Category: Uncategorized

Umuriro w'amashanyarazi ni kimwe mu byibanze Leta y'u Rwanda irajwe ishinga no kugezaho abanyarwanda aho yihaye intego ko mu mwaka wa 2024 kuwugeza ku baturage bizaba ari 100%. Nubwo bimeze bityo ariko, haracyari bamwe mu baturage batuye mu mirenge itandukanye bakigorwa no kuwugezwaho nkuko abo mu Murenge wa Kabarondo babibwiye IGIHE.

Ni ikibazo gifitwe n'abaturage bo mu midugudu ine yegeranye yo mu Murenge wa Kabarondo mu Kagari ka Cyabajwa, iyo midugudu irimo uwa Busindu igice kimwe, Rugwagwa, Nkuba II na Nkuba I. Abahatuye bavuga ko bagorwa no kujya kwiyogoshesha n'izindi serivisi zisaba umuriro ngo kuko bituma batanga 2000 Frw kuri moto kugira ngo bagere ahari umuriro.

Umuyobozi w'Umudugudu wa Nkuba I, Bikomindera Joseph, yabwiye IGIHE ko buri muyobozi wese uhageze ngo bamubwira iki kibazo akababwira ko bikiri mu nyigo ku buryo ngo iyo nyigo batazi igihe izarangirira.

Ati ' N'ubu kugira ngo umuturage ave inaha ajye kwiyogoshehsa cyangwa gushesha ibigori ni ibintu bigoranye, kuva hano ujya kwiyogoshesha utega moto 1000 Frw kandi ugiye gutanga 500 Frw ngo bakogoshe, bivuze ko iyo ushaka kwiyogoshesha bigutwara 2000 Frw ya moto.'

Mushimiyimana Jeannette we yavuze ko kutagira umuriro ngo bibabera inzitizi yo kwiteza imbere mu buryo bugaragara, yavuze ko ubu bamwe bihebye kubera guhora babwirwa ko benda kuwubazanira imyaka ikabaye myinshi nta gikorwa ngo bawubone.

Ati 'Urabona ntabwo dutuye kure cyane y'ibiro by'Umurenge wacu, ariko ubu inaha ntushobora kubona agafanta gakonje nk'ahandi, kujya kogoshesha abantu wenda nka batatu ni ukubipangira ingengo y'imari, ntawagura televiziyo inaha ubu tuyireba twagiye kwiyogoshesha, kandi dutuye mu Mudugudu mwiza usa neza ariko twibaza icyo tuzira bikatuyobera.'

Mushimiyimana Honorine we yagize ati ' Icyo nasaba Leta ni ukuduha umuriro natwe tukiteza imbere nk'abandi banyarwanda kuko nkanjye kuva mvutse nakuze batubwira ko bakoze inyigo, buri muyobozi wese tumubwira iki kibazo ariko nta numwe uragikemura.'

Umuyobozi w'Akarere ka Kayonza, Nyemazi John Bosco, yavuze ko hari umushinga uzaterwa inkunga na Banki y'Isi wenda gutangira gushyirwa mu bikorwa muri Nyakanga ukazageza amashanyarazi ku ngo ibihumbi 21 harimo n'abaturage bo muri uyu Murenge, aho yabijeje ko umuriro uzabageraho vuba bidatinze.

Ati 'Abaturage twababwira ko bashonje bahishiwe kuko ntabwo ari ibintu biri mu nzagihe cyane ahubwo ni ibikorwa biteganyijwe kandi bizakorwa vuba.'

Kuri ubu Akarere ka Kayonza kageze kuri 75% mu kwegereza amashanyarazi abaturage, hakaba hari umushinga uzaterwa inkunga na Banki y'Isi ukazageza amashanyarazi mu ngo ibihumbi 21, kuri ubu hari abaturage 2500 bari kwegerezwa amashanyarazi muri uyu mwaka w'ingengo y'imari mu gihe kuva muri Nzeri abandi 3500 nabo bazatangira kuyagezwaho.

Umutoza wa Rayon Sports, Haringingo Francis avuga ko ikipe iyo ari yo yose bazahurira ku mukino wa nyuma w’igikombe cy’Amahoro biteguye nta n’imwe ibateye ubwoba.

Rayon Sports ni yo kipe yakatishije bwa mbere itike yo ku mukino wa nyuma w’igikombe cy’Amahoro, ni nyuma yo gusezerera Mukura VS iyitsinze ibitego 4-3 mu mikino yombi.

Haringingo abajijwe ikipe yifuza guhura nayo ku mukino wa nyuma hagati ya APR FC na Kiyovu Sports, yavuze ko izahagera ayiteguye neza.

Ati “Ikipe yose tuzahura, Kiyovu tumaze gukina, APR FC tumaze gukina, uwo ari we wese turamwiteguye kuko ndibaza ko urebye uburyo dukinnye iyi mikino ya nyuma urabona ko abakinnyi bameze neza, ni bakinnyi navuga ko bazi icyo bashaka, rero ikipe iyo ari yo yose yaba APR, yaba Kiyovu izagira amahirwe ko twahurira ku mukino wa nyuma twebwe turiteguye.”

Ku munsi w’ejo ku Cyumweru nibwo hazarara hamenyekanye ikipe izasanga Rayon Sports ku mukino wa nyuma hagati ya APR FC na Kiyovu Sports. Umukino wa nyuma uteganyijwe tariki ya 3 Kamena 2023 ukazabera i Huye.

Haringingo yavuze ko ikipe yose bazahura ayiteguye neza cyane

Kuva mu 2016, Dolar Popat ni Intumwa ya Minisitiri w'Intebe w'u Bwongereza mu Rwanda na Uganda mu bijyanye n'ubucuruzi.

Ari mu Rwanda mu rugendo rugamije gushimangira umubano hagati y'ibihugu byombi by'umwihariko mu ngeri y'ubucuruzi n'ishoramari.

Inshingano ze ni ugufasha ibihugu byombi kurushaho kugira imikoranire myiza muri iyi ngeri no kureshya abashoramari.

Mu Bwongereza, mu mwaka ushize haturutse ishoramari rya miliyoni 75,4$, bigaragara ko ryagiye mu mishinga itandatu. Rihwanye na 4,6% by'ishoramari ryose u Rwanda rwakiriye.

Ni na kimwe mu bihugu u Rwanda rwoherezamo ibicuruzwa byinshi kuko mu mwaka ushize, byari bifite agaciro ka miliyoni 42,1$.

Mu bihugu RwandAir ijyanamo imizigo myinshi, u Bwongereza ni ubwa kabiri, aho bukurikira Dubai muri Leta Zunze Ubumwe z'Abarabu bukanakurikirwa n'u Bubiligi.

Perezida Kagame ubwo yakiraga Dolar Popat

Perezida Kagame na Dolar Popat baganiriye uburyo bwo guteza imbere ishoramari hagati y’ibihugu byombi

Ibiganiro byitabiriwe n'abarimo Umuyobozi wa RDB, Clare Akamanzi (ubanza ibumoso), Ambasaderi w'u Bwongereza mu Rwanda, Omar Daair (wa kabiri uturutse iburyo) na Minisitiri w'Ububanyi n'Amahanga, Dr Vincent Biruta (ubanza iburyo)

Urwibutso rwa Jenoside rwa Ntarama ruri ahahoze Santarali Gatolika ya Ntarama mu Bugesera.

Abakozi ba Enabel basuye Urwibutso rwa Ntarama ku wa Gatanu, tariki ya 12 Gicurasi 2023, basobanurirwa ubugome Abatutsi bakorewe kuva mu 1959 ubwo batwikirwaga, bakicwa, bigatuma abandi bagana iy'ubuhungiro, kugeza mu 1994 ubwo Jenoside yakorwaga igahitana abarenga miliyoni.

Uhagarariye abakozi muri Enabel, Habarugira François Régis, yavuze ko urebye amateka y'ibyabaye muri Jenoside yakorewe Abatutsi mu 1994 wagira ngo u Rwanda rwarapfuye ariko rurazuka ndetse ahamya ko rutazongera gupfa ukundi.

Yashimangiye ko hakenewe kunga ubumwe nk'uko FPR Inkotanyi yahagaritse Jenoside yaranzwe n'ubumwe.

Ati 'Ubwo bumwe FPR yakoresheje ikaza igahagarika Jenoside yakorerwaga Abatutsi ari bwo natwe dukomeza gukoresha kugira ngo 'ntibizongere' dukomeza kuvuga ijye mu ngiro, haba hano mu gihugu cyacu ndetse n'ahandi. Nk'abanyabwenge, ibitekerezo byacu dukwiye kubikoresha kugira ngo dukumire Jenoside aho ari ho hose.'

Umuyobozi wa Enabel mu Rwanda, Dirk Deprez, yavuze ko gusura urwibutso ari imwe mu nzira zo kwifatanya nk'umuryango urimo n'abarokotse Jenoside yakorewe Abatutsi mu 1994, kuko bifasha kwimakaza ubumwe no kwiyubaka.

Ati 'Ni ngombwa ko duhurira hano twese kuko umuco w'ubumwe ugomba kwimakazwa mu kigo cyacu no mu mutima wa buri wese bikadufasha kwiyubaka no kubaka igihugu kandi tuzi ko ari bimwe mu bigize impinduka nziza tubona zagezweho nyuma ya Jenoside yakorewe Abatutsi.'

Yashimangiye ko kwibuka bigomba guhoraho kugira ngo Jenoside ntizongere kubaho ukundi.

Umuyobozi ushinzwe Ubutwererane bw'u Bubiligi n'u Rwanda muri Ambasade y'u Bubiligi mu Rwanda, Jean-Michel Swalens, yavuze ko yababajwe n'ubugome Jenoside yakorewe Abatutsi yakoranywe, bituma buri wese agira umukoro wo kurwanya ivangura iryo ariryo ryose no guharanira iterambere ridaheza.

Ati 'Biteye agahinda, nyuma yo kureba uko byagenze, binyereka ko twese dufite inshingano. […]Kwibuka ibyabereye aha bituma mvuga nti 'haramutse habayeho ubutabera, ubufatanye, nta vangura, tugakora ibyo dusabwa nk'abantu, tukagira ubuntu, byaba bumwe mu buryo bwiza bwo gusubiza icyubahiro abazize Jenoside yakorewe Abatutsi mu 1994'.'

Yibukije abakozi ba Enabel ko nyuma yo kumenya amateka ya Jenoside yakorewe Abatutsi bikwiriye gutuma barangwa n'imigirire myiza umunsi ku wundi, bakarwanya ivangura mu mirimo bakora.

Urwibutso rwa Jenoside rwa Ntarama ruruhukiyemo imibiri y'Abatutsi barenga 6000 baguye muri Kiliziya ya Santarali ya Ntarama no mu bice biyikikije. Rufite amateka yihariye kuko hari icyumba cyigishirizwagamo inyigisho za gatigisimu aho bafataga abana bagakubita imitwe yabo ku rukuta.

Madame Jeannette Kagame n’umwuzukuru we mukuru, barebye umukino wa gicuti ikipe ya APR BBC ikinamo umuhungu we 2nd Lt Ian Kagame yatsinzwemo na REG BBC.

Ni umukino wabaye ku gicamunsi cyo kuri uyu wa Gatandatu tariki ya 13 Gicurasi 2023 muri Kigali Arena aho warangiye REG BBC itsinze APR BBC amanota 96-73.

Uyu mukino waje nyuma w’undi wa gicuti amakipe yombi yari yakinnye ku wa Gatatu w’iki cyumweru na wo REG BBC yawutsinze APR BBC ku manota 94-77.

Ni imikino ikipe ya REG BBC irimo gukina mu rwego rwo gukomeza kwitegura neza irushanwa rya Shampiyona Nyafurika (BAL) rizabera mu Rwanda muri Kigali Arena aho izahagararira igihugu muri iri rushanwa rizaba tariki ya 21 -27 Gicurasi 2023.

Uyu munsi, Madame Jeannette Kagame umufasha wa Perezida wa Repubulika y’u Rwanda, Paul Kagame akaba yarebye uyu mukino.

Ntabwo yari wenyine kuko yari yazanye n’umwuzukuru we mukuru, umwana wa Ange Kagame kureba uyu mukino.

Uretse kuba akunda umukino wa Basketball, ni APR BBC yakinaga irimo umuhungu we, 2nd Lt Ian Kagame.

REG yatsinze APR

2nd Lt. Ian Kagame yakinnye uyu mukino

Ni umukino Madame Jeannette Kagame (ubanza ibumoso) n’umwuzukuru we mukuru barebye

2nd Lt. Ian Kagame yaje gusuhuza umwishywa we

AMAFOTO: SHEMA Innocent

Wari umukino wa mbere ugomba gutanga ikipe izakina umukino wa nyuma w’igikombe cy’Amahoro, aho ikipe ya Mukura yari yaje kwishyura Rayon Sports isabwa ibitego bibiri. Ntabwo byaje kuyihira, kuko umukino waje kurangira amakipe angajije igitego kimwe kuri kimwe.

Rayon Sports niyo yabanje igitego, ndetse Mukura isigara ishaka ibirego 3, biyibera ibamba, gusa mu minota y’inyongera Nsabimana aza gutsinda igitego cyo kudataha amara masa.

90+5″ Umukino urarangiye. Umukino wahuzaga ikipe ya Rayon Sports yari yakiriye Mukura, urangiye amakipe yombi anganya igitego kimwe kuri kimwe, Rayon Sports igera ku mukino wa nyuma ku giteranyo cy’ibitego 4-3.

90+4″ Igitego cya Mukura

Mukura ibonye igitego cyo kunganya ndetse kikaba igitego cy’impozamarira gitsinzwe na Nsabimana Emmanuel wagiye mu kibuga asimbuye.

90+2″ Onana avuye mu kibuga na Ojera, mu gihe Rudasingwa na Tuyisenge Arsene bahise binjira

90″ Umusifuzi yongeyeho iminota 5, Mukura isabwa gutsindamo ibitego 3 kugira ngo ubuzima bukomeze. Rayon Sports iri gukina nk’ikipe yamaze kugera ku mukino wa nyuma, mu gihe Mukura nayo ibona ko bidashoboka.

Sebwato ubwo bamutsindaga igitego, yirambuye biranga kuko umupira waje atanabicyekaga 

Abakinnyi ba Rayon Sports bishimira igitego 

Mukura nyuma yo gutsindwa igitego, imbaraga yari ifite zo gushaka igitego zabuze, ubu abakinnyi bari gukina ubona ko nta kabaraga.

82″ Mukura nayo irasimbuje. Mico Justin na Iradukunda Elie bavuye mu kibuga, hinjira Kamanzi na Nsabimana Emmanuel.

78″ Rayon Sports ikoze izindi mpinduka. Rapfael Osaluwe avuye mu kibuga, hinjira Ndekwe Bavakure Felix

70″ Rayon Sports ikoze impinduka

Musa Esenu avuye mu kibuga hinjiramo Iraguha Hadji, naho Ngendahimana Eric yinjira mu kibuga, havamo Luvumbu

62″ Igitego cya Rayon Sports

Mukura yari yahugiye mu kwataka itsinzwe igitego ku buryo butunguranye, aho abakinnyi benshi bari bazamutse batakaza umupira, ufatwa na Onana, wahise ashota umupira muremure, uruhukira mu izamu.

55″ Mukura iri gukina ishaka nibura igitego cya mbere, ibonye uburyo bwiza ku mupira uzamukanwe na Mukoghotya awukata neza urenga izamu, ariko Iradukunda ananirwa guterekaho akaguru.

50″ Amakipe yombi ari gukina ashaka igitego ndetse acungana ku jisho ku buryo nta kipe ishaka gukora ikosa mbere.

45″ Igice cya kabiri kiratangiye

Reka twongere tubahe ikaze mu mukino wa 1/2 cy’igikombe cy’Amahoro, uri guhuza ikipe ya Rayon Sports na Mukura vs. Igice cya mbere muribuka ko cyarangiye ari ubusa ku busa. Mukura ikoze impinduka Ngirimana Alex ava mu kibuga Yumbu Yosamu ajyamo.

Ntarindwa byabaye ngombwa ko ava mu kibuga imburagihe

Yahise asimburwa na Isingizwe wari wabanje mu kibuga ku mukino wa Shampiyona iyi kipe yari yakinnye na Kiyovu i Muhanga

45+4″ Igice cya mbere kirarangiye

45+2″ Mukura ihushije igitego cyari cyabazwe, nyuma yaho bahererekanyije neza umupira, Kubwimana akata umupira ugana mu izamu, usanga Mico Justin wagombaga guterekaho umutwe, ariko biranga umupira urengera ku rundi ruhande.

45″ Umusifuzi yongeyeho iminota 4

35″ Mukura ikoze impinduka 

Nyuma yo kwihanangirizwa cyane kandi yari yahawe n’ikarita y’umuhindo, Ntarindwa avuye mu kibuga asimburwa na Nisingizwe Christian bakina ku mwanya umwe nka nimero 6.

33″ Onana ahawe ikarita y’umuhondo, kubera kwigwisha, aho yashakaga penariti, agwa mu rubuga rw’amahina. 

Amakipe yombi yakoze impinduka zitari nyinshi mu bakinnyi babanje mu kibuga i Huye, aho Rayon Sports yakuye mu kibuga Ndizeye Samuel, hinjira Mitima Isaac, naho Mukura, ikuramo Kamanzi hinjiramo Muhoza.

16″ Rayon Sports ibonye koroneri ya mbere ariko ntiyagira icyo itanga

15″ Mukura ihushije igitego

Ku mupira wari uzamukanwe na Iradukunda Elie ahise awukata ariko Mukoghotya awigaramye umupira uca ku ruhande gato

10″ Mukura ibonye ikarita ya mbere y’umuhondo

Ntarindwa Aimable ukina mu kibuga hagati, abonye ikarita y’umuhondo ku ikosa yari akoreye Luvumbu

05″ Rayon Sports ihushije igitego

Rwatubyaye azamuye umupira muremure ashaka Musa Esenu, umupira awakina neza ndetse atanatinze atera ishoti rikomeye umupira unyura hejuru y’izamu gato.

02″ Umukino watangiranye imbaraga zikomeye kuko Rayon Sports irava ku izamu Mukura nayo ikomeza

01″ Rayon Sports yari ibonye uburyo bwa mbere bw’igitego, ariko umusifuzi avuga ko Musa Esenu yaraririye.

15:01″ Umukino uratangiye

Tubahaye ikaze nanone nshuti bakunzi ba InyaRwanda mu mukino wo kwishyura ugomba gutanga ikipe igera ku mukino wa nyuma.

14:55″ Amakipe yombi amaze kwinjira mu kibuga ndetse akaba ari kwifotoza 

Abakinnyi 11 Mukura yabanje mu kibuga barimo:

Sebwato Nicholas 

Ngendahimana Alex

Habamahoro Vincent

Kayumba Soter

Kubwimana Cedric

Ntarindwa Aimable

Mukoghotya Robert

Elie Tatou

Mico Justin

Muhoza  

Hakizimana Zubel

14:48″ abakipe yombi asubiye mu rwambariro, akaba aribugaruke atangira umukino witabiriwe n’abafana batari benshi.

Abakinnyi 11 Rayon Sports yabanje mu kibuga

Hakizimana Adolphe

Rwatubyaye Abdul

Mitima Isaac

Mucyo Didier Junior

Ganijuru Ishimwe Elie

Kanamugire Roger

Raphael Osaluwe

Luvumbu Heritier Nzinga

Musa Esenu

Ojera Joackiam

Esomba Willy Leandre Onana

14:20″ Mukura irimo gucyererwa, nayo yinjiye mu kibuga n’abakinnyi bayo bose, aho baje kwishyushya.

14:08″ Rayon Sports yinjiye mu kibuga aho ije kwishyushya. abakinnyi hafi ya bose barahabaye, ndetse byitezweko nta Mpinduka zikabije ziza kubamo

14:00″ Mukura igeze ku kibuga. ikipe ya Mukura ije gukora ibigoye, igeze kuri sitade aho baraye bageze muri Kigali mu ijoro

13:30″ Rayon Sports igize ku kibiga. imodoka ya Rayon Sports isesekaye kuri sitade aho binjiye muri Gahunda z’umukino ku buryo bweruye.

Rwatubyaye Abdul yaje mu modoka ye bwite

Ni umukino ugiye kubera kuri sitade ya Kigali Pele Stadium, aho utangira ku isaha ya saa 15:00 pm. Aya makipe yombi agiye gucakirana nta kipe n’imwe iremera ko yageze ku mukino wa nyuma cyangwa ngo yemere ko yasezerewe.

Mukura irasabwa gutsinda itandukaniro ry'ibitego bibiri, kubera ko igitego cyo hanze kigikora mu Rwanda, kandi ikaba yaratsinzwe ibitego 3-2.

Tariki 12 Kanama 2018, kuri iyi sitade Mukura yahatsindiye Rayon Sports ku mukino wa nyuma w'igikombe cy'Amahoro, aho yahise yegukana igikombe, ndetse ukaba ariwo mukino wa nyuma uheruka guhuza aya makipe mu mikino y'igikombe cy'Amahoro kuri iki kibuga.

Umukino uheruka guhuza Rayon Sports na Mukura kuri Kigali Pele Stadium, wari umukino ubanza wa shampiyona uyu mwaka, aho amakipe yombi yanganyije ibitego 2-2.

Abakinnyi 11 Mukura yari yabanje mu kibuga mu mukino ubanza

Abakinnyi 11 Rayon Sports yabanje mu kibuga mu mukino ubanza wabereye i Huye

I Huye, Mukura niyo yari yabanje gufungura amazamu n’ubwo bitaje kuyihira