Uhushije ujombamo! Abasore bashyize imitwe hagati y'amaguru y'abakobwa banywa ibintu byari yo.
Ku mbuga nkoranyambaga zigiye zitandukanye hakomeje gusakara amashusho y'abasore n'abakobwa baba bari gukina umukino wo kunywa jus aba ari mu gacupa nako kari hagati y'amaguru y'abo bakobwa.
Abo basore baba bafunze mu maso ni uko bagafata umuheha bakawushyira mukanwa maze bagashaka ukuntu bawinjiza muri rya cupa riba riri hagati y'amaguru.
VIDEWO
Imibare iheruka yari yatangajwe ku wa 6 Gicurasi 2023 mu kiganiro n'abanyamakuru. Icyo gihe Minisiteri y'Ibikorwa by'Ubutabazi, yari yavuze ko abapfuye ari 131.
Kuri uyu wa Gatandatu, iyi minisiteri yatangaje ko abahitanywe n'ibi biza, ari 135 mu gihe abakomeretse bo ari 110. Muri abo, abamaze gukira ni 97 mu gihe abari mu bitaro ari 13.
Kugeza ubu, umuntu umwe yaburiwe irengero.
Inzu zasenywe n'ibi biza ni 5963 mu gihe imihanda minini yangiritse ari 20. Muri yo, 15 yarasanywe mu gihe inganda z'amashanyarazi 12 zari zarangiritse zose zamaze gusanwa.
Ni cyo kimwe n'inganda z'amazi kuko umunani zari zarangiritse, zamaze gusanwa.
Leta ikomeje gukora ibishoboka byose kugira ngo ifashe abaturage 20326 bakuwe mu byabo n'ibi biza aho kugeza ubu bacumbikiwe muri site z'agateganyo 83.
Toni 426 z'ibiribwa nizo zimaze gutangwa mu kubafasha.
Bamwe mu baganiriye na IGIHE, bavuze ko bahawe ibyo kurya, imyambaro ndetse n'ibiryamirwa ku buryo bizeye ko ubuzima bwabo buzaba bwiza kurushaho mu gihe gito.
Nyirasafari Gaudence yavuze ko yahunze nta kintu na kimwe afite, ku buryo muri iki gihe nta gikombe, nta safuriya, nta n'isahani. Yahunze ari kumwe n'abana be batanu.
Aho ari nubwo ari mu nkambi, yishimira ko afite iby'ibanze bimufasha kubaho neza.
Ati “Bampaye matola, ibyo kurya nabyo turarya ariko mu minsi ya mbere byazaga bitinze, ariko muri iyi minsi biza neza nta kibazo. Baduha akawunga n'ibishyimbo n'umuceli gusa wo ntabwo tuwurya ngo tuwuhage kuko ukundwa na benshi.”
Tuyisenge Jean Paul ari kuba mu nkambi ya Vision Jeunesse Nouvelle. Inzu ye yari mu kagari ka Kabirizi yarasenyutse, gusa nta muntu wahuyemo.
Ati “Ubufasha turi kubuhabwa, bari kuduha ijerekani, imbegeti [indobo] n'ibyo kurya nabyo bikaza. Kwivuza batuvuriza ubuntu, leta yarakoze, iyo batwishyuza byari kuba ari ikigeragezo.”
Yakomeje agira ati “Abana bari kubajyana kwiga, bagenda n'amaguru ariko bafashwa n'abantu ba Croix Rouge nibo babajyana. Abato bafite irerero ubu.”
Seburo Mvukiyehe yakodeshaga hafi y'umugezi wa Sebeya, inzu ye yarasenyutse. Ubu ari mu nkambi kandi ashima ko hari ubufasha we n'umuryango we bahabwa.
Ati “Baduha byose, baduhaye n'imyenda. Abana ni bo bayibonye mbere kuko bo bajya kwiga.”
Ku wa Gatanu, Perezida Kagame yasuye Akarere ka Rubavu by'umwihariko uduce twibasiwe n'ibiza turimo Mahoko, Pfunda na Nyundo, aganira n'abaturage bacumbikiwe kuri site ya Nyemeramihigo, arabahumuriza, abizeza ko leta izakomeza kubaba hafi.
Yijeje aba baturage ko leta iri gukora ibishoboka byose kugira ngo abagizweho ingaruka n'ibi biza basubire mu buzima busanzwe kandi mu gihe cya vuba.
Ati “Dushakisha ibishoboka byose kugira ngo dushobore kubafasha muri ibi bihe bitoroshye murimo ndetse mu gihe gito gishoboka abashobora gusubira mu byabo bashobore kuba babisubiramo ariko ubu cyane cyane turacyahanganye no kugira ngo mushobore kugira ubuzima no muri iki gihe mutari mu ngo zanyu, cyangwa se mudashobora kwikorera imirimo musanzwe mukora.”
Ikigo cy'Igihugu gishinzwe Imyubakire kigaragaza ko nibura habonetse miliyari 30 Frw, abafite inzu zasenyutse burundu babasha gufashwa bakubakirwa izindi.
Ikigo gishinzwe iterambere ry'Imihanda, RTDA, cyo kigaragaza ko kugira ngo hasanwe imihanda n'ibiraro byangiritse, hasabwa nibura miliyari 120 Frw.
Amafoto: Igirubuntu Darcy
Ku itariki ya 12 Gicurasi 1994 ni bwo Abatutsi benshi bari bahungiye kuri CEFOCA bishwe urw'agashinyaguro mu maso y'abapasiteri ndetse bamwe bakayigiramo uruhare.
Mu buhamya bwa Ntirenganya Jeanne d'Arc waharokokeye, akaba yari n'umwarimukazi mu mashuri ya ADEPR, yavuze ko mu yahoze ari Perefegitura ya Gitarama by'umwihariko mu Mujyi, Jenoside yatangiriye i Nyabisindu.
Muri icyo kigo hari harahungiye Abatutsi benshi bagiye bicwa gahoro gahoro kugeza ubwo hashyirwaho umunsi ntarengwa ngo bicwe bose [ku wa 12 Gicurasi 1994].
Ntirenganya yagize ati 'Ubuyobozi bwa ADEPR bwari buhari. Inama z'Itorero ni ho zaberaga. Umunsi Abatutsi bapfa abo bayobozi bari bahari. Nk'uko ubuyobozi bw'igihugu bwari bwahungiye i Murambi, ubwa ADEPR na bwo bwari bwahungiye i Nyabisindu kandi inama za leta na bo barazitabiraga ku buryo mu byendaga kuba nta na kimwe bari bahishwe.'
Bivugwa ko abashumba bagera ku munani mu icyenda b'amaparuwasi yari agize Ururembo rwa ADEPR Gitarama, baba baragize uruhare muri Jenoside.
Perezida wa Ibuka mu Karere ka Muhanga, Ingabire Benoit, yavuze ko aho hantu hari abashumba ariko ntacyo bamariye ababahungiyeho bizeye kuhabonera ubuzima.
Ati 'Bahahuriye n'izindi mpunzi zari ziturutse muri Perefegitura ya Byumba zari zahunze urugamba rwo kubohora igihugu. Barabavanguye Abahutu bajya ukwabo n'Abatutsi biba uko, kugeza ubwo Abatutsi bafungirwaga amazi ubuzima buba bubi.'
Uwanyirigira Marie Florence, Umudepite mu Nteko Ishinga Amategeko, yanenze uruhare rw'amadini muri Jenoside yakorewe Abatutsi, avuga ko yatijwe umurindi n'inyigisho abayoboke bayo bahabwaga.
Ati 'Nubwo abayobozi n'abanyepolitiki babi bafashe iya mbere ariko byashimangiwe cyane cyane n'izo nyigisho zagiye zitangwa mu madini, inyigisho zikwirakwiza urwango.'
'Urugero ni ukwita Abatutsi inzoka bakabihuza n'igitekerezo kiri muri Bibiliya kigaragaza ko inzoka ari shitani, ko kwica Umututsi ari ukwica inzoka. Byahise biha urwaho buri wese akica ntacyo yitayeho.'
Nubwo hashize imyaka 29 Jenoside ibaye, Depite Uwanyirigira yavuze ko n'ubu mu nsengero na kiliziya hagitambutswa inyigisho zibiba amacakubiri.
Ati 'Tujya tubyumva. Nubwo ziri muri Bibiliya n'ibindi bitabo, murinde abayoboke kuzimira bunguri. Mubibutse ko ari inshingano gusesengura ibyo tubwiwe, kandi havemo icyubaka.'
Umuyobozi w'Akarere ka Muhanga, Kayitare Jacqueline, yasabye amadini gushishikariza Abanyarwanda ubumwe n'ubwiyunge.
Yagize ati 'Abanyarwanda benshi bafite amadini babarizwamo, ni yo mpamvu twifuza ko inyigisho abayobozi bayo baduha zikwiriye gushingira ku bumwe bwacu ndetse no guha agaciro ubunyarwanda bakadufasha kudaha urwaho icyadutandukanya.'
Umushumba Mukuru wa ADEPR, Pasiteri Ndayizeye Isaie, yanenze abapasiteri batereranye abo bari bashinzwe n'abagize uruhare muri Jenoside yakorewe Abatutsi, yongera gusaba imbabazi.
Ati 'Ubundi umushumba ashinzwe kurinda intama byanaba ngombwa akazipfira. Ikibabaje ni uko bamwe bari bamaze gutakaza uwo mutima. Turabizi ko abagiye bakora ibyaha babikoze mu izina ryabo kandi hari n'uburyo babibazwa ariko nk'umushumba mukuru turongera kubahumuriza ariko tunabasaba imbabazi.'
'Mu bihe bitandukanye, ubuyobozi bw'Itorero bwagize umwanya wo kubasaba imbabazi ku byakozwe mu izina ry'abayobozi batandukanye mu Itorero ariko igihe cyose iyo twumvise ubu buhamya twumva twabasaba imbabazi, ari abahungiye hano i Nyabisindu n'abahungiye ku yandi matorero.'
Pasiteri Ndayizeye yavuze ko ADEPR iteganya ibikorwa bitandukanye mu minsi 100 yo kwibuka birimo gufasha abarokotse Jenoside batishoboye. Abagera ku 100 bazasanirwa inzu abandi bahabwe inka.
Muri iki gikorwa cyabereye i Muhanga hamuritswe inzu yasaniwe uwarokotse Jenoside anahabwa ibikoresho byo mu nzu.
Iki cyemezo gifashwe nyuma y'uko muri Gicurasi mu 2022, uru rukiko rwagize umwere Natacha Polony, ku cyaha cyo guhakana Jenoside yakorewe Abatutsi mu 1994.
Ni icyaha uyu muyobozi w'Ikinyamakuru 'Marianne' yashinjwaga ko yakoze muri Werurwe 2018 ubwo yari mu kiganiro kuri France Inter, akagaruka ku buryo Jenoside yakorewe Abatutsi yakozwemo.
Icyo gihe yavuze ko muri ayo mateka ya Jenoside nta ruhande rw'abantu beza cyangwa urw'ababi rwari ruhari ahubwo bose bari kimwe.
Mu cyemezo Urukiko rw'i Paris rwatangaje, rwavuze ko hari ugushidikanya ku gisobanuro cy'amagambo uyu munyamakuru yavuze.
Uyu mugore w'imyaka 48 yari yarezwe hagendewe ku itegeko ryerekeye ubwisanzure bw'itangazamakuru mu Bufaransa. Kuva mu 2017 rihana ibikorwa byo guhakana, gupfobya cyangwa gutesha agaciro Jenoside zemewe n'iki gihugu atari iyakorewe Abayahudi gusa.
Itegeko rihana abapfobya jenoside mu Bufaransa ryashyizweho nyuma y'igihe Umuryango w'Abanyarwanda baba mu Bufaransa, CRF, uburana na Leta y'u Bufaransa itanga ubusabe bw'uko guhakana Jenoside yakorewe Abatutsi byaba icyaha, bica mu nkiko zitandukanye, urw'ubujurire, urusesa imanza n'urukiko rushinzwe kurinda iremezo ry'Itegeko Nshinga.
Polony ni we wa mbere wagejejwe mu rukiko hagendewe kuri iryo tegeko.
Iterambere ry'ibihugu rishingira ku burezi bufite ireme ndetse ubushakashatsi bw'abahanga mu ngeri zitandukanye bufasha leta gufata ibyemezo bishingiye ku makuru yizewe.
Kaminuza y'u Rwanda ivuga ko umubare w'abafite impamyabumenyi y'ikirenga bayigishamo n'izihanitse wiyongereye bityo n'ubushakashatsi ishyira ahagaragara bwazamutse mu mubare n'ireme.
Umuyobozi wa Koleji y'Ubucuruzi n'Ubukungu (CBE) muri Kaminuza y'u Rwanda, Dr Joseph Nkurunziza, yavuze ko ubu abarimu ba Kaminuza y'u Rwanda bafatanyije n'abanyeshuri babo bamaze gusohora ubushakashatsi 70 mu binyamakuru mpuzamahanga.
Yavuze ko mu mwaka wa 2022 muri Kaminuza y'u Rwanda hashyizwemo igicumbi cy'ubushakashatsi kiri gufasha kunoza ubushakashatsi bwibanda ku bifitiye akamaro umuturage.
Ati 'Igihe cy'ubushakashatsi dutegura buri mezi atandatu, duhuza abanyeshuri bacu bari kwiga muri porogaramu za PhD n'abashakashatsi babafasha, bagahuriza hamwe kugira ngo berekane aho bageze. Twashyizeho igicumbi cy'ubushakashatsi [Data Driven Hub] cyadufasha kugira ngo dukore ubushakashatsi bufite intego yo gukemura ikibazo kijyanye n'umuturage w'umunyarwanda hamwe n'undi wese byagirira akamaro.'
Yanavuze ko bamwe mu banyeshuri bari muri icyo gicumbi batanze ibisubizo ku bibazo bimwe byari mu mabanki, bigamije gukurikirana amakuru y'abaka inguzanyo bakananirwa kwishyura.
Dr Nkurunziza avuga ko ubu hari imishinga itatu y'ubushakashatsi iri gukorwaho, harimo n'isesengura ry'amakuru y'umutekano wo mu muhanda rizafasha Polisi y'u Rwanda gufata ibyemezo bishingiye ku makuru yasesenguwe neza.
Ati 'Abatwara ibinyabiziga, akenshi hari abakora amakosa mu ijoro. Mbere y'uko camera ziza ntayo twabonaga ariko ubu turayabona. Ubu noneho dushobora kwegeranya amakuru tukamenya n'imodoka ziteza ibibazo, niba ari imodoka z'ubwoko runaka, birafasha kugira ngo dushobore gutanga amakuru agendeye ku bushakashatsi.'
Dr Nkurunziza yavuze ko muri ubu bushakashatsi bazareba impamvu nyamukuru ituma impanuka ziyongera cyangwa zigabanuka bigafasha urwego rushinzwe umutekano wo mu muhanda gufata ibyemezo bihamye.
Ubu bushakashatsi buri gukorwa basesengura amakuru akusanywa na camera zishinzwe kugenzura umuvuduko mu muhanda bugeze ku mpuzandengo ya 60%.
Uyu mugore atuye mu Mudugudu wa Gakoma mu Kagari ka Buhabwa mu Murenge wa Murundi, ubusanzwe acuruza ibitoki, ibijumba, imyumbati n'ibindi bihingwa.
Mu kiganiro na IGIHE, Hakizimana yavuze ko yaguze igare ry'ibihumbi 60 Frw kuko yari arambiwe gukorera amafaranga agasanga amenshi yayahaye abamutwaza ibicuruzwa bye.
Ati ' Iri gare nariguze kugira ngo rijye rimfasha kuntangira mituweli, gushaka ibyo kurya n'amafaranga y'ishuri y'abana.'
'Mfite abana bane ubu hariga babiri, ncuruza ibitoki, ibijumba n'ibindi byinshi, rero naguze iri gare kugira ngo ibyo ncuruza njye njya kubyizanira, nabonaga amafaranga mpa abanyonzi ari menshi kugira ngo agabanuke mpitamo kujya mbyitwarira.'
Hakizimana yakomeje yavuze ko ubusanzwe yaranguraga nk'ibitoki bitanu umunyonzi ubipakira abigeza ku muhanda aho abicururiza akamuca hagati 1500 Frw na 2000 Frw.
Aya mafaranga ngo iyo yavaga mu nyungu wasangaga asigarana nibura 3000 Frw akabona ni menshi ari nabyo byamuteye umuhate wo kugura igare, araryiga none ubu asigaye abyitwarira ya mafaranga yahaga abanyonzi akayongera ku nyungu aba yabonye aho kuyatanga.
Ati 'Urabona nk'ubu igitoki nakiranguye 4000 Frw, nshyizeho umunyonzi wasanga anciye 500 Frw nkakigurisha 5000 Frw urumva inyungu ya 1000 Frw mbonyeho mpise nyigabana n'umunyonzi ariko iyo nkitwariye ya nyungu nanjye ndayihemba noneho singire amafaranga ntanga mu banyonzi.'
Yavuze ko uretse kuba iri gare rimufasha mu gutunda imyaka rimufasha mu kuvoma amazi, rikamufasha kugera mu gasantere no mu gusura inshuti n'abavandimwe mu buryo bworoshye.
Yasabye abagore kwitinyuka bakareka gutinya gutwara ibinyabiziga cyangwa kwanga gukora imirimo runaka ngo ni uko ari abagore.
Biteganyijwe ko iki kibuga mpuzamahanga kizitwa Kigali International Airport kizuzura nibura mu 2026, bivuze ko habura imyaka ibiri gusa n'amezi make.
Mu ngengo y'imari iteganyijwe ni uko iki kibuga kizatangwaho miliyari ebyiri z'amadorali y'Amerika kugeza cyuzuye.
Amwe mu mafoto yagiye ahagaragara, agaragaza aho imirimo yo kubaka igeze, yerekana ko hari byinshi bimaze gukorwa ndetse agatanga n'icyizere ku kwihuta kw'imirimo yo kubaka iki kibuga cy'indege kitezweho byinshi.
Ikibuga cy'indege cya Bugesera cyitezweho kuba ihuriro ry'ingendo z'indege muri Afurika kuko kizaba cyagutse, gishobora kwakira indege nyinshi zijya mu byerekezo byinshi ku buryo abagenzi bafite aho bashaka kwerekeza hose muri Afurika no hanze yaho bazajya bahabona indege.
Imirimo yo kucyubaka yatangiye mu 2017, gusa bigeze mu 2018 itangira kugenda buhoro nyuma y'aho u Rwanda rubonye umufatanyabikorwa mushya, ariwe Qatar waguzemo imigabane ingana na 60%.
Icyo gihe byahise binajyana no kuvugurura igishushanyo mbonera cyacyo hagamijwe kucyagura, kongera ubwiza bwacyo no kuvugurura imyubakire hagendewe ku biranga ibibuga mpuzamahanga bigezweho.
Ikibuga Mpuzamahanga cy'Indege kiri kubakwa ni umushinga uri gukorerwa mu Karere ka Bugesera, mu Murenge wa Rilima, mu bilometero bike uvuye ku mbago z'Umujyi wa Kigali.
Guverinoma y'u Rwanda na Qatar Airways byasinye amasezerano y'ubufatanye yo gushyira mu bikorwa uwo mushinga wa miliyari 1,3 z'amadolari. Byitezwe ko ikibuga nicyuzura kizaba gifite ubushobozi bwo kwakira abagenzi miliyoni 8,2 ku mwaka ariko bashobora kugera kuri miliyoni 14 mu bihe bikurikiraho.
Uretse abagenzi, ikibuga cy'indege cya Bugesera kizajya kinyuzwaho imizigo isaga toni 150,000 buri mwaka, bikazafasha abacuruzi n'abashoramari bo muri Afurika bohereza cyangwa bavana ibicuruzwa mu mahanga.
Ubu gahunda ihari ni uko ikibuga cy'indege cya Bugesera kizubakwa mu byiciro bibiri, icya mbere kizarangira mu 2024/25.
Uretse amafoto y'igishushanyombonera yagiye hanze mu 2022 gusa, kuri ubu hashyizwe hanze n'amafoto agaragaza aho imirimo yo kubaka iki kibuga cy'indege igeze ku buryo bishimangira ko imirimo ibanza igiye kugera ku musozo.
Amafoto: Aviation Travel and Logistics
Ingero z'ibi ni nyinshi. Ku ya 27 Mata 2023, abantu batandukanye bitabiriye urubanza rwabereye mu ruhame mu Karere ka Kicukiro, mu Murenge wa Kanombe mu Kagari ka Kabeza, babaye nk'abaguye mu kantu kumva Mutatsineza Assoumpta ukurikiranyweho kugira uruhare mu rupfu rw'umugabo we ahakana ibyo aregwa.
Inteko iburanisha yahise imusomera inyandikomvugo y'ibyo yavugiye mu ibazwa rye mu bugenzacyaha, asobanura uko icyaha cyakozwe ndetse akanabyemera akabisabira imbabazi binyuze mu rwandiko yandikiye umuryango we n'uwo yahekuye.
Imbere y'urukiko, uyu mugore yahise avuga ko icyaha aregwa atacyemera kandi ko ibyo yakoze mu bugenzacyaha atabyemera. Yahise yihakana inyandiko isaba imbabazi avuga ko atari we wayanditse.
Muri uru rubanza areganwamo n'abandi bane bose bari baremeye icyaha bakoze n'uburyo bagikozemo bageze mu rukiko bahindura imvugo bamwe bavuga ko babyemeye kubera itotezwa bakorewe.
Ibi ariko ntabwo ari ibigararaga muri uru rubanza gusa kuko hari n'izindi manza zinyuranye byagiye bigaragaramo aho abantu baba baremeye ibyaha bakurikiranyweho mu Bugenzacyaha ariko bagera mu rukiko bakabihakana bivuye inyuma.
Hari abamaze guhitamo umurongo wo kwemera icyaha bari mu Bugenzacyaha no mu Bushinjacyaha ariko bafite umugambi wo kuzabihakana mu gihe cyo kuburana urubanza mu mizi.
Ese hari icyo bifasha uregwa?
Nsengimana Alphonse bakunze kwita Gatera yakurikiranyweho icyaha cyo gusambanya umwana w'imyaka itandatu. Mu Rukiko Rwisumbuye yaburanye ahakana icyaha ariko yari yaracyemeye mu Bugenzacyaha. Nyuma yo gusanga kimuhama Urukiko rwamuhanishije igifungo cya burundu.
Yajuririye Urukiko Rukiko avuga ko yahamijwe icyaha atakoze narwo rwemeza ko nta gihindutse mu bujurire bwe.
Uyu mugabo yahisemo kujurira bwa Kabiri mu Rukiko rw'Ubujurire avuga ko inkiko zibanza zamuhamije icyaha atakoze.
Urukiko rushingiye ku mirongo yatanze mu manza zitandukanye no ku nyandiko z'abahanga rwemeza ko nta kosa Urukiko rubanza rwakoze mu kumuhamya icyaha rwemeza ko igifungo cya burundu yahawe ku rwego rubanza kigumaho.
Aho hahise hatangwa umurongo no ku zindi manza ugaragaza ko umucamanza adategetswe gushingira ku mvugo ihakana icyaha mu Rukiko nyamara ushinjwa yaracyemeye mu nzego z'ikurikiranacyaha.
Bivugwa ko umucamanaza ashobora gushingira ku mvugo yavugiwe mu nzego z'ikurikiranacyaha iyo asanze arizo zihuje n'ukuri kw'ibyabaye kandi zifite ibindi bimenyetso bizunganira.
Birumvikana ko mu gihe uwakoze icyaha yacyemereye mu Bugenzacyaha kugihakana mu rubanza nta shingiro bigira ahubwo bimwima n'amahirwe yo kugabanyirizwa igihano. Kugihakana mu rukiko yaracyemeye ahandi, bigomba kuba ari ibintu bifite ibimenyetso ashingiraho.
Niba avuga ko yashyizweho agahato, agomba kubitangira ibimenyetso, niba yarakorewe iyicarubozo, nabyo agomba kubitangira ibimenyetso.
Uyu muhanzi wamenyekanye mu ndirimbo zirimo nka 'Akabanga' yasubiye muri Amerika mu ijoro ryo kuri uyu wa Gatanu tariki 12 Gicurasi 2023, ahagana saa tanu z'ijoro.
Yabwiye InyaRwanda ko yari yaje mu Rwanda muri gahunda z'akazi asanzwe akora, arubyaza umusaruro anahakorera indirimbo na ba Producer banyuranye.
Shaffy yavuze ko muri izi ndirimbo eshanu yakoreye mu Rwanda, harimo indirimbo zakabaye zararangiye ari muri Amerika, ariko ko bitewe n'intera iri hagati y'ibihugu byombi byagiye bigorana guhuza na ba Producer.
Avuga ko izo ndirimbo arizo yahereyeho ashyiraho akadomo. Ati 'Nazanywe n'akazi. Gukorana na ba Producer bo mu Rwanda n'akazi kagoye nari mfite indirimbo zimaze nk'umwaka turazirangiza kubera intera.'
Akomeza ati 'Ugasanga nka kantu kakagombye gukosorwa mu masegonda gafashe ibyumweru. Uwo mujinya na 'stress' nibyo byatumye rero nza ngo mbikurikiranire ku kibuga kuko abafana kudasohora indirimbo ni ideni rindemerera.'
Shaffy avuga ko izi ndirimbo eshanu zakozwe na Producer Niz Beats, Element muri 1:55 am, Santana Sauce muri Hi5 ndetse na Producer Bob.
Uyu muhanzi avuga ko kubera ko atabashije kuza mu Rwanda guhekereza inshuti ze zitabye Imana, yasabye Christopher kumuhereza bajya gusura imva ya Buravan, iya Dj Miller, wamamaye mu kuvanga imiziki, iya Yanga wamamaye mu gusobanura filime, iy'umubyeyi wa Meddy ndetse n'iya Nyina wa Christopher.       
Shaffy muri studio ya 1:55 am Producer Element amufasha kurangiza imwe mu ndirimbo ye yari amaze igihe ari gukora 
Junior Giti uzwi cyane mu basobanura filime mu Rwanda yahuye na Shaffy 
Christopher yaherekeje Shaffy gusura imvano ya Buravan, umunyamuziki wasize ibihangano bidasaza 
Shaffy yari inshuti y’igihe kirekire ya Buravan 
Shaffy yanasuye imva y’umubyeyi wa Meddy, umuhanzi afatiraho urugero mu muziki 
Shaffy yanasuye imva y'umubyeyi wa ChristopherÂ
Shaffy yavuze ko yaje mu Rwanda mu gihe cy’iminsi itatu kubera akazi yarimo 
Shaffy avuga ko atabonye umwanya wo gukora amashusho y’indirimbo kubera umwanya mutoÂ
KANDA HANO UREBE AMASHUSHO Y’INDIRIMBO ‘FAITHFUL’ YA SHAFFY
“>
Â
Umukino wabimburiye indi ni uwo Miami Heat yabonagamo itike yo gukomeza ku mukino wa nyuma mu gace k'iburasirazuba. Amanota 96 ku manota 92 ya New York Knicks niyo yatandukanyije impande zombi.
Uyu mukino ikipe ya Miami Heat yatangiye itakaza agace kayo ka mbere kuko yatsinzwe 31-24. Agace ka kabiri Miami yahise igatsinda n'amanota 27-19.Â
Agace ka gatatu Miami Heat yongeye kugatsinda ndetse n'aka kane iragatsinda. Uyu mukino warangiye Miami Heat itsinze amanota 96 kuri 92 ya New York Knicks.
Abakinnyi babanje mu kibuga ku ruhande rwa Miami Heat ni Bulter, love, Adebayo, Strus ndetse na Vincent. Ku ruhande rwa New York Knicks abakinnyi babanje mu kibuga ni Randle, Barret, Robinson, Brunson ndetse na Grimes.
Undi mukino wabaga mu gace k'iburasirazuba ni uwo ikipe ya LA Lakers yatsinze Golden State warriors amanota 122 ku 101. Ibi bikaba byahaye Lakers amahirwe yo gukina umukino wa nyuma muri Eastern Conference.
Lakers nyuma yo gutsinda Golden State Warriors yageze ku mukino wa nyuma
Uyu mukino ikipe ya Lakers nta mbabazi yari ifite kuko Golden State Warriors nta gace na kamwe yigeze itsinda. Uduce twose tw'umukino twatsinzwe na Lakers.
Agace ka mbere yagatsinze na 31-26, agace ka kabiri yagatsinze na 25-20, agace ka gatatu yagatsinze na 35-31 naho agace ka kane yagatsinze na 31-24.
Abakinnyi babanje mu kibuga ku ruhande rwa Lakers ni Reaves, James, Davis, Russel ndetse na Schroder. Ku ruhande rwa Golden State Warriors abakinnyi babanje mu kibuga ni Curry, Thompson, green, wiggns ndetse na Payton.
Jimmy Butler yatsinze amanota 30 yafashije Miami Heat kugera mu mikino ya nyuma
Abakinnyi b’ikipe ya Heat bishimira intsinzi
