Category: Uncategorized

Ku gicamunsi cyo kuri uyu wa Kabiri nibwo APR FC ihagurukana mu Rwanda yerekeza mu Misiri gukina na Pyramids FC.

Ni mu mukino wo kwishyura wa CAF Champions League mu ijonjora rya kabiri aho uzaba ku wa Gatanu tariki ya 29 Nzeri 2023.

Ku isaha ya saa 16h nibwo APR FC ihaguruka ku kibuga cy’Indege Mpuzamahanga cya Kigali i Kanombe aho biteganyijwe ko banyura Addis Ababa muri Ethiopia bari bugere saa 19h30′, bahahaguruke saa 22h02′ bazagere mu Misiri mu rukerera rw’ejo ku wa Gatatu saa 02h20′.

Umukino ubanza wabereye mu Rwanda tariki ya 17 Nzeri amakipe yombi yanganyije 0-0, kugira ngo APR FC igere mu matsinda ya CAF Champions League irasabwa gutsinda cyangwa kunganya birimo ibitego.

APR FC iyobowe na Lt Col Richard Karasira uri bugende akuriye delegasiyo, yahisemo guhagurukana abakinnyi 25 hasigaye Nsengiyumva Ir’shad kubera imvune.

Abakinnyi 26 APR FC ihagurukana

Abanyezamu: Pavelh Ndzila, Ishimwe Pierre na Mutabaruka Alexandre

Ba Myugariro: Omborenga Fitina, Ndayishimiye Dieudonne, Niyomugabo Claude, Ishimwe Cristian, Niyigena Clement, Buregeya Prince, Nshimiyimana Yunusu na Salomon Charles Bienvenue Banga Bindjeme

Abakina Hagati: Rwabuhihi Aime Placide, Ruboneka Bosco, Taddeo Lwanga, Nshimirimana Ismail Pitchou, Sharif Eldin Ali Shaiboub, Apam Asongue, Ndikumana Danny, Niyibizi Ramadhan, Kwitonda Alain Bacca na Niyonshuti Hakim Mubarakh

Ba Rutahizamu: Mugisha Gilbert, Nshuti Innocent, Bizimana Yannick na Victor Mbaoma

Umuhanzi Nyarwanda Mugusha Benjamin [The Ben] yahaye umugore we Uwicyeza Pamela impano y’imodoka ihenze yo mu bwoko bwa Ranger Rover.

Ni mbere y’amasaha make ngo The Ben ahaguruke mu Rwanda yerekeza mu Burundi aho afite ibitaramo 2, tariki ya 31 Nzeri na 1 Ukwakira 2023.

Mu ifoto yashyize ku rukuta rwe rwa Instagram amaze kumuha imodoka, The Ben yabwiye Pamela ati “ukwanga nzamwanya”, Pamela na we yahise aza aramubwira ati “nkunde ugukunda.”

The Ben na Pamela ni umugore n’umugabo kuva tariki ya 31 Kanama 2022 ubwo basezeranaga imbere y’amategeko mu Murenge wa Kimihurura mu Karere ka Gasabo mu Mujyi wa Kigali.

Ni igitaramo bavuga ko giteguranywe umwimerere ndetse n'ubuhanga bise 'Akanigi kanjye' bazakora ku wa 26 Ugushyingo 2023 muri Kigali Conference and Exhibition Village ahazwi nka Camp Kigali.

Iri torero riteguye igitaramo cy'abo muri uyu mwaka, mu gihe baherutse gutanga ibyishimo mu iserukiramuco Hill Festival baririmbyemo cyabereye muri Canal Olympia ku i Rebero mu Mujyi wa Kigali.

Muri uyu mwaka kandi bagiye bacyesha ibirori cyane cyane iby'ubukwe n'ibindi bagiye batumirwamo.

Intayoberana ni itorero ndangamuco rigamija gusigasira umuco w'u Rwanda binyuze mu mbyino n'indirimbo gakondo, bahanga iby'umwimerere ndetse no kubitoza abato.

Umuyobozi w'Itorero Intayoberana, Sangwa Kayigemera Aline yabwiye InyaRwanda ko ibi biri mu mpamvu nyamukuru zatumye bategura iki gitaramo cyane ko buri mwaka baba bagomba gutaramira Abanyarwanda 'tugakumbuza abakunda umudiho gakondo wacu ufite ubudasa ku Isi hose'.

Yavuze ko iki gitaramo bacyise 'Akanigi kanjye' kubera 'ibizawugaragaramo ndetse n'igisobanuro cyawo abazitabira igitaramo bahishiwe'.

Akomeza ati 'Ni igitaramo kizagaragaramo abakuru n'abato mu mukino w'ubuhanga 'Akanigi kanjye' ibindi byose ni agaseke k'ibyiza bihishiwe abazitabira iki gitaramo, aho bazasobanukirwa neza iby'iyi nkuru mu mukino 'Akanigi kanjye'.

Umunyamuziki Rugamba Sipiriyani wishwe muri Jenoside yakorewe Abatutsi yasize indirimbo zirenga 400 zirimo n'indirimbo yise 'Akanigi kanjye'. Muri iyi ndirimbo hari aho baririmba bati 'Ntaye akanigi kanjye mama yandaze ashaje. Sinzi aho kazimiriye, ndakabaroga. Navuye iwacu nkanigirije. Nizihiwe n’abandi barabivuga. None aho kazimiriye sinahamenye. Ntaye akanigi kanjye. Niba ubu ntakabonye, nziyahura.'

Agakomeza ati 'Namwe abahita mwese muramenye. Ntimukomeza kugenda birakomeye. Muhagarare se mbaze nshake akanigi kanjye. Mwikore tugashake karaboneka. Mureke imilimo yindi. Kugeza nkabonye, karayiruta. Ntaye akanigi kanjye.'

Ku wa 25 Ukuboza 2022, Intayoberana bahuje amagana y'abantu mu gitaramo bakoreye ahahoze ari kuri L'Espace bise 'Igitaramo Iwacu'. Bakoze iki gitaramo mu rwego rwo kuzahura uburyohe bwo gutarama, gusabana no gukunda.

Mu myaka itanu ishize, ubwo ni ukuvuga mu 2018, Intayoberana bakoze igitaramo gikomeye bisunze umukino bise “Twambaye ikirezi”, aho bagaragaje ibyiza bigize umuco w'u Rwanda n'ubudasa bwawo mu ruhando Mpuzamahanga.

Umuhanzi wagwije ibigwi mu muziki w'u Rwanda, Mariya Yohanna uri mu bitabiriye iki gitaramo, icyo gihe ahawe ijambo yashimye Sangwa Aline ku bwo gukomeza gutoza iri torero. Kandi ntiyacitse intege n'igihe ibintu bitari bimeze mu buzima, yanashimye kandi umugabo we Nick wamamaye muri filime City Maid.

Mariya yavuze ko icyamushimishije muri iki gitaramo kurushaho ni uko babonye abo bazasigira gusigasira umuco.

Uyu mubyeyi w'inganzo, yavuze ko Sangwa agifite byinshi byo gukora no gutanga, ashingiye ku myaka ubu agejeje. Ati 'Uko uri kose Imana ikugirire neza. Kandi izagukomereze. Murakoze.'

Yabwiye abakobwa b'itorero Intayoberana ko babyina neza, kandi bafite umurindi. Abashishikariza kujya babyina baseka, kuko iyo umubyinnyi aririmba aseka n'ubwo yabyica bidapfa kugaragara.

Mariya yabwiye abasore b'Itorero Intayoberana ko ari intore byahamye koko. Kandi buri gihe abona abasore bagira ishyaka cyane kurusha abakobwa.

Ati 'Abahungu babarusha gushimisha abantu. Mukomereze aho, ni byiza gusa.' Yanabwiye Sangwa Aline ko bazakomeza kumushyigikira uko bashoboye. 

Inkuru wasoma: Babavuze imyato! Intayoberana banyuze abitabiriye igitaramo, bemererwa inkunga yo gukomeza guteza imbere umuco 

Intayoberana batangaje ko ku wa 26 Ugushyingo 2023 bazakora igitaramo bise 'Akanigi Kanjye' muri Camp Kigali

 

Mu Ukuboza 2022, Intayoberana bakoreye igitaramo ahahoze ari L'Espace batanga ibyishimo kuri benshi 

Buri mwaka, Intayoberana bakora igitaramo mu rwego rwo gusigasira umuco

Umuhanzi Mugisha Benjamin uzwi ku mazina ya The Ben ari mu myiteguro yo gukora igitaramo mu gihugu cy’u Burundi ku wa 30 Nzeri 2023 na 01 Ukwakira 2023.

Ni ibitaramo bizaririmbamo Lino G,Sat B na Big Fizzo b'i Burundi biyongeraho Bushali, Babo, Shemi, DJ Diallo na DJ Lamper, bazaturuka i Kigali na Romy Jons usanzwe ari DJ wa Diamond hakiyongeraho Lino G, umusore uri kuzamuka neza mu muziki w'u Burundi.

Nyuma yo kugera mu Burundi baherekejwe na Muyoboke Alex, The Ben yashyize hanze amashusho agaragaza imodoka y’umuturika yahaye Uwicyeza Pamella. Ni imodoka yo mu bwoko bwa Ranger Rover.

Ubutumwa yaherekesheje aya mashusho,  The Ben yagize ati “Ukwanga nzamwanga”, arenzaho n’akamenyetso k’umutima mu rwego rwo kugaragaza urukundo akunda Pamella.

Uwicyeza Pamella akurikiye Yolo The Queen mu bakobwa baheruka guhabwa impano ya Ranger Rover aho Yolo The Queen aheruka guhabwa imodoka na Harmonize wamwihebeye.

Pamella yatangiye kuvugwa mu rukundo na The Ben hanyuma mu mwaka wa 2021. The Ben yamwabitse impeta yirenza imyaka ibiri ntacyo yari yibwira. Ku wa 31 Kanama 2023 The Ben yasezeranye mu murenge na Pamella. Ubu hategerejwe gusaba no gukwa no gusezerana imbere y’Imana.

The Ben yahaye impano y’imodoka yo mu bwoko bwa Ranger Rover umukunzi we Pamella

Nta kintu kiryohera umufana nko kwitabira igitaramo kirimo umuhanzi akunda, amarangamutima ya muntu usanga ahanini ari yo amukururira kujya kwihera ijisho umuhanzi akunda, n’iyo byaba bihenze kwinjira mu gitaramo yakoze usanga yigomwa amafaranga yose yashyizweho mu kwinjira mu gitaramo.

Muri iyi minsi hirya no hino muri Afurika ndetse no mu Rwanda, hamaze iminsi hakora ibitaramo bihenze kubyinjiramo. Abahanzi nyafurika barimo Burna Boy, Wizkid na Davido bari mubari guca akayabo mu kwinjira mu bitaramo byabo, ariko sibo gusa kuko urebye no hanze ya Afurika benshi mu byamamare usanga baca akayabo mu bitaramo byabo.

Hari abahanzi cyane cyane b'ibyamamare ku isi, bakora ibitaramo bihenze cyane kubyitabira. Muri iyi nkuru, reka turebe abahanzi 10 biganjemo abafite amazina akomeye ku isi bakora ibitaramo bihenze mu kubyitabira n'amafaranga bakunze guca kwinjira mu bitaramo byabo dore ko ubyinjiramo aba ari wa muntu usanzwe atunze agatubutse.

1. Beyonce 

Icyamamarekazi Beyonce Knowles Carter, niwe uza ku mwanya wa mbere mu bahanzi bakora ibitaramo bihenze. Kuba adakunze gukora ibitaramo cyane usanga iyo abikoze aca amafaranga menshi kandi ugasanga benshi babyitabiriye.

Kwinjira  mu bitaramo bya Beyonce ahanini byihagazeho kuko usanga aba ari amadorari kuva 622 ($622) kuzamura. Azwiho kandi mu gitaramo yigeze gukora kitwa ‘Mrs. Carter Show World Tour’ cyabereye i Las Vegas, aho itike ihenze cyane yari amadorari 764, byari ibitangaje kwinjira kandi abantu benshi ibihumbi n'ibihumbi barakitabiriye.

Kugeza ubu Beyonce niwe munyamuziki ku isi winjiza amafaranga menshi mu bitaramo bitewe nuko biba bihenze kandi akuzuza sitade aba yakoreyemo.

 Muri Gicurasi uyu mwaka, ubwo yatangizaga ibitaramo arimo bizenguruka isi yise ‘Rennaissance World Tour’, aho yahereye mu gihugu cya ‘Sweden’ agateza izamuka ry’ibiciro bitewe nuko amahoteli, resitora, utubyiniro n’ahandi ho kwidagadura hari hahenze. BBC yatangaje ko izamuka ry’ibiciro ryabaye mu gihe cy’iminsi 3 bitewe n’ibi bitaramo. Ibi bahise babyita ‘Beyonce’s Effect’.

2. Lady Gaga

Lady Gaga afata umwanya wa kabiri nk'umuhanzikazi uhenze cyane kubona itike yo kwitabira igitaramo cye. Ni umuhanga udasanzwe ukora ibitangaza ku rubyiniro. Lady Gaga, kugura itike ye y’igitaramo cye ni amadorari 420.49, muri iyi mpeshyi ishize ni ko byari bihagaze.

3. Celine Dion

Umunyabigwi Celine Dion, w'imyaka 55 y'amavuko, kuva mu mwaka wa 1990, aracyakora amateka ku isi muri muzika. Indirimbo ze zo kuva mu 1990 kugeza mu 1997 ziracyakora ku mitima ya benshi, nk'indirimbo yitwa 'The Power Of Love' na 'My Heart Will Go On'. Kuva yakwamamara ku isi kugeza amagingo aya, Celine Dion azi neza agaciro ke n'uburyo ahenze, kwitabira igitaramo cye ni amadorari 354.98.

4. Justin Timberlake

Uyu muhanzi yamenyekanye ubwo yari mu itsinda ryari rikunzwe cyane rya N-Sync, iri tsinda yarimazemo imyaka 7, aza kujya mu itsinda ry'umuziki ryitwa Jawbreakers, yaje gufata umwanzuro wo kuririmba ku giti cye, maze yigarurira abakunzi bakunda amatsinda yanyuzemo. Kubera kwigarurira imitima ya benshi byatumye ahenda igitaramo cye, mu bitaramo yagiye akora kwinjira ku muntu umwe amake ni $ 339.

5. P!nk

Uyu mugore, ni icyamamare muri Leta Zunze Ubumwe za Amerika, azwiho kubyina cyane, akaba n’umwanditsi w'indirimbo. Alecia Beth Moore (P!nk) w'imyaka 44 y'amavuko, ijwi rye ry’ikigereranyo ni ikintu abafana bahora basakuza ngo bumve. Kujya mu gitaramo cye birahenze cyane aho itike iba ari amadolari 270.

6. Katy Perry

Katy Perry, kubera ijwi rye ryahogoje benshi cyane, bituma aba Umunyamwerika ukunzwe cyane kandi w'umunyabigwi muri muzika. Ibitaramo bye hafi ya byose aririmbamo uburyo bwa Live. Ni umuhanga cyane mu miririmbire ye ya Live, ibi bituma itike ye ihenda cyane ku muntu umwe. Itike iba ihenze ku giciro cya $ 243.

7. Elton John

Umuhanzi w'umunyabigwi, umucuranzi kabuhariwe wa Piano, Umwongereza, Sir Elton John w’imyaka 76, mu mwaka ushize yarimo kuzenguruka isi. Rwari urugendo rwe rwa nyuma mu muziki mu buzima bwe. Kubera gukundwa kwe itike y'igitaramo cye igurwa $189.12.

8. Ariana Grande

Uyu muhanzikazi ari mu bakunzwe ku isi. Ariana Grande w'imyaka 30 y'amavuko, kubera kwigarurira imitima ya benshi bakunda umuziki we, usanga agurisha itike mu gitaramo cye ingana n'amadolari 187.88.

9. Shawn Mendes

Ku myaka 25 y'amavuko, Shawn Mendes, kwinjira mu gitaramo cye birahenze cyane, ni umuhanzi akaba n'umwanditsi ukomoka muri Canada. Kwitabira igitaramo cy'uyu musore, nibura wishyura igiciro cy'amadorari 158.47. Mendes yabaye icyamamare ku isi yose, agurisha ibitaramo aho anyuze hose uko azamuka mu ntera ya pop kugira ngo abe umwe mu mazina akomeye mu nganda za muzika.

10. Backstreet boy

Backstreet Boys, ni itsinda rikunzwe cyane ku isi cyane cyane muri Leta Zunze Ubumwe za Amerika. Ryatangiye kwigaragaza kuva mu 1993. Ni itsinda rigizwe n'abasore 5, ari bo; Nick Carter, Howie Dorough, AJ McLean, Cousins Brian Littrell na Kevin Richardson. Gukundwa kwabo kwatumye bihesha agaciro. 

Ahanini kwinjira mu gitaramo bakoze ni impuzandengo y'ikigereranyo cy'amadorari $ 149.24. Iri tsinda ryashyizeho igiciro cy'amatike menshi ku bakunzi baryo ku bitaramo byinshi bakoze, yari ariya amafaranga kwinjira ku muntu umwe.

Uretse kuba wabona akazi kaguhemba neza, ushobora nawe kwihangira imirimo mu gihe gito. Nk'urugero rworoshye ni uko nyuma y'amahugurwa uwaba yarakurikiye neza amasomo, ashobora kuba yakwinjiza byibura 300,000 Frw buri kwezi. Akora nibura amasaha 5 yonyine ku munsi.

Ubuvuzi bwa Massage butanga inyungu nyinshi ku bantu, harimo kuruhuka, kugabanya imihangayiko, kugabanya ububabare, no kumererwa neza muri rusange. Kuboneka kw’abakozi ba Massage bigishijwe mu Rwanda byakomeje kugorana kugera kuri iyi serivisi.

Mu gushyiraho ikigo cyabigenewe, Ahupa Business Network Ltd irashaka guca icyuho no guteza imbere abakozi bafite ubumenyi mu buhanga bwa Massage kandi babifitiye Certificate.

Ahupa Business Network Ltd itanga gahunda yuzuye yo guhugura massage ikubiyemo ubumenyi n’ubuhanga, ubumenyingiro, hamwe n’imyitwarire ya kinyamwuga. 

Amahugurwa yagenewe kwakira abifuza gukora muri uwo mwuga wa Massage cyane cyane abasanzwe bawukora nta certificate bafite n'urubyiruko muri rusange rwarangije amasomo rukaba nta mirimo rufite. 

Ku bifuza kubikora nk'umwuga, no guhugura abifuza kuba bayikorera abana babo cyangwa abo bashakanye, amasomo azajya atangwa mu mpera z'icyumweru (Kuwa Gatandatu no ku Cyumweru).

1. Amahugurwa y’ibyumweru bibiri (amasaha 20): Iyi gahunda yo guhugura cyane imara ibyumweru bibiri, uyitabira akishyurwa amafaranga 82.800 Frw.

2. Amahugurwa y’icyumweru kimwe (amasaha 10): Ni uburyo buhuriweho na gahunda, amahugurwa y’icyumweru kimwe yemerera abantu kubona ubumenyi bw'ibanze bwa Massage bukenewe mu gihe gito. Igiciro cy’iyi gahunda ni 41.400 Frw.

3. Isomo ryihariye rya Wikendi: Ku bafite gahunda z’akazi z’icyumweru, bahabwa amahugurwa yo muri Wikendi ku giciro cya 31.050 Frw. Ibi bitanga amahirwe ku bantu kwiga no kwitoza tekinike ya Massage bitabangamiye ibyo basanzwe bakora.

Uburyo wakwiyandikishamo:

Kwiyandikisha muri gahunda yo kwihugura mu gukora Massage, abantu babyifuza bashobora kwiyandikisha binyuze ku rubuga rwa www.somacash.com. Kwiyandikisha, bisaba amafaranga 20.700 Frw cyangwa kujya ku biro bya Ahupa Business Network Ltd biri muri Centenary House mu igorofa ya 2.

Abitabiriye amahugurwa bashobora guhitamo hagati y’ubwoko bubiri bw’amasomo: Amasomo n’amahugurwa bizajya bibera muri Centenary House. Ndetse ababyifuza bashobora gukurikirana amahugurwa kuri murandasi (Online).

Iyo gahunda yo guhugura iyo irangiye neza, abantu bunguka ubumenyi bukenewe kugira ngo batange serivise za Massage. Nyuma yo kumenya gukora ubuvuzi bwa Massage mu Rwanda, uwatojwe neza ashobora kwinjiza byibuze amafaranga 300.000 Frw buri kwezi. 

Ayo mafaranga yinjiza ashobora kugabanya ibibazo by’umuntu ndetse akanamukingurira amarembo y’andi mahirwe muri sosiyete.

Gukora amahugurwa ya Massage na Ahupa Business Network Ltd ni uburyo bufasha kugira abantu bafite ubumenyi bukenewe, atari serivisi za Massage z’umwuga gusa ahubwo “tunatanga amahirwe yo kubyara inyungu ku bashaka kwinjira muri uyu mwuga”. Abarimo kwiyandikisha muri iyi minsi bakaba bazatangira amasomo ku itariki 16 Ukwakira 2013.  

Ku bindi bisobanuro mwahamagara 0788676458 cyangwa 0788527956.

Hashize amezi agera kuri abiri, Sitade y’Akarere ka Muhanga itangiye kuvugururwa, aho igomba kujya ku rwego rushimishije ndetse runyura abayikoresha. Iyi sitade isanzwe ikoreshwa n’ikipe ya As Muhanga yakiriraho imikino yayo nubwo kuri ubu iri gukina icyiciro cya kabiri.

Bimwe mu bikorwa birikuvigurwa, harimo; guushyiramo intebe zigezweho abafana bazajya bicaraho, kuvugurura no kongera gusana aho abakinnyi bicara, gushyira utubati n’ibindi bikoresho mu rwambariro, gusiga amarangi muri bimwe mu bice bidasa neza ndetse no kubaka igisenge mu myanya y’icyubahiro kugira ngo abahicaye batazongera guhura n’imvura.

“>Umuyobozi w’Akarere wungirije, bwana Mugabo Gilbert, aganira na InyaRwanda yavuze ko ibikorwa bisa naho biri kugana ku musozo. Yagize Ati” ibikorwa bigeze ahashimishije, twavuguruye mu rwambariro ndetse no mu bindi bice by’ikibuga, ubu igisigaye ni ukunoza neza imirimo, kuko iyi sitade ibamo abantu batari munsi y’ibihumbi 2000 basimburanwa mu kuyitaho. Navuga ko ibyo twateganyaga gukora bisa n’ibyarangiye, ubu igisigaye ni akazi ka buri munsi ko kuyitaho

Sitade ya Muhanga kuva COVID-19 yagera mu Rwanda, yakunze gukoreshwa cyane mu mikino ya shampiyona, harimo amakipe nka As Kigali na Kiyovu Sports, yahakiriye imikino ya shampiyona mu buryo bwo gusaranganya ibibuga.

Mbere aho abafana bicaraga hari igisima gusa nta ntebe zirimo, ariko kuri ubu, zamaze guterekwamo 

Aho abakinnyi basimbura bicara, naho hagomba kuvugururwa ndetse hagashyirwa n’intebe nshya 

Mu rwambariro naho harimo kwitabwaho

Abinyujije muri G&G Advocates ikunze kuburanira abakinnyi, Uwizeye Djafari ukina mu kibuga hagati, yatanze ikirego mu ishyirahamwe ry’umupira w’amaguru mu Rwanda, FERWAFA, arega ubuyobozi bw’ikipe ya Gorilla FC bwasheshe amasezerano mu buryo butubahirije amategeko nk’uko bigaragara mu nyandiko y’ikirego.

Uwizeye Djafari yageze mu ikipe ya Gorilla FC tariki 18 Kanama, ubwo yasinyiye iyi kipe amasezerano y’imyaka ibiri ari umukozi wayo. Ntabwo aya masezerano yaje kubahirizwa, kuko nyuma y’umwaka umwe w’imikino yaje guhabwa urwandiko rumusezerera mu kazi atabwiwe impamvu ndetse nta n’ibiganiro bagiranye. 

Uyu mukinnyi ukina imbere ya ba myugariro, yandikiye FERWAFA nk’uko bigaragara mu nyandiko, asaba indishyi zituruka ku gusesa amasezerano binyuranyije n’amategeko.

Uwizeye Djafari yageze mu ikipe ya Gorilla FC avuye muri Espoir FC ubwo yari azanwe na Gatera Musa wamotozaga no muri Espoir FC, akaba yaranyuze no mu makipe arimo Gicumbi FC na Amagaju FC. 

Urwandiko Uwizeye Djafari binyuze mu bamuhagarariye mu mategeko, yajyanye muri FERWAFA 

Urwandiko Gorilla FC yandikiye Uwizeye Djafari imusezerera ndetse inamwemerera kwishakira indi kipe

Uwizeye Djafari bivugwa ko yagize ikibazo cy’imvune ubwo umwaka w’imikino 2022-23 watangiraga, bigatuma Gorilla FC ihitamo kumukura mu mibare