Category: Uncategorized

Aba basore bageze ku kibuga cy'indege Mpuzamahanga cya Kigali, ahagana saa moya z'igitondo cyo kuri iki Cyumweru tariki 28 Gicurasi 2023, bakirwa n'abagira uruhare mu gutegura ibi bitaramo ngarukakwezi bizwi nka Intore Sundays bigamije gufasha abanya-Kigali guherekeza neza ukwezi.

Nyuma yo kwakira ku kibuga cy'indege, bahise bajya kuri Hotel bitegura kuza gutaramira abanya-Kigali mu gitaramo kibera kuri Mundi Center guhera saa munani z'amanywa, kugeza saa tanu z'ijoro.

Ni igitaramo cyatewe inkunga n'uruganda rwenga ibinyobwa bisembuye n'ibidasembuye rwa SKOL.

Pcee &Justin 99 bamamaye cyane mu ndirimbo bashyize hanze mu bihe bitandukanye nka 'ZoTata', 'Yahyuppiyah', 'Kilmanjaro' n'izindi.

Nk’uko bigaragara ku rupapuro rwamamaza iki gitaramo kwinjira ni 10,000 Frw igihe uguze itike yawe mbere y’umunsi w’igitaramo, ni mu gihe ku munsi w’igitaramo ugomba kwishyura 15,000 Frw.

Ku meza y’abantu batandatu ni ukwishyura ibihumbi 300 Frw ugahabwa n’icyo kunywa. Pcee &Justin 99 bazacuranga muri iki gitaramo bazahurira ku rubyiniro n'abarimo Toxxyk, Tyga ndetse na Pyfo.

Pcee Nxumalo [Pcee] asanzwe ari umuhanzi, umwanditsi w'indirimbo unakorera ibitaramo ahantu hanyuranye. Aherutse guhurira mu ndirimbo yitwa 'ZoTata' na Justin King [Justin 99] na EeQue.

Ni ubwa mbere Dj Pcee na Justin99 bagiye gutaramira i Kigali, nyuma yo kubica bigacika muri Afurika y’Epfo

Pcee uri iburyo, ari mu banyamuziki  bubakiye inganzo yabo ku mudiho w’injyana ya Amapiano

Justin99 ubanza ibumoso, mu ijosi rye yiyandikishijeho amazina y’indirimbo yabo bise ‘Zotata’


Dj Pcee amaze igihe agaragaza ko yiteguye gususurutsa abanya-Kigali




Pcee yinjira mu mudoka nyuma yo kugera ku kibuga cy’indege cya Kigali

Ubwo Justin99 yinjira mu mudoka yerekeza muri Hotel acumbikiwemo

KANDA HANO WUMVE IMWE MU NDIRIMBO Z’ABA BASORE ZABICIYE BIGACIKA

“>

Kanda hano urebe amafoto menshi ubwo Pcee na Justin bageraga i Kigali

AMAFOTO: Freddy Rwigema-InyaRwanda

Source : https://inyarwanda.com/inkuru/129877/pcee-na-justin99-bamamaye-muri-afurika-yepfo-bageze-i-kigali-amafoto-129877.html

Iyi mikino yasojwe mu ijoro ryo kuri uyu wa Gatandatu tariki 27 Gicurasi 2023. Yarangiye ikipe ya Al Ahly yo mu Misiri yegukanye igikombe cya Basketball Africa League 2023 nyuma yo gutsinda AS Dounaes mu buryo buyoroheye ku mukino wa nyuma.

AL Ahly na AS Dounaes nizo zitwaye neza kurusha izindi ari nabyo byatumye zigera ku mukino wa nyuma. Umukino wa nyuma wa BAL, warebwe n’abanyacyubahiro batandukanye barimo Perezida Kagame ndetse na Perezida wa CAF, Dr Patrice Motsepe.

Al Ahly yo mu Misiri, muri 1/2 yari yasezereye Stade Malien naho AS Dounaes yo muri Senegal yari yasezereye Petro De Luanda.

Agace ka 3 ari nako ka nyuma Al Ahly yari yamaze kwigarurira abafana muri BK Arena, yaje ikomeza gukora amateka. Mu minota ya nyuma abakinnyi ba AS Dounaes bacitse intege burundu bituma umukino worohera cyane abasore na Al Ahly. Umukino warangiye Al Ahly yegukanye igikombe itsinze amanota 85-65.

Abitabiriye kureba iyi mikino banatahanye ibyishimo by'urwibutso bahawe na Bruce Melodie na Pheelz binyuze mu ndirimbo zinyuranye babaririmbiye.

Bruce Melodie yageze ku rubyiniro yambaye imyenda yiganjemo ibara ry'ubururu, maze aranzika mu ndirimbo zinyuranye zirimo na 'Fou De Toi' yakoranye na Producer Element na Ross Kana bari kwitegura gushyira ahagaragara.

Phillip Kayode Moses uzwi nka Pheelz yaririmbye mu gace k'aho abakinnyi baba bagiye kuruhuka bitegura kugaruka mu kibuga, maze anyeganyeza BK Arena binyuze mu ndirimbo nka 'Fineese' yabaye idarapo ry'umuziki we, ndetse yaciye ibintu cyane ku rubuga rwa Tik Tok.

Iyi mikino ya BAL yatanze akazi ku bahanzi barimo Kivumbi King, Kenny Sol, Juno Kizigenza, DJ Fully Focus. 

Ni imikino kandi yitabiriye n'ibyamamare nk'umukinnyi wa filime, Forest Steven Whitaker, Joakim Noah uzwi cyane muri NBA, Mark A Tatum, umuraperi Daniel Lubwama Kigozi [Navio] n'abandi.

Bruce Melodie yatanze ibyishimo muri iyi mikino yifashishije zimwe mu ndirimbo ze zakunzwe

Mu bihe bitandukanye, Bruce Melodie yagiye ahabwa akazi ko gususurutsa abitabiriye iyi mikino

Bruce Melodie yaririmbye indirimbo ‘Fou de Toi’ yakoranye na Element na Ross Kana bitegura gushyira hanze

Bruce Melodie yaririmbye mbere y’uko Al Ahly icakirana na AS Dounaes

Pheelz yahuriye ku rubyiniro na Bruce Melodie

Pheelz yaririmbye nyinshi mu ndirimbo ze abanya-Kigali bamenye
 

Ni ubwa mbere Pheelz ataramiye i Kigali nyuma y’igihe ari mu muziki

Pheelz yakoranye n’abanyamuziki bakomeye nka Tiwa Savage na Olamide

Nyuma yo gutaramira abanya-Kigali, Umunyamuziki Pheelz yarebye umukino wasize Al Ahly yegukanye igikombe

Iri rushanwa ryari rikinwe ku nshuro ya gatatu ryasojwe kuri uyu wa Gatandatu

Ni ku nshuro ya mbere, iyi kipe Al Ahly yari yitabiriye iyi mikino ya BAL

Ibyishimo byari byose ku bakinnyi b’ikipe ya AL Ahly yegukanye igikombe

KANDA HANO UREBE AMASHUSHO Y’INDIRIMBO ‘FINESSE’ YA PHEELZ

“>

AMAFOTO: TNT&Shema

Source : https://inyarwanda.com/inkuru/129875/bruce-melodie-na-pheelz-batanze-ibyishimo-mu-mukino-al-ahly-yegukaniyemo-igikombe-amafoto-129875.html

Dore uko imikino yo gusoza shampiyona y'u Rwanda iribukinnye n'amasaha.

Umunsi wejo hashize ndetse n'uyu munsi taliki ya 28 /5/2023 nibwo shampiyona y'ikiciro cyambere mu Rwanda 2022/2023 igomba gusozwa.

Amakipe arimo Apr Fc, Kiyovu sports, ndetse na Rayon Sport nizo zihanganiye igikombe cya shampiyona cya 2022/2023, kuri iyi taliki ya 28 nibwo hagomba kumenyekana nyiri igikombe.

Dore uko amakipe agomba kwesurana

 

 

Source : https://yegob.rw/dore-uko-imikino-yo-gusoza-shampiyona-yu-rwanda-iribukinnye-namasaha/

Umukinnyi wa mbere ku Isi ya Rurema Lionel Messi ukinira ikipe ya Paris Saint Germain yo mu gihugu cy'Ubufaransa yaraye aciye agahigo gakomeye cyane ku Isi nyuma yo gutsinda igitego mu ijoro rya cyeye.

Lionel Messi yaraye yanditse amateka yo kuba umukinnyi wa mbere ku Isi mu gutsinda ibitego byinshi muri shampiyona eshanu zikomeye kurusha izindi ku mugabane w'i Burayi ni nyuma yo gutsinda igitego ikipe ya Strasbourg.

Lionel Messi yageze kuri uyu mwanya wo kuba umukinnyi wa mbere watsinze ibitego byinshi muri shampiyona eshanu zikomeye kurusha izindi ku mugabane w'i Burayi nyuma y'uko ahigitse mugenzi we bahora bahanganye ukomoka mu gihugu cya Portugal witwa Cristiano Ronaldo wari ufite ibitego 495.

Ubu Lionel Messi ufatwa nk'umukinnyi wa mbere mu mateka ya ruhago ku Isi hose niwe wicaye ku mwanya w'icyubahiro nyuma yo guhigika Cristiano Ronaldo wari ufite ibitego 495 akaba yabikoze ubwo yatsindaga igitego cya 496 mu ijoro rya cyeye akaba yagitsinze ikipe ya Strasbourg ubwo begukanaga igikombe cya shampiyona y'igihugu cy'Ubufaransa Ligue 1.

Source : https://yegob.rw/aya-mateka-azakurwaho-na-nde-lionel-messi-yaraye-aciye-agahigo-kadafitwe-nundi-mukinnyi-ku-isi-ya-rurema/

Umwana w'imyaka 2 gusa yakatiwe igifungo cya burundu azira ikintu atakagombye kuzira

Mu gihugu cya Korea ya ruguru ni hamwe mu hantu hakunze kugaragara ivangura ishingiye ku madini cyane ku buryo kugufata uri umukristu bitakugwa neza habe nagato.

Ku munsi wejo nibwo amakuru yasakaye ku isi hose ko muri Korea ya ruguru umwana w'imyaka ibiri yakatiwe igifungo cya burundu ndetse akaba afunganywe n'ababyeyi be.

Gutunga bibiliya muri kiriya gihugu ni nko gutera ibuye kwa Perezida, ku buryo uyu mwana w'imyaka 2 ndetse n'umuryango we bajyanywe mu rukiko bashinjwa ko basanganywe bibiliya mu nzu.

 

 

Source : https://yegob.rw/umwana-wimyaka-2-gusa-yakatiwe-igifungo-cya-burundu-azira-ikintu-atakagombye-kuzira/

Umuyobozi w'Akarere ka Muhanga, Kayitare Jacqueline yahaye umukoro urubyiruko rwavutse nyuma ya Jenoside yakorewe Abatutsi. Rwasabwe kudafatira urugero ku rubyiruko rubi rwijanditse muri Jenoside rugahekura u Rwanda. Bibukijwe ko bakwiye kwanga amacakubiri y'amoko bagaharanira guhindura abakiyafite babeshywa n'ababyeyi babo n'abandi.

Ibi byagarutsweho ubwo hibukwaga urubyiruko rwishwe muri Jenoside yakorewe abatutsi mu Rwanda muri gahunda y'Igihango cy'urungano, aho urubyiruko rusobanurirwa amateka y'Igihugu na Jenoside yakorewe Abatutsi hagamijwe gusigasira aya mateka.

Meya Kayitare yagize ati' Mwese muri aha mwavutse nyuma ya Jenoside yakorewe abatutsi. Mukwiye kuba urufatiro rwiza rw'iki Gihugu cyacu mukanga ababashora mu makimbirane y'amacakibiri ashingiye ku moko yatumye imbaga y'Abatutsi bicwa, mugaharanira kubaka Igihugu kizira imihoro n'ibindi byakoreshejwe hicwa abatutsi. Mukwiye kwigishwa neza mukagira uruhare mu kwamagana ababyeyi bagifite ingengabitekerezo y'Urwango banze kuyireka bakayiroga abana babo'.

Masengesho Joseph, umwe mu rubyiruko rukomoka mu murenge wa Cyeza avuga ko hakiri abasize bakoze Jenoside mu Rwanda bagihembera ingengabitekerezo ya Jenoside. Avuga ko inyigisho zihabwa urubyiruko zibahindurira imitekerereze no kwiyungura amakuru. Avuga ko mu bihugu bituranye n'U Rwanda usanga havugwa ko hari ibice byibasirwa bikicirwa uko byavutse.

Yagize Ati' Tujya twumva ndetse tukanabona bimwe mu bikorwa by'Abasize bakoze Jenoside bagihembera amacakubiri y'Ingengabitekerezo ya Jenoside kubera ko bayigishijwe, ariko natwe dukwiye gukomeza guhabwa inyigisho zigomba guhindura imitekerereze yacu tukamenya neza amateka ya Jenoside kuko twumva no mu bihugu duturanye hari ibikorwa bigereranywa na Jenoside yakorewe Abatutsi mu Rwanda'.

Visi Perezida w'Umuryango uharanira inyungu z'Abarokotse Jenoside yakorewe Abatutsi mu karere ka Muhanga, Dushimimana Fidele avuga ko urwango rwigishijwe abanyarwanda bo hambere rwatumye Igihugu kigwa mu kaga maze abari barigishijwe nabi bibona mu moko, bica abatutsi muri Jenoside yakorewe abatutsi.

Yongeyeho ko bibabaje kubona abana bari mu kigero kimwe bica bagenzi babo ndetse bakabavugiriza induru ku karubanda maze bakicwa ndetse bamwe muri abo bijanditse mu bwicanyi bakorera abatutsi Jenoside banasiga urubyiruko isura mbi.  Asaba urubyiruko ubu ko rukwiye guharanira iteka guhindura isura mbi twasizwe na bagenzi babo, bakanga amacakubiri maze bakaba umusingi mwiza ukwiye kubakirwaho Igihugu cy'ejo hazaza birinda ababashuka bashaka kubasubiza inyuma.

Umuhuzabikorwa w'Inama y'Igihugu y'Urubyiruko, Cyuzuzo Gentille avuga ko abakiri bato bakwiye kugaya abari mu kigero nk'icyo barimo bagize uruhare mu kwica abatutsi muri Jenoside yakorewe abatutsi mu Rwanda ndetse bagaharanira ko barwanya abagihembera amacakubiri yatumye Jenoside ikorerwa abatutsi mu Rwanda.

Yagize Ati' Nkatwe urubyiruko tukiri bato dukwiye kugaya bamwe mu rubyiruko bagize uruhare mu kwica abatutsi muri Jenoside yakorewe Abatutsi mu Rwanda ndetse tukagira uruhare mu kwamagana abagifite umutima w'ubunyamaswa bumva ko babonye uko bagaruka mu Rwanda basohoza umugambi wo kurandura abatutsi. Hari n'abakoresha imbuga nkoranyambaga bagamije kurangaza no kwigisha abakiri bato amacakubiri, tubamagane tubereke ko twamenye amateka yacu'.

Urubyiruko rusanga magana atatu (300)ruturutse mu mirenge igize akarere ka Muhanga nirwo rwitabiriye igikorwa cyo kwibuka urundi rubyiruko rwishwe muri Jenoside yakorewe Abatutsi. Banasobanuriwe amateka y'abatutsi biciwe i Kabgayi no mu bindi bice bitandukanye, bari barahungiye i Kabgayi bafite icyizere cyo kuharokokera.

Akimana Jean de Dieu

Source : https://www.intyoza.com/2023/05/28/muhanga-kwibuka29-urubyiruko-rwishwe-muri-jenoside-rwibutswe-abato-bahabwa-umukoro/

Ndakuburiye! Hagarika kuzongera kurya amagi uyakurikiranyije ni bintu byavuzwe mu nkuru.

1.Hagarika kurya amagi uyakurikiranyije n'icyayi; Akenshi abantu bakunze kujya kurya ibya mugitondo ugasanga mubyo bateguye harimo amagi ndetse n'icyayi, ibi rero ni bibi cyane kuko mu magi hari intunga mubiri zibamo zangirika iyo uriye igi ugakurikizaho icyayi.

2. Rekera gukurikiranya amagi n'ibisindisha (Alcohol) : amagi agira umusemburo ushobora gufasha za nzoga mu gutuma ujya mu bizunga cyane (hangovers) ndetse iyo ibi byombi ubikurikiranyije bishobora kukuviramo kubabara mu gifu.

3. Rekera gukurikiranya igi n'umuneke: uretse imineke ubundi si byiza kurya amagi ndetse n'ibindi binyamasukari icyarimwe.

4. Ntugakurikiranye igi ndetse n'amazi: nk'ibisanzwe sibyiza kurya ikintu runaka ngo uhite ukurikizaho amazi, kuko aya mazi afungura ibintu umaze kurya nabyo bikaba nk'amazi.

________________izindi_nkuru_____________

Dore uburyo wakosora ubutumwa bwa WhatsApp wanditse ugashyiramo amakosa utabizi ndetse n'uwo wandikiye ntabimenye ko wari wibeshye

Source : https://yegob.rw/ndakuburiye-hagarika-kuzongera-kurya-amagi-uyakurikiranyije-ni-bintu-byavuzwe-mu-nkuru/

Inkuru y'inshamugongo kuri ya Ngagi yari imaze igihe kinini mu Rwanda kurusha izindi zose zihari.

Ikigega Dian Fossey Gorilla Fund cyatangaje ko ingagi yari imaze imyaka myinshi kuruta izindi muri Pariki y'Igihugu y'Ibirunga, yapfuye imaze imyaka igera kuri 43.

Iyo ngagi yatangiye kugaragaza ibimenyetso by'uburwayi muri Mata 2023, ihita ibura mu muryango yabarizwagamo.

Umujyanama Mukuru mu kigega Dian Fossey Gorilla Fund, witwa Veronica Vecellio yanditse ati 'Iyi ngagi yagaragaje ibimenyetso by'uburwayi muri Mata 2023, ihita ibura mu muryango, hamwe n'indi y'ingabo yitwa Agahebuzo dutekereza ko yari yagumyeyo iyitegereje. Igihe Agahebuzo yagarukaga mu muryango mu mpera z'ukwezi, twahise twanzura ko Mukecuru yapfuye.'

Mu myaka myinshi ingagi Mukecuru yari imaze, yabyaye abandi bana umunani batabashije kubaho ndetse aba bihebeye kwita ku ngagi bagiye bayikurikirana mu gihe yabaga iri mu gahinda ko gupfusha abana bayo.

Source : https://yegob.rw/inkuru-yinshamugongo-kuri-ya-ngagi-yari-imaze-igihe-kinini-mu-rwanda-kurusha-izindi-zose-zihari/

'Bari bashimuse Arena' Bwa mbere abagize itsinda rya Kigali Boss basohokeye mu ruhame rw'abantu benshi aho bari bambaye imyaka ishotorana.

Mu ijoro ryakeye nibwo habaye imikino ya nyuma muri BAL, aho iyi mikino yitabiriwe n'ingeri zose.

Mu bitabiriye harimo abagore bagize itsinda rya Kigali Boss Babies rimenyerewe mu gusohokera ahantu harenze.

Bari basohokanye mu kwihera ijisho uko ikipe ya Al Ahly yatwaraga igikombe nyuma yo gutsinda Doune yo muri Senegal.

VIDEWO

View this post on Instagram

A post shared by ✪IPUSI KUMBUGA✪ (@thecatbabalao)

Source : https://yegob.rw/bari-bashimuse-arena-bwa-mbere-abagize-itsinda-rya-kigali-boss-basohokeye-mu-ruhame-rwabantu-benshi-aho-bari-bambaye-imyaka-ishotorana/

Zari Boss Lady yasubije muri Tanzania aho yakirijwe ibibazo by'ibanda ku ishyari afitiye wa mukobwa wasomanye na Diamond Platnumz.

Zari The Boss Lady yasobanuye uburyo yatandukanye na Diamond Platinumz avuga ko adatewe ikimwaro n'ibyo yakoze ndetse ngo ntanishyari amufitiye.

Uyu mugore Zari uri kubarizwa muri Tanzania yavuze ibyo ubwo yageraga ku kibuga cy'indege kizwi nka Julius Nyerere International Airport.

Yavuze ko ntashyari na rimwe yigeze agirira Fantana na Diamond Platinumz gusa yemeza ko Diamond Platinumz ari se w'abana be.

Yagize ati:' Njyewe ntabwo nigeze ngirira Fantana ishyari, ikibazo nagize nuko Diamond Platinumz ari se w'abana banjye.Ikibazo nagize ni uko yicaranye n'uriya mugore wo muri Ghana.

 

Source : https://yegob.rw/ntashyari-mufitiye-kandi-ni-se-wabana-banjye-zari-boss-lady-yasubije-muri-tanzania-aho-yakirijwe-ibibazo-byibanda-ku-ishyari-afitiye-wa-mukobwa-wasomanye-na-diamond-platnumz/