Category: Uncategorized

Iki gikorwa cyabereye kuri Kigali Convention Center ahari hahuriye urubyiruko n'abayobozi mu nzego za Leta n'Ibigo biyishimakiyeho n'abikorera. Aguka ni umushinga uje gukemura ikibazo cy'ubushomeri mu rubyiruko uzamara imyaka 4 ugatwara agera kuri Miliyari 8 Frw.

Minisitiri w'Urubyiruko, Dr Abdallah Utumatwishima mu gutangiza uyu mushinga yagize ati: 'Icyo ngiye gusaba urubyiruko rero ni uko ubanza Imana ibaza abantu ngo ufite iki ngo mereho. Ni uko turimo twerekana umushinga ukeneye igitekerezo, ufite igitekerezo ki ngo duhereho.'

Avuga ko mu buzima ari ugukora ati: 'Ntabwo amafaranga ari ay’ubuntu, ni ay’abantu bafite ibitekerezo kandi bashyira hamwe kandi mugerageze gushaka ikintu mukora kandi mugikore. 

Kugira ngo ubone hafi ho gukora ni uko uba warabaye uwa mbere kuva mu myaka itandatu yanyu ya mbere. Nta bintu byo kuvuga ngo urasinzira ubuzima ni uguhangana.'

Asobanura neza icyo Guverinoma y'u Rwanda ishyize imbere none ati: ' Ikiduhangayishije ni uko urubyiruko rw'u Rwanda rubona icyo gukora, kugabanya imyitwarire mibi tujya tugira iyo tumaze guhaga.'

Abwira abazagira amahirwe yo gutanga imishinga yabo ikemerwa ko amafaranga ari ayo kubyaza umusaruro atari ayo kwinezezamo. ati: 'Amafaranga ntabwo ayo kwinezeza ngo agurwemo iPhone Pro Max no gukwamo ahubwo ni itaranto ryo gushora ngo bifashe abantu bose.'

Minisitiri w'Ikoranabuhanga na Inovasiyo, Paula Ingabire, yasobanuye impamvu ya Aguka ati:'Impamvu y'uyu munsi ni ukugira ngo tubashe kumva neza Aguka.'

Agaruka ku nkuru yo muri Bibiliya y'umukoresha wahaye abakozi be itaranto avuga ko amahirwe urubyiruko rubonye rukwiriye kuyabyaza umusaruro.

Abishimagira agira ati: 'Mwaguke kandi mubyaze umusaruro ibyo mwumva hano byose kandi mubere ijisho buri umwe. Turizera ko umwaka uzajya kurangira tumaze kugera ahantu byibuze harenga harindwi mu nguni zose z'igihugu dusobanura iby'uyu mushinga.'

Ambasaderi w'Umuryango wa EU mu Rwanda, Belen Calvo Uyarra na we yavuze ko bishimira gukomeza gukorana no gutera inkunga icyatuma cyose u Rwanda rukomeza gutera imbere by'umwihariko urubyiruko nk'ejo hazaza h'isi.

Ati: 'Dukora iyo bwaga kugira ngo u Rwanda rubashe kubona ibishobora gutuma rugera kure hisumbyeho, kuzamura imishinga n'ibitekerezo by'ubucuruzi ku rubyiruko.'

Muri iki gikorwa kandi abahanzi bo muri Art Rwanda Ubuhanzi basusurukije abitabiriye mu ndirimbo zitandukanye. 

Umuyobozi Mukuru wa Imbuto Foundation, Umutoni Sandrine yahaye intashyo za Madamu Jeannette Kagame abitabiriye imurikwa ku mugaragaro ry'umushinga wa Aguka, aho yagarutse ku musaruro witezwe kuri Aguka.

Ubutumwa bwa Madamu Jeannette Kagame buragira buti: 'Kuvuka no gukurira mu Rwanda ruha amahirwe urubyiruko ndetse no kwita ku muturage ntako bisa. U Rwanda ni igihugu gito mu buso ariko ni igihugu kigari mu ntekerezo nk’uko Umukuru w'Igihugu cyacu abitwibutsa kenshi;

Aguka nk'Ijambo cyangwa gahunda yo guteza imbere urubyiruko, ndatekereza ko ari ho riva, Aguka. Ni ugushyira ibitekerezo byanyu mureba kure mu rugendo rw'iterambere ryose mwifuza kugeraho;

Nk’uko mubizi MINIYOUTH, Imbuto Foundation ndetse n’abandi bafatanyabikorwa dufatanya muri gahunda zitandukanye ziteza imbere urubyiruko, navuga nka Innovation Accelerator Art Ubuhanzi mumfashe dushimire abafatanyabikorwa bacu kandi mpereye kuri mwebwe urubyiruko.'

Umuyobozi wa Imbuto Foundation, Sandrine Umutoni, yaboneyeho kandi gusaba urubyiruko kwiteza imbere ariko runakurikira gahunda y'igihugu ati:'Rubyiruko muteraniye hano kwiteza imbere kwanyu bigomba kujyana no kumenya gahunda igihugu kiba gifite, ibibazo bihari no kubishakira ibisubizo.'

Akomeza agira ati: 'Nk’uko mubizi mu gihugu cyacu twagize ibyago byo kubura abantu bitewe n'ibiza, nzi ko ibijyanye no gutabara tubifite twese ku mutima, nagira ngo rero mbakangurire turebe uko twaba hafi y’abagizweho ingaruka n’ibiza dukoreshe imbaraga zacu ariko cyane ibitekerezo by’uko bakongera gusubira mu buzima busanzwe mu gihe cya vuba cyane.'

Benshi mu batanze ibitekerezo bagarutse ku kamaro k’umushinga Aguka nk'amahirwe akomeye urubyiruko rw'u Rwanda rubonye mu mushinga wateguwe na Minisiteri y'Urubyiruko ku bufatanye n'iy'Ikoranabuhanga na Inovasiyo, Umuryango w'Ubumwe bw'u Burayi, EU, Ishami ry'Umuryango w'Abibumbye ryita ku Iterambere, UNDP, byatangije Umushinga wiswe AGUKA uzafasha urubyiruko kubona imirimo ibihumbi 100.

Muri iki gikorwa kandi hahembwe imishinga yahize iyindi muri YouthConnekt mu byiciro bitandukanye. Uwegukanye igihembo nyamukuru muri 497 bari bagerageje amahirwe, ni GreenCare Rwanda Ltd yegukanye Miliyoni 25Frw.

Minisitiri w’Urubyiruko yibukije urubyiruko ko buzima ari uguhatana kandi rukanibuka aho ruva ngo rudasesagura mu gihe rumaze kugira aho rugeraMinisitiri w’Ikoranabuhanga na Inovasiyo Paula Ingabire yasabye urubyiruko kubyaza umusaruro amahirwe rubona by’umwihariko AgukaUmuyobozi Mukuru wa Imbuto Foundation Umutoni Sandrine yatanze Intashyo za Madamu Jeannette Kagame anasaba urubyiruko gukomeza kwiteza imbere runakurikiranira hafi gahunda zitandukanye z’IgihuguAmbasaderi w’Umuryango w’Ubumwe bw’Uburayi mu Rwanda, UyarraAbayobozi kandi babonye umwanya wo gusura bimwe mu bikorwa by’urubyiruko mu mwanya wari washyizwehoByari ibyishimo bikomeye mu itangizwa rya Aguka igikorwa cyabereye muri KCCHahembwe kandi imishinga y’urubyiruko yahize indi muri YouthConnekt aho uwa mbere wegukanye Miliyoni 25Frw, uwa kabiri Miliyoni 20Frw, uwa gatatu Miliyoni 15Frw, uwa kane Miliyoni 10Frw n’indi yagiye ihambwa amafaranga atari macye

AMAFOTO: SANGWA JULIEN-INYARWANDA.COM

Ubwo yari mu kiganiro 'H Steph', Omah Lay wigeze gutaramira i Kigali, yavuze ko yanyuze mu buzima butari bworoshye na gato ku buryo kuba yarabashije kubwigobotora akaba ageze aho uyu munsi amahanga amurangamira, ari ibitangaza Imana yakoze, kuko ariyo ibasha gukiza abashavuye.

Omah agereranya ubuzima yabayeho nk'umuferege. Avuga ati 'Nari nko mu muferege nasaga nk’umuntu wiyishe, ariko ibyo byose byararangiye.'

Uyu munyamuziki atekereza ko Imana yamucishije muri ubwo buzima, kugira ngo igihe kimwe nagira aho agera azibuke abazaba bari muri ubwo buzima yanyuzemo.

Akomeza ati 'Ariko wenda hari ubwo nari ndiyo kugira ngo nanjye nzibuke ubwo buzima nabayemo maze nanjye mfashe abantu baburimo kuri ubu nabo babashe kubuvamo nk'uko nabuvuyemo.'

Omah ugezweho muri iki gihe mu ndirimbo 'Soso', yavuze ko bisaba imbaraga zihambaye, kugira ngo umuntu ‘nkanjye’ wanyuze mu bihe birushya umutima, abashe kuba yaravuyemo umuhanzi w'ikitegererezo.

Yungamo ati 'Ndabivuze byasaba izindi mbaraga kugirango ubone umuntu wabaye mwa buriya buzima nkanjye nonaha abe ari umuhanzi w’icyitegererezo nkange, noneho narangiza abivuge nta nkomyi.'

'Ntabwo nziko wabona umuhanzi wa Afro beat wakora nkabiriya nakoze kuri ubu, buri wese aba ari kwivugirako 'Afro beat' ntabirenze ari ibintu byoroshye, rero niyo mpamvu buri muntu agomba gutangazwa nibyo nkora, n'ubwo usanga bamwe bavuga ko umuziki wabaye akavuyo.'

Uyu muhanzi ashimangira ko nta bwoba afite bwo gukora umuziki ukwiye abafana be, ashingiye ku bihe yanyuzemo n'ibyo amaze kunyuramo mu muziki.

Omah Lay yavukiye ahitwa Port Harcourt. Mu gihe gito amaze mu muziki amaze guhatanira ibihembo bikomeye birimo City People Music Award nk'umuhanzi w'umwaka, MTV Africa Music Awards 2021, The Headies Award abicyesha indirimbo ye 'Bad Influence' n'ibindi.

Uyu musore w'imyaka 25 y'amavuko muri Gicurasi 2020 yasohoye EP yise 'Get Layd' iriho indirimbo ye yise 'You' na 'Bad Influence' zamumenyekanishije.

Tariki 13 Mutarama 2021, yabwiye Ikinyamakuru Teen Vogue ko yagiye gushyira ku isoko iyi EP afite ubwoba bw'uko yashoboraga kutakirwa neza na rubanda.

Avuga ariko ko ari muri studio yumvaga ifite icyanga biri no mu murongo yihaye wo gukora indirimbo zikora ku marangamutima ya benshi. Ati 'Umuziki wanjye n'ibyo nanyuzemo, ni njye, ni ubuzima bwanjye.' 

Omah Lay yatangaje ko yagerageje kwiyahura bitewe n'ibihe yanyuzemo 

Omah yavuze ko iyo hataba Imana atari kuva mu buzima buruhije umutima yanyuzemo 

Omah Lay yavuzeko ntabwoba afite bwo gukora umuziki nyawo, agendeye kuburambe amaze kugira m’umuziki. I

KANDA HANO UREBE AMASHUSHO Y'INDIRIMBO 'SOSO' YA OMAH LAY

“>

Umwanditsi: Jean Harerimana-InyaRwanda.com

Mu Karere ka Rubavu hari site zashyizweho abibasiwe n'ibiza zirimo iya Nyemeramihigo, Nyamyumba, Kanyefurwe n'iri kuri Vision Jeunesse Nouvelle.

Perezida Kagame yasuye abo baturage bibasiwe n'ibiza ndetse n'uduce byangije mu Karere ka Rubavu. Yasuye agace ka Mahoko, Nyundo na Pfunda. Hose yarebye uburyo ibiza byibasiye uduce dutandukanye, bigatwara ubuzima bw'abantu ndetse bikangiza ibikorwaremezo.

Abantu barenga ibihumbi icyenda ni bo bagizweho ingaruka n'ibi biza kuko bavuye mu byabo, mu gihe inzu ziri hafi 6000 zangiritse. Akarere ka Rubavu, ni kamwe mu twibasiwe cyane.

Abaturage bacumbikiwe muri iyi nkambi bahawe ibikoresho by'ibanze birimo ibiryamirwa n'inzitiramubu. Abana bashyiriweho irerero, aho buri munsi bahabwa amasomo mu gihe ababyeyi babo badahari.

Muri iyi nkambi hashyizwe ibikorwa by'ibanze byose umuntu yakenera, by'umwihariko serivisi z'ubuzima.

Niyonteze Claude yari atuye mu Murenge wa Rebero. Mu mwaka ushize, ibiza byibasiye hafi y'aho yari atuye, umukingo ugwira inzu yari munsi y'iye, hapfa umuntu umwe.

Ati “Ejo bundi muri iriya mvura y'ubushize nanone umukingo waramanutse, hari utubuye nari nashyizeho, nanone umukingo warongeye uramanuka ariko ku bw'amahirwe, ntawapfuye ariko aho inzu isigaye, ubanza ari santimetero cyangwa metero imwe ariko yongeye kugwa, inzu yahita igwa.”

Uyu muturage yavuze ko abayobozi bamubwiye ko agomba kwimuka kandi ko nawe abishyigikiye. Ati “None se urumva naba ahantu ntasinzira wumva ngo ejo cyangwa ejo bundi wahasiga ubuzima? Ndabishyigikiye.”

Nyirasafari Gaudence we yavuze ko yahunze nta kintu na kimwe afite, ku buryo muri iki gihe nta gikombe, nta safuriya, nta n'isahani. Yahunze ari kumwe n'abana be batanu.

Aho ari nubwo ari mu nkambi, yishimira ko afite iby'ibanze bimufasha kubaho neza.

Ati “Bampaye matola, ibyo kurya nabyo turarya ariko mu minsi ya mbere byazaga bitinze, ariko muri iyi minsi biza neza nta kibazo. Baduha akawunga n'ibishyimbo n'umuceli gusa wo ntabwo tuwurya ngo tuwuhage kuko ukundwa na benshi.”

Tuyisenge Jean Paul ari kuba mu nkambi ya Vision Jeunesse Nouvelle. Inzu ye yari mu kagari ka Kabirizi yarasenyutse, gusa nta muntu wahuyemo.

Ati “Ubufasha turi kubuhabwa, bari kuduha ijerekani, imbegeti [indobo] n'ibyo kurya nabyo bikaza. Kwivuza batuvuriza ubuntu, leta yarakoze, iyo batwishyuza byari kuba ari ikigeragezo.”

Yakomeje agira ati “Abana bari kubajyana kwiga, bagenda n'amaguru ariko bafashwa n'abantu ba Croix Rouge nibo babajyana. Abato bafite irerero ubu.”

Tuyisenge yavuze ko we n'umuryango w'abantu barindwi bose bari mu nkambi, nubwo ngo yisanze ari mu itandukanye n'iy'umugore we ariko yavuze ko yemerewe kujya kubasura.

Seburo Mvukiyehe yakodeshaga hafi y'umugezi wa Sebeya, inzu ye yarasenyutse. Ubu ari mu nkambi kandi ashima ko hari ubufasha we n'umuryango we bahabwa.

Ati “Baduha byose, baduhaye n'imyenda. Abana ni bo bayibonye mbere kuko bo bajya kwiga.”

Umukuru w'Igihugu byitezwe ko agomba kuganiriza aba baturage, akabagezaho ijambo ry'ihumure.

Kuva ibi biza byakwibasira igihugu, leta yabaye hafi abo byagizeho ingaruka, ishyiraho uburyo bwo kubafasha bw'igihe gito ndetse inafata ingamba zirambye zirimo gutuza abari ahantu hashobora gushyira ubuzima bwabo mu kaga, bakajya ahantu hatekanye.

Aba bakozi bita kuri aba bana amasaha yose

Akanyamuneza ni kose ku bana barererwa mu Irerero riri kuri site ya Nyemeramihigo

Buri muturage yahawe ibikoresho by’ibanze birimo ibiryamirwa

Aba baturage nubwo batishimiye ubuzima bw’ubuhunzi barimo, bafite icyizere ko mu gihe gito bazongera kubaho neza kuko bari gufashwa na leta

Serivisi z’ubuvuzi zagizwe ubuntu ku bantu bagizweho ingaruka n’ibiza

Abana bakiri bato bafite abakozi babitaho mu gihe ababyeyi babo bagiye mu mirimo

Abana bato bafite ababitaho mu Irerero ryashyizwe kuri site ya Inyemeramihigo

Abajyanama b’ubuzima baba bari hafi y’aba baturage ku buryo nta kibazo na kimwe cy’ubuzima bahura nacyo

Amafoto: Igirubuntu Darcy

Uyu muryango ukomoka mu Busuwisi watangiye gukorera mu Rwanda mu 2011, ukaba utanga serivisi zifasha mu iterambere ry'ibigo by'ubucuruzi bityo ba rwiyemezamirimo bakabasha kwiteza imbere no guhindura sosiyete baturukamo.

Buri mwaka BPN ihitamo ba rwiyemezamirimo 30 basobanutse kandi bafite imishinga itanga ibisubizo ku bibazo biri muri sosiyete, bagahabwa serivisi zitandukanye zizamura iterambere ry'ibigo byabo. Izi serivisi bazihabwa mu gihe cy'imyaka ibiri, aho buri wese agenerwa umujyanama wihariye umuherekeza, akanakurikirana ibikorwa by'ikigo cye mu buryo buhoraho.

Tariki ya 5 Gicurasi 2023, uyu muryango wizihije Umunsi Mpuzamahanga w'Umurimo wari ugamije muri rusange gushimira ba rwiyemezamirimo wakoranye na bo no kuzirikana umusanzu ukomeye bagize mu guhanga imirimo inoze kandi ihesha agaciro abayikora mu Rwanda.

Aba ba rwiyemezamirimo 63 mbere y'uko bahura na BPN bari barahanze imirimo 473 nyuma yo guhugurwa na yo barayizamura igera ku 1286, bityo bafasha mu kuzamura ubukungu bw'igihugu muri rusange.

Umuyobozi Mukuru Ushinzwe Umurimo muri Minisiteri y'Abakozi ba Leta n'Umurimo, Mwambari Faustin, yashimye BPN idahwema guharanira gufasha ba rwiyemezamirimo gutera imbere mu mfuruka zose.

Yagize ati 'BPN murimo gukora akazi keza ko gufasha abantu, ubusanzwe umuntu aba asanzwe ari rwiyemezamirimo ariko hari ubumenyi abona bushobora gutuma yaguka mu byo akora n'uko abikora, bishobora gutuma arenga n'imipaka.'

'Turatekereza rero ko ibi bintu bikomeje gukorwa bigashyirwamo imbaraga byafasha igihugu guhanga imirimo myinshi ku buryo dushobora kugera ku ntego yacu twihaye yo guhanga imirimo miliyoni 1,5 mu mwaka utaha.'

Umuyobozi Mukuru wa BPN Rwanda, Nkulikiyinka Alice, yavuze ko abahabwa serivisi zo kuzamura ibigo byabo n'uyu muryango bongererwa ubushobozi butuma ibigo byabo birushaho kwaguka.

Ati 'Akenshi iyo abantu basohotse muri iyi gahunda bagenda bavuga ngo ndumva nongerewe imbaraga zo kumenya uko ikigo cyanjye nakiyobora.'

'Ntabwo tuba twifuza ko bahava babyumva gusa ahubwo tuba dushaka ko bakura nk'abantu, ku buryo bumva bibahaye ingufu n'umwete ku buryo n'uwari ufite ibibazo ataha yishakamo ibisubizo.'

Ku ruhande rwa ba rwiyemezamirimo banyuze muri gahunda za BPN Rwanda bahamya ko byabagiriye umumaro kuko hari byinshi bungutse.

Umuyobozi w'Icapiro Comright Ltd, Gashugi Jean Pierre, winjiye muri BPN mu 2015 avuga ko serivisi yahawe zamufashije kumenya agaciro k'umukiliya no kwagura ibikorwa bye muri rusange.

Ati 'Duhura na BPN twari dufite abakozi batandatu bahoraho ariko ubu tugeze kuri 20 bahoraho kandi haba no mu micururize ubona ko ikigo cyacu cyazamutse, batwigishije ko ikigo tutagishinze ku bwacu ahubwo ari ku bw'umukiliya. Ikindi ni ukumenya kwita ku bakozi.'

Rwema Umutoni Laurène washinze Inzu y'Imideli, Uzi Collection, yavuze ko batangiye ibikorwa badafite umurongo w'ibyo bashaka kugeraho ariko BPN yabayoboye mu nzira igororotse.

Ati 'Mu gutangira twarebaga ibyo dushaka ariko ntitwari tuzi ngo abakiliya barashaka iki, ntabwo twari tuzi ngo igihugu dukoreramo kiradusaba iki, nta kintu twandikaga twabonaga amafaranga yinjira n'andi asohoka ariko tutandika.'

'Murabizi ukuntu umuntu ufite ubumuga bwo kutabona ugenda adafite inkoni ashobora kugwa, cyangwa guhura n'ibindi bimubangamira. Turashima cyane BPN kuko yaje kuturandata idufata akaboko kugira ngo dufunguke amaso tugende.'

BPN imaze imyaka 12 ikorera mu Rwanda yanyuzemo ba rwiyemezamirimo hafi 300 bakora mu nzego zirenga 20. Ifite ibyicaro hirya no hino mu bihugu birimo Kyrgyzstan, Nicaragua, Mongolia na Georgia.

Umuyobozi Mukuru wa BPN Rwanda, Nkulikiyinka Alice, yavuze ko abahugurwa n'uyu muryango bongererwa ubushobozi butuma imishinga yabo irushaho kwaguka

Umuyobozi Mukuru Ushinzwe Umurimo muri Minisiteri y'Abakozi ba Leta n'Umurimo (Mifotra), Mwambari Faustin, yashimye BPN uburyo ifasha ba rwiyemezamirimo gutera imbere bituma barushaho guhanga imirimo

Rwema Umutoni Laurène, washinze Inzu y'Imideli ya Uzi Collection, yavuze ko batangiye ibikorwa badafite umurongo w'ibyo bashaka kugeraho ariko BPN yabafashije kuwubona

Umuyobozi w'Icapiro Comright Ltd, Gashugi Jean Pierre, yavuze ko yinjiye muri BPN mu 2015. Yashimye ko amahugurwa yahawe yamufashije kumenya agaciro k'umukiliya no kwagura ibikorwa bya buri munsi

Aba ba rwiyemezamirimo bagaragaje ko BPN yatanze umusanzu ukomeye mu kwagura imishinga yabo

Nkulikiyinka Alice uyobora BPN aganira na ba rwiyemezamirimo basanzwe bakorana n’uyu muryango

BPN yifatanyije na ba rwiyemezamirimo bakorana mu kwizihiza Umunsi Mpuzamahanga w’Abakozi

Ibikorwa bya ba rwiyemezamirimo byagaragajwe, hashimwa intambwe bamaze gutera mu kunoza imikorere

BPN yishimanye na ba rwiyemezamirimo bamaze kwiteza imbere binyuze mu mikoranire bagiranye

Ba rwiyemezamirimo bashimiye BPN ubumenyi yabahaye mu gihe bamaze bakorana

Aba ba rwiyemezamirimo barimo Uzi Collection, yashinzwe na Rwema Umutoni Laurène, bagaragaje bimwe mu bikorwa bakora