Ikipe y'igihugu Amavubi igiye kujya gushaka itike y'igikombe cy'isi, irashaka kwifashisha rutahizamu wa Musanze FC.
Ferwafa yatekereje kuri rutahizamu Peter Agblevor kuba yakongerwa mu mavubi.
Nk'uko bitangazwa na Radio1, ngo uyu rutahizamu yatekerejwe na Ferwafa kujya gufasha ubusatirizi bw'u Rwanda.
Ni icyemezo cyitari cyahabwa umugisha, gusa bari muri gahunda y'ikipe y'igihugu Amavubi.
Source : https://yegob.rw/rutahizamu-uherutse-kuvuna-kimenyi-yves-mu-muryango-ujya-mu-mavubi/
Umufana ukunda ikipe ya Boca Juniors muri Argentine yafashe umwanzuro wo kwiyahura bitewe n'uko ikipe ye yabuze Igikombe cya Copa Libertadores muri Amerika y'Epfo.
Ku tariki 03 Ugushyingo muri Stade Maracana iherereye muri Brazil habereye umukino wa nyuma w'Igikombe kiruta ibindi muri Amerika y'Epfo, Copa Libertadores. Uyu mukino wahuje Fliminse yo muri Brazil ndetse itwara Igikombe itsinze Boca Juniors ibitego 2-1.
Nyuma y'uyu mukino umufana w'imyaka 29 wa Boca Juniors yafashe umwanzuro wo kwiyahura nk'uko yari yarabisezeranyije Inshuti ze n'abo mu muryango we, bo bakagira ngo aratebya.
Source : https://yegob.rw/umufana-yafashe-icyemezo-cyigayitse-kubera-ikipe-yihebeye/
Musanze FC ikomeje kuruma gihwa aho igeze ku mukino w'umunsi wa 10 ikiyoboye urutonde rwa Shampiyona.
Shampiyona igiye kuba ihagaze mu gihe k'ibyumweru 2 kubera imikino y'ikipe y'Igihugu Amavubi iri gushaka itike y'igikombe cy'isi cya 2026.
Mu ijoro ryo ku wa Gatandatu tariki 04 Ugushyingo 2023 muri Hoteli Century Park iherereye i Nyarutarama mu mujyi wa Kigali, habereye ibirori byo gusoza irushanwa rya Supra Model Rwanda.
Iri rushanwa rigamije guteza imbere uruganda rw'imideri mu Rwanda, ryegukanywe n'Umwerekanamideri, Umutesi Li Hua Brenda wahize abandi berekanamideri bakizamuka bari bahatanye muri 'SupraModel Competition.
Iri rushanwa ritegurwa na Supra Family Rwanda Ltd isanzwe itegura amarushanwa atandukanye ateza imbere impano nka Supra Voice, Rwanda Influencers Award, Miss 'Supranational n'andi.
Igihembo nyamukuru cyegukanywe na Umutesi Li Hua Brenda wahize abandi 20 bari bahatanye, yegukanye ibihembo birimo icya Miliyoni 1 Frw , kurara ijoro muri Century Park Hotel, gukorerwa imisatsi na Dave Salon & Spa, gutemberezwa mu Rwanda na Missionaries Travel Rwanda ndetse no kuzahagarira u Rwanda muri Miss Africa Sub-Sahara.
Muri iri rushanwa kandi hatanzwe ibindi bihembo birimo uwakunzwe n'abantu cyane (People's Choice) cyegukanywe na Umumararungu Kelly Divine. Umurika imideli mwiza mu bijyanye no kwamamaza (commercial Model) yabaye Gihozo Sincere.
Hatanzwe kandi n'igihembo cy'umunyamideli wahize abandi mu gutambuka neza (Best Runway), cyegukanwa na Uwiduhaye Divine. Abegukanye ibi bihembo buri wese yahawe 300.000Frw.
Umutesi wegukanye iri rushanwa yavuze ko ari amahirwe akomeye, agiye kumufasha kwagura impano ye no guhesha ishema u Rwanda ku ruhando mpuzamahanga.
SupraModel Competition ni irushanwa ngarukamwaka ritoranya abafite impano mu kumurika imideli, rikabafasha kumenyekanisha ibikorwa byabo ku ruhando mpuzamahanga.
Umutesi Li Hua wegukanye irushanwa yishimiwe na benshi mu myambaro itangaje 
Usenga Josiane ni umwe mu bakobwa bakunzwe cyane n'abitabiriye iri rushanwa 
Bamwe mu basore berekanamideri batambutse imbere y'akanama nkemurampaka 
Uwiduhaye Divine umukobwa wasumbaga abandi bose yegukanye igihembo cy'umwerekanamideri ufite intambuko iruta iy'abandi 
Kanda hano urebe andi mafoto yaranze Supra Model Rwanda
AMAFOTO: Freddy-Rwigema [INYARWANDA]Â
Nyirangaruye Daphrose biracyekwa ko yishwe n'abana be babiri bamunize, bari bafitanye amakimbirane ashingiye ku mutungo.
Ibi byabaye kuri uyu wa mbere tariki 06 Ugushyingo 2023 mu mudugudu wa Gatebe,mu Kagali ka Susa mu Murenge wa Kanjongo mu Karere ka Nyamasheke.
Nk'uko bitangazwa na Konekt 250 dukesha iyi nkuru, ni uko abana n'uyu mubyeyi wabo babanaga mu makimbirane bapfa imitumgo.
Umunyamabanga Nshingwabikorwa w'Umurenge wa Kanjongo, Cyimana Kanyogote Juvenal, yavuze ko ayo makuru ariyo gusa n'abacyekwaho babyemeye.
Yagize ati':Ni byo koko uyu mubyeyi yapfuye ariko biracyekwa ko yishwe n'abana be bamunize kubera amakimbirane bari bafitanye ashingiye ku mitungo. Ubu abo bana bafashwe Kandi bari kubyemera'.
Gitifu Kanyogote akomeza avuga ko abacyekwaho icyaha cyo kuniga umubyeyi wabo bacumbikiwe kuri RIB Sitasiyo ya Kangongo.
Abatawe muri yombi ni Abasore 2 bavukana Ndikumana Joel w'imyaka 23 na Niyoyandinze Eric w'imyaka 18.
Source : https://yegob.rw/rib-yataye-muri-yombi-abana-ba-nyirangaruye-daphrose-bamwishe-bamunigaguye/
Abagore bafite abana bonka bacururiza mu masoko atandukanye mu karere ka Kayonza bavuga ko bahura n’inzitizi zituma batoroherwa no konsa abana mu buryo buboneye mu gihe bari mu mirimo y’ubucuruzi buciriritse n’indi mirimo ikorerwa mu masoko dore ko bacururiza bahetse abana mu mugongo.
Aba babyeyi bavuga ko bifuza gushyirirwaho ibyumba bifashisha mu gihe bagiye konsa ndetse bigashyirwamo n’ibikoresho byifashishwa gukaraba intoki. Abagore bakorera mu isoko rya Kayonza riherereye mu Murenge wa Mukarange ndetse n’irya Kabarondo riherereye mu kagari ka Rusera babwiye InyaRwanda ko umugore ushaka konsa bitamworohera.
Bavuga ko biterwa n’impamvu zinyuranye zirimo gutinya ko abana babo bashobora kurwara indwara zikomoka ku mwanda bitewe nuko mu isoko nta hantu hisanzuye bashobora kubona bakifashisha kugira ngo bonse abana uko bikwiye.
Bamwe mu bagore bacururiza mu masoko bavuga ko babangamiwe no kutagira ahantu hisanzuye ho bonkereza
Umwe muri abo bagore witwa Uwimana Diane avuga bifuza kubakirwa inzu igenewe bonsa kandi igashyirwamo ibikoresho bibafasha gusukura intoki zabo mbere yo Konsa. Ati: “Umubyeyi ushaka konsa arimo gucuruza biragoye usanga twonsa abana kubera ko barize naho ubundi dutegereza gutaha bakonka neza tugeze mu rugo”.
“Kuba umubyeyi agomba konsa umwana turabyigishwa ariko tukabangamirwa no kubona ahantu hisanzuye twonkereza abana bacu. Iyo umubyeyi ari mu isoko akenshi atinya konsa umwana kubera impungenge z’uko umwonkeje ufite intoki zisa nabi umwana yarwara inzoka bitewe nuko tuba twakoze ibintu byanduza intoki zacu.”
Bamwe mu babyeyi bakorera mu isoko riherereye mu kagari ka Nyagatavu ahazwi nko kuri Reach babwiye InyaRwanda ko ababyeyi bonsa hahacururiza batoroherwa no konsa kubera imiterere yaryo.
Umwe muri abo babyeyi, Umutoniwase Clarisse aganira na InyaRwanda.com yavuze ko kutagira uburyo bwo kwisanzura barimo konsa bituma ababyeyi batonka uko bikwiye.
Yagize ati: “Ababyeyi benshi bakorera muri iri soko birabagora konsa abana babo, igihe cy’izuba usanga bigoye konsa umwana ariko iyo bigeze mu mvura dutinya no konkereza abana muri ibi byondo ubona.Â
Muri iri soko ryacu tubangamirwa no kuhonkereza kubera urusaku ruba ruhari. Icyo twasaba nuko batwubakira ahantu twajya twicara tukonsa abana bacu dutuje.”
Ubuyobozi bw’Akarere ka Kayonza buvuga ko ahateganyijwe kuzubakwa amasoko ajyanye n’igihe hazanubakwa icyumba cyo gufasha ababyeyi konsa abana.
Umuyobozi Wungirije ushinzwe imibereho myiza mu karere ka Kayonza, Harelimana Jean Damascene, yabwiye InyaRwanda.com ko muri ako karere batangiye gutekereza uburyo abagore bafashwa Konsa mu gihe bari mu kazi batagombye gusanga abana mu rugo.
Yagize ati: “Gahunda yo gufasha ababyeyi konkereza ku kazi irahari, turimo turareba ahakorerwa akazi gatandukanye uburyo haboneka ibyumba ababyeyi bonkerezamo mu gihe abakozi bari mu kazi. Visi Meya Harelimana, yakomeje avuga ko mu masoko bateganya kubaka hazashyirwamo ibyumba abagore bonsa bazajya bonkerezamo”.
Agira ati: “Mu masoko naho turimo turatekereza uburyo ibyumba byo konkerezamo bihaboneka ariko hari aho ugera ugasanga hatari inyubako zimeze neza kuburyo hashyirwa icyumba kimeze neza. Ubundi umubyeyi yagakwiye kuba afite ahantu ashyira umwana hafi y’aho akorera kuburyo ashobora kuhamusanga agiye kumwonsa cyangwa agiye kumwitaho mu bundi buryo.Â
Ahazubakwa amasoko yujuje ibisabwa duhereye ku rya Kabarondo rigiye kuzura icyo cyumba kigenewe gufasha abagore bonsa kizashyirwamo.”
Ikigo cy’Igihugu gishinzwe Imikurire no kurengera umwana (NCDA) kigaragaza hagati y’umwaka wa 2015 na 2020, abagore bonsa neza abana bari munsi y’amezi atandatu ya mbere ntacyo bavangiwe ko bagabanutse kuburyo bavuye ku kigereranyo cya 87.3 muri 2015 bakagera kuri 80.9 % mu mwaka wa 2020 nk’uko byagaragajwe n’ubushakashatsi bwa DHS 2019/2020.
Umukozi ushinzwe imirire y’umwana n’umubyeyi mu kigo cy’Igihugu gishinzwe imikurire no kurengera umwana (NCDA) Machara Faustin, yemeza ko konsa neza umwana utarageza ku mezi atandatu kandi agahabwa amashereka yonyine nta kundi amuvangiye bimurinda indwara zitandukanye zibasira abana b’impinja anavuga ko amashereka arimo intungamubiri zihagije umwana aba akeneye ndetse akagira ubwirinzi ku ndwara zibasira abana.
Minisitiri w’Uburinganire n’iterambere ry’Umuryango, Dr Valentine Uwamariya, ubwo yatangiza icyumweru cyahariwe kwita ku Konsa yasabye abakoresha korohereza abakozi bakabona ahantu bonkereza kandi batavuye aho bakorera.
Yagize ati: “Dushishikariza abakoresha batandukanye kuba bagena aho ababyeyi bonkereza, kubera ko twese twirirwa twiruka, turi mu buzima busaba ababyeyi bombi gukora, usanga bigoranye ko umubyeyi yakonsa igihe cyose nta mbogamizi ahura nazo cyane cyane izigendanye n'amasaha y'akazi.'
Icyumweru cyahariwe kwita ku konsa mu rwego rwo kwizihiza umunsi Mpuzamahanga wahariwe Konsa cyatangiye kuwa Gatatu tariki ya 1 Ugushyingo kikazasozwa kuwa Kabiri tariki ya 7 Ugushyingo 2023. Uyu mwaka nsanganyamatsiko yahariwe umunsi Mpuzamahanga wo kwita ku Konsa Igira iti” Duharanire ko ababyeyi bonkereza aho bakorera “
Ubushakashatsi bwakozwe n’ikigo cya Centers for disease control and prevention', buvuga ko konsa umwana amashereka bitanga intungamubiri nyinshi ku mwana kandi bishobora kurinda umwana na nyina indwara zitandukanye.
Ababyeyi bacururiza mu masoko babangamiwe no kutagira ahantu hisanzuye bonkereza abana baba bahetse
Umunyamabanga wa Leta Zunze Ubumwe za Amerika Ushinzwe Ububanyi n'Amahanga, Antony Blinken, yagiranye ikiganiro kuri telefoni na Perezida Paul Kagame w'u Rwanda, ku bibazo by'umutekano mucye uri mu burasirazuba bwa Congo.
Ibiro by'Umukuru w'Igihugu byatangaje ko kuri uyu wa mbere, ari bwo bombi bagiranye ikiganiro cyitezweho gutanga umusaruro mu gucyemura ikibazo cy'umutekano mucye  kimaze iminsi muri  Congo.
Perezida Kagame  yashimangiye ko u Rwanda rushyigikiye byimazeyo uburyo bwashyizweho  bwo kugarura amahoro  no gusubiza ibintu mu buryo mu Burasirazuba bwa Congo no mu  Karere  muri rusange.
Ibi biganiro bije bikurikiye ibiheruka muri Kanama uyu mwaka na byo byabereye kuri telefoni.
Â
Â
Antony Blinken agiranye ikiganiro na Perezida Kagame mu gihe kuri ubu mu Burasirazuba bwa Repubulika Iharanira Demokarasi ya Congo imirwano y'umutwe wa M23 n'indi mitwe ihakorera, ariko yo ku ruhande rwa leta yongeye gukomera.
Amakuru avuga iyi mirwano iri gusatira umujyi wa Goma, ahantu hafatwa nk'izingiro ry'ubukungu bwa Congo.
Icyakora mu kiganiro UMUSEKE wagiranye n'Umuvugizi wa M23 , Major Willy Ngoma Umuvugizi w'inyeshyamba za M23, yatubwiye ko nta gahunda bafite yo gufata umujyi wa Goma.
Majoro Willy Ngoma yavuze ko Icyo bifuza ari ibiganiro ndetse ko bari kwirwanaho no gusubiza ibitero bagenda bagabwaho, bagamije kurinda abaturage.
Amerika ni kimwe mu bihugu byatunze urutoki u Rwanda, ivuga ko 'hari ubufasha bwa gisirikare ruha umutwe wa M23.'
Amerika ivuga ko ifite ibimenyetso byerekana ko u Rwanda ruha inkunga M23, igasaba ko rwayihagarika.
Icyakora yaba uRwanda na M23 ibi birego bagiye babyamaganira kure.
The post Perezida Kagame yaganiriye na Blinken ku kibazo cya Kongo Kinshasa appeared first on FLASH RADIO&TV.
Umusizi Rumaga Junior yavuze ko umugore we cyangwa umukunzi we atazigera amwambika impeta ahubwo azamwambika umwishywa (icyatsi gifite amateka akomeye mu bukwe bwa Kinyarwa).
Ni nyuma yo gusohora Igisigo 'Rudahinyuka' yakoranye n’umusizi Bahali Ruth aho avuga ko gishiniye ku nkuru mpamo ibaho se cyangwa yabaho y’abakundana by’ukuri, kikaba kizajyana n’igitabo cya cyo.
Ni Igisigo cyasohotse nyuma y’iminsi we na Bahali bakije umuriro ku mbuga nkoranyambaga, aho bashyizeho amafoto agaragaza uyu mukobwa atwite, nyuma bashyiraho andi yibarutse ariko yose aherekezwa n’amagambo meza y’urukundo aryoheye amatwi babwiranaga.
Byateje urujijo bamwe bati 'Ni byo' abandi bati 'Ni igihangano bagiye gusohora.' Kera kabaye ejo hashize Rumaga akaba yarashyize iki gisigo hanze.
Yabwiye ikinyamakuru ISIMBI ko abibazaga niba koko Rumaga yarateye inda Bahali ari byo yamuteye inda y’umwuka, inda y’Ibisigo itagombera amezi 9.
Ati 'Impamvu rero cyabaye ikibazo ni uko bibazaga Rumaga yabibashije, yateye inda ntabwo ari inda y’umwuka ni inda y’umubiri? Ariko ni inda y’umwuka, ni ya nda y’Ibisigo, iy’Ibisigo ntabwo igendera kuri Nzeri.'
Agaruka ku magambo y’urukundo yaherekezaga amafoto bashyize hanze ari nayo yatumye benshi bakeka ko ari ukuri, yagize ati 'ubuhanzi ntabwo burangira, ni ubuzima, ubusizi ni ubuzima rero ngomba kubikora mbiganisha ku buzima mbaho.'
Ku ngingo yo kuba yaba ari mu rukundo n’umusizi Bahali Ruth yavuze ko nta biriho kandi akaba atabeshya kuko bibaye ari byo atabihisha.
Ati 'Ndasa n’ukura agahu ku maso ku bantu batekereza ko rushobora kubyara urukundo rwo kuvuga 'chr’ na 'chch’ nk’uko abantu babyita ntaruriho dore ko runabayeho ntabibahisha cyane ko nta n’icyo bitwaye.'
Muri iki gisigo agaragara asezerana na Bahali amwambika impeta, gusa avuga ko mu bukwe bwe atazigera yambika umugore we impeta ahubwo azamwambika umwishywa.
Ati 'buriya mu bukwe bwanjye nzarongoza umwishywa, abe abyiteguye rwose, njyewe mu ntanzi z’urugo ndanawihingiye, nkimushima nzahita mfata irembo ubundi igihe cyagera nkamwambika umwishywa, buriya umwishywa mu mvura no ku zuba ntabwo upfa kuma. Impamvu kurongoza umwishywa, ni igiti kirandaranda kikagera kure kandi kirwana n’ibihe byose, bivuze ko urugo rwakabaye gutyo.'
Mu gitabo ' Imihigo, imiziro n’imiziririzo mu Rwanda’ cya Musenyeri Aloys Bigirumwami asobanura uburyo kera iyo bajyaga gushyingira umukobwa bamukozagaho icyatsi bita umwishywa maze bakavuga ko bawumurongoje. Umwishywa barongoje barawumenyaga cyane, kuko ngo iyo umwanzi awubonye akabatanga kuwakira, ntibabaga bakibyaye.
Ababyeyi b’abashyingiwe, ntibararana ku munsi wo gushyingira abana babo, kereka babanje kwakira umwishywa, ngo baticira abana babo, bakababuza kubyara. Abashyingiwe na bo ntibararana ababyeyi babo batarakira umwishywa, ngo badapfa.
Bashyingira nimugoroba, mu maryama umuhungu akarongora agatera umwishywa, maze mu museso abashyingiwe bakamara amavuta. Abajya kubwira ababyeyi b’umugeni ko kurongora kwarangiye, bagenda ijoro ryose ndetse n’umunsi wose; bakabageraho mbere y’irindi joro, abashyingiwe batarararana.
Dore ibintu bishobora gutuma utandukana n'umukunzi wawe mukangana urunuka.
Hari ibintu byinshi bituma abakundana batandukana ndetse usanga ibyinshi byaturutse hagati yabo, bimwe muri ibyo bintu ni ibi.
1. Kudahana umwanya: iyo ukundana n'umuntu ariko ntumuhe umwanya uhagije, ageraho akakurambirwa akumva ko utakimwitaho.
2. Gucana inyuma: birumvikana cyane ko iyo umukunzi agufashe umuca inyuma ntakindi kimuza mu mutwe uretse gutandukana nawe.
3. Kubeshyana : iyo urukundo rwanyu murwubakiye ku kinyoma, byakwanga byakunda rimwe ukuri kuzajya hanze bitume mutandukana.
4. Inshuti mbi : hari ubwo muba mufite inshuti nazo ubwazo zikajya zishaka uko zibatandukanya kugeza mutanye.
5. Amagambo : hari abantu bumva amabwire ku buryo umuntu aza akavuga nabi umukunzi wawe, nawe ukabyemera bikaba byatuma batandukana.
6. Imiryango : hari imiryango iba itifuza umusore cyangwa umukobwa wazanywe n'abana babo
Source : https://yegob.rw/dore-ibintu-bishobora-gutuma-utandukana-numukunzi-wawe-mukangana-urunuka/
Niba uri mu munyega w'urukundo, dore ibibazo ukwiye kwibaza ukamenya niba ukunda umukunzi we nyakuri ntacyo ushingiyeho.
. Niba umukunzi wawe umukunda kuko agusokana, akaguha buri kimwe cyose, ukamukundira ko arekura amafaranga? Menyako utamukunda ahubwo ukunda amafaranga ye gusa.
. Ese umukunzi wawe umukunda kuko afite imiterere myiza(ateye nk'igisabo), afite umubiri wubakitse neza(yubatse umubiri)? Ubwo ntarukundo nyakuri umukunda ahubwo wikundira imiterere ye gusa.
. Niba ukunda umuntu kuko ubona agukunda cyane, nawe agahitamo kumukunda kuko ubona akwitaho cyane. Menya ko ntarukundo nyakuri umufitiye ahubwo wamugiriye impuhwe.
. Ese umukunda kuko ubo yigirira umutima mwiza, afasha buri umwe wese? Niba aribyo umukundira, menya ko nta rukundo nyakuri umukunda ahubwo wikundira umutima we gusa.
. Niba ujya wibaza icyo ukundira umukunzi wawe ukacyibura, ubwo fatiraho kuko urukundo nyakuri ntacyo rushingiraho.