Category: Uncategorized

Ntabwo byari byoroshye: Arsenal bayitereye agahinda imbere y'abakunzi bayo maze Manchester United yo yirwanaho ibona itatu hitabanjwe amasengesho.

Ikipe ya Arsenal FC ihabwa amahirwe yo kwegukana igikombe cya Premier League ikipe ya Fulham iyiziritseho birangira binganyije igitego 1-1 imbere y'abafana bayo.

Manchester United yaturutse inyuma itsinda Nothingham ibitego 3-2 mu mukino utari woroheye abasore ba Ten Hag gusa abifashinjemo na Casemiro ndetse na bagenzi be babashinje kubona amanota atatu.

Abakinnyi batsindiye ikipe ya Arsenal FC na Fulham:

Arsenal ni:

1. Saka ku munota wa 70

2. Nkentiah ku munota wa 72.

Fulham ni:

1. Pereira ku munota wa 1

2. Palphinha ku munota wa 87.

Abakinnyi batsindiye Manchester United na Nothingham:

Manchester United ni:

1. Erkisen ku munota wa 17

2. Casemiro ku munota 52

3. Fernandez ku munota wa 76.

Nothingham ni:

1. Taiwo ku munota wa 2

2. Boly ku munota wa 4.

Source : https://yegob.rw/ntabwo-byari-byoroshye-arsenal-bayitereye-agahinda-imbere-yabakunzi-bayo-maze-manchester-united-yo-yirwanaho-ibona-itatu-hitabanjwe-amasengesho/

'Asigaye ameze nk'abakinnyi bakina muri Premier League': Rutahizamu w'Amavubi yasangije abakunzi be ubuzima asigaye abayemo butandukanye cyane n'ubwo yabagamo agikina mu Rwanda.

Rutahizamu w'ikipe y'igihugu y'u Rwanda Amavubi Biramahire Abeddy wakiniye amakipe nka AS Kigali na Al-Suwaiq Club yo muri Oman ubu ni rutahizamu w'ikipe ya UD Songo yo mu cyiciro cya mbere mu gihugu cya Mozambique.

Uyu mukinnyi yifashishije imbuga nkoranyambaga ze yasangije abakunzi be amafoto meza cyane amugaragaza ari mu rwambariro rw'ikipe ye ya UD Songo ku buryo wabonaga ko hasaga neza cyane ugereranyije n'amakipe yo mu Rwanda.

Amafoto:

Source : https://yegob.rw/asigaye-ameze-nkabakinnyi-bakina-muri-premier-league-rutahizamu-wamavubi-yasangije-abakunzi-be-ubuzima-asigaye-abayemo-butandukanye-cyane-nubwo-yabagamo-agikina-mu-rwanda-amafoto/

Gasabo: Umugabo waburanaga n'umugore we mu rukiko kubera ibintu bihanwa n'amategeko yamukoreye mu bihe bitandukanye, yahawe igihano n'urukiko ubundi abandi bagabo bumviraho.

Urukiko Rwisumbuye rwa Gasabo rwahanishije umugabo mu Karere ka Gasabo mu Murenge wa Kimironko igihano cy'umwaka umwe gisubitse mu gihe cy'imyaka itatu nyuma yo kumuhamya icyaha cyo guhoza umugore we ku nkeke.

Ubushinjacyaha ku rwego rwisumbuye rwari rwasabiye uwo mugabo guhamwa n'icyaha agahanishwa igifungo cy'imyaka ibiri

Bwagaragaje ko mu bihe bitandukanye yagiye atoteza umugore we amubwira amagambo mabi ndetse akanamutuka ibitutsi by'urukozasoni byatumye abaho mu bwoba.

Uwo mugabo ngo yakundaga gutoteza umugore we ku buryo hari n'ubwo yamusangaga aho acururiza akabaza impamvu abakiliya bagiye kunywera mu kabari k'indaya [avuga umugore we.]

Uretse kandi kumutuka ngo yagiye akora ibikorwa bigamije gutera umugore ubwoba no kumubuza umutekano birimo kumukubita no kumutuka bikomeye ndetse akamutukira no mu ruhame.

Uwo mugabo yemereye urukiko koko ko icyaha Ubushinjacyaha bumukurikiranyeho yagikoze ariko asaba ko yagabanyirizwa igihano kuko yifuza kujya gushakira abana be amafaranga y'ishuri yo gutangirana umwaka utaha w'amashuri ngo kuko batakibana n'umugore.

Yagaragaje ko mu gihe amaze afungiye muri kasho ya polisi yamaze kwitekerezaho akabona ko akwiye kwikosora ndetse akaba anabisabira imbabazi.

Umwunganira na we yari yasabye ko Urukiko rwamuha igihano gisubitse kubera ko icyo gihano nta ngaruka cyateza kuko bamaze gutandukana n'umugore we ndetse banafitanye urundi rubanza rw'imbonezamubano mu Rukiko rw'Ibanze rwa Gasabo rwo gusaba gatanya.

Urukiko Rwisumbuye rwa Gasabo rumaze gusuzuma izo ngingo, kuri uyu wa 25 Kanama 2023, rwagaragaje ko uwo mugabo ahamwa n'icyaha cyo guhoza uwo bashyingiranwe ku nkeke.

Urukiko Rwemeje ko ahanishwa igihano cy'igifungo cy'umwaka umwe ariko gisubitse mu gihe cy'imyaka itatu.

Uyu mugabo wari ufungiye kuri sitasiyo ya Polisi agomba guhita arekurwa agasubira mu buzima busanzwe ariko nk'uko igisabanuro cy'igihano gisubitse kiri asabwa kwirinda kongera gukora icyaha gisa gityo mu gihe cy'imyaka nibura itatu yasubikiwemo igihano.

Itegeko riteganya ibyaha n'ibihano muri rusange rigaragaza ko umuntu wese uhoza ku nkeke uwo bashyingiranywe hagamijwe kumubuza kubaho mu mudendezo aba akoze icyaha gihanishwa igihano cy'igifungo kitari munsi y'umwaka umwe ariko kitarenze imyaka ibiri.

Source : https://yegob.rw/gasabo-umugabo-waburanaga-numugore-we-mu-rukiko-kubera-ibintu-bihanwa-namategeko-yamukoreye-mu-bihe-bitandukanye-yahawe-igihano-nurukiko-ubundi-abandi-bagabo-bumviraho/

Ikipe ya Rayon Sports yateguwe na Gorilla FC FERWAFA ibimenye mbere none yateguye igikorwa kiraza kuzimiza ibyari byateguwe byose

Ikipe ya Gorilla FC nyuma yo gutsinda Rayon Sports umwaka ushize yari yateguye Gikundiro FERWAFA ibimenye mbere ihita itegura igikorwa mu buryo bwihise cyo gukuraho ibyari byateguwe byose.

Kuri uyu wa gatandatu nibwo hagiye amakuru hanze yuko ikipe ya Gorilla FC ishaka kubangamira Rayon Sports ku munsi wejo yaza gukina igasanga imyambaro iri bwambare irasa kandi Gorilla FC ari yo iri mu rugo.

Ikipe ya Rayon Sports imyambaro yose yateguye izakoresha uyu mwaka w'imikino irasa neza n'imyambaro ikipe ya Gorilla FC iheruka gushyira ahagaragara, ibi bivuze ko ikipe ya Rayon Sports izasura Gorilla FC ku munsi wejo kubona ibyo yari bwambare byagorana.

FERWAFA imaze kubona ko hashobora kubaho ihangana ku mukino wejo uzahuza Rayon Sports na Gorilla FC, yahise itegura inama igomba guhuza aya makipe yombi kugirango imwe yerekane ibyo izambara hakiri kare bitazateza ikibazo ku munsi w'umukino.

Uyu mukino wa Rayon Sports na Gorilla FC uteganyijwe kuri iki cyumweru tariki ya 27 Kanama 2023, uzabera kuri Sitade ya Kigali Pelé i Nyamirambo.

 

Source : https://yegob.rw/ikipe-ya-rayon-sports-yateguwe-na-gorilla-fc-ferwafa-ibimenye-mbere-none-yateguye-igikorwa-kiraza-kuzimiza-ibyari-byateguwe-byose/

Mu mwaka wa 1994 ari nawo mwaka u Rwanda rwatashywe n'icuraburindi, hari haratowe miss Rwanda, uwo miss Rwanda watowe icyo gihe yitwa Uwera Derila.

Uyu mukobwa niwe wari ubaye miss wa mbere watowe mu Rwanda. Uyu mukobwa yatowe taliki ya 17 Ukuboza 1993, yatowe mu bakobwa 20 bari bahanganye. Gusa nyuma ntago irushanwa ryakomeje kubera Genocide yakorewe abatutsi mu 1994.

Muri uwo mwaka ntabwo bahembwaga amafaranga angana nkayo bahembwa abubu, kuko yahembwaga ibihumbi 50 rwf. Gusa ni bake bayahembwaga.

Ubu ni umu-Mama w'umwana umwe w'umukobwa, ndetse ubu afite umugabo w'umunyarwanda babana. Batuye i Brussel mu Bubiligi.

 

Source : https://yegob.rw/ubu-nibwo-yabaye-mwiza-kurushaho-menya-byinshi-ku-mukobwa-wabaye-miss-rwanda-wa-mbere-mu-1994-amafoto/

Ese nawe nizo ziri kubigukorera muri iki cyumweru? Hamaze gutangazwa indirimbo 10 ziri guhiga izindi muri iki cyumweru maze Juno Kizigenza yongera kwemeza abo bahanganye.

InyaRwanda imaze gutangaza indirimbo 10 nziza zihiga izindi muri iki cyumweru indirimbo Igitangaza ya Juno Kizigenza niyo yongeye kuyobora uru rutonde nk'uko mu cyumweru gishize yari yabikoze.

Urutonde rw'indirimbo 10:

1. Igitangaza by Juno Kizigenza, Kenny Sol na Bruce Melodie

2. Sakwe Sakwe ya Alyn Sano

3. Zahabu ya Aline Gahongayire

4. Carry Me ya Bwiza

5. Ngicyo ya Odda Paccy

6. Strees free ya Mulix

7. Urweza ya Umusizi Murekatete

8. Azana ya Bruce Melodie

9.  Ruhuka ya Peace Hozy

10. Nabakaniye ya Kapito Royito.

Source : https://yegob.rw/ese-nawe-nizo-ziri-kubigukorera-muri-iki-cyumweru-hamaze-gutangazwa-indirimbo-10-ziri-guhiga-izindi-muri-iki-cyumweru-maze-juno-kizigenza-yongera-yongera-kwemeza-abo-bahanganye/

Milliyoni zikenewe kugirango ikipe ya Rayon Sports ikine umukino wa CAF Confederation Cup zakanze abantu bamenyeraga iyi kipe

Ikipe ya Rayon Sports mu ijoro rya cyeye abakunzi bakadasohoka bahuriye muri Grand Night bishimira ibikombe batwaye umwaka ushize. Muri uyu muhuro hatangiwemo Milliyoni zigera kuri 32 ariko izikenewe kugirango hategurwe umukino wa CAF Confederations Cup wakanze abantu.

Mu minsi iri imbere ikipe ya Rayon Sports irakina umukino wa mbere muri CAF Confederations Cup nyuma yo kudakina umukino wa mbere w'ijonjira ry'ibanze. Uyu mukino ugomba gutegurwa na Milliyoni 68 nkuko ubuyobozi bwa Rayon Sports bwabitangaje.

Aya mafaranga ni menshi cyane ariko ikipe ya Rayon Sports kuba ari ikipe ikomeye ndetse ifite abafana benshi agomba kuboneka kuko abafana bayo baba bakeneye ibyishimo niyo mpamvu hagomba gutegurwa umukino mu buryo bwose bishoboka.

 

Source : https://yegob.rw/milliyoni-zikenewe-kugirango-ikipe-ya-rayon-sports-ikine-umukino-wa-caf-confederation-cup-zakanze-abantu-bamenyeraga-iyi-kipe/

Hari igihe Ingabire Victoire abona yandika amateshwa agakwirakwiza mu binyamakuru bishakira indonke mu gusebya u Rwanda nawe akagirango yageze iyo ajya ni umuntu ukomeye.

Kwandika inkuru mbi ku Rwanda niyo yakwandikwa n'umurwayi nka Barafinda dore ko utanga ingingo ushaka gutambutsa ubundi bakakwandikira.

Mu nkuru aheruka gutangaza mu Kinyamakuru Daily Maverick kimenyereweho gutambutsa inkuru zisebya u Rwanda, ntacyo ivuze kuko nurwo rubyiruko uvuganira ntacyo urumariye usibye kurushora mu ingengabitekerezo no kurwohereza mu mitwe yitwaje intwaro muri Kongo harimo na FDLR.

Wigira intama kandi uri ikirura ushaka kwerekana ko uri umunyapolitiki nyamara nta shyaka cyangwa ishyirahamwe rizwi ku mugaragaro uyoboye ahubwo uri umunyabyaha wakatiwe n'inkiko ukaba uri hanze ku mbabazi yahawe na Perezida wa Repubulika.

Iyo habaye ikintu cyose ku Rwanda yaba ari raporo y'inzego z'u Rwanda. Ingabire ayamaganira kure, yaba raporo ivuga neza u Rwanda nabwo bikaba uko. Ariko iyo ari raporo yakozwe n'abari mu murongo nkuwe, ahita ayikwirakwiza vuba na bwangu. Agakoramo inyandiko. Mu gihe u Rwanda rugiye kujya mu matora umwaka utaha, igihe cy Ingabire cyo gusakuza cyageze. Aztanga interview hirya no hino no gusohor inyandiko zanditswe n'interahamwe zo muri FDU Inkingi mu izina rye.

Muri Nyakanga 1994, nyuma ya Jenoside yakorewe Abatutsi mu Rwanda hafashwe icyemezo cyiswe 'Deparmehutisation'. Icyo cyemezo ni ugucibwa muri politiki kwa MRND/CDR n'amashyaka yari ayishamikiyehoy nka PECO, PADER, PARERWA yijanditse muri Jenoside yakorewe Abatutsi. Mu ntangiro za 2003, nyuma y'imyaka hafi icyenda, ishyaka MDR ryakoraga nka PARMEHUTU naryo ryaraciwe n'ubwo byatinze.

Ayo mashyaka uko yavuzwe, yaciwe kubera ingengabitekerezo yagenderagaho. Guhindura izina kwa MRND/CDR igahinduka RDR yayobowe na Ingabire Victoire bwacya ikabyara UFDR ikaza kwihindura FDU-Inkingi ukumva mu gitondo yabaye DALFA Umulinzi.

MRND yo mu 1975 yahinduye inyito mu 1991 iguma ari MRND (ivuguruye) hiyongereyemo ubukana bw'ingengabitekerezo ya Jenoside. Mu mwaka w'1992 MRND ibyara CDR, muri 1993 havuka impuzabugome bwiswe Hutu-Pawa. Mu 1994 Hutu-Pawa ikora Jenoside yateguye yibwira ko ari yo nzira yo kugira ubutegetsi. Baratsindwa.

Iyo Pawa, cyane cyane abagize uruhare mu gushingwa kwa CDR, n'aba CDR nyirizina, mu 1995 bashinze 'Rassemblement pour le Retour des Réfugiés et la Démocratie au Rwanda' (RDR) icyura 'Impunzi na Demokarasi'. Kubera ko gucyura impunzi byarangiye mu 1997, bakomeje kwitwa ko bazacyura impunzi basanga ntacyo bivuze.

Ingabire Victoire ntiwamuvuga utavuze MRND/CDR kuko ninko kuvuga inkomoko yawe ukirengangiza Sogokuru ndetse na Sogokuruza wawe.

MRND/CDR bamaze kurimbura Abatutsi (babyitaga gukora) bagombaga guhindura umuvuno bagashaka irindi zina (RDR) ndetse n'abayobozi batari bazwi, bityo bahitamo Ingabire Victoire kuko we atari mu Rwanda muri 1994. Ariko ikigaragara ntaho Ingabire ataniye n'amazina yakoze Jenoside, impamvu nyamukuru bamuhisemo nuko atari mu Rwanda.

Mu mwaka w'2003, RDR ihinduka 'Rassemblement Républicain pour la Démocratie au Rwanda' (RDR), ivana gahunda yo gucyura impunzi mu nyito iyisimpuza 'Repubulika' cyakora inyito mu magambo ahinnye ikomeza kuba RDR. Icyo gihe cyo kwinjiza 'Abaharanira Repubulika' mu nyito RDR yayoborwaga na Ingabire Victoire.

Mu ngengabitekerezo ya MDR, CDR, MRND, RDR na FDLR amagambo 'Abaharanira Repubulika' na 'Demokarasi' ntibisobanura Repubulika na Demokarasi y'abanyarwanda. Ahubwo, bivuga ubutegetsi bw'Abahutu gusa kandi b'indobanure. Si na 'Repubulika' na 'Demokarasi' nkuko bizwi ahandi.

Uko RDR iyoborwa na Ingabire na Ndereyehe yahinduye izina hakavanwamo 'Impunzi' ni nako MRND yabigenje mu 1991. MRND yo mu 1975 yari 'Mouvement Révolutionnaire National pour le Développement'. Ijambo 'révolutionnaire' rivamo risimburwa na 'Abaharanira Repubulika' na 'Demokarasi', bituma MRND nshya iba 'Mouvement Républicain National pour la Démocratie et le Développement'. Itandukaniro rya MRND na MDR, mu nyito ni uko hamwe harimo 'National' na 'Développement'.

Uwo mukino w'amagambo ahishahisha ingengabitekerezo y'ivangura na Jenoside unayibona aho l'Union des Forces Démocratiques Rwandaises (UFDR) bakuraho ijambo 'Rwandaise' ahasigaye 'Union' igasimburwa na 'Unifiées' iza nyuma ya 'Forces Democratiques' bikabyara FDU hiyongereyeho Inkingi none ubu tukaba dufite DALF Umulinzi.

Guhindura amazina ingengabitekerezo ikaba ya yindi ntacyo bivuze. FDU-Inkingi ikwiye gucibwa muri politiki, no kuyamamaza bikaba icyaha kuko n'amategeko arahari. Ntibizaba ari ubwa mbere ntibikwiye no kuba ubwa nyuma. Amateka y'u Rwanda afite umwihariko muri Africa ariko si ku isi. Kureka FDU-Inkingi n'abayamamaza bakidegembya ni ukwibagirwa vuba.

Mu Rwanda rw'ubu ruzira ingengabitekerezo ya Jenoside, Ingabire azarureba nta rubuga rwa politiki afite kuko politiki ye ibarizwa muri Hutu Power.

The post Ubanza Ingabire Victoire yariyibagiwe reka tumwibutse uwo ari we appeared first on RUSHYASHYA.

Source : https://rushyashya.net/ubanza-ingabire-victoire-yariyibagiwe-reka-tumwibutse-uwo-ari-we/?utm_source=rss&utm_medium=rss&utm_campaign=ubanza-ingabire-victoire-yariyibagiwe-reka-tumwibutse-uwo-ari-we

Ibi ni ibirori byabaye mu ijoro ryo kuri uyu wa Gatanu taliki 25 Kanama 2023 bibera ku Kimihurura. Ibi birori byabyitabiriwe n’abantu batandukanye barimo abakunda Rayon Sports ndetse n’abayobozi bayo.

Ibikombe bishimiraga ni 3, harimo igikombe cy’Amahoro begukanye mu mwaka ushize w’imikino batsindira APR FC ku mukino wa nyuma igitego 1-0. 

Icya 2 ni icy’ikipe y’Abagore cya shampiyona y’icyiciro cya kabiri begukanye mu mwaka ushize w’imikino. Naho icya 3 ni cyo baheruka kwegukana cya Super Cup ya 2023 batsinze APR FC ibitego 3-0.

Abakunzi ba Rayon Sports bari batumiwe muri ibi birori bashimiye ubuyobozi bw'umuryango n'ikipe ku mbaraga zakoreshejwe ngo ibi bikombe biboneke ndetse banavuga ko bagomba kwitwara neza kurushaho mu mwaka w'imikino wa 2023-2024 haba mu bikombe bikinirwa imbere mu gihugu no mu mikino ya CAF Confederation Cup.

Usibye ibyo kandi aba bakunzi ba Rayon Sports bakusanyije amafaranga yo guha ikipe agera kuri miliyoni 32 z’amanyarwanda. 

Abakobwa bari mu bagezweho mu Rwanda bagize itsinda rya Kigali Boss Babes baherukaga gutangaza ko bafana Rayon Sports bakaba bari banatumiwe muri ibi birori, nabo batanze miliyoni 2 z’amanyarwanda. Nk’uko bigaragara mu mafoto Alliah Cool na Queen La Douce nibo bonyine bo muri iri tsinda bari bahari. 

Nubwo abakunzi ba Rayon Sports bakusanyije miliyoni 32 z’amanyarwanda, gusa ikipe yo yerekanye ko nibura ikeneye miliyoni 68 z’amanyarwanda kugira ngo irusheho kuzitwara neza.

Bamwe mu bagize Kigali Boss Babes bari kumwe na Perezida wa Rayon Sports, Uwayezu Jean Fideli bifotozanya ibikombe 

Umuryango mugari wa Rayon Sports wakoze ibirori byo kwishimira ibikombe 3 baheruka kwegukana 

Byari ibirori by’agatangaza ubwo Rayon Sports yishimiraga ibikombe bitatu yegukanye

Source : https://inyarwanda.com/inkuru/133630/umuryango-wa-rayon-sports-urimo-kigali-boss-babes-wakoze-ibirori-byishimira-ibikombe-banak-133630.html

Yabitangaje kuri uyu wa Gatanu tariki 25 Kanama 2023 mu kiganiro yagiranye n’itangazamakuru nyuma y’umuhango wo gutangiza ku mugaragaro gahunda z’iri rushanwa rizasozwa ku wa 21 Ukwakira 2023 ari na bwo hazaba umuhango wo gutanga ibi bihembo uzabera muri BK Arena.

Kageruka yavuze ko ibi bihembo ari urubuga rwiza ku bahanzi kugira ngo bamenyekanishe ibihangano byabo. Avuga ko amahirwe ari muri ibi bihembo atazagera ku banyarwanda gusa kuko bizagera no ku batuye Afurika yose.

Ati “Ni amahirwe ku banyafurika bose. Akaba ari amahirwe rero kuba igikorwa kije mu Rwanda, amahirwe y’ubukerarugendo ariko n’amahirwe yo kuba twakoresha uru rubuga kugirango tumenyekanishe igihugu cyacu.”

Uyu muyobozi yavuze ko ibi bihembo ari umwanya mwiza wo kumenyakanisha u Rwanda, kandi bizaba urubuga rwiza ku bahanzi, abikorera ndetse n’abandi.

Yavuze ko ibikorwa byamamaza ubukerarugendo, abahanzi ba Afurika bazungukira cyane muri iki gikorwa

Kageruka yavuze ko kuba Trace Awards&Festival igiye kubera mu Rwanda kandi bihuye n’intumbero y’Igihugu mu kwakira ibikorwa by’imyidagaduro, imurikagurisha n’ibindi.

Ati “Kuba Trace yarahisemo u Rwanda ntabwo nkeneka (ko) byarikoze, habayeho kureba intambwe tumaze gutera nk’Igihugu mu guteza imbere ubukerarugendo bushingiye ku nama, ndetse no ku bikorwa by’imyidagaduro…”

Yavuze ko u Rwanda rumaze igihe rwakira inama nyinshi, biri mu byatumye ruri ku mwanya wa Gatatu nk’ahantu hakira inama nyinshi. Ni mu gihe Kigali iri ku mwanya wa kabiri.    

Kuri Kageruka, ni ibintu byiza ariko kandi bitikora kuko bijyanye n’ishoramari rya Leta, cyane cyane ikorana n’abikorera.

Birashoboka ko umwaka utaha ibihembo nabwo bizatangirwa i Kigali. Kageruka avuga ko buri muhanzi, buri munyarwanda akwiye kubyaza amahirwe iki gikorwa cy’ibi bihembo.

Yasabye abanyarwanda gushyigikira abahanzi bahatanye muri ibi bihembo kugirango bazabashe kwitabira neza.

Danny uhagarariye Trace Africa mu Karere k'Afurika y'Iburasirazuba, yavuze ko igihe kigeze kugirango abatuye umugabane wa Afurika bivuge inkuru z'abo, ari nayo mpamvu abahanzi bakwiye gushyigikirwa bagatezwa imbere, bakerekana impano z'abo.

Yavuze ko imyaka yabaye ari myinshi inkuru za Afurika zivugwa n'abandi. Avuga ko ari ibyo kwishimira kuba harabashije gushyirwaho urubuga nka Trace Awards 'rutuma impano zo muri Afurika zigaragara'. Ati 'Kuri twe ni amahirwe, kandi ni byiza kuba bigiye kubera mu Rwanda.

Ibi bihembo bizatangwa hizihizwa imyaka 20 yabyo. Bizatangwa ku wa 21 Ukwakira 2023 mu muhango uzabera muri BK Arena, bikurikirwe n'iserukiramuco ry'umuziki rizaba ku wa 20-22 Ukwakira 2023 mu muhango uzabera muri Kigali Conference and Exhibition Village ahazwi nka Camp Kigali.

Bigamije guha ishimwe abanyamuziki bagaragaza ubudasa mu rugendo rw'abo rw'umuziki, bafite impano zihariye, bakomoka kandi bakorera umuziki ku Mugabane wa Afurika cyangwa se mu bindi bice bitandukanye byo ku Isi.

Ibi bihembo bizaririmbamo abahanzi bahatanye mu byiciro bitandukanye birimo icy'umuhanzikazi 'Best Female', icy'umuhanzi w'umugabo 'Best Male', icy'indirimbo y'umwaka 'Song of the Year', icya Dj w'umwaka 'Best DJ', icy'indirimbo ihuriweho 'Best Collaboration', icya album y'umwaka 'Album of the Year' n'izindi.

Hazatangwa ibihembo 25. Muri ibi bihembo 22 bizatangwa hashingiwe ku majwi y'abafana, ni mu gihe ibihembo bitatu bisigaye bizatangwa hashingiwe ku Kanama Nkemurampaka ka Trace.

Trace Africa ivuga ko abahanzi bahataniye ibi bihembo batoranyijwe nyuma y'ukwezi kwari gushize bakora isesengura ryimbitse kuri buri muhanzi, hakorwa ibiganiro byihariye, ndetse basubiza inyuma amaso bareba urugendo rwa buri muhanzi.

Hanarebwe kandi inshuro ibihangano bya buri muhanzi byatambutse ku mbuga zitandukanye za Trace zikina umuziki, kandi hifashishwa ikipe ngari y'abahanga mu muziki basanzwe bakorana na Trace bagaragaza urutonde rw'abakwiye guhatanira ibi bihembo.

Ibi bihembo bihatanyemo abahanzi barenga 150. Ku buryo Trace Africa ivuga ko izatoroherwa no guhitamo abahanzi bazaririmba mu muhango wo kubitanga.

Umuyobozi ushinzwe ubukerarugendo muri RDB, Kageruka Ariella, yavuze ko itangwa ry'ibihembo 'Trace Awards' ari umwanya mwiza ku bahanzi bo mu Rwanda wo kugaragaza ibihembo by'abo

Ni ku nshuro ya mbere 'Trace Awards' igiye gutangirwa mu Rwanda hizihizwa isabukuru y'imyaka 20

Danny ukuri Trace Africa muri EAC yavuze ko u Rwanda rwujuje buri kimwe bijyanye no kwakira ibi bihembo

Producer Fayzo ari kumwe Serge utegura akanatunganya filime ze bwite

 

Umuhanzi Juno Kizigenza ari kumwe France Mpundu yinjije muri Huha Records 

Umunyamakuru Regis Isheja wayoboye umuhango wo gutangiza ‘Trace Awards’

Bwiza avuga ko abahanzi bo mu Rwanda bakwiye kubyaza umusaruro ‘Trace Awards’

 

Ariel Wayz yatangaje ko yishimiye kwisanga muri Trace Awards 2023

Umuhanzi akaba n’umunyamakuru wa Kiss Fm, Luwano Tosh [Uncle Austin] 

Bwiza ari kumwe na Ariel Wayz bahuriye muri Trace Awards

KANDA HANO UREBE UKO UMUHANGO WO GUTANGIZA ITANGWA RY'IBI BIHEMBO WAGENZE

“>

Kanda hano urebe amafoto yaranze umuhango wo gutangiza'Trace Awards'

AMAFOTO: Serge Ngabo-InyaRwanda.com

VIDEO: Murenzi Dieudonne-InyaRwanda.com

Source : https://inyarwanda.com/inkuru/133629/rdb-yagaragaje-amahirwe-u-rwanda-nabahanzi-bafite-mu-bihembo-trace-awards-amafotovideo-133629.html