Category: Uncategorized

Kuri uyu wa 28 Mata 2023 ni bwo Ishimwe yasubiye imbere y'urukiko rukuru rwa Nyarugenge, aburana ku bujurire bwatanzwe n'ubushinjacyaha.

Urubanza rwatangiye saa tatu na 50 za mu gitondo, umucamanza abaza Ishimwe n'abanyamategeko be niba biteguye kuburana, basubiza ko biteguye, abajije Ubushinjacyaha, busubiza ko bwiteguye.

Uru rubanza rugeze hagati, Prince Kid yagaragaje impamvu eshanu zerekana ko ibi byaha yarezwe byose yabihimbiwe aho yaje no gukomoza ku majwi.

Prince Kid yasabye ko urukiko rwasuzuma amajwi neza kuko muri ayo majwi ibyo yavuze byose bitashyizwemo.

Yavuze ko adahakana amajwi kuko ari aye, ariko avuga ko ayafiteho impungenge kuko amajwi ye yacagaguwe agashyirwamo ibyo abashaka kumurega bakeneye.

Ubwo abashinjacyaha bahabwaga umwanya wo kwisobanura kuri aya majwi, ukuriye ubushinjacyaha (umugabo) yemereye urukiko ko amajwi yahinduwe.

Yavuze ko amajwi ya Prince Kid ari byo koko yagiye avugururwa bagakuramo ayo bakeneye.

Nyuma yo kuvuga ibyo, abari mu cyumba cy'urukiko bose bahise batangara cyane ko iryo jambo ryumvishwe bwa mbere kuva uru rubanza rwatangira, maze bariyamira.

Nyuma y'uko ayo majwi yahinduwe ateye urujijo, umucamanza yahise asaba ubushinjacyaha kuzana ayo majwi ya mbere atarahindurwa.

Umucamanza yasabye urukiko ko bashyikiriza ubucamanza amajwi ya mbere ataracagagurwamo.

Umushinjacyaha (Umugore) wundi wunganira uwamubanjirije, yahise ahaguruka ahakana ayo majwi, avuga ko nta kintu na kimwe cyahinduwemo.

Prince Kid yatawe muri yombi muri Gicurasi 2022. Yagejejwe mu rukiko bwa mbere tariki ya 11 Gicurasi 2022 aburana ku ifungwa n'ifungurwa ry'agateganyo mu Rukiko rw'Ibanze rwa Kicukiro.

Urubanza rwe rwakomereje mu muhezo ndetse ku wa 16 Gicurasi 2022, urukiko rwemeza ko afungwa iminsi 30 y'agateganyo mu gihe iperereza ku byaha yari akurikiranyweho ryari rigikomeje.

Prince Kid yaje kujurira icyo cyemezo ariko ku 3 Kamena 2022 Urukiko Rwisumbuye rwa Nyarugenge rwemeje ko akomeza gufungwa iminsi 30 y'agateganyo.

Urubanza mu mizi rwatangiye muri Kanama 2022 rukomereza mu muhezo.

Tariki ya 12 Ukuboza 2022 nibwo Urukiko Rwisumbuye rwa Nyarugenge rwamugize umwere ku byaha yari akurikiranweho byo gukoresha undi imibonano mpuzabitsina ku gahato, gusaba cyangwa gukora ishimishamubiri rishingiye ku gitsina no guhoza undi ku nkeke bifitanye isano n'imibonano mpuzabitsina.

Icyo gihe rwategese ko ahita afungurwa, nyuma y'amezi atandatu ari muri Gereza ya Nyarugenge.

Impamvu ari mu Rukiko ubu ni uko ubushinjacyaha bwajuriye, nyuma y’uko yari yari yaragizwe umwere.

Prince Kd yongeye kuburana

Ni mu kiganiro cyihariye uyu muyobozi yagiranye na InyaRwanda ubwo umunyamakuru wacu yari yamusuye ku cyicaro cy’ishyirahamwe ry’umupira w’amaguru mur Burundi, riherereye mu mujyi wa Bujumbura. 

CP Alexandre Muyenge yatangiye aha ikaze InyaRwanda, ndetse yemeza ko yishimiye gusurwa, no kuba agiye kuganira n’itangazamakuru ryo mu Rwanda.

CP Alexandre wavutse mu 1970, yatangiye agaruka ku ishusho y’umupira w’amaguru muri iki gihugu aho yavuze ko mu mwaka amaze ayoboye umupira w’amaguru, amaze kubona impinduka zirimo sitade iri kubakwa, ndetse n’ihangana riri mu mupira w’amaguru.

CP Alexandre Muyenge usanzwe ashinzwe umutekano w’abayobozi bakuru barimo n’umukuru w’igihugu cy’u Burundi, yakomereje ku mubano w’umupira w’amaguru mu Rwanda n’u Burundi, aho yemeje ko ibi bihugu bimeranye neza. 

Yagize ati “FERWAFA n’ishyirahamwe ry’umupira w’amaguru mu Burundi, dukorana neza, ndetse bya hafi. Iyo biba nta mubano mwiza uri hagati y’u Rwanda n’u Burundi mu mupira w’amaguru, abatoza nka ba Muhire, ndetse na Camarade ntabwo twari kwemera ko baza gukorera amahugurwa mu gihugu cyacu, ndetse amakipe ntabwo aba ahana abakinnyi.”

CP Muyenge yemeza ko impamvu amakipe menshi yanga kwitabira CECAFA ari uko ibihembo ahabwa biba biri hasi 

Yasoje agaruka ku mutekano w’igihugu ndetse n’akazi ko kuyobora umutekano w’umukuru w’igihugu. “Umutekano mu gihugu umeze neza. Ndamutse nkusubije ku bijyanye nabyo, wavuga ko ndi kuvuga ibyo nshaka, ahubwo nkawe wavuye mu Rwanda ukambuka umupaka ubu tukaba turi kumwe, ndashaka ko umbwira uko umutekano w’u Burundi umeze. Hari umuntu wakubangamiye? Aho wanyuze hose hari ikibazo wahuye nacyo?”

Yakomeje agaruka ku kazi ko kurinda umukuru w’igihugu, aho yavuze ko “Kuyobora umutekano w’umukuru w’igihugu ni akazi keza kandi gashoboka, upfa kuba ufite ubumenyi muri ako kazi.”

CP Alexandre Muyenge amaze umwaka n’igice ari umuyobozi w’ishyirahamwe ry’umupira w’amaguru mu Burundi aho yemeza ko manda ye izajya kurangira hari ibyo amaze gukora, birimo  sitade Intwari izaba yaruzuye, iterambere ry’umupira w’amaguru mu bagore, imisifurire ndetse n’ibindi.

KANDA HANO UREBE IKIGANIRO KIRAMBUYE INYARWANDA TV YAGIRANYE NA CP ALEXANDRE MUYENGE

Mu kiganiro na InyaRwanda.com, Umutoni Aline yatangaje byinshi. Ni umukobwa w'imyaka 20 y’amavuko kuko yabonye izuba kuwa 20 Gicurasi 2002 mu gihugu cya Congo Kinshasa, akaba yarahungiye muri Kenya.

Aline yagarutse ku mashusho ye amaze iminsi acicikana ku mbuga nkoranyambaga arimo gusemura, ati:'Nigiyemo byinshi cyane ku byabaye abavuga ko ntazi ururimi ndaruzi kwibeshya bibaho mu buzima.'

Akomeza agira ati:'Ababona ko nigirira icyizere ni byo rwose kuko umuntu wenyine ni we ufata iya mbere mu byo akora kandi ntibyakunda utigiriye icyizere.'

Yaboneyeho gutinyura n’urundi rubyiruko, ati: 'Icyo nabwira abandi ni uko bagomba gutinyuka gukora byose babona bifite umumaro kuri bo, ku bandi no ku gihugu cyabo.'

Yongeraho ati: 'Kandi bakamenya ko mu byo dukora byose hataburamo imbogamizi, ariko dukuramo isomo kandi urwo rugendo ni rwo rutugeza ku byiza.'

Abajijwe ku kuba avuga Ikinyarwanda niba hari umuryango yaba afite mu Rwanda, yavuze ko nta wo, mu rugo iwabo akaba ari muri Congo-Kinshasa (DRC).

Yavuze ko muri DRC ari ho yatangiriye amashuri abanza, akaza gukomereza muri Kenya aho bahungiye kubera umutekano mucye wo mu gihugu cye cy'amavuko.

Umutoni Aline avukana n'abana batandatu ku babyeyi babo ari bo Bigabiro Jacques na Narukundo Chantal. Yasoje amashuri yisumbuye mu masomo arimo siyansi n’indimi zirimo Icyongereza n'Igiswahili.

Yakuriye mu rusengero rw'Abapantekote ari umuririmbyi, nyuma aza gutangira kwinjira mu mwuga wo gusemura mu 2022 aho asengera mu rusengero rwa Break Through International Ministry ruri i Kasarani.

Indoto ze ni ukazavamo umuyobozi ukomeye, ibi akaba abiharanira kandi kuva mu buto bwe yifuza kuzabigeraho.

Umutoni Aline uri mu bakobwa bamaze iminsi bagarukwaho cyane yavuze ko nubwo avuga Ikinyarwanda nta muryango agira mu Rwanda ataranahageraYabwiye urubyiruko ko ubuzima butagira imbogamizi nta ntsinzi bugira 

KANDA HANO UREBE AMASHUSHO YAFASHWE N’UMUHANYI TV AGARAGARAMO UMUTONI ALINE UMAZE IMINSI ATIGISA IMBUGA NKORANYAMBAGA

“>

Urubuga rw'iyi Kaminuza rusubiramo uwayishinze, Dr Fred Swaniker, avuga ko yishimiye ko ba rwiyemezamirimo bakiri bato ba Africa bigira kuri iyo kaminuza 'ubu bazagira amahirwe yo kwigishwa n'umwe muri ba rwiyemezamirimo bakomeye ku isi'.

Jack Ma ntaremeza ibivugwa n'iyi kaminuza yigenga yo mu Rwanda, gusa ikigo cyo gufasha yashinze, Jack Ma Foundation, giherutse kuvuga ko muri iki gihe Ma arimo 'gusubira gukora ibyo akunda' ari byo kwigisha kandi ari na byo yakoraga mbere yo gushinga Alibaba.

Mu cyumweru gishize, Hong Kong University yatangaje ko Jack Ma yemeye kwigisha ibijyanye na 'entrepreneurship' mu gihe cy'imyaka itatu. Mu mwaka ushize nabwo, yagizwe umwalimu w'umushyitsi muri University of Tokyo yo mu Buyapani na Tel Aviv University yo muri Israel.

BBC yatangaje ko Jack Ma Foundation ivuga ko Ma 'yabaye umwalimu wa kaminuza imyaka itandatu', ko 'akunda cyane uburezi, kandi buri gihe aba ashaka gusangiza urubyiruko urugendo rwe mu bushabitsi'.

Fred Swaniker, umunya-Ghana washinze African Leadership University, avuga ko ibyo azigisha kuri iyi kaminuza nyafurika 'bizatuma abanyeshuri bacu batekereza ibikomeye no gukurikirana bashimitse inzozi zabo mu kwihangira imirimo'.

Iyi kaminuza ntisobanura niba Jack Ma azajya ajya kwigisha ku kicaro cyayo i Kigali cyangwa azajya yigisha hifashishijwe uburyo bw’iya kure.

African Leadership University (ALU) yatangiye gukora mu 2015 mu birwa bya Maurices no mu Rwanda mu 2017, ivuga ko igamije 'kubaka ikiragano gishya cy'abayobozi bashobora guhindura Africa'.

Jack Ma wigeze kuba umukire wa mbere mu Bushinwa, agiye kwigisha muri kaminuza y’imiyoborere mu Rwanda

Ikipe ya Barcelona igiye guhagarika televiziyo yayo aho abakozi bagera 120 bashobora kugirwa abashomeri.

Iyi kipe igiye gukuraho iyi televiziyo kubera ikibazo cy’amikoro iyi kipe ifite, ni mu rwego rwo kureba uburyo yagabanya amafaranga yakoreshaga.

Guhagarika Barca TV bikaba bizafasha kugabanya miliyoni 10 z’Amayero ku mafaranga yakoreshaga ku mwaka.

Barcelona ikaba isabwa byibuze kugabanya miliyoni 200 z’amayelo ku mafaranga yakoreshaga ku mwaka.

Ni nyuma y’uko inaniwe guhuza umutungo wayo, byatumye haza icyuho ku buryo amafaranga yinjiza ari munsi yayo isohora bikaba binyuranye n’amategeko ya shampiyona ya Spain.

Ibi byanatumye ubuyobozi bwa La Liga butangaza ko iyi kipe itemerewe kugura abakinnyi mu mpeshyi ya 2023 ikaba igomba kugabanya amafaranga itanga mu guhemba abakozi bayo no kugura abakinnyi, akava kuri miliyoni 6035€ akagera kuri miliyoni 452€.

Mu kugabanya bakaba bahereye kuri Barca TV, hagiye gukurikiraho kureba ubundi buryo harimo no kugira abakinnyi bagurisha.

FC Barcelona ifite ikibazo cy’amikoro ishobora gusezerera abakozi 120