Ikipe y'Igihugu Amavubi yakomeje imyitozo yo kwitegura imikino ibiri izahura na Zimbabwe na Afurika y'Epfo mu guhatanira itike yo kuzakina igikombe cy'isi mu 2026.
Abakinnyi bitoje inshuro ebyiri mu masaha ya mbere na nyuma ya saa sita yo kuri uyu wa Mbere tariki 6 Ugushyingo 2023.
Umunyamakuru wa RBA Lorenzo Christian Musangamfura yashimiye yashimiye mugenzi we Tity Kayishema Thierry wo kuri Televiziyo Rwanda bombi bakora ibiganiro b'imikino.
Lorenzo abinyujije ku rukuta rwe rwa X, yasangije abamukurikira ifito ya Kayishema maze aherekezaho amagambo amushimira agira ati 'Komeza unyigishe byinshi mu buzima, Bwana Vélo.'
Tity nawe yahise amusubiza ati 'Ikibazo umuntu akwigisha kwiruka ugashaka kumusiga. Nturi kumpa agahenge pe gusa nishimira kubwira uwumva. Iwacu mu cyaro iyo ubonye umuntu wawe yateye imbere/yiteje imbere ntako bisa.
Yakomeje agira ati 'Iyo aguze imodoka akaguha lift ukicara imbere ushyira akaboko mu idirishya ukayivumvira kuruta nyirayo (aya makuru yakemezwa na Rigoga Ruth ukuntu njya nimanika nk'aho ari iyanjye).'
Aba batoza ni Thierry Froger utoza ikipe ya APR FC, Mashami Vincent utoza ikipe ya Police FC, Lotfi Afahmia utoza ikipe ya Mukura Victory Sports, ndetse n’umutoza Petros Koukouras utoza ikipe ya Kiyovu Sports. Aba batoza, bagiye bitwara neza mu mikino ya shampiyona y’ukwezi kwa cumi, aho bafashije amakipe yabo kwisanga mu myanya y’imbere.
Afahmia Lotfi mu kwezi ku Ukwakira, yatoje imikino 4, harimo umukino yatsinzemo ikipe ya Sunrise FC igitego 1-0, atsindwa na APR FC igitego 1-0, atsinda Bugesera FC ibitego 2-1, ndetse atsinda na Etincelles FC ibitego 2-1. Iyi mikino Afahmia Lotfi muri iyi mikino, yasaruyemo amanota 9 kuri 12 yakiniye.
Undi mutoza ni Mashami Vincent. Uyu mutoza bigendanye n’uko yatangiye shampiyona, ukwezi k’Ukwakira yakwitwayemo neza, kuko yatsinze imikino yose yakinnyemo, harimo umukino yatsinzemo Muhazi United ibitego 2-1, atsinda As Kigali igitego 1-0, atsinda Kiyovu Sports ibitego 3-1, ndetse atsinda Gasogi United igitego 1-0, ari nawo mukino wasoje ukwezi. Mu mikino yose ine Mashami Vincent yatoje, yasaruyemo amanota 12 kuri 12.Â
Petros Koukouras utoza Kiyovu Sports, nawe ni umwe mu batoza bitwaye neza kuko yafashije Kiyovu Sports muri uku kwezi. Uyu mutoza yatoje imikino itanu, irimo umukino yatsinzemo Gorilla FC igitego 1-0, anganya na Amagaju FC igitego 1-1, atsinda Marine FC ibitego 2-1, atsindwa na Police FC ibitego 3-1, umukino usoza ukwezi atsinda atsinda ibitego 6-1 ikipe ya Etoile de L’est. Mu mikino uyu mutoza yatoje, yasaruyemo amanota 10 kuri 15.
Umutoza wa kane, ni Thierry Froger utoza ikipe ya APR FC. Thierry Froger watangiye shampiyona ashidikanywaho, ukwezi kwa 10 gusize Thierry Froger atojemo imikino 5, harimo umukino yatsinzemo Musanze FC ibitego 2-1, anganya na Bugesera FC igitego 1-1, atsinda Mukura Victory Sports igitego 1-0, atsinda Etincelles FC ibitego 3-0, ndetse anganya na Rayon Sports ubusa ku busa. Imikino 5 uyu mutoza yatoje, yasaruyemo amanota 11 kuri 15.Â
Gutora aba batoza b’ukwezi byatangiye, aho wanyura ku mbuga nkoranyambaga za InyaRwanda zose, ukaba wahitamo umutoza ubona witwaye neza.
Twabibutsa ko igihembo cy’umutoza mwiza w’ukwezi kwa Kanama cyegukanwe na Lumumba Sosthene utoza Musanze FC ndetse ukwezi kwa Nzeri Amars Niyongabo utoza Amagaju aracyegukana.Â
Kimisagara, bategeye umugabo inoti ya 500 ngo ajye kurohora ihene yarohamye muri ruhurura apfiramo.
Ibi byabaye ku cyumweru tariki ya 5/11/2023.
Kuri ubu Polisi y'u Rwanda na RIB barahageze bahita batangira ibikorwa by'iperereza no kumukuramo.
Mbere yo gukina babanza gukoropa! Sitade ya Gicumbi yabaye ikusanyirizo ry'amazi y'imvura yo mu karere.
Ikibuga Akagera yakiriraho imikino ya U-20 gikomeje gutangaza abanyarwanda kubera ukuntu cyibika amazi akacyuzura.
[AMAFOTO]
Mu Rwanda hakiniwe irushanwa mpuzamahanga rya Central All Africa Challenge Trophy. Ni irushanwa ryahuje ibihugu bitandatu biturutse ku Mugabane wa Afurika.
Abakurikiye iryo rushanwa, batunguwe n'umukecuru ukomoka mu birwa bya Maurice, Francine Delloye wahatanye ku myaka 95 y'amavuko ndetse akanagira bimwe mu bihembo atwara.
Francine Delloye, yahatanye mu irushanwa rya Central All Africa Challenge Trophy ari we mukinnyi mukuru ku myaka 95 y'amavuko ndetse anegukana igihembo cy'umukinnyi mwiza watowe n'abafana.
Igihugu kibarizwa mu birwa bya Maurice ni kimwe mu makipe yari afite abakinnyi bakuru bagihagarariye muri iri rushanwa.
Pascal Duclos, Beatrice d'Arifat, Razia Currimjee na Francine Delloye, nibo ikipe y'ibirwa bya Maurice yari ifite mu Rwanda. Aba bose ni ku nshuro ya mbere kandi bari bitabiriye iri rushanwa ndetse banatungurana ku buryo bitwaye.
Umukecuru rukukuri w'imyaka 95 y'amavuko Francine Delloye, yasoreje ku mwanya wa 16 mu bakinnyi 28. Francine Delloye yasozanyije amanota 252, akora ibitandukanye, n'ibyo benshi mu bakurikiranye iri rushanwa bamutekerezagaho.
Ibyo Francine Delloye byamuhesheje gukundwa n'abafana baramutora anahemberwa kuba ari umukinnyi w'irushanwa. Mu magambo ye yagize ati 'Abakiri bato bagomba gukunda siporo ni bwo bashobora kugeza imyaka nk'iyo mfite'.
Itangwa hagamijwe gufasha abahanzi no gufasha mu kurema imirimo mishya ishingiye ku bahanzi akaba atangwa na Minisiteri iba ifite mu nshingano ubuhanzi
Umuyobozi w’Urugaga rw’Abahanzi mu Rwanda, Intore Tuyisengey yabwiye InyaRwanda ko bakomeje gusaba ko iyi ngengo y'imari yiyongera kugirango igere kuri bose babarizwa mu inganda ndangamuco.
Yavuze ati 'Nubwo hari icyo Igihugu gikora ariko iyo ngengo y’imari iracyari nke cyane ari nayo mpamvu twakomeje gusaba ko yakongerwa kandi dushimira Leta ko yumvise ubusabe bw’abahanzi ikadusezeranya ko bishobokaâ¦'
Aya mafaranga ashyirwa mu Nganda Ndangamuco n'Inteko y'Umuco, akoreshwa cyane mu bikorwa bigirira akamaro abahanzi bose muri rusange. Yifashishwa cyane mu gutegura inkunga ibikorwa bizamura impano z'abahanzi nka ArtRwanda-Ubuhanzi, ibitaramo, gutegura amarushanwa yo guhimba indirimbo n'imivugo n'ibindi.
Ntabwo ahabwa umuntu ku giti cye, ahubwo akoreshwa mu bikorwa bibyarira inyungu umubare munini.
Ubwo yatangiza icyiciro cya Gatatu cya ArtRwanda-Ubuhanzi, Minisitiri Utumatwishima yavuze ko bitewe n'ibyifuzwa n'ibikenewe Ingengo y'Imari igenerwa Inganda Ndangamuco ishobora kwongerwa mu rwego rwo kuzamura uru rwego.
Asubiza ikibazo cy'umunyamakuru wa InyaRwanda yagize ati “[…]Ishobora kuba ahubwo wenda idahagije ku rwego twakifuje, ahubwo icyakorwa n’uko bijyanye n’ibyifuzwa n’ibyifuzwa n’ibihari ishobora kongerwa bijyanye n’ibyaba bikenewe ariko ubundi muri Minisiteri y’Urubyiruko n’Umuco, Umuco n'Inganda Ndangamuco (Culture and Creative Industry) yari ifite ingendo y’imari igenerwa ishobora kuba idahagije bijyanye n’ibyifuzo bihari numva twahera kubyaba bihari bishobora kongerwa. Uwo murongo w’ingengo y’imari urahari, ahubwo ni ukuwongera.”
Utumatwishima agaragaza ko bafite intego y'uko Inganda Ndangamuco zizatanga umusanzu mu Ingengo y'Imari y'Igihugu nk'uko bigenda mu bihugu birimo nka Nigeria, Leta Zunze Ubumwe za Amerika n'ahandi, aho ubuhanzi bwateye imbere cyane.
Ati “Nakishimira ko iki gice cyaba nk’uko bimeze mu bindi bihugu, turabizi iyo ureba Hollywood (Amerika), Nollywood (Nigeria), Bollywood (U Buhinde) usanga ahari abahanzi ‘Creative industry’ izamura ubukungu bw’igihugu ku buryo bugaragara.”
Leta ya Nigeria yashoye imari nini mu guteza imbere uruganda rw'imyidagaduro muri iki gihugu, byatumye abahanzi b'aho bisanga cyane ku isoko Mpuzamahanga. Ingero ni nyinshi z'abahanzi bo muri iki gihugu nka Burna Boy, Wizkid, Davido, Omah Lay n'abandi utabasha gutumira uko wiboneye mu bitaramo.
Nka Burna Boy kugirango aze i Kigali wamwishyura nibura Miliyoni 500 Frw. Aba banyamuziki baca uduhigo uko bucyeye n'uko bwije mu bitaramo, ku mbuga zicuruzizwaho umuziki n'ibindi, kandi bamaze kwegukana ibihembo bikomeye ku Isi.
Ubushakashatsi bwakozwe n'ikigo IFPI, bwagiye hanze ku wa 17 Ukwakira 2020, bwagaragaje ko uruganda rw'umuziki winjije Miliyari 81.9 ⬠mu bihugu 27 bigize Umuryango w'Ibihugu by'u Burayi n'ubwami bw'u Bwongereza, kandi uru ruganda rw'umuziki rwahanze imirimo igera kuri miliyoni 2.
Ubundi bushakashatsi bwerekanye ko uruganda rw'umuziki rugira uruhare rwa Miliyari 170$ ku ngengo y'imari y'umwaka ya Leta Zunze Ubumwe za Amerika, kandi rugahanga akazi ku bantu barenga miliyoni 2.5 binyuze mu bitaramo, gucuruza ibihangano ku mbuga nkoranyambaga n'ibindi.
Imibare igaragaza ko uruganda rw'umuziki muri Nigeria rwinjiye Miliyoni 26$ muri Nigeria mu 2014, rwinjiza Miliyoni 34$ mu 2018, biteganyijwe ko muri uyu mwaka uru ruganda ruzinjiriza Nigeria nibura Miliyoni 44$.
 
Minisitiri Utumatwishima yatangaje ko hazakorwa ubuvugizi ingengo y'imari igenerwa ubuhanzi ikiyongera bitewe n'ibikenewe gukorwa- Aha yaganiraga na Intore Tuyisenge
MTN Rwanda, ikigo cy'itumanaho gikataje mu guha serivisi nziza abakiriya, cyamaze gutangaza urwunguko rw'igihembwe cya gatatu cy'uyu mwaka wa 2023 aho cyamaze kwiyongera ku kigero cya 13.6% ugereranyije n'umwaka ushize nyuma yo kwinjiza miliyari 182,2 Frw.
MTN Rwanda yatangaje ko kuva yatangira ikoreshwa rya 4G muri Nyakanga uyu mwaka, imaze gushyira ibikorwaremezo bishobora gufasha abakiliya babo kubona iyi internet ahantu 1,011. Bivuze ko byibuze 84% by'abatuye u Rwanda bashobora gukoresha internet ya MTN ya 4G nta nkomyi.
Isobanura ko amafaranga yinjiye aturutse muri serivisi za Mobile Money yiyongereyeho 34.7%, ayaturutse muri serivisi za internet yiyongeraho 22.4% mu gihe ayaturutse muri serivisi zo guhamagara yiyongereyeho 3.9%.
Umuyobozi Mukuru wa MTN Rwanda, Mapula Bodibe, yatangaje ko iki kigo cyishimiye ibyo kimaze kugeraho magingo aya ndetse ko ntakabuza gahunda ari ugukomerezaho.
Yagize ati 'Dushimishijwe n'ibyo tumaze kugeraho muri iki gihembwe cya gatatu muri uyu mwaka. Ubu intego yacu ni ukugera ku ntego twihaye.'
Yavuze ko iki kigo gikomeje gushyira imbaraga mu kongera ibikorwaremezo, kugira ngo serivisi batanga zikomeze kunoga kandi zigere kure hashoboka.
Umuyobozi Mukuru ushinzwe imari muri MTN Rwanda, Mark Nkurunziza, yemeje ko urebye kubipimo by'ubukungu bihari ko byerekana ko umwaka wa 2023 uzagenda neza mubijyanye n'imari.
Nyuma yo kunguka miliyari 186,2 Frw, MTN Rwanda yiteze ko urwunguko rwayo ruzakomeza kwiyongera mu bihe biri imbere biturutse ku ishoramari rikomeye iki kigo cyashyize mu bikorwa remezo bya Internet ya 4G hirya no hino mu gihugu.
MTN Rwanda imaze kugeza ikoranabuhanga rya 4G mu gihugu hose aho ikorera ku kigero cya 80% ndetse ni yo yihariye isoko rigari mu Rwanda.
Iyi sosiyete kandi igiye gushora miliyari 26 Frw mu gukwirakwiza ibikorwaremezo bigezweho mu gufasha abakiliya kubona internet nziza no gukoresha ikoranabuhanga.
Abinjiza amafaranga make, barimo n'umwarimu w'ishuri ribanza Angelique Uwubuntu, bazatangira muri uku kwezi k'Ugushyingo, guhabwa umushahara wigiye hejuru nyuma y'uko guverinoma igiye gushyira mu bikorwa itegeko ry'imisoro y'amafaranga yinjiye ryo mu 2022.
Uwubuntu yatangarije ikinyamakuru The New Times dukesha iyi nkuru ko igipimo cy'imisoro cya 20 ku ijana isabwa buri kwezi ku muntu winjiza hagati y'amafaranga 60.000 na 100.000 FRW na 30 ku ijana ku binjiza hagati ya 100.000 na 200.000 FRW, yari menshi, byatumaga abakozi babona umushahara muto kandi ntibabone ubushobozi bwo kubona ibyo bakeneye byibanze.
Iki kibazo kigiye gukemuka binyuze mu ishyirwa mu bikorwa ry'itegeko ryo kugabanya ibiciro by'imisoro yashyizweho mu itegeko ry'imisoro ku mafaranga yinjijwe ryo mu 2022,riratangira gushyirwa mu bikorwa guhera mu Gushyingo 2023.
Muri uku kwezi,abakozi binjiza amafaranga ari hagati ya 60.000 kugeza 100.000 FRW bazasoreshwa ku gipimo cya 10 ku ijana aho kuba 20 ku ijana, naho abinjiza amafaranga kuva 100.000 kugeza 200.000 FRW bazasoreshwa ku gipimo cya 20 ku ijana aho kuba 30 ku ijana nkuko byari bimeze.
Mwarimu Uwubuntu yavuze ko umushahara we uri hagati ya 100.000 na 200.000 FRW ku kwezi, bityo kugabanya imisoro byari ngombwa kugira ngo abantu babashe guhangana n'izamuka rikabije ry'ibiciro muri iki gihe.
Ati: 'Icyemezo cyo kugabanya imisoro kirashimishije kuko kizangabanyiriza inshingano ku byerekeye amafaranga nk'umukozi kandi bizongera â” ku rugero runaka â” ubushobozi bwanjye bwo kubona ibyo nkeneye by'ibanze'.
Perezida wa COTRAF Rwanda, Eric Nzabandora,yatangarije The New Times ko kugabanya imisoro bizatanga agahenge ku bakozi binjiza amafaranga make.
Ati: 'Kugabanya imisoro ku bahembwa amafaranga ari hagati ya 60.000 na 200.000 bizabafasha guhaza ibyo bakeneye.'
Ingobyi y'abarwayi (Ambulance) y'Ibitaro bya Kabgayi yambaye yambaye ibirango GP 242 B yagonze umusaza wari utwaye igare ndetse n'abagendaga ku muhanda babiri harimo umukobwa yatwaye mu mapine, ariko bose barakomereka ntihagira uhita ashiramo umwuka.
Ni impanuka yabaye kuri uyu wa Mbere tariki ya 06 Ugushyingo 2023 i Kabgayi mu Karere ka Muhanga.
Ababibonye biba bakaba bavuga ko umushoferi wari utwaye iyo ngobyi y'abarwayi ashobora kuba yakatiye igare ryamanukaga na ryo rikamukurikira akarigonga bigatuma barenga umuhanda.
Bakimara kurenga mu muhanda, basanganiye n'abanyamaguru bagenderaga mu nkengero zawo barimo bazamuka bagana mu Mujyi wa Muhanga.
Ganza Patrick avuga ko iyo modoka abarwayi yamanukaga ahazwi nk'i Gahogo mu Muhanda uva mu Mujyi wa Muhanga, ijya i Kabgayi ku Bitaro Bikuru, iuryo gare yagonze na ryo ngo rikaba ryamanukaga.
Yagize ati: 'Iyi modoka yamanukaga iva mu Mujyi wa Muhanga igana ku Bitaro Bikuru bya Kabgayi, ariko imbere hari umusaza wamanukaga atwaye igare aramukatira binarangira anamukuruye bituma akomeza kumuhunga bituma agonga abari hakurya. Gusa bigaragara ko uyu mushoferi yari yarangaye ashobora kuba yaganiraga n'umuforomokazi barikumwe aza kwisanga bidashoboka ko agarura iyi modoka'.
Munyaneza Gaston avuga ko mu bantu iyi modoka yasanzwe hakurya y'cyerekezo yajyagamo, yagonze abantu babiri ariko hakaba harimo umukobwa wababaye kuko byasabye ko imodoka bayimukuraho aho yahagaze.
Yagize ati: 'Mu bigaragara ni uko uyu mushoferi w'iyi modoka yari yarangaye cyane kuko kuva hakurya y'umukono umanuka ugasanga abagenzi bari hakurya y'umuhanda mu kindi cyerekezo ukagonga abazamukaga ni uko hari ikibazo gikomeye ariko umukobwa yatwaye mu mapine yababaye cyane kuko byasabye ko imodoka isunikwa kugira ngo ajyanwe kwa muganga'.
Nsabimana Diogene avuga ko urebye imiterere y'aha hantu bigaragara ko umushoferi yarangaye kugera aho agonga igare akaryambukana akagonga abandi bantu bari mu cyerekezo cyo hakurya.
Iyi modoka yangiritse itara ndetse n'ikirahure cy'imbere kirinda umuyobozi w'ikinyabiziga bigaragara ko hari uwagonzwe wagikubisemo umutwe urebye uko imodoka imeze.
Abagonzwe bajyanwe kuvurirwa ku bitaro Bikuru bya Kabgayi naho imodoka ijyanwa mu igaraje rya Diyosezi ya Kabgayi ahazwi nko kuri Gemeca mu gihe impanuka yabereye ku muhanda mushya uri muri metero 150 ku muhanda mushya urimo kubakwa.
