Category: Uncategorized

Umutekano muke mu Burasirazuba bwa RDC, ni ikibazo gihangayikishije akarere k'ibiyaga bigari n'Isi muri rusange. Imyaka ibaye myinshi abatuye aka gace badatora agatotsi kubera imirwano idasiba hagati y'imitwe y'inyeshyamba cyangwa n'ingabo za Leta.

Umwaka ushize umutwe wa M23 wubuye imirwano n'ingabo za Leta, FARDC zifatanyije na FDLR n'indi mitwe, aka gace kongera kuba isibaniro ry'imirwano.

Mu kiganiro n'itangazamakuru cyabereye i Dar es Salaam kuri uyu wa Kane, Perezida Kagame yashimiye Samia Suluhu ku buyobozi bwe bwiza mu gushakira igisubizo kirambye amakimbirane ari mu karere by'umwihariko ibibazo biri mu Burasirazuba bwa RDC, ku bufatanye n'abandi bagize Umuryango wa Afurika y'Iburasirazuba (EAC).

Ati 'Kubaka amahoro n'umutekano birambye mu karere kacu, birasaba umuhate udacogora wa twese harimo n'abagirwaho ingaruka n'ibyo bibazo cyangwa ababishinzwe mu buryo butaziguye'.

Perezida Kagame yakomeje avuga ko amahoro n'umutekano ari ikintu cy'ingenzi gikenewe cyane ku bw'iterambere n'ubumwe bwa Afurika.

Tanzania yohereje ingabo mu Burasirazuba bwa RDC kimwe n'ibindi bihugu bya EAC ukuyemo u Rwanda. Inama z'abakuru b'ibihugu bya EAC mu gushakira amahoro RDC, Perezida Suluhu yagiye azitabira zose.

Tanzanira ni umufatanyabikorwa ukomeye w'u Rwanda mu by'ubucuruzi ndetse n'umuyoboro wa Internet. Uyu munsi hari inzira ya internet y'insinga iva muri Uganda igaca i Gatuna na Kagitumba ikinjira mu Rwanda n'indi igaca muri Tanzania iciye ku Rusumo.

Perezida Kagame yashimiye ubushake bwa Tanzania bwo guteza imbere umubano ku bw'inyungu z'ibihugu byombi. Yavuze ko ibi biteza imbere abaturage kandi vuba ndetse n'ibigo by'ubucuruzi mu bihugu byombi bigahangana ku isoko mpuzamahanga.

Perezida Samia Suluhu Hassan yavuze ko hari intambwe imaze guterwa mu guteza imbere ubucuruzi hagati y'u Rwanda na Tanzania ariko hakiri byinshi byo gukora kugira ngo amahirwe ahari yose abyazwe umusaruro.

Ati 'Nabwiye Perezida Kagame ko turimo gukora ibishoboka byose ngo dutunganye ibyambu byacu, icya Dar es Salaam, Tanga, u Rwanda rukoresha'.

Icyambu cya Tanga mu Burasirazuba bw'Amajyaruguru ya Tanzania kimaze igihe gitunganywa ku buryo ibikorwa remezo ku cyambu cya Tanga bimaze gufata intera ishimishije, hasanwa imihanda ndetse haguwe aho bakirira ibicuruzwa biba bitegereje kohererezwa ba nyirabyo biganjemo n'Abanyarwanda.

Icyambu cya Dar es Salaam kinyuzwaho 70% by'imizigo ijya cyangwa iva mu Rwanda. Mu 2016 kandi u Rwanda na Tanzania byafunguye ku mugaragaro ikiraro cya Rusumo n'ibiro bikoreramo abashinzwe za gasutamo n'abinjira n'abasohoka ku mpande z'ibihugu byombi.

Perezida Samia yakomeje agira ati 'Twaganiriye ku mutekano n'ubwirinzi, twemeranywa gukomeza gukorera hamwe kugira ngo ibihugu byacu na Afurika y'Uburasirazuba yose igire amahoro n'umutekano'.

Perezida Samia yavuze ko yaganiriye na Kagame ku mishinga ibihugu byombi bifitanye itararangira bemeza ko abayikurikirana bahurira muri Dar es Salaam, bakaganira bagategura ibikenewe kugira ngo akazi gakomeze.

Kuwa 9 Werurwe 2018, u Rwanda na Tanzania byasinyanye amasezerano yo kubaka umuhanda wa gari ya moshi Isaka-Kigali w'ibilometero 532 Uyu mushinga wagombaga gutwara miliyari 3,6$.

Ku ruhande rw'u Rwanda, inzira umuhanda uzanyuramo yerekana ko uzanyura ku Rusumo ukagera mu Mujyi wa Kigali [ahari Dubai Ports muri Kicukiro] ariko hakiyongeraho agace k'ibilometero 18 kagera ku Kibuga cy'Indege cya Bugesera.

Uzaba ureshya n'ibilometero 138 mu gihe Tanzania uzaba ari ibilometero 394. U Rwanda rugaragaza ko uwo muhanda wa gari ya moshi uzagabanya 40% ku giciro cy'ubwikorezi rwatangaga, binoroshye urwo rugendo rw'ibyo u Rwanda rwohereza mu mahanga n'ibyo ruvanayo binyuze ku cyambu cya Dar es Salaam.

Perezida Kagame yavuze ko ubufatanye bwa Tanzania n’u Rwanda bushingiye ku nyungu z’abaturage babyo

Perezida Kagame yacyeje uruhare rwa Samia Suluhu mu gushakira amahoro n'umutekano RDC

Perezida Kagame yageze muri Tanzania kuri uyu wa Kane

Perezida Kagame yaganiriye na mugenzi we Samia Suluhu Hassan

Ni icyaha bivugwa ko uyu mugabo yakoze mu bihe bitandukanye abikorera ku bana bafite hagati y'imyaka 14 na 18.

Urwego rw'Ubugenzacyaha rwamutaye muri yombi ku wa 24 Mata 2023 ndetse akaba afungiye kuri RIB ya Nyamata mu gihe dosiye ye iri gutunganywa ngo yoherezwe mu Bushinjacyaha.

Umuvugizi wa RIB, Dr Murangira B Thierry yabwiye Itangazamakuru ko Iperereza ry'ibanze ryakozwe na RIB ryagaragaje ko uyu mugabo yakoreye abana 10 yigishaga ibikorwa bigamije ishimishamubiri.

Ibi bikorwa birimo kuba yahamagaraga abo bana umwe kuri umwe bamaze gukora ibizamini akabakorakora ndetse akabakora no ku gitsina bigamije ishimishamubiri bikaba bigize icyaha cyo gusambanya umwana.

Ingingo ya 133 y'itegeko riteganya ibyaha n'ibihano muri rusange, igaragaza ko umuntu wese ukorera ku mwana kimwe mu bikorwa bishingiye ku gitsina bikurikira, aba akoze icyaha; gushyira igitsina mu gitsina, mu kibuno cyangwa mu kanwa k'umwana, gushyira urugingo urwo ari rwo rwose rw'umubiri w'umuntu mu gitsina, cyangwa mu kibuno cy'umwana no gukora ikindi gikorwa cyose ku mubiri w'umwana hagamijwe ishimishamubiri.

Iyo abihamijwe n'urukiko, ahanishwa igifungo kitari munsi y'imyaka 20 ariko kitarenze imyaka makumyabiri n'itanu 25.

Umuvugizi wa RIB Dr Murangira yagize ati 'Muri iyi minsi hari ibirego bigenda bigaragaza ko umwana w'umuhungu nawe asambanywa kimwe n'umwana w'umukobwa, gusa imibare igaragaza ko aribo bibasiwe kurusha abana b'abahungu. Abantu bari bakwiye kuzibukira rwose kuko iki cyaha cyo gusambanya umwana gihanishwa ibihano biremere.'

RIB iributsa abantu bose ko icyaha cyo gusambanya abana ari icyaha cy'ubugome kandi kitazihanganirwa. Iributsa kandi ko kitagomba guhishirwa kandi ko ari inshingano za buri munyarwanda wese kumenyekanisha icyaha cy'ubugome.

iLead, ni gahunda igamije kwigisha abanyeshuri kuba bavamo abayobozi bafite indangagaciro, ikaba ikorwa mu matsinda abanyeshuri bagasoma ibitabo bitandukanye bungurana ubumenyi ku bijyanye n'imiyoborere.

Ni gahunda ikorwa ku bufatanye n'umuryango ufasha abana mu burezi wa Africa New Life binyuze muri porogaramu yiswe iLead. Kuwa Gatatu tariki 26 Mata 2023, hasuzumwe umusaruro imaze gutanga.

Abayobozi b'ibigo by'amashuri birenga 70 porogarame ya iLead imaze kugeramo, bemeza ko yahinduye mu buryo bufatika imyitwarire y'abanyeshuri babo.

Umuyobozi w' Urwunge rw'amashuri rwa GSNDP Cyanika ruhererye mu Karere ka Nyamagabe, Hitimana Jean Baptiste, yemeje ko ubu buryo bwa iLead hari byinshi bwafashije abanyeshuri babo.

Yagize ati 'Ubona ko abanyeshuri gahunda ya iLead barayishimiye kandi ubona ko mu myitwarire, mu bitekerezo byabo, mu mibereho ndetse no mu myigire, ifite akamaro cyane. Ubona ko abana bayishimiye kandi izatugeza kuri byinshi mu myitwarire yabo no mu mibereho yabo.'

Umuyobozi w'ishuri rya Cornerstone Leadership Academy ryo mu Karere ka Rwamagana, Nkotanyi Peter, yavuze ko porogaramu ya iLead yafashije abanyeshuri ayobora kuko bamenye ibyo bagomba gukora batabibwirijwe.

Ati 'Ikintu gikomeye ni uko ari uburyo bufasha abana kwiyobora ubwabo mu buzima kandi iyo umunyeshuri yiyoboye, yiga nta ngorane ashyiramo imbaraga akiga abishaka akamenya impamvu yabyo ndetse akanamenya amahitamo ye n'ingaruka zayo no kumenya imyanzuro afata mu buzima bwe bwa buri munsi.'

Umuyobozi w'iyi gahunda ya iLead mu Rwanda, Hassan Kibirango, yabwiye IGIHE ko imaze gutanga umusaruro ufatika kuko abayobozi bashinzwe imyitwarire mu bigo imaze kugeramo bababwiye ko yaborohereje akazi.

Yagize ati 'Ubuhamya duhabwa ni uko abashinzwe gukurikirana imyitwarire y'abanyeshuri batubwiye ko yaborohereje akazi batacyiruka inyuma y'abana kuko bamenye ibyo baba basabwa no kubikorera ku gihe. Byatanze umusaruro n'impinduka. ikindi n'imico n'imikorere y'urubyiruko mu mashuri byarahindutse mbese imico mibi yaragabanutse imyiza iriyongera.'

Iyi gahunda ya iLead mu mwaka urenga imaze itangijwe mu Rwanda imaze kugera mu bigo by'amashuri yisumbuye 78 ikaba inakurikirwa n'abanyeshuri ibihumbi 32.

Bamwe mu bayobozi b’amashuri basuzumiye hamwe umusaruro wa iLead bemeza ko yatumye imyitwarire y’abanyeshuri ihinduka

Umuyobozi Ishuri rya Cornerstone Leadership Academy Nkotanyi Peter yavuze ko iLead yatumye abanyeshuri bakora bibwirije

Umuyobozi w'Urwunge rw'amashuri rwa GS NDP Cyanika, Hitimana Jean Baptiste, yemeje ko iLead yafashije abanyeshuri mu myitwarire

Umuyobozi wa gahunda ya iLead mu Rwanda, Hassan Kibirango yavuze ko imaze gutanga umusaruro

Iki kigo cyabikoze mu rwego rwo kubashimira uruhare bagize mu nshingano zabo zo guhashya indwara ya Malariya, kandi bazikoraga babikunze, batanahembwa.

SC Johnson kandi yakoze iki gikorwa igamije kwifatanya n'u Rwanda ndetse n'Isi yose muri rusange mu kwizihiza umunsi wahariwe kurwanya Malariya wizihizwa ku wa 25 Mata buri mwaka, hakanashimirwa abagira uruhare rukomeye mu kurwanya iyi ndwara.

Iki kigo gifatanyije n'abandi bafatanyabikorwa bacyo barimo Raid, Minisiteri y'Ubuzima (Minisante) n'Umuryango wita ku buzima, Society for Family Health (SFH) Rwanda, hatanzwe amahugurwa muri gahunda yiswe 'Certified Care', aha ubumenyi bwisumbuye abo Bajyanama b'Ubuzima.

Ayo mahugurwa yahawe abagore bari basanzwe bafite inshingano zo kuba Abajyanama b'Ubuzima ariko batabifitiye impamyabushobozi, hagamijwe kubaha ubumenyi bwisumbuyeho bubafasha kubikora kinyamwuga.

Umuyobozi Mukuru wa SC Johnson, Dr. Herbert Fisk Johnson yavuze ko aba Bajyanama b'Ubuzima bagize uruhare rukomeye mu guhashya Maralia mu Rwanda, bityo ko bakwiriye gushimirwa ibikorwa byabo.

Ati “Mu gihe kinini itsinda rya SC Johnson ryamaze mu Karere ribana ndetse rinakorana n'Abajyanama b'Ubuzima, byatugaragariye ko bakwiriye kugaragarizwa ko bashimirwa uruhare bagira mu kwita ku buzima''.

Dr. Fisk avuga ko abo bagore bagize uruhare mu kurokora ubuzima bw'abantu benshi, bityo ko ibikorwa byabo bidashobora kurenzwa ingohe.

Indwara ya Malariya iza ku mwanya wa Karindwi mu mpamvu zitera impfu mu Rwanda, ibyatumye Leta y'u Rwanda ifatanyije n'abafatanyabikorwa bayo, ishyiraho ingamba zitandukanye mu guhashya iyi ndwara.

Mu zashyizweho harimo kuba abaturage barafashijwe mu bukangurambaga no kubona serivisi n'ubuvuzi hafi yabo, kugira ngo bivuze hakiri kare iyi ndwara itarabazahaza ngo ibe yanabahitana.

Ibi byagizwemo uruhare rukomeye n'Abajyanama b'Ubuzima kuko bavura 55% by'abarwara Malariya mu Rwanda.

Umujyanama w'Ubuzima utuye mu Karere ka Nyanza mu Murenge wa Busoro, Olive Mukandayisenga, ni umwe mu bahawe impamyabushobozi, ndetse akaba azajya anahabwa agahimbazamusyi. Yavuze ko bizatuma ashobora kwita ku muryango we, kandi akanatera imbere mu bukungu.

Ati 'Mbere iyo umwe mu bo mu muryango wanjye yarwaraga Malaria, byansabaga guhagarika akazi kugira ngo mbashe kumwitaho. Guhabwa impamyabushobozi y'imirimo maze iminsi nkora no guhembwa, bisobanuye ko nshobora kwita ku buhinzi umuryango wanye ukora, ukabaho ufite ubuzima kandi wishimye kandi nkabikora ndinda ubuzima bwanjye n'ahazaza hanjye.'

SC Johnson yo mu byo yakoze harimo gufasha Leta y'u Rwanda kugira ngo abo bajyanama bahabwe ubumenyi bw'isumbuye mu kuvura iyi ndwara no kwita ku barwayi.

Gusa iki kigo nticyifuje ko birangirira aho, ahubwo cyari kinagamije ko abo bajyanama bakora ako kazi kinyamwuga bakanagahemberwa mu kubaka ahazaza habo.

Raporo y'Ishami ry'Umuryango w'Abibumbye ryita ku buzima, OMS, igaragaza ko ubukana bwa Malariya bwagabanutse hagati ya 2000-2019 bitewe n'uko ibihugu byafashe ingamba mu kuyihashya.

Muri 2000 yishe abantu 896,000, muri 2015 yica 562,000, naho muri 2019 yica abagera ku 558,000.

Gusa iyi ndwara yongeye gukaza umurego ku kigero cya 12% muri 2020 ukurikije imibare yo muri 2019, bitewe n'uko Isi yari ihanganye n'icyorezo cya Covid-19 bigatuma ibihugu bimwe bitabona uburyo buhagije bwo kwita ku barwayi ba Malariya.

Urupfu rwa Yvan Buravan rwashenguye ingeri zose, abana, abakuru n'abasheshe akanguhe, bamenye bakanakunda uyu muhanzi wasabanaga cyane akanagira inganzo itarapfaga kwisukirwa na buri umwe.

Burabyo Yvan wamamaye ku izina rya Yvan Buravan, byatangajwe ko yitabye Imana mu ijoro rishyira tariki 17 Kanama 2022 azize uburwayi bwa kanseri (Pancreatic cancer).

Mu butumwa bwanditswe n'abamufashaga mu muziki (Management), bugaragaza ko Yvan Buravan yitabye Imana ari mu Buhinde aho yarimo yivuriza.

Yvan Buravan ni umuhanzi wari ukunzwe n'abatari bake kubera indirimbo ze zakoraga ku mitima ya benshi, aho yaririmbaga yibanda ku rukundo mu njyana ya gakondo.

Yvan Buravan yavutse tariki 27 Gicurasi 1995, yitaba Imana tariki 17 Kanama 2022 (yari afite imyaka 27 y'amavuko).

Azwiho kuba ari we muhanzi nyarwanda wakoze amateka mu mpera z'umwaka wa 2018, ubwo yegukanaga igihembo cyitwa 'Prix Découvertes' gitangwa na Radio y'abafaransa RFI.

Urukundo benshi bakundaga uyu muhanzi rwagaragaje ko ari uw’agaciro kuwa 23 Kanama 2022, mu muhango wo kwizihiza ubuzima bwe kuko yavuzwe ibigwi birimo gukunda abantu, guca bugufi, gushyigikirana n’ibindi byaranze ubuzima bwe.

Imyaka irindwi atangiye umuziki mu buryo bw'umwuga yari ihagije ngo Yvan Buravan asezerweho nk'intwari mu muhango utarigeze ukorerwa undi muhanzi uwo ari we wese mu Rwanda.

Yasezeweho nk'intore, nk'umwana w'igihugu ari nayo mpamvu uyu muhango wabereye ahasanzwe habera ibitaramo bikomeye ndetse akaba ariho yamurikiye alubumu ye ya mbere. Ni muri Camp Kigali.

Ihema risanzwe rijyamo abantu ibihumbi bitatu ryari ryuzuye ndetse n'abandi benshi cyane ntibabashije kwinjira, basubira mu ngo zabo babikurikirana kuri Televiziyo na YouTube.

Ntibisanzwe ko umusore w'imyaka 27 yagwiza ibigwi bingana gutya, agataha nk'intwari. Yarakunze na we arakundwa by'ikirenga.

Pasiteri Rutayisire yavuze ko ibi ari ikimenyetso cy'uko Yvan Buravan yabayeho ubuzima bufite intego kandi ko yasohoje ubutumwa bwe ku Isi.

Ati 'Iyo aba yarabayeho ubuzima bw'abanywarumogi, akabaho ubuzima bw'umujura, akabaho ubuzima bw'umuntu ugenda utera abakobwa inda cyangwa se akora ibindi bibabaza abantu, ntabwo tuba twicaye hano twaje kumushengerera gutya.'

Ibihe bya nyuma mu bitaro…

Mukuru wa Buravan wamurwaje ubwo bari mu bitaro mu Buhinde, yashimiye leta y'u Rwanda yabafashije kubona ubuvuzi bwari bukenewe kugira ngo ubuzima bwa Buravan burokoke.

Buravan yari umuhanzi ukundwa n'abantu

Yavuze ko nubwo Buravan yari arembye, atigeze acika intege ndetse ko yari afite icyizere cy'uko azakira agataha mu Rwanda rwamubyaye, agakomeza imishinga ye irimo kumenyekanisha umuziki gakondo w'abanyarwanda.

Habura iminsi itatu ngo yitabye Imana, iby'imishinga y'imiziki yarabiretse ahubwo avuga ko ashaka kugaruka mu Rwanda ngo yamamaze ubwami bw'Imana.

Ati 'Imana imfashe njye mu Rwanda kuvuga Yesu, kubera ko nta bundi bwishingizi dusigaranye uretse Imana yonyine”. Gusenga cyane ni byo byari bisigaye bimuha imbaraga.

Mukuru wa Buravan yavuze ko nubwo uyu muhanzi atatashye ari muzima ngo avuge Yesu, ariko ubutumwa bwo yarabutanze kuko hari abantu bitekerejeho kubera urupfu rwe.

Mbere y'uko Yvan Buravan yitaba Imana, yabanje gusaba ko mukuru we amwumvisha indirimbo yitwa “Uko Ngusabira” ya Elie Bahati, ubundi arataha.

Uwamenyekanye nka Yvan Buravan, ababyeyi bamwise Dushime Burabyo Yvan. Ni bucura mu muryango w'abana 3 akaba mubyara w'umuhanzikazi Ciney.

Buravan yatangiye muzika akiri umwana muto. Ku myaka 2 gusa mukuru we yamuguriye aga piano k'abana yirirwaga akina nako kugeza aho akuriye akunda muzika cyane.

Ibi byatumye yinjira muri korali y'abana nyuma yo kwiyumvamo impano yo kumenya kuririmba n'ibyo atarigishwa. Agasobanukirwa impuzarugwiro z'amanota bita 'ACOR' atarabyiga bikanamworohera vuba kumenya indirimbo, abana nabyo gahoro gahoro.

Burabyo Yvan niyo mazina yiswe n'ababyeyi 

Ni amarushanwa ya sosiete imwe y'itumanaho hano mu Rwanda ku myaka 14 gusa yaje kuba uwa 2 mu gihugu muri ayo marushanwa atsindira million imwe n'igice ikintu cyamuhinduye imitekerereze umuziki awubona mu yindi nguni kandi ngari.

Ni urugendo yakomeje ubutaruhuka abo mu rungano ku ishuri nka Ami des Enfents cyangwa na La colombiere yaciye bamufata nk'umuririmbyi nawe abikora amanywa n'ijoro mu maboko meza y'umuryango akomokamo. Maze ku myaka 20 gusa yiyemeza bidasubirwaho ko umwuga we ubaye umuziki asaba inkoramutima ze kutamujya kure.

Mu ntangiriro za 2016 ni bwo ibihangano ibihangano bya Buravan byatangiye gusakara mu banyarwanda, nabo baramukundira barabikunda. Icyo gihe ni bwo yari akimara kubona umujyanama (Manager) mushya.

Buravani yagaragaye mu bitaramo bitandukanye, akorana imbaraga nyinshi umuziki we kugeza aho utari ukimwemerera gusinzira. Yagarutse kenshi ku ngazo y'urukundo rwa hungu na kobwa kuko yabonye ariyo ngingo yafasha abantu benshi muri rusange dore ko abantu bose bahurira ku rukundo.

Buravan ntiyasibaga kwerekana umunezero

Iyo aba akiriho yari kuba yujuje imyaka 28 

IMANA IMUHE IRUHUKO RIDASHIRA