Category: Uncategorized

Bamwe mu bacururiza muri iri soko, bashimye Leta y'u Rwanda yabatekereje ikabashyiriraho ibiciro bigabanije kuri bimwe mu biribwa birimo umuceri. ifu y'ibigori izwi nka kawunga, n'ibirayi.

Nyirigira Fiston akaba umucuruzi ucuruza umuceri, kawunga n'ibindi biribwa mu buryo bwo kuranguza no kugurisha bamwe batwara bicye bicye, yavuze ko batangiye gushyira mu bikorwa gahunda ya Leta yo gukoresha ibiciro bivuguruwe, ariko imbogamizi nini ikaboneka ku miceri ituruka mu bihugu byo hanze y'u Rwanda.

Yagize ati 'Ibiciro twatangiye kubyubahiriza ariko biracyagoranye ku bijyanye n'ibiciro by'umuceri uturuka mu bihugu byo hanze'.

Fisto yavuze ko imwe muri iyo miceri harimo umuceri uturuka Thailand, uturuka Pakisitani, uturuka mu Buhinde (regular), umuceri benshi bazi nk'umutanzaniya n'iyindi'.

Uyu musore avuga ko umuceri uri kugurishwa cyane ari umuceri uhingwa mu Rwanda urimo Gikonko, Kigori, Lacky n'iyindi.

Mukandamage Venansiya ucuruza ibirayi, yavuze ko benshi bahagaritse gucuruza ibirayi byabo kuko igiciro basabwa kubicuruzaho kiri hasi y'icyo baranguyeho, bityo bakaba babona bakikijwe n'igihombo gusa mu bucuruzi bwabo.

Avuga ko nubwo Leta yafashije abaturage kugura ku giciro cyo hasi, bo bibagoye cyane kuko nta nyungu babona. Avuga ko ikibazo kinini kiri mu ku bahinzi kuko ari bo batuma bamenya uko bagurisha.

Mukandamage we avuga ko uretse kuba bimwe mu biribwa byaragabanutse mu biciro, hari ibindi byazamutse bidasanzwe birimo imyumbati isigaye igura 1000 Frw ku kiro, igitoki kiri kugura 450 Frw ku kiro ndetse n'isukari yazamutse bikabije.

Yagize ati 'Niba naranguye ikiro cya kinigi kuri 400 Frw i Musanze, nkabitegera imodoka, nkishyura abakarani, nkishyura imifuka yo kubishyiramo bizagera i Kigali byahenze, kandi umukiriya araza abaza ibiciro bya Leta wowe ubure uko ucuruza.

Aba bacuruzi bahurije ku mbogamizi bahura na zo kuko bavuga ko Leta ishyiraho ibi biciro yabatunguye bikaba bimwe mu biri kubahombya.

Bakomeza bavuga ko umusoro bemerewe gusubizwa ku bari baraguze byinshi bafite inyemezabwishyu ya EBM, batawusubijwe ndetse batazi n’aho bawubariza.

Minisitiri w'Ubucuruzi n'Inganda, Jean Chrysostome Ngabitsinze, ubwo yari yasuye amwe mu maguriro yagaragaje ko bamwe batubahiriza ibiciro bishya byashyizweho, bazafatirwa ibihano kuko babwiwe ko bagomba kubahiriza ibi biciro bishya by'ibiribwa bigishyirwaho.

Ni mu gihe Guverinoma y'u Rwanda yatangaje ko abacuruzi bari bararanguye ibi biribwa byinshi bagahabwa inyemezabwishyu ya EBM bazasubizwa umusoro ku nyungu (VAT) batanze.

Fisto umwe mu baranguza muri iri soko avuga ko batangiye kubikoresha ariko bari guhomba, bakaba basaba Leta kubafasha

Benshi mu bacuruzi bagowe no gucuruza umuceri uva hanze kuko bari gukorera mu gihombo

Bavuga ko Kawunga yo nta gihombo bafite kuko inyinshi ikorerwa mu Rwanda

Abacuruza ibirayi bo bavuga ko uretse no kuba bibahenda babirangura, n’ibihari bidahagije ku isoko

Isoko rya Kimironko rihuriramo imbaga y’abantu ariko benshi intero n’inyikirizo ni ibiciro bibabangamiye

Batangaje ko igitoki cyazamutse bidasanzwe nacyo basaba ko cyagabanurwa

Uwitwa Emmanuel yavuze ko imyumbati yageze ku 1000F ikiro, ibyo nabyo bikabatera ubwoba

Bavuga ko nubwo ibiciro byagabanuwe kuri bimwe, ahubwo bakwiye no kureba ku bindi biribwa

Iri soko rya Kimironko rihuriramo abacuruzi benshi ariko kuri iyi nshuro abaguzi benshi bari kubura ibiribwa nk’umuceri kuko bimwe bitari kurangurwa

KANDA HANO UREBE IBIRIBWA BICURUZWA MU ISOKO RYA KIMIRONKO

AMAFOTO: SERGE NGABO

Muri Mutarama 2023, Umunyamakuru Irangabiye yari yakatiwe imyaka 10 ariko ntiyanyurwa n’umwanzura w’urukiko rwamukatiye ajurira mu Rukiko rw’Ubujurire.

Nubwo imiryango iharanira uburenganzira bwa muntu nka Amnesty International na Human Rights Watch yasabye Leta kurekura, Irangabiye yakomeje kugaragaza ko urukiko rukwiye kumuhanaguraho ibyaha rumushinja ariko ubwo hatangazwaga icyemezo cy’urukiko, umucamanza mu Rukiko rw’Ubujurire yemeje ko igifungo cy’imyaka 10 yakatiwe ko kidahindutse.

Irangabiye Floriane, ibyaha ashinjwa bivugwa ko yabikoreye kuri Radiyo Igicaniro ikorera mu buhungiro. Ashinjwa guhungabanya umutekano w’Igihugu no gukorana n’imitwe irwanya Leta. 

Uwo mubyeyi w’abana babiri nyuma yo gukatirwa n’urukiko rw’ubujurire, asigaranye amahirwe yo kugeza ubujurire bwe mu Rukiko rw’Ikirenga igihe rwakemeza ko ahamwe n’ibyaha amahirwe yo kurekurwa kwe yaturuka ky mbabazi z’Umukuru w’Igihugu cy’u Burundi.

Irangabiye niwe munyamakuru rukumbi mu Burundi ufunzwe nyuma y’uko abafunzwe bose barekuwe.

Inkomoko: VOA

Uru rwego rwashyizweho mu Nteko Rusange ya 77 y'Umuryango w'Abibumbye muri Nzeri 2022, ruhabwa inshingano zirimo gusesengura imiterere y'ibibazo by'umutekano mu Karere ka Sahel no gushyiraho ingamba zatuma byitabwaho n'umuryango mpuzamahanga ndetse hagashakwa ibisubizo bizatuma akarere gatekana n'iterambere ryako rigasagamba.

Ibiro by'Umukuru w'Igihugu byatangaje ku mugoroba wo kuri uyu wa 2 Gicurasi, binyuze kuri Twitter, buvuga ko ibiganiro byabo byibanze ku gushaka umuti w'ibibazo by'umutekano muri ako karere n'ibibangamiye iterambere ryako.

Mu ruzinduko Perezida Kagame yagiriye muri Maurtania muri Werurwe umwaka ushize, yasuye Ishuri Rikuru rya Gisirikare ry'ibihugu bihuriye mu Karere ka G5 Sahel [Collège de Défense du G5 Sahel].

Gusura ishuri rya G5 Sahel ntibyapfuye kwizana gutyo gusa ahubwo bifitanye isano ya hafi n'u Rwanda kuko mu 2018 rwatanze miliyoni imwe y'amadolari ya Amerika yo gufasha uwo mutwe kurwanya iterabwoba.

G5 Sahel ni urwego rwa gisirikare ruhuriwemo n'ibihugu bitanu byo mu Burengerazuba bwa Afurika birimo Burkina Faso, Tchad, Mali, Mauritania na Niger. Rumaze imyaka umunani rushinzwe kuko rwatangiye ku mugaragaro ku wa 16 Gashyantare 2014.

Sahel ni agace kari hagati y'Ubutayu bwa Sahara mu Majyaruguru ya Sudani, gakora ku Nyanja ya Atlantique n'Itukura. Umutekano muke muri Libye mu 2011, muri Mali mu 2012 n'intagondwa za Boko Haram, byasembuye cyane ibibazo by'umutekano muke byarangwaga mu Karere ka Sahel.

Uyu mutwe umaze kujyaho, wemejwe n'Akanama ka Afurika Yunze Ubumwe gashinzwe Umutekano nyuma umwanzuro uwushyiraho ushimangirwa n'Akanama ka Loni gashinzwe umutekano muri Nyakanga 2017.

Perezida Kagame yakiriye Muhamadou Issoufou n’itsinda ayoboye rivuye muri Sahel

Ibinyamakuru bitandukanye i Burayi biravuga ko Lionel Messi umubano we na Paris Saint-Germain ushobora kuzamo agatotsi nyuma y’uko asibye imyitozo akigira muri Saudi Arabia.

Abakinnyi ba PSG bari basezeranyijwe akaruhuko k’iminsi 2 mu gihe bari gutsinda umukino wo ku Cyumweru bahuyemo na Lorient.

Iyi kipe yaje gutsindwa 3-1 bituma akaruhuko ko ku wa Mbere no ku wa Kabiri bari batanze ubuyobozi bugakuramo bategeka ko abakinnyi bakora imyitozo ku wa Mbere (ejo hashize) bakaruhuka ku wa Kabiri.

Abakinnyi ba PSG batunguwe no kubona rutahizamu ukomoka muri Argentine ukinira iyi kipe, Lionel Messi atayitabiriye ahubwo yajyanye n’umuryango we muri Saudi Arabia.

Ni muri gahunda y’amasezerano yasinye yo kuba Ambasaderi w’Ubukerarugendo bwa Saudi Arabia.

Ikinyamakuru Daily Mail cyanditse ko Messi nyuma yo kubona ko bashyizeho imyitozo kandi yari yateguye urugendo yasabye uruhushya umuyobozi w’ikipe, Luis Campos ndetse n’umutoza Christophe Galtier ariko ntibarumuha.

Bivugwa ko uyu mukinnyi yaje kubona uruhushya aruhawe n’ubuyobozi bukuru bw’iyi kipe bwayiguze ari bo banya-Qatar.

Minisitiri w’Ubukerarugendo muri Saudi Arabia, Ahmed Al Khateeb ejo yemeje ko uyu mukinnyi yari muri Leta Zunze Ubumwe z’Abarabu aho abinyujije ku rukuta rwe rwa Twitter, yavuze ko yishimiye kwakira Messi n’umuryango muri iki gihugu.

Bibaye nyuma y’uko bivuzwe ko Messi yananiwe kumvikana na PSG ku kuba yakongera amasezerano ndetse ko ubwo uyu mwaka w’imikino uzaba urangiye bazahita batandukana.

Lionel Messi yagiye muri Saudi Arabia birakaza abarimo abatoza

Uyu munsi wizihijwe ku wa 1 Gicurasi 2023, witabiriwe n'abakozi ba Prime Insurance Ltd aho basabanye ndetse bishimira uruhare rwabo mu iterambere ritagereranywa ryatumye iki kigo kigera ku izamuka rya 47% muri uyu mwaka.

Niyonsaba Alice yahembwe nk'umukozi wahize abandi muri Prime Life Insurance.
Ku rundi ruhande Karekezi Richard yahembwe nk'umukozi w'umwaka muri Prime Insurance Ltd washimiwe ikoranabuhanga amaze kugeza muri serivisi zinyuranye.

Yashimwe uruhare rwe mu kwimakaza ikoranabuhanga rituma ukoze impanuka atagisabwa kujya ku biro by'iki kigo, ahubwo agaragaza ikibazo yahuye na cyo aho yaba ari hose yifashishije telefoni ye igendanwa.

Ni nawe wagize uruhare mu gushyiraho uburyo abakiliya bazajya bareba amakuru y'ubwishingizi bwabo ndetse bakanabwongera baciye kuri *177#.

Uyu mukozi kandi yashimiwe kuba yarafashije iki kigo kuba ubu abantu bishyura binyuze kuri MoMo hamwe n'izindi serivisi zitandukanye yashyize ku ikoranabuhanga zoroheje akazi.

Uhagarariye abakozi muri Prime Insurance Ltd, Lollah Basinga, yavuze ko ubu abakozi bashimishijwe n'uko uko umwaka utashye imibereho yabo ihinduka.

Yakomoje ku kuba 'imishahara hari icyiyongeraho. Mu nshingano duhabwa n'ibyo dusabwa gukora gukora nibura 90% byagezweho.''

Umuyobozi Mukuru wa Prime Insurance, Eugene MURASHI HAGUMA, yavuze ko abakozi bose bakwiye guharanira gukorera ahantu hari umwuka mwiza, ariko bakanagira intego zituma ikigo kirushaho gutera imbere.

Ati “Iyo ukoze icyo ugomba gukora ibintu biba byiza cyane, hanyuma rero ukagira intego. Twifuza ko umwaka utaha twarenza 50%. Twese turaza kuba ba rutahizamu [abakozi b'indashyikirwa] kugira ngo bibashe kugerwaho neza.”

Yashimangiye ko iyo hari umwuka mwiza mu bakozi akazi kagenda neza, “wishimira kuba ku kazi, wishimira gukora akazi, kagatera imbere.”

Yavuze ko kugira ngo ikigo umukozi akorera gitere imbere na we atere imbere bisaba gukora utekereza iterambere ryagutse kugeza ku rwego rw'igihugu.

Ati “Ikintu gikomeye dukwiye kujya twibuka ni impamvu dukora akazi. Impamvu dukora akazi ntabwo ari uko duhembwa nyuma y'ukwezi gusa. […] Akazi karenze igihembo tubona ku kwezi. Uburyo rero uzabitekereza n'uko uzabifata bizatuma ugakora neza, bigateza imbere ikigo ukoramo, ugateza imbere n'igihugu.”

“Hari byinshi ukora utaranabisabwe ariko kuko uzi ko ari byo biteza imbere ikigo ukabikora. Hari amasaha ukora atari uko uzayahemberwa ahubwo kuko ari byo ubona bizana iterambere.”

Abakozi bose bashimiwe ubwitange bagira mu kazi ku buryo usanga no mu minsi y'impera z'icyumweru bitanga bagakora ubutaruhuka.

Abayobozi ba Prime Insurance bavuze ko bitarenze uyu mwaka bifuza
ko izaba ari ikigo cya mbere mu ikoreshwa ry'ikoranabuhanga mu mashami yose.

Muri ibi birori kandi abakozi baboneyeho gusabana bahana impano zitandukanye.

Prime Insurance ibumbiyemo ibigo bibiri bitanga ubwishingizi bw'igihe gito n'ubw'igihe kirekire butangwa na Prime Life Insurance Ltd.

Ubwishingizi bw'igihe gito bukubiyemo ubw'ibinyabiziga by'ubwoko bwose, ubwo kwivuza, ubw'inkongi z'umuriro/ububungabunga umutungo, ubw'imizigo, ubw'impanuka zonona umubiri, ubw'imirimo ijyanye n'inyubako z'ingeri zose n'ubw'ingendo zo mu kirere.

Ubwishingizi bw'igihe kirekire burimo ubw'amashuri y'abana, ubwo kwizigamira, ubw'impanuka zitewe n'akazi n'ubw'umuryango.

Kandi bwinshi muri ubu bwishingizi buboneka ku ikoranabuhanaga rya telefoni aho ukanda *177# ugafata ubwishingizi bukubereye cyangwa ugakurikirana amakuru ajyanye n'ubwishingizi ufite muri Prime Insurance.

Prime Insurance yashinzwe mu 1995, icyo gihe yitwaga Cogear Ltd, Ikigo cy'Ubwishingizi rusange cyemewe na Banki Nkuru y'u Rwanda. Ifite amashami arenga 60 mu gihugu.

Umuziki uryoheye amatwi wafashije abakozi ba Prime Insurance Ltd kwizihiza umunsi wabo

Wari umunsi w’ibyishimo ku bakozi ba Prime Insurance Ltd

Abakozi bashimiwe umuhate bakoranye muri uyu mwaka

Abayobozi ba Prime Insurance Ltd bashimiye abakozi bitanze kugira ngo ikigo gitere imbere

Prime Insurance yahembye abakozi babaye indashyikirwa

Mu busabane, bahanye impano mu mukino uzwi nka ‘Cacahouète’

Richard Karekezi wabaye umukozi w’umwaka, yafatiwe igihembo n’umuyobozi we kuko yateje imbere ikoranabuhanga

Umuyobozi Mukuru wa Prime Insurance Ltd, Eugene Murashi Haguma, yashimangiye ko iyo hari umwuka mwiza mu bakozi, akazi kagenda neza

Tuyishime yabitangarije mu nama y'Umuryango Best Diplomats, imaze iminsi ine iri kubera i Bangkok muri Thailand.

Best Diplomats ni Umuryango mpuzamahanga utegamiye kuri Leta ugamije gutegura abadipolomate b'ejo hazaza. Ni urubuga urubyiruko ruhuriramo rukungurana ibitekerezo ku bisubizo byafasha gukemura ibibazo bikomeye byugarije isi.

Inama zitegurwa n'uyu muryango zigamije gutyaza urubyiruko ruzavamo abadipolomate b'ejo hazaza, rukagira ubumenyi burufasha guhangana n'ibibazo bitandukanye isi igenda ihura nabyo.

Kuri iyi nshuro, insanganyamatsiko yavugaga ku ruhare rw'abadipolomate, urubyiruko by'umwihariko mu guhangana n'icuruzwa ry'abantu hirya ni hino ku isi.

Buri wese mu rubyiruko rusaga 70 rwitabiriye ruhagarariye ibihugu bitandukanye, yahawe umwanya ngo agaragaze ibitekerezo bye n'icyo igihugu cye kiri gukora mu guhangana n'icuruzwa ry'abantu.

Tuyishime wari uhagarariye u Rwanda, yavuze ko Guverinoma yashyize ingufu mu guhangana n'icuruzwa ry'abantu binyuze mu ngamba zitandukanye yagiye ifata, mu myaka isaga icumi ishize.

Yagaragaje amategeko atandukanye yashyizweho nk'irigamije gukumira icuruzwa ry'abantu rikanagena ibihano kuri icyo cyaha, ryashyizweho mu 2018.

Ati 'Inteko Ishinga amategeko umutwe w'abadepite yakoze inama mu 2016, yiyemeza kongera imbaraga mu guhangana n'ubu bucuruzi. Bashishikarije ababyeyi n'abarezi kongera imbaraga mu burezi bw'abana bashingiye ku ndangagaciro z'umuco nyarwanda. Inteko kandi yasabye ko hakorwa ubukangurambaga kuri iki kibazo binyuze mu Mugoroba w'ababyeyi.'

Buri mwaka binyuze mu Bushinjacyaha bukuru, u Rwanda rushyira hanze imibare y'abafatiwe mu byaha by'icuruzwa ry'abantu bashyikirijwe inkiko ndetse n'umubare w'abatabawe bagiye gucuruzwa.

Raporo ku icuruzwa ry'abantu yakozwe n'Ishami ry'Umuryango w'Abibumbye rishinzwe kurwanya ibyaha n'ibiyobyabwenge (UNODC), yagaragaje ko mu Rwanda hagati ya 2018 na 2022, mu nkiko hagejejwe dosiye 88 zijyanye n'icuruzwa ry'abantu, ziregwamo abantu 114, barimo abagore 58 n'abagabo 56. Dosiye 35 nizo zashyikirijwe inkiko, ziregwamo abantu 41.

Tuyishime avuga ko hejuru y'amategeko ahana icyaha cyo gucuruza abantu ndetse n'ubukangurambaga, abashinzwe umutekano n'abakora ku mipaka bahabwa amahugurwa ahoraho agamije kongera ubumenyi bwabo mu gutahura abakora ibyaha by'ubucuruzi bw'abantu ndetse n'abashobora kubishorwamo, ubufatanye n'umuryango mpuzamahanga ndetse no guhanga imirimo.

Muri iyi nama ya Best Diplomats hasabwe ubufatanye bw'ibihugu kuko icyaha cy'icuruzwa ry'abantu ari ndengamipaka, Leta zisabwa kongera gahunda zo guhanga imirimo kuko akenshi urubyiruko ari rwo rucuruzwa, rwizezwa amahirwe n'ubuzima bwiza batabasha kubona mu bihugu byabo.

Inama yitabiriwe n'ibihugu 70, iba inshuro eshanu buri mwaka. Uku kwezi yatangiye tariki 28 Mata isozwa kuri uyu wa Kabiri tariki 2 Gicurasi 2023.

Itaha izabera Istanbul muri Turikiya, indi ibere muri New York muri Leta Zunze Ubumwe za Amerika.

Tuyishime yavuze ko mu myaka icumi ishize u Rwanda rwafashe ingamba zikomeye mu guhangana n’icuruzwa ry’abantu

Urubyiruko rusaga 70 rwo mu bihugu bitandukanye nirwo rwitabiriye iyi nama

Tuyishime yagaragaje ko hari byinshi u Rwanda rwagezeho mu guhangana n’icuruzwa ry’abantu

Inama za Best Diplomats zigamije kungura urubyiruko ubumenyi mu bijyanye no guhangana n’ibibazo byugarije isi

Impanuka zibera mu kazi hari abo zihitana abandi zikabasigira ubumuga, ndetse hamwe usanga abakoresha bataraha agaciro ibyo kumenyekanisha izo mpanuka kuri RSSB.

Imibare y'iki kigo igaragaza ko abakomerekeye mu kazi bagenda bagabanuka kuko mu mwaka wa 2018/2019 bari 1505, mu mwaka wa 2019/2020 bagera ku 1446 mu gihe mu 2020/2021 impanuka zo mu kazi zakomerekeyemo abantu 1131.

Umuyobozi w'Ishami rishinzwe kugoboka abahuye n'ibyago bikomoka mu kazi muri RSSB Louis Cyubahiro, yabwiye RBA ko iyo umukozi yagiriye impanuka mu kazi baba bafite inshingano zo kumuvuza ingaruka yakuye ku mpanuka yakoze.

Ati 'Iyo umukozi yagize iyo mpanuka, iyo dusanze koko ari impanuka y'akazi, dufite inshingano yo kumuvuza ingaruka yagize muri ya mpanuka yakoze. Cyangwa se mu gihe aba atagishoboye kugira icyo yinjiza bigaragara yuko iyo mpanuka yamusigiye ubumuga, ubwo amategeko ateganya uko byaba bimeze kose hari icyo tumugoboka.”

“Ni yo mpamvu rero ari byiza ko umukozi, umukoresha ari byiza kumenyekanisha impanuka ku rwego rw'Ubwiteganyirize bw'Abakozi mu Rwanda utitaye no kuvuga ngo ni impanuka nini cyangwa se ntoya kuko impanuka zose ziba kimwe ishobora gutangira ari ntoya ariko bikazarangira hari ubumuga bunini iguteye.'

RSSB ivuga ko buri mwaka isohora amafaranga asaga miliyari 1,2 ajya mu kuvuza abakomerekeye mu kazi ndetse no kugoboka imiryango iba yaburiye ababo muri izo mpanuka.

Umuyobozi ushinzwe imiyoborere y'Umurimo muri Minisiteri y'Abakozi ba Leta n'Umurimo Patrick Kananga yatangaje ko igihugu gishyize imbaraga mu gutuma impanuka zibera mu kazi zigabanuka, ingamba zikava mu mategeko zigashyirirwa mu bikorwa aho akazi gakorerwa.

Ati 'Impanuka ziraba tukabona ko hari ibyo tutarakora kugira ngo tuzikumire nk'uko byakabaye bikorwa, tukareba y'uko bitaguma mu mategeko, bitaguma muri politiki, ahubwo biza kujya mu bikorwa kandi ababishyira mu bikorwa ni aho akazi gakorerwa. Aho rero niho twavuga ko dukwiriye gukomeza gushyiramo ingufu kugira ngo ibyashyizweho n'igihugu bijye mu bikorwa.'

Inteko Rusange y'Umuryango Mpuzamahanga wita ku murimo ILO, yateranye muri Kamena 2022, yemeje ko hashyirwaho amahame abiri y'umutekano n'ubuzima agizwe n'ingingo ya 155 imaze gusinywa n'ibihugu 76, na ho ingingo ya 187 imaze gusinywa n'ibihugu 59 hakaba hari ibihugu 39 bimaze kuyasinya yombi harimo n'u Rwanda.

Imibare ya ILO igaragaza ko hirya no hino ku Isi abarenga miliyoni ebyiri n'ibihumbi 300 bapfa bazize impanuka cyangwa indwara zakomotse mu kazi buri mwaka, bivuze ko buri munsi hapfa abagera ku bihumbi bitandatu.

Impanuka zibera mu kazi ku mwaka zibarirwa muri miliyoni 340, abo zigiraho ingaruka bo ni miliyoni 160.