Category: Uncategorized

Ku wa 01 Ukwakira 2023 ni bwo The Ben yakoreye igitaramo cy’amateka mu Burundi ariko bivugwa ko kirimo udutego twinshi two gushaka kucyica ndetse no gushaka gukura mu mavuta The Ben.

Mbere y’uko igitaramo kiba, hari amafoto ya Bruce Melodie yatangiye gukwirakwizwa mu Burundi, bikekwa ko ari mu rwego rwo gushaka kwica igitaramo cya The Ben nk’uko bamwe mu bari hafi ye yabyemezaga.

Ku wa 30 Nzeri 2023 ubwo yahuraga n’abafana be muri Meet and Greet ibirori byabereye kuri Eden Garden Resort Bujumbura, The Ben yahibiwe telefone yo mu bwoko bwa iPhone 14 iburirwa irengero.

Ibi byose byagiye ku mutwe wa Coach Gael ndetse n’abo bakorana ko ari bo baragerageje kwica iki gitaramo cya The Ben kubera amakimbirane bafitanye amaze igihe kirekire arimo n’amafaranga agera kuri miliyoni 200 Frw bivugwa ko Coach Gael yishyuza The Ben.

Mu kiganiro (Space) cyabereye ku rubuga rwa X, Gael Girumugisha uzwi nka Coach Gael, yashyize umucyo ku byavuzwe hagati ya Gael na The Ben. Yumvikanishije ko nta kibazo bafitanye ndetse ko banavugana. Ni amajwi ari guhererekanywa cyane ku mbuga nkoranyambaga.

Aragira ati “Kuri ibyo bintu ngo bya The Ben n’ibiki byose, kuki nanga The Ben, (…). Njyewe ndi umuntu wakoranye na The Ben hafi, twaganiriye hafi nk’abavandimwe, twakoranye n’ubu tukivugana.

Wibaza y’uko mu by’ukuri we yanyanga nanjye nkamwanga, ntimube mubona ibintu bifite gihamya? Mwaba mubona ibintu bifite gihamya kandi bisa nabi pe!!

Njyewe na The Ben twavuganye nk’abavandimwe ariko niba nta bintu bifite gihamya mubona ni uko, ni amagambo, ni ibihuha, ni Showbiz z’abantu batangiza z’ibihuha nk’abo bose bameze nk’amapusi”.

Coach Gael ni nyiri Label 1:55 AM ibarizwamo abarimo Bruce Melodie nawe wagiye ashinjwa kugirira ishyamba The Ben, ariko nawe akaba aherutse kubitera utwatsi.

Mu kiganiro aherutse kugirana na M. Irene kuri MIE Empire, Burce Melodie yavuze ko atanga The Ben. Ati “Icyo namubwira cyo yagakwiye kumenya, ni uko ntamwanga habe na gato, arabizi ko ari mukuru wanjye kandi ko nta kibazo mfitanye nawe. 

Njyewe rwose ntabwo The Ben mwanga, ahubwo nareke gukomeza kumva amabwire, areke gukomeza kumva ababimushyiramo kuko nta kabuza babifitemo inyungu. Ibyiza rero ni uko yakwitondera amabwire yose bamubwira ikindi kandi akareka kugira ubwoba no kurira cyane”.

Yakomeje avuga ko rwose nta kintu na kimwe kibi amwifuriza, ahubwo ko abantu babimubwira ko amwanga aribo babi, ndetse ko agomba no kuzajya abyirengagiza akikomereza gahunda ze akabirenga.

Ati” Rwose nta kintu kibi mwifuriza, abafana banjye babimenye ndetse n’abafana be babimenye, nigeze no kumva bavuga ibintu bya Battle’ ihangana’, bazamuzane mubakubitire agakoni ku nda mpite nitahira”.

Coach Gael yashyize umucyo ku byo yavuzweho hagati ye na The Ben

The Ben yatangarijwe ko nta rwango afitiwe na Coach Gael ndetse na Bruce Melodie

Bruce Melodie aherutse kuvuga ko The Ben akwiriye kwirinda amabwire, amuhamiriza ko atamwanga

Uwashinzwe kugurisha ingwate aramenyesha abantu bose ko azagurisha mu cyamunara umutungo utimukanwa binyuze mu buryo bw’ikoranabuhanga ikibanza kinini gifite UPI: 1/02/14/06/2459, giherereye mu Mujyi wa Kigali, Akarere ka Gasabo, Umurenge wa Rusororo, Akagari ka Mbandazi, Umudugudu wa Mugeyo;

-Ubuso bw’ikibanza ni 24.313 SQM

-Agaciro kari ku isoko kangana na 389.008.000 Frw

-Ingwate y’ipiganwa ingana na 19.450.400 Frw ahanye na 5% y’agaciro k’uwo mutungo yishyurwa kuri konti No-00040-06965754-29 ifunguye muri Banki ya Kigali yanditse kuri MINIJUST-AUCTION FUNDS ya Minisiteri y’Ubutabera.

Uwatanze cyamurana agomba kwishyura amafaranga yose akuyemo ayo yishyuye ku ngwate y’ipiganwa kuri konti No-01722300007 / Frw ifunguye muri Bank of Africa – Rwanda Plc mu mazina ya Isabwe Alain Thierry Robert;

Abifuza gusura uwo mutungo ni uguhera tariki ya 23/10/2023 saa Sita z’amanywa (12h00) mu masaha asanzwe y’akazi. 

-Abifuza ibindi bisobanuro babariza kuri nimero za telefone igendanwa: 0788357015

-Ifoto n’igenagaciro byawo biboneka hakoreshejwe uburyo bw’ikoranabuhanga mu kurangiza inyandiko mpesha www.cyamunara.gov.rw ari narwo rubuga rukoreshwa mu gupiganwa.

Bikorewe i Kigali kuwa 09/10/2023

Ushinzwe kugurisha ingwate 

Me Alain Thierry Robert Isabwe

Nyuma yo gukubita umupira umusifuzi akanahabwa ikarita itukura, umukinnyi ukina mu kibuga hagati muri Rayon Sports, Mvuyekure Emmanuel, yasabye imbabazi umusifuzi ndetse n’abakunzi b’umupira w’amaguru mu Rwanda.

Hari mu mukino w’umunsi wa 6 wa shampiyona y’icyiciro cya mbere mu Rwanda umwaka w’imikino 2023-24 Rayon Sports yaraye itsinzemo Etoile del’Est 2-1.

Ubwo umukino wari ugeze ku munota wa 63, umusifuzi Ishimwe Claude benshi bita Cucuri yasifuye ikosa Mvuyekure yari akoze ariko anamuha ikarita y’umuhondo, uyu mukinnyi yahagurukanye umupira agenda asanga uyu musifuzi asa n’umubwira ko ari we ukorewe ikosa.

Byaje kurangira uyu mupira awukubise umusifuzi, nta gutinda Cucuri na we yahise azamura ikarita itukura arayimwereka.

Abinyujije ku mbuga nkoranyambaga ze, Mvuyekure Emmanuel akaba yasabye imbabazi Cucuri avuga ko atari cyo yari agambariye.

Ati “Ikarita yanjye ya mbere y’umutuku kuva natangira gukina umupira w’amaguru. Ariko ni umupira w’amaguru. Ntabwo ari byo nari ngambiriye gukubita umupira umusifuzi. Mbere na mbere ndashaka kugusaba imbabazi wowe Cucuri ndakubaha cyane. Ndasaba imbabazi abakunzi ba Rayon Sports abakinnyi bagenzi banjye na FERWAFA.”

Mu gihe atafatirwa ibindi bihano, Mvuyekure Emmanuel akaba azasiba umukino umwe wo mu mpera z’icyumweru wo Rayon Sports izasuramo Musanze FC.

Umugore witwa Nyiraruvugo Olive ufite imyaka 43  n'umwana we w’umuhungu Ndayishimiye Eric batawe muri yombi, nyuma yo gufatirwa mu cyuho barimo bacukura icyobo bivugwa ko bashakaga kushyiramo umurambo umwana w'umukobwa bakekwaho kwica.

Umwana bakekwaho kwica yaburiwe irengero kuwa Kabiri tariki 10 Ukwakira ubwo yarimo gukina n’abandi bana ndetse ababyeyi ku mugoroba batangiye gutanga amatangazo yo kumurangisha.

Amakuru avugwa ko mu gitondo cyo ku wa Gatatu tariki 11 Ukwakira 2023, ababyeyi be bageze mu rugo rwa  Nyiraruvugo utuye mu Mudugudu wa Mutuzo, Akagari ka Gakingo, Umurenge wa Shingiro basanga umwana we ufite imyaka 15 witwa Ndayishimiye arimo gucukura icyobo mu rugo rwabo. Icyo cyobo bashakaga kugihambamo umwana bakekwaho kwica. nyuma yo kugira amakenga.

Umuvugizi wa Polisi y’Igihugu mu Ntara y’Amajyaruguru SP Mwiseneza Jean Bosco yabwiye Kigali Today ko umurambo w’uwo mwana uburyo wabonetse mu nzu y’uwo mugore.

Ati: 'Bakigerayo basanga uwo muhungu arimo acukura icyobo, bamubajije ababwira ko arimo kugikuramo itaka ryo kubakisha. Abaturage rero bakimara kubibona ntibanyuzwe n'ubusobanuro abahaye, biba ngomba ko binjira no mu nzu basangamo umurambo w'uwo mwana'.

'Mu kubaza Ndayishimiye, icyamwishe yabwiye abo baturage ko ubwo yarimo acukura icyo cyobo, isuka yikubise ku mwana iramukomeretsa cyane, abonye bishobora kumuviramo ibibazo amukubita indi ahita apfa.

Nyuma yaho we na nyina bigira inama yo gucukura icyo cyobo ngo bakimuhambem, bagira ngo basibanganye ibimenyetso. Ubu rero inzego z'umutekano harimo Polisi na RIB ziri ahakorewe icyaha zikaba ziri gukusanya ibimenyetso by'ibanze byifashishwa mu gukora iperereza'.

SP yakomeje avuga ko umugore ukekwaho gufatanya n’umwana we kwica uwo mwana bari baragambiriye kuzagirira nabi ise w’uwo mwana  witwa Irankunda Eliazari azira ko yigeze kubafata barimo kwiba ibigori.

Ati 'Mu minsi ishize uwo mugore n'umuhungu we bafatiwe mu cyuho bibye ibigori, ba nyirabyo babarihisha amafaranga ibihumbi 30. Icyo gihe ise w'uwo mwana wari mu babafashe babyiba bamuhigiye bamubwira ko bazamwihimuraho. 

Ibyo byarangiriye aho ntibagira urwego na rumwe bamenyesha iby'ubwo bujura bwari bwabayeho, yewe n'iby'uko bahigiye uwo mugabo ko bazamugirira nabi ntibabivuga. Umuntu akaba yabisanisha n'urupfu rw'uyu mwana mu gusohoza uwo mugambi bikekwa ko bari bafite'.

'Byaba byiza abantu bagiye bihutira kumenyesha inzego zirimo n'izishinzwe umutekano mu gihe hari umuntu ubashyizeho ibikangisho yaba mu mvugo cyangwa mu bikorwa kuko ubwabyo ari icyaha gihanwa n'amategeko. 

Abaturage bajye bagira amakenga ku kintu cyose babwiwe cyangwa bakorewe bagitangire amakuru ku gihe kugira ngo ababishinzwe bakurikirane barebe niba nta zindi nkurikizi cyangwa imigambi ishobora kuvamo ubugizi bwa nabi.'

Umugore n’umwana we bakekwaho kwica uwo mwana bajyanwe gufungirwa Kuri sitasiyo ya RIB kugira ngo bakorweho iperereza ndetse umurambo umwana ujyanwa mu bitaro kugira ngo ukorerwe isuzuma mbere yo kuwushyingura.

Rayon Sports yasoje umukino ari abakinnyi 10, yatsinze Etoile del’Est 2-1bya Musa Esenu mu mukino w’umunsi wa 6 wa shampiyona.

Wari umukino wa mbere Rayon Sports yari igiye gukina nyuma yo gutandukana n’umutoza wayo Yamen Zelfani.

Uyu mukino wabereye kuri Kigali Pelé Stadium iminota 10 ya mbere umupira wakinirwaga hagati cyane, nta kipe yari yakaremye amahirwe afatika.

Nyuma y’iyi minota Rayon Sports yatangiye gusatira cyane ariko abakinnyi barimo Musa Esenu na Ngendahimana Eric ntibabasha kubyaza umusaruro amahirwe babonye.

Ku munota wa 32 Rayon Sports yaje gufungura amazamu, ni igitego cyatsinzwe na Musa Esenu n’umutwe ku mupira wari uvuye kuri koruneri.

Iyi kipe yakomeje kotsa igitutu ishaka igitego ndetse iza kukibona ku munota wa 43 cyatsinzwe na Musa Esenu nyuma y’akazi gakomeye kakozwe na Joackiam Ojera. Amakipe yagiye kuruhuka ari 2-0.

Ku munota wa 63 Mvuyekure Emmanuel yaje kubona ikarita itukura nyuma yo gukubita umupira umusifuzi.

Muri iyi minota Etoile del’Est yarimo ikinira cyane mu kibuga cya Rayon Sports ubona ishaka igitego ariko kubyaza umusaruro amahirwe babonye bibanza kuba ikibazo. Ku munota wa 90, Gods Power Gabriel yatsindiye Etoile del’Est impozamarira maze umukino warangiye ari 2-1.

Uko imikino y’umunsi wa 6 yagenze

Ku wa Kabiri tariki ya 10 Ukwakira 2023

Gorilla FC 2-2 Gasogi United
APR FC 1-1 Bugesera FC
Etincelles 3-0 Musanze FC (Mpaga)
Mukura VS 1-0 Sunrise FC

Ku wa Gatatu tariki ya 11 Ukwakira 2023
Marines FC vs AS Kigali

Amagaju FC 1-1 Kiyovu Sports
Police FC 2-1 Muhazi United
Rayon Sports vs Etoile del’Est
Marines FC 0-1 AS Kigali

Maso ubanza iburyo, niwe mutoza mukuru wa Etoile, yungirijwe na Karim Kamanzi wakiniye amavubi mu gikombe cy’ Afurika 2004

Wade umutoza wari wungirije Yamen, ubu niwe mutoza Mukuru wa Rayon Sports w’agateganyo

31″ Igitego cya mbere cya Rayon Sports. Rayon Sports ifinguye amazamu ku mupira uturutse muri Koroneri, Musa Esenu aterekaho umutwe, umupira uruhukira mu izamu.

21″ Rayon Sports ihushije igitego, ku mupira Bugingo yari ateye Ngendahimana aterekaho umutwe umupira ujya hanze

Aya makipe amaze guhura imikino ibiri ya shampiyona, aho Rayon Sports yatsinze umukino umwe inganya undi.

Abakinnyi 11 Etoile de l’Est yabanje mu kibuga

Nsabimana Jean de Dieu “Shaoulin”

Mumbele Mbusa Jeremie (c)

Ndayishimiye Celestin

Rwema Amza

Sebahakwa Michel

Turatsinze John ‘Kibonke’

Nziengui Nicodem

Dunia Wanjalo Serge

GodsPower Gabriel

Hakizimana Tity

Inemesit Sunday

15″ Nyuma y’iminota igera kuri 3, Nsabimana abaganga bamwitayeho, arongeye arahagurutse.

12″ Umunyezamu wa Etoile de L’Est Nsabimana aryamye hasi nyuma yo kugongana na Ojera wa Rayon Sports mu rubuga rw’amahina.

09″ kufura Etoile irayihannye umupira ukubita mu rukuta urarenga

08″ Kufura ya Etoile ku ikosa rikorewe Sunday, nyuma yaho Rwatubyaye amutegeye inyuma y’urubuga rw’amanina

18:03″ Umukino uratangiye

17:57″ Amakipe yombi avuye mu rwambariro, bakaba bagiye kwifotoza umukino ugatangira

17:52″ Abakinnyi b’abasimbura baragarutse,

17:45″ Abakinnyi basubiye mu rwambariro

Kuri uyu wa Kane tariki 11 Ukwakira, shampiyona y’icyiciro cya mbere mu Rwanda yakomeje hakinwa imikino isoza umunsi wa 6 wa shampiyona. Rayon Sports nyuma yo gutandukana na Yamen Zelfani igarutse mu kibuga ishaka amanota atatu yo kwiyunga n’abafana.

Etoile de L’est iri ku mwanya wa 9 n’amanota 6 ikaba ishaka amanota atatu yo hanze nkuko yabikoze kuri Mukura.

Kuri ubu buri Muvangamuziki (Dj )uri muri batanu bahataniye uyu mwanya wa mbere, afite impumeko ye ndetse n’uburyo yiyumva naramuka yegukanye aya mafaranga kongeraho no kuba ‘Brand Ambassador’ w’uru ruganda. 

Baganira na InyaRwanda, batubwiye uko biyumva ndetse n’icyizere bifitiye.

1. Dj Dallas: Ari  mu bahatana mu marushanwa ya Mutzing Amabeat ,agaruka ku  byo gutsindira aya mafaranga yagize ati “Rwose ayo mafaranga ni menshi cyane, nanjye ubwanjye ubu sindamenya icyo nzayakoresha kugeza ubu. Gusa ariko ukuri guhari ni uko ntabura icyo nyakoresha kandi kizima kikabyara andi mafaranga menshi”.

Uyu musore kandi yaboneyeho no kuvuga ko bishobotse yazahita anashyira hanze indirimbo cyane ko amafaranga nta kintu na kimwe adakora.

Dj Dallas avuga ko  azakora ikintu kinini kivuye muri aya mafaranga

Dalas yifitiye icyizere gikomeye

2. Dj Noodlot ugeze muri batanu ba nyuma mu irushanwa rya Mutzing Amabeat, yavuze ko rwose ikintu yimirije imbere ari ugufasha bagenzi be namara gutwara iri rushanwa.

Uyu musore mu busanzwe yize” Computer Science” mu mashuri y’isumbuye, ndetse aza no gukomeza muri Kaminuza ariko ntibyakunda ko ayisoza bitewe n’impamvu ze bwite.

Nyuma yaje kujya kwiga kuvanga imiziki, ndetse aza no guhita atangira kubikora nk’umwuga aho kuri ubu abifitemo uburambe bungana n’imyaka 6.

Uyu musore wagize amahirwe yo kugera mu cyiciro cya ny’uma muri iri rushanwa, aganira na InyaRwanda.com yavuze ko naramuka atwaye miliyoni 18 azashinga aho abavanga imiziki( DJs), bazajya biyerekanira.

Ati” Ayo ni amafaranga menshi rwose Kandi meza, rero nimara kuyatsindira ikintu cya mbere nzahita nyakoresha, ni ugushinga ihuriro ry’abavanga imiziki hanyuma bakazajya bagira aho biyerekanira, buri wese akerekana umwihariko we. Kuko akenshi usanga baba bakorera mu kabari bityo abantu bikaba bigoye kubabona cyangwa se kubona ubudasa bwabo kandi  njyewe ikintu nshaka ni ukuzamura na bagenzi banjye”.

Dj Noodlot avuga ko azahita ashinga ihuriro ry’abavanga imiziki kugira ngo bagire aho babarizwa

3. Dj Kavori: Umuhanga mu kuvanga imiziki Dj Kavori wageze muri batanu ba nyuma muri iri rushanwa, avuga ko namara gutwara Miliyoni 18 azarwana no kuyikenuzamo ibibazo bitandukanye bijyanye n’umwuga akora.

Uyu musore ubusanzwe wize ibintu bijyanye n’ubwubatsi mu mashuri y’isumbuye’ Construction’, nyuma akaza kwisanga mu muziki, yatangiye kwiga kuvanga imiziki mu mwaka wa 2018, hanyuma atangira kubikora nk’umwuga mu mwaka wa 2019.

Aganira na InyaRwanda.com, yavuze icyo azakoresha izo miliyoni aramutse azitsindiye.

Ati” Ni ibintu ayo mafaranga yakora byinshi cyane, kabone nubwo wayakoramo ikintu kimwe gusa, cyaba ari ikintu kinini kandi kiremereye. Hanyuma njyewe nindamuka nyatsindiye, nzagerageza kwikenura mu tubazo tujyanye n’umwuga mbamo wo kuvanga imiziki.

Hano nshobora kuzaguramo ibikoresho bigezezweho mu kuvanga imiziki n’ibindi byinshi byazatuma mva ku rwego rumwe nkagera ku rundi mu buryo bugaragara”.

Dj Kavori avuga ko azaguramo ibikoresho bigezezweho byo kuvanga imiziki

4. Dj Yolo: Umuhanga mu kuvanga imiziki uzwi ku izina rya Dj Yolo avuga ko rwose amafaranga miliyoni 18 ari ize nta kabuza.

Uyu musore umaze igihe kingana n’imyaka 9  muri uyu mwuga , avuga ko ari ibintu yiyumvagamo kuva akiri muto ariko bitewe nuko yari asanzwe n’ubundi yiga mu mashuri asanzwe, ntabwo byatumaga abasha kujya kubyiga nk’umwuga ahubwo yabyigiraga ku bandi.

Avuga ko rwose we icyizere afite ari kinshi  ati” Kuko ndi mu irushanwa ngomba kuritsinda, ntabwo ngomba gutsindwa”.

Dj Yolo avuga ko aya mafaranga bitewe nuko azaza mu byiciro bitandukanye utahita  uvuga ngo uzayakoresha iki kuko amafaranga ataziye rimwe aba agoranye guhita uvugira rimwe ngo uzayakoresha iki. Ati ” Impamvu ni uko usanga andi ajya kuza, ugasanga ayo baguhaye mbere wayakoreshejeho utundi tuntu, bityo wayateranya yose ugasanga ntabwo miliyoni 18 zigeramo kuko amwe asanga andi warayakoreshejeho.

Dj Yolo avuga ko azakoresha igikwiye ariya mafaranga

Dj Yolo ( Wicaye hagati)

5. Dj Lenzo: Uyu musore umaze igihe kitari gito mu mwuga wo kuvanga imiziki cyane ko yawutangiye mu mwaka wa 2014, avuga ko naramuka atwaye izi miliyoni azahita ashinga ihuriro ry’abavanga imiziki kugira ngo bajye bagira aho bahurira banabarizwa muri rusange mu buryo bwo guha agaciro umwuga we. 

Ikindi kandi avuga ko azahita ashora amafaranga mu mpano ye yo kuvanga imiziki akayivana ku rwego rumwe akayigeza ku rundi.

Dj Lenzo avuga ko amafaranga azakoresha mu kwagura impano ye

Ati”Gusa ariko icyo gukoramo ni ikintu kinini cyane ngomba kuzakuramo umunsi nayatsindiye, ikindi kandi agomba kuza imbere ni miliyoni 18( uwa mbere), cyangwa se wenda miliyoni 12( uwa kabiri).

Gusa na none aba basore icyo bose bahuriraho, ni uko iri rushanwa rwose ari ingenzi cyane mu kazi kabo cyane ko mbese katahabwaga agaciro gakwiye, hano benshi bavuga ko bitewe n’agaciro  ubu kahawe n’umubyeyi adashobora kugira  aho ahera abuza umwana we gukora aka kazi nk’uko mbere byahoze bimeze.

Icyiciro cya nyuma cy’iri rushanwa, giteganijwe kuri uyu wa Gatandatu tariki ya 14 Ukwakira 2023 muri Camp Kigali, aho kwinjira ari ibihumbi bitanu( 5000frw) hanyuma ukayanywera yose icyo ushatse yaba fanta, Mutzing cyangwa se n’ibindi ushaka byengwa n’uruganda rwa Bralirwa.

Aba Dj bose bariteguye

Kuri uyu wa Gatandatu, ibigo byahize ibindi mu gutanga serivise z'intangarugero, byongeye gushimirwa mu bihembo ngarukamwaka bya Service Excellence Awards byari bitanzwe ku nshuro ya munani.

Mu bigo byashimiwe harimo Premier Bet imenyerewe mu gutanga serivise zirahirwa na benshi. Iki kigo cyahawe ishimwe nk'ikigo cyahize ibindi byose mu gutanga serivise nziza mu gutega ku mikino itandukanye.

Umuyobozi mukuru wa Premier Bet, Apostolos Kalodoukas, yashimiye Kalisimbi Event yateguye igikorwa arenzaho gushimira abakozi barenga 400 ba Premier Bet, bagira umuhate mu kazi kabo ka buri munsi akaba ari nabo bakesha iki gihembo.

Premier isanzwe ifite amashami asaga 160 mu gihugu hose, afasha abanyarwanda n'abarugenderera gutega ku mikino y'amahitamo yabo kandi bagahabwa ibikubo bya mbere.

Umuyobozi wa Kalisimbi Events, Mugisha Emmanuel, yavuze ko impamvu yo gutegura ibi bihembo ari ugushimira ibigo bikomeje guhesha isura nziza u Rwanda, bitanga serivisi nziza ku babigana.

Umuyobozi mukuru wa Premier Bet, Bwana Apostolos Kalodoukas yakira ishimwe nk'ikigo cya mbere mu gutanga serivise zo gutega ku mikino mu Rwanda


Apostolos Kalodoukas yashimiye Kalisimbi Events, n'abakozi basaga 400 bafasha abagenderera Premier Bet umunsi ku wundi