Category: Uncategorized

Ibihe bitatu by'ingenzi mu buzima bwa muntu ni ukuvuka,Gushyingirwa no gupfa. Gushyingirwa no kugira umuryango ni ikintu cy'ingenzi mu buzima. Umusore ugiye guhitamo umugore areba niba umukobwa bakundana afite ibimenyetso bigaragara ko azavamo umugore mwiza.

Ibi ni bimwe mu biranga umugore abagabo baba bifuza

1. Udahora yinuba

Umukobwa uzavamo umugore muzima ubereye urugo amenya gucunga ururimi rwe, ntabwo ahora yinubira ibitagenda akaba cyangwa se ibyo abonye byose akaba afite icyo abivugaho .

Uburanga bwose umukobwa yaba afite aramutse ahora ari umuntu winuba yatera umugabo we kwicuza.

2. Umukobwa utikubira

Igihe mu rukundo ubona ko umukobwa mukundana ashishikajwe n'inyungu ze gusa cyangwa se ibimwerekeyeho, aba ari ikimenyetso ko atazavamo umugore muzima.

Iyo rero ubona ako ashishikajwe n'iterambere ryanyu mwese ,adakurura yishyira , bikugaragariza yuko azubaka.

3. Umukobwa ugushyigikira

Umukobwa uzavamo umugore ukubereye umubona kare, aba yitaye ku iterambere ryawe,uburyo ugaragaramo ndetse agakora uko ashoboye kugira ngo abigufashemo.

Igihe rero ubona ko uwo muri kumwe adashishikajwe n'ibyawe buriya no mu rugo azajya agutererana

4. Umukobwa wigomwa

Umukobwa wigomwa kugira ngo urukundo rwanyu rugire aho rugera, azakora na byinshi mu kwitangira urugo rwanyu.

Iyo rero mubana mu byiza gusa akishimira ibyo umugezaho we ntacyo yakora ngo akurwanire ishyaka, ntabwo ashobora kuvamo umugore ubereye urugo

5. Umukobwa ucisha make

Umukobwa ucisha make ntiyishimire gusumbya ububasha uwo bakunda, iyo agezeyo arubaka ariko iyo bigaragara ko ashaka kuba ariwe ufata buri cyemezo cyose, iyo bageze mu rugo umuriro uraka.

6. Umukobwa uzi gukunda

Umukobwa uzubaka rugakomera usanga ashyize imbere urukundo kurenza ibindi byose.

Igihe cyose umukobwa atagufitiye urukundo nushaka ntuzigore umushyira mu rugo kuko ntacyo wakora ngo umuntu utagukunda akubere mwiza

7. Umukobwa udahuzagurika

Ntabwo umukobwa yavamo umugore mwiza igihe ahuzagurika . Kuba umuntu akuze mu mutwe nabyo bigira uruhare mu gutuma ahazaza h'urugo rwe hatabamo rwaserera kuko aba afite ubushobozi bwo guhangana n'uburemere bw'ibibazo urugo rushobora kugira

8. Umukobwa w'umunyakuri kandi wubaha

Umukobwa w'umunyakuri, wubaha umugabo we , udasuzugura , umuha agaciro akwiriye n'ubundi iyo umushatse arabikomeza biba biri mu ndangagaciro ze

9. Umukobwa usenga

Umuntu wiyambaza Imana, uyubaha, umenya n'uburyo afata abantu, iyo rero ushatse umuntu utarigeze abimenya usanga ntacyo atinya, kuri we nta kirazira.

Urutonde rushobora kuba rurerure bitewe n'icyo umuntu wese ashingiraho mu gushakisha umugore yakumva amunyuze ariko n'ibyavuzwe haruguru ni ingenzi.

10. Agira umwete ku mirimo myiza

Abanyarwanda bavuga ko ineza uyisanga imbere, ninayo mpamvu mu biranga umugore mwiza agomba kuba azi ko iyo ugira neza iyo neza iba izagarukira urugo rwawe.

11.Azi kugabura ku gihe

Umugabo ntabwo akunda umugore uzamwicisha inzara, bityo iyo mukundana akabona ko uri umunebwe mu guteka, cyangwa akabona ko utazi guteka ashobora kukureka kuko aba akeka ko bishobora kuzabishya imibanire yanyu mu rugo.

12. Akunda gufasha abo arusha ubushobozi

Umugore mwiza ni umugore uzajya kwa muganga, cyangwa umuntu wo mu muryango we yajya kwa muganga ntabure umugemurira kuko mu bushobozi afite afasha abandi barimo abishoboye n'abatishoboye.

13. Amenya kubana neza n'abaturanyi

Iyo umugore azi kubana neza n'abaturanyi bituma urugo rwe rugira amahoro, n'ikibazo kivutse akamenya kwegera abaturanyi bakagikemura.

15. Yita ku bashyitsi akabagirira neza

Mbere yo gufata icyemezo cyo gushaka umugore, abasore babanza kureba niba uwo mukobwa azashobora kwita ku bashyitsi basura urugo rwe, kuko mu Kinyarwanda bavuga ko 'Urugo ari urugendwa', kandi na Rugamba Cyprien yabivuze ukuri ifuni ibagara ubushuti ni akarenge.

16. Azi kwifata mu magambo

Umugore mwiza ni uzi kwifata mu magambo avuga kuko iyo ari umugore uvuga ibyo abonye byose bimuteranya n'abagore bagenzi bigatuma urugo rwanyu aho kunguka inshuti rugwiza abanzi.

17. Yihanganira ubukene n'igihombo ;

Muri iyi minsi hadutse imvugo ivuga ngo 'amafaranga ni umushyitsi', birashobora ko umuntu yaba yari afite akazi abayeho neza bakamuhagarika ku kazi agakena, cyangwa yaba yikorega agahomba, umugore mwiza aba hafi y'umugabo mu gihe cy'ibibazo by'ubukene bagafatanya gushaka uko babisohokamo ariko umugore ukunda ibintu agakabya ahita ata umugabo we akajya gushaka abagifite amafaranga.

18. Ubukire ntibumutera isumbwe no kwishyira hejuru

Nanone kimwe mu biranga umugore mwiza ni uko atishyira hejuru ngo yice ku bantu kuko urugo rwe rwateye imbere kuko abantu bahora bakeneranye.

19. Aharanira ibyakubahisha umugabo we

Umugore mwiza aharanira icyahesha umugabo we ishema mu bandi, akamuvuganira aho bibaye ngombwa. Niyo umugabo we ari mu ikosa rito umugore mwiza yirinda kumuteza abantu byaba ngombwa akaza kumucyaha biherereye.

20. Kwita ku bana

Umugore mwiza yita ku bana be cyane cyane mu bijyanye n'uburere bwabo, ibi akabikora yunganirwa n'umugabo we ntihavemo umwe ngo yigire ntibindeba.

Source : https://umuryango.rw/ubuzima-115/udushya/article/reba-bimwe-mu-bintu-biranga-umugore-abagabo-baba-bifuza-71402

Uyu munyezamu wa Mbere w'ikipe y'Igihugu y'u Rwanda y'umupira w'amaguru Amavubi, yabaye mwiza muri uyu mwaka ndetse anafasha iyi kipe irebererwa n'Umujyi wa Kigali n'ubwo yageze aho itakaza umwanya wa Mbere.

Nyuma yo gukomeza kwitwara neza mu ikipe ye no mu Amavubi, Ntwari yavuzwe mu makipe yo ku mugabane w'i Burayi ariko we aganira na UMUSEKE yahakanye aya makuru.

Ati 'Nta deal mfite muri Turkey kabisa. Nzifite muri Afurika y'Epfo, Mazembe no muri Arabie Saoudite mu cya Kabiri.'

Abajijwe amakipe yaba yaraganiriye na yo, uyu munyezamu yavuze ko atazivuga kandi ataramenya aho amahitamo ye amwerekeza ariko ko namara gusinya amasezerano azahita abitangaza.

Ati 'Ntabwo nazivuga bitaracamo. Gusa ni ugukuraho urujijo nta deal mfite Turkey na Maroco kuko ni ho abantu bavuga.'

N'ubwo uyu munyezamu avuga ibi ariko, ku kigero kinini ni uko atazaguma muri AS Kigali bitewe n'uko yitwaye muri uyu mwaka.

Fiacre yazamukiye mu Intare , aca muri APR FC mbere yo gutizwa Marine FC yavuyemo aza muri AS Kigali amazemo imyaka ibiri.

Source : https://umuryango.rw/imyidagaduro/imikino/article/ntwari-fiacre-ukina-mu-izamu-yatangaje-aho-ashobora-gukomereza-impano-ye

Maj Gen Murasira yabigarutseho kuri uyu wa Gatatu tariki 17 Gicurasi 2023, ubwo yafunguraga inama ku nshuro ya cumi yiga ku bibazo bibangamiye umutekano muri Afurika, yateguwe n'Ishuri rikuru rya gisirikare (RDFCSC) ku bufatanye na Kaminuza y'u Rwanda (UR).

Ni inama y'iminsi itatu yo kurebera hamwe ibibazo by'umutekano byugarije Isi muri iki gihe no kubishakira ibisubizo. Ihurije hamwe abarimu n'abahanga muri Kaminuza, abayobozi mu nzego zitandukanye n'abasirikare bakuru.

Gen Murasira yasabye ko iyi nama yaba umwanya wo gushaka uburyo bushya bwo gukemura ibibazo by'urusobe bibangamiye umutekano ku mugabane wa Afurika n'isi muri rusange birimo; ubushobozi bw'inzego mu by'imiyoborere, ikibazo cy'abimukira, ikoranabuhanga, ukwivanga kw'ibihugu mu byemezo bya Afurika n'ibindi.

Ati 'Ibibazo by'uruhurirane bituma habaho urujijo ku mikorere n'imibereho y'ibihugu byacu kandi nta gihugu na kimwe cyabikemura kidakoranye n'ibindi'.

Yakomeje avuga ko usanga hari ukunyuranya hagati y'ibibazo bihari n'ibisubizo byagenewe kubikemura bityo 'igihe imiryango, za guverinoma n'ibigo mpuzamahanga bidashyize hamwe, gukemura ibi bibazo byambukiranya imbibi bizarushaho gukomera'.

Iyi nama izaganira ku ngingo esheshatu ari zo; kubaka ubushobozi mu by'imiyoborere myiza kuko iyo ibihugu bigize imiyoborere mibi bibyara amakimbirane akavamo ibibazo by'umutekano no kudatera imbere bikaryanisha abaturage.

Hazaganirwa ku kibazo cy'abimukira giterwa n'umutekano muke cyangwa imiyoborere mibi, ubuhahirane n'ubucuruzi bwa Afurika, umutekano mpuzamahanga, uruhare ikoranabuhanga mu iterambere n'umutekano.

Iyi nama kandi izanaganira ku kibazo cy'amahanga akomeza kwivanga mu bibazo bya Afurika bigatuma n'ingamba zifashwe n'abanyafurika zitagerwaho kuko haba hari abantu bari inyuma basunika mu nyungu zabo..

Umuvugizi w'Igisirikare cy'u Rwanda, Brig. Gen Ronard Rwivanga, yavuze ko ibibazo by'umutekano byose bitakemurwa n'igisubizo kimwe gusa, ari yo mpamvu hakenewe kugira ibisubizo byinshi biturutse mu bantu batandukanye.

Ati 'Dukeneye gukorana n'abantu batandukanye mu gukemura ibibazo byacu dufite ariko tudateze abo hanze ngo babe ari bo badukemurira ibibazo'.

Umuyobozi w'ishuri rikuru rya gisirikare rya Nyakinama, Col JC Ngendahimana, yongeyeho ko hari amasomo abanyeshuri baba barigiye mu ishuri aho barangiza bahabwa 'Master's' mu masomo ajyanye n'ubumenyi bw'umutekano, iyi nama ikaba umwanya wo kunguka ubumenyi bazandika mu bitabo bisoza amasomo.

Ati '[Abanyeshuri] iyi nama ibafasha kubona umwanya uhagije wo kuvugana n'abayobozi bakuru mu nzego zitandukanye n'inzobere, abashakashatsi ku bibazo by'umutekano. Bituma babona ibyo bandika mu bitabo bisoza amasomo'.

Lt Col. Susan Lokot Oruni wo mu gisirikare cya Uganda, UPDF, wigira mu ishuri rikuru rya gisirikare rya Nyakinama, yavuze ko nk'abanyeshuri iyi nama inabafasha kunguka ubumenyi bazakoresha mu nshingano zabo nyuma y'amasomo.

Ati 'Nk'abanyeshuri bidufasha kubona amahirwe yo kuganira n'abafata ibyemezo, abari mu nzego z'umutekano, abashakashatsi mu by'ubumenyi bw'umutekano. Binadufasha kumenya ibyo tuzandika mu bushakashatsi bwacu nk'abanyeshuri biga ubumenyi mu by'umutekano'.

Mugenzi we, Lt Col Theoneste Murindahabi wiga mu ishuri rikuru rya gisirikare i Nyakinama, yashimangiye ko iyi nama ari inyunganizi ku masomo baba barize.

Ati 'Mu isoza ryacu ry'amasomo, iyi nama ni inyunganizi, tuba turi kumwe n'inzobere bikadufasha kurebera hamwe ibibazo byose birebana n'umutekano muri iki gihe kuko byahinduye isura urebye uko byari biteye mu myaka yashize, bidufasha ko no mu kazi tubasha gushyira mu bikorwa inshingano zacu bijyanye n'uko tuba twarabyize ahangaha'.

Ishuri rikuru rya gisirikare rya Nyakinama ni ishuri mpuzamahanga uyu munsi ryigamo abaturutse mu bihugu 12.

Inama ya 10 yiga ku mutekano iri kubera muri Kigali Convention Centre

Yitabiriwe n’abaturutse mu bihugu bitandukanye hirya no hino ku Isi

Komiseri Mukuru Wungirije wa RCS, DCG Muhisoni Rose yitabiriye iyi nama yiga ku mutekano iri kubera i Kigali

Umunyamabanga Mukuru w’Urwego rw’igihugu rushinzwe Iperereza n’Umutekano, NISS, Major General Joseph Nzabamwita yitabiriye iyi nama

Minisitiri w’Ingabo Maj Gen Murasira asanga hari ibibazo bibangamiye umutekano bigomba gukemurwa

Umugaba Mukuru w’Ingabo Gen Kazura Jean Bosco yitabiriye iyi nama yiga ku mutekano

Umugaba w’Ingabo zirwanira ku Butaka, Lt Gen Mubarakh Muganga yitabiriye iyi nama

Maj Gen Murasira yasabye ubufatanye mu gukemura ibibazo by'umutekano byugarije Isi

Umuvugizi w’Ingabo z’u Rwanda, Brig Gen Rwivanga yavuze ko ubufatanye ari ingenzi mu gushakira umuti ibibazo by’umutekano

Umuyobozi w'ishuri rikuru rya gisirikare rya Nyakinama, Col JC Ngendahimana yavuze ko iyi nama ifasha abasoza amasomo kwandika ibitabo byabo

Lt Col. Susan Lokot Oruni wo mu gisirikare cya Uganda, UPDF yavuze ko iyi nama ibaha ubumenyi bazakoresha mu kazi kabo

---

Source : http://igihe.com/amakuru/u-rwanda/article/maj-gen-murasira-yasabye-ubufatanye-mu-gukemura-ibibazo-by-umutekano-byugarije

Abanditse ibaruwa ni 24 bagaragaje ko babangamiwe ku rwego rwo hejuru, ibintu bavuga ko bibagiraho ingaruka nk'uko byatangajwe na Perezida wa Komisiyo y'Ubutaka, Ubuhinzi, Ubworozi n'Ibidukikije, Uwera Kayumba Marie Alice.

Muri rusange ariko abagomba kwimurwa bose hamwe ni 80, bagaragaza ko kuva mu 2021 basabye kwimurwa gusa ngo inzego zarabarangaranye.

Abadepite bagize iyi komisiyo bari bakiriye ubuyobozi bw'Umujyi wa Kigali ngo busobanure ibikomeje gukorwa mu gukemura iki kibazo.

Depite Uwumuremyi Marie Claire ati ''Bigira ingaruka ku buzima bw'abaturage kuko buriya amafaranga agura imiti n'icyo gihe abaturage bamara barwaye, ubibaze byatwara arenze miliyari 2 Frw. Bikwiye kurangira.''

Ni ikimoteri kiri kuri hegitari 80, aho kuva cyatangira hamaze kwimurwa imitungo y'abaturage 503, aho hasigaye indi mitungo 80 ariyo y'abo baturage banditse basaba ko bakwimurwa.

Umuyobozi w'Umujyi wa Kigali, Rubingisa Pudence, yavuze ibikorwa byo kwimura abaturiye iki kimoteri bikomeje kandi hari icyizere ko bizarangira vuba.

Ati 'Mu by'ukuri ntabwo ari uko bitahawe agaciro, habayeho gushaka ingengo y'imari hagira abimurwa, muri gahunda ihari ni uko kwimura abo baturage bizarangirana na 2024/25.'

Kubimura byatangiye mu 2021, aho icyo gihe hakoreshejwe miliyoni 520 Frw, mu 2022/23 hishyuwe miliyoni 516 Frw zimuye abaturage 21 aho muri uyu mwaka wa 2023/24 hateganyijwe kwimurwa abaturage 80 basigaye, bizatwara miliyari 2 Frw.

Depite Hindura Jean Pierre ati 'Igikenewe cyane ni ukuganira hagati y'ubuyobozi n'abaturage. Ntimwabegereye ngo mubabwire ibyo mudusobanuriye ngo nibura mubabwire muti bamwe ni uyu mwaka, abandi ni uyu mwaka.''

“Ntabwo numva ntekanye kuba dufite ikibazo cy'abaturage kimaze imyaka ibiri none bakaba baduhaye indi myaka ibiri. Miliyari 2 Frw ntabwo ari amafaranga menshi, urwandiko ruri hano ruravuga ko n'Ibiro bya Minisitiri w'Intebe ndetse n'iby'Umukuru w'Igihugu, ikibazo barakizi.”

Ubuyobozi bw'Umujyi wa Kigali bwijeje ko iki kibazo kigomba gushakirwa umuti urambye kandi bigakorwa mu gihe cya vuba kugira ngo hatazagira byinshi byangirikwa.

Inkuru wasoma:

— Byinshi ku mushinga w'ikimoteri kigezweho i Kigali uzatwara asaga miliyari 26 Frw

— Hakenewe asaga miliyari 3 Frw yo kwimura abaturiye ikimoteri cya Nduba

Abaturiye Ikimoteri cya Nduba bandikiye Inteko Ishinga Amategeko

---

Source : http://igihe.com/amakuru/u-rwanda/article/abaturiye-ikimoteri-cya-nduba-bagejeje-ikibazo-ku-nteko-ishinga-amategeko

Amafoto ya 'digital' yuzuye y'ibisigazwa by'ubu bwato biri muri metero 3,800 hasi mu nyanja ya Atlantika, yatunganyijwe hakoreshejwe ubuhanga bwa 'deep-sea mapping'.

Ubu buhanga bwatanze ishusho yo mu bwoko bwa 3D y'ubu bwato bwose, bituma bugaragara nk'aho butari mu mazi.

Icyizere ni uko ibi bizatanga urumuri ku byabaye mu by'ukuri kuri ubu bwato bwambutsaga abantu inyanja ya Atlantika bwarohamye mu 1912.

Abantu barenga 1,500 babupfiriyemo ubwo bwarohamaga nyuma yo kugonga urubura rutura (iceberg) mu rugendo buva i Southampton mu Bwongereza bugana i New York muri Amerika.

Parks Stephenson, umusesenguzi kuri Titanic, yabwiye BBC News ati: 'Haracyari ibibazo, ibibazo by'ibanze bikeneye gusubizwa kuri ubu bwato.'

Avuga ko aya mafoto ari 'intambwe ya mbere nini mu kugeza inkuru ya Titanic ku bushakashatsi bushingiye ku bimenyetso — budashingiye ku bihuha.'

Titanic yakozweho ubushakashatsi bwinshi kuva ibisigazwa byayo byavumburwa mu 1985.

Ariko ni nini cyane kuburyo aho mu nda y'inyanja camera zibasha kwerekana ibice bito bito by'ubu bwato — nta na rimwe bwigeze buboneka bwose.

Aya mashusho mashya y'ibisigazwa byayo aruzuye cyane, arerekana ishusho yose ya Titanic. Irambitse mu bice bibiri, icy'imbere n'icy'inyuma hagati yabyo hari metero hafi 800. Ibintu byinshi by'ibisigazwa by'ibyangiritse bikikije ubu bwato bwamanyutse.

Ubu buryo bwo gufata aya mashusho bwakozwe mu mpeshyi ya 2022 na Magellan Ltd, kompanyi ikora ibya 'deep-sea mapping', hamwe na Atlantic Productions irimo gukora 'documentaire' kuri uyu mushinga.

Amatsinda y'abahanga mu by'amato afite ibikoresho bigezweho yamaze amasaha arenga 200 yiga kuri ibi bisigazwa by'ubu bwato.

Bafashe amashusho arenga 700,000 yo muri buri mfuruka yabwo banarema 3D yayo.

Gerhard Seiffert wo muri kompanyi ya Magellan avuga ko uyu mushinga ari wo munini cyane wabayeho wo gukora 'scanning' mu kintu kiri mu nyanja.

Ati: 'Ubujyakuzimu bwaho, metero hafi 4,000, ubwabwo ni ikibazo, kandi utagomba gukora ku kintu cyose hafi yabwo kugira ngo utagira icyo wangiza kuri iki gisigazwa.

'Ikindi kibazo ni uko ugomba gukora ikarita ya buri santimetero kare — yewe n'ibice bitari ngombwa, nk'ahari imyanda, ariko ibyo byose uba ubikeneye kugira ngo uhuze ibi bice byose n'ibintu by'ingenzi.'

Iyo 'scan' yerekana indeshyo y'ubu bwato, hamwe n'amakuru mato cyane, nka 'serial number/numéro de série' zanditse ku byuma bikaraga moteri yabwo.

Isonga (igice cy'imbere) y'ubu bwato, ubu yuzuyeho imyanda ireduka, iracyahita imenyekana n'ubwo hashize imyaka 100 ubu bwato burohamye.

Igice cy'inyuma cy'ubu bwato cyo ni uruvange rw'akajagari rw'ibyuma. Iki gice cya Titanic cyarashwanyutse ubwo bwihondaga ku ndiba y'inyanja.

Ibindi bintu byinshi by'ibice binyanyagiye iruhande rwabwo, birimo ibice by'imitako y'ibyuma, amacupa ya champagne n'ibindi. Hari kandi ibintu bwite by'abantu nk'inkweto n'ibindi.

Parks Stephenson wize Titanic imyaka myinshi yavuze ko 'yatangaye cyane' akibona bwa mbere aya mafoto mashya.

Ati: 'Atuma ubona ubu bwato mu buryo utigeze ububonamo aha buri, kandi ugashobora kububona bwose bwuzuye. Icyo akwereka ni ishusho nyakuri y'iki gisigazwa.'

Avuga ko aya mashusho ashobora gutanga ikindi gisobanuro cy'ibyabaye kuri Titanic muri iryo joro ribabaje ryo mu 1912.

Ati: 'Ntabwo mu by'ukuri tuzi imiterere y'uko kugonga 'iceberg'. Nta nubwo tuzi niba yarayigongesheje urubavu, nk'uko byerekanwa muri za filimi.'

Inyanja nayo ntiyoroheye ibi bisigazwa, udukoko (microbes) turabirya ndetse ibice byabwo birimo gushira.

Abanyamateka bazi neza ko igihe kirimo kubacika cyo kubasha kumva no kumenya neza iyi mpanuka.

Gusa aya mafoto mashya ubu arerekana kurushaho uko bwifashe, kandi azafasha izindi nzobere kwiga noneho kuri buri kantu kose. Icyizere ni uko amabanga ya Titanic azageraho akamenyekana.

Source : https://umuryango.rw/amakuru/mu-mahanga/umutekano/article/titanic-yagaragajwe-mu-bundi-buryo-bushobora-gusobanura-neza-ibyabaye-ubwo

Ibirori nkibi ntibisanzwe ni nayo mpamvu iyi nkuru yatunguye benshi, umugore w'imyka 37 y'amavuko yatunguye benshi ubwo yakoreshaka ibirori ashaka kureba uko bizaba bimeze igihe azaba yavuyemo umwuka.

Ubusanzwe tumenyereye ko abantu benshi bizihiza ibirori by'amasabukuru, za Bridal Shower, Baby shower, uyu mugore we yahisemo kwizihiza ibirori yise 'pre-burial'

Ni ibirori byabereye mugace uyu mugore atuyemo, yari yatumiye abantu benshi batandukanye ndetse harimo inshuti n'abavandimwe n'abandi bantu bari bahuruye kubera ukuntu byari bimeze.

Muri uyu muhango, uyu mugore yavuzeko yateguye ibi birori ashaka kureba ukuntu bizaba bimeze igihe azaba yapfuye, bazanyemo isanduku ishyirwamo abapfuye aripima ndetse barafunga neza, bashyira no mu mva barongera bamukuramo.

Ni ibirori byari byateguwe neza kuko hari hari ibyo kunywa ibyo kurya ndetse abari bahari wabonagako baje bambariye ikirori.

Kumbuga nkoranyambaga zitandukanye, abarebye aya mafoto banenze cyane uyu mugore n'abamutahiye ibirori bavugako ibi ntabirori birimo ahubwo ari ukwisurira urupfu.

Uyu ni umuhango wabaga hafatwa amafoto n'amashusho by'urwibutso abantu bakaba banibaza icyo azabimaza.

Ubusanzwe tumenyereye ko abantu benshi bizihiza ibirori by'amasabukuru, za Bridal Shower, Baby shower, uyu mugore we yahisemo kwizihiza ibirori yise 'pre-burial'

Ni ibirori byabereye mugace uyu mugore atuyemo, yari yatumiye abantu benshi batandukanye ndetse harimo inshuti n'abavandimwe n'abandi bantu bari bahuruye kubera ukuntu byari bimeze.

Muri uyu muhango, uyu mugore yavuzeko yateguye ibi birori ashaka kureba ukuntu bizaba bimeze igihe azaba yapfuye, bazanyemo isanduku ishyirwamo abapfuye aripima ndetse barafunga neza, bashyira no mu mva barongera bamukuramo.

Ni ibirori byari byateguwe neza kuko hari hari ibyo kunywa ibyo kurya ndetse abari bahari wabonagako baje bambariye ikirori.

Kumbuga nkoranyambaga zitandukanye, abarebye aya mafoto banenze cyane uyu mugore n'abamutahiye ibirori bavugako ibi ntabirori birimo ahubwo ari ukwisurira urupfu.

Uyu ni umuhango wabaga hafatwa amafoto n'amashusho by'urwibutso abantu bakaba banibaza icyo azabimaza

Source : https://umuryango.rw/ubuzima-115/udushya/article/yatunguye-isi-yose-akoresha-ibirori-bidasanzwe-by-urupfu-rwe-amafoto

Umuhanzi Bruce Melodie nyuma y'iminsi 3 gusa hagiye hanze amashusho y'indirimbo Zanzibar yakoranye na Harmonize wo muri Tanzania, yongeye gushyira hanze andi mashusho y'integuza.

Iyi ndirimbo yateguje abakunzi b'umuziki we Yayikoranye n'umuhanzi Pallaso wo muri Uganda, bayise 'Guwe Nze' ni mu kirimi cy'ikigange.

Mu mashusho y'iyi ndirimbo huzuyemo Udushya twinshi cyane, doreko ko hari ibice bakoresheje bari mu rubuga ndetse harimo n'inyamaswa zitandukanye.

 

Source : https://yegob.rw/harimo-ningwa-bruce-melodie-yanze-guha-abafana-be-akanya-ko-gutuza-yongera-ashyira-hanze-indirimbo-nziza-cyane-yuzuyemo-udushya-twinshi-videwo/

Umuhanzi w'umuraperi uri mubakomeje kugenda bamenyekana cyane hano mu Rwanda yatangaje akayabo k'amafaranga yahombejwe na mugenzi we w'umuhanzi witwa Social Mula.

Umuraperi Sky2 yatangaje ko yatewe agahinda cyane n'uburyo umuhanzi ukomeye cyane ndetse ukunzwe na benshi mu Rwanda Social Mula yamuhemukiye akanga kuza mu mashusho y'indirimbo nziza cyane bari barakoranye.

Sky2 avuga ko ibi byamuhombeje akayabo k'amafaranga arenga miliyoni 1 Frw y'amanyarwanda  akaba iri bintu byashenguye umutima w'uyu muraperi nk'uko yabitangarije Inyarwanda.com dukesha iyi nkuru.

 

Source : https://yegob.rw/byamuteye-agahinda-umuraperi-sky2-yatangaje-akayabo-kamafaranga-yahombejwe-numuhanzi-social-mula/

Umuhanzikazi Tiwa Savege uri kuvugwa mu rukundo n'umuhanzi Omah Lay bombi bo muri Nigeria, akomeje kugaragara cyane ku mbuga nkoranyambaga ze yambaye imyambaro igaragaza ikimero cye.

Uyu muhanzikazi, akundana na Omah Lay arusha imyaka 18, kubera ko Tiwa Savege afite imyaka 43 naho Omah Lay we afite imyaka  25 y'amavuko.

Tiwa Savege kandi, kuri ubu akurikirwa n'abantu barengaho gato miliyoni 16 ku rukuta rwa Instagram.

Source : https://yegob.rw/imyambarire-yumuhanzikazi-tiwa-savege-imufasha-kwigarurira-abasore-bakiri-bato-amafoto/

Ku mbuga nkoranyambaga hakomeje kuzenguruka amashusho agaragaza abantu babiri barimo kuzamura ibindera ry'abaryamana bahuje ibitsina(Abatinganyi).

Iri bendera ryazamurwaga ku byicaro bya za Ambasade z'Ibihugu bitandukanye mu Rwanda, hazamuwe amabendera agaragaza kwifatanya n'abaryamana bahuje ibitsina, mu rwego rwo kugaragariza ko ibyo Bihugu byifatanyije na bo kuri uyu munsi wabahariwe.

Reba videwo aho hasi:

 

Source : https://yegob.rw/i-nyarugenge-byakomeye-i-kigali-ibendera-ryubutinganyi-ryazamuwe-videwo/