Category: Uncategorized

Televiziyo y'Ubushinwa yerekanye amafoto y'iyi ndege yo mu bwoko bwa C919 ubwo yari irimo kuzamuka mu kirere cyo hejuru y'umujyi wa Shanghai, yerekeza mu murwa mukuru Beijing, mu gitondo cyo kuri iki cyumweru.

Yubatswe na kompanyi y'Ubushinwa y'indege zikora ubucuruzi bwo gutwara abantu (Commercial Aviation Corporation of China, COMAC), mu kwizera ko iyi ndege izakuraho ubwiganze bw'indege z'umubyimba muto za kompanyi Airbus y'i Burayi na Boeing yo muri Amerika.

Icyakora iyi ndege y'Ubushinwa, ifite ubushobozi bwo gutwara abantu 164, iracyacungira cyane ku bikoresho byo mu bihugu byo mu burengerazuba (Uburayi n'Amerika), birimo nka moteri n'ibikoresho by'ikoranabuhanga ryo mu ndege.

Urugendo rwayo rwa mbere ruva i Shanghai rwerekeza i Beijing, itwaye abagenzi barenga 130, yarusoje mu gihe kigera ku masaha hafi atatu.

Iyi ndege yitezwe kuguruka igasubira mu mujyi wa Shanghai.

Kompanyi y'indege China Eastern Airlines, ifashwa na leta y'Ubushinwa, yatumije indege eshanu zo muri ubwo bwoko.

COMAC — iteganya kujya ikora indege 150 buri mwaka mu myaka itanu iri imbere — ivuga ko yamaze kwakira komande ('commandes') zirenga 1,200 z'iyi ndege ya C919.

Ariko inzobere zimwe zivuga ko nyinshi muri izo komande zicyekwa ko ari amabaruwa y'ubushake bwo kugura y'abaguzi b'imbere mu Bushinwa.

Perezida w'Ubushinwa Xi Jinping, mu myaka micye ishize wicaye mu cyumba cy'abapilote mu ndege y'inyiganano (itari iyo ndege nyirizina) ya C919, yavuze ko uyu mushinga ari kimwe mu bikorwa byo guhanga udushya cyane by'Ubushinwa.

Source : https://umuryango.rw/amakuru/mu-mahanga/ubukungu/article/ubushinwa-bwagurukije-indege-c919-yambere-bwakoreye-gutwara-abagenzi

Ni igikorwa cyanenzwe na benshi mu bakuriye amashyaka atavuga rumwe n'ubutegetsi ndetse banga kucyitabira bavuga ko yatambamiye Perezida w'icyo gihugu Droupadi Murmu muri icyo gikorwa

Mu itangazo imitwe y'amashyaka atavuga rumwe n'ubutegetsi yashyize ahagaragara mu cyumweru gishize yavuze ko icyemezo cya Modi cyo kuyobora igikorwa cyo gutaha ingoro nshya y'inteko ishinga amategeko ubwe, giheza perezida Murmu kandi kimusuzugura kikanasuzugura demukarasi y'Ubuhinde.

Rahul Gandh,ukuriye ishyaka Congress Party riri ku isonga mu mashyaka atavuga rumwe n'ubutegetsi yanditse ku rubuga rwa Twitter ko Modi yakoresheje uyu muhango mu gikorwa cyo kwiyimika

Ministri w'Intebe w'Ubuhindi Nehandra Modi yamaze gutangaza ko azahatanira manda ya gatatu mu matora y'umwaka utaha

Abatari bake basanga amafaranga agera kuri miliyoni 12 z'amadolari y'Amerika yakoreshejwe mu kubaka ingoro y'inteko ishinga amategeko yarajyaga gukoreshwa mu gusana ingoro ishaje inteko ishinga amategeko yakoreragamo.

Iyi ngoro nshya isimbuye iyari isanzwe yubatswe mu gihe Ubwongereza bwari bwrakoroneje Ubuhinde. Mu Ijambo Modi yavuze afungura iyi ngoro yavuze ko Ubuhinde busize inyuma amateka ya gikoloni

Source : https://umuryango.rw/amakuru/mu-mahanga/politiki/article/ministri-w-intebe-w-ubuhinde-yakoze-igikorwa-gifatwa-nko-kwishongora-kuri

Perezida Kagame yageze muri Nigeria ku gicamunsi cyo kuri iki Cyumweru, tariki ya 28 Gicurasi mu gihe Perezida Tinubu azarahirira kuyobora Nigeria ku wa Mbere, tariki ya 29 Gicurasi 2023.

Amatora ya Perezida wa Nigeria yabaye muri Gashyantare uyu mwaka, yarangiye Bola Tinubu ari we utangajwe nk'uwatsinze aho agiye gusimbura Muhammadu Buhari usoje manda ze.

Ubwo aya matora ya Perezida yasozwaga abandi bakandida bari bahanganye bagaragaje ko habayeho kwiba amajwi basaba ko amatora yaseswa.

Ibi byatumye abo bakandida barimo Atiku Abubakar wasoje ku mwanya wa kabiri na Peter Obi wari ku mwanya wa gatatu, bageza ikirego cyabo mu rukiko basaba ko amatora asubirwamo kuko ibarura ry'amajwi ritanyuze mu mucyo.

Atiku na Obi bavuga ko amajwi yatangajwe na Komisiyo y'Amatora akwiriye guteshwa agaciro kuko mu ibarura hagaragayemo amakosa akomeye.

Bavuga kandi ko Tinubu atabonye 25% by'abatoye bose muri buri Leta nk'uko amategeko abisaba, bityo ko amatora agomba gusubirwamo.

Tinubu w'imyaka 71 kandi ashinjwa kuba yariyamamaje atabyemerewe kubera ibirego by'ubucuruzi bw'ibiyobyabwenge yigeze gushinjwa muri Leta Zunze Ubumwe za Amerika.

Komisiyo y'Amatora ya Nigeria yemeye ko hari amakosa amwe yagiye aboneka mu ibarura ry'amajwi, gusa ivuga ko ntacyo byahungabanyije ku majwi rusange yatangajwe.

Guhera mu 1999 ubwo Nigeria yayoborwaga hashingiwe kuri demokarasi, buri gihe amatora ya Perezida akurikirwa n'ibirego by'uburiganya, gusa nta na rimwe ibyatangajwe na Komisiyo y'Amatora birateshwa agaciro.

Source : https://umuryango.rw/amakuru/mu-rwanda/politiki/article/perezida-kagame-yitabiriye-irahira-rya-bola-ahmed-tinubu-uherutse-gutorwa-muri

Uyu muhanda watangiye gukorwa uzatwara amafaranga miliyoni 33.5 zizatangwa na Leta hamwe n'abafatanyabikorwa baturiye uwo muhanda harimo na SKOL.

Mu gutangira ibikorwa byo kuwutunganya, Akarere ka Nyarugenge n'abaturage ndetse n'abafatanyabikorwa barimo SKOLbafatanije mu muganda rusange batunganya umuhanda wo mu Murenge wa Kanyinya ahitwa Nzove wari warangijwe n'imvura imaze iminsi igwa.

Umuyobozi w'Uruganda rwa SKOL mu Rwanda, Ivan Wulffaert, yashimye gushyira hamwe kw'abanyarwanda, anizeza abaturage ba Nzove ko icyo bazakenera ko uru ruganda rubafasha ruzabikora, anashishikariza abaturage gukomeza gusenyera umugozi umwe.

Meya w'Akarere ka Nyarugenge, Nzaramba Kayisime, yagize ati 'Twatereje gusana imihanda dufatanyije n'abafatanyabikorwa bacu kuko nk'uko mubiza duherutse guhura nibiza byangije ibikorwa remezo byinshi birimo n'imihanda igera kuri 67 yo mu Karere kacu.'

Yakomeje avuga ko uyu muganda rusange wo gusana imihanda wakozwe mu karere kose ku bufatanye bw'abaturage n'abafatanyabikorwa babo kugira ngo barusheho kwishakamo ibisubizo aho kumva ko bigomba kuva mu ngengo y'imari ya leta.

Abayobozi bashishikarije abaturage gukomeza iki gikorwa cyantangijwe; kubungabunga ibidukikije harimo imihanda yangiritse kubera imvura, amacupa ya palasitiki ajugunywa ahabonetse hose bakazajya bayashyira ku ruhande kugira ngo abatwara imyanda bajye bayajyana ahabigenewe; hamwe no gukomeza kurwanya ibiyobyabwenge kuko byangiza ubuzima.

Source : https://umuryango.rw/amakuru/mu-rwanda/ubukungu/article/abakozi-b-uruganda-rwa-skol-bifatanyije-n-abaturage-gukora-umuganda-rusange

byabaye ku wa gatandatu ku mupaka w'Afuganistani wo mu karere ka Nimroz zihitana abasirikare ba Irani babiri n'Umutalibani wari urinze umupaka nkuko byemezwa n'abategetsi b'ibihugu byombi.

Impande zombi zirashinjanya kuba nyirabayazana w'izi mvururu rumwe ruvuga ko urundi ari rwo rwarashe amasasu ku ruhande rwa rugenzi rwaro muri ubu bushyamirane hagati y'Afuganistani na Irani bapfa amazi.

Kuri iki cyumweru Ibiro ntaramakuru bya leta ya Irani, IRNA, byatangaje ko umwe mu bayobozi b'icyo gihugu yavuze ko ikibazo cyari cyabaye cyabonewe umiti muri ako karere k'intara ya Sistan-Baluchistan kabarizwamo umupaka wa Sasuli mu ntara ya Irani.

Alireza Marhamati, wungirije umukuru w'iyo ntara yavuze ko abatagetsi b'inzego z'ibanze ba Irani na Afuganistani bagiranye imishyikirano baganira ku cyateye ubwo bushyamirane ndetse bakaba bavuze ko bari bukomeze gushakira umuti icyo kibazo binyuze mu nzira y'ibiganiro.

Umuvugizi wa ministeri y'ubutegetsi bw'igihugu muri Afuganistani abinyujije mu itangazo, yavuze ko igihugu cye kidashaka kurwana n'abaturanyi ashimangira ko Irani ari yo yatangiye ubwo bushotoranyi bigatuma ingabo za Afuganistani zihagararaho.

Umwuka mubi hagati y'ibihugu byombi wakomeje gututumba Irani ishinja ubutegetsi bw'Abatalibani muri Afuganistani kwica amasezerano yo gusangira amazi hagati y'ibihugu byombi yashyizweho umukono mu 1973.

Irani ishinja Afuganistani kugaza amazi y'umugezi wa Hermand no kuyahindurira icyerekezo iyabuza gutemba agana mu duce two ku mupaka wo mu burasirazuba bwa Irani, agace kameze nk'ubutayu.

Mu ruzinduko Perezida Ebrahim Raisi wa Irani yagiriye muri ako gace yahamagariye ubutegetsi bw'Abatalibani kubahiriza ayo masezerano ateganya gusangira amazi hagati y'ibihugu byombi agashyiraho n'urugero buri gihugu kigenewe rwo gukoresha ayo mazi.

Yihanije abategetsi b'Afuganistani ababwira ko nibarenga kuri ayo masezerano, Irani itazazuyaza kurengera uburenganzira ifite kuri ayo mazi.

Source : https://umuryango.rw/amakuru/mu-mahanga/umutekano/article/afuganistani-na-irani-birarebana-ayingwe

Mironko yakatiwe n'Urukiko rw'Ikirenga, igifungo cy'imyaka ibiri ariko umwaka umwe n'amezi icyenda birasubikwa, afungwa amezi atatu muri Gereza kuva ku wa 22 Gashyantare 2023.

Ubuyobozi bwa RCS butangaza ko uyu mugabo yamaze gusohoka muri gereza, nyuma yo kurangiza igihano.

Mironko nyiri uruganda Mironko Plastic Industries, yakatiwe n'Urukiko rw'Ikirenga iki gihano ubwo yari yitabiriye iburanisha mu rubanza rusanzwe rw'ubucuruzi rwaburanishwaga n'Urukiko rw'Ikirenga, nyuma yo kugaragarwaho n'imyitwarire idahwitse.

Urukiko rw'Ikirenga rwanashingiye ngo ku ibaruwa yigeze kurwandikira irimo amagambo arutesha agaciro, no kuba yaranze gushyira mu bikorwa icyemezo urukiko rwafashe gishyiraho inzobere mu rubanza rwe, rugasanga iyo myitwarire igize icyaha cyo gutuka urukiko gikorewe mu iburanisha.

Rwahise rutegeka ko Mironko afungwa imyaka ibiri, icyakora umwaka umwe n'amezi icyenda bigirwa igihano gisubitse.

Umuvugizi w'Urwego rw'Igihugu rushinzwe Igorora, CSP Rafiki Daniel niwe wahamirije IGIHE ko uyu mugabo yamaze gufungurwa.

Source : https://umuryango.rw/amakuru/mu-rwanda/ubutabera/article/rcs-yatangaje-ko-yarekuye-umunyemari-mironko

Instinzi y' ibitego 2-1 APR FC itsinze Gorilla FC byatumye igira amanota 63 yanganyije na Kiyovu Sports ya kabiri.ariko kubera ikinyuranyo cy'ibitego biyihesha kwegukana shampiyona.

Ni igikombe cya kane cyikurikiranya ku Ikipe y'Ingabo yaherukaga kubikora mu 2008/09- 2011/12.

Rayon Sports yasoje ku mwanya wa gatatu n'amanota 61 nyuma yo gutsinda Sunrise FC igitego 1-0.

Rutsiro FC yatsinzwe na Kiyovu Sports ibitego 3-1, yamanutse mu Cyiciro cya Kabiri ikurikiye Espoir FC.

AS Kigali yabaye iya kane nubwo yatsinzwe na Bugesera FC 2-1 naho Marines FC isoza Shampiyona itsinda Police FC igitego 1-0 mu mukino wabereye i Huye.

Aganira na Radio Rwanda, Kapiteni wa APR FC, Manishimwe Djabel, yagaragaje ko yishimiye kwegukana Igikombe cya Shampiyona.

Yagize ati 'Mwabonye ko habanje gushyirwamo amanota menshi ariko nyuma umwuka mwiza wabayeho mu rwambariro, bisubira mu mwanya mwiza.'

Yavuze ko intego bafite ari ukwegukana ibikombe byombi birimo icya Shampiyona n'icy'Amahoro aho biteganyijwe ko bazahurira ku mukino wa nyuma na Rayon Sports kuri Stade ya Huye ku wa 3 Kamena 2023.

Yakomeje agira ati 'Ni yo ntego yacu [kwegukana igikombe]. Twabasaba kuzaza ari benshi, imbaraga zabo ni zo tuba dukeneye. Turifuza gutwara ibikombe byose.'

Ku rundi ruhande ubwo APR FC yishimiraga igikombe, Kiyovu Spory yabaye iya 2 yo byari amarira kuko batashoboye kucyegukana nyamara bari mu rugendo rukibaganishaho bakaruvamo ku maherere.

Perezida wa Kiyovu Sports Ltd, Mvukiyehe Juvénal na Kapiteni wayo, Kimenyi Yves, bagize agahinda nyuma yo kureba uko igikombe cyasubijwe mu modoka, bakibonesheje amaso ariko ntibashoboye kugikoraho.

Nyuma yuko bari bamaze gutsinda, ariko ikinyuranyo cy'ibitego barushwa na APR FC bibabera inzitizi, cyane ko basabwaga gutsinda ibitego biri hejuru y'icumi.

Umukino wahuzaga Kiyovu Sports na Rutsiro FC urangiye Urucaca rutsinze ibitego 3-1.
I Nyamirambo, APR FC itsinze Gorilla FC ibitego 2-1.

Source : https://umuryango.rw/imyidagaduro/imikino/article/apr-fc-yegukaye-igikombe-cya-21-cya-shampiyona-nyuma-yo-gutsinze-gorilla-fc

Kuri iki cyumweru tariki 28 Gicurasi 2023, ikipe y’Ingabo z’Igihugu yegukanye igikombe cya 21 cya shampiyona y’icyiciro cya mbere mu Rwanda. Byari nyuma yo gutsinda umukino yari yakiriwemo na Gorilla FC kuri Kigali Pele Stadium.

Ikipe ya APR FC yatangiye umukino isatira mu buryo bukomeye dore ko ku munota wa 3 gusa Christian yahinduye umupira mwiza imbere y’izamu ashaka Nshuti Innocent na Bizimana Yannick ariko umuzamu wa Gorilla FC ahita akora akazi gakomeye awukuramo.

Abakinnyi ba Gorilla FC bakomeje gukina bahererekanya gake gake babikorera inyuma mu rubuga rw’abo ari nako bakinisha umuzamu wabo Mozombo ubona nta gitutu bafite.

Ku munota wa 14 Gorilla FC yashoboraga kubona igitego cya 1,Nshimiyimana Tharcisse yarekuye ishoti riremereye ariko ba myugariro ba APR FC bararyama umupira bawukuraho.

Umukino wakomeje gukinwa amakipe yombi ahererekanya gake gake ari nako ananyuzamo agasatira. 

Bigeze ku munota wa 38 ba myugariro ba Gorilla FC bakoze amakosa maze Nshuti Innocent ahita aroba umuzamu umupira uruhukira mu nshundura igitego cya 1 cya APR FC kiba kirabonetse.

Nyuma yo gutsinda igitego cya 1 abakinnyi ba APR FC babaye nkabariye amavubi barasatira cyane ari nako ibona koroneri nyinshi ku mipira yabaga ihinduwe neza na Ombolenga gusa ntacyo babyazaga izi koroneri.

Igice cya kabiri cyatangiye abasore ba APR FC bakomeje urugendo rwo gushaka igitego cy’umutekano bakagerageza gusatira binyuze ku ruhande rw’ibumoso rwa Christian ariko abakinnyi ba Gorilla FC bakirwanaho barenza imipira.

Ku munota wa 50 APR FC yabonye kufura nziza ku ikosa ryari rikorewe Mugisha Gilbert wari ugiye gutsinda igitego, Ombolenga yahise ayitera ariko umupira uragenda unyura impande y’izamu gato uhita urenga.

Abasore ba APR FC bakomeje guhusha uburyo bw’ibitego byabazwe imbere y’izamu, nko ku munota wa 55 Mugisha Gilbert yazamukanye umupira neza maze awuhindura imbere y’izamu asanga Nshuti Innocent yatinzeho gato.

Umukino wakomeje, abasore ba Gorilla FC banyuzamo bagahererekanya neza gake gake ariko bagera imbere y’izamu bagahita bawamburwa.

Ku munota wa 75′, Ruboneka Bosco yazamukanye umupira neza mu kibuga hagati maze ashyira kwa Kwitonda Allain-Baca arekura ishoti ry’abana maze umuzamu arifata bimworoheye.

APR FC yaje kubona igitego cya 2 ku munota wa 87′ gitsinzwe na Ruboneka Bosco ahawe umupira mwiza na Allain-Baca. 

Nyuma y’umunota umwe, gusa Gorilla FC yahise isatira maze Shimiyimana Tharcisse arekura ishoti rikubita igiti kizamu riragaruka ahita atsinda igitego.

Umukino warangiye APR FC itsinze ibitego 2-1 maze ihita yegukana igikombe cya shampiyona cya 2023.

Ikipe yamanutse mu cyiciro cya kabiri ni Rutsiro FC nyuma yo gutsindwa na Kiyovu Sport ibitego 3-1, ijyanye na Espoir FC yo yari yaramanutse kera.

Indi mikino yabaye, ikipe ya Kiyovu Sport yatsinze Rutsiro FC 3-1, Rayon Sports itsinda Sunrise FC 1-0, Bugesera FC itsinda AS Kigali 2-1, Police FC itsindwa na Marine FC 1-0 n’aho Etincelles inganya na Rwamagana City 0-0.

Abakinnyi ba APR FC babanje mu kibuga n’abatakibanjemo bishimira igitego

Aho igikombe cyahawe APR FC cyari giteretse

Source : https://inyarwanda.com/inkuru/129890/apr-fc-yegukanye-igikombe-cya-shampiyona-rutsiro-fc-iramanuka-129890.html

Abinyujije kuri konti ye ya Twitter kuri iki Cyumweru tariki 28 Gicurasi 2023, uyu mugabo yatanze ibitekerezo bye nk’umuntu uba mu mupira w’amaguru mu Rwanda kandi wigeze no gushingwa ishingano.

Mu butumwa burebure, yerekanye uburyo Ferwafa ifite ibibazo by’imiyoborere ndetse anarekana uburyo akajagari kari muri iri shyirahamwe ari abanyamuryango baryo bakitera.

Yatangiye ati “Njye ndi umwe mu bahamya ko iri shyirahwe, Ferwafa rimaze igihe rifite ibibazo bikomeye by’imiyoborere mibi, ibi kandi abenshi muri twe dutunga intoki nyinshi abantu banyuranye ngo nibo bangiza umupira w’amaguru.”

“Mwumve neza ibitekerezo byanjye, akajagari, ibibazo biri mu mupira w’amaguru njye mpamya ko biterwa n’abanyamuryango ba Ferwafa ku kigero cya 90%”.

Munyakazi Sadate kandi yagarutse ku kuba Ferwafa itegura amatora ameze nko kwiyerurutsa agereranya n’ikinamico itagira umwanditsi cyangwa se umutoza. Yagize ati “Ku munsi w’ejo nibwo hamenyekanye ikinamico ry’abazitabira amatora muri Ferwafa.”

“Igihe cyose iri shyirahamwe ritegura amatora ameze nko kwiyiba no kwiyerurutsa, abantu bagatanga ‘candidatures’ mu minsi 2 ya week-end nabwo bisa nkaho ari uguca muri humye, bagasa nk’aho bacuranwa cyangwa biyiba, ibi ubwabyo bigaragaza indwara iri shyirahamwe rirwaye”.

“Kubera izo mpamvu ibizavamo byose bizahora ari bimwe, gutsindwa no guhora kw’ishyiga nk’umwana wagwingiye”.

Mu bitekerezo bye, Munyakazi Sadate yasoje agira inama abanyamuryango ba Ferwafa abasaba gukanguka bagakora ibintu bitarimo amacenga. 

Yakomeje agira ati “Banyamuryango ba Ferwafa ni muhagarike amatora yo kugabana gabana imyanya, ni mutore ibitekerezo bikubiye muri ‘programme’ mwagejejweho n’abantu benshi, ni mukora ibi muzaba mutangiye gukira indwara iri shyirahamwe rirwaye imyaka myinshi.

“Ibi kadi bizabafasha gutangira kuva mu kimwaro umupira wacu umazemo imyaka myinshi, ni mudakora ibi kandi, muzahora muri nk’umurwayi ufite umuriro akihutira kunywa ikinini cyo kumara umuriro ariko mu by’ukuri atazi indwara arwaye”.

“Igihe kirageze ngo tubwizanye ukuri kuko ukuri (ku)ko nyine niko kuzakiza umupira wacu ndetse kugahoza iriya ntebe yo muri Ferwafa isa nk’aho ihora itogota, abenshi mushobora kuvuga ko nkabya ariko reka mbabwire ngo ibi nibidahagarara umupira wacu uzarushaho kujya aharindimuka, aka kanya wenda hari abankwena ariko ibyo mvuga ntibizatinda kwigaragaza”.

“Mufungure urubuga, muve mu macenga, mutegure amatora aciye mu mucyo, nibwo muzatora abashoboye atari ibyo muzahora mwizungurukaho mushaka ibibazo ahandi kandi ikibazo ari mwe ubwanyu”.

“Ni isoni n’ikimwaro kubona igihugu nk’u Rwanda tujya gusaba umwana w’umurundi ngo aze adukinire, uretse ko bamutwimye ariko mubona bidateye ikimwaro kubona tutabasha kurera abana kugera aho tujya kwikoza isoni i Burundi?”.

“Nimwigire ku Ishyirahamwe ry’umupira w’amaguru i Bugande, ryazamuye abana bari ‘talentueux’ ubu iki gihugu kikaba kihagije ku bakinnyi ahubwo kikaba gisigaye kidusagurira, niba uri rugero rudahagije ni mu nyarukire mu Bubiligi mwibuke iki gihugu mu myaka 25 ishize, ni mwibuke ko cyari agahugu katazwi mu by’umupira, ariko ubu ni murebe aho kigeze n’uko gihagaze”.

“Igihe cyose mukiri mu matora ya findi findi tuzahora aho turi cyangwa Umupira wacu ujye ahabi kurushaho.Muhagarike ikinamico abantu tumaze kuyirambirwa”.

Ibi Sadate yabitangaje mu gihe muri Ferwafa, hari kwitegurwa amatora y’abayobozi bashya dore ko umubare munini w’abari basanzwe bayiyobora bamaze kwegura.

Guhera taliki 22 Gicurasi kugeza ku munsi w’ejo abashaka kuyobora batanze kandidatire zabo naho amatora akaba ateganyijwe ku wa 24 Kamena 2023.

Bamwe mu bamaze gutanga kandidatire zabo bazwi harimo Perezida wa Police FC, Munyentwali Alphonse na Gacinya Denis wigeze kuyobora Rayon Sports.

Munyakazi yasabye abanyamuryango ba Ferwafa guhagarika amatora yo kugabana imyanya, ahubwo bashingire ku bitekerezo byubaka

Source : https://inyarwanda.com/inkuru/129884/munyakazi-sadate-yagereranyije-amatora-yumuyobozi-wa-ferwafa-nikinamico-129884.html

Mu itangazo yashyize kuri Twitter, yanenze abasirikare ba Uganda bo mu kigo cy'i Bulo-Mareer, mu majyepfo ashyira uburengerazuba bwa Somalia, abashinja kunanirwa gukora neza uko byari byitezwe.

Aya ni amagambo akarishye Perezida Museveni akoresheje ku myitwarire y'abasirikare b'igihugu cye, nyuma yuko intagondwa za al-Shabab ziraye muri kimwe mu bigo byazo mu butumwa zirimo muri Somalia bw'umuryango w'Ubumwe bw'Afurika, buzwi nka ATMIS.

Ingabo za Uganda ziri muri icyo gihugu kuva mu mwaka wa 2007.

Museveni yavuze ko abo basirikare ba Uganda bahiye ubwoba basubira inyuma bava muri icyo kigo. Yavuze ko ibyo bitari ngombwa kuko ubwirinzi bwabo bwari kuba bukomeye bihagije iyo baguma aho bari bari.

Ati: “Rero wabaye umwanya upfuye ubusa wo kubarimbura [aba al-Shabab]. Ibikorwa birakomeje kandi bazicuza ibyo bakoze”.

Ku wa gatanu, umutwe wa al-Shabab wavuze ko wishe abasirikare benshi ba Uganda. Museveni yemeye ko hari abapfuye, ariko nta yandi makuru yatanze.

Nyuma y'icyo gitero, Amerika yagabye igitero cy'indege isenya intwaro izo ntagondwa zari zafashe.

Museveni yavuze ko harimo gukorwa iperereza rya gisirikare ngo hamenyekane neza uko byagenze, n'umubare w'abapfuye n'abakomeretse.

Source : https://umuryango.rw/amakuru/mu-mahanga/umutekano/article/uganda-updf-yahiye-ubwoba-kubera-igitero-cya-al-shabab