rwaho Gari ya Moshi ihagarara kuri “Austerlitz”, niyuzura izaba ifite ibyumba 210, akabari ko rusenge na pisine aho umuntu aba reba neza umurwa mukuru w’iki gihugu.

Benshi bavuga ko iyi hoteli irimo yubakwa na Pestana Group nayo ifitemo imigabane 50%, uko itinda kuzura niko ishobora kuzahombera uyu munyabigwi kuko yuzuye yarasoje gukina itazakurura abantu nka mbere agikina.

Iyi ni hoteli arimo yubaka nyuma y’iziri Lisbon, Madrid, New York na Marrakech.

Hoteli irimo kubakwa mu Bufaransa

Afite indi nk’iyi muri Portugal yo yuzuye

Urukiko rw'Umuryango w'Ubumwe bw'u Burayo rushinzwe uburenganzira bwa muntu (ECHR), muri Kamena 2022 nirwo rwahagaritse ku munota wa nyuma umwanzuro wo kohereza mu Rwanda abimukira binjira mu Bwongereza mu buryo bunyuranyije n'amategeko.

Ni nyuma y'amasezerano ibihugu byombi byari biherutse kugirana, y'uko abimukira bageze mu Bwongereza mu buryo butubahirije amategeko, bazajya bazanwa mu Rwanda ubusabe bwabo bugakurikiranwa ariho bari, ndetse bakaba bashobora kuhatuzwa mu gihe babihisemo.

Imiryango irengera abimukira mu Bwongereza yahise itanga ikirego, isaba ECHR guhagarika uwo mwanzuro, hakabanza kwitabazwa amategeko.

Nyuma y'umwaka rucyambikanye mu nkiko, Guverinoma y'u Bwongereza iri kuvugurura Itegeko ryayo rigenga abimukira, ku buryo Minisitiri w'Umutekano azajya aba afite ububabasha bwo gufata umwanzuro utandukanye n'uwo urukiko rushinzwe Uburenganzira bwa muntu mu Burayi rwafashe, mu gihe bireba inyungu n'umutekano w'u Bwongereza.

Minisitiri w'Intebe w'u Bwongereza wungirije, Oliver Dowden yavuze ko itegeko rishya, rizajya riha ububasha Minisitiri w'Umutekano kuba yategeka ko abimukira runaka binjiye bitemewe n'amategeko, basubizwa iwabo cyangwa bakoherezwa mu bihugu bifitanye amasezerano n'u Bwongereza.

Icyakora, Oliver Dowden yabwiye Sky News ko bitavuze ko ari uburyo Guverinoma ishaka bwo kurenga ku byemezo by'urukiko rw'Umuryango w'Ubumwe bw'u Burayi, kugira ngo ikore ibyo ishaka.

Ati 'Ndatekereza ko ibi ari ngmbwa ko Minisiteri y'Umutekano igira ububasha bwo gufata umwanzuro, nk'aho usanga hari aho bigera ku munota wa nyuma urukiko rukaba aribwo rufata umwanzuro. Mu bihe nk'ibyo nibwo Minisitiri w'Umutekano azajya afata umwanzuro.'

U Bwongereza buvuga ko bwatangiye ibiganiro n'urukiko rw'umuryango w'Ubumwe bw'u Burayi kugira ngo itegeko riri kuvugururwa babanze bariganireho.

Guverinoma ya Minisitiri w'Intebe Rishi Sunak kandi imaze iminsi mu biganiro n'abagize Inteko Ishinga Amategeko kugira ngo babanze bashyigikire impinduka muri uwo mushinga wo kuvugurura Itegeko riganga abimukira.

U Rwanda n'u Bwongereza byasinye amasezerano yo kwakira abimukira binjira muri icyo gihugu mu buryo bunyuranyije n'amategeko, aho u Bwongereza buzafasha u Rwanda mu kwita kuri abo bimukira bakubakirwa ubuzima bushya mu Rwanda cyangwa bagahitamo gusubira mu bihugu bakomokamo.

Ku ikubitiro u Bwongereza bwemeye guha u Rwanda miliyoni 140 z'amapawundi, yo kwifashisha mu kwitegura no kwakira aba mbere.

Haracyategerejwe umwanzuro w'urukiko rw'ubujurire mu Bwongereza ku kirego cyatanzwe gisaba ko abo bimukira batakoherezwa, nubwo urukiko rukuru rwo rwamaze kubyemeza.

U Bwongereza buri gushaka ko no mu gihe urukiko rwaba rwategetse ko abimukira batoherezwa, Guverinoma igira ububasha bwo kubifataho umwanzuro ikaba yanabyanga