Category: Uncategorized

Umuvugizi wa Rayon Sports, Nkurunziza Jean Paul yasabye ndetse anakwa Nkusi Goreth [Gogo], mu muhango witabiriwe na bamwe mu byamamare.

Ni umuhango wabaye mu gitondo cyo kuri iki Cyumweru tariki ya 2 Nyakanga 2023 ubera ku i Rebero.

Byabereye mu Busitani bwa Mliman (Mliman Garden Rebero) aho Jean Paul yari agaragiwe n’abanyamakuru bagenzi be nka Rugangura Axel, Kanyamahanga Jean Claude, Hitimana Claude, Nuwamanya Bernard, Ngano Roben na Rugaju Reagan.

Munyakazi Sadate wayoboye Rayon Sports akaba ari we wari Parrain ni mu gihe Rigoga Ruth wa RBA yari yari Marraine wa Gogo.

Ni ubukwe kandi bwitabiriwe n’umuhanzi Tom Close ndetse na perezida wa Rayon Sports, Uwayezu Jean Fidele.

Nyuma yo gusaba no gukwa bakaba basezeraniye imbere y’Imana muri Paruwasi ya Kanombe.

Nyuma y’iyi mihango abatumiwe bakaba bakiriwe muri Mlimani Garden ahari abakinnyi nka Kayitaba Bosco wa Police FC n’umunyamakuru Mike Karangwa n’abandi.

Ubukwe bubaye nyuma y’uko ku gicamunsi cyo kuri uyu wa Kane tariki ya 22 Kamena 2023 aho basezeraniye mu Murenge wa Kimihurura mu Karere ka Gasabo mu Mujyi wa Kigali.

Tariki ya 29 Ukuboza 2022 Nkurunziza Jean Paul yari yambitse Gogo impeta ya fiançailles.

Nkurunziza Jean Paul uretse kuba ari umuvugizi wa Rayon Sports ni n’umunyamakuru wa Siporo aho akorera Radio Isango Star yanakoreye kandi Radio1, Flash FM kandi yanandikiye Umuseke.

Nkusi Goreth bagiye kurushinga ni umukomeye cyane w’ikipe ya APR FC ndetse na Arsenal mu Bwongereza.

Ubu bukwe bwabaye kuri iki cyumweru taliki ya 2 Nyakanga 2023 bubera mu mujyi wa Kigali,gusaba no gukwa byabaye saa tatu bibera muri Miliman Garden Rebero. 

Saa munani gusezerana imbere y’Imana byabereye kuri Paroisse ya Kanombe naho kwiyakira byabaye saa kumi nimwe bibera muri Miliman Garden Rebero.

Abanyamakuru b'Imikino batandukanye mu Rwanda nibo bari biganje mu bambariye Nkurunziza Jean Paul naho Munyakazi Sadate wabaye Perezida wa Rayon Sports ariwe wabaye 'parrain'.

Mu bari batashye ubu bukwe hari higanjemo ibyamamare bitandukanye birimo abakinnyi b’umupira w’amaguru ndetse n’abanyamakuru n’imikino n’ubundi.

Mu mpera z'umwaka ushize, tariki 29 Ukuboza 2022, ni bwo Nkurunziza yafashe icyemezo yambika umukunzi we impeta, bemeranya kurushinga. 

Taliki 18 Mata 2023 yahise ateguza ubukwe ashyira ubutumire hanze maze taliki 22 Kamena 2023 bombi basezerana imbere y’amategeko.

Nkurunziza Jean Paul ni umuvugizi wa Rayon Sports gusa yabanye na Gogo ufana ikipe ya APR FC byimazeyo.

Abanyamakuru b’imikino mu Rwanda nibo biganje mu baherekeje Nkurunziza Jean Paul

Munyakazi Sadate niwe wabaye  'parrain' w’umuvugizi wa Rayon Sports

Abanyamakuru 2 b’imikino mu Rwanda,Rugaju Reagan na Roben Ngabo

Kuri uyu wa 02 Nyakanga 2023 mu Karere ka Bugesera habereye isiganwa ngarukamwaka ariko ribaye ku nshuro ya mbere kuva icyorezo cya COVID19 cyarangira.

Rikaba ryatangiye ku isaha ya saa mbiri ahatangiye hahaguruka ababigize umwuga mu kwirukanka mu bilometero 20, bakurikwe n'abasiganwa ku magare mu bilometero 40.

Haje guhaguruka kandi abirukanka mu buryo bwo kwishimisha ibintu byahawe inyito kuri ubu yo gusiganwa haharanirwa kugira isuku inoze no kurwanya ibiyobyabwenge aba bakaba birukanse ibilometero 5.

Mu gihe aba kandi bakurikiwe n'abasiganwa bafite ubumuga babakoresha amagare azwiho gufasha abafite ubumuga bw'ingingo.

Hakaza kandi abangavu n'ingimbi birukanse ibilometero 8 nyuma y'amarushanwa hakaba hakurikiyeho gahunda yo gutanga ibihembo ku bitabiye iri siganwa byatanzwe n'abafatanyabikorwa banyuranye b'Akarere ka Bugesera.

Mu ijambo ry'ikaze ryinjiza abitabiye mu gikorwa cyo gutanga ibihembo,Meya Mutabazi Richard yongeye gusobanura impamvu y'isiganwa rya 20Km de Bugesera.

Meya Mutabazi ati'Ni isiganwa dukora twizihiza kwibohora kandi tugirango tunatange ubutumwa ubu gahunda twihaye ikaba ari iyi suku n'isukura ariko tunarwanya ibiyobyabwenge.'

Muri 5Km Ntikwigize Jean Louis na Kanyange Emelyne nibo banikiye abandi bahawe ibihembo birimo ibikoresho by'ishuri, amavuta yo kurya byatanzwe na Water Aids

Amagare abana bato cyane Hirwa Eddy Frank na Uwamahoro Sheilla nibo bahize abandi bahembwe amazi ya Jibu ari mu macupa bazajya banatwaramo amazi mu bihe by'imyitozo.

Abafite ubumuga bahize bandi bagashyikirizwa ibihembo birimo amazi ya Jibu hamwe ni bahasha kuri buri umwe uhereye ku mwanya wa 6 Ngirimpuhwe Regis ibihumbi 30Frw.

Hakaza umwanya wa 5 Byumvuhore Celestin ibihumbi 40Frw, umwanya wa  4 Dusengimana Jean Luc ibihumbi 50Frw, umwanya wa 3 Kayigamba ibihumbi 60Frw, umwanya wa 2 Ndayishimiye Ernest ibihumbi 70Frw n'umwanya wa mbere Hakizimana Emmanuel ibihumbi 80Frw bose kandi bagiye bambikwa imidali.

Hagati aho hasozwa gutangwa ibihembo ku bafite ubumuga hahembwe uwagize impanuka atwaye igare akamara imyaka 4 arwajwe n'umuryango nyuma akazagukomeza gukurikiranwa n'ibitaro indi myaka 10.

Uri mu bitabiye isiganwa anambaye sonde kuko atarabasha gukira neza uwo akaba ari uwitwa Ntampahungiro Claude yagenewe igare ry'abafite bumuga na Water Aids.

Abasiganwe mu cyiciro cy'ingimbi n'abangavu muri 8Km mu bagabo umwanya wa 6 Manzi Jules Cesar yahawe ibihumbi 30Frw,umwanya wa 5 Mbonyumukiza Patrick Ibihumbi 40Frw, umwanya wa 4 Manishimwe Jean Baptitse ibihumbi 60Frw, umwanya wa 3 Ntivuguruzwa Emmanuel Ibihumbi 70Frw.

Hari kandi  umwanya wa 2 Ntigurirwa Aman ibihumbi 80Frw kimwe n'umwanya wa 1 Twizerimana Claude Ibihumbi 100Frw bose kandi bagiye bongererwaho ibihembo byatanzwe na Jibu birimo amazi kuwa mbere hajyaho icupa rya gaz y'ibilo bitandatu.

Abagore mu magare mu ibilometero 40 uhereye ku mwanya wa Gatandatu bagiye bagenerwa ibihembo bitandukanye birimo n'ibahasha umwanywa wa 6 Tuyishimire Sandrine ibihumbi 40Frw, umwanya wa 5 Mutimucyeye Saidati ibihumbi 50Frw, umwanya 4 Maniranzi Rose ibihumbi 60Frw, umwanya wa 3 Nyambere Grace ibihumbi 80Frw.

Hakaza Uwimbabazi Liliane wahawe ibihumbi 100Frw n'icupa rya gaz rya 6Kg kimwe n'Umunezero Emelyne wahawe igare ryatanzwe na Water Aids, ibihumbi 130Frw n'icupa rya gaz 6Kg.

Abagabo  mu magare mu bilometero 40 bagendaga bahabwa ibihembo birimo umwanya wa 6 Niyibizi Olivier ibihumbi 50Frw, umwanya wa 5 Cyiza Pacifique ibihumbi 60Frw, umwanya wa 4 Nizeyimana ibihumbi  Eric 70Frw, umwanya wa 3 Twizere Furaha ibihumbi 80Frw.

Kimwe n'umwanya wa 2 Ndayishimiye Eli ibihumbi 100Frw hamwe Gaz y'ibilo 6 n'Icupa ry'amazi, umwanya wa 1 Manirumva Elissa ibihumbi 130rw wongeyeho icupa rya Gaz ry'ibilo 6 n'icupa ry'amazi.

Ibilometero 20 ari nabyo byari bihatse hahembwe batandatu bayobowe na

Uwizeyimana Gentille wabaye uwa kabiri wahawe ibihumbi 150Frw na Musabyeyezu Adeline 200Frw wahawe ibihumbi 200Frw kimwe n'abandi bose banambitswe imidali.

Mbere y’uko hahembwa abo muri kilometero 20 ,Gasore Serge watangije iri rushanwa yashimiye abafatanyabikorwa bose arangije anagaruka gato ku mavu n'amavuko ya 20Km de Bugesera.

Gasore ati'Hashize imyaka 8 dutangiye tujya gutangira hari ku gahanda k'amabuye ka Ntarama bitangira ari iby'abana tuza gusanga ari irushanwa rigomba kwaguka.'

Yongeraho ati:'Twegereye ubuyobozi bw'Akarere baratwemerera buri mwaka rigenda ritera intambwe hazamo abaterankunga.'

 Yafashe umwanya kandi ashimira  Madamu Jeannette Kagame.

Abwira Uwaje ahagaraiye Unity Club ati'Mudushimire nyakubahwa First Lady kubera ko ibi byose kugirango tubikore, ni we tubikesha hamwe n'inama muduha.'

Icyiciro cy'abagabo birukanse 20Km hahembwe batandatu bayobowe na Dushimirimana Gilbert wahawe ibihembo birimo ibihumbi 100Frw, Nsabimana Jean Claude wahawe ibirimo ibihumbi 150Frw na Mutabazi Emmanuel wahawe ibihembo birimo ibihumbi 200Frw.

Iki gikorwa kikaba cyitabiwe n'Umunyamabanga Nshingwabikorwa w'Intara y'Iburasirazuba akaba ari na we wari Umushyitsi Mukuru muri iri siganwa.

Mu gusoza hamuritswe umwamabaro mushya w'ikipe y'amagare y'abagore  uriho ibirango by'Akarere, Jibu, Israel Premier Tech n'abandi baterankunga bayo batandukanye.

Nyuma y'iki gikorwa kandi mu Karere ka Bugesera harabera ihuriro ry'urubyiruko rugera ku 1000 ruturutse mu mirenge itandukanye y'ako hanabe igitaramo cyagutse byose mu rwego rwo kwizihiza umunsi wo kwibora hanasozwa iminsi ijana yo kwibuka Jenoside yakorewe Abatutsi mu Rwanda mu 1994.

Abafatanyabikorwa b’Akarere ka Bugesera bahawe icyemezo cy’ishimwe kubera uruhare rukomeye bagira mu iterambere ryako.Habaye umwanya wo gusura bimwe mu bikorwa bimaze iminsi bimurikwa by’abikorera mu Karere ka BugeseraAkanyamuneza kari kose yaba ku bato n’abakuruAbantu berekanye impano zabo abandi baboneraho umwanya wo gukora siporo mu buryo bwagutseMeya w’Akarere ka Bugesera yashimangiye ko siporo ari ururimi rwiza rwo kunyuzamo ubutumwaYaba mu bagore no mu bagabo hagiye hitabira n’abasanzwe barabigize umwuga mu kwirukanka bafite n’amakipe azwi nka APR, Police ni izindiAkanyamuneza kari kose ku bagiye begukana ibihembo muri 20Km de Bugesera Byari ibyishimo kuri buri umwe intero ari ‘Race to Restore’Jibu ni umwe mu baterankunga bakomeye b’Akerere ka Bugesera by’umwihariko n’umuterankunga w’iri siganwa n’ikipe y’amagare y’abagore yaka Karere

AMAFOTO: BUGESERA DISTRICT TWITTER

  

Uyu mugore yari mu bantu barenga 15 boherejwe na Leta y’u Rwanda kwihugura mu bijyanye na Sinema muri iki gihugu cya Korea y’Epfo, kiri mu bihugu biteye imbere cyane mu bijyanye no gutegura no gutunganya filime.

Iri tsinda ry’Abanyarwanda ryageze ku kibuga cy’Indege Mpuzamahanga cya Kigali i Kanombe saa saba z’amanywa zo kuri iki Cyumweru tariki 2 Nyakanga 2023, bakirwa n’abo mu miryango y’abo n’abandi.

Bahavu yabwiye InyaRwanda ko rwari urugendo rutoroshye ariko kandi bungukiyemo byinshi birimo gukora ubushabitsi muri Sinema, kubyaza umusaruro ibyo bafite no kugerageza kugeza ibikorwa byabo ku rwego Mpuzamahanga.

Aya mahugurwa bakoreye muri Korea y’Epfo bayakoze binyuze mu bufatanye bwa Leta y’u Rwanda na KOICA.

Bahavu yavuze ko baganirijwe ku kuntu Korea y’Epfo yatangiye urugendo rwa filime iherereye kuri filime za ‘Drama’ kugeza ubwo batunganyije filime nka ‘Squid Game’ yabiciye bigacika ku Isi.

Ati “Ni filime irenze nabo ubwabo bavuga ngo uyu ‘Director’ wayikoze yakoze ikintu kidasanzwe.”

Iri tsinda ryari rivuye mu Rwanda ryatembereye mu Mijyi irimo Busan, ni umujyi uzwi cyane ufatwa nk’igicumbi cya Sinema, ndetse imyubakire y’aho yisanisha na Sinema.

Uyu mujyi wakiniwemo filime zirimo nka Black Panther, Mission Impossible n’izindi. Kuri Bahavu gusa uyu mujyi ‘ni nko gusura Sinema’. Ati “Kuko uba wayinjiyemo.”

Bahavu uzwi muri filime zirimo ‘Impanga’, avuga ko mu byo babwiwe ari uko Sinema ya Korea y’Epfo iteye imbere mu myaka mike ishize, nyuma y’urugendo rwabanjirijwe n’aho umuntu ku giti cye yakoraga filime kugeza ubwo Leta ishoyemo imari.  

Avuga ko kimwe mu bintu byafashije iki gihugu gutera imbere harimo kuba bafite amazu menshi yerekana Sinema bigatuma uwakoze filime abona amafaranga menshi binyuze mu baturage bishyuraga kugirango bazirebe.

Ati “Nyuma baje gushyigikirwa na Leta, igihugu gishyiramo amafaranga, hari inkunga babagenera.”

Uyu mukinnyi wa filime yavuze ko aya mahugurwa bavuyemo agiye kumufasha mu gushyira umuhate mu byo akora. Ati “Ni ukwishakamo ibisubizo. Byanyeretse ko ngomba kwishikamo ibisubizo nkazagera ku bintu byiza.”

Filime zo muri Korea y'Epfo muri iki gihe ziganje cyane ku isoko, ahanini bitewe n'ibitekerezo bizikubiyemo bijyanishijwe n'ikoranabuhanga rigezweho.

Hejuru yo kuba bakora filime zirangira ndetse na filime z'uruhererakane, Korea y'Epfo irakora ibishoboka byose bituma muri iki gihe iba igicumbi cya Sinema ku Isi.

Filime yitwa 'Parasite' iherutse guca agahigo, iba filime ya mbere itari mu rurimi rw'icyongereza yegukanye igikombe mu bihembo Academy Award. Byatumye abashoramari n'abandi batunganya filime batangira guhanga amaso iri soko.

Sinema yo muri iki gihugu iri kugira ijambo rikomeye ku Isi binanyuze mu nkunga ziva mu bigo bikomeye ku Isi nka Samsung, Daewoo, Hyundai n'ibindi.

Mu 2022, Netflix yatangaje ko izashora imari ya Miliyoni $500 mu rwego rwo kwagura Sinema yo muri Korea y'Epfo.

Urwego rwa Sinema rwo muri iki gihugu rwongeye gushimangira ibigwi binyuze muri filime 'Squid Game' yabiciye bigacika ku Isi kugeza kuri Netflix.

Iyi filime yatangiye gutambuka kuri Netflix muri ku wa 17 Nzeri 2021. Ikubiyemo inkuru y'umugabo w'umushoferi witwa Seong Gi-hun uba waratandukanye n'umugore we, ajya gukina imikino y'abana kugirango abone amafaranga menshi nk'igihembo, azifashisha mu kwishyura umwenda aba amaranye igihe.

Iyi filime 'Squid Game' yanditswe na Hwang Dong-hyuk guhera mu 2008. Yayanditse igihe kinini, kuko yafashe ikiruhuko, bitewe n'uko yari yagurishije Laptop ye, kandi studio nyinshi zagiye zimwangira kuyitunganya.Bahavu Usanase Jannet yagarutse i Kigali nyuma y’ibyumweru bibiri abarizwa muri Korea y’Epfo

Ku kibuga cy’indege, Bahavu yakiriwe n’umugabo we Fleury Ndayirukiye 

Umukinnyi wa filime uzwi nka ‘Miki’ muri filime ‘Impanga’ [Uri ibumoso] yakiriye Bahavu bahurira muri filime ‘Impanga’

Bahavu yavuze ko hari byinshi bungukiye mu rugendo bakoreye muri Korea y’Epfo, kuko baganirijwe ku iterambere rya Sinema muri iki gihugu 

Ndayirukiye Fleury, umugabo wa Bahavu bafatanya mu rugendo rwo gutegura no gutunganya filime

Bahavu ubwo yaganiraga n’Umunyamakuru Jules William washinze umuyoboro wa Youtube yise Chitta Magic 

Ahmed usanzwe ari Umuyobozi Wungirije wa Federasiyo ya Filime mu Rwanda [Uri uburyo] ndetse na James [Uri ibumoso] wakinnye muri filime City Maid ni bamwe mu bitabiriye amasomo muri Korea y’Epfo

KANDA HANO UREBE IKIGANIRO TWAGIRANYE NA BAHAVU

“>

Kanda hano urebe amafoto menshi ubwo Bahavu yazaga i Kigali

AMAFOTO: Freddy Rwigema-InyaRwanda.com