Category: Uncategorized

RIB yavuze ko iby'iri tegeko rishya rihindura iryo mu 2010, ryagenaga ububasha, inshingano, imitunganyirize n'imikorere bya Polisi y'u Rwanda.

Minisiteri y'Umutekano yatangaje ko impamvu zo guhindura iryo tegeko zishingiye ku kuba iryari risanzwe ryagaragaramo imbogamizi cyane cyane kuva mu 2017 hamaze gushyirwaho Urwego rw'Igihugu Rushinzwe Ubugenzacyaha (RIB).

Ni urwego rwahawe zimwe mu nshingano zari zisanzwe zifitwe na Polisi y'u Rwanda, ari na cyo cyatumye uyu mushinga w'itegeko utegurwa mu kunoza imikorere ya Polisi y'u Rwanda.

Izo mbogamizi zirimo kutagira ububasha bwo gusaka ahakekwa ko hakorewe icyaha, kutagira ububasha bwo gufatira ibintu bimwe na bimwe bifitanye isano n'icyaha, kutagira ububasha bwo gukusanya ibimenyetso by'ibanze ahabereye icyaha no kutagira ububasha bwo kugenza ibyaha byo mu muhanda.

Mu kiganiro RIB yagiranye n'Itangazamakuru ku wa Gatanu, tariki 28 Mata 2023, uru rwego rwasobanuye neza izo nshingano zari zisanzwe ari iz'ubugenzacyaha zahawe polisi izo ari zo.

Umuvugizi wa RIB, Dr Murangira Thierry, yagize ati 'Inshingano bahaye polisi z'ubugenzacyaha ni inshingano zo kugenza ibyaha byerekeye impanuka zo mu muhanda. Ibi bitandukanye cyane n'ukuntu itangazamakuru rimwe na rimwe bagiye babitangaza bavuga ngo ni ukugenza ibyaha byakorewe mu muhanda.'

Yakomeje avuga ko izindi nshingano Polisi yahawe ari izo gufata umuntu ukekwaho icyaha, ushakishwa cyangwa se uwacitse inzego z'umutekano ibyibwirije cyangwa ibisabwe n'urundi rwego ariko igakora raporo y'ifatwa rye ndetse ikayishyikiriza ubugenzacyaha mu gihe cy'amasaha 24.

Umuvugizi wa RIB, Dr Murangira Thierry, yasobanuye ko polisi yahawe inshingano zo kugenza ibyaha by’impanuka zo mu muhanda

Mu guhangana n'iki kibazo, ubuyobozi bw'Akarere bwahinduye umuvuno, bukoranya abafatanyabikorwa hatangizwa gahunda yiswe 'Inkoko ebyiri mu muryango, igwingira hasi'.

Iyi gahunda igamije kurwanya igwingira binyuze mu koroza inkoko imiryango iri mu bukene, kugira ngo ibashe kubonera abana ibiryo bifite intungamubiri, by'umwihariko amagi.

Mu gukomeza gushyigikira iyi gahunda, Ishyirahamwe ry'Abaturiye Pariki y'Ibirunga (SACOLA), risanzwe rigira ibikorwa bihindura imibereho y'abaturiye iyi Pariki; ryatanze inkoko 700 ku baturage batishoboye 350 bo mu Mirenge ya Kinigi na Nyange.

Nsengiyumva Pierre Célestin uyobora iri Shyirahamwe yabwiye IGIHE ko muri iyi gahunda baje gufatanya n'akarere mu kugabanya imibare y'abari mu mirire mibi ndetse n'abagwingira.

Ntamukunzi Emmanuel ufite umwana w'imyaka itandatu wahuye n'ikibazo cy'igwingira yabwiye IGIHE ko izi nkoko zizamufasha kumuvana muri iki kibazo.

Ati 'Izi nkoko zije kurinda abana banjye igwingira. Hari umwana mfite w'imyaka itandatu ariko agaragara nk'ufite imyaka ine kubera igwingira. Izi nkoko zije kumfasha gukemura iki kibazo.'

Mukarukundo Dorothée yabyaye abana b'impanga. Avuga ko kubera kutabona intungamubiri umwana umwe yari yaratangiye kugaragaza imirire mibi.

Ati 'Nabyaye abana babiri b'impanga ariko gato yari atangiye kugaragaza ikibazo cy'igwingira, kuba bampaye inkoko ndumva ikibazo kirakemuka. Kugira ngo mbone amashereka ahaza abana babiri byari ikibazo.'

Umuyobozi w'Akarere ka Musanze, Ramuli Janvier, yatangaje ko kuba aka karere gafite abana benshi bagwingiye bibabaje ari yo mpamvu nk'abayobozi badakwiriye kuryama ngo basinzire iki kibazo kigihari.

Ati 'Twaje gusanga urugo rufite inkoko ebyiri zitera, mu by'ukuri rutagerwaho n'igwingira cyangwa imirire mibi. Twarasesenguye dusanga ingo zishobora kubona intungamubiri zikomoka ku matungo ari nke cyane, ari nabyo bituma igwingira n'imirire mibi bigihari.'

Abana 45% mu Karere ka Musanze bari munsi y'imyaka itanu bafite igwingira. Mu gihe umubyeyi utwite yaba abonye igi rimwe buri munsi mu gihe cy'amezi icyenda bimufasha kubyara umwana utagwingiye.

Igikorwa cyo gutanga inkoko cyiyongereye kuri gahunda yatangijwe mbere yo gufasha abagore batwite n'abonsa bari mu bukene, aho umwe ahabwa ibihumbi 10 Frw buri kwezi, agategekwa kugura inkoko ebyiri zitera amagi, gutera ibiti by'imbuto ziribwa ndetse no kunoza isuku.

Iyi gahunda yiswe “Nutrition Sensitive Direct Support” igiye kumara ibihembwe bibiri, imaze kugera ku basaga 6500 bamaze guhabwa asaga miliyoni 350 Frw.

Abatishoboye bahawe inkoko batangaje ko zigiye kubafasha kunoza imirire

Meya Ramuli yibukije abaturage ko amatungo bahawe atari ayo kugurisha

Inkoko 700 zahawe imiryango 350

Ni igikorwa cyabaye ku wa Gatandatu, tariki 30 Mata 2023, mu Karere ka Gasabo, Umurenge wa Kinyinya, Akagari ka Kagugu.

Umuganda wakozwe hakurwaho ibihuru byari hafi y'umuhanda, gusibura utuyira nyabagendwa twasibamye n'ibindi.

Umukozi wa KBS wari uhagarariye iki gikorwa, Habanabakize Emmanuel, aganira na IGIHE yavuze ko nka sosiyete ikorana n'abaturage mu bikorwa byabo bya buri munsi, kwifatanya na bo mu muganda ari uburyo bwiza bwo gushyira itafari ku mubano uri hagati yabo kugira ngo umugambi wo guteza imbere igihugu urusheho kugenda neza.

Ati 'Twakoze umuganda usanzwe nk'uko ugenwa n'igihugu cyacu ariko habayeho no kumenyana n'abo dukorana kuko tubaha serivise zo kubatwara. Usanga rimwe na rimwe badukeneye bityo dukwiye guhora twifatanya n'abo mu bikorwa byabo bitandukanye.'

Ku ruhande rw'Abanyakenya batuye mu Rwanda bari bitariye iki gikorwa bari kumwe na Ambasaderi wa Kenya mu Rwanda, Philip Mundai Githiora, bashimiye ikaze bahawe muri iki gikorwa ndetse n'umubano mwiza n'ubuhahirane bukomeje kugaragara hagati yabo n'abanyarwanda.

Abanyakenya batanze inkunga ingana na miliyoni 2 Frw yo kwishyurira ubwisungane mu kwivuza abaturage 500 batuye mu Murenge wa Kinyinya no kwishyurira abanyeshuri 500 bo mu mashuri abanza.

Uwari uhagarariye Abanyakenya batuye mu Rwanda, Boniface Nzioki Mutua, yavuze ko igikorwa cyo kwifatanya n'Abanyarwanda mu muganda ndetse no gutanga inkunga ari ishimwe batanze ku bw'umubano mwiza uri hagati y'ibihugu byombi.

Yagize ati 'Turashaka kugera mu duce dutandukanye two mu Mujyi wa Kigali, nk'Abanyakenya dushima ikaze twahawe mu Rwanda tunatanga ubufasha bwose dushoboye kubona.'

Yakomeje avuga ko u Rwanda ari igihugu cyiza cyabahaye ubufasha bwose bari bakeneye bityo rero gutanga inkunga ari ukwitura uwabagiriye neza no gukomeza umubano uri hagati yabo.

Ambasaderi wa Kenya mu Rwanda, Philip Mundai Githiora, aganira na IGIHE, yavuze ko umubano w'abaturage b'u Rwanda na Kenya wahoze ari mwiza kuva kera ndetse igikorwa nk'iki ari ibishimangira ibimaze kugerwaho.

Ati 'Ubusanzwe ibikorwa tubona aba ari guverinoma ku yindi ariko iki ni hagati y'abaturage kandi bituma umubano w'abo ukomera kurushaho. Ni byiza kandi turabishima, iyo abaturage bahuje biba byiza ku bihugu byombi.'

Umunyamabanga nshingwabikorwa w'umurenge wa Kinyinya, Havuguziga Charles, yavuze ko inkunga bahawe yo kwishyurira ubwisungane mu kwivuza ku baturage 500 no kwishyurira abanyeshuri amafaranga y'ishuri, bizafasha mu gukemura ikibazo cy'abaturage bari bagifite ibyo kibazo.

Yagize ati 'Mu bwisungane mu kwivuza ni ho dufite abantu benshi ubona bakeneye guhabwa ubufasha, rero biraza kudufasha kuzamura ubwisungane dore ko turi muri ya mezi y'ubukangurambaga, kugira ngo tuzajye mu mwaka w'ingengo y'imari y'umwaka utaha bimeze neza.'

Yakomeje avuga ko abo bazaheraho bafashwa mu bwisungane mu kwivuza no kwishyurira abanyeshuri, ari abagaragaje ko bafite ubushobozi buke.

Ababyeyi b’Abanyakenya bazanye n’abana babo mu muganda

Umukozi wa KBS, Habanabakize, akora umuganda n’abaturage

Ambasaderi Philip Mundai Githiora yishimiye gukorera umuganda mu Murenge wa Kinyinya atuyemo

Ambasaderi wa Kenya mu Rwanda, Philip Mundai Githiora, (iburyo) n’Abanyakenya bari mu muganda rusange

KBS yifatanyije n’Abanyakenya mu muganda banatanga inkunga yo kwishyura mituweli

Umuyobozi Nshingwabikorwa wungirije w’Akarere ka Gasabo, Mudaheranwa Regis, yifatanyije n’abaturage bo mu Murenge wa Kinyinya mu gukora umuganda

Umunyamabanga Nshingwabikorwa w'Umurenge wa Kinyinya, Havuguziga Charles, yasabye abaturage gukomeza gutanga umusanzu mu guteza imbere Umurenge wa Kinyinya

Abanyakenya batanze miliyoni 2 Frw zo kwishyurira abaturage mituweli

Umuyobozi Mukuru wari uhagarariye Abanyakenya batuye mu Rwanda, Boniface Nzioki Mutua, yashimye uko Abanyarwanda bakomeje kubabanira

Ni ubutumwa bwatanzwe kuri uyu wa 28 Mata, ubwo BRD yibukaga ku nshuro ya 29 abahoze ari abakozi bayo hamwe n'abari aba Banki y'Imiturire (Caisse Hypothécaire du Rwanda) bishwe muri Jenoside yakorewe Abatutsi.

Iki gikorwa cyaranzwe no gushyira indabo ku kimenyetso cy'urwibutso, gucana urumuri rw'icyizere, gusoma amazina y'abishwe muri Jenoside bakoreraga cyangwa bahoze ari abakiliya ba banki zombi, kumva ubuhamya n'ubutumwa butandukanye.

Umuyobozi Mukuru wa BRD, Kampeta Sayinzoga, yavuze ko ari umwanya wo kunamira abazize Jenoside yakorewe Abatutsi no kwifatanya n'abayirokotse 'kandi duharanira ko itazongera kubaho.'

Yakomeje ati 'Ni umwanya wo gutekereza ku nzira y'ubumwe n'ubwiyunge bw'Abanyarwanda no ku iterambere ry'igihugu. Twabuze abakozi n'abakiliya bagiraga uruhare mu kubaka igihugu, ni umwanya ukomeye wo kwihanganisha ababuze ababo dukomeza gufatanya mu rugamba rwo kwibuka twiyubaka.'

Kampeta yavuze ko BRD izakomeza kwifatanya n'abarokotse Jenoside, uyu mwaka ikaba iteganya gutanga amashyiga avuguruye muri gahunda ya 'Tekera Aheza'.

Umuyobozi wari uhagarariye Minisiteri y'Ubumwe bw'Abanyarwanda n'Inshingano Mboneragihugu, Faustin Mafeza, yasabye BRD gutanga umusanzu mu kwandika amateka ya Jenoside yakorewe Abatutsi mu rwego rwo guhangana n'abayagoreka.

Ati 'Birakwiye ko inzego za leta, izigenga, ibigo n'amabanki bifata iya mbere mu kwandika amateka ya Jenoside yakorewe Abatutsi kugira ngo amenyekane bityo bidufashe kurwanya abahakana bakanayipfobya.'

'Nyakubahwa Muyobozi Mukuru wa BRD, reka uyu mukoro muwutahane, mu myaka ibiri iri imbere tuzabe dufite igitabo gikubiyemo amateka ya Jenoside yakorewe Abatutsi twibanda k'uko byagenze muri BRD, kandi birashoboka.'

Mu kiganiro cyatanzwe na Komiseri ushinzwe ubutabera mu muryango Ibuka, Kalinda Ndabirora, yavuze ko amatsinda agambiriye guhakana no gupfobya Jenoside yakorewe Abatutsi adahuga, bityo ko no kubarwanya bisaba ko bihabwa umwanya uhagije.

Ati 'Kubarwanya ntabwo bisaba ko tubikora igihe twabonye umwanya, ntabwo bisaba ko tubarwanya ari uko tugeze mu rugo tubonye iminota 30 mbere yo kuryama. Dukeneye kuvugurura uburyo dukoresha mu guhangana n'abahakana bakanapfobya Jenoside yakorewe Abatutsi kuko na bo bakomeza kuvugurura amayeri bakoresha buri munsi.'

Kalinda yagaragaje ko mu ntwaro abahakana bakanapfobya Jenoside bakoresha harimo kugabanya umubare w'abishwe, kuyihindurira inyito, kuvuga ko habayeho imbarutso yayo, kuvuga ko kwibuka atari ngombwa n'ibindi kandi ko kubarwanya bishoboka.

Mu buhamya bwa Mukamana Maimuna, umwe mu bagize imiryango yibutse ababo, yagaragaje ko yanyuze mu bihe bikomeye byo kwihishahisha no gusimbuka urupfu mu bihe bitandukanye kugeza arokowe n'Inkotanyi none ubu akaba yariyubatse hamwe n'abana yasigaranye, aho yashimye uruhare BRD yabigizemo.

Abantu 13 bahoze ari abakozi ba Banki y'Iterambere ry'u Rwanda, barindwi bari aba Banki y'Imiturire hamwe n'abari abakiliya bazo 15 ni bo bamaze kumenyekana ko bishwe muri Jenoside yakorewe Abatutsi.

Abayobozi bitabiriye uyu muhango ubwo bari bagiye gushyira indabo ahari ikimenyetso cy’urwibutso muri BRD

Umuyobozi Mukuru wa BRD, Kampeta Sayinzoga yunamiye abahoze ari abakozi bayo bishwe muri Jenoside yakorewe Abatutsi

Imiryango y’abahoze ari abakozi ba BRD bishwe muri Jenoside igiye kubatura indabo

Ahashyizwe ikimenyetso cy’Urwibutso muri Banki y’Iterambere ry’u Rwanda

Umuyobozi wa BRD n’uwari uhagarariye MINUBUMWE bafatanya gucana urumuri rw’icyizere

Umuhango wo kwibuka witabiriwe n’abakozi ba BRD n’abo mu miryango y’abishwe muri Jenoside bahoze ari abakozi bayo

Umuyobozi Mukuru wa BRD, Kampeta Sayinzoga, yavuze ko ari umwanya wo kunamira abazize Jenoside yakorewe Abatutsi no kwifatanya n'abayirokotse

Mukamana Maimuna, umwe mu bagize imiryango yibutse ababo ubwo yatangaga ubuhamya

Komiseri ushinzwe ubutabera mu muryango Ibuka, Kalinda Ndabirora ubwo yatangaga ikiganiro muri uyu muhango

Umuyobozi wari uhagarariye Minisiteri y'Ubumwe bw'Abanyarwanda n'Inshingano Mboneragihugu, Faustin Mafeza, yasabye BRD gutanga umusanzu mu kwandika amateka ya Jenoside yakorewe Abatutsi

Amafoto:Aimé Frank Bitereye

Iyi mpanuka yabereye mu kagari ka Buhoro mu Murenge wa Musambira aho bita ku Kigabiro mu Karere ka Kamonyi.

Umuvugizi wa Polisi mu ntara y'Amajyepfo, CIP Emmanuel Habiyaremye yatangarije IGIHE ko icyateye inkongi y'umuriro kugeza ubu kitaramenyekana ndetse nta muntu waguye muri iyi mpanuka.

Ati 'Imodoka y'ikigo cya RITCO yavaga i Kigali yerekeza Muhanga yafashwe n'inkongi y'umuriro igeze Musambira saa kumi n'ebyiri ku bw'amahirwe nta muntu wayikomerekeyemo cyangwa ngo ayigwemo ndetse nta mizigo yabo yahatikiriye.'

'Polisi yahageze igerageza kuzimya imodoka kugeza ubu dutegereje iperereza ngo tumenye neza icyaba cyateye iyi nkongi.'

Hari amakuru avuga ko iyi modoka ifite plaque za RAD 262 K yafashwe n'umuriro waturutse ku iturika ry'ipine ryayo ry'inyuma ryahise ritangira kwaka.

Umushoferi wari utwaye iyi modoka yahise ahagarara asaba abagenzi bose gusohoka bakagerageza gukuramo ibyabo umuriro utarakwirakwira mu bindi bice byayo.

Abaturage bari hafi yaho iyi mpanuka yabereye n'abandi bari muri iyi modoka bagerageje kuzimya uyu umuriro ariko biba ibyubusa irashya irakongoka.

Ni igikorwa cyabaye ku mugoroba wo kuri uyu wa Gatanu, tariki 28 Mata 2023, aho babanje gusobanurirwa amateka mbere yo gusura ibice bitandukanye bigize Urwibutso rwa Ntarama.

Umukozi w'Urwibutso, Kagabo Antoine, yabasobanuriye mu buryo buvuganuye uburyo Jenoside yakorewe abatutsi yateguwe kugeza ibaye, ingaruka zayo n'imbaraga u Rwanda rwakoresheje mu kwiyubaka.

Mu itegurwa rya Jenoside, benshi mu Batutsi bajyanwe mu Bugesera mu Nkambi bisa no kubaha akato mu yari politiki y'Ababiligi, Parmehutu na Kiliziya Gatulika. Bakimara kugezwayo batangiye kwicwa n'indwara zirimo Tse-tse mbere y'uko mu 1963 batangira kwicwa biswe ibyitso.

Kubera gutuzwa mu Bugesera byatumye haba hamwe mu hantu hatuwe n'Abatutsi benshi ku buryo batagerwagaho n'iterambere ndetse no mu 1994 byorohera Interahamwe kubicira hamwe.

Tariki ya 15 Mata 1994, ni bwo Abatutsi bose bari bahungiye kuri kiliziya ya Ntarama bishwe mu gihe ariho bari biteze amakiriro, ndetse interahamwe zikomereza mu nkengero zaho kuko benshi bari bahihishe mu rufunzo ruri hafi y'aho.

Kubera kwicirwa hamwe cyane byatumye Inkotanyi zigera muri aka gace tariki ya 14 Gicurasi 1994, zisanga benshi bamaze kubura ubuzima, gusa zitabara mbarwa nubwo intego yari ihari ku bicanyi kwari ukubamara.

Abakozi ba Mayfair Insurance Company Rwanda Ltd n'abayobozi babo bahise bashyira indabo ku mva banunamira imibiri isaga 6000 y'Abatutsi bazize Jenoside iharuhukiye.

Igikorwa cyakurikiwe no kujya Aheza Healing Center, aho bagiye kuganirizwa ku kwiyubaka ndetse no kurwanya indwara zo mu mutwe zatewe n'ingaruka za Jenoside.

Nyiribakwe Jean Paul, umukozi wa GEARG waganirije aba bakozi ikiganiro kibinjiza muri iki gikorwa, yababwiye ko ku kubungabunga ubuzima bwo mu mutwe n'amateka y'u Rwanda ari inzira ikwiriye buri wese.

Yagize ati 'Jenoside yasize ingaruka nyinshi, izizwi ndetse n'izitazwi harimo n'izibasira ubuzima bwo mu mutwe kandi ari ho iterambere ry'u Rwanda ryubakiye. Benshi ntibashora imari muri ibi bikorwa kuko kubona umusaruro bigoye, ari ni ingirakamaro cyane ku Rwanda.'

Umwe mu bacitse kw'icumu rya Jenoside, akaba yarakize uburwayi bwo mu mutwe, Léonard Ruberanziza, niwe watanze ikiganiro cyagarutse ku mateka ashaririye yaranze u Rwanda kuva mbere y'Ubukoloni, ku mwaduko wabwo ndetse na nyuma yabwo n'uko haje kwimakazwa amacakubiri yagejeje kuri Jenoside yahitanye Abatutsi barenga miliyoni.

Mu byo yagarutseho harimo kuba bari babanye neza, ariko bamaze kubageza mu Bugesera byatangiye guhinduka koko bameneshejwe bikomeye bitwa ibyitso, baratotezwa, ndetse baranicwa, ariko kuganira byatumye yibagirwa ibyo byose.

Yagize ati “Ndabyibuka neza kuko no ku Isabukuru y'imyaka 25 y'Umwami Rudahigwa nari nzi ubwenge. Amaze gutanga twazanywe hano mu nkambi, batangira kudukorera iyicarubozo ryagejeje mu gihe cya Jenoside.”

Yakomeje agira ati 'Umugore wanjye baramwishe gusa kubera ihungabana namuryamye iruhande nanga kuhava. Nta yindi nzira nabonye yo kubikira usibye kuganirizwa na bagenzi banjye duhuje ikibazo, kandi gake gake twarongeye twumva ko kubaho bishoboka.'

Umuyobozi wa Mayfair Insurance Company Rwanda Ltd, Benson Kamau, yavuze ko ibi bigomba kubera isomo ibindi bihugu bikagerageza ko ibyabaye mu Rwanda bitagira ahandi biba kuko birababaje, kandi inzira yo kwita ku buzima bw'abayirokotse ari ingenzi.

Yagize ati 'Kwibuka ni isomo rikomeye cyane buri wese akwiriye kumenya. Nkatwe duturuka hanze tubona ibyo tubwira abo dusanze kugirango hatazagira igihugu gihura n'ibyo bikorwa.'

'Turihanganisha buri wese wagizweho ingaruka nayo. Ahantu nka 'Aheza Healing Center' bakora akazi gakomeye mu baturage ibintu dukwiriye kwigiraho kandi tuzakomeza gusura tunashyigikire ahandi nka ho.'

Mayfair Insurance Company ni sosiyete yaboneye izuba muri Kenya mu 2005, ariko kuri ubu imaze kugaba amashami mu bihugu by'u Rwanda, Tanzania, Uganda, Zambia no muri Repubulika Iharanira Demukarasi ya Congo (RDC).

Ubwo abakozi ba Mayfair Insurance bari bageze ku Rwibutso rwa Jenoside rwa Ntarama

Iyahoze ari Kiliziya ya Ntarama yahindutse Urwibutso kubera Abatutsi bahahungiye bazi ko bari butabarwe ariko bakahagwa bose

Abakozi ba Mayfair Insurance babanje kuganirizwa ku buryo buvunaguye amateka y’u Rwanda mu bihe bitandukanye, yagejeje ku iyicwa ry’Abatutsi

Abakozi ba Mayfair Insurance beretswe ahahoze ari ibiro by’abapadiri, ariko naho hakicirwamo Abatutsi batagira ingano

Abakozi ba Mayfair Insurance baganirijwe ku mpamvu zatumye Ntarama igirwa Urwibutso

Ubuyobozi bwa Mayfair bwabimburiye abandi bakozi ku gushyira indabo ku mva ziruhukiyemo imibiri y’Abatutsi bishwe muri Jenoside

Bunamiye ndetse baha icyubahiro Abatutsi bazize Jenoside baruhukiye mu Rwibutso rwa Ntarama

Abakozi ba Mayfair Insurance bashyize indabo ku mva zishyinguwemo Abatutsi barenga 6000 mu Rwibutso rwa Ntarama

Abakozi ba Mayfair berekeza kuri Aheza Healing Center ahabereye ikiganiro kirambuye

Umuyobozi wa Mayfair Insurance Company, Benson Kamau, yavuze ko amateka yabonye agomba kuyageza no mu bindi bihugu

Umuyobozi Mukuru wa Mayfair Insurance, Jessica Igoma, yasize ubutumwa ku Rwibutso rwa Ntarama buvuga ko ibyabaye bidakwiye kongera kubaho

Nyiribakwe Jean Paul yasabye buri wese guha agaciro ubuzima bwo mu mutwe kuko ariho iterambere rishingiye

Umukozi wa GEARG, Nyiribakwe Jean Paul, ni we watanze ikiganiro cyo guhangana n’uburwayi bwo mu mutwe

Abakozi ba Mayfair Insurance bahawe ikiganiro gishingiye ku guhangana n’indwara zo mu mutwe zatewe na Jenoside

Jessica Igoma na we yitabiriye ikiganiro ku mateka yaranze u Rwanda

Léonard Ruberanziza yaganirije abakozi ba Mayfair incamake z’ubuzima busharirirye yanyuzemo mu gihe cya Jenoside

Jessica Igoma yahaye impano ikigo cya Aheza Healing Center ku bwo kugira uruhare mu gukira ibikomere by’abarokotse Jenoside

Umuyobozi Mukuru wa Mayfair Insurance, Jessica Igoma, na we yifatanyije n’abandi bakozi Kwibuka ku nshuro ya 29

Umuyobozi wa Mayfair Insurance yasigiye ubutumwa abarokotse Jenoside

Abakozi ba Mayfair Insurance basuye ibice bigize inzu ifasha abafite ihugungabana gukira

Léonard Ruberanziza yishimiye gukira binyuze mu kuganira ku byamubayeho

Abakozi ba Mayfair biyemeje kugira uruhare mu gukira kw’ibikomere by’abarokotse Jenoside

Muri uyu mwaka w'ingengo y'imari (2022/2023), abagore bo mu karere ka Rusizi bihaye intego yo kubakira abatishoye inzu 18 mu rwego rwo gutanga umusanzu wabo mu guhangana n'ibibazo bibangamiye imibereho myiza y'abaturage muri akarere.

Jeanne d'Arc Niyonsaba, uyobora Inama y'Igihugu y'abagore mu karere ka Rusizi yabwiye IGIHE ko bakorana n'ubuyobozi bw'inzego z'ibanze bukabafasha guhitamo umuturage ugomba kubakirwa.

Ati 'Iyo tumaze kumubona, nk'abagore twegeranya amafaranga tukagura ibikoresho birimo amabati, imisumari, inzugi, amadirishya inzu tukayizamura'.

Mu mwaka ushize w'ingengo y'imari, abagore bo mu karere ka Rusizi bari bubatse inzu imwe, babona ntibihagije biyemeza kongera umusanzu batanga mu guhangana n'ibibazo bibangamiye abaturage bo mu karere ka Rusizi, ni aho bakuye igitekerezo cyo kubaka nibura inzu imwe muri buri murenge.

Niyonsaba ati 'Dufite inzu imwe gusa imaze gushingwa itarasakarwa, izindi zirashinze, zirasakaye, zirakinze ziri ku cyiciro cyo gukurungirwa. Iyo mu murenge wa Butare yo yaruzuye twarayitashye. Intego dufite ni uko kwezi kwa Gatandatu izi nzu zose zigomba kuba zaruzuye abaturage bazirimo'.

Byapata Marie Jeanne, umubyeyi w'abana bane atuye mu murenge wa Nyakabuye ni umwe mu baturage batishoboye bari kubakirwa n'inama y'igihugu y'abagore bo mu karere ka Rusizi.

Uyu mubyeyi inzu ye yasenywe n'ibiza mu kwezi kwa kane umwaka ushize, kuko atari afite ubushobozi bwo kwiyubakira indi, ashinga akazu cy'icyumba kimwe akakararamo n'abana be bane.

Ati 'Nagiye kubona mbona ushinzwe abagore araje arambwira ngo tugiye kukubakira. Inzu twarayizamuye, bampa amabati turayisakara, barayikinga, bashyiramo n'ibirahure, kubera ko ntaho nari mfite mba, nabaga mu kazu k'icyumba kimwe mpita nyijyamo ubu bayikora nyirimo. Ndabashimira barakoze kumfasha'.

Mu miryango 250 yo mu karere ka Rusizi itari ifite aho kuba, igera kuri 245 imaze kubakirwa hasigaye itanu. Mu miryango 1500 yabaga mu nzu zimeze nka nyakatsi imaze kubakirwa ni 706.

Umuyobozi w'akarere wungirije ushinzwe imibereho myiza, Dukuzumuremyi Anne Marie avuga ko muri uyu mwaka w'ingengo y'imari usigaye amezi abiri ngo ugane ku musozo, akarere kamaze gukoresha miliyoni 395Frw mu guhangana n'ibibazo bibangamiye imibereho myiza y'abaturage.

Imiryango 96 itaragiraga ubwiherero yafashijwe kubwubaka, imiryango 2400 mu miryango 3620 yari ifite ubwiherero butujuje yafashijwe kubaka ubwujuje ibisabwa ndetse n'imiryango 377 muri 528 yabanaga n'amatungo yafashijwe kubaka ibiraro. Mu bana 262 bari bagaragayeho ikibazo cy'imirire mibi abagera kuri 258 bayivuyemo.

Abagore bo mu karere ka Rusizi biyemeje kubakira abatishoboye inzu 18

Inzu abagore bo mu karere ka Rusizi bubakiye abatishoboye

Amateka ya Jenoside yakorewe Abatutsi agaragaza ko imigezi, inzuzi n'ibiyaga ari zimwe mu ntwaro Interahamwe zifashishije mu mugambi wo kurimbura abatutsi.

Muri Perefegitura ya Kibuye by'umwihariko mu cyahoze ari ishuri ry'ubuhinzi, ubworozi n'amashyamba, Ecole Agricole Forestière de Nyamishaba (EAFO Nyamishaba) ni hamwe mu hahungiye abatutsi benshi mu gihe cya Jenoside yakorewe abatutsi, barahicirwa bajugunywa mu Kiyaga cya Kivu.

Karenzi Bosco, avuga ko we na bagenzi be bari bahungiye mu ishuri rya EAFO Nyamishaba ryaje guhuzwa na ETO-Kibuye bikaba IPRC Karongi, tariki 15 Mata 1994 bagabweho igitero simusiga.

Ati 'Mu nzu zose zigize iki kigo niho bagiye badukura batujyana ku nkombe bagatema basunikira mu Kivu. Abajyaga mu Kivu bakiri bazima abajandarume babarasiragamo, cyangwa Interahamwe zikabakurikiza ubwato zikabatemeramo'.

Abarokotse uwo munsi, n'abarokotse ubwicanyi bwabereye kuri stade Gatwaro, kuri Home Saint Jean no ku Kiliya ya Saint Kibuye bahungiye ku Kirwa cya Nyamunini. Tariki 20 Mata 1994 Interahamwe, abasirikare n'abajandarume bagabye igitero kuri iki kirwa abari bahahugiye hafi ya bose baricwa n'ubwo bari babanje kwirwanaho bakoresheje amabuye.

Ishuri ry'imyuga n'ubumenyingiro rya IPRC Karongi rimaze kubarura abagera 13 barimo abanyeshuri 11 n'abakozi babiri bakoreraga ETO Kibuye bishwe muri Jenoside yakorewe abatutsi. Amazina yabo yanditse ku kimenyetso cy'amateka ya Jenoside kiri muri IPRC Karongi.

Kuri uyu wa 25 Mata 2023, abarezi n'abanyeshuri biga muri IPRC Karongi bifatanyije n'abarokokeye mu cyahoze ari EAFO Nyamishaba, n'abafite ababo bajugunywe mu kiyaga cya Kivu kwibuka ku nshuro ya 29 Jenoside yakorewe abatutsi.

Umuyobozi Mukuru wa IPRC Karongi, Ingabire Dominique yavuze ko bishoboka ko hari abahoze ari abanyeshuri n'abarezi b'ibigo byahujwe bigahinduka IPRC Karongi bishwe muri Jenoside ariko n'ubu imyirondoro yabo ikaba itaramenyekana.

Ati 'Muri ETO Kibuye twabaruye abagera kuri 70, abo twamenye amakuru yabo ni 13 barimo abarimu babiri, abandi nta makuru yabo tuzi. Muri EAFO Nyamishaba turacyakusanya amakuru ntabwo turamenya imibare. Tugiye gufatanya n'ubuyobozi bwite bwa Leta n'abaturage kugira ngo tubashe kumenya amakuru'.

Perezida wa Ibuka mu karere ka Karongi, Ngarambe Vedaste yavuze ko abarokotse Jenoside ikintu cya mbere cyatuma baruhuka ari uko abayigizemo uruhare batarafatwa bafatwa bagashyikirizwa ubutabera.

Ati 'Ikindi, Abatutsi biciwe hano i Nyamishaba no ku nkengero z'i Kivu batazwi, ni umukoro tugiye guhuriraho nka IBUKA, akarere n'izindi nzego kugira ngo tubashe kumenya abatutsi batawe mu Kivu: Ni bande? Bari batuye he? Bakoraga iki? Ni ubushakashatsi dukwiye gushyiraho imbaraga kandi vuba'.

Mu ishuri rya EAFO Nyamishaba niho ubuyobozi bubi bwatangirije ku mugaragaro Jenoside yakorewe abatutsi ku Kibuye mu rwego rwo gutinyura abari batinye kwica.

Kunamira Abatutsi bajugunywe mu Kiyaga cya Kivu n’abashinguye mu rwibutso rwa Nyamishaba byabanjirijwe n’urugendo rwo kwibuka rwahereye mu mujyi wa Karongi rusorezwa ku Kiyaga cya Kivu

Visi Meya Niragire na Perezida w’inama Njyanama ya Karongi, Dusingize bashyira indabo mu kiyaga mu kuzirikana Abatutsi bajugunywemo muri Jenoside

Urubyiruko rwibukijwe ko rwagize amahirwe yo kubyirukira mu buyobozi bwiza, rusabwa kubibyaza umusaruro

Karenzi yavuze ko hari Abatutsi benshi bishwe bakajugunywa mu kiyaga cya Kivu