Category: Uncategorized

Mulix yatangiriye ku ndirimbo y'urukundo yise 'Stress Free'. Ahamya ko yakundishijwe umuziki na mukuru we TMC usigaye wibera muri Leta Zunze Ubumwe z'Amerika.

Uyu musore avuga ko aba yumva nta njyana n'imwe atakora gusa ariko akaba yiyumvamo cyane Afrobeat.

Iyi nkuru yacu iraca ku mayange tumwe mu tubari 10 wasohokeramo muri iyi weekend. Izakomeza igaruke ku tubari twose two mu mujyi wa Kigali dufite umwihariko wo gutanga Serivisi nziza.

Duhereye mu karere ka Nyarugenge usanga utubari twinshi ariko udufite ibyo wavuga ko byaba bisamaje bikaba byakurura abakiriya ni duke kuko usanga buri kabari ibyo gafite n'akandi ari uko.

Ariyo mpamvu usanga abantu bahitamo gusohokera aho bari busange umwihariko w'amfunguro, ibyo kunywa bitangwa n'abafite umuhate n'umurava wo kutabihiriza abakiriya ndetse rimwe na rimwe ugasanga hari n'abahanga mu kuvanga imiziki bagenda bafasha abakiriya kugubwa neza ukeneye kubyina akisanga.

1. Nofla Motel, mu Kiyovu

Nofla Motel nta Weekend y’ubusa ihaba

Nofla Motel ishobora kwakira ubukwe n’ibindi birori

Abaje kwiyakira bicara nk’abari iwabo, mu ntebe nziza

Ukibaza ahantu wagana ugafata amafunguro ateguwe neza ukaba wahabwa icyo kunywa ndetse n'umuziki ugezweho uba uvanze n'uwo mu bihe byo hambere ucurangwa na Dj Martin aho ushobora kujya ni muri Nofla Motel. Iherereye mu karere ka Nyarugenge ahazwi nka peyage. Ni mu nsi y'inyubako zikoreramo RSSB (Rwanda Social Security Board). 

Ni hamwe mu hantu ushobora gusohokera ntiwicwe n'irungu bitewe nuko haba gahunda zitandukanye. Abahanzi bafite amazina mu Rwanda bahasimburana muri weekend. Vuba aha hacurangiye Mico The Best, B-Threy, Fireman araza kuba ahari iri joro. Buri weekend yahoo igira umwihariko. 

Abavanga imiziki barimo Dj Briane, Dj Phil Peter, Dj Khalim n'abandi batandukanye bagiye bahakorera mu bihe bitandukanye. Dj Martin ukorera aha muri Nofla Motel yabwiye Inyarwanda ko aha ari ho hantu urubyiruko rwisanga bitewe nuko hashya buri Weeekend kandi hakaba hafite umwihariko wo kuba mu gihe'Abandi bafunze imiryango, twe hano muri Nofla turakesha'.

2. The B Lounge, Nyamirambo

THE B Lounge ihari rugari abahanzi n’abavanga imiziki. Ni akabari keza kari hejuru muri etage aho uba witegeye Nyamirambo yose

Ku itariki 15 Kanama 2023 abatuye n'abagenda I Nyamirambo mu karere ka Nyarugenge bakiriye ahantu hashya bazajya basohokera. Ni akabari kari hejuru muri etage iri imbere ya Kiliziya Gatorika ya Charles Rwanga, imbere y'inyubako z'urukiko rw'ubucuruzi. 

Ubwo bafunguraga aka kabari hari abahanzi barimo Bushali, B-Threy, Marina na Kenny Sol basusurukije abitabiriye uyu muhango wo gufungura ku mugaragaro The B Lounge. Hari kandi Dj Briane na Mc Tino bafashije abantu bari bahaje huzuye dore ko byanabaye ngombwa ko bakesha bitewe nuko bari baryohewe ubudasigaza. 

Ni akabari gafite umwihariko w'igikoni gifite amafunguro meza ndetse n'inzoga ziri mu zigezweho muri iyi minsi ku bakunda gusohoka. Iyo uri muri aka kabari uba witegeye Kigali uyirebera mu mpande zose kuko hari ku gisenge cy'inyubako ndende. Ni akabari kagezweho gafite uburyo bwo gucungirwa umutekano ku buryo na cya gihe manyinya yakuyoboka bagufasha gutaha udateje sahinda.

3. Bahaus Bar Nyamirambo

Aka kabari ni kamwe muri duke dusigaye mu mujyi wa Kigali tugifite abamansuzi. Kari muri hamwe haha akazi abahanzi nyarwanda, abavanga imiziki n'abashyshyarugamba. Mc/Dj Anitha Pendo yagiye ahakorera kenshi aza kuhasiga abandi bakinjira mu mwuga bataragira amazina ahambaye ariko babyitwaramo neza. 

Kuri ubu hasimburana abavanga imiziki barimo Tasha The Dj, Dj Fabiola bari kumwe na Mc Kalypso. Ni kenshi bakira abahanzi bakaza kuhataramira. Mu minsi ishize Platin P yarahataramiye ari kumwe n'ababyinnyi be. Hari hakubise huzuye.

4. Green Corner, Nyamirambo

Aka ni akabari kari mu nyubako iri ku muhanda ujya ku murenge wa Nyakanda. Ni akabari gafite ahantu hanini abafite ibirori bakwisanzura kandi gafite akabyiniro ku buryo iyo amasaha akuze abari muri bar bamanukira hasi mu kabyiniro. Ku wa Gatandatu haba hari band icuranga indirimbo za hambere n'izigezweho yitwa Noeud De la Paix'Ipfundo ry'amahoro' bacuranga umuziki mwiza. Baratangira kuhacurangira guhera kuri uyu wa gatandatu w'icyumweru cya mbere cya Nzeri.

5. Kaizen Hotel

Iyi ni imwe muri Hotel zigezweho mu guha akazi urubyiruko rwo mu ruganda rw'imyidagaduro. Niho Impala de Kigali zicurangira igisope ariko haba na Silent Disco haba hari abavanga imiziki batandukanye barimo Dj Didyman, Tasha The Dj, Deelex The Dj n'abandi. 

Hakunze kubera amasabukuru y'abafite amazina azwi mu myidagaduro bitewe nuko bashyize imbere guteza imyidagaduro yo mu Rwanda. Ni Nyabugogo, etage iri ku muhanda uzamuka werekeza ku isoko rya Kimisagara. Aha naho barakora bugacya nta kibazo cy'amasaha bajya bahura nacyo.

6. Amariah Villa

Aka ni akabari gashya kari mu karere ka Nyarugenge , mu murenge wa Nyamirambo ahazwi nko mu Miduha. Bazwiho kugira inyama zirimo:Ikidari, ihene irimo umuceri,imishishito, ragoux de chevre n'izindi. Haba abahanga mu kuvanga umuziki nka Tasha The Dj na Dj Black.

Kuri uyu wa Gatandatu hateganyijwe Silent Disco. Ni ahantu hatuje kandi heza ku bifuza gusohokera ahantu hatari akavuyo.

7. Kikac Loung

Aka ni akabari gafite umwihariko w'ibiryo byitiriwe abafite amazina mu myidagaduro yo mu Rwanda nka Fayzo. Hari kandi inyama bise Mignone. Ni ahantu ushobora kujya ukahahurira n'ibyamamare mu ngeri zitandukanye yaba abahaje kuhafatira rimwe cyangwa se kuhafatira amafunguro arimo Kawunga dore ko bazi kuyiteka. 

Abarimo Mico The Best, Niz Beat, abahanzi, abakinnyi ba filimi, abanyamakuru b'imyidagaduro, n'abandi bakunze kuba ariho bafatira icyo kunywa no kurya. Ariko rero bagira Sauna na Massage biri mu bikurura abantu b'ingeri zitandukanye. 

Aka kabari gaherereye mu Nyakabanda ahazwi nka Skol cyangwa se kuri Contineri. Ni akabari ka abashinzwe inyungu za Bwiza mu muziki. Ni Claude uhujimfura na Dr Kintu usanzwe areberera inyungu za Bebe Cool mu Rwanda no mu karere.

8. Cadillac Night Club

Aha ni hamwe mu hantu hari mu mujyi wa Nyarugenge hagati. Aka kabyiniro gakorera mu nyubako za KIC, Ground Floor. Abahanga mu kuvanga imiziki barahasimburana ariko by'umwihariko Dj Marnaud akunze kuba ariho akorera buri wa Gatandatu. Ni kamwe mu tubyiniro twihagazeho tugendwamo n'abakoze ikofi.

Mu nkuru itaha tuzareba utundi tubari twiza abanyakirori bakwiriye gusohokeramo.

Ku mugoroba w’uyu wa Gatandatu tariki 26 Kanama 2023 ni bwo Shalom choir yashyize mu Mwuka abakunzi bayo n’ab’indirimbo zo kuramya no guhimbaza Imana muri rusange, ibagezaho indirimbo nshya “Yasannye umutima” ifite iminota 9 n’amasegonda 22. 

Ni indirimbo yakozwe na Nicolas mu buryo bw’amajwi, amashusho akorwa na BJC Official. Baterura bagira bati “Muze mwese turirimbire Uwiteka, duhanike amajwi tuvuge ibyiza yadukoreye. Yasannye umutima wanjye ugiye gusenyuka, ndabyibutse, mutima wanjye we turagara uririmbe”.

Aba baririmbyi basohoye iyi ndirimbo mu gihe bari kwitegura igitaramo bise “Shalom Gospel Festival” kizaba tariki 17 Nzeri 2023 muri BK Arena aho kwinjira ari ubuntu ku bantu bose. Bazaba bari kumwe na Israel Mbonyi ukunzwe cyane mu ndirimbo “Tugumane”, “Ndashima” na “Nina Siri”.

Shalom choir izataramana na Israel Mbonyi muri BK Arena mu minsi micye iri imbere

Shalom choir bamamaye mu ndirimbo zitandukanye zirimo: ‘Nzirata Umusaraba’, ‘Nyabihanga’, ‘Abami n’Abategetsi’, 'Uravuga bikaba, 'Umuntu w'imbere', 'Mfite Ibyiringiro', 'Ijambo Rirarema', 'Icyizere', 'Nduhiwe' n'izindi. Bafatirwaho icyitegererezo n’amakora menshi yo mu Rwanda. 

Aba baririmbyi b’abahanga cyane bamaze kwesa uduhigo twinshi mu muziki wa Gospel. Bazwiho gukora ibitaramo bihambaye. Nyuma yo gukora igitaramo gikomeye muri Kigali Convention Center mu 2018, kuri ubu bagiye gukora ikindi cya rurangiza kizabera muri BK Arena.

Korali Shalom yashinzwe mu mwaka wa 1986, itangira ari korali y'abana bato biganjemo ababarizwaga mu ishuri ryo ku cyumweru. Iyi korali igitangira yitwaga korali Umunezero, icyo gihe muri ADEPR Nyarugenge hari korali nkuru imwe ariyo Hoziyana.

Mu 2016, Korali Shalom yamuritse umuzingo wa mbere w'indirimbo z'amajwi n'amashusho.Hari nyuma y'imyaka 30 yari imaze ibonye izuba. Byumvikanisha ko mbere yaho, yari isinziriye mu bikorwa by'umuziki, ariko kuva mu 2016 Shalom yahaguruse ihagurutse!

Mu 1986, ubwo abari bayigize bari bafite imyaka iri hagati ya 15-17, yaje kuba korali y'urubyiruko, icyo gihe muGakiriro (hahozwe hitwa muGakinjiro) haza indi korali yitwaga korali Cyahafi kuri ubu yitwa Baraka ari nayo yahise iba iya kabiri.

Mu 1990 baje kwemererwa n’itorero ryabo kwitwa izina, bahita biyita Shalom choir. Kuri ubu korali Shalom ni korali ikunzwe cyane i Nyarugenge ndetse no mu gihugu hose muri rusange. Ibi bigaragarira mu bitaramo bakora, ibyo bitabira n’indirimbo zabo bashyira hanze.

Bazwi kandi mu bikorwa by’ivugabutumwa mu bikorwa bakunze gukorera hirya no hino mu Rwanda. Bimwe muri ibyo bikorwa bakunze kukora mu ibanga bagafasha abatishoboye, ariko ntibitangazwe mu itangazamakuru.

Shalom choir, niyo korali rukumbi yo muri ADEPR yakoreye igitaramo mu nyubako ihenze mu Rwanda ariyo Kigali Convention Center. Ni igitaramo cyabaye tariki 12/08/2018 gihembukiramo imitima ya benshi. Cyaritabiriwe bikomeye mu gihe kwinjira byari ukugura Album yabo nshya.

Nyuma y'imyaka itanu bakoze iki gitaramo na n'ubu kikirahirwa mu muziki wo kuramya no guhimbaza Imana, kuri ubu Shalom choir bageze kure imyiteguro yo gukora ikindi gitaramo gikomeye bazakorera muri BK Arena, inyubako yakira abantu barenga ibihumbi icumi.

Chorale de Kugali niyo yabimburiye andi makorali gutaramira muri iyi nyubako, hari muri Covid-19. Shalom choir ibaye iya mbere muri ADEPR yanditse amateka yo gutaramira nuuri iyi nzu. Abandi baririmbyi bayikoreramo igitaramo ni James na Daniella, Chorale de Kigali na Israel Mbonyi wahataramiye kuri Noheli ishize.

REBA INDIRIMBO NSHYA “YASANNYE UMUTIMA” YA SHALOM CHOIR

Kuri uyu wa Gatandatu imikino yo ku munsi wa 3 muri Premier League yakomeje gukinwa. Uwabaye mbere ni uwo Tottenham Hotspur yatsindagamo AFC Bournemouth ibitego 2-0 byatsinzwe na James Maddison ndetse na Klusevski 

Saa kumi zuzuye ni bwo imikino 2 yarI itegerejwe na benshi yabaye. Manchester United yamunukaga mu kibuga na Nottingham Forest kuri Old Trafford.

Nottingham Forest yatangiye umukino imeze nabi kubera ko mu minota 4 gusa yari imaze gutsinda ibitego 2, kimwe cyatsinzwe na Taiwo Awoniyi naho ikindi cyatsinzwe na Willy Boly.

Nyuma y’iminota micye rutahizamu wa Manchester United, Marcus Rashford yaje kwishyuramo 1 ku mupira mwiza yari ahawe na Eriksen.

Mu gice cya kabiri ikipe y’amashitani atukura yakinnye ishaka kwishyura ku bubi no ku bwiza ndetse biza no kuyihira ibona n’igikora itandukaniro. Kuwa 52 Casemiro yatsinze icya 2 naho kuwa 76 Bruno Fernandes atsinda icya 3 kuri penariti.

Umukino warangiye Manchester United yegukanye itsinzi y’ibitego 3-2.

Undi mukino nawo wabaga saa kumi zuzuye nuwo Arsenal yari yakiriyemo Fullham, gusa byaje kurangira iyi kipe yamamaza Visit Rwanda bitagenze neza ibura amanota 3.

Fulham yayihambiyeho banganya ibitego 2-2. Ku ruhande rwa Arsenal byatsinzwe na Eddie Nketiah ndetse Bukayo Saka kuri penariti, naho ibya Fulham bitsindwa na Pereilla ndetse na Palhinha.

Manchester United yakuye amanota 3 mu menyo ya rubamba 

Arsenal yabuze amanota 3 inganya na Fulham 

Iyi ndirimbo yasohotse ku wa 29 Gicurasi 2023. Amakuru avuga ko yatanzweho arenga Miliyoni 15 mu ikorwa ry’ayo, ndetse n’abantu bifashishijwe bagaragaramo.

Yakorewe ku Kibuye, kandi iri kuri shene ya Youtube ya Element. Bigaragara ko yanditswe bigizweho uruhare na Element, Ross Kana, Bruce Melodie ndetse na Junior Rumaga.

Bamwe mu bantu bazi neza umuziki bavuga ko kuri Youtube iyo indirimbo ihuriweho n’abahanzi, izina ribanza ku kirango cy’ayo biba bivuze ko ariwe nyirayo. Kuri Youtube izina ritangira ni Element- mu gisobanuro cy’umuziki ni iye.

Kuva iyi ndirimbo yasohoka Element na Ross Kana, buri umwe yakunze kumvikana mu itangazamakuru avuga ko ari iye, bikomeza gushyira benshi mu rujijo.

Mu kiganiro aherutse kugirana na Isibo Tv, Ross Kana yashimye Label ya 1:55 AM avuga ko yari akeneye cyane indirimbo ‘Fou de Toi’ kurusha uko Bruce Melodie na Element bari bayikeneye. 

Ati “Numva ko nari nkikeneye cyane kurusha aba ngaba. Kuko aba ngaba basanzwe bakora imiziki, bazwi bafite imbuga zinakomeye.”

Ross Kana yashimangiye ko iyi ndirimbo ari iye, kuko ariwe wateye intambwe ya mbere ajya kureba Element amusaba ko yayimukorera.

Uyu musore yavuze ko ubwo bari muri studio iyi ndirimbo bayinogereje bashyiramo gitari ndetse na ‘melodie’ zatumye indirimbo iryoha kurushaho cyane cyane mu gitero cya kabiri.

Kuri, Ross Kana gukora n’aba bahanzi yasanze mu muziki ‘ni amahirwe’. Ati “Birangira ‘Fou de Toi’ ibaye.

Aba bahanzi bombi baherutse kuririmba mu gitaramo umusizi Rumaga yamurikiyemo album ye ya mbere cyabereye muri Camp Kigali.

Element niwe wabanje ku rubyiniro aririmba indirimbo ye 'Kashe', nyuma ahamagara mugenzi we Ross Kana baririmbana indirimbo 'Fou de Toi'.

Mu gitaramo, Bruce Melodie yaririmbyemo cya Giants of Africa yakoreye muri BK Arena, yahamagaye ku rubyiniro Element baririmbana iyi ndirimbo,.

Icyo gihe Ross Kana ntiyabonetse ku rubyiniro yari guhuriraho n'aba bombi. Yumvikanye avuga ko yagize gahunda zatunguranye zatumye atabasha kwifatanya na bagenzi be.

Ross Kana avuga ko indirimbo ye ‘Fou de Toi’ iri mu zatumye ahindura izina ava ku kwitwa ‘Rubangura’ yakoreshaga mbere akinjira mu muziki afashwa na Murindahi Irene.

Uyu musore yavuze ko muri we yumvise ko izina ‘Rubangura’ ritamucururiza nk’uko yabishakaga. Ati 'Byabaye ngombwa ko nshaka irindi zina. Ku bw'amahirwe ndaribona rero.' Ross Kana bisobanuye 'Ifarashi y'imbaraga'.

Ku wa 23 Kanama 2023, Producer Element yari mu rubyiruko barenga ibihumbi bibiri bitabiriye inama ya YouthConnekt bizihiza imyaka 10 ishize iyi gahunda igira uruhare mu guhindura imibereho y’urubyiruko.

Ubwo yari ahawe ijambo ngo aganirize urubyiruko, Element yatangiye aririmba indirimbo ‘Fou de Toi’ akomerwa amashyi.

Uyu musore w’imyaka 23 y’amavuko yavuze ko ataragera ku 10% ry’ibyo yifuza kugeraho mu buzima bwe. Avuga ko kuva mu 2020 ari bwo yinjiye ku rutonde rw’abatunganya indirimbo.

Element yavuze ko aherutse gusohora indirimbo ‘Fou de toi’ imara iminota ine, kandi ko yayikoze mu 2021. Ati “(Yari) Imaze imyaka ibiri muri studio. Ibyo byose bisaba kwihangana, kandi ubu iyo ndirimbo ni umwe mu zikunzwe cyane muri East Africa’.

Ukurikije imvugo yakoresheje, yumvikanishije ko iyi ndirimbo 'Fou de Toi' ari iye ntawundi bayifatanyije, bitandukanye n'ibyo Ross Kana aherutse gutangaza.

Umwe mu ba Producer yabwiye InyaRwanda ko 'hari uburenganzira bw’uwakoze igihangano n’uwakiririmbyemo'.

Imwe mu nyandiko iri kuri internet ivuga ko igihe cyose Producer atagize uruhare mu kwandika indirimbo nta burenganzira aba ayifiteho.

Muri iyi nyandiko bavuga ko iyi Producer yafatanyije n'umuhanzi kwandika indirimbo kuva mu ntangiriro y'ayo kugeza irangiye, Producer aba ayifiteho uburenganzira.

Umwe mu ba Producer bakorera InyaRwanda we yifashishije urugero yagize ati 'Urugero, umuhanzi ashobora kuzana igihabngano, studio ikamuca nk'ibihumbi 300 Frw. Hanyuma we akavuga ko yabona ibihumbi 100Frw.'

'Icyo gihe barumvikana. Niba itegeko rigena nka 30% rya producer mu gihe umuhanzi yishyuye igiciro cyose, ubwo Producer ashobora kuvuga ati aha rero nzafata 50%.'

'Hakaba n'umuhanzi ushobora kuza akavuga ati njyewe ndishyura uburenganzira bwose bw’igihangano cyanjye. Aha Producer ashobora kuvuga ati ishyura Miliyoni 10 Frw, ubundi turangizanye. Icyo gihe ntacyo Producer azabaza nyuma

Yavuze ko kuri Element na Ross Kana bitandukanye kuko 'yanaririmbyemo (Producer Element aririmba muri 'Fou de Toi)'. Ati 'Aha biraturuka ku bwumvikane bw’abo bombi.' 

Element na Ross baherutse guhurira mu gitaramo cya Rumaga baririmbana indirimbo 'Fou de Toi'

Element na Bruce Melodie baherutse guhurira ku rubyiniro baririmbana indirimbo 'Fou de Toi'

Ross Kana yumvikanye kenshi avuga ko indirimbo 'Fou de Toi' ari iye, ko kuyikorana na Element na Bruce Melodie ari iby'igiciro kinini

Element yumvikana avuga ko iyi ndirimbo ari iye- Iri kuri shene ye ya Youtube

KANDA HANO UREBE ELEMENT ASHIMANGIRA KO INDIRIMBO 'FOUDE TOI' ARI IYE

 “>

KANDA HANO UREBE AMASHUSHO Y'INDIRIMBO 'FOU DE TOI'

  “>

REBA KU MUNOTA WA 25' ROSS KANA AVUGA KO INDIRIMBO 'FOUDE TOI' ARI IYE