Category: Uncategorized

Ziya Paval ufite imyaka 21, yavutse ari umuhungu ariko ubu yihinduye umukobwa. Undi babana witwa Zahad ufite imyaka 23, yavutse ari umukobwa nyuma aza kwihindura umuhungu.

Bombi bahinduranyije imisemburo mu mibiri y’abo igihe bahinduraga uko bavutse, bakaba barabikoze kugira ngo bagerageze kureba uko bazibaruka umwana. 

Ubwo bakiraga inkuru nziza ko basamye, bahise babitangaza ku mbuga nkoranyambaga, bagira bati: “Bwa nyuma na nyuma gutegereza bigize iherezo, ubu turitegura kwakira umunyamuryango mushya”.

Uyu muryango w’aba bana bihinduranyije ibitsina, wasabye ibitaro ko Zahab (uwavutse ari umukobwa akihindura umuhungu) ariwe wazandikwa nka se w’umwana, naho Ziya (uwavutse ari umuhungu akihindura umugore) akaba nyina w’umwana. 

Nkuko tubikesha Lime Light Media, mu kiganiro uyu Ziya yakoze, yavuze byinshi ku mwana bagiye kwakira nuko bamwiteguye nk’abantu bagiye kuba ababyeyi bwa mbere.

Ati:”Ku nshuro ya gatatu yo kwipimisha, umwana yapimaga ibiro bitatu. Ibintu byiza cyane. Se w’umwana (Zahad) ndetse n’umwana bameze neza. Gusa ntiturabasha kumenya niba ari umukobwa cyangwa niba ari umuhungu”.

Dr. C Sreekumar, umuganga uhagarariye ishami rya jinekoloji (department head of Gynecology) mu bitaro, yatanze amakuru meza ku bijyanye n’ivuka ry’umwana, akaba yaravuze ko umwana akomeje kumera neza.

Yavuze kandi ko uwo muziranenge na Zahab bazashobora gusohoka mu bitaro nyuma yo kuruhuka bihagije no gutora akabaraga. 

Ku bijyanye no kwandika ababyeyi b’umwana, Dr. Sreekumar, yavuze ko bazagisha inama inzobere muri ibyo ku bijyanye no “kugurana kw’ababyeyi (umugore akitirirwa se naho umugabo akitirirwa nyina w’umwana wavutse”.

Nk’uko ikinyamakuru kimwe gikomeza kibivuga, Zahad yaba ari we mugore wa mbere wihinduye umugabo ugiye kubyara umwana muri iki gihugu cy’u Buhinde. 

Ziya avuga ko zaba ari inzozi zabo zibaye impamo, aho we yifuzaga kuba mama w’umwana naho Zahad akifuza kuba papa w’umwana. 

Yongeraho ko ubu umwana wabo agejeje amezi umunani mu nda ya Zahad kandi ko ari bwo bwa mbere bizaba bibaye, cyane ko ari bo ba mbere bihinduye ibitsina maze uwihinduye umugabo akabasha gutwita, ibibaye bwa mbere mu gihugu cy’u Buhinde.

Bombi Ziya na Zahad bari baratereranywe n’imiryango yabo baza guhura muri ibyo bihe byari bibakomereye ku mpande zombi.

Bombi baturuka mu miryango ya gikirisito itarabemereraga ibyo kwihindura ibitsina, ariko ubwo bamenyaga ko batwite, umuryango wa Zahad watangiye kumushyigikira ndetse wakira nuwo ari ari we.

Uyu muryango ukaba waratangaje ko abandi bihinduye nka bo, bakomeje guha ikaze gutwita kw’abo babinyujije cyane cyane ku mbuga nkoranyambaga.

Src: Lime light Media

Ibirori byo kwimika ku mugaragaro Umwami Charles wa III w'u Bwongereza byabaye kuwa Gatandatu tariki 06/05/2023, gusa kugeza n’ubu biracyagarukwaho bitewe n'udushya twagaragayemo.

Kimwe mu byavugishije benshi cyanatunguranye ni ukubona Prince Harry yicazwa inyuma y'umuryango we mu gihe byari byitezwe ko yicazwa imbere mu banyacyubahiro ahubwo akicazwa mu batumirwa basanzwe.

Ikindi cyatunguranye kuri we ni uko yasohotse muri ibi birori birimbanije hashize amasaha 2 gusa. 

Daily Express yatangaje ko Harry yasohotse muri ibi birori King Charles III agiye kwambikwa ikamba. 

Bivuze ko atigeze abona igikorwa nyamukuru cyari cyateranije abayobozi bakomeye ku isi bahuriye mu ngoro ya Weinstein Abbey mu Bwongereza.

Byabanje kuvugwa ko Prince Harry yasohotse muri ibi birori bitarangiye kuko yari yababajwe n'uko yasuzuguwe akicwazwa inyuma mu cyiciro cya gatatu yagakwiye kwicara imbere hamwe n'umuryango we.

Daily Express yakomeje ivuga ko icyatumye Prince Harry asohoka nyuma y'amasaha abiri gusa ari uko yari agiye gufata indege ngo asubire muri Leta Zunze Ubumwe za Amerika ahari umuryango we kugira ngo afatanye nawo kwizihiza isabukuru y'imfura ye Archie dore ko ari nacyo cyatumye umugore we Meghan Markle atajya mu Bwongereza kuko yashakaga kwizihiza ibirori by'umuhungu wabo.

Kuba itariki King Charles III yimitsweho yahuriranye n'isabukuru y'umwuzukuru we Archie, byatumye Harry wagombaga kugaragara muri ibi birori byombi, agabanya amasaha yo kuguma mu iyimikwa rya Se kugira ngo agere mu rugo rwe mbere y'uko Isabukuru y'umuhungu we irangira.

The Independent UK yatangaje ko ibi Prince Harry yakoze ari ukwitanga gukomeye kuba yarabashije kujya mu Bwongereza agasubira no muri Leta Zunze Ubumwe za Amerika mu munsi umwe gusa kugira ngo abe hamwe n'umuryango we w’i Bwami hamwe n'umugore we Meghan Markle bafatanije kwizihiza isabukuru y'umuhungu wabo Archie wujuje imyaka 6.

Ibi byakuyeho ibyari bikomeje kuvugwa ku mbuga nkoranyambaga ko Prince Harry yasohotse mu birori bya Se bitarangiye kuko yari yicajwe inyuma.

The Independent UK yavuze ko nubwo iyo ariyo mpamvu bidakuyeho ko Harry atasuzuguwe yangirwa kwambara imyenda y’i Bwami igaragaza icyubahiro cye ndetse akangirwa no kwicara imbere hagenewe abanyamuryango w'i Bwami.

 Ibi byatunguye benshi babonye Harry atakiriwe nk'uko byari byitezwe mu gihe Prince Andrew waciwe i Bwami kubera ibirego aregwa byo gufata ku ngufu, yarakiriwe neza ndetse akanambara imyambaro igaragaza icyubahiro cye kandi yari yarambuwe inshingano ze akanirukanwa i Bwami.

Byakomeje kuvugwa ko impamvu Harry atakiriwe neza ari uko agifitanye ibibazo n'umuryango we utakimwiyumvamo nyuma yaho amennye amabanga yabo mu gitabo aherutse gusohora yise 'Spare'.

Prince Harry yasohotse mu birori byo kwimika Umwami amazemo amasaha 2 gusa

Byamenyekanye ko yasohotse muri ibi birori asubiye muri Amerika kwitabira Isabukuru y'imfura ye Archie

Muri ibi birori Prince Harry yagaragaye atishimye

Yicajwe inyuma y'umuryango we ntiyemererwa no kwambara imyambaro y'i Bwami

Prince Harry yicajwe mu cyiciro cya 3 aho kwicazwa imbere mu muryango w’i Bwami

Mu mpera z’icyumweru dusoje kuva ku wa 6 kugera ku cyumweru tariki 7 Gicurasi, mu nzu y’imikino y’akarere ka Gisagara haberaga imikino y’agace ka nyuma, ari nayo mikino isoza umwaka muri Sitting Volleyball.

Amakipe agera kuri 17 niyo yari yitabiriye aka gace ka nyuma, harimo amakipe ane ya mbere mu bagabo yahataniraga igikombe, ayo makipe akaba ari, Gasabo, Gisagara, Musanze, ndetse na Rusizi. Mu bagore, amakipe yari ahataniye igikombe ni Musanze,  Bugesera, Gicumbi na Nyarugenge.

Mu cyiciro cy’abagabo, ikipe y’Akarere ka Gasabo, niyo yegukanye igikombe itsinze Gisagara amaseti 3-0 (26-24, 25-19,25-16). Ikipe y'Akarere ka Musanze ni yo yegukanye umwanya wa gatatu itsinze iya Rusizi amaseti 2-0 (25-19, 25-22).

Mu bagore, Ikipe y’Akarere ka Bugesera niyo yegukanye igikombe nyuma yo gutsindira ku mukino wa nyuma ikipe y'Akarere ka Nyarugenge amaseti 3-0 (25-14, 25-22, 25-22). Umwanya wa gatatu wegukanywe na Gicumbi itsinze Musanze amaseti 2-1 (25-21, 17-25, 5-10).

Gisagara mu bagabo niyo yari ifite igikombe giheruka, ariko kuri iyi nshuro yaje kucyamburwa imbere y’abafana bayo.

Mu bagore, Bugesera yongeye kwerekana ko ari intahangarwa, nyuma yo kwegukana ibikombe bibiri byikurikiranya 

Umwaka w’imikino kugira ngo urangire, ukininwa mu byiciro 4 ahantu hatandukanye, icyiciro cya nyuma bakaba bakiniye i Gisagara 

Iri torero ryahagarutse mu Rwanda ahagana saa saba z’ijoro ryo kuri uyu wa Mbere tariki 8 Gicurasi 2023, ryerekeza muri iki gihugu.

Ubutumire bahawe na Jah Prayzah bugaragaza ko bagombaga kugera muri Zimbabwe, kuri uyu wa 8 Gicurasi 2023 kugira ngo batangire imyiteguro izarangira ku wa 11 Gicurasi 2023, ikurikirwe n’igitaramo bazakora ku wa Gatanu tariki 12 Gicurasi 2023.

Ubu butumire kandi bunagaragaza amazina y’ababyinnyi bagizwe n’abasore n’inkumi 13 berekeje muri iki gihugu.

Umuyobozi w’iri torero, Nahimana Serge wajyanye n’ababyinnyi, yabwiye InyaRwanda ko Jah Prayzah yanyuzwe n’imbyino n’indirimbo by’umuco w’u Rwanda bagaragaza yiyemeza kubatumira muri iki gitaramo cyo kumurika album ye.

Ati 'Ni umuhanzi ukomeye cyane muri Zimbabwe, akaba yarifuje kuzakorana n''Inganzo Ngari mu gitaramo cye. Yaradukunze cyane yiyemeza ko twamufasha muri iki gitaramo nyuma yo kunyurwa n'imbyino n'indirimbo by'umuco w'u Rwanda.'

Iri torero rizwi cyane mu mbyino z'umuco gakondo, rigiye muri Zimbabwe mu gihe baherutse gutangaza igitaramo bazakora ku wa 4 Kanama 2023 kizaba gishingiye ku mukino-shusho bise: Ruganzu II Ndori “Abundura u Rwanda'.

Iki gitaramo kizabera muri Kigali Conference and Exhibition Village ahazwi nka Camp Kigali kigamije 'gukumbuza abakunzi b'amateka y’igihugu cyacu, abakunzi b’injyana gakondo n’umuco nyarwanda ndetse n’abakunzi b’itorero Inganzo ngari muri rusanze ko bazataramana bigatinda.'

Iki gitaramo kizaba ku munsi w’Umuganura, umwe mu minsi mikuru u Rwanda rwizihiza aho abanyarwanda bishimiraga umwero w’ibihingwa bitandukanye, bagasangira mu rwego rw’ubumwe n’ubusabane kandi bagahiga kongera umusaruro.

Muri uyu mukino bazaba bishimira ibyiza igihugu cyigezeho nyuma y’amahano yagwiriye u Rwanda ubu rukaba rukataje mu iterambere, imibereho myiza, ubumwe n’ubwiyunge ndetse n’imiyoborere myiza.

Inganzo Ngari ni rimwe mu matorero gakondo akomeye mu gihugu cy’u Rwanda, rikaba ryaratangiye ubuhanzi ku muco mu mwaka wa 2006. 

Rigizwe n’abanyamuryango barenga 100 bari mu ngeri zitandukanye abahungu n’abakobwa. Ni itorero ryagiye rimurika kandi rigaragaza ubwiza bw’umuco w'u Rwanda mu mbyino n’indirimbo haba mu Rwanda ndetse no mu mahanga.

Mukudzeyi Mukombe uzwi nka Jah Prayzah watumiye Inganzo Ngari aheruka i Kigali ubwo yari kumwe na Patoranking baririmba mu nama nyafurika y'Urubyiruko izwi nka “Youth Connekt Africa Summit, yabaye mu Ukwakira 2022.

Jah Prayzah mu itangazamakuru n'abandi bakunze kumwita 'Musoja'. Uyu mugabo yavutse ku wa 4 Nyakanga 1987, yujuje imyaka 35 y’amavuko. Yavukiye ahitwa Uzumba Maramba Pfungwe muri Zimbabwe. Yarushinze na Rufaro Chiworeso.

Azwi cyane mu ndirimbo zirimo nka ‘Dangerous’ na ‘Dzamutsana’ yo mu 2018, ‘Hokoyo’ n’izindi. 

Ibinyamakuru byo muri Zimbabwe bivuga ko Jah azamurika album ebyiri, mu gitaramo kizaba ku wa 12 mu Mujyi wa Harare, ikindi kizaba ku wa 13 Gicurasi 2023 mu Mujyi wa Bulawayo.

Inganzo Ngari berekeje mu Mujyi wa Harare mu gihugu cya Zimbabwe gufasha Jay kumurika album ye 

Inganzo Ngari bagaragaza ko bishimiye ubutumire bahawe na Jah nyuma yo guhurira i Kigali 

Bamwe mu bakobwa bo mu Itorero Inganzi Ngari bagiye muri Zimbabwe 

Jah Prayzah [Ubanza iburyo] asanzwe ari umwe mu bahanzi bakomeye muri Zimbabwe, aheruka i Kigali mu Nama yahuje urubyiruko- Aha yari kumwe na Patoranking n'Itorero ry'Igihugu, Urukerereza

KANDA HANO UREBE AMASHUSHO Y’INDIRIMBO ‘TICHENEKE’ YA JAH PRAYZAH

“>

Zimwe mu nkuru zigezweho zirebana n’ikipe y’igihugu Amavubi, ni uko umunya-Cameroun ukinira Rayon Sports, Léandre Onana Willy Essomba arimo kuganirizwa ngo abe yakwemera gukinira u Rwanda.

Ibi si bishya kuko ibihugu byinshi iyo bibonye umukinnyi wabifasha, iyo yemeye bamuha ubwenegihugu agakinira icyo gihugu.

Si na bishya ku Rwanda hari benshi bagiye babuhabwa baza gufasha u Rwanda mu bihe bitandukanye, uyu muco bawucitseho 2014 ubwo u Rwanda rwahanwaga nyuma y’uko bigaragaye ko Daddy Birori wakiniraga u Rwanda yari afite andi mazina asanzwe akiniraho. Byatumye n’abari barabuhawe muri ubwo buryo babwamburwa.

Byongeye kugaruka umwaka ushize ubwo ku ikubitiro uwabuhawe ari umunya-Côte d’Ivoire, Gerard Bi Goua Gohou.

Ubu inkuru igezweho ni uko na Léandre Onana ubu arimo kuganirizwa ngo yemere gukinira Amavubi, ndetse n’umutoza w’ikipe y’igihugu, Carlos Alós Ferrer yarabyemeje.

Si ibiganiro bishya kuko bimaze igihe kuva mu mwaka ushize nibwo uyu mukinnyi yegerewe gusa bikomeza gutinzwa n’ibyo yifuza.

Ni umukinnyi wifuza ko kugira ngo yemere gukinira u Rwanda agomba guhabwa miliyoni 20 z’amafaranga y’u Rwanda ndetse n’ababyeyi be bakagurirwa inzu nziza muri Cameroun.

Ni umukinnyi w’umuhanga usatira anyuze ku mpande cyangwa akaba yanakina inyuma ya ba rutahizamu, gusa na none ubwo buhanga bwe wakibaza niba ari ubwo gutangwaho ako kayabo.

Ni umukinnyi w’umuhanga ariko na none ni umukinnyi ukunda kuvunika ubusa, mu myaka 2 amaze muri Rayon Sports igihe kinini yakimaze mu mvune, aho yari imukeneye ni gake yamubonye ku buryo kwizera ko Amavubi azamubona igihe cyose bigoye.

Gukinira ikipe y’igihugu ubundi ntibyagasabye ko wishyurwa, yego birumvikana kuba ari u Rwanda rumukeneye kandi atari umunyarwanda hari motivation agomba guhabwa ariko na none wakibaza niba yakageze ku byo twavuze haruguru.

Guhabwa uyu murengera w’amafaranga bishobora kuzana umwuka mubi mu ikipe y’igihugu cyane ku bakinnyi b’abanyarwanda bo bahamagarwa bakitabira nta n’igiceri bahawe, ni mu gihe n’uwo bazanye nta kinini aje guhindura cyangwa abarusha ahubwo urebye neza ushobora gusanga ari ku nyungu za bamwe.

Si umukinnyi u Rwanda rurwanira n’ibindi bihugu. Biramutse bibaye ko wenda yifuzwa n’ibindi bihugu, bitewe n’impano wagenekereza ukabyumva ko ari ukugira ngo batamutwara ariko ni umukinnyi utanifuzwa n’igihugu cye cya Cameroun.

Kuba agejeje imyaka 23 igihugu cye kitamutekerezaho ndetse nta n’ikindi kiramushaka, na we byakamuteye ipfunwe akumva ko akwiye koroshya akishimira ko hari igihugu cyamutekerejeho na we ntagorane akemera gukinira Amavubi.