Category: Uncategorized

Umwanzuro ufungura Moses wasomwe kuri uyu wa Kane saa Saba n'igice z’amanywa ariko yasohotse mu igororero rya Mageragere saa kumi n'imwe n'igice z'umugoroba. Imodoka imukura ku byumba bibamo imfungwa n'abagororwa yinjiye imusanganira ahari gereza.

Umuryango we urimo mama we, mushiki we ndetse n'abo bakorana muri Moshions basigaye imbere y'amarembo bategereje imodoka imuzana. Itangazamakuru ryari rihanze amaso amarembo aturukamo Moise.

Ageze ku marembo yabanje kwereka abacungagereza urupapuro rumusohora muri gereza ubundi umushoferi wari umutwaye, imodoka arayikandagira anyura ku banyamakuru bari bamutegereje ngo bumve imbamutima ze nyuma yo gutakamba akarekurwa.

Twahise dukurikira imodoka yari imutwaye bityo nabo babona ko tugamije kumukuramo amakuru bafatiraho kugeza dutandukanye. Yari yambaye ingoferi n'agapfukamunwa mu rwego rwo kwihisha ibifata amashusho byari imbere ya gereza.

Moise Turahirwa nubwo yarekuwe azajya yitaba buri wa Mbere umushinjacyaha ushinzwe dosiye ye. Ntiyemerewe kurenga imbibi z'igihugu cy'u Rwanda kugeza igihe azaburanishirizwa mu mizi akaba umwere cyangwa se agakatirwa n'inkiko.

Turahirwa Moise yatawe muri yombi ku itariki 28 Mata 2023. Yatangiye kuburana ku ifunga n'ifungurwa ry'agateganyo ku itariki 15 Gicurasi 2023, urukiko rw'ibanze rwa Nyarugenge rwategetse ko afungwa iminsi 30 y'agateganyo.

Ku itariki 26 Gicurasi 2023 yarajuriye ahabwa kuburana ku itariki 12 Kamena 2023 yarajuriye. Ku itariki 15 Kamena 2023 urukiko rwisumbuye rwanzuye ko afungurwa by'agateganyo akazajya akurikiranywa adafunze. 

Akurikiranyweho kunywa no gufatanywa ikiyobyabwenge cyo mu bwoko bw'urumogi. Bamusanzemo 321 thc mu gihe umuntu atakabaye arengeje 20 mu maraso.

REBA AMAFOTO UBWO TURAHIRWA YASOHOKAGA MURI MAGERAGERE

Moses yakwepye itangazamakuru bwo yasohokaga muri Mageragere

REBA AMASHUSHO Y’UKO BYARI BIMEZE UBWO TWARI I MAGERAGERE

AMAFOTO: Ngabo Serge

VIDEO: Nyetera Bachir

Ikinyamakuru Sports Kenda cyakoze urutonde rw’abakinnyi batanu bari munsi y’imyaka 28 bagitanga icyizere cyo kuzasimbura ikiragano cya Lionel Messi na Ronaldo.

Bisobanuye ko umukinnyi ufite imyaka 28 aramutse agiye guca agahigo ka Lionel Messi, byamusaba gutwara Ballon d’Or Zirindwi afite imyaka 36. 

Ibi byamusaba kuzitwara yikurikiranya. Aramutse ashaka guca agahigo ka Cristiano yazabigeraho afite imyaka 34, ibi bikamusaba kuzitwara yikurikiranya.

Ikinyamakuru Sports Kenda cyakoze uru rutonde kigendeye n’ukuntu aba bakinnyi bakiri bato bitwara mu makipe bakinira. Ndetse n’iyo babonye umwanya wo gukina uko bawubyaza umusaruro.

5. Julian Alvarez 

Julian yagaragaje ubushobozi bwe mu ikipe y’igihugu ya Argentina ubwo batwaraga igikombe cy’isi cya 2022 muri Quatar. Mu mikino y’igikombe cy’isi, Julian Alvarez yakinnye imikino irindwi atsindamo ibitego bine. 

Yafashije ikipe ya Manchester City gutwara ibikombe bitatu muri uyu mwaka w’imikino. N’ubwo atagiye abona umwanya ubanza mu kibuga, ntawushidikanya ku mpano ye.

Uyu mukinnyi ukiri muto ufite imyaka 23 mu mikino akinira ikipe ya Manchester City, akunda kuyikina asimbuye. Igitangaje ni uko afite ibitego 17 mu ikipe ya Manchester City ndetse n’imipira itanu yatanze ivamo ibitego.

4. Marcus Rashford

Marcus Rashford ni umukinnyi wagize umwaka w’imikino udasanzwe mu ikipe ya Manchester United yatsindiye ibitego 32 ndetse anatanga imipira 11 yavuyemo ibitego. Akaba ari uwa Kabiri mu bakinnyi batanze imipira yavuyemo ibitego nyuma ya Bruno Fernandez. Muri uyu mwaka w’imikino wa English Premier League, Rashford yatsindiye Manchester United ibitego 17.

Mu gikombe cy’isi muri Quatar yatsinze ibitego bitatu ari kumwe n’ikipe y’igihugu y’u Bwongereza, kandi yafashije ikipe y’igihugu kugera muri kimwe cya kane cy’irangiza.

Uyu mwongereza ufite imyaka 25, aracyafite inzozi zo kuzaba umukinnyi mwiza ku isi. Ibi abishingira ku mbaraga yagaragaje muri uyu mwaka w’imikino ushize ubwo yarangwaga no gucenga, kwiruka no gutsinda ibitego birimo ubwenge bwinshi.

3. Victor Osmhen

Uyu mukinnyi w’imyaka 24 y’amavuko, ukomoka mu gihugu cya Nigeria, mu mikino yakiniye ikipe ya Napoli yatsinze ibitego 24 muri shampiyona y’Abataliyani Serie A. Yafashije ikipe ya Napoli gutwara igikombe cya shampiyona, yari imaze imyaka 33 itazi uko gisa.

Biragoye kubona umukinnyi ukomoka muri Africa uhanganye n’aba bafite amamuko ku mugabane w’Iburayi na America y’Epfo. Uwigeze kubikora akabaca mu rihumye ni Perezida wa Liberia, George Weah akaba ari nawe munya Africa rukumbi watwaye Ballon d’Or.

2. Kylian Mbappe

Kylian Mbappe ni umukinnyi wavugishije benshi muri Paris Saint-Germain, akaba akomoka mu Bufaransa.  Kylian Mbappe w’imyaka 24 y’amavuko yagaragaje ko ari umukinnyi ufite ubuhanga budasanzwe kuva akizamuka mu ikipe ya AS Monaco. Icyakora amakipe yakiniye ntabwo yamuhaye amahirwe yo kwigaragaza ku ruhando mpuzamahanga.

Kylian Mbappe yafashije ikipe y’igihugu y’u Bufaransa gutwara igikombe cy’isi cya 2018, habuze gato ngo yongereho icya 2022 kuko ibitego bitatu yatsinze ku mukino wa nyuma ubwo bakinaga na Argentina, byateshejwe agaciro n’umunyezamu Emeriano Martinez wakuyemo Penaliti z’Abafaransa.

Muri uyu mwaka w’imikino ushize mu mikino 43, Kylian Mbappe yakinnye muri Paris Saint-Germain, yatsinze ibitego 41 ndetse anatanga imipira 11 yavuyemo ibitego.

1. Erling Haaland

Ku mwanya wa mbere hari Rutahizamu w’ikipe y’igihugu ya Noruveje Erling Haaland wagize umwaka w’imikino udasanzwe. Nyuma yo kuva muri Brussia Dortmund akajya muri Manchester City, Haaland mu mwaka w’imikino we wa Mbere yatwaye ibikombe bitatu birimo English Premier League, FA Cup na UEFA Champions League.

Ibitego 36 ni byo yatsindiye Manchester City muri English Premier League kandi igitangaje ni uko yakinnye imikino 35 gusa. Mu marushanwa yose, Haaland yakinnye imikino 53 maze atsinda ibitego 52. 

Uyu mukinnyi w’imyaka 22 ukomoka mu gihugu cya Noruveje, we yatangiye akazi ko guhangana na Lionel Messi. Kugeza ubu isi yose iracyari mu rujijo hibazwa uzatwara Ballon d’Or hagati ya Haaland na Messi.

Erling Haaland wa Manchester City ni umukinnyi witezweho cyane kuzasimbura ikiragano cya Lionel Messi na Ronaldo

Kylian Mbappe we ni uko yakinnye mu makipe atamuha amahirwe naho ni umukinnyi wagaragaje ubuhanga budasanzwe kuva na kera

Umunya Nigeria Victor Osmhen nawe ahabwa amahirwe yo kuzaba umukinnyi utwara Ballon d’Or mu myaka izaza

Marcus Rashford wa Manchester United nawe abonwa nk’umukinnyi mwiza w’ejo hazaza

Julian Alvarez bizamusaba kuva muri Manchester City akabona ikipe imuha umwanya wo gukina kugira ngo azigaragaze ku ruhando mpuzamahanga

Uru rutonde rwakozwe n’ikinyamakuru Sports Kenda ni uku ruhagaze. Ese nawe uremeranya narwo ? Niba hari umukinnyi wajemo atabikwiye mwandike hasi muri comment.

Imyiteguro ni yose ku bakinnyi b’ikipe y’igihugu y’u Rwanda ‘Amavubi’. Kuri ubu abakinnyi 26 nibo bamaze kugera mu mwiherero muri 28 bahamagawe. 

Imanishimwe Emmanuel Manguende ni we utarahagera kandi nawe biteganyijwe ko mu ijoro ry’uyu munsi ari bugere mu Rwanda. Naho Rafael York we ntabwo azaza bitewe n’ikibazo cy’imvune yahuye nacyo.

Uyu munsi abakinnyi ba Amavubi bavuye mu mujyi wa Kigali aho bakoreraga umwiherero, berekeza mu Karere ka Gisagara aho bagiye gukomereza imyiteguro y’uyu mukino wa Mozambique mu gushaka itike y’igikombe cy’Afurika.

Bahagurutse mu masaha ya mu gitondo basesekara muri aka Karere saa munani n’iminota 30. Amavubi agiye kuba acumbitse muri hoteli yitwa Montana Hotel.

Abaturage bo mu Karere ka Gisagara beretse urukundo rwinshi Amavubi

Abaturage bo mu Karere ka Gisagara bakiriye abakinnyi ndetse n’abatoza b’ikipe y’igihugu y’u Rwanda bakiriwe mu buryo budasanzwe. 

Nkuko mu mashusho bigaragara hari hari abasore ndetse n’inkumi babyina bakanaririmba mu buryo bwa kinyarwada. Usibye ibyo kandi abakozi ba Montana hoteli banahaye indabo abakinnyi b’Amavubi.

Impamvu byabaye ngombwa ko Amavubi ajya kuba mu Karere ka Gisagara byatewe n’uko hoteli zo mu Karere ka Huye, Hoteli Mater Boni Consilii na Credo Hotel ziheruka kuzamurirwa urwego zigahabwa inyenyeri enye ari zo zizakira ikipe ya Mozambique n'abasifuzi bazayobora uyu mukino.

Umukino w’u Rwanda na Mozambique uzaba ari uwo ku munsi wa 5 mu itsinda L ukaba uteganyijwe kuri iki Cyumweru saa cyenda kuri sitade mpuzamahanga y’Akarere ka Huye.

Mbere y’uko abakinnyi binjira muri hoteli bahawe indabo

Umutoza w’ikipe y’igihugu y’u Rwanda, Carlos Alós Ferrer ahabwa ururabo 

Imbyino ndetse n’indirimbo za kinyarwanda nizo zakiriye Amavubi

Yannick Mukunzi asesekara kuri hoteli

Umuzamu Fiacre ubwo yavaga mu modoka yinjira muri hoteli

Hari hashize iminsi micye InyaRwanda itangaje ko aba banyamuziki bombi bazaririmba mu birori bizaherekeza imikino ya 'Giants of Africa'.

Umuyobozi wungirije wa Giants of Africa, Masai Ujiri akaba na Perezida w'ikipe  ya Toronto Raptors ya Basketball yo muri Leta Zunze Ubumwe za Amerika, yavuze ko mu mpeshyi y’uyu mwaka ‘irushanwa Giants of Africa rigiye guhuriza hamwe urubyiruko rurenga 250 ruturutse mu bihugu 16’.

Yavuze ko ari ku ncuro ya mbere i Kigali mu Rwanda hazaba habereye iyi mikino izanaherekezwa n’iserukiramuco rizwi nka ‘Giants of Africa Festival’.

Iri serukiramuco avuga ko rizarangwa n’imikino ya Basketball, kugaragaza imico y’ibihugu binyuranye, uburezi, ibitaramo by’abahanzi harimo ibitangiza n’iyi mikino ndetse n’igitaramo cy’imbaturamugabo kizaririmbamo Davido, Diamond, Tiwa Savage, Tyla ndetse na Bruce Melodie, bizabera muri BK Arena.

Yavuze ko iyi mikino igiye kubera mu Rwanda bizihiza isabukuru y’imyaka 20 ya Giants of Africa

Muri Gashyantare 2023, Masai Ujiri yavuze ko imyaka 20 ishize ari urugendo rutoroshye, ariko kandi bafite icyizere cy'aho bagana.

Ati 'Turacyari mu ntangiriro. Hari ibyo duteganya kongeramo ingufu kugira ngo tugere kuri byinshi. Turizera ko ahazaza ha Giants of Africa ari heza. Tuzakomeza guteza imbere ibikorwa remezo, gufasha urubyiruko rwa Afurika mu kububakira ubushobozi, mu burezi, no mu kubafasha mu gusobanukirwa inshingano z'ubuyobozi kugira ngo bazavemo abayobozi beza.'

Umuryango Giants of Africa wishimira ko mu myaka 20 ishize batangiye gukora, bafashije urubyiruko ibihumbi 40 kubona ibibuga bya Basketball bakiniraho, kandi batanze amasomo ashamikiye kuri uyu mukino afasha urubyiruko rwo mu bihugu bitandukanye muri Afurika.

Mu gihe cy'icyumweru kimwe cy'iyi mikino, hazaba guhatana kw'amakipe, aho hagati mu mukino hazajya haba haririmba umuhanzi watoranyijwe. Ubuyobozi bwa Giants of Africa Festival butangaza ko 'hazaba hari abashyitsi b'imena ndetse n'abahanzi bazatungurana'.

Bagaragaza ko iyi mikino izasozwa n'igitaramo gikomeye cyo gususurutsa abantu banyuranye bazitabira iyi mikino.

Giants of Africa Festival izaba kandi urubuga rwiza ku rubyiruko rwo mu Rwanda ruri hagati y'imyaka 20 na 30 ruzahabwa amahugurwa ajyanye no kwiteza imbere hashingiwe ku byo buri wese ashaka kwerekezamo.

Tiwa Savage utegerejwe i Kigali yabonye izuba ku wa 5 Gashyantare 1980. Ni umunyamuziki wabigize umwuga, w'umwanditsi w'indirimbo akaba n'umukinnyi wa filime, benshi bakunze kumwita umwamikazi w'injyana ya Afrobeats.

Ibihangano bye byubakiye ku rurimi rw'icyongereza ndetse na Yoruba. Kandi yita cyane ku njyana ya Afrobeats, R&B, Pop ndetse na hip-hop. Itafari rye ku rugendo w'umuziki wa Nigeria  rimaze kumuteza intambwe ikomeye, kandi amaze guca uduhigo.

Aherutse kuririmba mu birori byo kwimika King Charles III w'u Bwongereza. Icyo gihe yanditse kuri konti ye ya Twitter, avuga ko azaterwa ishema no kubarira 'iyo' nkuru umwana we, ijyanye n'uko yasusurukije abanyacyubahiro bitabiriye iyimikwa rya King Charles III.

Uyu mubyeyi w'umwana umwe yavukiye akitwa Isale Eko. Ku myaka 11 nibwo yagiye kuba i London aho yakomereje amasomo ye mu mashuri yisumbuye.

Nyuma y'imyaka itanu yatangiye urugendo rw'umuziki, atangira afasha mu miririmbire abarimo George Michael na Mary J. Blige, umunyamuziki ubitse Grammy Awards 12 n'andi mashimwe akomeye mu muziki.

Mu 2009 yasinye muri Sony Music, mu 2012 atangira gukorana na Mavin Records. Mu 2018, yaciye agahigo ko kuba umugore wa mbere wegukanye MTV Europe Music mu cyiciro 'Best African Act'.

Afite album zirimo Once Upon a Time (2013), R.E.D (2015) ndetse na Celia (2020) ziriho indirimbo zabiciye bigacika. Anafite Extended Play (EP) nka Sugarcane (2017) na Water & Garri (2021) ziriho ibihangano bikomeye.

Ni ku ncuro ya kabiri Davido azaba ataramiye i Kigali. Ni umunyamziki wabigize umwuga, wavukiye Atlanta muri Leta ya Georgia muri Leta Zunze Ubumwe za Amerika, ariko akurira mu Mujyi wa Lagos muri Nigeria.

Urugendo rw'umuziki we rutangirira mu itsinda rya KB International. Afite impamyabumenyi mu bijyanye n'imicungire y'ibigo yakuye muri Oakwood University.

Yagize izina rikomeye nyuma yo gusohora indirimbo zirimo “Dami Duro” ya kabiri kuri album ye yise 'Omo Baba Olowo; yo mu 2012'.

Hagati ya 2013 na 2015, yasohoye indirimbo zakunzwe nka “Gobe”, “One of a Kind”, “Skelewu”, “Aye”, “Tchelete (Goodlife)”, “Naughty”, “Owo Ni Koko”, “The Sound” ndetse na “The Money”.

Tariki 31 Werurwe 2023, yasohoye album ye ya kane. Uyu munyamuziki amaze iminsi akorera ibitaramo mu bihugu binyuranye byo ku Isi, byitabiriwa n'ibihumbi by'abantu.

Diamond ari mu banyamuziki b'ikiragano gishya cy'umuziki bahiriwe. Yubakiye urugendo rw'umuziki we ku njyana ya Bongo Flava, akaba umwanditsi w'indirimbo, umushabitsi, umubyinnyi kandi agakora ibikorwa by'urukundo.

Ni we washinze inzu y'umuziki ya Wasafi Record Label, anafite ibitangazamakuru birimo Wasafi Media. Yaciye agahigo ko kuba umuhanzi wa mbere wo muri Afurika warebwe n'abantu miliyoni 900 ku rubuga rwa Youtube.

Uyu mugabo yatangiye umuziki mu 2006 ubwo yari afite imyaka 18 y'amavuko acuruza imyenda, aho amafaranga yagiye akuramo yamushyigikiye mu gukora indirimbo.

Izina rye ryatangiye guhangwa amaso nyuma y'uko mu 2010 asohoye indirimbo 'Kamwambie'. Mu 2014, yashyizwe mu bahataniye ibihembo BET Awards.

Diamond afite album zirimo 'Kamwambie' yo mu 2010, Lala Salama yo mu 2012, A Boy from Tandale yo mu 2018 na First of All yo mu 2022. Ntasiba mu itangazamakuru ahanini binyuze mu nkuru z'urukundo avugwaho n'abagore banyuranye.

Tyla ugiye guhurira ku rubyiniro n'aba banyamuziki muri iki gitaramo, ni umuhanzikazi w'imyaka 21 y'amavuko. Mu Ukuboza 2022, yabwiye The Guardian ko yakuze akunda kuririmba, kandi ko mu bihe bitandukanye yaririmbiraga umuryango we kandi 'nkumva bizaba urugendo rwanjye'.

Uyu mukobwa yavuze ko urukundo rw'umuziki rwaganje muri we kuva akiri muto, ku buryo yigeze kwegeranya amafaranga akora studio y'umuziki mu rugo, ayikoreramo zimwe mu ndirimbo yumvishaga abavandimwe be, izindi akazasingiza inshuti ze yifashishije Instagram.

Yavuze ko kuva afite imyaka 18 yataramiraga cyane cyane mu mashuri yizemo. Uyu mukobwa wo muri Afurika y'Epfo, yavuze ko akimara kubona umujyanama ari bwo yatangiye urugendo rw'umuziki mu buryo bw'umwuga.

Aherutse gusohora indirimbo yise 'To Last'. Yasobanuye ko ishingiye ku nshuti ye y'umusore yatandukanye n'umusore ikamuganiririza iyo nkuru, kandi ko yamufashije gusohoka muri ibyo bihe by'akababaro.

Yavuze ko muri iki gihe ari gukora ku mishinga y'indirimbo n'abahanzi barimo Kiki Stewart, Ron James, P Prime, Lojay ndetse na Ayra Starr.