Category: Uncategorized

Miss Diane uri muri 6 begukanye irushanwa rya Rwanda Global Top Model 2023 bikamuhesha kwitabira irushanwa rya Miss Supermodel Worldwide 2023 yanitwayemo neza, mu kiganiro na inyaRwanda Tv, yatangaje byinshi yungukiye muri uru rugendo.

InyaRwanda: Ni iki wungukiye mu Buhinde n’icyo urota kuzitabira Miss Supermodel Worldwide?

Miss Diane: Iminsi icumi namazeyo, byari byiza pe! Twabanaga nk'abavandimwe. Nungutse inshuti, ngira ubumenyi bushya nari mfite mbona inshuti.

Nanahakuye ibihembo bitandukanye birimo ni ikamba rya Miss Iconic Beauty risobanuye ko mu marushanwa yo mu Rwanda yaba ay'imideli cyangwa ay'ubwiza, hari icyizere cyo kugera kure mu bihe biri imbere.

Njyendeye ku byo nabonye, uwashaka kwitabira, yagenda ashabutse, yumva nta soni, akagenda yiteguye gukora igishoboka cyose ngo bamubone.

InyaRwanda: U Buhinde ku muntu utarabugeramo bumeze gute?

Miss Diane: Nabonye ari igihugu cyiza aho nabashije kugera nabonye ko ari igihugu cyateye imbere bakunda umuco wabo nk’uko nabibonye mu duce twagiye dusura. 

Nabashije kandi kugera kuri Taj Mahal inyubako nzi neza ko abantu benshi bazi, nsura imfungwa icyo nabonye mu kuri bafite urukundo muri bo.

InyaRwanda: Uwegukanye ikamba risumba ayandi mwabonaga arikwiye?

Miss Diane: Sinavuga ko yari arikwiye kuko twese turikwiye, sinavuga ko banyibye kuko bafite icyo bagendeyeho.

InyaRwanda: Waba warigeze urota inzozi zo kwegukana ikamba? Ababyeyi n'abavandimwe bakira bate intambwe umaze gutera?

Miss Diane: Nakundaga kureba amarushanwa y'ubwiza cyane Miss Rwanda, numvaga nzanayijyamo nubwo ntitinyutse ngo nyigemo. 

Babyakiriye neza kuko baranashyigikiye na mbere yuko genda. Abavandimwe babyakiriye neza nubwo wenda ntajyaga mbivuga nyiri muto bari baziko nkunda ibijyanye n'amarushanwa y'ubwiza n'imideli.

InyaRwanda: Hari ifoto zanyu zazengurutse ahantu hose, zafatiwe hehe? Ese mwabonye mute uko abantu babyakiriye?

Miss Diane: Yafatiwe muri Hotel ya Radisson Blu yo mu Buhinde, nari nagiye mbyiteguye. Ababyeyi nta bintu byinshi babivuzeho kuko bari bazi ko ndi mu marushanwa

Naho abantu ubundi iyo ufite, uzi icyo ushaka, ntabwo wita ku bantu, ntiwita ku bakuvuga nabi, njye mfite icyo nshaka, mfite ahazaza hanjye ndimo gutegura.

InyaRwanda: Inama wagira urubyiruko rwifuza kumera nka we?

Miss Diane: Niba koko babishaka bibarimo bagatangira amarushanwa asanzwe amarushanwa menshi y'abanyamideli agenda aba bahereye ku ryo nanyuzemo rya Rwanda Global Top Model.

InyaRwanda: Ijambo wabwira abanyarwanda rikuri ku mutima by'umwihariko?

Miss Diane: Icyo navuga namaze gutoranya imideli nk'akazi kanjye, nifuza ko imbere nazabasha kuba nazana umwanya wa mbere, nkahesha ishema igihugu cyanjye.

Sinasoza kandi ntasabye abanyarwanda gushyigikirana, ntibagakunde kuvuga ibintu bitari byiza byonyine.

KANDA HANO UREBE IKIGANIRO TWAGIRANYE NA MISS ICONIC BEAUTY DIANE

Yegukanye ikamba rya Miss Iconic Beauty muri Miss Supermodel WorldwideMiss Diane yishimiye ubumenyi yungukiye mu BuhindeYashishikarije urundi rubyiruko kuyoboka ibyo rukunda

VIDEO: NYETERA BACHIR-INYARWANDA.COM

AMAFOTO: SANGWA JULIEN-INYARWANDA.COM

Babitangaje mu kiganiro kirambuye 'Breakfast with the stars' bagiranye na Kiss Fm kuri uyu wa Gatanu tariki 28 Mata 2023.

Queen La Douce yavuze ko basanzwe ari inshuti z'igihe kirekire, ku buryo ubwo mu minsi ishize basohokeraga hamwe mu hantu muri Kigali, bifata amashusho na telefoni zabo baganira, basangira ari bwo bagize igitekerezo cyo gushinga iri huriro.

Yavuze ko bakimara kwiyemeza gushinga ihuriro bahise bafungura konti ya Instagram. Camilla Yvette uri kubarizwa mu muhanga niwe wazanye izina rya 'Kigali Boss Babe' baryemeranyaho bose, hanyuma babona kubitangaza.

Uyu mugore yunganirwa na Isimbi Alliance uvuga ko 'turi inshuti z'igihe kirekire'. Isimbi yavuze ko 'Dukorana Business twiyemeza kugira icyo twakorana cyadufasha natwe kikatugurira akamaro'.

Avuga ko bagize amazina menshi bashakaga kwita iri tsinda, ariko Yvette arabaganza abumvisha impamvu yo guhitamo iri zina 'Kigali Boss Babe'.

La Douce yasobanuye ko 'Kigali Boss Babe' bisobanuye 'Umugore wihagazeho/wigenga, ufite inzozi zagutse, utekereza kure, uzi icyo ashaka, ufite indangagaciro, kandi utaruhuka kugeza ageze ku nzozi ze'.

Aba bagore bavuze ko muri iri huriro bafite ibikorwa bitandukanye birimo n'ikiganiro kigaruka ku buzima bwabo 'Reality Tv Show' bise 'Kigali Lifestyle'.

Alliah Cool avuga ko ari umwe mu bashyigikiye iki gitekerezo cy'iki kiganiro, biyemeza kugishyira mu bikorwa. Ati 'Twatekereje ikintu twakora, dusanga twakora 'Reality Tv Show' kandi ikaba iri ku rwego Mpuzamahanga'.

Gashema Sylvie yavuze ko bakimara kwanzura gukora iki kiganiro yahise aganiriza umuryango we, bamwemerera gutangira gukora kuri uyu mushinga.

Iri tsinda rikimara gushingwa havuzwe byinshi, bamwe ku mbuga nkoranyambaga bibaza aho bakuye amafaranga n'ibindi byatuma bagaragara nk'abagore b'abanyamafaranga.

Alliah Cool avuga ko bitabaciye intege n'ubwo hari abavuze ko bibonekeje, ariko kuri we siko abibona. Ati 'Kwibonekeza ni byiza. Buriya utibonekeje ugasigara inyuma y'abandi waba usigaye, wazasigara inyuma y'abandi.'

Gashema avuga ko yahisemo kudasoma ibitekerezo abantu bashyira ku mbuga nkoranyambaga ze nka Instagram, ashingiye ku kuntu yigeze kwakirwa akinjira mu ruhando rw'imyidagaduro mu myaka ishize. Ati 'Ntabwo njya nsoma ibitekerezo.'

Yavuze ko bafashe icyemezo cyo gushinga iri huriro bazi neza ko bazavugwa, bityo ntibatunguwe. Ati 'Twaravuze ngo ibizaza byose turabyiteguye.'-Bituma biyemeza kuzagaragaza isura nziza y'abo. 

Uyu mugore avuga ko abantu bakwiye kwirinda imyumvire iciye bugufi, kuko ntaho yabageza.

Isimbi yavuze ko abagiye bavuga ko bicuruza mu bagabo bibeshya, kuko bafite ibikorwa binyuranye binjiriza amafaranga.

Uyu mugore yavuze ko bafite ibikorwa byagutse bitanga akazi ku bantu benshi, bityo abavuga ko bakuye ifaranga mu bagabo 'ntabwo batuzi'. Isimbi avuga ko umuntu wenyine agomba ibisobanura ari umugabo we ndetse n'abana bawe.

Gashema avuga ko hari n'ibitekerezo yabonye by'abantu bavuga ko batakandiye mu ishuri, ariko ngo sibyo kuko bibeshejeho kandi barize. Alliah avuga ko ntawe ukwiye kwibaza aho bakuye ifaranga, kuko bafite imitungo ibindi biri muri Banki.

Hari n'abandi bavuze ko amafaranga bayakuye mu bagabo, Alliah ati 'Ntabwo waba ufite zero (0) mu mutwe ngo ugire nka Isimbi Group.'

Uyu mugore ashimangira ko bafite abagabo babashyigikira mu bikorwa byabo, bityo ko ntawe ukwiye kwibaza aho bakuye amafaranga.

Isimbi ashimangira ko ubwo basomaga ibitekerezo byaherekeje itsinda ry'abo bashinze, basekaga cyane bitewe n'uko bari bazi neza ibizakurikiraho.

Yavuze ko uyu mushinga w'iki kiganiro kizibanda 'ku buzima bwabo, ukuri ku byo banyuramo, akazi bakora, niba bajya bashwana, gukunda ubuzima, bwiza, kwizihiza ibirori nk'isabukuru, ibikorwa byo gufasha abantu banyuranye' n'ibindi.

Isimbi avuga ko iki kiganiro kizaba ari uruhererekane, kandi kizajya kigaragaramo abantu banyuranye. 

Ati 'Mbese ni ibikorwa byose tuzajya tugira, abpo twatumiye mu bikorwa, ibintu byose tuzajya duhuriramo n'abantu bazajya bagaragaramo, ariko nyine ab'ibanze nitwe.'

Uyu munyamideli avuga ko ashingiye ku buzima banyuramo biteguye gutanga ibyishimo mu biganiro bazakora.

We, avuga ko ibyo berekanye ari bicye cyane, ku buryo ibyo bari gutegura ari byo binini cyane, kuburyo biteguye kuzakira ibitekerezo byinshi bibashima n'ibindi bibanenga.

Ati 'Hazaba harimo ibintu byinshi cyane batazi. Buri kintu cyose abantu bibaza kuri twe, bazakibona kuri twe.'

Avuga ko ashingiye ku bitekerezo bakiriye, bisa n'aho ari ibitekerezo babunguye ku kuntu bazategura iki kiganiro cyabo cya Televiziyo.

Queen La Douce avuga ko mu biganiro bazashyira hanze, harimo ibizaba bigenewe abantu bari hejuru y'imyaka 18 gusa. Kandi ko bari mu biganiro na Teleziyo mpuzamahanga bashora kuzakora mu kwerekana ibi biganiro.

Bavuga ko ibyo bazerekana muri iki kiganiro 'batazajya kure y'ubuzima bwacu'. Ati 'Nta kibi kizagaragaramo.'

Ibiteye amatsiko kuri bo cyangwa se ibyo wibaza kuri bo:

Christella avuga ko isengesho rye ryubakiye ku gushima Imana ko abyutse amahoro, inshuti ze n'abavandimwe be.

Uyu mugore avuga ko yagaragaye mu ndirimbo ya Bruce Melodie, Davis D n'abandi. Kandi, yakuze akunda ibijyanye n'umuziki, ku buryo na 'Video' nyinshi yagiye agaragaramo ari 'iz'inshuti zanjye'.

Yavuze ko ibijyanye no kujya mu ndirimbo yabihagaritse. Avuga ko ari umwe mu bagize igitekerezo cyo gushinga 'Kigali Protocol' kandi bari kwitegura kwizihiza isabukuru y'imyaka itanu.

 

Christella avuga ko iyi kompanyi ya 'Kigali Protocol' bakora mu bukwe, mu birori n'ahandi.

Uyu mugore avuga ko bose bafite 'imyumvire ku ngingo zimwe na zimwe'. Ati 'Twabaye inshuti igihe kinini, kandi twese duhuza ibitekerezo'. Avuga ko imyaka irenze 10 baziranyi. Ati 'Tuziranyi kuva cyera.'

Gashema Syvlie avuga ko acuruza imyenda y'abagore n'abakobwa — Iyi myenda ayikura muri Senegal no muri Mali- Yavuze ko asanzwe ari n'umutekinisiye mu bijyanye n'amazi.

Yavuze ko iyo abyutse banza kureba niba abana bameze neza- ubundi agategura umunsi we.

Isimbi Alliance [Alliah Cool] yivuga nk'umukinnyi wa filime, akaba n'umushoramari- Yavuze ko mu gitondo atazinduka cyane, ahubwo atinda kuryama, kandi akunda gukora akazi ke cyane, ku buryo abyuka hafi saa satu.

Isimbi Model yavuze ko ubu yahagaritse ibijyanye no kumurika imideli, ahanini bitewe n'inshingano zo kwita ku muryango we.

Avuga ko ubu ibikorwa bye bishingiye muri 'Isimbi Group' aho akora ibikorwa byo kuzana ibicuruzwa mu Rwanda no kubyohereza hanze.

Iki kigo avuga ko kirimo kompanyi eshatu zirimo n'izikora ishoramari, ubujyanama n'ibindi binyuranye.

Isimbi avuga ko iyo abyutse yita ku kubanza kureba niba umugabo we ameze neza- Uyu mugore avuga ko ari umushoramari ukora ibikorwa binyuranye.

Aherutse kuganira n'umwana we w'imyaka 10 amubaza niba kuba afite nyina uzwi ku mbuga nkoranyambaga hari icyo bimubangamiraho ku ishuri, umwana amusubiza ko ntakibazo bimuteye 'kuko mfite mama mwiza ku isi'.

Isimbi avuga ko ibimufasha gukomeza gutera imbere cyane, ari umugabo we ndetse n'abana be.

Ladouce Bugirimfura [Queen Douce] yavuze ko afite Master’s muri 'Business Administration, kandi yabayeho umukinnyi wa filime wakinnye muri filime 'Sakabaka', avuga ko ubu hashize imyaka icumi akinnye muri iyi filime. Uyu mugore yavuze ko ari umutekanisiye, kandi afite umwana we.

Kigali Boss Babe batangaje ko bari gukora ku mushinga w'ikiganiro 'Kigali Lifestyle' kizibanda ku buzima bwabo bwihariye n'ibindi abantu banyuramo 

Isimbi Alliance yasabye itangazamakuru kubashyigikira aho gutiza imbaraga ababasenya bibaza ku buzima bwabo babayemo 

Christella yavuze ko imyaka 10 ishize bubatse ubushuti bwabo, kandi ari mu batangije 'Kigali Protocol' 

Queen Douce afite Master’s muri 'Business Administration'-Ni umwe mu bakinnye muri filime 'Sakabaka' yamamaye cyane 

Gashema Syvlie acuruza imyenda y'abagore n'abakobwa — Iyi myenda ayikura muri Senegal no muri Mali 

Isimbi Model avuga ko atajya acibwa intege n'ibivugwa kuko afite umuryango umubereye urufatiro rw'ubuzima bwe 

Umunyarwenya Rusine Patrick uri mu bakiriye itsinda 'Kigali Boss Babe' kuri Kiss Fm

Uhereye ibumoso: Umunyamakuru Andy Bumuntu, Christella, Gashema Sylvie, Amb Alliah Cool, Queen La Douce ndetse na Isimbi Model

Aba bakozi bigishijwe amateka ya Ntarama mbere ndetse no mu gihe cya Jenoside yakorewe Abatutsi mu 1994. Nyuma yo gusobanurirwa amateka, abakozi b’iyi kompanyi basuye ibice bitandukanye by’uru rwibutso ndetse banunamira imibiri y’inzirakarengane zishyinguwe muri uru rwibutso rwa Jenoside rwa Ntarama. 

Ni igikorwa cyabaye kuri uyu wa Kane tariki 27 Mata 2023, mu gihe mu Rwanda ndetse no ku isi yose bakiri mu minsi ijana yo kwibuka ku nshuro ya 29 Jenoside yakorewe Abatutsi muri Mata 1994. 

Umuyobozi wa ZACU Entertainment Ltd, Wilson MISAGO, yabwiye itangazamakuru ko kwibuka Jenoside yakorewe Abatutsi ari igikorwa cy'ingenzi kuko kumenya amateka ari yo nzira yo kwirinda ko ibyabaye byakongera kubaho ukundi ndetse no kurwanya abapfobya bakanahakana Jenoside yakorewe Abatutsi muri 1994.

Ati 'Ibyo tumaze kureba hano ni ikimenyetso cyerekana ubukana n'ukuntu Jenoside yakorewe Abatutsi yateguwe. Ni inshingano zacu nk'urubyiruko cyane cyane Abahanzi kwamagana no kurwanya abapfobya bakanahakana Jenoside yakorewe Abatutsi kuko ni bwo buryo buzatuma ibyabaye bitongera kubaho ukundi.' 

Urwibutso rwa Ntarama ruherereye mu Karere ka Bugesera mu Murenge wa Ntarama, rwahoze ari urusengero ariko rwiciwemo ibihumbi by'Abatutsi bari bahahungiye muri Jenoside yakorewe Abatutsi, aho bari biteze kuharokokera. Rushyinguwemo abarenga 5,000.

Akarere ka Bugesera ni hamwe mu haguye Abatutsi benshi muri Jenoside yakorewe Abatutsi, na mbere yaho kuko mu 1959 hajyanwe benshi baturutse mu bice bya Ruhengeri na Byumba, nk'inzira yakoreshejwe n'ubutegetsi bubi bwashakaga kubicira hamwe, abandi bakicwa n'isazi ya tse-tse.

Abatutsi bo mu Bugesera baratotejwe, abandi bicwa mu myaka itandukanye, kugeza mu 1992, aho muri Bugesera habaye igeragezwa rya Jenoside, Abatutsi benshi bahungira i Nyamata kuri Paruwasi no kuri Santarari ya Ntarama, abandi bahangana n'ibitero by'abicanyi byaturukaga mu bice bitandukanye.

Basobanuriwe amateka yaranze Jenoside yakorewe Abatutsi muri Ntarama

Bunamiye banashyira indabo ku mva ziruhukiyemo imibiri y’inzirakarengane zazize Jenoside yakorewe Abatutsi mu 1994

Ifoto y’urwibutso y’abakinnyi ba filime babarizwa muri Zacu Entertainment

Umuyobozi wa Zacu Entertainment, Wilson Misago yanditse ubutumwa mu gitabo cy’abagenderera Urwibutso rwa Jenoside rwa Ntarama 

Kuri ubu Igiswahili cyabaye ururimi rwa   kane mu ndimi zivugwa n'abantu benshi hano mu Rwanda wasanga kuri Canal +, nyuma y'Ikinyarwanda, Ifaransa, ndetse n'icyongereza. 

Kuva tariki 1 Mata televiziyo icyenda by’umwihariko zikorera mu Karere u Rwanda ruherereyemo, wasizanga ku ifatabuguzi ryawe rya Canal+ aho ibiganiro byazo biri gutambuka mu rurimi rw'Igisawahili.

Sasa Sionne umuyobozi wa Canal w'umusigire, avuga ko impamvu bahisemo kuzana aya mashene, ari ukugira ngo bahaze amahitamo y'abakiriya babo, ndetse n'abantu bakunda ururimi rw'igiswahili, nabo bibone kuri Canal+. Muri izi Televiziyo harimo Televiziyo ya Madi TV, TBC1, TBC2 KNT, KTN NEWS 5EATV, Sinema Zetu, UTV, ITV Tanzania.

Aya mashene harimo ayo muri DR Congo, Tanzania na Kenya. Aya mashene, azajya anyuraho ibiganiro by'imikino, amakuru asanzwe, ndetse n'ibiganiro by'umuziki. Ku bijyanye n'ibiciro nta cyahindutse, buri mukiriya azakomeza gukoresha ifatabuguzi yakoreshaga ku mafaranga yari asanzwe arigura.

Ubuyobozi bwa Canal+ bwatangaje ko mu buryo bwo gukomeza kudabagiza abakiriya, hari n’andi mashene ashobora kwiyongera ku ifatabuguzi mu gihe kiri imbere

Kuri uyu wa Gatanu nibwo Umuvugizi wa RIB, Dr Murangira Thierry, yagiranye ikiganiro n'abanyamakuru, nyuma y'umunsi umwe hafunzwe Turahirwa Moise wamamaye nka Moses, kubera ibyaha akekwaho.

Yafunzwe nyuma y'uko kuri uyu wa Kane yatumijwe na RIB ngo asobanure ibijyanye no gukoresha inyandiko mpimbano.

Ni nyuma y'aho Urwego rw'Abinjira n'Abasohoka rwari rwemeje ko pasiporo yakoresheje atangaza ko yatangiye kwitwa umugore, atari urwo rwego rwayitanze.

Amaze kubazwa, Urwego rw'Igihugu rw'Ubugenzacyaha rwaje kwanzura ko akurikiranwa afunzwe by'agateganyo.

Dr Murangira yavuze ko ntaho bihuriye n'amashusho yigeze kumwerekana asa n'usambana n'abagabo bagenzi be.

Ati “Nta sano bifitanye kuko mu byaha akurikiranyweho icyo ntabwo kirimo, kuko icyo cy'amashusho cyakurikiranywe mbere, ariko nta bimenyetso bifatika bigaragaza ko ari we washyize hanze amashusho mwabonye.”

Ku byo gukoresha ibiyobyabwenge, yavuze ko hagendewe ku bipimo byatanzwe na Laboratwari y'u Rwanda y'ibimenyetso bya gihanga bikoreshwa mu butabera, Rwanda Forensic Laboratory (RFL).

Yakomeje ati “Mu byaha akurikiranyweho haje kwiyongeraho icyo gukoresha ibiyobyabwenge. Yaje gupimwa, turashima Leta yashyizeho Rwanda Forensic Laboratory, kuko irapima igahita itanga ibipimo.”

“Yaketsweho rero kuba akoresha ibiyobyabwenge, arapimwa, ibipimo bya Laboratwari bigaragaza ko afite mu maraso ye ingano y'ibiyobyabwenge ishobora gutuma akurikiranwa n'amategeko. Icyo ni ikindi cyaha cyaje cyiyongeraho, nyuma y'uko Laboratwari isohoye ibipimo bigaragaza ko akoresha ibiyobyabwenge.”

Yashimangiye ko iri fungwa ntaho rihuriye n'uko yiyumva nk'umukobwa cyangwa umugore, aho kuba umugabo.

Ati “Ibyaha akurikiranyweho ni bibiri, nta gifitanye isano n'uko yiyumva cyangwa se n'amahitamo ye.”

Dr Murangira yavuze ko Itegeko Nshinga ritanga uburenganzira bwo guhitamo uko umuntu abaho yisanzuye, ariko ko nta wakora icyaha ngo ntakurikiranwe.

RIB yavuze ko uyu musore wakoreraga uyu mugore yamwibye ayo mafaranga ahita ajya kuyabitsa mukuru we, na we ukora akazi ko mu rugo ahandi.

Amafaranga uyu mugore yari yibwe yasubijwe na RIB ni 2500$, amayero 1500 n'ibihumbi 490 Frw.

Uyu mugore yabwiye itangazamakuru ko umukozi we yamwibye ubwo yari arimo gutunganya ubusitani.

Yagize ati 'Yayanyibye ndi mu busitani kubera ko azi ko nkunda ubusitani iyo ngiyemo ntapfa kuvamo.'

Yakomeje avuga ko aya mafaranga yari yibwe yari arimo ayo kwishyura ubukode bw'inzu abashyitsi afite bari kuzabamo n'ayo yari gukoresha mu Bubiligi kuko afite gahunda yo kujyayo muri Gicurasi uyu mwaka.

Uyu mugore yaboneyeho gusaba Abanyarwanda kutabika amafaranga mu rugo mu kwirinda ko bayibwa.

Umuvugizi w'Urwego rw'Ubugenzacyaha, RIB, Dr Murangira Thierry, yavuze ko uyu musore wakoreraga uwo mubyeyi akimara kwiba ayo mafaranga, yahise ajya kuyabitsa mukuru we kugira ngo atazayafatanwa.

Ati 'Uyu mubyeyi akimara kwibwa yahise yitabaza Urwego rw'Ubugenzacyaha narwo rutangira gukora iperereza rurashakisha ruza gufata abasore babiri bari abakozi bo mu rugo.'

'Umwe yaramukoreraga amaze kwiba ayo mafaranga yahise ayashyira mukuru we wakoraga akazi ko mu rugo ahandi arayabika abo bose bahise bafatwa.'

Yakomeje aburira abajura bose n'abandi baba bazi ko bashobora kwiba amafaranga y'abantu ntibafatwe, ko nta mwanya bafite mu Rwanda.

Yongeyeho ko aba basore uko ari babiri bakurikiranyweho ibyaba bibiri birimo icy'ubujura n'icy'ubufatanyacyaha kandi ko babihamijwe n'urukiko bahabwa igihano cy'igifungo kiri hagati y'umwaka umwe n'imyaka ibiri n'ihazabu y'amafaranga y'u Rwanda ari hagati ya miliyoni imwe na miliyoni ebyiri.

Ishimwe Dieudonné [Prince Kid] yagaragarije Urukiko rw’Ubujurire ko mu bimenyetso byamushinje harimo ubutumwa mpimbano butabayeho.

Ni nyuma y’uko arimo kuburana mu Bujurire, aho Ubushinjacyaha bwagaragaje ko hari ibyo Urukiko Rwisumbuye rwirengagije rukamugira umwere.

Akurikiranyweho guhoza undi ku nkeke bifitanye isano n’imibonano mpuzabitsina byose yakorewe abakobwa bitabiriye Miss Rwanda mu bihe bitandukanye.

Prince Kid yabwiye Uruiko ko amajwi ashinjwa yo guhoza undi ku nkeke asaba umwe mu bakobwa kumuha “Hapiness”, baramutse bumvise ikiganiro cyose basanga ntaho bihuriye no guhoza undi ku nkeke amusaba gukora imibonano mpuzamitsina ndetse ko bahita bagira ishusho y’ikiganiro bagiranaga.

Bongeye gusaba ko Urukiko rutayemera kuko uburyo yafashwemo nta burenganzira bwatanzwe.

Uyu mugabo kandi yasabye Urukiko gusuzumana neza ibindi bimenyetso byatanzwe birimo n’ubutwa bugufi ahamya ko bwahimbwe.

Ati “Ndabasaba mbinginga ko izo 'messages’ mwazazisoma zose kuko ibyo twavugaga bihabanye cyane n’imibonano mpuzabitsina.'

Ubushinjacyaha bwabwiye urukiko ko rwasabye Umushinjacyaha Mukuru uburenganzira bwo gufata amajwi Prince Kid nk’ikimenyetso ku cyaha cya ruswa.

Ikindi bwavuze ni uko ayo majwi hari ibyakuwemo bazana mu rukiko ibifitanye isano n’ibyaha uyu mugabo aregwa.

Umucamanza akaba yasabye Ubushinjacyaha gutanga amajwi y’umwimerere atarakuwemo ikintu na kimwe.

Umwanzuro kuri uru rubanza ukaba uzasomwa tariki ya 30 Kamena 2023.

Prince Kid yasubiye imbere y’Urukiko

Ni inama yabaye kuri uyu wa 27 Mata 2023 yari igamije gufasha urubyiruko kwibuka Jenoside yakorewe Abatutsi mu 1994 no kuganira ku mateka ndetse n'uruhare rw'urubyiruko mu kubaka igihugu.

Dr Muhayisa yasabye urubyiruko rugera kuri 200 rwitabiriye iyi nama ko mu bihangayikishije ari uburyo bw'ingengabitekerezo ya Jenoside ishingiye ku kuyipfobya no kuyihakana hifashishijwe imbuga nkoranyambaga.

Ati 'Ni ikintu dushaka ko mudufasha kuko twe (bakuru) turagenda turenga ariko ntabwo turenga burundu kuko twashibutse. Turabinginze kugira ngo mudufashe ingengabitekerezo ya Jenoside iranduke burundu.'

Uyu muyobozi yashimangiye ko leta yakoze buri kintu cyose kugira ngo rumenye amakuru yose, na rwo rugomba kuzuza inshingano zarwo zo guhangana n'abapfobya bakanahakana Jenososide yakorewe Abatutsi.

Ati 'Rubyiruko rwacu iyo ngengabitekerezo nibavamo mukayirandura aho iri rya hakana n'ipfobya rizaba rivuyeho. Ubu kujya ku mbuga nkoranyambaga si ukubasaba kujya ku rugamba ngo mufate imbunda ahubwo ni ugukurikira mugasubiza mudatukana nk'uko bariya bigisha ingengabitekerezo babikora.'

'[Abakoze Jenoside] ntako batagira kugira ngo bakomeze batwice, kuko babashije kutwica ku mubiri baratsindwa none barimo baratwica mu bitekerezo bahakana ibibi bakoze bahakana abo bishe, banga kwerekana aho babajugunye.'

Umuyobozi ushinzwe ubutwererane mu iterambere muri Ambasade ya Suède mu Rwanda, Martina Fors Mohlin yavuze ko uyu ari wo mwanya mwiza w'urubyiruko kuko ari rwo rufite urufunguzo rw'ejo hazaza heza, binyuze mu guharanira amahoro ku mu Banyarwanda n'Isi muri rusange.

Ati 'Ni ingenzi ko mwibuka ariko munigira ku mateka munakomeza kwiyubaka. Ingengabitekerezo ya Jenoside yambura abantu ubumuntu igashyira mu bikorwa ubugizi bwa nabi, ibitwara ubuzima bw'abantu.'

Umuyobozi wa Never Again Rwanda, Joseph Ryarasa Nkurunziza yabwiye urubyiruko ko bagomba gukoresha amakuru ya nyayo bahabwa mu guhangana n’ingengabitekerezo ya Jenoside

Umuyobozi wa Never Again Rwanda, Joseph Ryarasa Nkurunziza, yavuze ko urubyiruko nk'abayobozi b'ejo hazaza bafite ubushobozi bwo guhindura imyumvire y'abantu hagamijwe kubaka amahoro.

'Ati mwige amateka yaranze Jenoside yakorewe Abatutsi hanyuma mukore ubukangurambaga mugaragaza ingaruka zayo, bibafashe mu guhangana n'imvugo z'urwango zigaragara ahantu hose. Mugomba gukoresha izo mbuga nkoranyambaga abapfobya nabo bakoresha mukanyomoza amakuru batanga.'

Uruhare rw'urubyiruko rukoresha imbuga nkoranyambaga

Kuri ubu Abapfobya n'abahakana Jenoside yakorewe Abatutsi bahinduye umuvuno basa n'abagaba ibitero ku mbuga nkoranyambaga bashaka kuyobya urubyiruko rwavutse nyuma ya Jenoside rutazi amateka.

Ishimwe Karangwa Claude ukoresha imbuga nkoranyambaga cyane cyane Twitter, yavuze ko kugira ngo bakomeze guhangana n'abo basize bakoze Jenoside mu Rwanda n'abandi bapfobya bagomba kubanza kumenya amateka.

Ati 'Dufite henshi twakura amakuru nyayo. Nitumara kuyamenya nibwo natwe tuzajya guhangana n'abo bakoze Jenoside bashaka gusibanganya ibimenyetso, dufite amakuru yose asabwa.'

Ni igitekerezo ahuza na mugenzi we Tito Harerimana ukoresha izo mbuga cyane wavuze ko ntawe uhejwe mu rugamba rwo guhangana n'abakwirakwiza ingengabitekerezo ya Jenoside.

Ati 'Niba ushaka gukomeza kuba mu mahoro, widamarara ngo wumve ko ntacyo wakora. Hari abarurwaniye natwe tugomba kururwanira mu bundi buryo. Si abo twita abanyapolitiki gusa, buri wese afite inshingano. Umuntu aza agoreka amateka kuri izo mbuga nawe umuhinyuze bijyanye n'ibyo wasomye.'

Uruhare rw'imiryango yashinzwe n'urubyiruko mu kurwanya ingengabitekerezo ya Jenoside

Imyaka 29 irashize Jenoside yakorewe Abatutsi ibaye. Ni igihe cyaranzwe no guhangana n'ingaruka zayo ndetse no gufatanya kugira ngo urubyiruko rumenye amateka hirindwa ko rwagwa mu mutego w'abayipfobya bakanayihakana.

Umuyobozi wa Rwanda We Want, umuryango w'urubyiruko rwavutse nyuma ya Jenoside yakorewe Abatutsi rugamije komora ibikomere yasize, Tristan Murenzi yavuze ko urubyiruko rukwiriye gushingira ku buhamya ruba rwumvise mu nama nk'izi bukabukoresha aho ruri hose rugamije kunyomoza abagoreka amateka.

Mugenzi we Intwari Christian, Uyobora umuryango w'Urubyiruko Our Past Initiative, yagize ati 'Twagize amahirwe yo kugira ubuyobozi butavangura niyo mpamvu tugomba gukoresha gahunda bwashyizemo mu kwiga no gukoresha ubwo bumenyi twahawe mu gukomeza kubaka igihugu.'

Inama yateguwe na Never Again yanashimiye amatsinda atandukanye yanditse inyandiko zitandukanye ku bijyanye n'Amateka yaranze u Rwanda.

Urubyiruko rw’Umuryango Never Again Rwanda rweretswe ko guhangana n’abapfobya Jenoside yakorewe Abatutsi ari inshingano rugomba kwitaho buri gihe

Urubyiruko rwitabiriye inama y’Umuryango Never Again rwashyize indabo ku mva ishyinguwemo Abazize Jenoside yakorewe Abatutsi mu Rwibutso rwa Jenoside rwa Kigali ruri ku Gisozi

Urubyiruko rwitabiriye Inama ya Never Again rwari rwaturutse mu turere 10 tw’igihugu

Never Again yerekanye Amateka u Rwanda rwanyuzemo binyuze mu mukino

Umuyobozi wa Our Past Initiative, Intwaro Christian, yagaragaje ko umwenda urubyiruko rufitiye igihugu ari ukukirinda ko cyasazubira mu mateka ashaririye rwanyuzemo

Umuyobozi ushinzwe ubutwererane mu iterambere muri Ambasade ya Suède mu Rwanda, Martina yavuze ko igihugu cye kizakomeza gufatanya n’u Rwanda mu kurinda ko ibyabaye bitazasubira

Umuyobozi muri MINUBUMWE ushinzwe Kwibuka no Gukumira Jenoside, Dr Muhayisa Assumpta yasabye urubyiruko rw’Umuryango Never Again guhangana n’abapfobya Jenoside yakorewe Abatutsi bakoresheje imbuga nkoranyambaga

Umuyobozi Mukuru wa Rwanda We Want, Murenzi Tristan yagaragaje ko buri Munyarwanda wese yahangana n’abapfobya binyuze mu murimo wose akora

Amafoto: Never Again Rwanda

Ishimwe uzwi nka Prince Kid ari kuburana mu Bujurire nyuma y'uko Urukiko Rwisumbuye rwa Nyarugenge rwamugize umwere ariko Ubushinjacyaha bukajurira bugaragaza ko hari ibyirengagijwe.

Ubwo yireguraga ku byaha akurikiranyweho, Prince Kid yavuze ku majwi yagiye hanze amushinja guhoza ku nkeke umukobwa amusaba gukora imibonano mpuzabitsina.

Prince Kid yasabye abacamanza mu Rukiko Rukuru ko baramutse bumvise ikiganiro cyose yagiranye n'uwo mukobwa, byatuma bagira ishusho y'ibyo baganiraga ngo kuko bitajyanye n'imibonano mpuzabitsina.

Yagaragaje ko uretse n'amajwi ariko hari n'ibimenyetso by'ubutumwa bugufi birimo ubwahimbwe butabayeho asaba ko habaho kuzabunonosora.

Yakomeje agira ati 'Ndabasaba mbinginga ko izo 'message' mwazazisoma zose kuko ibyo twavugaga bihabanye cyane n'imibonano mpuzabitsina.'

Ikindi uruhande rwa Prince Kid rwari rwagaragaje kuri ayo majwi ni uko yafashwe nta burenganzira bwatanze. Ubushinjacyaha bwabihakanye buvuga ko uburenganzira bwari buhari kuko hashakwaga ibimenyetso ku cyaha cya ruswa.

Ubushinjacyaha bwabwiye urukiko ko rwasabye Umushinjacyaha Mukuru uburenganzira bwo gufata amajwi Prince Kid nk'ikimenyetso ku cyaha cya ruswa.

Ni amajwi yafashwe mu buryo bw'ibanga. Ishimwe yumvikana avuga ko yababajwe n'umukobwa baganiraga kuko ngo yamwimye ibyishimo, nyamara we yaramurwaniye ishyaka.

Ati “Ikintu kimbabaje ni ukuntu nakurwaniye ishyaka ngo nguhe ibyishimo, ariko wowe ukaba utandwanirira ngo ubinyishyure.”

Mu iri jwi ry'iminota irenga icumi, Ishimwe yumvikana nk'uwingingira uwo mukobwa amusaba kumwumva.

Aho niho Ubushinjacyaha bushingira bugaragaza ko habayeho kumuhoza ku nkeke ugendeye kuri ayo majwi.

Ubushinjacyaha buhawe ijambo bwagaragaje ko hari ibintu byavanywe mu majwi ya Prince Kid yacicikanye ku mbuga nkoranyambaga.

Ati 'Ibyo twazanye gusa mu rukiko ni ibifitanye isano n'ibyaha aregwa.'

Ishimwe Dieudonne yari yasabye Urukiko ko ruramutse rwumvise ikiganiro cyose yagiranye n'uwo mukobwa byatanga ishusho y'icyo baganiraga gitandukanye n'uko ubushinjacyaha bwabigaragaje.

Umucamanza yasabye ko Ubushinjacyaha bwatanga amajwi y'umwimerere atarakurwamo ikintu na kimwe.

Prince Kid aregwa ibyaha byo gukoresha imibonano mpuzabitsina ku gahato no guhoza ku nkeke bifitanye isano n'imibonano mpuzabitsina, gusa yabigizweho umwere n'Urukiko Rwisumbuye rwa Nyarugenge.