Webrwanda Backend

Category: Uncategorized

  • Si ndi umukinnyi wo kwinginga ngo mpamagarwe mu ikipe y’igihugu, iby’Amavubi sinkibitekerezaho cyane – Haruna Niyonzima #rwanda #RwOT

    Kapiteni w’ikipe y’igihugu Amavubi, Haruna Niyonzima yaciye amarenga yo kuba yarafashe icyemezo cyo gusezera mu ikipe y’igihugu, ni nyuma y’uko amaze igihe adahamagarwa.

    Uyu mukinnyi ukinira Al Ta’awon muri Libya, akaba ari we umaze gukina imikino myinshi mu ikipe y’igihugu aho yakinnye imikino 107 kuva Carlos Alós Ferrer ntabwo arahamagarwa mu ikipe y’igihugu nkuru.

    Mu kiganiro B-Wire, Haruna Niyonzima yavuze ko imyaka amaze mu ikipe y’igihugu atatakamba ngo ahamagarwe mu ikipe y’igihugu.

    Ati “Ntabwo mbitekereza cyane, ntabwo mbitekereza cyane kubera ko, njyewe nkunda kuvuga ukuri uyu ni umupira turimo kuvuga, ntabwo njyewe ndi umukinnyi wo kwinginga ngo mpamagarwe mu ikipe y’igihugu, ntibibaho. Njyewe narabivuze kandi nzahora mbivuga ninava mu mupira nzahora mbivuga, igihe cyose nakiniye ikipe y’igihugu ntabwo ndi umukinnyi wo kwinginga ngo mpamagarwe mu ikipe y’igihugu kandi nta nubwo nababazwa n’uko ntababazwa n’uko ntahamagawe, ahubwo nababazwa n’uko yabonye umusaruro mubi kuko ndabizi uyu munsi urahamagarwa ejo ntuhamagarwe.”

    Abajijwe niba yaba yaramaze gusezera, yavuze ko atakibitekerezaho cyane bitewe n’uko nta gaciro ahabwa.

    Ati “njyewe bitewe n’uburyo mbona nta gaciro bampa, ubundi nta mukinnyi wivuga, ubu njyewe nivuze n’abakinnyi bagenzi banjye banyanga ariko ku bwanjye ku mutima wanjye mba numva naramaze kubivamo, ariko imbaraga ndazifite mu ikipe yanjye ndakina ariko mba nsaba Imana ngo tugere aho twifuza.”

    Haruna Niyonzima yatangiye gukinira ikipe y’igihugu muri 2006, gusa ntabwo yigeze agira amahirwe yo kuba yagira ikintu gikomeye ayigezeho nko kuyihesha itike y’igikombe cy’Afurika cyangwa itike y’igikombe cy’Isi.

    Haruna Niyonzima yaciye amarenga yo gusezera mu ikipe y’igihugu

    Source : http://isimbi.rw/siporo/article/si-ndi-umukinnyi-wo-kwinginga-ngo-mpamagarwe-mu-ikipe-y-igihugu-iby-amavubi-sinkibitekerezaho-cyane-haruna-niyonzima

  • Amavubi yakiranwe yombi n’ibizungerezi bitagira uko bisa ubwo basesekaraga mu karere ka Gisagara aho bagiye gukomereza umwiherero(AMAFOTO) – YEGOB #rwanda #RwOT

    Amavubi yakiranwe yombi n'ibizungerezi bitagira uko bisa ubwo basesekaraga mu karere ka Gisagara aho bagiye gukomereza umwiherero(AMAFOTO)

    Ikipe y'Igihugu 'Amavubi' yasesekaye mu Karere ka Gisagara aho yakomereje umwiherero wo kwitegura umukino w'Umunsi wa Gatanu wo mu Itsinda L ryo gushaka itike y'Igikombe cya Afurika cya 2024, uzayihuza na Mozambique ku Cyumweru, tariki ya 18 Kamena 2023.

    Source : https://yegob.rw/amavubi-yakiranwe-yombi-nibizungerezi-bitagira-uko-bisa-ubwo-basesekaraga-mu-karere-ka-gisagara-aho-bagiye-gukomereza-umwihereroamafoto/

  • Bazongere Rosine wamamaye muri filime nyaRwanda atewe ubwoba n’abashaka kwica mama we umubyara(Videwo) – YEGOB #rwanda #RwOT

    Bazongere Rosine wamamaye muri filime nyaRwanda atewe ubwoba n'abashaka kwica mama we umubyara(Videwo)

    Abinyujije ku mbuga nkoranyambaga ze Bazongere Rosine wamamaye muri filime nyarwanda yavuze agahinda gakomeye ari guterwa n'amakuru amusanga i kigali ayo makuru aturuka aho yavukiye mu karere ka Kayonza mu murenge wa Rukara ni uko umunsi ku munsi abantu baturanye bicwa ndetse mu ijoro ryahise bakaba bagerageje no kwica mama we.

    Bazongere asangiza abamukurikirana inkuru ye yavuze ko aho aturukaho mu murenge wa Rukara mu karere ka Kayonza hagiye haturukayo inkuru z'incamugongo aho abantu hafi ya bose yari azi ndetse na bamwe mu bo  biganye n'abari inshuti ze yagiye yakira amakuru ko bagiye bapfa mu buryo butandukanye ndetse buteye urujijo ndetse ubwo bugizi bwa nabi bukaba  bukabije muri aka gace.

    Gusa yagize agahinda gakabije ubwo yakiraga terefoni ya mama we ahagana saa munani z'ijoro amubwira ko hari abantu atazi bari kumukomangira ngo akingure gusa umubyeyi we yanze gukingura ahubwo ahitamo guhamagara umukobwa we amubwira ibiri kujya mbere.

    Gusa kuva icyo gihe Rosine ntaratuza kuko afite umutima uhagaze yibaza niba aricyo gihe ngo yimure Mama we ataricwa nk'uko izindi nshuti ze nabo yari azi bagiye bapfa, ndetse muri ubu buhamya yasoje abaza icyo yakora.

    Umubyeyi ubyara Bazongere Rosine.

    Reba amashusho hasi..

     

    Source : https://yegob.rw/bazongere-rosine-wamamaye-muri-filime-nyarwanda-atewe-ubwoba-nabashaka-kwica-mama-we-umubyaravidewo/

  • Itangazo rireba abatuye ndetse n’abakorera mu mujyi wa Kigali bose  – YEGOB #rwanda #RwOT

    Itangazo rireba abatuye ndetse n'abakorera mu mujyi wa Kigali bose

    Umujyi wa Kigali ubinyujije mu itangazo watambukije wongeye kwibutsa abawutuye abawugenda ndetse n'abawukorera mo ko bagomba kwimika isuku niba koko bakeneye Kigali icyeye kandi iteye imbere kandi ibi bikaba inshingano za buri mu turage wese.

    Umujyi wa Kigali wibukije abaturage ko ari ngombwa kugira isuku muri byose ndetse wibutsa n'abaturage uburyo bwiza bwo kwegeranya imyanda.

    • Kumena imyanda ahabugenewe kandi neza
    • Kwirinda kujugunya amacupa n'indi myanda aho tubonye hose hatabigenewe.
    • Kwirinda kumena cyangwa kohereza amazi yanduye mu miyoboro y'amazi n'ahandi hose hatabigenewe
    • Ni byiza gutandukanya imyanda ibora n'itabora.

    Ibi bihora byibutswa abanya Kigali bose mu rwego rwo gukorana umujyi ucyeye kandi ufite isuku.

    Source : https://yegob.rw/itangazo-rireba-abatuye-ndetse-nabakorera-mu-mujyi-wa-kigali-bose/

  • Cristiano Ronaldo ntabwo akibukwa pe! Izina Messi ryongeye gukora agashya muri rubanda [Amafoto] – YEGOB #rwanda #RwOT

    Rutahizamu w'ikipe ya Inter Miami yo muri Reta zunze ubumwe z'amerika ndetse n'ikipe y'igihugu ya Argentina, Lionel Messi izina rye ryongeye kuganza muri rubanda.

    Kuri uyu wa Kane ikipe y'igihugu ya Argentine yakinnye umukino n'ikipe ya Australia, ariko uyu mukino waje kugaragaza ko Lionel Messi akiri nimero ya mbere ku isi nyuma yaho abantu bagaragaye bambaye Jesy zanditseho Messi ari benshi cyane inyuma ya Sitade yari iri kuberaho uyu mukino .

    Ni umukino wa gishuti watangiye ku isaha ya saa munani n'iminota icumi z'amanwa wabereye kuri Sitade yitwa Workers' Stadium, Beinjing mu gihugu cy'ubushinwa. Ubwo twakoraga iyi nkuru Argentina yari yatsinze Igitego 1-0 cyatsinzwe na Lionel Messi ku munota wa 2 ari nako igice cya mbere cyarangiye.

     

     

    Source : https://yegob.rw/cristiano-ronaldo-ntabwo-akibukwa-pe-izina-messi-ryongeye-gukora-agashya-muri-rubanda-amafoto/

  • Breaking: Turahirwa Moses waburanaga ifungwa n’ifungurwa hamenyekanye umwanzuro w’urukiko  – YEGOB #rwanda #RwOT

    Breaking: Turahirwa Moses waburanaga ifungwa n'ifungurwa hamenyekanye umwanzuro w'urukiko

    Urukiko rwisumbuye rwa Nyarugenge rwategetse ko umunyamideri Turahirwa Moses washinze inzu ya 'Moshions' afungurwa by'agateganyo.

    Aakurikiranwa n'ubutabera ari hanze, hashingiwe ku kuba umwirondoro we uzwi neza kandi atabangamira iperereza.

    Moses akurikiranyweho Gukoresha inyandiko mpimbano no gukoresha ibiyobyabwenge.

     

    Source : https://yegob.rw/breaking-turahirwa-moses-waburanaga-ifungwa-nifungurwa-hamenyekanye-umwanzuro-wurukiko/

  • Kicukiro; Umukobwa yapfuye nyuma yo gutera akabariro – YEGOB #rwanda #RwOT

    Umusore wo mu Kagari ka Nyarurama mu Murenge wa Kigarama mu Karere ka Kicukiro, yatahanye umukobwa bagombaga kurarana maze apfira iwe.

    Inkuru dukesha Igihe, ivuga ko uyu musore yacyuye uyu mukobwa wakoraga
    Uburaya amukuye Nyabugogo amujyana Nyamirambo bajya mu cyumba, bamaze gutera akabariro umukobwa arapfa.

    Cyakoze acyimara kubona ko uwo yazanye apfuye yahise yijyana kuri RIB.'

    Amakuru yuko uyu mukobwa yitabye Imana yamenyekanye mu gitondo cyo kuri uyu wa Gatatu tariki ya 14 Kamena 2023.

    Source : https://yegob.rw/kicukiro-umukobwa-yapfuye-nyuma-yo-gutera-akabariro/

  • Rayon Sports yacitsemo ibice kubera Hertier Luvumbu Nzinga rutahizamu ukunzwe n’aba-Rayon benshi – YEGOB #rwanda #RwOT

    Rutahizamu ukomoka mu gihugu cya DRC umaze gukundwa n'abakunzi benshi ba Rayon Sports, Heritier Luvumbu Nzinga yatumye Rayon Sports icikamo ibice.

    Mu kwezi kwa mbere uyu mwaka Heritier Luvumbu Nzinga yageze hano mu Rwanda asinyira ikipe ya Rayon Sports amasezerano y'amezi 6 gusa, bivuze ko kugeza ubu amasezerano ye yarangiye. Uyu mukinnyi nyuma yo kuba abona ntakipe irimo kumuganiriza yatangiye ibiganiro n'ikipe ya Rayon Sports nubwo bamwe batamwemera.

    Muri uko gushaka gusinyisha uyu rutahizamu, bamwe mu bayobozi ba Rayon Sports amakuru dufite ntabwo bashaka koyaguma muri iyi kipe bitewe ni uko babonye akina iminota micye, indi akaba yarushye kandi bashaka kugera kure mu mikino nyafurika. Gusa hari abandi bavuga ko uyu mukinnyi yabafasha cyane ndetse bakifuza ko imyaka ashaka gusinya bayimuha ntakibazo.

    Impamvu ikomeye ni uko uyu rutahizamu arifuza ko bamuha amasezerano y'imyaka 2 agahabwa Milliyoni zigera kuri 15 ariko abo batamwemera barashaka ko bamusinyisha nibura amasezerano y'umwaka umwe gusa kuko ngo babona hari igihe yabapfira ubusa bagahita bamusezerera ntangaruka bibateye.

    Heritier Luvumbu Nzinga yafashije cyane iyi kipe ya Rayon Sports mu gihe gito yakinnye yafashaga iyi kipe kugenda ibona ibitego kuko aho atatsindaga wasangaga yatanze umupira uvamo igitego, ibi bivuze ko kongererwa amasezerano byaba nko kumuhemba bitewe nibyo yafashije Gikundiro.

     

     

    Source : https://yegob.rw/rayon-sports-yacitsemo-ibice-kubera-hertier-luvumbu-nzinga-rutahizamu-ukunzwe-naba-rayon-benshi/

  • Moses Turahirwa washinze Moshions yafunguwe b… – #rwanda #RwOT

    Kuri uyu wa Kane tariki 15 Kamena 2023, Urukiko rwategetse ko Turahirwa Moise nta mpamvu zikomeye zituma akurikiranwa afunze. Rutegeka ko arekurwa akajya kurikiranwa ari hanze.

    Ntagomba kurenga imbibi z'u Rwanda. Urubanza ku ifungwa n'ifungurwa ry'agateganyo ruregwamo Turahirwa Moses washinze Moshions rwaciwe ku itariki 15 Gicurasi 2023 urukiko rw'ibanze rwa Nyarugenge rwemeza ko afungwa iminsi 30 y'agateganyo.

    Nyuma y'iminsi itanu yatanze ubujurire burakirwa. Ku itariki 12 Kamena 2023 nk'uko amategako abiteganya Turahirwa Moses yagarutse imbere y'urukiko rwisumbuye rwa Nyarugenge arajurira.

    None ku itariki 15 Kamena 2023 ku isaha ya saba n'iminota 15 ku isaha y'I Kigali nibwo inteko y'abacamanza babiri batangiye gusoma umwanzuro wa buriya bujurire.

    Ibyasuzumwe mu rubanza rw'ubujurire rwo ku itariki 12 Kamena 2023

    Urumogi basanze iwe mu rugo rwashingiweho hemezwa ko afungwa iminsi 30 y'agateganyo.

    Turahirwa Moise wagaragaje ko ruriya rumogi rwavuye mu ishati yakuye mu Butaliyani. Umucamanza yavuze ko ubushinjacyaha bwifuje gukora iperereza mu ishyamba rya Nyungwe aho Moise yagiye avuga ko ahafite imirima y'urumogi. 

    Dosiye ya Turahirwa Moise, urukiko rwasanze atarabajijwe ku byo guhinga urumogi. Ndetse n'itangazo ryanyujijwe ku mbuga nkoranyambaga nta shingiro bifite kuko mu kubazwa atigeze abibazwa ndetse no mu byo aregwa ntibirimo.

    Urukiko rusanga kuba atarabajijwe ku byo guhinga urumogi batafata icyemezo kuko ni inenge urukiko rw'ibanze rwakoze.

    Kuba Moise Turahirwa yaremeye ko anywa urumogi akaba yararunywereye mu gihugu cy'Ubuholande ndetse ntazi uko ruriya rumogi basanze iwe atazi uko rwahageze.

    Urukiko rwasanze ubujurire bwe kuri iyi ngingo nta shingiro bufite. Nubwo avuga ko yarunywereye hanze y'u Rwanda ni icyaha amategeko y'u Rwanda ahana ku buryo agomba gukurikiranwa.

    Turahirwa Moise ibipimo byafashwe byerekana ko anywa urumogi. Urukiko rwemeza ko agomba gukurikiranwa.

    Ku ngwate no kwishingirwa:

    Mu rukiko rwisumbuye yerekanye ingwate ya Moshions ifite agaciro ka miliyali 3 Frws no kuba afite abemeye kumwishingira. 

    Urukiko rwasanze rugomba kureba niba uregwa ibyo atanga nk'ingwate nta shingiro bihawe kuko iriya mitungo afite uwo bayifatanyije. Ntabwo bagaragaje icyangombwa kerekana ko ari inyangamugayo.

    Urukiko rwategetse ko Moses washinze Moshions afungurwa by’agateganyo 

    Ubwo yari mu rukiko, ku wa 12 Kamena 2023, Moses yaranzwe n’ikiniga, atakambira urukiko

    KANDA HANO UREBE UKO URUBANZA RWA MOSES RWAGENZE

    “>

    Source : https://inyarwanda.com/inkuru/130644/moses-turahirwa-washinze-moshions-yafunguwe-130644.html

  • Amarira ya Moses Turahirwa yahindura ibyemezo… – #rwanda #RwOT

    Turahirwa Moise wiyita Moses ku mbuga nkoranyambaga akaba nyiri Moshions ikora imyambaro ifite umwihariko w'ikirango cy'umugongo ubwo yireguraga mu bujurire yaraturitse ararira.

     

    Byabaye ku itariki 12 Kamena 2023. Turahirwa Moses imbere y'inteko iburanisha yasutse amarira aratakamba asaba ko yarekurwa agakurikiranwa adafunze.

    Uyu musore uri kuburana ku byaha birimo gukoresha ibiyobyabwenge yitabye Urukiko Rwisumbuye rwa Nyarugenge ku wa Mbere tariki 12 Kamena 2023, kugira ngo aburane ku bujurire bwe.

     

    Ubwo yitabaga Urukiko Rwisumbuye rwa Nyarugenge kugira ngo aburane ubujurire, Turahirwa yasabye ko rwakuraho icyemezo yafatiwe n'urw'ibanze kubera impamvu enye.

    Impamvu ya mbere ni uko Urukiko rwamukatiye gufungwa iminsi 30 y'agateganyo rwasesenguye ingingo uko zitari rugashingira ku ngingo zitaregewe ndetse atigeze aburana.

    Aha Turahirwa yavugaga ko atigeze aregerwa kwamamaza urumogi nk'uko Urukiko rwabishingiyeho rwemeza ko akwiye gufungwa iminsi 30 y'agateganyo hagakorwa iperereza adakomeje kwamamaza urumogi nk'uko akunze kubikora ku mbuga nkoranyambaga.


    Ikindi yavuze ni uko mu gufatirwa icyemezo cyo gukurikiranwa afunze hashingiwe ku rumogi rwasanzwe iwe mu rugo nyamara mu by'ukuri akaba atazi neza uko rwahageze, agahamya ko rushobora kuba rwarasigaye mu mashati yakusanyije mu Butaliyani mu rwego rwo kongera kuyavugurura.

    Ubushinjacyaha bwakomeje guhagarara ku cyemezo cy'Urukiko rw'Ibanze rwa Nyarugenge

    Ubushinjacyaha bwahawe umwanya ngo bugaruke ku byo Turahirwa n'umwunganira bamaze kugaragariza urukiko, maze uhagarariye Ubushinjacyaha avuga ko yatunguwe no kuba bahakana ko icyaha bakoze kidakomeye mu gihe nyamara ugihamijwe n'amategeko ahabwa igihano cy'igifungo kitari munsi y'umwaka umwe ariko kitarenze ibiri.

    Ikindi Ubushinjacyaha bwavuze, ni uko busanga Urukiko rw'Ibanze rwa Nyarugenge rwararebye kure kwemeza ko Turahirwa akurikiranwa afunze kuko ibyaha akurikiranyweho akibikorwaho iperereza.

    Aha Umushinjacyaha yavuze ko atumva ukuntu Turahirwa yahakana urumogi rwafatiwe iwe, mu cyumba araramo mu kabati abikamo imyenda ndetse rwarafatiwe mu myenda ye.

    Ikindi Ubushinjacyaha bwagaragaje ni uko Turahirwa atakabaye yitwaza ibyo kwigisha urubyiruko kuko mu bihe byahise yakunze kugaragaza arwigisha kunywa urumogi nk'uko bigaragara mu nyandiko yanyujije ku mbuga nkoranyambaga mu bihe bitandukanye.

    Ku rundi ruhande, Ubushinjacyaha bwasabye ko Turahirwa yazerekana ikimenyetso cy'uko urumogi avuga yarunywereye mu Butaliyani nkuko yakunze kubivuga, buhamya ko kuba nta cyemeza ko yarunywereye hanze y'u Rwanda bitashingirwaho ngo akurweho icyaha mu gihe agaragaza ibipimo biri hejuru.

    Turahirwa wasanganywe ibipimo bya 321 mu gihe umuntu usanzwe atarenza 20, Ubushinjacyaha bwavuze ko bushyigikiye icyemezo cy'Urukiko rw'Ibanze rwa Nyarugenge kuko ingwate yatanze nta mugenagaciro wemewe wigeze yemeza ko ifite agaciro ka miliyoni 300 Frw nk’uko yari yabivuze.

    Umushinjacyaha yagaragaje ko icyemezo cyafashwe n'Urukiko rw'Ibanze rwa Nyarugenge kinyuze mu mucyo ahubwo asaba Urukiko Rwisumbuye rwa Nyarugenge gutesha agaciro ubujurire bwa Turahirwa rukemeza ko rurekeyeho icyemezo cy'uko Turahirwa akomeza gukurikiranwa afunze by'agateganyo.

    Yasutse amarira imbere y'abacamanza

    Nyuma yo kumva uko Ubushinjacyaha bwavuze, Turahirwa kwihangana byamunaniye asuka amarira imbere y'Urukiko ahamya ko iminsi irenga 45 amaze afunze yize byinshi kandi yiteguye ko narekurwa azera imbuto muri sosiyete.

    Yagaragaje ko kuba ari gukurikiranwa afunze bikomeje kugira ingaruka ku masomo ye kuko yari amaze igihe yiga icyiciro cya gatatu cya kaminuza mu Butaliyani aho akurikiranye amasomo y'ibijyanye n'imideli.

    Yatakambiye urukiko arusaba kumurekura akagira ibyo ategekwa ariko agakomeza gukurikirana amasomo ye.

    Ikindi Turahirwa yahakanye n'ikiniga cyinshi ni uko nta bushake yigeze agira bwo gukangurira urubyiruko gukoresha urumogi ahubwo agaragaza ko ari ubushakashatsi yabaga ari gukora.

    Yahamije ko ibyo kuvuga ko ahinga urumogi muri Nyungwe ashinjwa kuba yaranditse ku mbuga nkoranyambaga atari byo kuko nta muntu wemerewe kuhagira umurima.

    Turahirwa yatakambiye Urukiko ngo rumurekure aburane adafunze, anasaba imbabazi buri muntu wagizweho ingaruka n'ibyo yagiye atangaza, ahamya ko nta wundi mugambi mubi yari afite.

     

    Agaciro k'amarira mu gufata ibyemezo

    Inyarwanda yasuye umunyamategeko, Mushimirwangiro Jean Sauveur ahamya ko umuntu wese arangwa n'amarangamutima ku buryo umucamanza yafata imyanzuro akurikije akababaro k'ukurikiranyweho ibyaha. Ati:'Buriya gufatwa n'ikiniga ukarira byerekana kwicuza no kuba iminsi umaze ufunzwe waramaze kwemera ko nurekurwa uzisubiraho'.

    Maitre Jean Sauveur anasaba ko bitewe n'akamaro Turahirwa Moses yari afitiye urubyiruko yarekurwa agakurikiranwa ari hanze. Ati:'Moses yashinze Moshions yatanze akazi ku rubyiruko, afite abo yahuguraga rero arekuwe byatanga umusaruro kuko yamaze kwikosora'.

    Ni ryari umuburanyi ajurira

    Ubusanzwe iyo abantu baburana ku ifungwa n'ifungurwa ry'agateganyo igihe cyo kujurira cyagenwe aba ari iminsi itanu naho mu rubanza mu mizi hagenwa igihe cy'iminsi 30.

    Nubwo bimeze bityo ariko usanga hari abagwa mu mutego wo kudasobanukirwa neza n'igihe cyo kujurira ku buryo bishobora kugira ingaruka mu gihe bifuzaga ko imikirize y'urubanza ihinduka.

    Umuntu ujuririra urubanza aba agomba kugaragaza ko hari inenge anenga imikirize y'urubanza mu rukiko rubanza ndetse akagaragaza n'impamvu ashingiraho ajurira.

    Ingingo ya 181, y'Itegeko ryerekeye imiburanishirize y'imanza z'inshinjabyaha iteganya ko kujurira bikorwa mu gihe kitarenga iminsi mirongo itatu (30) uhereye ku itariki urubanza rwaciriweho ku muburanyi wari uhari cyangwa ahagarariwe igihe urubanza rwacibwaga.

    Icyo gihe gikurikizwa kandi ku muburanyi wamenyeshejwe mu buryo bwemewe n'amategeko, umunsi urubanza ruzacibwaho ntaze cyangwa ngo yohereze umuhagararira. Turahirwa Moses yakatiwe gufungwa iminsi 30 y'agateganyo ku itariki 15 Gicurasi 2023. Bivuze ko kuba yarajuriye ku itariki 12 Kamena 2023 hubahirijwe iminsi 30 iteganywa n'itegeko.

    REBA UKO BYARI BIMEZE ASUKA AMARIRA

    “>


    Source : https://inyarwanda.com/inkuru/130642/amarira-ya-moses-turahirwa-yahindura-ibyemezo-byumucamanza-130642.html