Category: Uncategorized

Uyu musore yageze ku kibuga cy'indege Mpuzamahanga cya Kigali kuri iki Cyumweru tariki 30 Nyakanga 2023 yakirwa na Bundandi Nice wo muri Arthur Nation itegura ibi bitaramo by'urwenya biba mu mpera za buri kwezi.

Bigamije gufasha Abanyarwanda n'abandi kugira impera nziza z'ukwezi. Kuri iyi nshuro hongewemo igice cy'umuhanzi uzajya ususurutsa abitabiriye, ubimburira abandi ni Nel Ngabo wo mu inzu ifasha abahanzi mu bya muzika ya Kina Music.

Dr Hillary arahurira ku rubyiniro n'umunyarwenya Patrick Salvador wageze i Kigali kuri uyu wa Gatandatu tariki 29 Nyakanga 2023, umunyamakuru wa Kiss Fm, Patrick Rusine ndetse na Michael Sengazi.

Ni ku nshuro ya gatatu uyu musore agiye gutaramira i Kigali. Muri Nzeri 2022, nibwo Anne Kansiime yakoreye igitaramo gikomeye muri Kigali Conference and Exhibition Village ahazwi nka Camp Kigali, ni nyuma y'imyaka itanu yari ishize abanyarwanda bamunyotewe.

Ubwo yazaga i Kigali, yaje ari kumwe n'abarimo Dr Hilary Okello. Ari ku kibuga cy'indege ndetse no mu gitaramo, Kansiime yavuze ko yishimiye kugaragariza Abanyarwanda impano ya Dr Hilary Okello mu bijyanye no gutera urwenya.

Uyu musore ntiyazuyaje kuko mu gihe cy'iminota 15', abitabiriye iki gitaramo bari batangiye kunyurwa n'ubuhanga bwe.

Yasubiye muri Uganda, nyuma ku wa 9 Werurwe 2023 atumirwa gususurutsa abakunzi b'uruhererekane rw'ibitaramo bizwi nka 'Gen- Z Comedy' bibera kuri Mundi Center.

Nyuma, ku wa 21 Werurwe 2023 yanditse kuri konti ye ya Instagram avuga ko ari umuhamya w'uko abanyarwanda bakunda urwenya. Ati 'Abanyarwanda bakunda 'Stand-up Comedy'. Naba umuhamya wabyo.'

Dr. Hilary Okello yabaye umunyamakuru muri Uganda, kandi ni umwe mu banyarwenya batanga icyizere muri iki gihe.

Arazwi cyane mu gutera urwenya agaruka ku buzima bwe, ku muryango we n'ibindi. Hilary azi neza ko inkuru nziza iryoshya ibiganiro ari nayo mpamvu yibanda ku nkuru zizwi n'izitazwi ariko akagerageza kubihuriza hamwe. 

Hilary yigeze kuvuga ko yatangiye gutera urwenya ubwo yari mu mashuri yisumbuye, kandi ko yari mu ikipe y'abanyeshuri yasomaga amakuru buri wa Gatanu.

Kuri iyi nshuro yatumiwe muri Seka Live mu gitaramo azahuriramo na bagenzi be kizaba ku wa 30 Nyakanga 2023 kizabera muri Camp Kigali.

Iki gitaramo kigiye kuba nyuma ya Seka Live yahereje Kamena 2023 yarimo Teacher Mpamire wo muri Uganda na Daliso wo mu Bwongereza.

Ku kibuga cy’indege, Dr Hilary Okello yakiriwe na Bundandi Nice wo muri Arthur Nation
Dr Hilary yabazaga Bundandi Nice gahunda irambuye ya Seka Live yo kuri iki Cyumweru 

Mu modoka, Dr Hilary yerekeza kuri Hotel acumbitsemo mbere yo gutaramira muri Camp Kigali

Ni ku nshuro ya gatatu, Hilary agiye gutaramira mu Rwanda nyuma ya ‘Gen-Z Comedy’ 

Dr Hilary yigaragaje muri Seka Live yahuriyemo na Anne Kansiime byatumye atumirwa kuri iyi nshuro Hilary ari mu banya-Uganda batera urwenya bari kwigaragaza cyane muri iki gihe

 

Seka Live yahumuye! Itegerejwemo abanyarwenya bakomeye kuri iki Cyumweru

Kanda hano urebe amafoto menshi ubwo Okello yageraga iKigali

AMAFOTO: Serge Ngabo-InyaRwanda.com

Ku mugoroba w'iki cyumweru kuwa 30 Nyakanga 2023 biraba ari ibicika muri Centre Christus ahaza guhurira abakunzi b'umuziki wa 'Live' bagaratamirwa n'abahanzi batandukanye.

Ni mu iserukiramuco ryateguwe hagamijwe kumenyekanisha umudeli wa Dread nk’ikirango cy’abaharanira urukundo no kurangwa n’ibikorwa by’impuhwe, no gutangiza ku mugaragaro gahunda y’ikusanyabitekerezo ku ishingwa rya Fondasiyo y’ibikorwa by’urukundo.

Mu kiganiro Nyirabayesi uri mu bateguye iki gitaramo aheruka kugirana na InyaRwanda, yavuze ko bafite gahunda yo gutangira kwigisha umwuga wo gusuka abana b'abakobwa batwaye inda zitateguwe, ndetse n'urubyiruko muri rusange, mu rwego rwo guhangana n'ingaruka z'ubushomeri.

Iki gitaramo kirarimbamo abahanzi batandukanye barimo Yvanny Mpano, umurundikazi Chan Queen, Rafiki, Mavenge Sudi, Jabastar Intore, Maguru, Band zitandukanye n'abandi bahanzi banyuranye.

Iri serukimuco rirayoborwa na MC Buryohe, ricurangwemo na DJ Confy. Uwifuza kuryitabira, agura itike anyuze ku rubuga rwa noneho.com. Guhera saa munani imiryango iraba ifunguye. Amatike hari aya 15,000Frw harimo icyo kurya no kunywa n’iya 10,000 irimo ibyo kurya gusa.

Iserukiramuco ryateguwe na Dread Family Rwanda rigiye kuba ku nshuro ya mbereNyirabatesi Argentine (wambaye umupira w’umuhondo) ari mu bateguye iri serukimuco rigamije kuzamura umudeli wa DreadUmurundikazi Chany Queen ari mu bahanzi baza gususurutsa abitabira iki gikorwaMC Buryohe ni we mushyushyarugamba mu iserukiramuco rigiye kuba ku nshuro ya mbere

Kuwa Gatandatu tariki ya 29 Nyakanga 2023 kuri Grand Legacy Hotel habereye Story Telling Night igikorwa gikomeje gushora imizi kubera umusanzu kigira mu buzima bwa muntu.

Muri iki gikorwa hatumirwa abantu batandukanye bakagaruka ku nkuru z'ubuzima bwabo mu rwego rwo gufasha abitabiriye kumenya ko batari bonyine mu byo banyuramo buri munsi nk’uko intego yacyo nyamukuru ari ukurwanya agahinda gakabije no kwiheba.

Umunyamakuru w'Ikigo cy’Igihugu cy’Iitangazamakuru (RBA), Eugene Anangwe ari mu batanze ikiganiro. Yatangiye agira ati 'Naje mu Rwanda mu 2008 ubu hari ibintu byinshi maze kumenya.'

Anangwe yaje mu Rwanda gushaka akazi mu mwuga w'itangazamakuru nyuma yo kugerageza inshuro nyinshi mu bitangazamakuru byo muri Kenya, igihugu akomokamo bikanga.

Agaragaza ko yigiriye inama yo kwambuka akajya gushakira ahandi. Anakomoza ku buryo hakiri ikibazo gikomeye mu itangazamakuru aho ibitangazamakuru byose biba bishaka abanyamakuru bamaze kubaka izina, akibaza impano nshya uko zizabona aho zimenera.

Uyu munyamakuru ariko agaragaza ko uko byagenda kose hari ibanga rituma ugera iyo ujya. Aragira ati: 'Icyo nabasaba, menya icyo ushaka gukora mu buzima bwawe utitaye ku byo abandi bavuga.'

Yongeraho ati: 'Ugomba kumenya kwiga biturutse no ku byo wakoze ukongera ukabisubiramo, nk'ubu njye nubwo ikiganiro yaba ari njye wagikoze ndongera nkakireba nkamenya aho nakoze ikosa cyangwa nabikoze neza.'

Avuga umuntu agomba guhora yiyungura ubumenyi mu gihe cyose afite intego yo gushaka kugera kure. Ati 'Ibyo byangejeje kure ku nzozi ntigeze ndota mu buzima bwanjye bwose.'

Anangwe wari uherekejwe n'abarimo umwana, umugore na bashiki be, yavuze ko icyo wifuza cyose wakigeraho uramutse ukoze cyane. Ati 'Ushobora kugera ku byo wifuza byose ariko ugomba gukora cyane kuko ntabwo byizana.'

Nubwo abantu babona yaramaze kugera iyo ajya, avuga ko we abona ntakiraba. Akomoza ku bwana bwe, yavuze ko bitari byoroshye kuko yajyaga ajya ku ishuri rimwe na rimwe atariye, kandi akaba yaragendeshaga ibirenge.

Arakomeza ati'Ubuzima bwanjye bwari bukomeye mu bwana, banamvugiye isengesho rya nyuma nk'umuntu ugiye kwitaba Imana, nari maze ukwezi muri koma, gusa ubu ndacyariho.'

Kuri ubu Anangwe ari mu banyamakuru b'inzobere mu Karere aho yagiye akorera akanagira uruhare mu ishingwa rya televiziyo zikomeye. Amaze gukorana ibiganiro n'abantu bakomeye barimo Perezida w’u Rwanda, Nyakubahwa Paul Kagame. 

Anangwe yavuze ko yabigezeho bimugoye kuko iteka yasabaga ko bagirana ikiganiro ariko bikarangira bidakunze.

Nyuma y'igihe abisaba, byaje kurangira abigezeho kandi akora iyo bwabaga ikiganiro bagiranye kigenda neza nubwo bwose atari yabashije kubona neza umwanya wo kugitegura.

Anangwe avuga ko yamenye ko afitanye ikiganiro na Perezida Kagame saa tanu za mu gitondo, kiri bube saa cyenda z’umugoroba.

Eugene Anangwe avuga ko kugira umuhate wo gukora ibyo ukunda no kubyiyumvamo bituma ubasha kugera kure muri byoAnangwe ari mu banyamakuru bacye bamaze kugira amahirwe yo gukorana ikiganiro na Perezida KagameAkanyamuneza kari kose kuri Anangwe n’abayoboye Story Telling Night ku nshuro yayo ya GatatuAbana nabo ntibahejwe mu gikorwa cya Story Telling Night, uyu yatangaje ko nakura yifuza kuzaba umupolisi akajya ahana abakora ibyahaJulius Mugabo nyiri Interact Rwanda itegura Story Telling Night yashimiye buri umwe ugira uruhare mu itegurwa ryayo n’iterambere rya kompanyi ayoboyeKari akanyamuneza ku bitabiye iki gikorwa ari na ko biyungura ubumenyi ku buzima bw’ibibera hirya no hino ku isi

AMAFOTO:RWIGEMA FREDDY-INYARWANDA.COM

Mu ntangiriro za Kamena Prince Andrew umuvandimwe w’Umwami Charles III w’u Bwongereza, yanditse ibaruwa asaba imbabazi ku myitwarire ye ndetse anasaba ko yakongera kuba i Bwami nk’uko byahoze mbere y’uko ahirukanwa akanamburwa inshingano ze.

Nyamara nubwo Prince Andrew yasabye gukaruka gutura i Bwami ntabwo umuvandimwe we mukuru akaba n’Umwami Charles III yumvise ubusabe bwe kuko yahise abwanga. 

Nk’uko byatangajwe n’ikinyamakuru The Daily Express, Prince Andrew yangiwe ubusabe bwe bitewe n’impamvu zinyuranye zirimo nko kuba agikurikiranywe n’ubutabera kubera ibyaha akurikiranyweho birimo ibyo gufata ku ngufu.

King Charles IIII yanze ubusabe bwa Prince Andrew bwo kugaruka kuba i Bwami

The UK Independent yatangaje ko Prince Andrew w’imyaka 63 kuva yakwirukanwa i Bwami abayeho nabi n’umuryango we mu gace ka Royal Lodge gatuyemo abo mu muryango w’Ibwami bari mu zabukuru. 

Mu byumweru bibiri bishize kandi byari byatangajwe ko Andrew yambuwe abacungaga umutekano we ndetse binavugwa ko atakibona amafaranga amufasha kubaho yahabwaga.

Prince Andrew yifuzaga gusubira kuba i Bwami nyuma yo kuhirukanwa

Prince Andrew watewe umugongo n’umuryango wi Bwami, yambuwe inshingano ze na Nyina Queen Elizabeth II mu 2020. Muri Mutarama uyu mwaka nibwo King Charles III yahise amwirukana i Bwami kubera imitwarire ye irimo nko gusabwa n’inzoga no gufotorwa yagiye mu tubyiniro tw’abambaye ubusa (Strip Club). Magingo aya Andrew yangiwe gusubira kuba i Bwami nk’uko yari yabisabye.

King Charles III niwe uherutse kwirukana Prince Andrew kubera imyitwarire ye