Category: Uncategorized

Thierry Froger utoza APR FC yaraye mu ijoro ritari ryiza, nyuma y’uko atakarije amanota 2 ku mukino yahuyemo na Bugesera FC. Ibi byateye ikindi gihunga ku buyobozi buri kwibaza niba uyu mutoza yahambirizwa cyangwa se akaba yahabwa imikino.

Abafana nabo basa naho babivuyemo bavuga ko umutoza ari gutoza nabi ndetse imisimburize ye n’imikinishirize y’abakinnyi aribyo biri gutuma itakaza amanota. Kuva mu mwaka w’imikino 2009-2010 ubwo InyaRwanda yatangiraga kubara, ntabwo aribwo bwa mbere APR FC yatangira shampiyona bidashamaje, bikarangira yegukanye igikombe. Tugiye kurebera hamwe uko APR FC yitwara mu mikino 5 ya mbere ya shampiyona kuva 2009.

Imyaka ine y’imikino, nibwo APR FC yashoje imikino 5 yashampiyona itarengeje amanota 10. Muri iyo myaka APR FC yegukanye kandi igikombe cya shampiyona nubwo twavuga ko iba yatangiye nabi. Imyaka 3 gusa y’imikino nibwo APR FC yashoje imikino 5 idatakaje inota narimwe, aho ni 2010-11, 2018-19, 2020-21.

Ku bijyanye no kwinjiza ibitego, iyi ni inshuro ya Gatatu APR ishoje imikino 5 ya mbere ya shampiyona itsinze ibitego bike, (7) aho byabaye 2010-11 na 2016-17 aho iyo myaka yose yari yatsinze ibitego 7.

APR FC uyu mwaka ntiratsindwa umukino, ndetse bikaba bibaye ku nshuro ya 10 mu myaka 15. APR FC imaze kunganya imikino ibiri mu mikino 5 imaze gukina, ikaba ariyo mikino myinshi inganyije mu ntangiriro za Shampiyona.

Tugiye mu mibare yo mu kibuga, twavuga ko APR FC nta gikuba cyacitse, ariko bigedanye n’uburyo iri gukinamo n’uko itakaza amanota byaba impamvu yo kwirukana umutoza.

Thierry Froger yicariye intebe ishyushye nyuma yo kunganya na Bugesera FC ku maherere

Hari ibintu 8 ukwiriye kumenya mbere yo gutemberera i Bujumbura:

1. Kwitwaza amadolali biguhesha amahirwe yo kubona amafaranga menshi y'u Burundi kuko aba akenewe ku isoko

Ufite amadolali asamirwa hejuru

Ibiciro byo muri hoteli bibarirwa mu madolali

Mu Bujumbura amafaranga afite agaciro kandi yabuze ku isoko ni amadolali. Ukigera mu mujyi hagati ku biro by'ivunjisha, usanga ufite amafaranga y'amanyarwanda nta muntu uyashamadukira. Ni kimwe n'andi mafaranga yose ntabwo afite isoko. Iyo ufite umuntu uvunja akumenera ibanga ko nuzana amadolali aza kukuvunjira neza.

Urugero witwaje amadoali 200 y'amerika uhabwa amafaranga y'amarundi ibihumbi 860. Birumvikana ko ushaka kujya kurya ubuzima ugatembera ku kiyaga cya Tanganyika ukaba wazenguruka umujyi wose ushobora kwitwaza amadolali 300 ni amafaranga y'amarundi asaga 1,290,000 Fbu. 

Mu gihe witwaje amafaranga y'u Rwanda uhabwa atangana nk'ay'uwajyanye amadolali. Urugero niba witwaje amanyarwanda ibihumbi 200 bakuvunjiye wahabwa amafaranga y'u Burundi angana 660,000 Fbu. Biragaragara ko amafaranga y'u Rwanda kuyitwaza ari igihombo nubwo nayo kuyavunja ngo uhabwe amadolali ari ikindi kiguzi kuko ukeneye amadolali $200 wishyura amanyarwanda 251,800 Frws (1$=1259 Frws). 

Niyo uganiriye n'umuvunjayi akubwira ko amanyarwanda biza kugorana kubona uyagura kandi ko amadolali aho waba uri hose aza kukwirebera. Muri make henshi mu hahurira abafite amafaranga menshi ifaranga rikoreshwa mu kwishyura ni amadolali. Muri hoteli usanga batemera amafaranga y'amarundi ahubwo bashyira imbere amadolali ndetse n'ibiciro biba biri mu madolali.

2. Kugura simakadi ya telefoni ukigerayo

Lumitel niyo ifite murandasi yihuta ikoresha 4G

Ukinjira mu mujyi ni ngombwa kugura simcard ya sosiyete zitanga serivisi z'ikoranabuhanga imbere mu gihugu kugira ngo ubashe kuvugana n'abo wasize iwanyu ariko ukoresheje WhatsApp kuko guhamagara bihenze kurusha kugura ibiryo. 

Urugero ushaka guhamagara umuntu wasize mu Rwanda ugashyiramo airtime ya 3000 Fbu muvugana amasegonda atarenze 7. Urumva ukeneye ko muvugana umunota wakoresha ari hejuru ya 15,000 Fbu. Nyamara Brochette nini yokeje neza igura 3500 Fbu birumvikana ko kurya bihendutse kurusha guhamagara hanze y'u Burundi. 

Niyo mpamvu uzasanga abenshi bahamagara bakoresheje WhatsApp kubera ko baba baguze murandasi kandi guhamagaza amafaranga asanzwe byagusigira ubukene. Biba byiza kwitwaza Pasiporo kuko Laisser Passer ntabwo bayikubaruraho simcard keretse ubonye umunyagihugu ugutiza simcard ukazayimusubiza utashye. Ku bijyanye na murandasi iracyari hasi cyane ku buryo i Burundi amakuru yaho uyasanga kuri Facebook kurusha izindi mbuga nkoranyambaga.

3. Aho ujya hose utega Tax, nta moto iba i Bujumbura

Iyo ikirori kirangiye udafite imodoka agenda n’amaguru

Udafite amikoro ahagije ukaba waramenyereye kujya mu bice bitandukanye bya Kigali ukoresheje moto, ugeze i Bujumbura wagorwa n'uburyo bwo kugenda. Bitewe n'amateka yaranze u Burundi mu 2015 ubwo hadukaga imvururu za politiki zashakaga guhirika ku butegetsi nyakwigendera Pierre Nkurunziza benshi mu bateraga ibisasu bagendaga kuri moto.

Akurira moto agiye guturitsa inyubako runaka cyangwa se kurasa abantu benshi bari hamwe. Kuva ubwo rero moto zaciwe mu mujyi ku buryo hakoreshwa Tax Voiture aho waba ugiye hose. 

Nk'uko i Kigali moto ubona ari nyinshi ni nako Taxi i Bujumbura ziba ari nyinshi kandi kuzitega agaciro kazo kenda kungana nka moto nuko haba ibibazo by'ibikomoka kuri peteroli ku buryo udatungurwa no kubona imodoka zitonze umurongo kuri sitasiyo zicuruza Essence na Mazout. 

Nibura amafaranga make ukoresha ufashe Tax ni 5000 Fbu ugiye ahantu wagereranya n'ahagendwa na 500 Frws hano i Kigali. 

Biba byiza kuba uri kumwe n'umurundi aho ujya hose kuko iyo ufashe Tax bakumva uri umunyarwanda bongera ibiciro. Niba wari kwishyura 10,000Fbu bongeraho 5000 Fbu kuko baba bazi ko ufite agatubutse. 

Icyakora aho kugurira ibyo kurya no kunywa ibiciro ni bimwe ntabwo baguhenda. Ubaye witwaje imodoka yawe byaba byiza kugenda wujuje Essence kuko mu masaha y'ijoro station zirafunga, ikindi kugura essence biragoye kuko mu gihugu bafite ikibazo cy'ibikomoka kuri peteroli.

4. Mu mujyi wose nijoro bazimya amatara

Uhereye ku mupaka wa Nemba, Gasekebuye, Douane werekeza i Bujumbura utungurwa no kubona ugenda mu muhanda utagira amatara. Ahari amatara naho usanga azimije. Ibi si inkuru ku basazwe bagenda n'abatuye i Burundi kuko no mu mujyi hagati amatara barayazimya. Ibi barabimenyereye ko amatara iyo bwije bayazimya.

Bujumbura ya Nijoro ntabwo iba yaka

Amata ku muhanda ntabwo aba yaka

Imodoka yawe idafite amatara wacanganyikirwa

Bujumbura ya nijoro kubona ahaka itara ni ‘Mana mfasha’

5. Aho gufatira amafunguro henshi kurwana n'isazi ntabwo bitangaje!

Kuri iriya hene hari huzuyeho isazi

Brochette igura 3500 Fbu, ni 1000 Frws

Ziriya ni isazi zafashe ku ihene ibaze

Hoteli zifite inyenyeri haba isuku kuko bakira abanyamahanga. Hano ni muri Olivia Hotel yacumbikiye The Ben. Ifite inyenyeri 5

Usibye mu mahoteli akomeye ubundi ahandi kuba wakenera aho ujya kurira ka mushikake ntabwo utungurwa no gusanga kwihungura isazi nka kumwe inka yihungura umubu. Henshi mu ho Inyarwanda yagiye ishaka amakuru atandukanye wasangaga aho bafatira amafunguro huzuye isazi kabone nubwo haba ari ahantu hazwi cyane mu mujyi hose. 

Hamwe ubaza umuntu aho wafatira amafunguro akakurangira, ugatega tax nayo ikakujyana aho benshi bazi usanga aho akujyanye imbere aho bicara ari isazi, ku muryango ari isazi zituma. Ibi rero ku banyagihugu barabimenyereye ku buryo ubaye ufite umushinga wo kurwanya aya masazi wenda nk'umuti wayica cyangwa ubundi buryo byaba igitekerezo kiza cyo kurokora ubuzima bw'abagenda Bujumbura. Icyokora ahantu henshi ku kiyaga cya Tanganyika haba hari isuku kuko biragoye kurwana n'isazi.

6. Bujumbura ntibaryama

I Bujumbura mu mpera za Weeekend bahora mu birori

Mu gihe i Kigali hari amasaha yo kuba utemerewe kuba uri gufata icyo kunywa siko bimeze i Bujumbura. Amasaha yose uba uri kurya amafaranga yawe nta muntu uguhagaze hejuru. Umutekano ni wose kuko polisi iba izenguruka ireba ko nta gihungabanya umutekano. 

Usanga mu minsi isoza Weekend abanyarwanda ari benshi mu tubari n'utubyiniro tw'I Bujumbura dore ko hari imodoka zikora Tax zitwara abagenzi bava n'abajya i Bujumbura buri munsi. Umushoferi twaganiriye yabwiye InyaRwanda ko akora amasaha 24 kandi ari 80,000 Fbu angana na 25,000 Frws ku muntu uva i Kigali werekeza i Bujumbura cyangwa se uva i Bujumbura uza i Kigali.

7. Bariyeri zihagarika abagenzi

Uvuye ku mupaka ukaba ari ubwa mbere ugiye i Bujumbura byagucaga cyane. Muri buri ntara haba hari bariyeri 2. Imwe winjira mu ntara indi ugiye kuyisohokamo. Kuri buri bariyeri ubazwa ibyangombwa, imodoka ukavuga ibyo itwaye bikaba akarusho kwitwaza amafaranga avunje y'inoti za 5000 Fbu yo kugenda utanga kuri buri bariyeri kugira ngo udakererwa usobanura byinshi cyangwa se basaka imodoka yawe. 

Iyo uri mu modoka ya V8 ntabwo polisi ikubaza byinshi ahubwo baguterera amasari bakeka ko uri Umuyobozi cyangwa se Umukire. I Burundi, Umukire n'Umuyobozi bahabwa umutekano ungana. Kurya ruswa ntabwo i Burundi ari inkuru kuko yihutisha serivisi ukeneye utiriwe ukererwa mu nzira.

8. Abarundi bakirana urugwiro Abanyarwanda

Kubera ibibazo byagiye birangwa hagati y'ibihugu byombi usanga abaturage bo bafite urugwiro rwo kwakira Abanyarwanda ku buryo utungurwa n'ukuntu wakiriwe. Benshi mu banyarwanda batarajya i Burundi baracyakeka ko hari umutekano muke, nyamara ibintu byarahindutse bafite amatsiko yo kwakira buri wese ubagana.

Mu mujyi hagati i Bujumbura utubyiniro, utubari turakesha kandi ntabwo haba ikibazo cy'amasaha cyangwa se umutekano. Usanga Tax zigenda amasaha yose, ariko aho gufatira amafunguro atari mu tubari byakugora. Ukeneye gutemberera Tanganyika n'ahandi hantu hose heza baragutembereza bakagusobanurira byose uba wibaza ugataha washize amatsiko. 

Ufite inshuti yawe iba i Bujumbura ifite imodoka kumuteguza akaza kugufata akagutembereza ntabwo ari ibintu bishya kuko bagira urukundo rwo kwakira abashyitsi. Ntabwo yajya gufata amafunguro ngo agusige aho agiye hose arakujyana akakwereka inshuti ze. Iyo ugiye gutaha ubona atabishaka. Baracyafite urukundo rutarimo uburyarya.

TEMBERA BUJUMBURA YAHOZE ARI UMURWA MUKURU MBERE YA 2018

TEMBERA TANGANYIKA IKORA KURI BUJUMBURA

Ugiye i Bujumbura ugataha utageze kuri Tanganyika nta nkuru wazabona ubara ku bo wasize

AMAFOTO: DIEUDONNE MURENZI

Niba ukurikiranira hafi umuziki benshi bakomeye muri wo usanga baratangiye bahatana mu marushanwa nubwo baba batayegukanye gusa byabazamuriraga izina no gukomeza kugira inyota yo gukora ibirenze ari nako biyungura ubumenyi.

Urugendo rwo gukuza impano binyuze mu buryo bw’amarushanwa Genius Records ikaba irukatajemo aho nyuma yo guhatana mu buryo  bw’ikoranabuhanga batatu bahize abandi mu majwi bahise babona itike ya nyuma y’irushanwa. 

Mu gihe abandi 15 bo bagikomeje guhatana aho ku wa 20 Ukwakira 2023 bazahatana mu buryo bw’imbonankubone ndetse guhera kuri iyo tariki kugera kuri 31 Ukwakira 2023 bakazahatana mu buryo bw’ikoranabuhanga hifashishijwe urubuga rwa noneho.com.

Muri 7 bakaba aribo bazasoza bagiye gucakirana na bagenzi babo bandi 3 bamaze gukatisha tike ya nyuma umunsi wo gusoza ukazaba ku wa 04 Ugushyingo 2023 hamenyekana abegukanye ibihembo.

Ibihembo bikaba bizahabwa batatu biyongeraho umukobwa umwe mu rwego gufasha abari n’abategarugori bakiri bacye mu muziki.

Urutonde rwabagiye guhatana muri 1/2 

1.Ishimwe Sylvie 

2.Mugisha Prince 

3.Pamela Tumukunde 

4.Shyaka Jean Pierre 

5.Mutangana Ronel 

6.Sicha 

7.Ucishamake 

8.Assuman Mubiru

9.Kevin Onell 

10.2kevin

11.Teta Alicia 

12.Utamuriza Judith

13.Khali One 

14.Wally 

15.Kīdbebe

Batatu bamaze gukatisha itike ya nyuma

1.Kenny Kennedy 

2.Muhirwa Jean Remmy

3.Umutoni Carine

UKO ABAHATANA BAHAGAZE MU MAJWI

Umukinnyi wa Police FC, Hakizimana Muhadjiri afite icyizere ko umunsi umwe azabona ikipe imwe yo mu Rwanda izagera ku mukino wa nyuma w’imikino Nyafurika.

Ni nyuma y’uko Rayon Sports na APR FC zari zihagarariye u Rwanda muri CAF Champions League na Confederation Cup 2023-24 zavuyemo zitabashije kugera mu matsinda.

Rayon Sports muri 2018 niyo yageze mu matsinda ya CAF Confederation Cup ndetse iranaharenga igera muri 1/4 gusa kuva icyo gihe ntirongera kuhagera ndetse nta n’indi yo mu Rwanda irabasha kongera kuhagera.

Mu kiganiro yagiranye n’ikinyamakuru ISIMBI, Muhadjiri Hakizimana agaruka ku mpamvu yatumye amakipe yo mu Rwanda uyu mwaka atajya mu matsinda, yavuze ko atari yo makipe yonyine yabyifuzaga kuko n’ayo bahuye yabishakaga, gusa ngo hari igihe uhura n’ikipe ikomeye kandi ikurusha byose.

Ati “Buriya n’amakipe baba bakina nayo aba ashaka gukomeza muri ayo matsinda, nibaza ko umupira ari ko umeze hari igihe uhura n’ikipe ikomeye kukurusha, ikurusha n’ibintu byose, ikintu tuba tugomba kwemera hari ikipe muhura ikurusha abakinnyi beza, ikurusha ubushobozi, rimwe na rimwe tuba tugomba kubihanganira niyo mpamvu hari amakipe yo muri Afurika ari hejuru yayo mu Rwanda.”

“Tuba tugomba kwiga, tukigira kuri ayo makipe aturusha nko muri Tanzania urabona aho amakipe yabo ageze, ntabwo mu myaka ishize ari ko byari bimeze, ariko ubu ubona ko bari hejuru, natwe rero tugomba kubyiga, ni gahoro gahoro ntabwo ari ako kanya abantu babivuze ngo birahita biba, ni ukubikorera.”

Ku kuba hari ikipe yo mu Rwanda yazagera ku mukino wa nyuma w’imikino Nyafurika, yavuze ko bishoboka cyane, gusa ngo bakwiyue kumenya ko bisaba igihe atari ikintu gihita kiba.

Ati “Birashoboka cyane kuko niba ubona amakipe yatangiye kuzana abanyamahanga (APR FC), urumva nibwo bwa mbere ariko ndibaza uko shampiyona zigenda ziza bazajya bagenda bareba abakinnyi beza, bizagenda biza.”

Abacamanza batatu n'umwanditsi w'urukiko nibo basomye iki cyemezo ku nzitizi zari zagaragajwe na Hakuzimana Abdoul Rachid ndetse n'ubushinjacyaha.

Rachid yasabaga urukiko ko ikirego cy'ubushinjacyaha kitakwakirwa, Rachid kandi yasabaga urukiko ko yakurikiranwa adafunzwe nkuko byakozwe kuri Edouard Bamporiki wahoze ari umunyamabanga wa leta muri Minisiteri y'urubyiruko n'umuco ndetse na Isaac Munyakazi wahoze muri Minisiteri y'uburezi.

Yavuze ko Bamporiki na Munyakazi nabo baburanye badafunzwe ibi yabishingiraga ko abanyarwanda bareshya imbere y'amategeko.

Ubushinjacyaha bwavugaga ko ibyo Rachid asaba nta shingiro bifite kandi ibyo bwakoze byakurikije amategeko.

Ubushinjacyaha kandi bwasaba ko urubanza rwa Hakuzimana Abdoul Rachid rwashyirwa mu muhezo bigendanye n'ibiruvugirwamo kuko byakwangiza umudendezo w'igihugu.

Ni mu gihe Hakuzimana Abdoul Rachid we yasabaga ko urubanza rwabera mu ruhame binagendanye ko ibyo akekwaho yabikoreye ku karubanda.

Urukiko rwarabisuzumye hisunzwe ingingo z'amategeko ruvuga ko Rachid kuba asaba ko uru rukiko rudakwiye kwakira ikirego cy'ubushinjacyaha nta shingiro bifite bityo urukiko rukwiye kucyakira.

Urukiko kandi ruvuga ko kuba Rachid aburana afunzwe bikurikije amategeko kuko umuntu ashobora kuburana afunzwe cyangwa adafunzwe bityo Rachid yaburana afunzwe.

Urukiko kandi rwavuze ko ubusabe bw'ubushinjacyaha bw'uko urubanza rwaburanira mu muhezo nta shingiro bifite bityo urubanza rugomba kubera mu ruhame.

Hakuzimana Abdoul Rachid wamenyekanye cyane ku mbugankoranyambaga nka YouTube avuka mu karere ka Nyarugenge mu mujyi wa Kigali.

Uyu mugabo aregwa ibyaha bitandukanye birimo guhakana Jenoside, gupfobya Jenoside, gutangaza amakuru y'ibihuha no gukurura amacakubiri.

Ni ibyaha aburanira mu rugereko rwihariye rushinzwe kuburanisha ibyaha mpuzamahanga n'ibyambukiranya imbibi ruri i Nyanza mu Majyepfo y'u Rwanda.

Ibi byose abiburana abihakana ikindi aburana atunganiwe, mu bihe bitandukanye yakunze kumvikana avuga ko ari umunyapolitiki w'igenga.

Si ubwa mbere atawe muri yombi kuko yafunzwe imyaka umunani we avuga ko yaje kurekurwa atazi iherezo ry'uko byagenze.

Niba nta gihindutse iburanisha rizasubukurwa taliki ya 23/11/2023.

Muhire Kevin wari umaze iminsi mu Rwanda nta kipe afite, yasinyiye Rayon Sports amasezerano azageza muri Mutarama 2024.

Kuva yasoza amasezerano na Al- Yarmouk yo muri Kuwait mu mpeshyi y’uyu mwaka, Muhire Kevin ari mu Rwanda aho nta kipe yari afite.

Rayon Sports yamaze gutangaza ko uyu mukinnyi ubu ari umukinnyi wayo, uyigarutsemo nyuma y’ibihe bitandukanye yagiye ayikinira.

Amakuru ISIMBI yamenye ni uko Muhire Kevin yasinyiye Rayon Sports amasezerano y’igihe gito azageza muri Mutarama 2024.

Uyu mukinnyi ukina mu kibuga hagati ariko afasha abataha izamu afite amakipe atandukanye ashobora kwerekezamo muri Mutarama ari nayo mpamvu yumvikanye n’iyi kipe igihe gito, mu gihe bitanduka akaba azaguma muri Rayon Sports akayisinyira igihe kirekire.

Muhire Kevin yatangiriye umupira mu Isonga FC yavuyemo 2015 ajya muri Rayon Sports yakiniye kugeza 2019.

2019 nibwo yerekeje mu ikipe El Makasa mu Misiri yahise imutiza muri El Dakhlia mu gihe cy’amezi 6 nayo yo muri iki gihugu.

Muri Mutarama 2020 ikipe ye ya El Makasa yaje kongera kumutiza umwaka muri El Gaish. Muri Werurwe 2021 ubwo yari asoje amasezerano ye yahise yerekeza muri Saham Club yamazemo ukwezi kumwe maze muri Mata 2021 agaruka muri Rayon Sports yakiniye kugeza muri Kanama 2022 ubwo yerekezaga muri Al- Yarmouk yakiniye umwaka umwe.

Rayon Sports is happy to announce the signing of Rwanda national team midfielder Kevin MUHIRE to a short – term agreement#OnceaBlueAlwaysaBlue @MuhireKevin5 pic.twitter.com/rNEXRNkvfy

— Rayon Sports Official (@rayon_sports) October 12, 2023

Rutahizamu wa Rayon Sportsn, Musa Esenu yaruciye ararumira niba azongera amasezerano muri iyi kipe, ni mu gihe ayo afite ari ku musozo.

Musa Esenu ukomoka muri Uganda, muri Mutarama 2024 azaba ari ku mpera z’amasezerano ye muri Rayon Sports.

Ubwo yaganiraga n’ikinyamakuru ISIMBI, Musa Esenu yavuze ko ubu nta bintu byinshi yabivugaho ahubwo agomba kubanza kurangiza amasezerano afite.

Ati “ibyo tuzaba tubivugaho, reka tubanze turangize igihe nsigaje, hagize ikiba rwose muzahita mubimenya.”

Muri Mutarama 2022 nibwo Musa Esenu yasinyiye Rayon Sports amasezerano y’imyaka 2 azarangira muri Mutarama 2024.

Imikino yo kwishyura ya 2021-22 yatsindiye Rayon Sports ibitego 7 ni mu gihe umwaka w’imikino wa 2022-23 muri shampiyona yatsinze ibitego 9.

Kiri Paji 72 cyasohotse kuri uyu wa Kane tariki 11 Ukwakira 2023. Cyanditswe n'abakozi batatu b'Inteko y'Umuco Kabagema Egide, Murego Yves ndetse na Niyomugaba Jonathan.

Ni nyuma yo gukorera ingendoshuri mu ntara zitandukanye z'u Rwanda, bakusanya ibitekerezo cyane cyane baganira n'abakuze ku miterere y'imbyino gakondo za Kinyarwanda n'uko zikwiye kuba zitozwa.

Umuyobozi w'Itorero Intayoberana, Kayigemera Sangwa Aline aherutse kubwira InyaRwanda ko 'Inyoborabatoza' ije ikenewe kuko bizatuma buri torero rihimba ryisunze umurongo ngenderwaho.

Avuga ati 'Burya umurongo ni ngombwa cyane, kuko bituma uhimba adatana kuko hari iby'ibanze amatorero abyina,urugero kuba bamenya inkomoko y'ibyo baserukana n'uburyo biserukwa, inyitwaro, injyana ndetse n'ibindi.'

Yavuze ko ari ibyo kwishimirwa kuko nubwo itorero ryagira umwihariko waryo, ariko hakwiye kuba hari umurongo bazi bagomba kugenderaho.

Akomeza ati 'Hari iby'ibanze amatorero abyina aba agomba kumenya nk'ishingiro, bityo n'ibyo bahimba bikagira ireme bishingiye ku gusobanukirwa neza imvo n'imvano yabyo. Ni ibyo kwishimira, kandi ni ingenzi cyane.'

Ijambo ry'ibanze ry'iki gitabo risobanuka ko ikinyejana cya 21 cyagaragaje iterambere ridasanzwe ry'uruganda ndangamuco n'ubuhanzi hirya no hino ku Isi.

Bikaba ari nako bimeze mu Rwanda aho ubu ubuhanzi n'ibikorwa ndangamuco bifatwa nk'imwe mu nkingi z'iterambere rirambye kandi icyo cyiciro kigaragara nk'igikwiye gushyirwamo imbaraga nyinshi.

Mu Rwanda rwo hambere ababanzi bakomeje kubonwa nk'abafasha mu myidagaduro, mu itumanaho n'isangiramuco binyuze mu ndirimbo, imbyino, imyiyereko, ubugeni n'ubuvanganzo nyemvugo

Abanditsi b'iki gitabo bavuga ko mu cyiciro cy'imbyino ndamuco, hagaragayemo icyuho mu mitoreze yazo cyane cyane mu bakiri bato, mu mashuri n'ahandi.

Kandi ko ibi byanagaragajwe mu nama nyunguranabitekerezo yari iyobowe na Ministiri w'Urubyiruko n'Umuco, yari yitabiriwe n'abayobozi b' Inteko y'Umuco, Inama y'Igihugu y'Abahanzi, ahagarariye urugaga ndetse n' amatorero y'imbyino Gakondo mu Rwanda (tariki ya 21 Nyakanga 2023).

Muri iyi Nyoborabatoza batangaje harimo imbyino gakondo zikurikira: Imbyino z'inka n'izerekeka ubwiza bw'umunyarwandakazi, Imyireko, Imbyino z'umudiho inyuranye, n'Imbyino zihariye.

Muri iyi Nyoborabatoza ntabwo imbyino zose za kinyarwanda bazivuye inyuma, kuko hazakurikiraho ibikorwa byo kugenda bavuga birambuye kuri buri mbyino.

Abanditse b'iki gitabo bavuga ko 'Icyari kigenderewe kwari ukugaragaza zimwe mu mbyino z'ibanze, imyiyereko zamenyekanye cyane kandi zikigaragara na n'ubu kugira ngo abato, abazitoza n'abandi basobanukirwe n'umwimwerere wazo bityo babe bawigana; abahanga ibishya na bo babashe kuvomamo ariko hagamijwe muri rusange gusigasira uwo murage.'

Kuri Paji ya Cyenda y'iki gitabo basobanura ko 'Imbyino' ari 'Guhoondagura ibireenge ku butaka ku buryo bubonéye ukabigira wíikuunda mu mubyíimba kaándi urusakú rw'íbireenge rukajyaanirana n íindíriimbo yabígenewe'. Naho ijambo imbyino ryo rigasobanura 'Indíriimbo ihérekejwe númudiiho'

Imbyino ni imwe mu nkingi za mwamba z'Umuco Nyarwanda kuko umuziki no kubyina byakomeje kuba iby'ingenzi mu bigize umuryango nyarwanda: 'Mu Rwanda kubyina byari kandi biracyari ishema ku buryo buri munyarwanda ashatse yagira ati: Ubwo ndiririmba, mbyina ubwo ndiho.'

Ibi bigaragaza ko imbyino n'indirimbo bifitanye isano ya hafi. Bigaragaza kandi ko indirimbo n'imbyino bifite umwanya ukomeye mu mibereho y'Abanyarwanda.

Abanditsi b'iki gitabo bahuza imbaraga n'aba batoza b'imbyino bari bubakiye ku ntego yo:

-Kugaragaza ubwoko bunyuranye bw'imbyino gakondo ndetse n'izizishamikiyeho bitewe n'uturere;

-Kugaragaza no gukosora amakosa agaragara mu mitoreze y'imbyino

gakondo;

-Kugaragaza imitoreze ikwiye y'imbyino gakondo nyarwanda;

-Kugaragaza imyambarire ikwiye mu kubyina no guseruka;

-Kugaragaza ibikoresho bikenerwa mu kubyina no guseruka.

Kuri Paji ya 15 bagaragaza imbyino z'inka n'izerekana ubwiza. Bakavuga ko imbyino nyinshi mu Rwanda rwo hambere zari zishamikiye ku kuvuga inka n'ubwiza.

Mu kubyina imbyino izwi nk'umushagiriro hakoreshwa ibice by'umubiri birimo umutwe, igihimba, amaboko ndetse n'amaguru. Kandi ushagirira wese agomba kuba yikwije, akenyeye kandi yiteye.

Umushagiriro watangiye ari imwe mu mbyino zaserukanwaga i bwami hagamijwe kwerekana kwikunda k'Umunyarwandakazi wakereye guhimbaza abo ataramiye.

Iyi mbyino ni umwihariko w'igitsina gore. Ushagirira akoresha ibice byose by'umubiri ariko akibanda cyane ku mubyimba n'amaboko, guhanika uruhanga ari nako amwenyurira abo ataramiye.

Kuri Paji ya 17 bagaruka ku mbyino izwi nk'ikimenyera: Ni imwe mu mbyino yamenyekanye cyane ikomoka mu Majyaruguru y'Iburengerazuba bw'u Rwanda, ahitwa mu Bigogwe (Rwankeli, Nkuli, Akanage, Kingogo).

Bitewe n'uko ako ari agace kiganjemo ubworozi bw'inka kuva mu bihe byo hambere, iyi mbyino bayiserukana barata inka, bikagaragarira no mu ndirimbo ziherekeza izo mbyino.

Ikinyemera ni imbyino iserukanwa n'ibitsina byombi bagatandukanira mu gutega maboko, mu ntambwe no buryo abagore bakoresha umwitero mu cyiciro kitwa kuvugutira inka.

Kuri paji ya 18 basobanura iby'imbyino izwi nk ''igishakamba'. Iyi mbyino ikomoka mu Nkore mu gihugu cy'Ubuganda. Yaje kugera mu Rwanda inyuze mu Mutara w'i Ndorwa, mu Ntara y'Iburasirazuba bw'u Rwanda. Iza gusakara mu Buganza, ikwira mu gihugu hose.

Mu kubyina iyi ndirimbo abagabo baseruka bacinya ikirenge inshuro ebyiri zikurikirana ku butaka babisikanya amaguru, ukw'ibumoso n'ukw'iburyo, bakabanza gucunda amaboko bayerekeza imbere n'inyuma cyangwa iburyo n'ibumoso.

Kuri Paji ya 20 bagaruka ku mbyino y'icumu: Ni imbyino yo mu Burasirazuba, iserukanwa n'ababyeyi bateze urugori, batega amaboko azamuye hejuru bakayamanura imbere baganisha hasi bagiye gushinga icumu ryo hasi.

Mu gihe cyo gushinga icumu ryo hejuru bazamura amaboko nk'abayashibura, bagakomeza mu ntambwe zoroheje.

Iyi mbyino ifite umwihariko wo kugendera mu ntambwe bacinya ikirenge kimwe ubugira kabiri mu ruhande rumwe, mu gihe ikindi kirenge cyo gikora hasi mu buryo bworoheje cyane ari na ko bishongora bakebuka impande zombi.

Imbyino z'imyiyereko:

Ni ingeri yo guseruka yahoze ari umwihariko w'ingabo ziri mu myitozo haba ibwami, ibutware, mu ngando no ku rugerero.

Izi mbyino zirangwa n'umuhamirizo w'intore: Umuhamirizo ni imwe mu ngeri z'imyiyereko intore ziserukana. Mu Rwanda rwo hambere, kubera ko intore ari zo zatorwagamo ingabo z'igihugu, uwo mwiyereko wari ufitanye isano ya hafi n'urugamba, dore ko uhamiriza aserukana ibikoresho bikoze nka zimwe mu ntwaro gakondo mu biganza byombi (icumu, ingabo cyangwa umuheto mu gihe cyo hambere).

Mu guhamiriza hakoreshwa umutwe, igihimba, amaboko n'amaguru. Ni mu gihe Umuhamirizo ugizwe n'umutahano ndetse n'umuhamirizo nyirizana.

Kwiyereka Inkota: Uyu mwiyereko wagaragaye cyane mu Kanage na Kingogo, mu budaha no mu Marangara. Ukorwa n'abagabo bake binjira mu Ntambwe zitwa Urugege, zigendera ku njyana itangwa n'Ihembe rivuzwa. Abaseruka bose baba bitwaje inkota iri mu rwubati rubajwe mu giti (Urugero: Umusave).

Uyu mwiyereko urushaho gutangaza abawureba bwa mbere igihe umwe mu biyereka akoresheje ukuguru kw'iburyo, akubitisha igitsitsino urwubati ruri mu mugongo maze inkota yarimo ikiterera hejuru.

Kwiyereka Icumu n'Ingabo/Umuheto: Uyu mwiyereko na wo ni uw'urugamba. Abiyereka bashobora kwiyereka bamwe bafite amacumu n'ingabo, abandi bafite imiheto n'imyambi; guseruka kw'aba mbere bikitwa gutamba ingabo.

Umutwe wa Gatatu w'iki gitabo bagaruka ku 'Imidiho'. Ijambo umudiho rikomoka ku nshinga kudiha bisobanuye kubyina ucinya ibirenge ku butaka, ubisimburanya kandi harimo n'imbaraga. Imidiho ishobora kugaragaramo ibice bitatu bikurikira, banagaruka ku kinimba cyo mu Ndorwa cyamamaye cyane, ikinimba cyo mu murera n'ibindi.

Mu gusoza iki gitabo banagaruka ku ngeri zihariye z'imbyino nk ''intwatwa', imbyino yamamaye cyane kuri bamwe mu bagize umuryango nyarwanda bitwaga 'Abatwa'

Mu Rwanda rwo hambere, imbyino z'intwatwa zatandukanaga bitewe n'abazibyina n'aho zibyinirwa; iz'ibwami n'iza rubanda.

Inyinshi mu mbyino z'intwatwa zigira injyana ya 5/8. Kimwe no zindi mbyino, umugabo ubyina intwatwa aseruka mu ntambwe ndende naho umugore agaseruka mu ziringaniye uretse ko muri iyi mbyino ho barushaho kwisanzura, guhimbarwa, bagatwarwa bakabigaragariza cyane mu ntambwe z'ibitego n'ibikango tutibagiwe no kunyuzamo bagatega urushara.

Mu gutegura iki gitabo hisunzwe ibindi bitabo by'abahanga barimo Mbonimana Gamaliel wafatanyije n'Inteko nyarwanda y'Ururimi n'Umuco akandika igitabo kitwa Trois siècles de musique rwandaise traditionnelle (1692 – 1952), Kigali, 2019;

Ndetse na Nkurikiyinka Jean Baptiste: Introduction à la danse rwandaise traditionelle, 2002 na G. Simpenzwe, Ingoma i Rwanda, 1992.

Iki gitabo gisohotse nyuma y'uko mu mashuri hashyizweho gahunda yo gutoza abana umuco bigishwa byinshi ku mateka, imivugo, indirimbo n'imbyino.

Hari haciye iminsi umunsi wa shampiyona y’icyiciro cya mbere mu Rwanda mu mupira w’amaguru amakipe atawukinira rimwe, kuko Rayon Sports na APR FC FC bari mu mikino mpuzamahanga ya CAF, nubwo bose baherutse gusezerwa. Kuri uyu wa Kabiri no ku wa Gatatu, nibwo shampiyona yasubikuwe ku buryo bwuzuye, hakinwa umunsi wa 6.

Ni umunsi waranzwe n’udushya dutandukanye, harimo mpaga ikipe ya Musanze FC yateye Etincelles FC kubera kubura ingobyi y’abarwayi.

Uko imikino yagenze

Ku wa Kabiri

Mukura 1-0 Sunrise FC

Gorilla FC 2-2 Gasogi United

Etincelles FC 0-3 Musanze FC

APR FC 1-1 Bugesera FC

Ku wa gatatu

Police FC 2-1 Muhazi United

Marine FC 0-1 As Kigali

Amagaju FC 1-1 Kiyovu Sports

Rayon Sports 2-1 Etoile de L’est

Iyi mikino yose igera ku 8, yabonetsemo ibitego 19. Muri ibi bitego, 9 muri byo byabonetse mu gice cya mbere, naho ibindi 10 biboneka mu gice cya kabiri. Ikipe z’i Burengerazuba bw’u Rwanda, nizo  zitabashije kubona inota narimwe kandi zakiriye imikino, Marine FC yatsinzwe na As Kigali naho Etincelles FC iterwa mpaga. Amakipe y’i Burasirazuba yose ntabwo yahiriwe, kuko Etoile de L’est, Muhazi United na Sunrise FC zatsinzwe, Bugesera FC inganya na APR FC.

Uyu munsi wa Gatandatu wa shampiyona, APR FC niyo yantunguranye kuko yari yakiriye Bugesera FC isabwa kuyitsinda igakomeza guhangana na Musanze FC, ariko ntabwo byayihiriye. Ikipe ya Gorilla FC, uyu munsi wa Gatandatu nanone usize itaratsindwa umukino n’umwe, ariko nayo ntabwo iratsinda umukino n’umwe.

Uyu munsi wa Gatandatu wa shampiyona, habonetsemo amakarita 2 y’imituku, harimo ikarita yahawe Nizigiyimana Mackenzie ukinira Kiyovu Sports, ndetse n’ikarita yaraye ihawe Mvuyekure Emmanuel.

Urutonde rwa shampiyona

Musanze FC iyoboye urutonde rwa shampiyona n’amanota 13, APR FC ku mwanya wa kabiri n’amanota 11, Amagaju FC ku mwanya wa gatatu n’amanota 9, Rayon Sports ku mwanya wa 4 n’amanota 9. Etincelles FC iri ku mwanya wa 15 n’amanota 4, Muhazi United ku mwanya wa nyuma n’amanota 3. 

Musa Esenu niwe mukinnyi watsinze ibitego birenze kimwe kuri uyu munsi wa shampiyona 

Mvuyekure Emmanuel yahawe ikarita y’umutuku, nyuma yo gutera umupira umusifuzi abishaka 

Mukura Victory Sports ikomeje kugorwa no kubona ibitego, yatsinze Sunrise FC mu minota ya nyuma 

Muhazi United bikomeje kwanga ubu iryamye ku mwanya wa nyuma 

Gorilla FC na Gasogi United wari umukino witezwe na benshi byarangiye banganyije ibitego 2-2 

“>

“>

“>

“>

“>