Category: Uncategorized

Kuri uyu wa Mbere tariki 15 Gicurasi, mu cyumba cy’inama cya Lemigo Hotel habereye Inteko Rusange ya FERWAFA yo gutora komite nyobozi y’inzibacyuho, isimbura ubwegure bw’abarimo Nizeyimana Olivier wahoze ayoboye FERWAFA.

Ubwo Inteko Rusange yari itangiye, Marcel Matiku yakiriye Umunyamabanga Uhoraho muri Minisiteri ya siporo, Niyonkuru Zephanie, witabiriye ari Umushyitsi Mukuru, atangira ashimira ku  butumire yahawe, ndetse ashimira abitabiriye bose.

Yakomeje avuga ko siporo ari imwe mu nkingi z’ubukungu bacungiyeho. Ati: “Igisata cya siporo kiri mu byo Leta yegamiyeho mu kongera ubukungu.  Twe nka Leta ibyo tuzakomeza gukora ni ukuzamura ibikorwa remezo, birimo amasitade n’ibindi. 

Tuzakomeza kandi guha imirimo abantu baba muri siporo, harimo abakinnyi abayobozi, n’abandi. Niduhuriza hamwe tugakomeza gucuruza umupira w’amaguru neza hagati yacu bizagira inyungu kuri Leta ndetse n’abantu baba mu mupira.”

Niyonkuru Zephanie yabayeho umusifuza wo ku ruhande mu myaka yatambutse 

Niyonkuru Zephanie yakomoje ku nama ya FIFA yabereye mu Rwanda, avuga ko nayo yagize uruhare ku bukungu bw’ibihugu. Yagize ati “Siporo ifite urundi ruhare by’umwihariko mu bukerarugendo. Siporo ikomeje gukora ibikomeye mu bukererarugendo, nk’iyo igihugu cyacu cyakiriye imikino, amahoteri yinjiza amafaranga kubera amacumbi, ingendo nazo ni uko kubera abantu baba bagana iki gihugu. 

Nabaha urugero, ku nama ya FIFA yabereye mu Rwanda. Nyitanzeho urugero kuko ihuye namwe, igihugu iyo cyakiriye inama nk’iriya hari amafaranga yinjira ako kanya (Direct Money) ndetse n’andi aza ukundi (Indirect Money), amafaranga yinjira ako kanya ntiyajya munsi ya mirlyari 10. Aya mafaranga yinjira binyuze mu mafaranga ahabwa amahoteri, ingendo, amafaranga yatanzwe kuri BK Arena yakiriye inama ndetse n’ahandi.” 

Inama ya 73 ya FERWAFA yabereye mu Rwanda tariki 26 Werurwe, ikaba yaritabiriwe na bamwe mu bayobozi bakomeye mu mupira w'amaguru, ndetse na Perezida wa Repubulika y'u Rwanda Paul Kagame ni umwe mu banyacyubahiro bayitabiriye. 

Niyonkuru Zephanie yasoje ashimira abitabiriye inama ndetse abifuriza inama nziza, yewe anakomeza kwizeza ubufatanye, hagati ya Minisiteri ya siporo na FERWAFA.

Inteko rusange irarimbanyije aho hagomba gutorwa ubuyobozi bayobora FERWAFA iminsi 39 mbere y’uko haba amatora

Inama ya FIFA yabereye mu Rwanda, byari ku nshuro ya 4 ibereye muri Afurika

Kuri Kigali Pele stadium ku munsi w’ejo habereye umukino ukomeye wahuje APR FC na Kiyovu Sport, akaba ari umukino wo kwishyura wa ½ mu Gikombe cy'Amahoro. 

Umukino ubanza amakipe yombi yari yanganyije 0-0, Ikipe y'Ingabo z'Igihugu yaje mu mukino wo kwishyura ibizi ko igomba gukinisha imbaraga zayo zose kugira ngo ibone intsinzi iyigumisha mu Gikombe cy'Amahoro dore ko icya shampiyona batakizeye.

Ibi byarabafashije cyane maze banyabika Kiyovu Sport ibitego 2-1, bahita basanga Rayon Sport ku mukino wa nyuma, abakunzi ba APR FC basagwa n’ibyishimo. Na Nyuma y'umukino, aka kanyamuneza kakomereje i Shyorongi aho iyi kipe isanzwe iba ndetse igakorera n'Imyitozo.

Nshuti Innocent na Fitina Ombolenga mu byishimo byinshi

Chairman wa APR FC wari wanagaragaye areba umukino, yagiye kwishimana n'abakinnyi ndetse banasangira icyo kurya no kunywa. Mu ijambo yabagejejeho yababwiye ko nubwo batanze ibyishimo ariko n'ubundi bakibategerejeho ibindi. 

Yagize ati: 'Umukino ubanza sinawurebye, ariko nakurikiye uko umukino wagenze, icyo nabonye ni uko no mu Bugesera mwari kwitwara neza mugatsinda, ariko uyu munsi muradushimishije. Ibi ni byo duhora tubifuzaho rwose.'

'Mwabonye uko abakunzi banyu babishimiye bitewe n'uko mwakinnye, ariko n'ubwo mutanze ibyishimo uyu munsi dutegereje n'ibindi, kuko hari urundi rugamba rubategereje.'

'Muri Abanyarwanda buzuye, muri aya marushanwa muhuramo n'abakinnyi batandukanye, ariko mwebwe murihariye, mwerekanye umupira uri ku rwego rwiza kandi ibi ni byo duhora twifuza. Mukomeze mukotane n'ibindi muzabigeraho turabizeye kandi nk'ubuyobozi duhari ku bwanyu”.

APR FC izagaruka mu kibuga mu mpera z’iki cyumweru muri shampiyona naho umukino wa nyuma w’igikombe cy’Amahoro uzaba taliki 3 z’ukwezi gutaha bacakirana na Rayon Sports kuri sitade mpuzamahanga y’Akarere ka Huye.

Chairman wa APR FC yari yashimiye cyane

Umufana wa APR FC, Rujugiro nawe yari ari i Shyorongi 

Kapiteni mukuru wa APR FC, Djabeli ndetse na Mugisha Gilbert bishimye cyane

Umutoza wa APR FC amwenyura

Abakinnyi ba APR FC bakorewe umunsi mukuru nyuma yo kugera ku mukino wa nyuma w’Igikombe cy’Amahoro

Umunyamideli washinze inzu y’imideli ya Moshions, Turahirwa Moses Uruiko rwategeste ko afungwa iminsi 30 y’agateganyo.

Uyu munyamideli akaba akurikiranyweho icyaha cyo gukoresha ikiyobyabwenge cy’urumogi no gukoresha impapuro mpimbano.

Tariki ya 10 Gicurasi nibwo uyu mugabo yatangiye kuburana ku ifungwa n’ifungurwa by’agateganyo.

Uyu munsi nibwo yasomewe maze Urukiko rwemeza ko afungwa iminsi 30 y’agateganyo.

Urukiko rugendeye ku mpungenge z’ubushinjacyaha ko ashobora kubangamira iperereza ndetse icyaha akurikiranyweho akaba ari icyaha gikomeye kandi umuntu ukurikiranyweho icyaha gikomeye gifungirwa kuva ku mezi 6 kugera ku myaka 5 aburana afunze;

Rwatesheje agaciro ubusabe bw’abunganira Moses bari basabye ko yaburana ari hanze kuko ari ubwa mbere akurikiranywe n’inkiko ndetse akaba yari yemeye gutanga nk’ingwate inzu ye y’Imideli ya Moshions.

Uko iburanisha ryagenze

Tariki ya 10 Gicurasi nibwo yatangiye kuburana aho yemeye ko yakoresheje iki kiyobyabwenge ubwo yari mu Butaliyani kandi muri icyo gihugu bidafatwa nk’icyaha.

Ikindi ngo ni uko urumogi rwasanzwe iwe, rwari mu ishati atarambara na rimwe atazi uko rwagezemo.

Icyaha cyo gukoresha impapuro mpimbano, yavuze ko pasiporo yagaragaje avuga ko yahinduye igitsina ubu ari umugore, aho yashimiye Leta y’u Rwanda yabyemeye, yavuze ko iyo pasiporo nta ho yayikoresheje ndetse nta na nimero ifite ahubwo ari iyo arimo gukoresha muri filime ye Kwanda season 1.

Turahirwa Moses yavuze ko pasiporo y’umwimerere ayifite ndetse ko kuba yarahise asiba uru rwandiko kandi akaba yaragerageje kuruhindura agakuraho nimero ya passport, bitari bihagije ngo bibe icyaha.

Ubushinjacyaha bwagaragarije urukiko imiterere y’ibyaha Turahirwa aregwa, bumusabira gufungwa by’agateganyo mu minsi 30, mu gihe iperereza rigikomeje.

Icyakora, Turahirwa yasabye kurekurwa akaburana ari hanze, atanga inzu y’imideli ya Moshions nk’ingwate, ndetse Se na mushiki we bemera kumwishingira kugira ngo Urukiko rumurekure, aburane adafunze.

Moses agomba gufungwa iminsi 30 y’agateganyo

Byatangarijwe Abadepite bagize Komisiyo y'Ingengo y'Imari n'Umutungo by'Igihugu, ubwo Minijust n'ibigo biyishamikiyeho bagaragazaga imikoreshereze y'ingengo y'imari muri uyu mwaka n'ibiteganywa mu 2023/24.

Mu byagaragajwe na Minijust nk'ibyakozwe muri uyu mwaka kandi bizakomeza gukorwa harimo kubaka ikoranabuhanga rya IECMS, risanzwe rikoreshwa kuva mu 2017.

Ni uburyo bworohereje abaturage kumenya amakuru no gukurikirana ibirego byabo bitabasabye kuva aho bari.

Umushinga wose kugira ngo ukorwe hasabwaga miliyari 9,8 Frw, aho kuri ubu hamaze gukoreshwa miliyari 3 Frw. Awugenewe muri uyu mwaka wa 2022/23, ni miliyari 1,5 Frw.

Ku rundi ruhande ariko Minisitiri Dr Ugirashebuja Emmanuel yavuze ko ingengo y'imari igenerwa uyu mushinga nke.

Ati 'Ikigaragara ariko ingengo y'imari iteganywa muri iki gikorwa usanga ari nke ugereranyije n'ibikorwa biba biteganyijwe gukorwa uko bingana.'

'Iyo urebye ni uko umubano dufitanye n'abubaka iyi sisiteme naho ubundi ingengo y'imari ubona ari nke cyane cyane muri uyu mwaka.'

Ni ibintu byagarutsweho n'Abadepite bashimangira ko hakwiriye kurebwa uburyo iri koranabuhanga rihabwa ingengo y'imari rikaba ryarangiza kubakwa.

Depite Rubagumya Emma Furaha ati 'Nk'uko mwabibonye ubundi [IECMS] yagombaga kuba irangira umwaka utaha kandi ifasha mu buryo bukomeye imirimo igendanye n'ubutabera, nk'uko twaganiriye n'abayikoresha, hagiye hagaragayemo ibyuho.'

'Ariya mafaranga abonetse byafasha ko ririya koranabuhanga rigenda neza kandi harimo ibibazo byinshi byagiye bigaragara kuri ririya koranabuhanga ku buryo habonetse ingengo y'imari ikubakwa byakemura byinshi.'

Minijust igaragaza ko kugeza tariki 30 Mata 2023, umushinga wose wo kubaka ikoranabuhanga rya IECMS wari ugeze kuri 35%.

Amahirwe nk'aya yegerejwe abanyeshuri ba Kaminuza y'u Rwanda, Ishami rya Rukara mu Karere ka Kayonza.

Bishimira ibyiza bamaze kunguka nyuma yo kubakirwa ibyumba byifashishwa mu kwigisha amasomo y'imibare na siyansi hifashishijwe ikoranabuhanga, smart classrooms.

Ayingeneye Lenatha ufite ubumuga bwo kutabona, yishimira ko ubu abasha kubika amajwi ya mwarimu mu gihe ari kubigisha, akayifashisha asubiramo amasomo.

Nsengiyumva Jean damascène na we afite ubumuga bwo kutabona. Yiga mu mwaka wa kabiri mu ndimi.

Yavuze ko smart classroom bubakiwe yabafashije gukemura byinshi mu bibazo bahuraga nabyo, birimo kutagira aho bandikira.

Ubu mudasobwa zabo zihariye zibafasha mu myigire n'ibindi byinshi bitandukanye.

Ati 'Hari porogaramu nyinshi tutagiraga zidufasha kwiga, byatumaga tubona amanota make cyangwa se tukaba twanatsindwa, aho bikemukiye rero amanota yariyongereye dutangira gutsinda.'

Iburanisha ryo kuri uyu munsi, ryibanze cyane kuri raporo y'abaganga igaragaza niba Karasira Aimable afite ibibazo by'ubuzima bwo mu mutwe ndetse impande zombi ziyitangaho ibitekerezo.

Ubushinjacyaha bwagaragaje ko harimo inenge mu buryo yakozwemo kuko idasubiza ibibazo byose urukiko rwari rwasabye ko bigaragazwa ku buzima bwa Karasira.

Saa 11:45, ubwo Umushinjacyaha Habarurema Jean Pierre yatangaga ibyifuzo by'ubushinjacyaha, Karasira yahise ahaguruka ashaka gusohoka.

Perezida w'Inteko iburanisha yahise amubwira ko mu rukiko umuntu adasohoka uko yiboneye, ahagarika by'akanya gato iburanisha, kugira ngo ajye hanze kuko yahise asaba ko ashaka kwihagarika.

Nyuma y'iminota itanu gusa Karasira yahagurutse asaba urukiko ko ibindi byavugwa adahari. Yahise asabwa kwicara ndetse umushinjacyaha akomeza guhabwa ijambo.

Karasira yahise ahinduka agaragaza uburakari, ashaka gusohoka.

Perezida w'Inteko iburanisha yahise amumenyesha ko agomba kwicara agakurikirana urubanza cyangwa niba adashaka gukomeza kurukurikirana agahita asohoka.

Karasira yahise asohoka yitonganya ndetse no hanze y'icyumba cy'iburanisha akomeza gusakuza ku buryo ijwi rye ryumvwaga n'uri mu cyumba cy'iburanisha.

Umucamanza yabajije uwunganira Karasira mu mategeko, Me Kayitana Evode ku myitwarire y'umukiliya, undi asubiza ko ibyo akoze atari we ubyikora ahubwo ko ari ikimenyetso cy'uburwayi afite.

Yakomeje agaragaza ko bishimangira n'uburyo yasohotse mu bitaro bya Caraes Ndera kandi nyamara ari we wari wisabiye ko ajyanwa gukorerwa isuzuma.

Yagize ati 'Ibi Karasira akoze ntabwo ari we ubyikora ahubwo ni uburwayi afite.'

Yasabye ko Urukiko rwategeka ko uwo yunganira akurwa muri Gereza akajyanwa mu bitaro bya Caraes Ndera kuvurwa.

Ubushinjacyaha bwabyanze buvuga ko bishingiye kuri raporo ya muganga kandi ko buyibonamo inenge.

Yavuze ko icyifuzo cy'umuganga atari ihame ko abacamanza bakigenderaho kandi ko kuba umuganga yifuza ko Karasira ajyanwa mu bitaro bitakorwa n'urukiko ahubwo ko ibyo bisaba ko haba habayeho transfer kandi itangwa n'umuganga usanzwe ukurikirana umurwayi.

Karasira Aimable yisohoye mu rukiko avuga ko adashaka gukomeza kumva amagambo y'ubushinjacyaha. Ageze hanze, yahise yicara hasi ararambya