Category: Uncategorized

Ndizize twagereranije na Thierry Froger, ni umugabo wari utuye i Mamfu kuri ubu hasigaye ari mu Karere ka Gatsibo. Uyu umugabo bivugwa ko yahageze avuye mu bice byari ibyo mu rukiga. 

Ndizize yinjiye umugore wari ufite ubutunzi buhambaye, aho yajyaga ajya mu bagabo akigamba uburyo yabasanze akabarongorana umugore ufite n’imitungo. Iyi nkuru yaje kugera ku mugore we biramubabaza cyane, byatumye atandukana na Ndizize, ari na ho hamuviriye izina Ndizize.

Tariki 18 Nyakanga uyu mwaka, ni bwo Thierry Froger yagizwe umutoza mushya wa APR FC mu gihe cy’umwaka w’imikino 2023-24. Uyu mutoza, yaje afitiwe icyizere ndetse agomba kugendana na gahunda y’abanyamahanga ikipe yari igaruye.

Nyuma y’amezi asaga abiri gusa, bisa naho akazi k’uyu mutoza mu ikipe y’igihugu z’igihugu katangiye gutokorwa. Mu ijiro ryo kuri uyu wa Kabiri, nibwo APR FC yanganyije na Bugesera FC igitego kimwe kuri kimwe mu mukino yaba abafana ndetse n’ubuyobozi bw’iyi kipe, binubiye imitoreze y’uyu mugabo ukomoka mu Bufaransa.

APR FC yari yabonye igitego hakiri kare ku munota wa 17, ku munota wa 88 yaje kucyishyurwa, byongera gusa neza n’ibitego imaze iminsi itsindwa.

Gukoresha igihato

Abantu bavukiye ahantu haba ubuhinzi cyane iri jambo bararyumva kuko ryanyuze mu matwi yabo. Akenshi umuhinzi ukoresha isuka, kugira ngo isuka ikomere kandi ikoreshwe yizewe, bisaba kuyishyiramo igihato.

Igihato ni igiti gisongoye mu buryo bw’ihwa aho kinjira mu isuka kiyiciye munsi, ubundi kigahoberana n’umuhini bikaba mahwi. Umuhinzi ufite isuka idafite igihato, n’ubwo kuyikoresha bisa naho bitakunda ni isuka yaguteza impanuka isaha n’isaha.

Utwo twuma ureba turi mu mwanya w’igihato, tukaba natwo dufunga isuka neza neza kugira ngo yisanishe n’umuhini

Umutoza Thierry Froger imitoreze ye yabuze igihato

Thierry Froger yasimbuye mu buryo burambye Mohammed Adil Erradi n’ubwo yari yarirukanwe hasigaye Ben.Adil yari umutoza ukanga ndetse ukina ibintu ubona wabasha gusobanura, ari yo mpamvu abafana batangiye kumwishyuza ubuyobozi.

Thierry yageze muri APR FC ahahurira n’abafana bari bamaze imyaka 4 begukana shampiyona ndetse ahasanga n’abandi bari bavuye mu buhungiro bari baragiyemo ubwo APR FC yahitagamo gukinisha abanyarwanda gusa.

Thierry aratera imibare yose ikamugarukira

Uyu mutoza rero ntabwo yaje ngo abe umucunguzi nk’uko aba bafana bose bari bamwiteze, ahubwo yatangiye kugaba ikipe uhereye ku mukino yatsinzwemo na Rayon Sports ibitego 3-0.

Amakosa nyamukuru uyu mutoza ashinjwa

Babe abafana, ubuyobozi bwa APR FC, abafana ba mucyeba Rayon Sports ndetse n’abanyamakuru, nta muntu utabona ko Thierry Froger ikipe ye ayitondeka nabi.

Muri ba myugariro amahitamo yamutesheje umutwe

Mu mikino itarenze 13 uyu mutoza amaza gutoza, amaze gukoresha mu mutima w’ubwugarizi abakinnyi 5. Ubusanzwe Thierry yatangiye akoresha Nshimiyimana Yunussu ndetse na Buregeya Prince aba bakinnyi mu gihe bagishakisha uko bamenyerana, yajyaga anyuzamo agashaka uko abakubaganira, byageze aho akoresha Taddeo Lwanga usanzwe ukina nka nimero 6.

Icyo gihe Salomon Charles Bienvenue Banga Bindjeme ukomoka muri Cameroon yari hafi aho, ndetse ku mukino APR FC yakinnyemo na Mukura uyu musore yagaragaje ko ari myugariro mwiza ndetse APR FC ikeneye bihoraho.

Buregeya Prince watangiye afite igitambaro cya kapiteni, kuri ubu ari ku gatebe nta nubwo agitekerezwa

Salomon Bienvenue yatangiye kujya amukinisha, ariko nk’ibisanzwe, ntabwo yamukinanaga imikino ibiri ataramwicaza mu buryo budafite impamvu. Niyigena Clement wari umaze igihe mu mvune yaje gukira, umutoza ati: “Nawe ngwino guhe wikinire”.

Clement ni umwe muri ba myugariro bari bahagaze neza mu myaka ibiri itambutse ndetse ntawashidikanya uruhare rwe mu kibuga mu gihe adafite imvune.

Salomon Bendjeme yeretse abantu icyo ashoboye

Clement amaze kuhagera umutoza yahisemo kumukoresha ari kumwe na Nshimiyimana Yunussu, gusa uko byagenda kose muri aba bakinnyi umwe yakabaye akorana na Salomon Bienvenue.

Niyibizi Ramadhan amaze ukwezi atembera mu kibuga

Niyibizi Ramadhan ni umukinnyi mwiza uca mu mpande muri Etincelles FC, As Kigali ndetse na APR FC. Aya makipe yose tuvuze kongeraho mu ikipe y’igihugu “Amavubi”, Niyibizi Ramadhan yayakiniye ari umukinnyi uca mu mpande, ariko Thierry yaraje amukoreraho ubuvumbuzi.

Niyibizi Ramadhan kuri ubu ari gukina nka nimero 10 w’ikipe ya APR FC, ariko usibye no gusoza umukino ananiwe, uyu musore nta ruhare na rumwe ari gutanga muri iyi kipe haba mu gutanga imipira ivamo ibitego cyangwa gufasha ikipe kugarira.

Niyibizi Ramadhan ni umukinnyi mwiza wo mu mpande aho yanyuze yose, ariko umutoza ari kumuhigira umwanya ku bubi na bwiza

Ni ikibazo gikomeye kuko iyi kipe idafite nimero icumi wa nyawe, ariko yananiwe gushaka igisubizo kirambye nk’umutoza ufite itsinda ry’abakinnyi benshi.

Yimye amahirwe Ndikumana Danny

Ndikumana Danny ni we mukinnyi wasinyiye APR FC bwa mbere ubwo yagarukaga ku bakinnyi b’abanyamahanga Danny yahuye na Thierry Froger n’umwungiriza we banga uyu musore mu buryo budafite impamvu, kugera n’aho ari we mukinnyi ufite iminota micye mu bakinnyi bose bagize.

Ndikumana Danny umukinnyi waguzwe mbere y’abandi uyu mwaka w’imikino, ubanza no guca mu kibuga yambukiranya bitemewe

Niba uri umutoza ukinisha Niyibizi Ramadhan imikino 4 nta musaruro aguha wakwibaza impamvu wakwima Danny Ndikumana umwanya niyo yaba umukino umwe nawe ukareba uburyo wamubyaza umusaruro.

Imisimburize ya Thierry Froger ni nko kumva misa

N’ubwo twavuga ko aba yateretse mu ibuga ikipe nayo itadoze neza, uyu mutoza kuva shampiyona y’u Rwanda 2023-24 yatangira niwe wagaragaje ubushobozi bucye mu misimbirize.APR FC itangira umukino nk’ikipe nkuru yabitsemo ubwoba uwo bahanganye, ndetse bikayihira kuko nta kipe irayibanza igitego muri shampiyona.

Igice cya kabiri gitangira umutoza uhanganye na APR FC arimo akora impinduka, maze APR FC si ukuba mu buzima busharira ivumbi rigatumuka. Umutoza atangira gusimbuza amazi yarenze inkombe, nabyo akabikora mu buryo butajyanye. Ibi, nibyo bituma buri gihe APR FC iri gutsindwa ibitego mu minota ya nyuma.

Ku mukino wa Marine FC, APR FC yishyuwe igitego mu mataha, Musanze FC twavuga ko iminota ariyo yabatabaye, ndetse na nijoro ikipe yari yizeye amanota 3 arimo ku munota wa 88 bayikoma mu nkokora.

Ku mukino wahuje APR FC na Bugesera FC, Taddeo Lwanga nk’umukinnyi mukuru ureba uko umukino uri kugenda ubwe yisabiye umutoza ko yagira impinduka akora mu kibuga kuko bamerewe nabi.

Aha Taddeo yari agarutse bwa kabiri kumvisha umutoza we Thierry ko ashatse yasimbuza kuko mu kibuga hagati bamerewe nabi, gusa umutoza yahise atangira amubwira ibye ndetse no kumwumvisha ko mu kibuga hagati yahakina ari umwe nta kibazo

Uko mbibona

Kugira abakinnyi benshi bari ku rwego rumwe, ntibiguha gukinira uwo ubonye hafi ngo ni uko bose banganya.Wa mukinnyi wicaje yari yagize umukino mwiza ubushize, ako kantu ko kutamwizera ibyo yakora byose, akabika ahantu ndetse imibanire igatangira gupfa no hanze y’ikibuga.

Abakinnyi b’abanyarwanda bari muri APR FC, biteguye gukina umwanya bazahabwa wose niyo Nshuti Innocent wamushyira mu izamu azajyamo acacetse kuko basigaye batanazi ko bazakina. Ibi rero bizagumya guteza umusaruro mucye mu ikipe hejuru y’umutoza uri gukoresha abakinnyi uko yishakiye.

Mu gihe Thierry Froger yakomeza gutoza APR FC, ashobora kuzahura n’umutoza wamwize neza, ku buryo azamubanza igitego ndetse akamwataka kuva ku munota wa mbere, ubundi mu gice cya kabiri APR FC inanirwe kuva mu kibuga, icyo gihe azaba amaherezo n’isomo kuri uyu mutoza.

Abafana bo uyu mwaka w’imikino bari bagerageje kuza ariko ibyo bari kubona ntabwo bisanzwe

Yunussu, umukinnyi umutoza Thierry afitiye icyizere cy’umurengera ndetse abona ko ubwugarizi ariwe bucungiyeho

Uburyo bw’imisimburize ya Thierry burasa, yaba yatsinze cyangwa yatsinzwe, bimeze nko kumva misa, buri cyumwe biba ari bimwe

Insinda ry’abatoza ba APR FC, nta numwe ufasha undi mu misimburize, cyangwa hakabamo kwinangira no kutumva

Nyuma y’umukino wa Bugesera FC, habaye inama ishobora gusiga amakuru mashya

Gusa inyandiko zinyuranye zigaragaza ko uyu mugabo witegura gukora ubukwe n’umugore we Uwicyeza Pamella, yatangiye gukora umuziki mu mwaka wa 2008, kandi yubakira ku njyana ya R&B.

We na mugenzi we Ngabo Medard Jorbert [Meddy] bahora bashyiditse ahanini biturutse ku kuba ari bo bahanzi ba mbere bafite igikundiro cyihariye mu muziki w’u Rwanda.

Hari abasesenguzi muri showbiz bajya kure bakavuga ko The Ben bamugereranya n’inzu ya Kigali Convention Center, abandi bahanzi bakaba inzu nto zo guturamo.

Mu myaka itatu ishize nibwo yagaragaje kudashyira imbaraga mu gushyira hanze ibihangano, bituma abato kuri we ‘bamwururira’ bamutamiraho, bitangira kurakaza abafana bibaza impamvu adashyira hanze indirimbo.

Yaherukaga gusohora indirimbo ye bwite yise 'Suko’ yasohotse ku wa 19 Ukuboza 2019, yabanjirijwe n’indirimbo zirimo ‘Can’t get enough’, ‘Vazi’ n’izindi.

Ariko ku wa 4 Mutarama 2022 yanyujijemo asohora indirimbo 'Why' yakoranye na Diamond Platnumz, iri kuri shene y'uyu muhanzi ukomeye muri Tanzania.

Kudasohora indirimbo kwa The Ben, kwagiye gutuma Bruce Melodie yumvikana ashinja 'bakuru be' mu muziki ubunebwe, ariko abafana ba Ben ntibamwihanganiye, kuko bazamuye ijwi kenshi bavuga ko uko byagenda kose bategereje umuntu wabo.

Igitutu cyangwa igihe cyari iki?

Muri Kanama 2022, The Ben yataramiye muri BK Arena, aba umuhanzi wa mbere w’indirimbo zisanzwe wujuje iriya nyubako y’imyidagaduro. Ni cyo gitaramo cya mbere yari akoze mu buzima bwe yishyuwe amafaranga menshi, kuko yahawe asaga Miliyoni 40 Frw.

Icyo gihe yataramiye abakunzi be yisunze indirimbo ze zakunzwe, abantu bategereza ko asohora indirimbo baraheba.

Umunyamakuru Niyigaba Clement [DC Clement] ukunze gukora inkuru zisesenguye cyane cyane kuri Bruce Melodie na The Ben,

Aherutse kwandika kuri Instagram ye agaragaza ko Bruce Melodie yikomanga ku gatuza bitewe nuko The Ben adasohora indirimbo.

Yavuze ati “Ariko ubundi wa mugani, Hon. The Ben abura iki ngo asohore indirimbo koko? Ni cash tumukorere Go Fund Me? Ko araho bahera bamwurira!”

Umufana wa The Ben witwa Ntacogora we yanditse avuga ko atiyumvisha uburyo The Ben adashyira hanze indirimbo mu gihe ahorana n’abantu bafite studio zikomeye mu muziki yakoreramo.

Masezerano Prosper we yavuze ko Bruce Melodie muri iki gihe yigwijeho abafana kubera ko The Ben na Meddy yababuze mu muziki.

Yavuze ati “Impamvu imwe ituma Bruce ashyigikirwa n’abafana benshi n’uko babuze The Ben na Meddy ntakindi. Niyo mpamvu mfana Bruce Melodie kuko ntazi igihe The Ben azasohorera indirimbo.”

Uyu mufana yavuze ko afite amakuru ajyanye n’uko Bruce Melodie agiye gushyira hanze Album yise ‘Sample’ ariko ko atazi igihe The Ben azasohorera indirimbo.

Rich Forever we yibajije niba azakomeza gufana The Ben mu gihe ‘aduteza Melodie’. Eric Dwayne we yavuze ko atemeranya n’abavuga ko The Ben abantu bamutaramiraho kubera ko adasohora indirimbo, kuko umuraperi Lil Wayne amaze igihe adakora indirimbo kandi arubashywe ku Isi.”

Ahagana saa sita zo kuri uyu wa Gatatu tariki 11 Ukwakira 2023, The Ben yanditse kuri konti ye ya Instagram avuga ko afite indirimbo ebyiri nziza cyane zarangiye. Imwe ni indirimbo y’urukundo, indi ni indirimbo ihimbaza Imana.

Yabajije abafana be iyo bifuza ko ashyira hanze. Ati 'Mfite indirimbo 2 nziza cyane nshaka gusohora. Imwe ni Gospel indi ni indirimbo nziza y'urukundo'. Tubanze iyihe?'

Umushyushyarugamba MC Nario wakoreye igihe kinini Flash Fm, yabwiye The Ben ko bitewe n'igihe gishize adasohora indirimbo akeneye indirimbo izafata imitima ya benshi. Ati 'Ukeneye indirimbo nziza. The Ben abantu bakumbuye urukundo rwawe, zana indirimbo y'urukundo hanyuma uzakurikizeho ihimbaza Imana.'

The Ben atangaje ko agiye gusohora indirimbo mu gihe mugenzi we Meddy aherutse gutangaza ko mu mpera z'uyu mwaka azashyira hanze indirimbo.

Yanavuze ko agiye kugaruka mu Rwanda yitabiriye ubukwe bwa mugenzi we The Ben, uzarushinga na Uwicyeza Pamella ku wa 27 Ukuboza 2023 muri Kigali Convention Center.

The Ben umwibuke mu ndirimbo zabiciye bigacika nka: Urarenze, Ese Nibyo, Amahirwe ya nyuma, Incuti nyancuti, Wigenda, Amaso Ku Maso, I’m in Love, I can See, Habibi, Fine girl, Naremeye, Ndaje n'izindi.

Mu rugendo rwe rw'umuziki yakoranye na Sheebah Karungi binyuze mu ndirimbo 'Binkolera', 'No you no Life' na B2C bo muri Uganda, 'Ngufite kumutima' na Zizou Al Pacion, 'This is Love' na Rema Namakula, 'Lose Control' na Meddy n'izindi.

Ku wa 16 Nyakanga 2023, The Ben yitabiriye ubukwe bwa Producer Bmjizzo bwabereye kuri Sunday Park. Mu ijambo rye, yavuze ko azirikana urugendo yagendanye n'uyu mugabo wamufatiye amashusho ya nyinshi mu ndirimbo ze.

The Ben yavuze ko nubwo amaze iminsi nta ndirimbo ashyira hanze ariko 'ibikorwa byinshi bijyanye n'amashusho byanjye uyu mugabo abigiramo uruhare'.

Akomeza ati 'Kandi yamfashije nta n'ubushobozi mfite. Igihe twatangiraga, twari dushakashaka kugeza aho Imana iduhaye imbaraga tukaba dukora ibintu bivugitse.'

The Ben yatangaje ko agiye gushyira hanze indirimbo-Imyaka itatu yari ishize nta ndirimbo ye bwite asohora, ariko hashize umwaka asohoye iyo yahuriyemo na Diamond

The Ben yari imaze igihe yibazwaho ku mbuga nkoranyambaga na benshi ku mpamvu ituma adasohora indirimbo

The Ben aherutse gukorera igitaramo mu Burundi aho yishyuwe asaga Miliyoni 40

KANDA HANO UREBE AMASHUSHO Y'INDIRIMBO 'WHY' YA THE BEN NA DIAMOND

“>

KANDA HANO UREBE AMASHUSHO Y'INDIRIMBO 'SUKO' YA THE BEN

“>

Umuyobozi wa Polisi y'Igihugu, IGP Felix Namuhoranye, yari aherutse kugaragaza ko inzego z'umutekano zitazigera zihanganira abajura bakomeje kwiba ibikoresho byifashishwa mu gukwirakwiza umuriro n'amazi.

Yabigarutseho ku wa Gatatu, tariki ya 4 Ukwakira 2023, mu kiganiro Polisi y'Igihugu n'Urwego rw'Igihugu rw'Ubugenzacyaha, RIB, byagiranye n'itangazamakuru.Icyo gihe yabasabye gucira kuko birura.

Theogene Nshimiyimana

Umwuga wo kuvanga umuziki ni umwe mu myuga yishimirwa n’abatari bake, cyane ko usanga mu mpera z’icyumweru aba-DJs aribyo bantu basusurutsa utubari n’utubyiniro byo mu Rwanda ndetse bagafasha benshi kuruhuka mu mutwe no kongera kwishimira ubuzima.

Mu gihe cyo hambere akazi ko kuvanga umuziki gatangira gukorwa mu Rwanda byari bimenyerewe ko ari akazi gakorwa n'igitsina gabo gusa. Gusa kugeza uyu munsi byarahindutse kuko mu Rwanda hari abakobwa b'aba Djs, babikora neza, babikunda kandi babeshejweho na byo.

Muri abo harimo aba bakurikira:

1.     DJ Brianne

Ubusanzwe yitwa Gateka Brianne, ariko amenyerewe nka Dj Brianne kubera umwuga akora wo kuvanga umuziki. Uyu, yatangiye kwiga ibijyanye no kuvanga umuziki muri Mata 2019 abitangirira mu gihugu cya Kenya aho yavukiye. Kuva yagera mu Rwanda, Dj Brianne yarakoze ku buryo bugaragarira buri wese, avanga imiziki mu bitaramo bitandukanye, utubari, utubyiniro, mu mikino ikomeye ndetse no ku maradiyo arimo na Isango Star mu kiganiro 'Hands Up.'

Usibye mu Rwanda, Brianne yagiye ajya no mu mahanga ndetse kuri ubu yibitseho ibihembo bikomeye birimo icy'uvuga rikijyana ku mbuga nkoranyambaga (2021-2022), Dj mwiza w'umwaka (2021-2022) ndetse n'icyo yahawe uyu mwaka (2022-2023) n'ubundi cy'umu-Dj mwiza w'umwaka. Si ibyo gusa  kuko n'ejobundi muri Kanama aherutse guhabwa igikombe nka Dj mwiza w'umwaka watowe n'abantu mu Karere u Rwanda ruherereyemo (EAEA People's Choice Female Of The Year).

2.     DJ Sonia

Dj Sonia uri mu bakobwa bamaze kumenyekana muri uyu mwuga, ubusanzwe yitwa Kayitesi Sonia. Yavutse mu 1998, atangira kuvanga imiziki muri 2019. Sonia, yacuranze mu bitaramo byinshi binyuranye birimo Silent Disco, Decent Entertainment ya Muyoboke, Giants of Africa, Hill Festival, acuranga mu tubari dutandukanye n'imikino ikomeye irimo Women's Afrobasket Rwanda 2023, FIBA World Cup n'ahandi henshi.

Kuri ubu ni umwe mu bavanga umuziki ku gitangazamakuru cy'igihugu, RBA n'ishami ryayo rya kabiri ariryo KC2.

3.     DJ Anita Pendo

Anita Pendo ni umwe mu b'igisina-gore bavanga imiziki kandi bahagaze neza mu Rwanda cyane ko we anabifatanya n'akandi kazi kenshi karimo ako kuba umushyushyarugamba, umunyamakuru n'ibindi. Uyu, azwiho gusetsa cyane no gukorana imbaraga ibyo akora byose kandi akerekana ko abikunze.

Uyu munyamakuru wa RBA na Magic FM, arambye mu mwuga wo kuvanga imiziki kuko yagize igitekerezo cyo gutangira kuwukora mu 2010. Pendo, yatangaje ko yinjiye muri uyu mwuga ashaka kwerekana ko mu Rwanda naho hari ab'igitsina gore bawushoboye.

4.     DJ Ira

Dj Ira ubusanzwe yitwa Iradukunda Divine. Yaje mu Rwanda aturutse mu gihugu cy'abaturanyi cy'u Burundi nyuma yo gusoza amashuri yisumbuye mu 2015. Icyo gihe yahise atangira kwiga umwuga wo kuvanga umuziki abifashijwemo na DJ Bisosso. Yacuranze mu birori bikomeye birimo Primus Guma Guma, Silent Disco, Iwacu Muzika Festival, mu irushanwa rya Miss Rwanda n'ahandi.

Ira kandi ni umwe mu ba-DJs b'abakobwa bakunze kugaragara bavanga imiziki mu mikino ikomeye u Rwanda rwakira irimo FIBA Africa 2023, Women's Afroabasket Rwanda 2023, Rwanda Summer Golf n'iyindi. Uyu kandi yavanze imiziki no kuri Televiziyo Rwanda igihe kinini.

5.     DJ Fabiola

Ubusanzwe yitwa Uwakayumba Fabiola. Amaze kwamamara nka DJ Fabiola kubera umwuba akora wo kuvanga umuziki mu tubyiniro dutandukanye, utubari no mu bindi birori bihuza abantu benshi.

Kuri ubu, uyu ni umu-Dj uhoraho mu kiganiro Mix and The Juice gitambuka kuri Magic FM ya RBA. 

Nsengiyumva Ir’shad ukina hagati mu kibuga muri APR FC, yamaze kubagwa imvune yo mu ivi yari amaranye igihe.

Ku wa Mbere w’iki cyumweru tariki ya 9 Nzeri 2023 nibwo uyu mukinnyi wari umaze igihe adakina yabazwe imvune yo mu ivi ry’iburyo yari amaranye igihe.

Uyu mukinnyi akaba imvune ye yarabagiwe mu Bitaro bya Gisirikare i Kanombe, bikaba byaragenze neza.

Kuva uyu mwaka w’imikino wa 2023-24 watangira ntabwo Ir’shad arakinira APR FC umukino n’umwe kubera imvune yagize mu mwaka w’imikino ushize.

Yaje gukira ndetse atangira imyitozo ariko nyuma aza kongera gutonekara mu ivi ari nabyo byamuviriyemo kubagwa.

Uyu ni umwaka wa 3 wa Nsengiyumva Ir’shad muri APR FC utaragize amahirwe yo kubona umwanya uhagije wo gukina muri iyi kipe yagezemo avuye muri Marines FC.

Ibirori byo gutanga iri kamba bizaba ku wa 18 Ugushyingo 2023 muri El Salvador. Ni irushanwa ngaruka mwaka, ku buryo abaritegura bavuga ko bakoresha ingengo y'imari ingana n'amadorali Miliyoni 100 mu kuritegura kugeza batanze ikamba.

Ni ku nshuro ya 72 iri rushanwa rigiye kuba, kandi abakobwa bo mu bihugu bitandukanye byo ku Isi bamaze kuryitabira.

Marina Machete wavutse ari umuhungu akahinduza akaba umukobwa aherutse kwegukana ikamba rya Miss Portugal mu birori byabereye muri Borba bimuhesha amahirwe yo guserukira iki gihugu muri Miss Universe izaba muri uyu mwaka.

Uyu mukobwa w'imyaka 28 yari asanzwe akora akazi ko kwakira no kwita ku bagenzi mu ndenge. Mu ijoro yambikiyemo ikamba, yanditse ku mbuga nkoranyambaga ze, ashima abamushyigikiye n'uburyo bamuteye imbaraga kugeza ageze ku nzozi ze.

Yavuze ko atewe ishema no kuba ariwe muhungu wa mbere wahinduje igitsina wahataniye guserukira Portugal muri Miss Universe. Avuga ko mu myaka ishize atari koroherwa no kwitabira iri rushanwa, arenzaho ati 'Ubu ni iby'agaciro gakomeye kuri njye.'

Ni ibintu ariko bitashimishije bamwe mu batuye muri kiriya gihugu, barimo Rui Paulo Sousa uri mu bagize Inteko Ishinga Amategeko ya Portugal.

Mu butumwa yatangaje ku rukuta rwe rwa Facebook, yavuze ko ubwo yasomaga inkuru ijyanye n'uko Marina Machete yambitswe ikamba kandi yarahoze ari umuhungu, yagizengo ni urwenya.

Avuga ko kuri we abifata nk'umunsi mubi ku bakobwa bakiri bato bakura bashaka guhatana no gutsinda mu marushanwa y'ubwiza.

Ku rundi ruhande ariko, hari abavutse ko ibi ari ikimenyetso cy'uko abihinduje igitsina n'abo sosiyete ikwiye kubakira nk'abandi.

Marina yaje yiyongera kuri Rikkie Valerie Kollé wahoze ari umukobwa wihinduje akaba umukobwa, aho muri Nyakanga 2023 yegukanye ikamba rya Nyampinga w'u Buholandi bimuhesha amahirwe yo guserukira iki gihugu muri Miss Universe.

Bivuze ko muri uyu mwaka Miss Universe izitabirwa n'abahungu babiri bihinduje igitsina, bahagarariye ibihugu by'abo.

Rikkie w'imyaka 22 y'amavuko, aherutse kwandika kuri konti ye ya Instagram yemera ko yahoze ari umusore ariko akaza kwihindutsa akaba umukobwa. Yavuze ati 'Nabikoze mu bushobozi bwanjye kandi nishimiye buri bihe nanyuzemo.'

Kuri iyi nshuro Miss Universe izitabirwa n'abakobwa 90. Mu nshuro zose yabaye, u Rwanda ntirwigeze ruyitabira. Igihugu cya Zimbabwe kizitabira iri rushanwa nyuma y'imyaka 22 yari ishize.

Mu 2012 nibwo abategura Miss Universe bahaye rugari abasore bihinduje igitsina kwitabira iri rushanwa. Mu 2018, Angela Ponce wahoze ari umuhungu yaciye agahigo aba uwa mbere wihinduje igitsina witabiriye, icyo gihe yari aserukiye Espagne.

Mu 2021, Kataluna Enriquez yabaye umusore wa mbere wahinduje igitsina wahataniye ikamba rya Nyampinga wa Leta Zunze Ubumwe za Amerika, ni nyuma y'uko yari yambitswe ikamba rya Miss Nevada.

Muri Gashyantare 2021, Daniela Arroyo González yaciye agahigo ko kuba umusore wa mbere wihinduje igitsina wahatanye muri Miss Universe Puerto Rico. Aherutse kwandika kuri konti ye ya Instagram, avuga ko yabashije kugera mu 10 ba mbere bavuyemo Nyampinga.

Kugeza ubu, ibihugu bitandukanye byo ku Isi ntibiremera ko abasore bihinduje igitsina bahatana mu marushanwa y'ubwiza. 

Muri Nyakanga 2023, abasore barenga 100 bihinduje igitsina bahatanye bashaka ikamba rya Nyampinga w'u Butaliyani.

Umushoramari Anne Jakkapong Jakrajutatip wihinduje igitsina, umwaka ushize yatanze amadorali Miliyoni 20 agura irushanwa rya Miss Universe. 

Byatumye aba umugore wa mbere ubashije kwegukana iri rushanwa, ariko kandi biri mu murongo wo gukora ubuvugizi ku basore bihinduje igitsina.

     

Marina Machete yahatanye ahagarariye umujyi wa Palmela, ntatinya kuvuga ko yavutse ari umusore nyuma agafata icyemezo cyo guhindura imiterere ye

Rikkie Kolle wegukanye ikamba rya Miss w'u Buholandi, ari ku rutonde rw'abakobwa 90 bahataniye kuvamo Miss Universe 2023

Miss Universe igiye kuba ku nshuro ya 72-Abakobwa bazatangira kugera muri EL Salvador ku wa 3 Ugushyingo 2023

Umukobwa uzambikwa ikamba azasimbura R'Bonney Nola wo muri Amerika. Ni ku nshuro ya cyenda, Amerika yari yegukanye ikamba

Boston ni umujyi Mukuru wa Leta ya Massachusetts iherereye mu Majyaruguru ashyira Uburasirazuba bwa Amerika. Uzwi nk'Umujyi w'ubucuruzi n'umuco, kuko ubarizwamo za Kaminuza nyinshi n'amasomero Makuru.

Muri iki gihe, uyu Mujyi uyoborwa na Meya Michelle Wu. Kandi imibare yo mu 2021 igaragaza ko utuwe n'abaturage 654,776.

Ku wa 6 Ukwakira 2023, nibwo uyu muhanzi yasohoje ibitaramo 'Christopher Muneza US Tour' ataramira Grand Rapid mu Mujyi wa Michigan.

Mbere yaho yari yaririmbiye mu Mujyi wa Austin muri Leta ya Dallas ku wa 30 Nzeri 2023, ku wa 23 Nzeri yaririmbiye mu Mujyi wa Phoenix muri Arizona, ku wa 5 Nzeri yaririmbiye Louisville muri Kentucky naho ku wa 2 Nzeri 2023 ataramira muri Portland muri Maine.

Ibi bitaramo yakoreye muri izi Leta byagiye byitabirwa n'ibihumbi by'abanyarwanda bahatuye, kandi hagiye hataramira abahanzi banyuranye bo mu Rwanda bigizwemo uruhare na Dj Innox usanzwe ubarizwa kuri uriya mugabane.

Dj Innox yabwiye InyaRwanda ko nyuma y'uko Christopher asoje ibitaramo bye, abatuye mu Mujyi wa Boston bifuje ko azabakorera igitaramo ku Cyumweru tariki 15 Ukwakira 2023.

Ati 'Nibo bamutumiye. Azaba ari nacyo gitaramo cya nyuma akoze, ariko yari yabanje gusoza biriya yateguye. Kizaba ku wa 15 Ukwakira 2023.'

Christopher agaragaza ibi bitaramo nk'imwe mu ntambwe atera mu rwego rwo kwagura urugendo rwe rw'umuziki nk'umuhanzi wigenga. Ariko kandi ni ahantu ho kubyaza umusaruro cyane cyane mu bijyanye no kuhakorera indirimbo n'ibindi.

Yagiye mu ruhererekane rw'ibi bitaramo 'Christopher Muneza Tour USA' nyuma yo gushyira hanze indirimbo ye ikunzwe muri iki gihe yise 'Pasadena'. Ari kwitegura gushyira hanze indi ndirimbo yakoreye muri 1:55 AM na Producer Element.

Ubwo yari muri Portland, uyu muririmbyi yaririmbiye abitabiriye igitaramo cye indirimbo zirimo nka ‘Habona’, ‘Babyumva’, ‘Ndabyemeye’, ‘Agatima’, ‘Pasadena’, ‘Mi Casa’ n’izindi zakunzwe kugeza ku ndirimbo aherutse gushyira ahagaragara.

Christopher wavutse ku wa 30 Mutarama 1994, ni umuririmbyi akaba n'umwanditsi w'indirimbo. Afite agahigo ko kuba yaregukanye umwanya wa kabiri muri Primus Guma Guma Super Stars ya Gatandatu ndetse n'iya karindwi.

Mu 2010 nibwo yinjiye mu muziki, amenyekanye binyuze mu ndirimbo zirimo nka 'Sigaho', 'Amahitamo' n'izindi.

Christopher yatumiwe gutaramira mu Mujyi wa Boston ku wa 15 Ukwakira 2023

Christopher yari aherutse gusoza ibitaramo yagombaga gukorera muri Amerika

Ku rutonde rw'ibitaramo yagombaga gukora, Christopher yaherukaga gutaramira muri Michigan

Christopher agaragaza ibi bitaramo nk'imwe mu nzira yo kwagura umuziki we no guhura n'abafana be

Christopher ari kumwe na Dj Innox wamutumiye gukorera ibitaramo muri Amerika

Christopher ubwo yari mu gitaramo yakoreye mu Mujyi wa Louisville

KANDA HANO UREBE AMASHUSHO Y'INDIRIMBO 'PASADENA' YA CHRISTOPHER

“>

Amagambo yuje agahinda, kutemeranywa n’ibyo umutoza abakokoreye, niyo magambo yiganje mu bafana ba APR FC, ubwo banganyaga na Bugesera igitego kimwe kuri kimwe. Wari umukino warangiye abafana batemeranywa n’umutoza ku buryo akinishamo abakinnyi kandi ngo ari ibintu akunze gukora.

Umunyamakuru wa InyaRwanda ushwinzwe gufata amashusho, ubwo yegeraga abafata na APR FC, bamutuye agahinda, bemeza ko umutoza wabo nta bushobozi afite. Bamwe  bavuga ko umutoza atazi gusimbuza, atazi gutoranya abakinnyi 11 babanza mu kibuga, ndetse hari abakinnyi akoresha kandi ubona bari hasi.

Nubwo APR FC yanganyije na Bugesera FC ku maherere, iyi kipe imaranye igihe kinini ibimenyetso byo ku nanirwa mu gice cya kabiri umuntu yakwibaza niba bakora imyitozo yubakitse nabi.

KANDAHANO WUMVA AGAHINDA K’ABAFANA BA APR FC

“>

Kapiteni wa Rayon Sports, Rwatubyaye Abdul yavuze ko umwuka mubi uvugwa muri iyi kipe ari ibintu bidakabije ku buryo byahungabanya ikipe.

Hari nyuma y’imyitozo ya nyuma itegura umukino w’umunsi wa 6 wa shampiyona bari bwakiremo Etoile del’Est, ni nyuma yo gutandukana n’umutoza Yamen Zelfani.

Kapiteni Rwatubyaye Abdul avuga ko kuba badafite umutoza mukuru ari imbogamizi ariko na none icyo bareba ari ukubona intsinzi uyu munsi.

Ati “Hariho imbogamizi kuba nta mutoza dufite ubu, kuba tumaze kunganya imikino 5 ni ibintu bidakunze kubaho muri Rayon Sports. Turi abakinnyi bakunda guhangana, bakunda irushanwa tugiye gushyira hamwe uyu mukino wo ku wa Gatatu ni ukuwutsinda.”

Agaruka ku bimaze iminsi bivugwa ko muri iyi kipe harimo umwuka mubi hagati y’abakinnyi, yavuze ko umwuka mubi urimo ntacyo wakwangiza ari ibintu bisanzwe.

Ati “Navuga ko nta hantu hataba umwuka mubi cyane cyane mu mupira w’amaguru urebye buri mukinnyi aba afite uko akina, aba afite uwo yiyumvamo niyo mpamvu haba hari abagomba kudushyira hamwe duhereye ku bakapiteni b’ikipe, ku bafite ubunararibonye mu ikipe tugakurikizaho abatoza kuko kaba ari akazi kabo.”

“Umwuka mubi navuga uhari ntabwo ari ibintu bihambaye cyane wenda mu kibuga ubonye umupira bigenze gutya na gutya, uri mu mwanya umeze gutya ugomba guha mugenzi wawe, ni ibintu biri takitike ntabwo ari umuntu ku giti cye ubitse inzika, nta mwuka mubi uhari wenda wavuga ko wahungabanya ikipe.”

Bivugwa abakinnyi benshi babangamiwe n’imikinire y’umukinnyi Ojera Joackiam ukina yiharira bigatuma ikipe idatanga umusaruro, akaba yaragiye abishwanira n’abakinnyi barimo nka ba Luvumbu n’abandi.