Category: Uncategorized

Rayon Sports yageze ku mukino wa nyuma w’igikombe cy’Amahoro nyuma gusezerera Mukura VS ku giteranyo cy’ibitego 4-3.

Rayon Sports yari yakiriye Mukura VS mu mukino wo kwishyura wa 1/2 cy’igikombe cy’Amahoro, yasabwaga kunganya gusa kugira ngo igere ku mukino wa nyuma.

Ni umukino wabereye kuri Kigali Pelé Stadium kuri uyu wa Gatandatu tariki ya 13 Gicurasi 2023 aho Rayon Sports yasabwaga kunganya gusa kugira ngo igere ku mukino wa nyuma kuko umukino ubanza yatsindiye i Huye 3-2.

Ni umukino abafana bari baje bitwaje ibyapa byanditseho “Sorry” basaba imbabazi abakinnyi nyuma yo kwanga kubakomera amashyi bakayakomera abakinnyi ba Gorilla FC, nyuma abakinnyi nabo nyuma yo gutsinda Mukura babihimuyeho banga kuyabakomera.

Iminota 10 ya mbere y’umukino, Rayon Sports yashyize igitutu kuri Mukura VS ariko ntiyabasha kubyaza umusaruro amahirwe babonye.

Mukura yaje gukanguka irakina ndetse ibona amahirwe ariko abakinnyi barimo Tatu na Robert Mukoghotya ntibayabyaza umusaruro igice cya mbere kirangira ari 0-0.

Ku munota wa 62, Léandre Onana yaje gutsindira Rayon Sports igitego cya cya mbere ku ishoti yatereye inyuma y’urubuga rw’amahina.

Mukura yagerageje gushaka uko yakwishyura maze ku munota wa nyuma Nsabimana Emmanuel yishyurira ku mupira ateye umunyezamu Adolphe awubona ujya mu izamu. Umukino urangira ari 1-1. Rayon Sports yayisezereye ku giteranyo cy’ibitego 4-3.

Rayon Sports ikaba izahura ku mukino wa nyuma n’izakomeza hagati ya APR FC na Kiyovu Sports.

Onana ni we watsindiye Mukura VS

Abafana basabye imbabazi

Dr Habineza usanzwe ari n'Umudepite uhagarariye iri shyaka mu Nteko Ishinga Amategeko y'u Rwanda yatowe kuri uyu wa Gatandatu tariki 13 Gicurasi 2023, mu Nteko Rusange y'iri shyaka.

Amatora nk'aya yaherukaga mu 2018, ari nayo yongereye manda Dr Habineza yo kuyobora iri shyaka.

Mu kiganiro yagiranye na IGIHE, Dr Habineza yavuze ko icy'ibanze ari ugushimira abarwanashyaka bamugiriye icyizere n'Abanyarwanda muri rusange.

Ati “Abarwanashyaka bongeye kungirira icyizere kuko babonye ko mfitiye imigambi myiza ishyaka ndetse n'Abanyarwanda kubera ko cyane cyane n'imigabo n'imigambi twiyamamarijeho ari ku mwanya wa Perezida wa Repubulika ndetse n'Abadepite, byinshi byabashije kugerwaho.”

“Hejuru ya 70% y'ibyo twasabaga ko bikorwa byose byarakozwe.”

Dr Habineza avuga ko kuri ubu yishimiye kumenyesha Abanyarwanda ko ari umukandida ku mwanya w'Umukuru w'Igihugu mu matora ateganyijwe umwaka utaha.

Ati “Ubu ndi umukandida ku mwanya wa Perezida, umwaka utaha. Ni icyizere baba bangiriye kandi gishingira ku bikorwa bifatika.”

“Abanyarwanda bamenye ko turi ba bantu ibyo bavuga ko tuba tubihagazeho ko tutabeshya kubera ko ibyo twabijeje byinshi byabashije kugerwaho, birigaragaza leta y'u Rwanda yarabyemeye, nibakomeza kutugirira icyizere ibibazo byabo bizagenda bikemuka dufatanyije n'izindi nzego.”

Mu 2017 nabwo Dr Habineza yariyamamaje agira amajwi 0,48%. Aya matora yegukanywe na Perezida Paul Kagame wagize amajwi 98.79% mu gihe yakurikiwe na Mpayimana Philippe wari umukandida wigenga, wagize amajwi 0,73%.

Abandi batowe muri Komite Nyobozi ya DGPR harimo Carine Maombi watorewe kuba Visi Perezida, Depite Ntezimana Jean Claude wari Umunyamabanga Mukuru yongeye gutorerwa uyu mwanya nanone naho Masozera atorerwa kuba Umubitsi.

Mu bindi byaranze Inteko Rusange ya DGPR harimo kuvugurara amwe mu mategeko y'iri shyaka bavuga ko yari abangamiye imikorere yaryo ndetse n'umurongo biyemeje kugenderaho.

Ubusanzwe abagize komite bari basanzwe ari icyenda naho umubare w'abasabwa kuba baterana bagafata ibyemezo bakaba barindwi.

Ni ibintu bavuga ko rimwe na rimwe inama yasibaga kubera umubare utuzuye, gusa mu itegeko rishya bemeje ko ubu abagize Komite Nyobozi bazajya baba ari batanu gusa.

Andi mavugurura yakozwe na DGPR ni ajyanye n'itegeko rigenga manda ya komite nyobozi, aho yari imyaka itanu yongerwa rimwe gusa ariko kuri ubu iyo myaka ikaba ishobora kongerwa mu buryo buhoraho.

Dr Frank Habineza yatorewe kuyobora Green Party yemeza ko aziyamamariza kuyobora u Rwanda

Ntezimana yakomeje kuba Umunyamabanga Mukuru wa Green Party

Ni mu ruzinduko yahakoreye ku wa Gatanu, tariki ya 12 Gicurasi 2023. Umukuru w'Igihugu yasuye abaturage bibasiwe n'ibiza bashyizwe kuri site zirimo iya Nyemeramihigo, Nyamyumba, Kanyefurwe n'iri kuri Vision Jeunesse Nouvelle.

Abaturage baganirije Perezida Kagame ku buzima babayemo, bamugaragariza ibibazo bafite, na we abizeza ubufasha bwo gukomeza kubafasha no kubagoboka uko ubushobozi buzaboneka.

Nyuma yo gusoza uruzinduko rwe, Perezida Kagame yageze mu Mujyi wa Musanze mu Majyaruguru n'i Nyabugogo mu Mujyi wa Kigali ava mu modoka asuhuza abaturage, bamwishimiye cyane, banamwereka urukundo.

Imibare mishya ya Minisiteri ishinzwe Ibikorwa by'Ubutabazi (MINEMA) yerekanye ko ibiza byibasiye Intara y'Iburengerazuba, Amajyepfo n'Amajyaruguru, byahitanye abaturage 135, 110 barakomereka mu gihe abamaze gukira ari 97. Kugeza ubu abakiri mu bitaro ni 13 mu gihe umwe yaburiwe irengero.

Mu bikorwaremezo, inzu 5963 zarasenyutse, imihanda minini 20 irasenyuka [15 imaze gusanwa], inganda z'amashanyarazi 12 zari zangiritse ndetse n'inganda umunani z'amazi zose zarasanwe.

Abantu 20326 ni bo bakuwe mu byabo n'ibiza, ndetse bashyiriweho site 83 zo kubacumbikira. Aba baturage bamaze guhabwa ubufasha bw'ibiribwa bugera kuri toni 426.

Minisiteri y'Ibikorwaremezo [Mininfra] iheruka gutangaza ko hakenewe hafi miliyari 160 Frw zo gusana ibyangijwe ndetse no gutuza abaturage bakuwe mu byabo n'ibiza byibasiye Uburengerazuba n'Amajyaruguru mu ijoro ryo ku wa 2-3 Gicurasi 2023.

Uruganda rw’Amata rwo muri Rubavu rwinjiriwe n’amazi ndetse imirimo yarwo irahagarara

Akarere ka Rubavu ni kamwe mu twibasiwe cyane n’ibiza. Muri rusange, inzu zigera ku 6000 ni zo zangiritse

Hangiritse n’ibikorwaremezo birimo no gucikagurika kw’insinga zitwara umuriro w’amashanyarazi

Ibarura rihuriweho n'inzego zitandukanye ryagaragaje ko hari inzu 6.206 zangijwe n'ibiza. Harimo izasenyutse burundu, izangiritse ku buryo bukabije n'izindi ziri mu manegeka

Inzu nyinshi zarasenyutse kubera amazi menshi yatewe n’imyuzure y’imvura yaguye mu ijoro ryo ku wa 2 Gicurasi rishyira ku wa 3 Gicurasi 2023

Ibiza byibasiye abaturage bo mu Karere ka Rubavu, byatewe ahanini n’Umugezi wa Sebeya

Aya mazi yarimbaguye n’amashyamba, irambika ibiti hasi

Nubwo ibiza byahungabanyije ubuzima bw’abatuye mu Burengerazuba, batangiye kongera kwigirira icyizere cyo kubaho

Inzu zitandukanye zashegeshwe n’ibiza byibasiye Akarere ka Rubavu

Abaturage bagizweho ingaruka n’ibiza bijejwe ko Leta izakomeza kubaba hafi

Perezida Kagame yasuye uduce twangijwe n’ibiza mu Karere ka Rubavu

Umugezi wa Sebeya uri kubungwabungwa mu kwirinda ko wakongera guteza ibiza byahitanye abaturage bo mu Karere ka Rubavu

Mu gihe cy’imvura nyinshi Sebeya ikunda kuzura ndetse amazi yayo akayirengera akinjira mu nzu z’abaturage bayituriye

Leta yijeje ko izakora ibishoboka byose kugira ngo Umugezi wa Sebeya ubungwabungwe bikwiye

Inzu zasenywe n’amazi zasigaye ari amatongo, abari bazituyemo bajyanywe mu nkambi aho umutekano wabo wizewe mbere yo kwimurirwa ahandi hantu hadashyira ubuzima bwabo mu kaga

Na nyuma y’ibiza ubuzima burakomeza nubwo bishobora gutwara igihe cyo kongera kwiyubaka

Perezida Kagame yasuye Akarere ka Rubavu by'umwihariko uduce twibasiwe n'ibiza turimo Mahoko, Pfunda na Nyundo

Umuyobozi w’Akarere ka Rubavu wungirije ushinzwe Iterambere ry’Ubukungu, Nzabonimpa Deogratias, uyoboye akarere by'agateganyo nyuma yo kwirukanwa kwa Kambogo Ildephonse, ni we wasobanuriraga Perezida Kagame imiterere y'ibiza byibasiye aka gace

Perezida Kagame yasuye uduce twibasiwe n’ibiza aherekejwe n’abayobozi bo mu nzego zitandukanye

Perezida Kagame yarebye uko Umugezi wa Sebeya wateje ingorane zikomeye kuko warengewe n’amazi agakwira mu bice byo hafi aho, bigatuma inzu zirengerwa kugeza aho bamwe babuze ubuzima bwabo

Perezida Kagame yatanze icyizere ko hari inzego ziri gukora ku kibazo cy’Umugezi wa Sebeya kugira ngo gishakirwe umuti urambye

Umukuru w'Igihugu yasuye utu duce ari kumwe n'abayobozi barimo Minisitiri ushinzwe ibikorwa by'Ubutabazi, Marie Solange Kayisire; Minisitiri w'Ibikorwaremezo, Ernest Nsabimana na Guverineri w'Intara y'Iburengerazuba, François Habitegeko

Uhereye ibumoso ni Umunyamabanga wa Leta muri Minisiteri y’Ibikorwaremezo, Eng. Patricia Uwase; Guverineri w'Intara y'Iburengerazuba, François Habitegeko n'Umunyamabanga wa Leta muri Minisiteri y'Ubutegetsi bw'Igihugu, Assumpta Ingabire

Minisitiri ushinzwe Ibikorwa by'Ubutabazi, Marie Solange Kayisire, aganira n’umwe mu barimu ba Centre Scolaire de Nyundo ryibasiwe n’ibiza

Perezida Kagame yasuye Centre Scolaire de Nyundo, ishuri rikunzwe kwibasirwa n’ibiza

Umuyobozi w'Akarere ka Rubavu wungirije ushinzwe Iterambere ry'Ubukungu, Nzabonimpa Deogratias, asobanurira Perezida Kagame iby’uduce twibasiwe n’ibiza

Perezida Kagame yijeje ko inzego z'ubuyobozi ziteguye gukosora aho bitagenze neza no gukora byiza kurushaho

Perezida Kagame yavuze ko Leta yiteguye gukora ibishoboka byose mu gufasha abahuye n’ibiza kugira ngo basubire mu buzima busanzwe

Ishuri rya Centre Scolaire de Nyundo, Perezida Kagame yasuye riri ku yibasiriwe n’ibiza

Imvura yajojobaga ubwo Perezida Kagame yasuraga uduce twangijwe n’ibiza i Rubavu

Amazi yavuye muri Centre Scolaire de Nyundo yaturutse mu misozi miremire ikikije iri shuri

Perezida Kagame yasobanuriwe uko abanyeshuri bari kwigishwa muri ibi bihe nyuma y’uko ishuri ryabo ryibasiriwe n’ibiza

Perezida Kagame yatambagijwe iri shuri yerekwa uko imikorere yaryo yashegeshwe n’ibiza

Abana bato bakiriye Perezida Kagame bafite akanyamuneza

Perezida Kagame yateze amatwi abarezi bo muri Centre Scolaire de Nyundo yumva ubusabe bwabo

Bimwe mu byumba by’iri shuri byarasenyutse

Perezida Kagame yasuye Akarere ka Rubavu aherekejwe n’abayobozi mu nzego nkuru za Leta, iz’umutekano ndetse n’ab’iz’ibanze

Uhereye ibumoso ni Guverineri w'Intara y'Iburengerazuba, François Habitegeko; Umuyobozi Mukuru wa Polisi, DCG Félix Namuhoranye n'Umunyamabanga wa Leta muri Minisiteri y'Ubutegetsi bw'Igihugu, Assumpta Ingabire

Minisiteri y'Ibikorwaremezo yatangaje ko hakenewe hafi miliyari 160 Frw zo gusana ibyangijwe ndetse no gutuza abaturage bakuwe mu byabo n'ibiza

Ikigo gishinzwe Iterambere ry'Imihanda, RTDA, cyagaragaje ko kugira ngo hasanwe imihanda n'ibiraro byangiritse, hasabwa nibura miliyari 120 Frw

Ibikorwaremezo bitandukanye byasenywe n'ibiza byibasiye Intara y'Iburengerazuba by'umwihariko mu Turere twa Rubavu, Ngororero na Nyabihu

Perezida Kagame yavuze ko yasuye Akarere ka Rubavu kugira ngo yereke abaturage bibasiwe n’ibiza ko yifatanyije na bo kandi ko abatekereza

Perezida Kagame yagendaga asobanuza akantu ku kandi ku hangijwe n’ibiza

Aba baturage nubwo batishimiye ubuzima bw’ubuhunzi barimo, bafite icyizere ko mu gihe gito bazongera kubaho neza kuko bari gufashwa na leta

Serivisi z’ubuvuzi zagizwe ubuntu ku bantu bagizweho ingaruka n’ibiza

Abana ni abamalayika! No mu bihe bigoye bo baba bisekera

Abana bakiri bato bafite abakozi babitaho mu gihe ababyeyi babo bagiye mu mirimo

Abana bato bafite ababitaho mu Irerero ryashyizwe kuri site ya Inyemeramihigo

Abajyanama b’ubuzima baba bari hafi y’aba baturage ku buryo nta kibazo na kimwe cy’ubuzima bahura nacyo

Perezida Kagame aramutsa abaturage bari bateraniye kuri Site ya Nyemeramihigo mu Karere ka Rubavu

Perezida Kagame yabwiye aba baturage ko Leta ihangayikishijwe n’ubuzima babayemo, ko ari yo mpamvu iri gukora ibishoboka byose ngo basubire mu buzima busanzwe

Bakomye amashyi ndetse banyuzamo bacinya akadiho bishimira ko basuwe na Perezida Kagame

Nshizirungu Aimable yashimiye Perezida Kagame wamwishyuriye amashuri, amubwira ko yiteguye gukorera igihugu

Nteziyaremye Feza yapfushije umugore asigarana uruhinja rw’amezi atandatu. Yabwiye Perezida Kagame ko yabonye ubufasha bwose kuko yashakiwe aho kuba, akaba anahabwa amata yo guha umwana we

Uyu mubyeyi yabwiye Umukuru w’Igihugu ko ibibazo bye bikemutse kuko yongeye kumubona

Uhereye ku bakuru n’abato wabonaga bafite akanyamuneza ku maso

Babonye Perezida Kagame bose barahaguruka bakoma amashyi bamugaragariza urukundo bamukunda

Biragoye kwiyumvisha ko aya masura yishimye ari ay’abaturage bahuye n’ibibazo by’ibiza, bamwe muri bo bagapfusha inshuti n’abavandimwe

Abaturage bagenderewe na Perezida Kagame bari bafite ibyishimo by’ikirenga

Buri wese yari anyotewe no kubona Umukuru w’Igihugu

Perezida Kagame aganira n’Umunyamabanga wa Leta muri Minisiteri y’Ubutegetsi bw’Igihugu, Assumpta Ingabire

Perezida Kagame asezera abaturage bo kuri Site ya Nyemeramihigo

Nyuma yo gusura Rubavu, Perezida Kagame yanyuze i Musanze n'i Nyabugogo asuhuza abaturage, bamwereka urugwiro

Perezida Paul Kagame yakiranyweho ibyishimo n'abaturage yasanze i Musanze aho yageze avuye i Rubavu aho yasuye abagizweho ingaruka n’ibiza biheruka kwibasira Intara zirimo iy’Iburengerazuba

Perezida Kagame yageze i Musanze ava mu modoka asuhuza abaturage bari bamutegerezanyije ubwuzu

Abaturage bari imbere y'Isoko rinini rya Musanze rizwi nka Goico Plaza beretse urukundo Perezida Kagame

Perezida Kagame yasuhuzaga abaturage impande n'impande kuko abatari bari mu mabaraza y'amagorofa bari ku nkengero z'umuhanda

Bamwe byabasabye kujya ku mabaraza y'inzu ahirengeye kugira ngo babone Perezida Kagame neza

Perezida Kagame ni inshuti ikomeye y'urubyiruko aho anyuze buri wese abasha ashaka kumuhanga ijisho ubutaruhuka

Perezida Kagame yagiranye ibihe byiza n'abaturage b'i Musanze bamwereka urukundo ndetse bahuza urugwiro

Abaturage bari bafite ibyishimo by’ikirenga nyuma yo kubona Perezida Kagame

Perezida Kagame yageze mu Karere ka Nyarugenge mu Murenge wa Kimisagara ahazwi nka Nyabugogo arongera ava mu modoka nabwo asuhuza abaturage wabonaga ko bari bamutegereje

Yanahagaze i Nyabugogo! Umukecuru, umusore, inkumi, uhetse wese wabonaga ko yishimiye Umukuru w'Igihugu

Aha Perezida Kagame yasuhuzaga abari bamutegereje mu nkengero z’umuhanda wa Nyabugogo

Abanyamujyi beretse Umukuru w'Igihugu urugwiro na we ava mu modoka barasabana

Byari ibyishimo cyane ku rubyiruko rw'i Kigali nyuma yo gusuhuzwa na Perezida Kagame

KANDA HANO UREBE AMAFOTO MENSHI

Amafoto: Igirubuntu Darcy & Village Urugwiro

Video: Mucyo Jean Regis

Ni ibisubizo birimo kubungabunga ubuzima binyuze mu biribwa, guteza imbere ubukerarugendo, kubungabunga ibidukikije, kwimakaza uburezi bwifashisha ikoranabuhanga rigezweho, icyita rusange kikaba gutanga akazi ku bandi.

YouthConnekt Awards itegurwa na Minisiteri y'Urubyiruko ku nkunga y'Ishami ry'Umuryango w'Abibumbye rishinzwe Iterambere, UNDP, Ikigo mpuzamahanga cya Korea y'Epfo gishinzwe ubutwererane, KOICA, Minisiteri y'Abakozi ba Leta n'Umurimo n'abandi.

Imishinga yahatanye yari ikubiye mu byiciro bine birimo ubuhinzi n'ubworozi no gutunganya umusaruro ubikomokaho, ikoranabuhanga, ibikorerwa mu nganda n'izindi serivisi.

Uwa mbere wahawe miliyoni 250Frw, uwukurikiye uhabwa miliyoni 20Frw, uwa gatatu uhabwa miliyoni 15Frw mu gihe uwagombaga kuba uwa kane wahawe miliyoni 10 z'Amafaranga y'u Rwanda.

Green Care Ltd

Umushinga wo gutunganya imyanda wa Green Care Ltd washinzwe na Alain Christian Ruzindana ni wo wahize iyindi yose. Washinzwe ku gitekerezo cyari kigizwe n'intego eshatu zirimo kwita ku myanda, kurumbura ubutaka no guhanga imirimo ku rubyiruko.

Ruzindana na bagenzi be babonye ko ngo mu Karere ka Huye ku munsi haboneka toni z'imyanda 50 ariko 10% ni yo yonyine ikusanywa, bakavuga kp indi batazi aho ijya ari yo mpamvu bashaka ko yose ibyazwa umusaruro.

Uyu mushinga watangijwe mu 2017 bashaka ko uzagira n'uruhare ku kurumbuka k'ubutaka binyuze mu gutunganya ifumbire aho muri toni 2000 by'imyanda ivanze bakira ku mwaka bashobora kuvanamo toni 400 z'ifumbire.

Ati 'Muri Green Care Rwanda imyanda ni imari ari aho twifashisha inganda nto kukayibyazamo ifumbire dushaka kugabanya ukwishingikiriza ku fumbire mvaruganda cyane mu Banyarwanda.'

Ifumbire ipakirwa mu mifuka kuva ku bilo bitanu kugeza ku bilo 50. Indi myanda itabora, bakorana n'inganda enye ziyikoramo ibindi bikoresho, ibintu bifasha no kurengera ibidukikije.

Kuri ubu bafite abakozi 22 bahoraho n'abandi bari hagati y'icumi na 15 badahoraho ndetse ngo barifuza kwagukira mu yindi mijyi itatu yunganira Kigali aho bashaka kujya batunganya hafi toni ibihumbi 12 by'imyanda, batanga n'ifumbire ingana na toni 2000 n'abakozi 110.

Ngo bafite isoko rinini aho ku mwaka binjiza miliyoni 26 Frw.

Johnson The Baker Ltd

Johnson The Baker Ltd ni umushinga washinzwe na Runuya Johnson wongerera agaciro umusaruro w'imbuto, zirimo inkeri, inanasi, indimu n'izindi zigakorwamo imigati ifasha n'abarwayi ba diyabete kuko ibamo isukari nkeya.

Uyu mushinga wabaye uwa gatatu uhembwa miliyoni 15 Frw, kuri ubu uherereye mu Karere ka Kicukiro.

Bafite abakiliya 900 bahoraho ndetse bifuza ko mu gihe gito kiri imbere bazaba bakubye kabiri uwo mubare no kongera abakozi ariko ngo babizobereyemo.

Ati 'Tugiye kwigisha abaturage uko bahinga bifashishije imbuto z'indobanure kugira ngo tubone imbuto zujuje ibyo dushaka. Tuzava ku bahinzi 300 dukorana na bo tugere kuri 700 ndetse twongere abakozi bagere kuri 30 bavuye kuri 15 dufite, ibikorwa duteganya kuzageraho mu myaka itanu iri imbere.'

Kuri ubu, Runuya afite abakozi bakorana n'abahinzi, abita ku buziranenge bw'ibyo bakora n'abagendana n'abahinzi mu bikorwa byabo kugira ngo babahe imbuto bakeneye kuko ngo imbuto zidakize ku byo bashaka ari cyo kibazo bahura na cyo uyu munsi bitewe n'ubumenyi buke bw'abahinzi.

Ni igitekerezo cyaje mu 2020 ariko bibanda ku gufasha abarwayi ba diyabete cyane ko babuzwa kurya imigati irimo isukari nyinshi.

Bafite gahunda yo kongera ibicuruzwa, bakava kuri miliyoni 30Frw binjiza ku kwezi bakagera kuri miliyoni 50Frw, cyane ko kuri ubu bakorana n'amasoko, ibigo by'amashuri n'ibitaro.

Smart Class Ltd

Smart Class Ltd ni umushinga ugamije guhuza abana bo mu gihugu bose baba abo mu cyaro n'abo mu mujyi, bakajyanirana ku masomo bagezeho ku rwego rw'igihugu. Ni wo wabaye uwa kabiri aho wahembwe miliyoni 20 Frw.

Smart Class ni uburyo abanyeshuri bo mu mwaka umwe bashobora guhurira ku rubuga rumwe bagasangira ubumenyi, mu gihe umwarimu watoranyijwe aba ari kwigisha agendeye ku mfashanyigisho zateganyijwe na leta.

Abarimu bigisha buri mugoroba kuva saa Kumi n'ebyiri kugera saa Tatu, bigafasha umwana gusubiramo amasomo mu gihe yaba atakurikiranye neza ku manywa.

Kuri urwo rubuga hashyirwaho amasomo mu buryo bw'amashusho atarengeje iminota irindwi, ku buryo mwalimu asubiramo isomo ryizwe uwo munsi, bityo bikabera umunyeshuri amahirwe yo kuyacengera neza.

Bijyanye n'uko 'internet' iri gusakazwa mu bigo by'amashuri imaze kugera kuri 65% ndetse mudasobwa zikaba zigeze kuri 85%, Niyonizeye Abdul watangije uyu mushinga avuga ko 'ibyo biduha amahirwe yo gufasha abanyeshuri kuba bahurira kuri urwo rubuga aho umwana ashobora kubaza undi akamusubiza batari ahantu hamwe.'

Kuri ubu bamaze gukorana n'abarimu basaga 203 aho ubu bafite icyenda bahoraho ndetse abanyeshuri barenga ibihumbi 25 bamaze gufashwa n'uyu mushinga.

Ubu, abanyeshuri bagera ku 5064 ni bo bari kwigira kuri uru rubuga aho Niyonizeye na bagenzi be bateganya kugera ku bihumbi 15 mu mwaka w'amashuri utaha.

Ku kwezi, abiyandikisha basabwa 5000 Frw, 10000Frw ku gihembwe ndetse n'ibihumbi 20 Frw ku mwaka ariko ukoresha MTN we ashobora kuba yajya kuri urwo rubuga n'iyo yaba nta megabytes za internet afite.

Binjiza miliyoni 9 Frw ku kwezi, imibare yiyongereye nyuma ya Covid-19 kuko byiyongereyeho 45% kuko mu mwaka wa 2019 batangiyemo, bacuruje miliyoni 7 Frw yonyine, amafaranga bashobora gukorera mu kwezi.

Bookly Africa

Bookly Africa ni umushinga watangijwe na Amina Niyigena ugamije guhuza abashaka serivisi z'ubukerarugendo n'amahoteri n'abazikeneye bigakorwa hifashishijwe ikoranabuhanga.

Uyu mushinga wabaye uwa kane muri YouthConnekt ugabembwa miliyoni 10 Frw, ugamije gutuma amafaranga abanyamahoteli binjiza yiyongera kuko batazajya banyura mu nzira nyinshi bashaka abakiliya ahubwo ubu buryo buzajya bubabera igisubizo.

Uru rubuga ruriho serivisi zose z'ubukerarugendo ndetse zose zifite uburyo zisurwa ku ikoranabuhanga (virtual reality) aho umuntu afashwa kubona icyumba azararamo, aho azatemberera, mbese hifashishijwe ikoranabuhanga akabona amakuru yose ya serivisi ashaka bidasabye kugera aho inyubako iri.

Ufite serivisi ashaka gushyira ku rubuga rwabo atanga ibihumbi 20 Frw ndetse umushinga ukabona na komisiyo ku byinjijwe na hoteli runaka. Banamamariza ibyo bigo kugira ngo abantu bamenye ibyo bikora ku buryo bworoshye.

Batangiye mu 2020, bafite serivisi 19, nta mafaranga binjiza, ariko ubu bamaze kugira serivisi 200 kuri uru rubuga aho babona inyungu y'ibihumbi 500 Frw mu kwezi kumwe.

Nigena ati 'Turifuza ko mu 2025 twazaba tubona inyungu ya miliyoni 2 Frw tukagera no kuri serivisi 400, imirimo dushaka no kuzagurira no hanze y'u Rwanda kuko twizera ko Afurika ifite byinshi byatuma bayisura.'

Mu masaha ya saa yine z'amanywa kuri uyu wa 13 Gicurasi nibwo inzu yakodeshwaga na Munyengabe Ignace yatangiye gufatwa n'inkongi y'umuriro.

Uyu mugabo ngo yari aryamye mu cyumba baza kumuhuruza bamubwira ko icyumba cyo mu ruhande rwo hepfo kiri gushya, bagerageza kuzimya umuriro ubarusha ingufu.

Munyegabe yabwiye IGIHE ko nta muntu wakomerekeye muri iyi nkongi, ariko ngo ibikoresho byo mu nzu, n'ibindi bintu yacuruzaga birimo ibikoresho by'ikoranabuhanga byahiriye muri iyi nzu.

Ati 'Nta wakomeretse uretse njye wakandagiye ikintu kikanyica mu kirenge. Twabagamo turi 12.'

Ibyangiritse ni ibikoresho byo mu rugo byose, ariko hari ahantu nacururizaga hari ibintu nari naravanyeyo kuko nari ndimo mpakora amasuku nabizanyemo hano. Byari bifite agaciro kari hagati ya miliyoni ebyiri n'eshatu z'amafaranga y'u Rwanda.'

Uyu mugabo avuga ko muri iyi nzu batatekeragamo, ndetse ngo nta na Gaz batekagaho, agakeka ko uyu muriro waba watewe n'umuriro w'amashanyarazi.

Umunyamabanga Nshingwabikorwa w'Umurenge wa Gitega, Mugambira Etienne yabwiye IGIHE ko bikekwa ko iyi nkongi yatewe na peteroli abana bamennye mu nzu hanyuma barasiraho umwambi umuriro watse bagerageza kuzimya biranga kubera ibikoresho by'ikoranabuhanga byinshi byari bibitse muri iyi nzu.

Ati 'Harakekwa ko mu cyumba bavuga cyaturutsemo umuriro hari harimo agacupa ka peteroli, ikaba yamenetse noneho abana bacana umwambi w'ikibiriti hakaba ari ho hakomotse iyo nkongi y'umuriro. Umuriro umaze kwaka umuryango washatse uko bahazimya ariko umuriro ubabana mwinshi.'

Yakomeje avuga ko uretse matela imwe uyu muryango wabashije kuvana muri iyi nzu ibindi byose byahiriyemo, ubuyobozi bukaba bugiye kubashakira aho baba bacumbitse mu gihe cy'icyumweru kimwe kugira ngo babone uko bongera kwikodeshereza.

Yavuze ko aha hantu inzu yahiye hasanzwe hatuwe mu kajagari, gusa ngo muri gahunda yo kunoza imiturire nyir'inzu yari yaramaze kubarirwa ku buryo azishyurwa umutungo we.

Mu gihe iyi nzu yashyaga ishami rya Polisi rishinzwe ubutabazi ryahise riza kuzimya uyu muriro.

Gitifu Mugambira asaba abaturage kwirinda gushyira hafi y'abana ibintu bishobora guteza inkongi y'umuriro cyangwa ibikoresho bikoreshwa n'amashanyarazi bishobora guteza inkongi, ndetse ababibashije bagashyira ingufu mu gutunga ibikoresho bizimya inkongi bizwi nka 'kizimyamoto'.

Muri uyu murenge wa Gitega biteganyijwe ko hagiye kubakwa inzu zizatuzwamo imiryango izimurwa mu kajagari mu rugendo rwo gutuza neza abantu ahantu hadashyira ubuzima bwabo mu kaga.