Category: Uncategorized

Umunyarwenya Mazimpaka Japhet yasabye umushyushya rugamba Anita Pendo kuzamusindisha urukundo kugira ngo yongere yumve uko gusinda bimera.

Japhet Mazimpaka yongeye gutembagaza umushyushya rugamba Anita Pendo ubwo yamusabaga kuzamusindisha urukundo ibi Japhet yabibwiye Pendo ubwo bari mu kiganiro kuri radio magic fm baganira maze Japhet yibaza uburyo aramutse asinze byaba bimeze maze Anita amubwira ko yaba afite amagambo menshi ari nabwo yahise asaba Anita kuzamusindisha urukundo.

Umunyarwenya Japhet Mazimpaka ntannywa agasembuye ndetse na mugenzi we Anita Pendo n'ubwo bahorana ibyishimo byinshi bituma benshi bacyeka ko baba bafata ibinyobwa bisindisha.

Source : https://yegob.rw/uzatsindishe-urukundo-umunyarwenya-japhet-mazimpaka-yasabye-anita-pendo-ikintu-gikomeye-kandi-gisekeje/

Abantu benshi bamenyereye ko umuntu wakoresheje ibirori by'ubukwe bamuririmbira indirimbo nziza zuje amagambo yo kumushimisha gusa hari abagabo bagaragaye baririmbira mugenzi wabo indirimbo imwangisha umugore we.

Mu mashusho yagaragaye ku rubuga rwa Instagram y'umukinnyi wa filime nyarwanda uzwi cyane ku izina rya Samusure yagaragaje abagabo baririmbiraga mugenzi wabo indirimbo itangaje ku buryo uramutse uri umugabo udafite umutima ukomeye wahita wangira umugore wawe aho.

Iyumvire indirimbo itangaje abagabo baririmbiye mugenzi wabo basebya umugore we:

Source : https://yegob.rw/nta-mugore-utwaye-utwaye-ibandi-abagabo-baririmbiye-mugenzi-wabo-indirimbo-imwangisha-umugore-we-mu-bukwe-bwe-video/

Kuva ku munsi wo kuwa Gatandatu kugeza ku Cyumweru, mu masitade atandukanye mu Rwanda yaberaga imikino y'umunsi wa 28 ya shampiyona y'ikiciro cya mbere.
Ni umunsi wari utegerejwe cyane kubera intambara y'amakipe arwanira igikombe ndetse n'intambara y'amakipe adashaka ku manuka kuko uretse Espoir FC yamaze kumanuka izindi ziracyakotana.

Imikino yakinwe ku wa Gatandatu:

-Marines FC yatsinze Bugesera FC igitego kimwe ku busa , cyatsinzwe na Mbonyumwami Thaiba.

-Rwamagana City yanganyije na Police FC ubusa ku busa.

-Mukura VSL itsinda Etincelles FC, ibitego bitatu kuri kimwe. Mukura yatsindiwe na Robert Mukogotya na Ngirimana Alexis mu gihe Entinecelles yatsindiwe na Niyonsenga Ibrahim.

-Rutsiro FC itsinda kimweSunrise FC cyatsinzwe na Bugingo Samson.

-AS Kigali yatsinze Gasogi United ibitego bibiri kuri kimwe. ASKigali yatsindiwe na Manzi Thierry na Rucogoza Eliasa mu gihe Ngono Guy ariwe watsindiye Gasogi United.

Imikino yakinwe ku Cyumweru yari iy'amakipe ahatanira igikombe cya shampiyona:

-Kiyovu Sports yari yerekeje kuri sitade Ubworoherane guhangana na Musanze VS. Kiyovu Sports yaje ku hikura kigabo ku gitego kimwe cyatwinzwe na Nshimirimana Ismael (Pitchou), bituma Urucacaca rukomeza kuyobora urutonde.

— Rayon Sports yapfukamishijwe na Gorilla;Ku Cyumweru kandi ikipe ya Rayon Sports kuri Kigali Pelé Stadium yari yakiriye Gorilla FC. Birangira, Rayon Sports itsinzwe ibitego bitatu kuri kimwe. Ibitego bya Gorilla byatsinzwe na Iradukunda Simeon watsinze bibiri na Twizeramana Onesime mu gihe impozamarira ya Rayon Sports yayitsindiwe na Musa Essenu.

-APR FC yari yakiriye Espoir FC yarangije ku manuka mu cyiciro cya kabiri. APR FC yaje kwitwara neza itsinda ibitego bibiri kuri kimwe bituma ihita ifata umwanya wa kabiri ku rutonde rw'agateganyo. APR FC yatsindiwe na Yannick Bizimana na Kwitonda Allain, mu gihe Espoir yo yatsindiwe na Joseph Janjali.

Urutonde rw'agateganyo rwa shampiyona ku munsi wa 28:
1. Kiyovu Sports 60
2. APR FC 57
3. Rayon Sports 55

Imwe mu mikino iteganyijwe ku munsi wa 29:
Sunrise vs Kiyovu Sports
APR FC vs Rwamagana
Rayon Sports vs Marines

Source : https://yegob.rw/rayon-sports-yabonye-rubi-apr-na-kiyovu-bakomeza-urugamba-ibyaranze-umunsi-wa-28-muri-shampiyona/

Umuherwekazi Isimbi Alliance wamamaye nka Alliah Cool yashyize hanze amashusho agaragaza amabere ye.

Ni amashusho yasangije abamukurikira ku rukuta rwe rwa Instagram, yagaragaye yamambaye ishati gusa ibipesu byo hejuru bidafunze ku buryo ibyo mu gakanzu byagaragaraga.

Reba videwo aho hasi

Source : https://yegob.rw/ufite-ibyiza-arabirata-alliah-cool-yashyize-hanze-amashusho-agaragaza-mu-gatuza-he-hagari-videwo/

Ku Isi hari ibihugu byugarijwe n'inzara mu gihe hari aho abandi bamena ibyo kurya.

Dore ibihugu 10 byugarijwe n'inzara ku Isi:

1. Lebanon 352%

2. Venezuela 158%

3. Argentina 110%

4. Zimbabwe 102%

5. Turkey 53.92%

6. Pakistan 48%

7. Polanda 24%

8. Czechia 23.5%

9. German 21.2%

10. Sweden 19%

Ibi nibyo bihugu byugarijwe n'inzara kurusha ibindi byose ku Isi.

Source : https://yegob.rw/inzara-iravuza-ubuhuha-menya-ibihugu-10-byugarijwe-ninzara-harimo-nibikomeye/

Umuyobozi Uhagarariye Ishami ry'Umuryango w'Abibumbye  ryita ku baturage mu Rwanda, UNFPA, Kwabena Asante-Ntiamoah avuga ko umuryango ahagarariye ushishikajwe no gushaka icyatuma ibibazo bigaragara mu rwego rw'ababyaza bijyanye n'impfu z'abana n'Ababyeyi bihagarara burundu. Nyuma yo gusanga uru rwego(rw'ababyaza) rukwiye kugira ubushobozi bufatika kandi bwubatse neza, biyemeje kububakira ikigo cy'ikoranabuhanga mpahabumenyi kizajya gifasha ababyaza kongera ubumenyi bwabo aho bari hose.

Iyi nkuru nziza ku babyaza, bayibwiwe n'uyu muyobozi ubwo kuri uyu wa 05 Gicurasi 2023 hizihizwaga umunsi mpuzamahanga wahariwe ababyaza. Yagize ati' Uyu muryango mpagarariye mu Rwanda, ushishikajwe no kuzamura imibereho y'abaturage ndetse twamaze no gutegura uburyo bufatika bwo gufasha abiga ububyaza ndetse n'ibigo nderabuzima tubiha ibikoresho'.

Akomeza avuga ko ibyo byose byatewe nuko bamenye ibibazo byugarije uru rwego. Ati' Igikurikiyeho rero nuko tugiye kububakira ikigo cy'Ikoranabuhanga mpahabwenge cy'Icyitegererezo kizajya gifasha ababyaza kwihugura no guhaha ubumenyi burenze kubwo basanzwe bafite hagamijwe gukomeza gutanga serivisi nziza kurushaho'.

Avuga kandi ko ubusanzwe basanzwe bafasha abakora mu buvuzi gukomeza amasomo yabo mu byiciro bya Gatatu bya Kaminuza(Masters) ndetse n'icya kane (PHD) kandi ko bizanakomeza mu neza y'ababyeyi basaba serivisi zo kubyara no kuringaniza imbyaro.

Umuyobozi w'Umuryango w'Ababyaza mu Rwanda-(RAM, Rwanda Association of Midwives), Murekezi Josephine yibukije ababyaza ko bakorera Igihugu, abasaba gukomeza kubungabunga ubuzima bw'Umubyeyi n'umwana hagamijwe gukuraho ibibazo byose bikibangamira urwego rw'ububyaza mu Rwanda no kubishakira umuti urambye. Ahamya kandi ko biteze byinshi kuri iki kigo bazubakirwa na UNFPA.

Yagize Ati' Babyaza bagenzi banjye, nimwe mufite ubuzima bw'ababyeyi babagana ndetse hakiyongeraho n'abana batwite. Turabasaba ko mukomeza kugira uruhare mu gukuraho imbogamizi zose ababyeyi bagira mu gihe cyo kubyara kandi ingorane namwe mugira zirazwi, inzego bireba zizabishakira umuti urambye kuko bibaraje ishinga mu kubikuraho hagamijwe kurinda ubuzima bwiza bw'ababyeyi bahabwa serivisi'. Abibutsa kandi ko bahishiwe byinshi kuko iki kigo kigiye kubakwa kizajya gihugura abanyamuryango ndetse kinatange ubumenyi ku bandi bazajya babishaka'.

Bamurange Drothy, Umubyaza ubimazemo imyaka 25 yagize ati' Twatangiye dufasha ababyaza ba kera bitaga ababyaza ba Gihanga kandi twafashije benshi mu babyeyi bagiye batugana. Gusa nubwo dufite ibibazo bikibangamiye ababyaza ariko barahugurwa, bakigishwa kuko mbere ntabwo bigaga kuko hari amashuri 2 yonyine harimo irya Rwamagana na Kabgayi. Ubumenyi bwabo ntabwo bwari buhangije ariko ubu biragaragara ko bamaze kugera kuri byinshi bakagira ubumenyi budacagase'.

Yongeyeho iki kigo bagiye kubakirwa kizajya kibafasha kwiyungura ubwenge kandi bizeye ko bazabasha kugira aho bava bakagira naho bazagera. Ashimangira ko bizeye ko ejo hazaza hazaba haruta ejo bavuye kuko siho bifuzaga kuba bari.

Umuyobozi Mukuru wa HDI, Dr Aphrodice Kagaba avuga ko ababyaza bavuze ikintu gikomeye mu gihugu, ariko ko bakwiye gukomeza gutanga serivisi nziza kubabagana. Yongeraho ko mu myaka 15 ishize abatangiye uyu mwuga benshi babyigaga hanze y'Igihugu kandi n'abahari bakaba batari baba benshi ku buryo baba bageze ku kigero cyifuzwa..

Akomeza yemeza ko uko amashuri azagenda yiyongera, bizera ko umubare w'Ababyaza uzagenda wiyongera. Yakomoje kandi ku kigo cy'ikoranabuhanga Mpahabwenge kizagira uruhare mu kuzamura ubumenyi bw'abazakigana, baba bakoresheje ikoranabuhanga cyangwa bakaza kuhigira.

Umujyanamana wa Minisitiri w'Ubuzima waruhagarariye Minisitiri, Dr Theophile Dushime avuga ko mu Rwanda hakiri ababyaza bacye ariko ko iki kibazo cyatangiye gushakirwa igisubizo. Yemeza ko iki kigo cy'ikoranabuhanga mpahabwenge kizafasha kuzamura ubumenyi bw'ababyaza mu Rwanda. Yongeraho ko abafatanyabikorwa ba Minisiteri hari ibyo bazagenda bafashamo kugirango hakurweho ingorane zikibangamiye ababyaza n'abandi bashaka gukomeza inzira yo kwinjira mu mwuga.

Uyu munsi Mpuzamahanga wizihijwe kuri uyu wa Gatanu tariki ya 5 Gicurasi 2023, wizihijwe ku nshuro ya 12 mu Rwanda. Wizihijwe mu gihe mu Rwanda habarurwa ababyaza bagera ku bihumbi 2500 ariko abamaze kwinjira mu rugaga rw'ababyaza baracyari mbarwa kuko batanagera kuri 500.

Akimana Jean de Dieu

Source : https://www.intyoza.com/2023/05/08/hizihijwe-umunsi-mpuzamahanga-wababyaza-unfpa-yizeza-ikigo-cyikoranabuhanga-mpahabumenyi/

Nyuma yo gutsindwa na Gorilla FC ikayikura ku rugamba rw’igikombe cya shampiyona, abafana ba Rayon Sports bariye karungu maze bavuga ikibari ku mutima.

Hari mu mukino w’umunsi wa 28 wabaye ejo hashize ku Cyumweru tariki ya 7 Gicurasi aho Rayon Sports yatsinzwemo na Gorilla FC 3-1.

Nyuma y’uyu mukino abakunzi b’iyi kipe bafashwe n’umujinya maze baririmba Gorilla FC ndetse banayikomera amashyi ibintu bari basanzwe bakorera ikipe yabo, Rayon Sports.

ISIMBI yazengurukije micro muri bamwe mu bafana b’iyi kipe maze bavuga ikibari ku mutina.

Benshi basabaga ko bamwe mu bayobozi bahoze bayiyobora bagaruka ndetse ko n’umutoza akwiye kugenda kuko ikipe yayigurishije.

Bati “turashaka Paul Muvunyi na Gacinya, Prosper, abo bantu.”

Babajiwe aho birimo gupfira bagize bati “perezida wacu na Haringingo barimo baratubeshya, turashaka Paul Muvunyi na Gacinya.” Undi yahise yungamo ati “nta bwenge afite Haringingo, ni igisambo.”

Aba bafana bakomeje kwerekana ko perezida wabo, Rtd Uwayezu Jean Fidele batamwemera maze bagira bati “Rtd ntabwo tumwemera, nagende ayobore igisirikare.”

Rayon Sports ikaba isa n’aho isigaje ahantu hamwe ho kwiyunga n’abafana gusa, ni mu gikombe cy’Amahoro aho isabwa kugitwara ihereye kuri Mukura VS bazahura muri 1/2 cy’iki gikombe.

Aba-Rayon bariye karungu basaba ko bamwe mu bahoze bayobora iyi kipe bayigarukamo

Source : http://isimbi.rw/siporo/article/rtd-najye-kuyobora-igisirikare-haringingo-ni-igisambo-mutugarurire-muvunyi-abafana-ba-rayon-sports-mu-mvugo-ikomeye

Mbere y’umukino benshi bafataga nk’ikinamoco bumva ko Rayon Sports igomba gutsinda Gorilla FC, ikibazo ahubwo cyari ukumenya ngo ibitego ni bingahe? Inkuba yaje gukubita muri Kigali Péle Stadium maze abakunzi ba Gikundiro bataha bifashe mapfubyi.

Byose byashingirwaga ku buryo perezida wa Gorilla FC, Hadji Yusuf Mudaheranwa ari umukunzi wa Rayon Sports ndetse ko atayima amanota aho iyakeneye cyane ko yashakaga kuguma mu rugamba rw’igikombe cya shampiyona.

Gusa abarebye uyu mukino babonye ibitandukanye n’ibyo bakekaga kuko Gorilla yaraye iyitsinze 3-1 inayikura mu rugamba rw’igikombe cya shampiyona.

Ni ibintu byanatunguye benshi barimo n’abakunzi b’iyi kipe bibaza ibyo Hadji abakoreye.

Gatera Moussa utoza Gorilla FC, yavuze ko mbere y’uyu mukino perezida wa Gorilla FC, Hadji Mudaheranwa yari yabasabye kwirinda amagambo ubundi bo bagakora ibyo basanzwe bakora.

Ati “Ni ibisanzwe, ubutumwa yaduhaye ni nk’ubwo yaduhaga, gusa icyo yambwiye mureke gukurikira amgambo nubundi nimwe mubivuga abanyamakuru sinzi aho mubikura, ariko njye twaraganiriye arambwira ngo mubyihorere mukine nk’uko musanzwe mukina, nibwo butumwa yaduhaye kandi twagerageje gukina kandi byanakunze.”

Gutakaza uyu mukino byatumye Rayon Sports isa niva mu rugamba rw’igikombe kuko mu gihe hasigaye imikino 2 iri ku mwanya wa 3 n’amanota 55, Kiyovu Sports ya mbere ifite 60 APR FC ikagira 57.

Hadji yasabye abakinnyi be kwirinda amagambo bagakina ibyo basanzwe bakina

Source : http://isimbi.rw/siporo/article/ubutumwa-bwa-hadji-kuri-gorilla-fc-mbere-yo-guhura-na-rayon-sports

Ibi yabigarutseho kuri iki Cyumweru ku wa 7 Gicurasi 2023, ubwo yitabiraga umuhango wo gusoza amarushanwa mpuzamahanga yo gusoma no gufata mu mutwe igitabo gitagatifu Quran.

Minisitiri Musabyimana yashimiye abanyamadini n'amatorero uruhare bagira mu mibereho y'Abanyarwanda by'umwihariko ubutabazi batanze muri iki gihe cy'ibiza.

Ati 'Amadini n'amatorero yose akorera mu gihugu cyacu nk'abafatanyabikorwa ba guverinoma yacu arasabwa gukomeza kugira uruhare mu ishyirwa mu bikorwa rya gahunda za Leta zitandukanye, zigamije guteza imbere imibereho myiza y'Abanyarwanda.'

'By'umwihariko tuboneyeho gushima uruhare rw'amadini n'amatorero mu bikorwa by'ubutabazi tumaze iminsi dukorera abaturage bagezweho n'ibiza mu Majyaruguru n'Uburengerazuba bw'igihugu cyacu.'

Mu bikorwa amadini yakoze, usibye gutabara, harimo no gutanga ahantu abibasiwe n'ibiza bashobora gucumbikirwa by'agateganyo nko mu nsengero n'ahandi.

Abantu 131 nibo bibasiwe n'ibiza byatewe n'imvura nyinshi yaguye mu gihugu ku wa 2 – 3 Gicurasi 2023.

Amadini yashimiwe uruhare yagize mu gufasha abagizweho ingaruka n’ibiza

---

Source : http://igihe.com/amakuru/u-rwanda/article/amadini-yashimiwe-uruhare-yagize-mu-gutabara-abibasiwe-n-ibiza

Ni amahugurwa agamije kwiga uburyo bwo kugarura amahoro mu bice birimo umutekano muke (Integrated Peace Operations Course) yatangiye ku nshuro yayo ya 13 kuri uyu wa 07 Gicurasi 2023 akazamara iminsi itanu ari kubera i Kigali.

Yateguwe ku bufatanye bwa Minisiteri y'Ingabo z'u Rwanda, binyuze mu kigo cy'Igihugu cy'Amahoro, Rwanda Peace Academy n'Ubunyamabaganga bw'Umutwe w'Ingabo za Afurika y'Iburasirazuba zishinzwe gutabara aho rukomeye (Eastern Africa Standby Force: EASF).

Kuri iyi nshuro aya mahugurwa yitabiriwe n'abantu 33 barimo abayobozi mu ngabo, abapolisi n'abasivili bo mu bihugu bitandukanye birimo u Rwanda u Burundi, Comores, Djibouti, Ethiopia, Kenya, Seychelles, Somalia na Uganda.

Agamije kongerera ubumenyi abo muri izo nzego ku bijyanye n'ingamba bafata mu gihe baba bahurijwe hamwe mu butumwa bwo kugarura amahoro mu gice runaka.

Brig Gen Ngiruwonsanga yagaragaje ko yishimiye kuba inzego za gisirikare, polisi n'abasivili bateraniye hamwe bari kwiga uko bahangana n'ibibazo by'umutekano muke ushobora kuba mu gice runaka bafatanyije.

Ati 'Aya masomo azagira uruhare mu kongera ubushobozi bwo gutegura no gukorera hamwe tutibagiwe guhanahana amakuru ku bashobora koherezwa mu butumwa bw'amahoro.'

Yakomeje avuga ko abagiye guhabwa ayo masomo azarangira kandi bafite ubushobozi bwo gufata ingamba zihuriweho mu kugarura amahoro ku rwego rwo hejuru ku buryo bazaba bagomba kuzuza inshingano zabo mu butumwa barimo neza.

Umugaba w'Ingabo za EASF, Col Ibrahim Mohamed, yagize ati 'Ingabo za EASF zihora ziteguye gutabara aho rukomeye. Nk'ubu abayobozi hafi ya bose bahawe ayo masomo bari kuyifashisha mu butumwa bwo kugarura amahoro muri Somalia. Ubu turi kubigisha guhora biteguye mu gihe haba ikibazo bagakenerwa bajya gutabara.'

Umuyobozi muri Polisi y'u Burundi, Colonel de Police Bahufise Terence, yavuze ibihugu byose bisanzwe gifite uko bitangamo ayo masomo ariko ubu, 'buri gihugu kizatanga ubunararibonye bwacyo'.

Ntabwo abusanya n'Umuyoyobozi ushinzwe ibikorwa mu Nkeragutabara mu Ntara y'Amajyepfo, Major Alex Tumwine, wavuze ko amasomo nk'aya aba ari ingirakamaro kuko abantu bo mu bihugu bitandukanye baramutse badahugurijwe hamwe byagorana kugarura amahoro mu buryo bworoshye.

Uyu muyobozi wagiye muri ubu butumwa mu bihugu bitandukanye birimo Sudani mu Ntara ya Darfour na Sudani y'Epfo, yavuze ko uyu ari umwanya mwiza wo kwiga uburyo bwo guhana amakuru kuko 'itumanaho ari cyo kibazo cya mbere abari mu butumwa bagira ku buryo iyo gikemutse bifasha gukora ibyo ushinzwe mu gihe gikwiriye.'

EASF yashinzwe mu 2002.

Aya mahugurwa yateguwe ku bifatanye n'Ingabo za Finlande zibarizwa mu kigo gishinzwe gutanga amasomo yo kugarura amahoro (Finnish Defence Forces International Centre: FINCENT), ari nacyo kiri gutanga aya masomo.

Umuyobozi wa FINCENT, Lt Col Niclas Von Bonsdorff, yavuze ko mu myaka 13 bahaye ingabo za EASF ubumenyi mu kugarura amahoro bijyanye n'imirongo migari ya Loni.

Brig Gen Jean Baptiste Ngiruwonsanga yagaragaje ko ingabo zishobora kujya mu butumwa bwo kugarura amahoro hamwe zigomba no gutorezwa hamwe

Umuyobozi wa FINCENT, Lt Col Niclas Von Bonsdorff, yavuze ko bazakomeza gufasha EASF kugira ngo nayo itange umusanzu wo kugarura amahoro mu Isi

---

Source : http://igihe.com/amakuru/u-rwanda/article/mu-rwanda-hatangiye-amahugurwa-y-ingabo-za-eac-zitabara-aho-rukomeye