Category: Uncategorized

Abadepite n'abari bahagarariye Guverinoma muri rusange bagaragaje ko iri tegeko rizaca intege abakora ibi byaha. Rije risimbura iryo mu mwaka wa 2019.

Perezida wa Komisiyo y'Ububanyi n'Amahanga, Ubutwererane n'Umutekano, Bugingo Emmanuel, avuga ko gushyiraho itegeko rishya bizakuraho ibyuho byagaragaraga mu ryari risanzweho.

Yagize ati 'Ibihano ku iyezandonke harimo igifungo cy'imyaka 10 itarengeje imyaka 15 ariko na ya ndonke yejejwe agatanga ihazabu yikubye inshuro zishobora kugeza kuri eshanu z'agaciro k'indonke yejejwe.'

'Gutera inkunga iterabwoba byo imyaka iragenda ikagera muri 25, ni kimwe no gutera inkunga ikwirakwizwa ry'intwaro kirimbuzi kandi ikindi cyashyizwe muri iri tegeko ni uko kiriya cyaha kidasaza.'

Iri tegeko rigizwe n'ingingo 73 zose zikaba zatowe n'Abadepite ku bwiganze busesuye.

Umuyobozi Mukuru w'Urwego Rushinzwe Ubutasi ku Mari (FIC), Gashumba Jeanne Pauline, avuga ko nubwo ibi byaha bihari mu Rwanda n'ubwo bitaragera ku rwego rwo hejuru.

Ashimangira ko iri tegeko rizarushaho gufasha inzego zitandukanye zifatanya gukumira bene ibi byaha.

Ati 'Aha bishatse kuvuga ko iterabwoba akenshi ntabwo ryabaho hatabayeho abaritera inkunga, ibyo rero ni ibyaha bigendana, niba mu gihugu cyacu dufite ibyaha by'iterabwoba byagiye biboneka, bivuze ngo haba harabayeho uburyo bwo kubitera inkunga kugira ngo bibashe kubaho.'

'Iri tegeko rero rirateganya uburyo bwo gukumira n'uburyo bwo guhana kandi byose biba bigamije kugira ngo igihugu cyacu kibashe kubaho kirinzwe kitarimo ibyo byaha.'

Ibyaha by'iyezandonke, gutera inkunga ibikorwa by'iterabwoba no gukwirakwiza intwaro za kirimbuzi bikorwa akenshi amafaranga ava muri bene ibi bikorwa akoreshwa mu buzima busanzwe nko mu ma banki.

Akoreshwa kandi mu kugura imitungo inyuranye n'ibindi bikorwa by'ubukungu nyamara ari amafaranga yabonetse ari uko hakozwe ibyaha, ari yo mpamvu ibihugu binyuranye bifatanya mu kubirwanya.

Abagize Inteko Rusange batoye itegeko rihana ibyaha by’iyezandonke no gutera inkunga iterabwoba

Ni umuburo iki kigo gitanga mu buryo bwo kwirinda ko umutungo w'amazi ushobora gukoreshwa nabi mu bihe bizaza ukaba washira, cyane ko kigaragaza ko mu Rwanda imigezi ivuka ari yo mike kurusha ikama.

Kuri ubu, Ishami rishinzwe gutanga impushya z'amazi muri RWB rigaragaza ko mu bigo bikoresha amazi ku ngano iri hejuru mu mirimo itandukanye bigera ku 2200 ariko ngo abagera kuri 810 ni bo bafite izo mpushya.

Ni ibintu ubuyobozi bw'iryo shami buvuga ko bigomba guhagurukirwa kuko bitabaye ibyo mu myaka iri imbere amazi yazaba nk'ibikomoka kuri peteroli, abantu babikerensa.

Umuyobozi w'iryo shami, Munyandinda Vital, yagize ati 'Umutungo kamere w'amazi ni umutungo rusange abantu bafiteho uburenganzira bungana. Mu gusaranganya uwo mutungo, iyo usabye uruhushya rw'amazi icyo gihe uba umenyekanye mubawukeneye bikadufasha no kumenya ibikorwaremezo dukeneye n'ingano y'amazi dushaka n'aho yava.'

Kuri ubu imirimo iteganyijwe gusabirwa uruhushya irimo kuhira imyaka ku buso burenga hegitari imwe, ingomero z'amashanyarazi n'izo gufata amazi, gukwirakwiza amazi mu ngo n'inganda zikenera amazi zitakuye ku bayakwirakwiza.

Biyongeraho kandi ku bakora imirimo y'imyidagaduro cyangwa indi mikono nk'abafite za 'beach' ku biyaga, ubworozi bw'amafi bukorerwa mu byuzi cyangwa ibiyaga, kuronga kawa, kuyungurura amabuye y'agaciro no gucukura gaz.

Munyandinda ati 'Kuyungurura amabuye y'agaciro byo ni umwihariko kuko ho tunareba niba ayo mazi akoreshejwe bafite aho bayashyira adasubijwe mu migezi kuko ashobora no kwangiza ibinyabuzima.'

Usaba urwo ruhushya yandikira umuyobozi mukuru inyandiko ikajyana n'ifishi yuzuzwaho amakuru asabwa arimo ingano y'amazi ashaka n'ibindi bikagenzurwa nyuma usaba uruhushya akaruhabwa.

Uruhushya rumara imyaka umushinga uzamara, imyaka ntarengwa ikaba 15 ishobora kongerwa mu gihe bigaragaye ko imirimo yarusabiwe itararangira.

Munyandinda yavuze ko izo mpushya zinabafasha kwirinda ko abantu babyiganira ahantu runaka, ibishobora gutuma amazi yaho aba make 'kuko hari nk'imigezi igaburira ibiyaga byo mu Burasirazuba kubera ko yuzuye, iyo abaye make bya biyaga bishobora gukama.'

Ati 'Bidufasha no kumenya abakoresha amazi abo ari bo, ingano y'amazi ikenewe noneho tukamenya ibikorwaremezo twakubaka mu kurinda ko ejo hazaza, twazisanga uwo mutungo kamere w'amazi warashize. Iyo utabungabunzwe neza urashira.'

Yongeraho ko mu bushakashatsi bakora umunsi ku wundi basanga ko mu 2050 nk'icyerekezo u Rwanda rwihaye mu cyo kugeza amazi ku Banyarwanda bose, bidakozwe neza icyo gihe cyazagera amazi atakibakwiriye.

Usaba uruhushya agomba kubanza gutanga ibihumbi 35 Frw ndetse ngo hari gukorwa ubushakashatsi bw'uburyo umuntu yajya yishyura ikiguzi runaka bitewe n'ingano y'amazi yakoresheje ku mwaka.

Ibihano birimo n'igifungo cy'imyaka ibiri

Kuri ubu gukoresha amazi utabifitiye uburenganzira ni icyaha gihanwa n'amategeko ahana y'u Rwanda.

Itegeko N°49/2018 ryo ku wa 13/08/2018 mu ngingo yaryo ya 21 n'iya 22 rigena imikoreshereze n'imicungire y'umutungo kamere w'amazi mu Rwanda riteganya ko ikoreshwa ry'uwo mutungo mu mirimo itandukanye risabirwa uruhushya.

Umuntu ufashwe akoresha amazi mu mirimo yavuzwe haruguru ariko atabifitiye uruhushya ahanwa bijyanye n'icyaha cyakozwe hifashishijwe ibihano byo mu rwego rw'ubutegetsi n'ibitangwa n'inkiko.

Ibyo mu rwego rw'ubutegetsi bitangwa na RWB ni ibiteganyirijwe ku bantu barimo nk'abatanga amakuru atari yo aho usaba uruhushya ashobora gusaba urwo kuhira akarukoresha mu gukwirakwiza amazi.

Uwo ahanishwa amande agera ku bihumbi 250 Frw.

Ikindi ni igihe ukoresha amazi abangamiye umukozi wa RWB uri mu kazi k'ubugenzuzi areba niba amazi akoreshwa mu buryo bukwiriye bwasabiwe uruhushya, itegeko rigena ko ubikoze ashobora guhanishwa ibihumbi 500 Frw.

Ushobora gukurikiranwa n'inkiko ni ukoresha amazi nta ruhushya afite, iyo ahamwe n'icyo cyaha ahanishwa ibihumbi 500 Frw cyangwa se igifungo kiri hagati y'amezi abiri n'atatu.

Iyo umuntu asanzwe akoresha ayo mazi ariko bikabonwa ko ayahumanya, inzego za RWB zimushyikiriza inkiko yahamwa n'icyo cyaha agahabwa igifungo kuva ku mezi abiri kugeza ku myaka ibiri n'ihazabu kuva kuri miliyoni 2 Frw kugeza kuri miliyoni 5 Frw.

Nubwo bimeze gutyo ariko abantu ntibarabyumva neza kuko ngo bumva ko ari uburenganzira bwabo, abandi bakaba batabizi, Munyandinda akavuga ko bakomeje ubukangurambaga mu kubibumvisha.

Munyandinda yavuze ko kuri ubu bari gukorana n'inzego zitandukanye iriya mirimo isabirwa uruhushya ibarizwamo aho buri wese ugiye gutangira iyo mirimo mu byangombwa asabwa hazajya hashyirwamo n'uruhushya rumwemerera gukoresha amazi mu kugabanya iyo mibare y'abatarufite.

Yibutsa ko abari muri iyo mirimo badafite uruhushya bafite ibyago by'uko mu gihe haje umuntu ushaka gukorera aho bakorera kandi akabisabira uruhushya iki kigo kitazazuyaza kuhamuha ” kuko wowe tutakuzi, ukoresha amazi rwihishwa “.

Ikigega cyita ku Bidukikije, The World Wide Fund for Nature kigaragaza ko nubwo Isi igizwe n'amazi angana na 70% , ashobora gukoreshwa mu mirimo itandukanye agera kuri 3% ndetse bibiri bya gatatu byayo ni urubura.

Ibi bituma miliyari 1.1 by'abaturage mu Isi babura amazi ndetse abandi miliyari 2.7 bashobora kubura amazi byibuze ukwezi kumwe mu mwaka.

Iki kigo kigaragaza ko inzuzi, ibiyaga ndetse n'andi mazi abumbatiwe n'ibitare agabanyuka umunsi ku wundi cyangwa akanduzwa ku buryo atakoreshwa imirimo, bigatizwa umurindi n'abo mu buhinzi n'indi mirimo bakoresha amazi menshi kandi mu buryo bishakiye.

Kigaragaza ko hatagize igikorwa ngo uwo mutungo kamere ubungwabungwe uko bikwiriye binyuze mu ngamba zitandukanye, mu 2025 bibiri bya gatatu by'abatuye Isi bashobora kuzahura n'ikibazo cy'amazi.

Ingomero z’amashanyarazi na zo ziri mu zigomba gusabirwa uruhushya

Abakora ibikorwa byo kuhira nabo basabwa kubisabira uruhushya

Abayungurura amabuye y’agaciro bo bafite umwihariko kuko nyuma yo gusaba uruhushya hagenzurwa n’aho bashyira amazi yamaze kurongwa

Abakora ubworozi bw’amafi yaba umuntu ku giti cye cyangwa ikigo bose bagomba kubisabira uburenganzira

Abakoresha amazi y’ibishanga badafite uburenganzira bagiye kujya bahanwa

Byagarutsweho mu Nama Mpuzamahanga y'Umurimo y'iminsi itanu yatangiye i Kigali kuri uyu wa 15 Gicurasi 2023.

Iyi nama ibaye ku nshuro ya 19 yateguwe ku bufatanye bw'u Rwanda n'Umuryango Mpuzamahanga wita ku Murimo (International Labor Organization:ILO).

Yitabiriwe n'abaminisitiri, abanyepolitiki, abahagarariye amashyirahamwe y'abakozi, Imiryango Mpuzamahanga, Imirango Itegamiye kuri Leta, za Kaminuza n'Ibigo by'Ubushakashatsi na Sosiyete Sivile.

Inama 18 zabanjirije iyi zabereye mu bihugu bitandukanye ku Mugabane wa Afurika zihuza abakozi n'abandi bafatanyabikorwa bavuye muri Afurika, Amerika, Aziya, n'u Burayi. Intumbero y'inama nk'izi ni ukungurana ibitekerezo no gusangira ubunararibonye mu bijyanye n'iterambere ry'umurimo.

Minisitiri w'Abakozi ba Leta n'Umurimo mu Rwanda, Kayirangwa Rwanyindo Fanfan, wafunguye iyi nama, yavuze ko ari umwanya mwiza wo guhanahana amakuru ku byakozwe neza, kugaruka kuri politiki n'ingamba zigamije guteza imbere umurimo mu nzego za Leta n'iz'abikorera.

Yavuze ko 'Ubumenyi budahuye n'ibikenewe ku isoko ry'umurimo ari imbogamizi mu guhanga imirimo itanga umusaruro ufatika kandi bigira ingaruka ku bukungu bw'ibihugu.'

Yavuze ko ubumenyi buke butuma abantu batabasha guhatana mu nzego z'imirimo bigatuma batakaza amahirwe aganisha ku guhanga umurimo.

Minisitiri Rwanyindo yavuze ko muri urwo rwego Guverinoma y'u Rwanda iri gushyira mu bikorwa ingamba zigamije guteza imbere ubumenyi buganisha ku guhanga umurimo binyuze mu gushyira ingufu mu mashuri y'imyuga n'ubumenyingiro nka rumwe mu nzego z'ingenzi mu kuzana impinduka mu bukungu igihugu cyifuza.

Ati 'Tuzakomeza kongera uburyo abantu babona ubumenyi bufite ireme binyuze mu gushyiraho porogaramu zihura n'ibikenewe ku isoko ry'umurimo muri iki gihe.'

Umuyobozi Mukuru Wungirije mu Muryango Mpuzamahanga wita ku murimo, ILO, akaba anashinzwe Afurika, Cynthia Samuel Olonjuwon, yavuze ko ibijyanye n'iterambere rya Afurika bikwiye kuva mu magambo bigashyirwa mu bikorwa.

Kuri we ibyaro bikwiye kuba ahantu hafasha mu guhanga imirimo aho kuba ahagenewe inzuri no guturwa n'abakene. Ni ahantu abaturage bagera kuri 50% bishimira kubaho ubuzima bwiza ndetse kuva mu cyaro bikaba amahitamo aho kuba ikintu cya ngombwa. Abahungu n'abakobwa bakwiye kuba bafite imirimo ibateza imbere aho kuba ibasubiza inyuma.

Yakomeje avuga ko niba mu 2030 umubare w'abaturage bageze igihe cyo gukora uziyongeraho 40% hagomba kugira igikorwa kugira ngo ubwiyongere bw'abaturage butazaba umuzigo ahubwo buzabe ari amahirwe ku bihugu. Ati 'Ibi bivuze ko ibintu bidakwiye gukomeza gukorwa nk'uko bisanzwe. '

Mu bibazo byugarije urwego rw'umurimo muri Afurika hari ko hari urubyiruko rutibona ku isoko ry'umurimo kubera ko nta bumenyi cyangwa amahugurwa bahawe. Ibi bituma benshi bisanga mu mirimo itanditse cyangwa iyo bahembwamo intica ntikize.

Yakomeje agira ati 'Muri make gukemura ikibazo cy'imirimo ihesha agaciro muri Afurika ni ikintu cy'ingenzi tugomba guhangana na cyo. Ibihugu n'imiryango nterankunga bigomba kugifatanya.'

Umuyobozi ushinzwe uburezi muri Banki Nyafurika y'Iterambere, Hendrina Doroba, yavuze ko uko abaturage biyongera ari na ko urubyiruko rwinjira mu bushomeri rwiyongera.

Yavuze ko muri 83% by'urubyiruko rwinjira ku isoko ry'umurimo muri Afurika yo Munsi y'Ubutayu bwa Sahara bakomeza kuba abashomeri n'ababonye akazi bakora mu mirimo iciriritse. Ibyo ngo ntibidindiza iterambere ry'ubukungu gusa ahubwo biteza umutekano.

Imibare yavuye mu isesengura ku miterere y'isoko ry'umurimo rikorwa n'Ikigo cy'Ibarurishamibare mu Rwanda, ryakozwe mu gihembwe cya kane cy'umwaka ushize wa 2022, igaragaza ko ubushomeri bukomeje kuzamuka by'umwihariko mu cyiciro cy'urubyiruko ruri hagati y'imyaka 16 na 30 (29,7%).

Afurika y'Epfo ni cyo gihugu gifite ijanisha riri hejuru ry'ubushomeri ku Isi muri uyu mwaka wa 2023 (35,6%) hashingiwe ku bipimo bya IMF.

Iyi nama ni urubuga rwo kungurana ibitekerezo no gusangira ubunararibonye mu bijyanye n'iterambere ry'umurimo

Iyi nama Mpuzamahanga yiga ku murimo ibaye ku nshuro ya 19, yitabiriwe n’abaturutse mu bihugu bya Afurika no hanze yayo

Minisitiri Rwanyindo yavuze ko ubumenyi budahuye n'ibikenewe ku isoko ry'umurimo ari imbogamizi mu guhanga imirimo itanga umusaruro ufatika kandi bigira ingaruka ku bukungu bw'ibihugu

Minisitiri w’Abakozi ba Leta n’Umurimo, Rwanyindo Kayirangwa Fanfan, ni we wafunguye iyi nama ku mugaragaro

Umuyobozi Mukuru Wungirije wa ILO akaba anashinzwe Akarere ka Afurika, Cynthia Samuel Olonjuwon, yavuze ko ibijyanye n'iterambere rya Afurika bikwiye kuva mu magambo bigashyirwa mu bikorwa

Umuyobozi ushinzwe Uburezi muri Banki Nyafurika y'Iterambere, Hendrina Doroba, yavuze ko uko abaturage biyongera muri Afurika ari na ko urubyiruko rwinjira mu bushomeri rwiyongera

Amafoto:Igirubuntu Darcy

Ni ubutumwa yatanze ubwo yari mu muhango wo kwibuka ku nshuro ya 29 Jenoside yakorewe Abatutsi mu 1994 by'umwihariko abiciwe ku Musozi wa Karambi mu Kagari ka Kayumbu, Umurenge wa Nyamata mu Karere ka Bugesera.

Perezida w'Umutwe w'Abadepite, Mukabalisa Donatille, yavuze ko gahunda yo kwibuka ihuriza hamwe Abanyarwanda kugira ngo babonereho umwanya wo kugaya ubutegetsi bubi bwimakaje ivangura n'amacakubiri mu bana b'u Rwanda.

Yagize ati 'Amasomo dukuramo atugaragariza ko iyo abenegihugu badafatwa kimwe, igihugu kitagendera ku mategeko, bitinde bitebuke biba biganisha igihugu mu icuraburindi. Nimuze rero twese duharanire kujya imbere, turwanya icyo ari cyo cyose cyashaka kudusubiza inyuma.'

'Ni umwanya wo kwereka urubyiruko rwacu rutabaye muri ariya mateka mabi, ibibi byakozwe n'ubutegetsi bubi, ari nako turugaragariza imyifatire, imvugo n'imitekerereze bikwiye Umunyarwanda nyawe ukunda igihugu.'

Yibukije urubyiruko rutabaye mu mateka mabi kurangwa n'imyifatire mu rwego rwo kubereka imyifatire, imitekerereze ikwiye Umunyarwanda nyawe ukunda igihugu cye kandi ushishikajwe no kukirinda ndetse no kugikorera kikagera ku iterrambere.

Umuyobozi w'Akarere ka Bugesera, Mutabazi Richard, yagaragaje ibintu bine byafasha kugira ngo amahano ya Jenoside atazongera kuba ukundi mu Rwanda.

Ni ukubika no gusigasira amateka ya Jenoside yakorewe Abatutsi mu 1994, kurwanya ingengabitekerezo ya Jenoside no kuyikumira, gushaka imibiri y'abishwe muri Jenoside itaraboneka no kuyishyingura mu cyubahiro no gukomeza gufasha abacitse ku icumu rya Jenoside yakorewe Abatutsi batishoboye.

Muri uyu muhango kandi hazirikanwe Abatutsi bagiye bavanwa hirya no hino bakaza kwicirwa mu gishanga cy'Akagera ubundi bakajugunywa mu rufunzo ndetse n'abagize basangwa bihishemo bakicwa n'Interahamwe.

Perezida w’Umutwe w’Abadepite mu Nteko Ishinga Amategeko, Mukabalisa Donatille, yagaragaje ko kudafata kimwe abenegihugu biganisha igihugu mu icuraburindi

Ni umuhango witabiriwe n’abayobozi batandukanye

Inzego z’umutekano zitabiriye iki gikorwa

Abayobozi mu nzego zitandukanye bunamiye Abatutsi bishwe muri Jenoside bakajugunywa mu rufunzo

Abakiri bato batabaye mu mateka ya Jenoside yakorewe Abatutsi basabwe kugira inyota yo kuyamenya kugira ngo baharanire ko ibyabaye bitazongera

Abaturage batandukanye bifatanyije n’abarokotse Jenoside yakorewe Abatutsi ku Musozi wa Kayumbu

Hashyizwe indabo mu rufunzo mu rwego rwo guha icyubahiro Abatutsi bishwe bakajugunywa mu mazi

Gakuba Félix yasimbuye Ron Weiss, Umunya-Israel wari muri uyu mwanya kuva muri Gicurasi 2017.

Ibaruwa yasinyweho n'Umuyobozi w'Inama y'Ubutegetsi ya REG, Dr Didacienne Mukanyiligira, ivuga ko Gakuba yahawe izi nshingano z'Umuyobozi Mukuru w'Agateganyo wa REG kuri uyu wa 15 Gicurasi 2023.

Igira iti 'Mu izina ry'Inama y'Ubutegetsi ya REG, nejejwe no kukumenyesha ko wahawe inshingano zo kuba Umuyobozi Mukuru wa REG mu buryo bw'agateganyo, guhera ku wa 15 Gicurasi 2023 kugeza igihe uzamenyesherezwa andi makuru. Urasabwa gutangira gutegura ihererekanyabubasha n'umuyobozi mukuru usimbuye.'

Amakuru agera kuri IGIHE yemeza ko uwari Umuyobozi wa REG yamaze gusimbuzwa Gakuba Félix, nubwo iki kigo cyo kitari cyabishira ahagaragara.

Gakuba afite uburambe bw'imyaka irenga 18 mu bijyanye n'ingufu cyane cyane mu mishinga yo guhanga amashanyarazi no kuyakwirakwiza, hamwe no gucunga imishinga yayo.

Yabaye Umuyobozi wa EDCL mu mwaka wa 2018, avuye mu nshingano zo kuba Umuhuzabikorwa wa CEPGL (Economic Community Great Lakes Region).

Ron Weiss wayoboraga REG yageze kuri uwo mwanya asimbuye Mugiraneza Jean Bosco wawugezeho muri Nyakanga 2014 nyuma gato y'amavugurura yatumye EWSA igabanywamo ibigo bibiri ari byo REG ishinzwe Ingufu na WASAC ishinzwe Amazi.

REG na yo ishamikiyeho ibigo bibiri birimo EDCL ishinzwe Ibikorwaremezo byo gukwirakwiza umuriro w'amashyanyarazi na EUCL ishinzwe ibijyanye n'ubucuruzi bwayo.

Gakuba Félix yagizwe Umuyobozi Mukuru w’Agateganyo wa REG asimbuye Umunya-Israel Ron Weiss wari kuri uyu mwanya kuva muri Gicurasi 2017

Irene Uwoya wamamaye nka Oprah wari umugore wa Nyakwigendera Ndikumana Hamad Katauti wabaye kapiteni w’Amavubi, yahishuye uko yahuye na we ndetse abwira umwana wabo ko akumbura se ku buryo agize amahirwe yo kugira umuntu umwe azura ari we yazura.

Ni mu kiganiro uyu mugore wanditse izina muri sinema ya Tanzania yagirenye n’umuhungu we Ndikumana Krish yabyaranye na Katauti.

Iki kiganiro yagihaye izina rya ‘The Sentece’ aho kizajya kigira ibice bitandukanye, umuhungu we yamubazaga ibibazo undi akamusubiza.

Krish yagiye amubaza ibibazo byatumye nyina azenga amarira mu maso, by’umwihariko byari ibyerekeranye na se Katauti.

Yamubajije uko umunsi wa mbere ajya kumubwira ko se yapfuye yumvaga ameze n’icyo yumvaga ari bumusubize.

Ati “ndibuka nari mu rugo, nyogokuru wawe ari we mama wanjye arampamagara arabimbwira, nataye umutwe kubera ko wari muto cyane, si nari nzi ninkubona ngo ndakubwira iki, ndibuka uwo munsi umuntu wenyine waje kunkomeza umutima, ni nyakwigendera Agnes.”

Akomeza avuga ko yajyanye na Agnes ku ishuri ryabo maze umuyobozi w’ikigo akaza akamusanga mu modoka akamwihanganisha kuko yari yabimenye, gusa ngo ubwo yari amutegereje yari ifite ubwoba bw’ukuntu ari bubimubwire.

Ati “sinagusobanurira uko nari meze ariko nari meze nabi, waraje ndakureba ndimo kurira ariko igitangaje warambwiye ngo mama wirira, kubera iki urira, rekera kurira kuko papa yagiye mu ijuru.”

Krish yakomeje avuga ko yibuka ko bageze mu rugo yasanze abantu bose barimo kurira ariko we yigira gukina. Nyina yavuze ko icyo gihe yabwiye abantu ko akiri umwana atazi uburemere bw’ibyabaye.

Oprah yavuze ko iyo amurebye amwibutsa se cyane ndetse ko amwishimira akabona ko yamusigiye ikintu cy’agaciro cyane.

Ati 'Iyo nkurebye mbona urukundo, mbona nyakwigendera Hamad muri wowe, mbona uri ikintu cy’agaciro yansigiye. Mbona ko yansigiye umugisha, mbona yarampaye impamvu yo gukomeza kubaho.'

Ndikumana Krish yaje kubaza nyina ukuntu yamenyanye na se, avuga ko Katauti yamubonye muri filime yitwa Oprah yaje no gufata izina ryayo.

Ati 'Mu by’ukuri yambonye muri filime ya Oprah nyuma aza kunshaka binyuze muri Raymond Kigosi, arambona ubundi dutangira kuganira (…) Ibyabaye byari ubufindo, byari byiza sinasobanura birenzeho.'

Amubajije niba yifuza ko yareka gukina umupira kugira ngo hatazagira ikimubaho, yagize ati “oya. Kubera ko sinifuza gutuma ureka ikintu ukunda ugakora icyo udakunda kugira ngo unshimishe.”

Amubajije aramutse afite ubushobozi bwo kuzura umuntu umwe uwo yazura, yavuze ko yazura Katauti.

Ati “Nahitamo papa wawe kandi twakongera kuba umuryango. N’ubu ndacyafite uburibwe kandi ndamukumbura.'

Ndikumana Hamad Katauti yitabye Imana tariki ya 15 Ugushyingo 2017 icyo gihe yari umutoza wungirije wa Rayon Sports.

Yashakanye na Oprah ku wa 11 Nyakanga 2009. Nyuma y’ubukwe bwabo bagiye bagirana ibibazo byatumye ajya no kwitaba Imana bari batakibana.

Katauti na Oprah babyaranye umwana umwe

Krish yabajije nyina ibibazo byatumye azana ikiniga