Category: Uncategorized

Yamen Zelfani umutoza mukuru wa Rayon Sports yaraye avunikiye mu mukino wa shampiyona y’icyiciro cya mbere umwaka w’imikino wa 2023-24 banganyijemo na Gorilla FC.

Wari umukino w’umunsi wa kabiri w’iyi shampiyona waraye ubereye kuri Kigali Pelé Stadium aho amakipe yombi yanganyije 0-0.

Hagiye hagaragara gushyaramirana cyane hagati y’abatoza b’impande zombi, byanaviriyemo uwa Rayon Sports guhabwa ikarita y’umuhondo.

Nyuma y’uyu mukino, umutoza wa Gorilla FC, Gatera Moussa yabwiye itangazamakuru ko uyu mutoza yamutukaga mu Cyarabu kandi akizi, ngo niho havuye gushyamirana.

Ati “Uriya mugabo afite imico itari myiza. Iyo agiye kugutuka, agutuka mu Cyarabu, kandi nabyumvise narakize ndakizi. Ni cyo cyambabaje. Nabwiye umwungiriza we ko ari gutukana mu Cyarabu kandi si byiza. Yatukanaga mu Cyarabu. Ni cyo kintu cyambabaje nta kindi. Byatumye mva mu mwanya wanjye njya kubimubwira. Ni imico itari myiza.'

Uyu mutoza kandi yaje guhura n’uruva gusenya kuko yaje kuvunikira muri uyu mukino.

Ubwo umukino wari ugeze ku munota wa 87, umukinnyi wa Rayon Sports yarengeje umupira noneho uyu mugabo ashaka kuwufata ariko umupira ukubita kuri ‘bench’ usubira mu kibuga agenda awukurikiye ashaka kuwufata, nibwo yahuye na rutahizamu wa Gorilla FC, Camara wamukandagiye ku kirenge (uburyo byabayemo ntiwakemeza niba yabishakaga cyangwa atabishakaga), undi yahise yikubita hasi aza kwitabwaho n’abaganga.

Zelfani nyuma y’uyu mukino yavuze ko bamubwiye ko imvune ye ari ikibamico yakinaga ntacyo yabaye kandi yababaye, aho yemeje ko umukinnyi wa Gorilla yabikoze abishaka.

Ni gutya byatangiye

Yagaragaje ko yababaye cyane

Yahise yitabwaho n’abaganga

Umuhanzi Mugisha Benjamin uri mu bihe bitoroshye nyuma y’urpfu rw’umubyeyi we, yagaragaje agahinda yatewe no kubura umubyeyi we yafataga nk’intwari.

Abinyujije ku rubuga rwa Instagram, The Ben yasobanuye uburyo umubyeyi we yari Intwari ndetse avugamo uburyo ariwe akesha ubuzima bwiza n’ukuntu babanye mu byiza no mu bibi akaba yizeye ko aho aruhukiye ari heza. 

The Ben yavuze ko yari afashe ifoto y’umubyeyi we akibuka ibihe bya kera mu buto bwe uko yari abanye na se amusaba icyo aricyo cyose kandi nk’umubyeyi akora buri kimwe cyose umuryango wabo wishimye cyane ndetse avuga ibyo yibuka ku mubyeyi we.

The Ben yagize ati “Iyi foto yawe mfite wari ukiri muto. Ibyo byari ibihe twese twibuka nka papa mwiza umuntu wese yashobora gusaba nibyo nshaka kwibandaho. Nibuka ko wari urumuri rutumurikira, isoko y’imbaraga n’urukundo. Kuba wari uhari byatuzaniye ibyishimo, ubwitange bwawe bwari buhamye. Wavukiye mu buzima butoroshye ariko wararwanye kugira ngo tugire ubuzima bwiza.”

The Ben kandi yongeye kugaruka ku byo yatangaje ku munsi wo gushyingura umubyeyi we avuga ko satani yamugerageje mu minsi ye ya nyuma dore hari amakuru yamenyekanye ko batari babanye neza.

The Ben yagize ati “Ubuzima bwarakugoye ndetse urwana n’abadayimoni baguhinduye mu buryo nta muntu n’umwe wabyiyumvishaga. Uretse ibyo warwanaga nabyo, ntabwo nigeze nanirwa kukwegera kugira ngo nkwereke urumuri twahoranye. Byarambaje kubona unyirukana ariko ntabwo nigeze nkuvaho nk’uko utatuvuyeho mu minsi yawe myiza y’ububyeyi.”

The Ben yavuze ko yizerera mu mbaraga zo gucungurwa bityo akaba yizeye ko umubyeyi we aruhukiye mu mahoro ndetse azababarirwa ibyaha byose ku buryo igihe kizagera bagahurira mu bundi buzima.

The Ben ati “Nizera ko hari amahirwe yo kubabarirwa no kubona amahoro. Reka nizere ko uri ahantu heza cyane hataba ububabare ndetse n’ibyaguhigaga mu buzima. “

The Ben yavuze ko kandi aho umubyeyi we yaba yarakoshje nk’uko undi muntu wese yakosa, bamubabariye kubwo kuba ariwe waberetse ubwiza bw’iyi si abantu benshi bakunze ndetse aho bageze bakaba bahakesha umubyeyi wabo.

The Ben ati “Papa, umuryango wacu wahisemo kwibuka ibihe byiza, urukundo, n’ibyishimo wazanye mu buzima bwacu. Twasanze mu mitima yacu dukwiye kubabarira amakosa no kwibanda ku muntu wasobanuye isi kuri twe.”

Nyuma y’ubwo butumwa burebure, The Ben yasezeye kuri Papa we, avuga ko yizeye ko ubutumwa bwe bumugezeho aho yaba aherereye hose.

The Ben n'umuryango we bashyinguye Se Mbonimpa John w’imyaka 63 ku wa 23 Kanama 2023 nyuma yo  kwitaba Imana mu ijoro ryo ku wa Gatanu tariki 18 Kanama 2023.

Mbonimpa John yashyinguwe ku wa 23 Kanama 2023 mu irimbi rya Rusororo.

Mu marira menshi, The Ben yavuze ko mu minsi ya nyuma umubyeyi we yageragejwe na Satani

Byari amarira n’agahinda ku bari baherekeje mu cyubahiro bwa nyuma Mbonimpa John

Mbonimpa John asize abana 6, abahungu 4 n’abakobwa 2

Ibi bije nyuma yaho ikigo cy’igihugu gishinzwe iterambere mu Rwanda (RDB) kigiranye amasezerano n’iyi kipe ifite igikombe giheruka cya Shampiyona y’u Budage ya Bayern Munich. 

Aya masezerano yashyizweho umukono tariki 15 Kanama 2023 azamara imyaka 5,iyi kipe izajya yamamaza ubukerarugendo bw’u Rwanda binyuze muri gahunda ya Visit Rwanda. 

Kuri buri mukino Bayern Munich yakiriye kibuga Allianza Arena hazajya haba hari ibyapa byamamaza handitseho amagambo ya Visit Rwanda.

Muri icyo gihe kingana n’imyaka 5,FC Bayern Munich izahabwa agera kuri Miliyoni 25 z’Amayero kubera ko iki cyiciro cyo kwamamaza muri Sitade cyishyurwa Miliyoni 5 z’amayero ku mwaka umwe w’imikino.

Usibye ibyo kandi muri aya masezerano RDB yagiranye na Bayern Munich harimo ko iyi kipe izakorana na Minisiteri ya Siporo n'Ishyirahamwe ry’Umupira w’Amaguru mu Rwanda(FERWAFA) mu gufungura ishuri ryigisha mupira w'amaguru abakiri bato haba abakobwa n’abahungu ndetse no gutegura amahugurwa y'abatoza mu Rwanda.

Bayern Munich mu kwamamaza ubukerarugendo bw’u Rwanda ije yiyongera ku ikipe ya Arsenal ikina Shampiyona y’Icyiciro cya mbere mu Bwongereza ndetse na Paris Saint-Germain ikina Shampiyona y’icyiciro cya mbere mu Bufaransa.

Sitade ya Bayern Munich, ahazajya hashyirwa ibyapa byamamaza Visit Rwanda 

FC Bayern Munich yiyongere kuri Arsenal na Paris Saint-Germain

Uyu munyarwenya yageze ku kibuga cy'indege Mpuzamahanga cya Kigali, ahagana Saa kumi n'ebyiri zo kuri iki Cyumweru tariki 27 Kanama 2023.

Yitabiriye igitaramo cy'urwenya cya Seka Live kiba kuri iki Cyumweru guhera Saa Kumi n'imwe muri Kigali Conference and Exhibition Village ahazwi nka Camp Kigali.

Eric Omondi uvuga ko ari Perezida w'Abanyarwenya muri Afurika, yavuze ko hari hashize igihe adataramira i Kigali, kandi yiteguye gutanga ibyishimo muri Seka Live. Ati 'Hari hashize igihe, nongeye kugaruka i Kigali. Biraza kuba ari ibintu byiza, ni uguseka, ugakomeza ugaseka.'

Omondi yavuze ko yiteguye gutembagaza abantu mu gihe cy'amasaha abiri, avuga ko hakwiye kuba hari 'Ambulance' yo gutwara abantu baza guseka bagatembagara.

Yageze i Kigali ahasanga umunyarwenya wo muri Afurika y'Epfo, Loyiso Ngola wageze i Kigali mu gitondo cyo ku wa Gatandatu tariki 26 Kanama 2023.

Mu kiganiro yahaye itangazamakuru, Loyosi Ngolo yavuze ko yishimiye kugaruka i Kigali ku nshuro ye ya kabiri.

Yavuze ko yatunguwe n'uburyo Abanyarwanda bahurira hamwe bagakora Umuganda, avuga ko ibi biri mu mpamvu zituma Kigali ihora isa neza.

Ati 'Ubwo nari ngeze hano nanyuze ahantu mbona abantu bahuriye bamwe bari gukora isuku birantangaza. Niyo mpamvu inaha hahora isuku cyane nanjye ninjiye ndabafasha.'

Uyu munyarwenya ufite ibiganiro bitambuka kuri Netflix, avuga ko yiteguye kugaruka i Kigali agamije gusura ingagi zo mu birunga.

Ati 'Numvise ko hano haba ingagi ariko sinigeze mbona umwanya wo kuzisura ariko ubutaha nzashaka umwanya mpagere.'

Iki gitaramo Eric Omondi yitabiriye aragihuriramo na Loyiso, Muhinde, Arthur Nkusi, MC Kash, Mavide na Pazzo bakora nk'itsinda.

Omondi ni umwe mu banyarwenya bo mu Karere k'Afurika y'Iburasirazuba badasiba mu itangazamakuru, biturutse ku nkuru z'urukundo, uburyo yizirika ku ruganda rw'imyidagaduro, kuvuga cyane ku ngingo ziba zigezweho muri Kenya n'ibindi bituma ahangwa ijisho igihe kinini.

Ibinyamakuru byo muri kiriya gihugu bijya kure, bikanavuga ko n'uburyo yambara mu ruhame, uko yigaragaza ku mbuga nkoranyambaga biri mu bitembagaza abantu mu bihe bitandukanye.

Ikinyamakuru Ke. Opera News mu myaka ibiri ishize cyo cyanasohoye inkuru cyavuzemo ko Eric Omondi mu mashuri yisumbuye yambaraga umwambaro w'ishuri mu buryo busekeje, kandi ko n'uburyo yitwara imbere y'ibyuma bifata amashusho bituma abantu batamukuraho ijisho.

Ibi ngo ni byo byamufashije gusohoka ku rutonde rw'abanyarwenya 10 bo muri Afurika basetsa cyane. Uyu mugabo yagize igikundiro cyanye nyuma y'uko atangiye kugaragara mu ruhererekane rw'ibiganiro by'urwenya 'Churchill'.

Omondi ntiyigeze abura ku rutonde rw'abasakuje mu mashuri yisumbuye. Kandi benshi mu banyeshuri biganye bakunze kuvuga ko 'buri jambo ryose yavugaga ryabaga risekeje'. Bati 'Yaba ari mu ishuri cyangwa adahari, ntiyaburaga ku rutonde'.

Uyu mugabo uherutse kwibaruka umwana w'umukobwa afite impamyabumenyi ya Kaminuza yakuye muri Daystar University mu itagazamakuru n'itumanaho.

Yayibonye nyuma y'imyaka irindwi yari ishize ari ku ntebe y'ishuri (2003-2010). Ibi byaturutse ku kuba yarabuze amafaranga y'ishuri yasabwaga amashilingi 107,000 ni mu gihe we yari afite amashilingi 24,000.

Omondi yaherukaga i Kigali, ku wa 29 Ukuboza 2023. Mu 2019 nabwo yataramiye Kigali binyuze muri Seka Live.

Eric Omondi ukurikirwa n'abarenga Miliyoni 4 kuri Instagram yageze i Kigali
 

Akigera i Kigali, Eric Omondi yakiriwe na Bundandi Nice wo muri Arthur Nation

Omondi yakunze kwifashishwa cyane mu bitaramo bya Seka Live biba buri kwezi 

Hari ibinyamakuru bivuga ko Omondi afite umutungo uri hagati y'amashilingi Miliyoni 30 n'amashilingi Miliyoni 350

Uyu mugabo ni umunya-Kenya ukunze kugaragara kuri Televiziyo zitandukanye 

Omondi yafashe ifoto n’umwe mu bakunzi b’ibihangano bye- aha bari ku kibuga cy’indege 

Umunyarwenya Loyiso Golo yavuze ko yishimiye kuba agiye kongera gutaramira i Kigali

Igitaramo cya Seka Live giteganyijwe kuri iki Cyumweru tariki 27 Kanama 2023

Kanda hano urebe amafoto menshi ubwo Omondi yageraga i Kigali

AMAFOTO: Ngabo Serge-InyaRwanda.com

Mu kumurika imyenda amakipe azakinisha Rayon Sports na Gorilla FC ku mukino w’umunsi wa kabiri, byagaragaye ko Rayon Sports yari yatezwe umutego na Gorilla FC wari gutuma n’umukino utaba.

Ku wa Gatandatu tariki ya 26 Kanama 2023 nibwo muri gahunda ya FERWAFA yo gukemura amakimbirane ashingira ku myambaro, Komisiyo ishinzwe amarushanwa na Komiseri bahuye n’abakozi w’abasifuzi bashinzwe ibikorwa by’amakipe akinira kuri Kigali Péle Stadium berekana imyambaro amakipe yabo azakoresha ku mukino w’umunsi wa 2.

Ku ikubitiro, Rayon Sports na Gorilla FC ziri bukine uyu munsi ku Cyumweru nizo zahereweho hakemurwa impaka.

Mu kwerekana imyenda Gorilla FC izakira uyu mukino niyo yahereweho igaragaza imyenda izakinisha aho ubanyezamu bayo bazambara imipira ya move n’amakabutura yirabura.

Bigeze ku myenda y’abakinnyi bazambara nibwo havutse impaka zikomeye cyane aho yerekanye ko izambara imipira y’umweru n’amakabutura y’ubururu ndetse n’amasogisi y’ubururu arimo amabara y’umweru.

Byahise biba ihurizo rikomeye kuri Rayon Sports nayo isanzwe yambara aya mabara aho byasabye impaka nyinshi mu gihe yari igiye kwerekana imyenda izakinisha.

Ku myenda y’abanyezamu nta kibazo yari ifite aho izambara imyenda itukura.

Rayon yari yateguye ko abakinnyi bazambara umwambaro wa gatatu w’ubururu bwererutse ariko komiseri wari uyoboye iki gikorwa, Ambroise Hakizimana yayiteye utwatsi asaba ko bahindura.

Iyi kipe yagaragaje ko yazambara amakabutura y’umweru n’imipira y’ubururu bwererutse n’amasogisi asa n’ivu. Ibi Fatakumavuta wari uhagarariye Gorilla yabyanze avuga ko amakabutura asa n’imipira, gusa Ambroise yavuze ko nta kibazo bizateza, babyemeza gutyo.

Amakuru avuga ko Gorilla yari yateguye kwishyura Rayon Sports ibyo yayikoze mu mwaka w’imikino wa 2021-22 aho bayigurishije imyenda ku munsi w’umukino banze guhindura.

Hahise hakurikiraho APR FC na Police FC zizakina ku wa Mbere. Abanyezamu ba APR FC bazambara imyenda y’icyatsi n’amasogisi y’icyatsi n’aho abakinnyi bambare imikara n’amasogisi yirabura.

Police FC abanyezamu bazambara umutuku n’amasogisi y’umutuku n’aho abakinnyi bambare icyatsi cyererutse n’amasogisi y’umweru.

Turatsinze Amani ukuriye Komisiyo y’amarushanwa yavuze ko iyi nama ya ‘pre-match meeting’ izajya iba buri gihe mbere y’umukino ndetse ko bagiye kwiga no ku buryo n’imikino yo mu ntara byazajya bikorwa buri gihe.

Iyi nama yari yitabiriwe na team manager wa Rayon Sports, Mujyanama Fidele, Team Manager wa Gorilla FC, Mbuyu Jean Marie na Fatakumavuta ushinzwe itangazamakuru, hari kandi Masabo Michel ku ruhande rwa APR FC na Ntarengwa Aimable ku ruhande rwa Police FC.

Uko abanyezamu ba Gorilla FC bazambara

Abakinnyi ba Gorilla FC uko bazambara

Abanyezamu ba Rayon Sports ni uku bazambara

Abakinnyi ba Rayon Sports ni uku bari bateguye ko bazambara

Basanze bisa, Gorilla FC yari yabateze umutego

Byabaye ngombwa ko bahindura bakazambara amakabutura y’umweru

Uko APR FC izambara

Uko Police FC izambara

Bamwe mu bari bitabiriye iki gikorwa

Komiseri ushinzwe amarushanwa muri FERWAFA, Turatsinze Amani ni we watangije iki gikorwa