Category: Uncategorized

Call Africa ni ikigo gifite uburambe muri serivisi z’ikoranabuhanga. Iki kigo gitanga inama ku bantu ndetse no ku bigo bibyifuza, ndetse bibanda ku nama zo gukoresha ikoranabuhanga n’itumanaho.

Niba uri umunyeshuri cyangwa umucuruzi ufite interinete mu kazi kawe cyangwa wiga, Call Africa igufitiye uburyo wa kwaguramo ubucuruzi bwawe kandi nawe ukabasha gakora uzamura imibereho yawe buri munsi ikagenda neza.

Ni muri urwo rwego muri servisi zitangwa na Call Africa, ikomeje kubagezaho servisi nyinshi zitandukanye kandi zigezweho aho ubu buri munyarwanda wese adakwiye guta umwanya ashakisha uko yatangira umurimo ubyara inyungu, ahubwo yabagana bakamufasha kubona imikorere.

Wakwibaza uti bikorwa bite rero? Tangira wisunga Call Africa muri servisi itanga, usura www.callafrica.rw, maze ubone zimwe muri servisi batanga nawe ube umufatanyabikorwa wabo byoroshye.

Dore zimwe muri servisi ziza ku ikubitiro za Call Africa :

BULK SMS: Ubu ni uburyo bugezweho buhendutse kandi bukoreshwa n’ingeri zose zifite ubutumwa zifuza gutambutsa ku bantu benshi icyarimwe, kandi buhendukira ababukoresha dore ko abamaze kubumenyera batajya bafata n'umwanya wo guhaguruka aho bari:

Ubu buryo bwa BURK SMS wabukoresha muri ibi bikurikira:

Abifuza gutanga amatangazo yamamaza, wifuza gutumira abantu mu bitaramo, wifuza gutumira abantu mu bukwe, wifuza kumenyesha abantu kwitabira inama z'ubukwe, n'ibindi.

Ubu buryo kandi bukoreshwa cyane n'amashyirahamwe, amadini igihe yifuza gutanga ubutumwa runaka, imiryango itegamiye kuri Leta, ibigo bya Leta n'abandi benshi.

Uburyo bwo gukoresha BULK SMS, ni imwe muri serivisi Call Africa yabashyiriyeho kugira ngo yorohereze abakunzi bayo gukoresha igihe neza, kandi bagere ku bantu benshi mu gihe gito ku kiguzi gihendutse.

Call Africa yashyizeho gahunda yise 'Kora wigire' igamije kuzamura imibereho myiza y'urubyiruko bakivana mu bukene no mu bwigunge.

Call Africa irahamagarira urubyiruko kwitabira iyi gahunda yabashyiriweho kuko izongera amahirwe yabo yo kwikorera no kwiteza imbere bo ubwabo, bagateza imbere n'Igihugu cyabo.

Mu bindi bishya Call Africa yazaniye abanyarwanda kandi ni uko kuri ubu Call Africa yazanye Digital Telephone System ku bigo ndetse no mu ngo z'abantu.

Call Africa kandi ishishikariza ibigo bya Leta, amabanki (Banks), ibigo by’ubwishingingi (Insurance companies), amavuriro (Hospitals), amahoteri (Hotels), ibigo by’amashuri (Schools), ko babafitiye Sisitemu z'ubwoko butandukanye kandi zihendutse zabafasha.

Bimwe mu bitangwa na Call Africa bijyanye n'icyerekezo cy'Igihugu harimo gukora mu buryo bwibanda ku ikoranabuhanga. Ni muri urwo rwego Call Africa itanga IP Phones, IP PBX, Call Center Dialers, Headsets, Video conferences n'ibindi.

Ibi bikaba bijyanye n'icyerekezo cy'Igihugu aho u Rwanda rukataje mu gukoresha ikoranabuhanga ndetse no muri Afurika  yose.

Niba hari ikifuzo, igitekerezo, inyunganizi cyangwa indi mikoranire waba wifuza kugirana na Call Africa, wabahamagara kuri 0788302371. Email zabo ni [email protected] , [email protected]

Call Africa ni ikigo gifite uburambe mu ikoranabuhanga

Source : https://inyarwanda.com/inkuru/129258/call-africa-yahamagariye-ababyifuza-kuyihagararira-mu-bice-byigihugu-inabatangariza-serivi-129258.html

Zuma-Sambudla umukobwa wa Jacob Zuma wayoboye igihugu cya Afurika y'Epfo arashinjwa gukwirakwiza amakuru y'ibihuha byangisha abaturage Ukraine.

Raporo iherutse y'ikigo cyo mu Bwongereza, The Centre for Information Resilience, igaragaza ko Zuma-Sambudla yifashisha Twitter mu gukwirakwiza amakuru ashyigikiye u Burusiya, ibintu bituma n'abandi baturage bishyiramo Ukraine ntibumve impamvu irwana.

DuduZile Zuma-Sambudla afite abamukurikira bagera ku 237 000 kuri Twitter. Akunze gushyiraho amakuru yerekana ko ashyigikiye cyane u Burusiya, ikintu ahuje na benshi mu baturage b'icyo gihugu.

Raporo nshya imushinja kwangisha abaturage Ukraine, bitewe n'ayo makuru atangaza ndetse akenshi bikandikwa no mu binyamakuru bikomeye imbere mu gihugu.

Ntacyo Zuma-Sambudla aratangaza kuri ibyo birego icyakora si we gusa ukomeye muri Afurika y'Epfo ugaragaza ko ashyigikiye u Burusiya, kuko ari nako bimeze kuri Julius Malema ufite ishyaka EFF ritavuga rumwe na Leta.

Afurika y'Epfo imaze igihe ishyirwaho igitutu n'ibihugu byo mu Burayi na Amerika, ishinjwa kwiyorobeka ku kibazo cya Ukraine n'u Burusiya.
Bifuza ko Afurika y'Epfo yamagana u Burusiya, nyamara icyo gihugu cyabiteye utwatsi kivuga ko nta ruhande gikwiriye gufata.

Source : https://umuryango.rw/amakuru/mu-mahanga/article/imfura-y-umukobwa-ya-jacob-zuma-irashinjwa-gushyigikira-uburusiya

Ubu buryo nanone busigaye bukoreshwa n'abantu basuhuzanya kubera iterambere ririho mu minsi yanone,hari n'ababyeyi bakunze gusoma abana babo kugira ngo barusheho kwegerana nabo no kubagaragariza urukundo rwa kibyeyi babafitiye.

Uyu umuco Nnubwo wazanywe n'abazungu wakunzwe na benshi bakanawushyira mu bikorwa, ubushakashatsi bwagaragaje ko bigira ingaruka mbi ku buzima bw'umuntu zikubiye muzikurikira hepfo:

Kwangirika amenyo

Iki ngo ni ikibazo kivuka hagati y'umwana na nyina igihe umubyeyi akunda gusoma umwana we ku munwa. Hari ubwo umubyeyi asoma umwana ku munwa maze akamusigaho udukoko twangiza amenyo y'umwana bityo igikorwa cyo kwangirika kw'amenyo ye kigatangira ubwo.

Ubusanzwe ngo utwo dukoko ntabwo tuba mu kanwa k'umwana muto, ahubwo tuba twibereye mu macandwe y'abantu bakuru, iyo rero umuntu mukuru asomye umwana ngo ashobora kumwanduza utwo dukoko binyuze mu matembabuzi yo mu kanwa.

Indwara yitwa Meningococcal

Iyi ni indwara yandurira mu gusomana kandi ngo ifite ubushobozi bwo guhitana uwayirwaye. Iyi ndwara iyo igeze mu mubiri ibanza kwangiza umurongo uhuza ubwonko n'urutirigongo (spinal cord) ruhuza ubwonko n'izindi ngingo z'umubiri.

Ubushakashatsi bwagaragaje ko iyi ndwara ikunda gufata cyane abantu basomana bakamara umwanya bonkana ururimi (deep kissing).

Hepatite B

Binyuze mu gusomana, ngo abantu baba bafite ibyago byo kwandura iyi ndwara ya Hepatite yo muri ubu bwoko ikomeje guteza ikibazo ku isi.

Iyi ndwara ifata umubiri iyo igikorwa cyo gusomana kibaye maze amatembabuzi y'uwanduye iyi ndwara agahura n'amatembabuzi yo mu kanwa k'uwo bari gusomana.

Ibi ngo bikunze kubaho ku bantu basomana ariko bakaba bafite ibikomere ku munwa ari naho kwa guhura kw'amaraso n'amatembabuzi bihurira maze agakoko gatera iyi ndwara kakabona urwaho rwo kugera mu mubiri muzima.

Imitezi yo mu kanwa :

Imitezi ngo ni indwara ifata imyanya y'ibanga ikayitera uburibwe bukomeye cyane. Uretse iki gice ngo hari n'ubwo ifata igice cy'akanwa hanyuma ikagatera uburibwe burushaho kwiyongera uko iminsi ihita indi igataha.

Nubwo iyi ndwara ikunze kwandura binyuze mu gukora imibonano mpuzabitsina ndetse ishobora no kwandurira mu gusomana hagati y'uyirwaye n'utayirwaye.

Indwara z'ubuhumekero :

Uretse izi ndwara tuvuze, hari n'izindi ndwara z'ubuhumekero zandurira mu guhuza amatembabuzi cyangwa zandurira mu mwuka abantu benshi bandurira mu gusomana nk'urugero nka Coronavirus.

Ni ingenzi kumenya ibyo dukora ndetse n'ingaruka bigira ku buzima bwacu maze buri wese agahitamo ibimunogeye. Benshi bishimira igikorwa cyo gusomana ariko nyuma yo kubona ingaruka bigira ku buzima, ibyiza ni ukubireka hato bitazagukururira uburwayi bukomeye.

Source : https://umuryango.rw/amakuru/urukundo/article/reba-indwara-zikomoka-mu-gusomana-zishobora-gushyira-ubuzima-bw-umuntu-mu-kaga-71300

Uyu muryango wa EAC utangaje ibi mu gihe Perezida Félix Tshisekedi , kuri uyu wa kabiri yashinje ingabo z''Akarere EACRF kudakora icyazizanye , aziteguza kuzirukana mu kwezi gutaha mu gihe zitabogamira ku ruhande rwe.

Perezida Félix Tshisekedi yanashije izi ngabo za EACRF gukorana n'inyeshyamba za M23 zihangana byeruye na FARDC nk'igisirikare cy'igihugu, bapfa kubita abanyamahanga aho kuba abenegihugu nka bagenzi babo.

Umunyamabanga mukuru w'umuryango EAC, bwana Peter Mathuki yavuze ko nta rwandiko urwo arirwo rwose yaba yarakiriye ruturutse kwa Perezida Tshisekedi yenda rwinubira imikorere y'ingabo z'akarere EACRF ngo kiganirweho n'Abakuru b'ibihugu by'EAC.

Kubwibyo rero ngo mureke twubahe imyanzuro yafatiwe mu nama yahuje abakuru b'ibihugu by'akarere kandi twemere ko ikibazo bakizi hari n'icyo barimo kugikoraho kandi gikwiye.

Mr Mathuki yabivugiye kuri Televiziyo yo muri Uganda yitwa NTV kuri uyu wa kane.

Umuyobozi w'umuryango wa EAC aherutse kubwira RFI ko ibyo ubutegetsi bwa Congo burega igisirikare cy'Umuryango kizwi nka EACRF nta shingiro bifite kandi ko bidasobanutse.

Ati' kuvuga ko ingabo zacu EACRF ntacyo zirimo gukora mu gahe gato nk'aka zimaze nti bikwiye .ikindi kandi abantu bakwiye kumenya n'uko kuzanira kongo umutuzo bitoroshye nk'uko abantu babitekereza'.

Ibirego bya kongo ku ngabo z'Akarere bije nyuma y'umunsi umwe gusa ibihugu byo mu muryango w'ubukungu byo mu majyepfo y'Afurika SADC byemeje kohereza ingabo mu burasirazuba bwa Congo.

Source : https://umuryango.rw/amakuru/mu-mahanga/politiki/article/eac-yasabye-abategetsi-ba-rdc-kubaha-iteka-ryashyizeho-ingabo-z-akarere

Sinkubwiye ngo usa na bike,

Ntacyo ndabona muhwanye.

Mu byiza byose urabanza,

Ahari inzu uba uri ikibanza.

Uri umusingi w'ibyishimo,

Ni wowe mahoro antuyemo.

Aho utari sinzigera mpaba,

Aho uri sindigera mpava,

Uru rukundo ntaho ruzajya,

Nguma iruhande ntapfa.

Source : https://yegob.rw/umutoma-wumunsi-ku-wa-12-gicurasi-2023-amagambo-meza-wabwira-umukunzi/

Christella uri mu bagize itsinda ry'abakobwa 6 batunze agatubutse bagize itsinda rya 'Kigali Boss Babes', rikomeje kugarukwaho ku mbuga nkoranyambaga, yagaragaye ari kumwe n'itungo rye.

Uyu Christella yashyize hanze ifoto ari kumwe n'imbwa ye bigaragara ko ayishimiye, uyu nawe abarizwa mu baherwekazi bagize itsinda rya Kigali Boss Babes, aho bafite intego yo gukora ikiganiro kizagaruka ku buzima bwa buri umwe mu bagize iri tsinda uko ari 6.

AMAFOTO

Source : https://yegob.rw/yagiye-gucirira-rya-tungo-umwe-mu-nkumi-zigize-kigali-boss-babes-yagaragaye-ari-kumwe-nitungo-rye-amafoto/

Mu Rwanda bisa n’aho guhohotera abasifuzi cyangwa kubabangamira atari ikosa kuko abagiye babikora cyane cyane muri uyu mwaka w’imikino ntacyo byigeze bibakoraho.

Ubusanzwe umusifuzi mu kibuga aba afite ubudahangarwa cyane ko na we iyo hari ibyemezo afashe bitari byo nyuma bikagaragara abihanirwa, ni yo mpamvu iyo hari umukinnyi umusagariye byanze bikunze na we aba agomba guhanwa.

Dufashe urugero ruto tariki ya 19 Werurwe ubwo Manchester United yakinaga na Fullham muri ¼ cya FA Cup, rutahizamu w’umunya-Serbia, Aleksandar Mitrovic ukinira Fullham ntiyishimiye ko umusifuzi atanze penaliti maze aragenda asa n’umusunika amwereka ko atishimiye icyo cyemezo.

Umusifuzi Chris Kavanagh nta kindi yakoze yahise amuha ikarita y’umutuku. Ntibyagarukiye aha, uyu rutahizamu yaje no gufatirwa ibindi bihano n’ishyirahamwe ry’umupira w’amaguru mu Bwongereza aho yahise ahagarikwa imikino 8.

Gusa iyo tugarutse mu Rwanda dusanga bisa n’ibitandukanye ahubwo abakinnyi ari bo bafite ubudahangarwa kurusha abasifuzi, kereka iyo yakubiswe akagirwa intere nk’ibyabaye kuri umwe mu basifuzi basifuye umukino wa La Jeunesse na AS Muhanga tariki ya 3 Werurwe 2023 aho abakinnyi ba La Jeunesse; Imena Yves, Salomon Oleko na Nshimiye Said bahagaritswe amezi 6 n’aho umutoza Ndayisenga Kasim ahagarikwa umwaka kubera gukubita umusifuzi bakamugira intere.

Mu cyiciro cya mbere mu Rwanda ni kenshi abasifuzi bahagarikwa cyangwa bagahanwa bitewe n’uko basanze ibyemezo bafashe ku mikino hari ukuntu byari binyuranye n’ukuri.

Gusa muri uyu mwaka w’imikino wa 2022-23 ni kenshi abasifuzi bagiye basagarirwa n’abakinnyi bitewe n’ibyemezo bafashe kandi nyamara nyuma bikagaragara ko bari bari mu kuri ariko abakinnyi babasagariye ntibahanwe ndetse ntihagire n’ikarita bahabwa.

Tugarutse ku ngero zimwe na zimwe. Tariki ya 11 Ugushyingo 2022, Kiyovu Sports yatsinze Rayon Sports 2-1 mu mukino w’umunsi 9 wa shampiyona, ni umukino wagaragayemo imvururu zibasiye abasifuzi.

Hari nyuma y’uko umusifuzi w’igitambaro Karangwa Justin yari yanze igitego cya Rayon Sports cyatsinzwe na Ndekwe Felix avuga ko habayemo kurarira. Abakinnyi ba Rayon bahise bamwirundaho maze Ndizeye Samuel aramusunika.

Samuel yasunitse umusifuzi Karangwa birangirira aho

Tariki 15 Kanama 2022, ni bwo ikipe ya AS Kigali FC yegukanye igikombe cya Super Cup nyuma yo gutsindira APR FC kuri penaliti.

Muri uyu mukino warangiye ari 0-0, ku munota wa 27 APR FC yabonye penaliti ku ikosa Haruna Niyonzima yakoreye Niyibizi Ramadhan nubwo Lague yaje kuyihusha. Nk’uko byagaragaye mu mashusho Haruna yegereye umusifuzi wa mbere w’igitambaro Mugabo Eric wari usifuye iri kosa maze amubwira ko nubwo atanze penaliti ikosa ryakorewe inyuma y’urubuga rw’amahina.

Undi yahise amubaza icyo aje kubaza maze Haruna umujinya urazamuka amubwira kujya bareka ruswa bagasifura neza ndetse anongeraho n’andi magambo ateye isoni umuntu atasubiramo.

Haruna Niyonzima yabwiye amagambo akomeye Mugabo Eric

Ku mukino w’umunsi wa 26 wa shampiyona wabaye tariki ya 22 Mata wo Police FC yatsinzemo 2-1 APR FC, haje kuvuka imvururu nyuma y’uko abasifuzi banze igitego cya 3 cya Police FC.

Muri izi mvururu amashusho yafashwe Rutanga asagarira abasifuzi ndetse binakekwa ko yaba yaranakubise ingumi umusifuzi wa mbere w’igitambaro kuri uwo mukino Mugabo Eric cyane ko bivugwa ko ari we watanze amakuru y’uko nubwo icyo gitego kigiyemo ariko habayeho kurarira.

Rutanga na we yasagariye abasifuzi

Ibindi ni ibya vuba cyane nta n’iminsi 2 irashira ku mukino ubanza wa ½ mu gikombe cy’Amahoro wo APR FC yanganyijemo na Kiyovu tariki ya 10 Gicurasi 2023.

Uyu mukino ubwo wari ugeze ku munota wa 89, Kwitonda Alain Bacca yatsindiye APR FC igitego cya kabiri ku ishoti rikomeye yatereye inyuma y’urubuga rw’amahina ariko basifura ko habayeho kurarira kuko Yunusu ashobora kuba ahari ukuntu yakingirije umunyezamu Kimenyi Yves.

Ntabwo bakiriye neza iki cyemezo maze basagarira umusifuzi wa mbere w’igitambaro Ishimwe Didier wari usifuye iryo kosa ndetse amashusho agaragaza Mugisha Bonheur amukubita umutwe.

Ejobundi abakinnyi ba APR FC basaariye umusifuzi Bonheur amukubita umutwe

Ibyo byose nubwo byabaye, nta mukinnyi n’umwe wigeze abihanirwa cyane ko n’abasifuzi ubwabo bakorewe ayo makosa nta n’amakarita bigeze bababaha.

Reba amwe mu mashusho bibasira abasifuzi

View this post on Instagram

A post shared by ISIMBI TV (@isimbi__tv)

Source : http://isimbi.rw/siporo/article/abakinnyi-guhohotera-abasifuzi-byabaye-umuco-ko-abibikora-badahanwa-amafoto-video

Mu rwego rwo gushyigikira ikipe ya Rwanda Energy Group Basket Ball yitegura  yitegura imikino ya nyuma ya BAL igiye kubera mu Rwanda ku nshuro ya 3, kuri uyu wa Kane, Minisitiri wa Siporo Aurore Munyangaju Mimosa ari kumwe na Ambasaderi Harelimana Abdoul basuye iyi ikipe banayigenera impanuro n'ubutumwa bw'intsinzi.

Ni ubutumwa bwatanzwe nyuma y'i myitozo yaraye ibereye mu nyubako ya BK Arena ari naho ikipe ya REG BBC isanzwe iyikorera ndetse kandi ari naho iyi mikino ya nyuma izabera.

Nk'uko byatangajwe na Minisiteri ya Siporo, Minisiti Munyangaju akaba yasabye Aba bakinnyi ndetse n'ikipe yose muri Rusange kuzitwara neza bagahagarira neza igihugu bagihesha ishema ubwo iyi mikino izaba itangiye mu mpera z'iku kwezi kwa Gicurasi.

Ambasaderi Harelimana Abdoul wari kumwe na Minisitiri wa Siporo, yabwiye abakinnyi ba REG BBC ko urukundo rw'Igihugu arirwo rwagiye rutuma abanyarwanda batsinda urugamba mu bihe bitandukanye.

Abasaba kuzitwara neza muri iri rushanwa bagaha ibyishimo abanyarwanda.

Ikipe ya REG BBC ihagarariye u Rwanda mu Irushanwa Nyafurika rya Basketball Africa League (BAL 2023) ritegurwa ku bufatanya na Shampiyona ya Basketball muri Amerika (NBA), izahura na Al Ahly yo mu Misiri mu mikino ya kamarampaka izabera i Kigali hagati ya tariki ya 20 n'iya 27 Gicurasi.

Imikino ya nyuma iteganyijwe kubera i Kigali muri BK Arena mu mpera z'uku kwezi, umukino wa mbere uzahuza Stade Malien na Cape Town Tigers, Al Ahly izahura na REG BBC, Petro de Luanda na ABC Fighters, mu gihe AS Douanes izahura na Clube Ferroviário da Beira.

Mu rwego rwo kwitegura neza iyi mikino, REG BBC iri mu mwihererero kuva tariki 1 Gicurasi 2023, aho uyu mwaka iri ifitemo abakinnyi nka Adonis Filer, Delwan Graham, Cleveland Thomas Junior, Pitchou Manga ndetse na Ndizeye Dieudonné.

Aba biyongeraho kandi Ulrich Chomche wavuye 'NBA Africa Academy', Hagumintwari Steven na Nshobozwabyosenumukiza Jean Jacques Wilson.

The post Amafoto — Minisitiri Aurore Mimosa na Ambasaderi Abdoul Harelimana basuye ikipe ya REG BBC yitegura BAL 2023 appeared first on RUSHYASHYA.

Source : https://rushyashya.net/minisitiri-aurore-mimosa-na-ambasaderi-abdoul-harelimana-basuye-ikipe-ya-reg-bbc-yitegura-bal-2023/?utm_source=rss&utm_medium=rss&utm_campaign=minisitiri-aurore-mimosa-na-ambasaderi-abdoul-harelimana-basuye-ikipe-ya-reg-bbc-yitegura-bal-2023

Ni ibyatangajwe n'Umuvugizi w'uyu mutwe, Lawrence Kanyuka; mu itangazo yasohoye mu gitondo cyo kuri uyu wa Gatanu tariki ya 12 Gicurasi 2023.

Uyu mutwe umaze igihe warahagaritse imirwano n'Ingabo za Repubulika Iharanira Demokarasi ya Congo ndetse uva muri tumwe mu duce wagenzuraga nk'uko wabisabwe n'inama ya Luanda yo mu Ugushyingo 2022, gusa Kinshasa yarahiye ko itazigera yicarana na wo ku meza y'ibiganiro.

Perezida João Lourenço wa Angola usanzwe ari umuhuza mu bibazo by'umutekano biri mu burasirazuba bwa Congo aheruka kubwira France 24 ko M23 imaze igihe yubahiriza imyanzuro y'inama ya Luanda nk'uko yabisabwe, gusa Leta ya Congo ku ruhande rwayo ikaba ikomeje kugenda biguru ntege.

M23 ivuga ko kuba Kinshasa nta mwanzuro n'umwe wa gahunda ya Luanda na Nairobi yubahirije ari “ukwirengagiza nkana imbaraga abayobozi b'akarere, abafatanyabikorwa mpuzamahanga ndetse n'Umunyamabanga Mukuru wa Loni bakomeje gushyira mu gushaka mu mahoro igisubizo cy'amakimbirane akomeje mu burasirazuba bwa RDC.”

Uyu mutwe ushinja Kinshasa kuba yarashyize iherezo ku biganiro by'amahoro igahitamo kwihuza n'imitwe yose yitabiriye ibiganiro bya Nairobi iyinjiza mu gisirikare cyayo, cyo kimwe n'indi mitwe irimo FDLR, NYATURA, MAI-MAI ndetse n'abacanshuro.

Uvuga ko Leta ya Congo ikomeje gahunda yawo y'intambara, ibishimangirwa n'imvugo z'urwango ndetse n'izibasira abanyamahanga ikomeje kwenyegeza, ubwicanyi bushingiye ku moko ikomeje gukora ndetse no kuba Ingabo zayo zikomeje kwigarurira uduce M23 yarekuye.

Mu ntangiriro z'iki cyumweru ku busabe bwa Leta ya Congo, umuryango wa SADC wemeye ko izohereza muri Congo Ingabo zo gufasha iki gihugu kurandura imitwe yitwaje intwaro ikorera mu burasirazuba bwacyo.

Byari nyuma y'uko Perezida Félix Antoine Tshisekedi anenze ku mugaragaro Ingabo z'Umuryango wa Afurika y'Iburasirazuba zoherejwe mu gihugu cye avuga ko nta musaruro zigeze zitanga.

M23 ivuga ko kuba SADC yaremeye kohereza Ingabo zayo muri Congo ari ikindi kimenyetso cy'uko Kinshasa idashaka amahoro, gusa yibutsa uriya muryango ko ari umwe mu bafatanyabikorwa b'amasezerano yashyiriweho umukono i Nairobi mu Ukuboza 2013.

Source : https://umuryango.rw/amakuru/mu-mahanga/umutekano/article/m23-yatabaje-ko-ubutegetsi-bwa-rdc-buri-gutegura-kuigabaho-igitero-izitabara

Minisiteri ya Siporo yagaragaje ko guhera mu mwaka w'ingengo y'imari wa 2023/24, hazatangira imishinga irimo kubaka stade zitandukanye hirya no hino mu gihugu zirimo iy'i Musanze n'i Nyagatare, zombi zizaba zifite ubushobozi bwo kwakira abantu basaga ibihumbi 30.

Byagaragajwe kuri uyu wa 11 Gicurasi 2023 ubwo Minisiteri ya Siporo yari yitabye Komisiyo y'Abadepite ishinzwe Ingengo y'Imari n'Umutungo w'Igihugu, hakorwa isesengura ry'ishyirwa mu bikorwa ry'ingengo y'imari ya 2022/23 n'ibiteganywa mu mwaka w'ingengo y'imari wa 2023/24.

Ku bijyanye n'ibikorwa n'imishinga y'iterambere biteganyijwe mu ngengo y'imari y'umwaka wa 2023/24 n'ibyambukiranya imyaka, Minisitiri wa Siporo, Munyangaju Aurore Mimosa, yavuze ko hari imishinga bazafatanyamo n'inzego zirimo Minisiteri y'Imari n'Igenamigambi, Ikigo cy'Igihugu gishinzwe Imiturire (RHA), Umujyi wa Kigali n'Uturere.

Aha ni ho yagaragaje ko umushinga wa Kigali Sports & Entertainment City, ukubiyemo kuvugurura no kwagura Stade Amahoro ikagera ku bushobozi bwo kwakira abantu ibihumbi 45, ukomeje gukorwa. Hazavugururwa kandi Petit Stade n'Inzu y'imikino y'Abafite ubumuga.

Hari kandi kwagura Stade Mpuzamahanga ya Huye mu gice cya kabiri, ikagera ku rwego rwo wakira abantu ibihumbi 10, ivuye kuri 7900.

Stade ya Kigali yitiriwe Pelé izavugururwa ndetse yagurwe ku buryo izajya yakira abantu basaga ibihumbi 30, ikazaba ingana n'ibindi bibuga bizubakwa i Musanze n'i Nyagatare.

Munsi y'izo stade, hazaba hari iy'i Gicumbi, Rubavu n'i Nyanza, zo zizaba zifite ubushobozi bwo kwakira abantu basaga ibihumbi 20.

Mu yindi mishinga Minisports yagaragaje harimo kubaka ibikorwaremezo birimo imihanda yo kwitegura Shampiyona y'Isi y'Amagare ya 2025 aho bazakorana n'ibigo birimo RTDA, RISA na RDB.

Hari kandi no kubaka ibibuga bya Tennis muri IPRC Kigali n'ibibuga 200 by'imyidagaduro mu tugari two mu bice bitandukanye mu Rwanda.

Minisiteri ya Siporo yari ifite umushinga wo kubaka ibibuga 200 mu tugari ku bufatanye na Minisiteri y'Ubutegetsi bw'Igihugu, bigashyirwamo 1,400,000,000 Frw.

Gusa, hagaragajwe ko hakorerwa mu bushobozi buhari kuko hari ibindi bikorwa by'ingenzi ku rwego rw'igihugu bityo mu bibuga 200 byagombaga gukorwa, hazakorwa 28 bizatwara miliyoni 200 Frw.

Mu bindi biteganywa harimo kubaka 'High Perfomance Sports Infrastacture' i Huye kuri 438,000,000 Frw no gushyiraho 'Sports High Perforamance Center' yasabwe mu 2020/21 ariko ntihatangwe ingengo y'imari ya 480,000,000 Frw.

Perezida wa Komisiyo y'Imibereho myiza y'abaturage, Depite Uwamariya Odette, yashimye ibyagaragajwe na Minisitiri wa Siporo, ariko asaba ko hazagaragazwa ingengo y'imari ya buri mushinga ku buryo hashobora kubanzwa iby'ingenzi mu gihe amafaranga yaba atabonekeye rimwe.

Ati “Muri rusange, ubona hari ibikorwa bifite icyuho kinini, icyafasha ari ukugaragaza ingengo y'imari ya buri mushinga kugira ngo turebe nibura icyakorwa mu gihe ingengo y'imari itabonekera rimwe kuko kuri ziriya miliyari 9 Frw zisaga yavuze, bigaragara ko habonetse miliyari 3 Frw gusa, bigaragara ko harimo icyuho kinini cyane. Ariko hari ibishobora guherwaho, bikagirwa iby'ingenzi bitewe n'ibyo igihugu cyifuza.'

Visi Perezida wa Komisiyo y'Ingengo y'Imari, Depite Nyirabazayire Angélique, we yabajije Minisitiri wa Siporo, Munyangaju Aurore Mimosa, niba stade zizubakwa ahasanzwe ibibuga, zizubakwa bundi bushya cyangwa niba ari ukuzavugurura izisanzweho.

Ati 'Numvise stade zigiye kuvugururwa zigashyirwa ku rwego rwisumbuyeho, zose ko zubatse mu turere, keretse bamaze impungenge, urwego zariho zubakwa, zigiye kongerwa? Ese mu kuzongera tuzasenya twubake bundi bushya? Ntabwo numvise neza ikigiye gukorwa.'

Yagaragaje kandi ko no mu bibuga byavuzwe na Minisiteri ya Siporo bigomba kubakwa, hatarimo Stade ya Karongi kandi 'hashize igihe kinini isabwa'.

Ati 'Ndashaka kumva gahunda baba bayifitiye kuko iyo bari bafite yari Gatwaro, murabizi icyahabereye, ubwo rero birasaba ko hubakwa indi.'

Gusa, mu bisubizo byatanzwe na Minisiteri ya Siporo, iki ntikigeze kigarukwaho, ariko yagaragaje ko ingengo y'imari y'ibi bikorwa inyuzwa muri Minisiteri y'Ibikorwaremezo n'Ikigo cy'Igihugu cy'Imiturire.

Ati 'Kigali Pelé Stadium iri mu bikorwa byasabiwe ingengo y'imari mu mwaka wa 2024/25, nk'uko bisanzwe, ingengo y'imari ikaba inyuzwa muri MININFRA, ikaba inyuzwa muri RHA. Kimwe n'izindi stade twavuze zirimo iya Musanze, Rubavu, Gicumbi no kuvugurura Stade ya Nyagatare, Amahoro na Nyanza na Huye iri mu cyiciro cya kabiri [cyo kuvugururwa].'

Perezida wa Komisiyo y'Abadepite ishinzwe Ingengo y'Imari n'Umutungo by'Igihugu, Prof Munyaneza Omar, yavuze ko kuba Minisiteri ya Siporo igeze kuri 84% mu gushyira mu bikorwa ingengo y'imari ya 2022/23 biri mu murongo mwiza, ayisaba kuba yageze hejuru ya 90% muri Kamena.

Yijeje ko ibyuho byagaragajwe bizaganirwaho nibahura na Minisiteri y'Imari n'Igenamigambi ku buryo nta mushinga wadindira kandi waratangiye.

Source : https://umuryango.rw/imyidagaduro/imikino/article/ibyo-wamenya-ku-bikorwa-remezo-bya-siporo-bigiye-kubakwa-mu-rwanda