Category: Uncategorized

Ishyirahamwe ry’Umupira w’Amaguru mu Rwanda, FERWAFA, ryamaze guhamagara umunyezamu wa Union Saint-Gilloise mu cyiciro cya mbere mu Bubiligi, Maxime Wenssens ngo aze mu Mavubi.

Uyu munyezamu ufite inkomoko mu Rwanda akaba yamaze kohererezwa ubutumire binyuze my ikipe ye ya Union Saint-Gilloise basaba uyu munyezamu ndetse amakuru agera ku kinyamakuru ISIMBI ni uko na yo yasubije yemera kumurekura.

Yohererejwe ubutumire nyuma y’ibiganiro yagiranye na FERWAFA imusaba kuba yaza gukinira Amavubi.

Maxime Wenssens akaba avuka kuri Se w’Umubiligi na Nyina w’Umunyarwandakazi, ni umunyezamu ukiri muto utanga icyizere.

Maxime Wenssens wakiniye amakipe nka KV Mechelen na Saint-Truidense V.V, ni umunyezamu wa kabiri wa Royal Union Saint-Gilloise ikina mu cyiciro cya mbere mu Bubiligi aho ubu ari bo bayoboye shampiyona n’amanota 31.

Muri UEFA Europa League aho iri ku mwanya wa kabiri mu itsinda F n’amanota ane inganya na Toulouse yo mu Bufaransa. Itsinda riyobowe na Liverpool n’amanota icyenda mu gihe LASK Linz yo muri Autriche iri ku mwanya wa nyuma nta nota ifite.

Buri kibanza gifite 15/20
biri mu kirometero kimwe ahantu hatuwe cyane
biragurishwa 6,000,000 negotiable.

kubindi bisobanuro mwahamaga 0784247588

Nduhungirehe mu bihe bitandukanye yakunze kugaragaza uburyo ashyigikira umuziki w'abahanzi bo mu Rwanda, kandi akagirana ibiganiro n'abo.

Nko muri Werurwe 2023, yakiriye kandi agirana ibiganiro na Muyoboke Alex wabaye umujyanama w'abahanzi bakomeye, umunyamakuru wa B&B Fm, David Bayingana ndetse na Irankunda Julien wamenyekanye nka Julien Bmjizzo bari mu rugendo rwo gutegura ibitaramo Israel Mbonyi yakoreye i Burayi.

Ku wa 28 Nyakanga 2021, yagaragaje uburyo indirimbo 'My Vow' ya Meddy yabaye icyatwa mu ndirimbo zose yasohoye, ashima Meddy ku bwo kwesa umuhigo.

Yavuze ati 'Ibi ni undi muhigo utangaje wa Meddy. Uretse ko indirimbo ikwiriye kuba yarebwa n'abantu Miliyoni ebyiri mu minsi itanu, izaba indirimbo izasusurutsa ubukwe butandukanye nyuma ya guma mu rugo. Ntabwo ari isezerano ryanjye, ni uko mbikeka. Komeza utere imbere Meddy.'

Kuri uyu wa Gatatu, yagaragaje urutonde rw'indirimbo 15 yumvise ubwo yari muri Sports, aho yagenze 9.7 Km. Ni urutonde rwiganjemo indirimbo za Bruce Melodie, Meddy ndetse na Israel Mbonyi.

Ku mwanya wa Mbere yashyizeho indirimbo 'Katerina' ya Bruce Melodie yasohoye ku wa 17 Nzeri 2019 imaze kurebwa n'abantu barenga Miliyoni 13.

Bruce Melodie yigeze kuvuga ko iyi ndirimbo yayihimbiye umugore we. Iri mu ndirimbo zabaye idarapo ry'umuziki we  umaze imyaka 12.

Amb.Nduhungirehe ku mwanya wa kabiri yahashyize indirimbo 'Rurabo' ya Kitoko. Uyu muhanzi ubarizwa mu Bwongereza yasubiyemo iyi ndirimbo yamamaye muri 'Karahanyuze' ayishyira hanze ku wa 27 Nzeri 2018. Imaze imyaka itanu kandi imaze kurebwa n'abantu barenga Miliyoni 2.

Ku mwanya wa Gatatu, Nduhungirehe yashyizeho indirimbo 'Oya' ya Yvan Buravan. Iyi ndirimbo yagiye hanze ku wa 20 Gashyantare 2018, yakozwe mu buryo bw'amajwi na Pastor P naho amashusho yakozwe na Meddy Saleh.

Ni imwe mu ndirimbo zakunzwe ahanini bisembuwe n'uburanga bwa Mbabazi Shadia [Shaddybbo]. Imaze kurebwa n'abantu barenga Miliyoni 2.

'Ibihe' ya Israel Mbonyi n'iyo Amb. Nduhungirehe yashyize ku mwanya wa Kane.  Iyi ndirimbo yagiye hanze ku wa 16 Mutarama 2018, kandi imaze kurebwa n'abantu barenga Miliyoni 4.

Iri mu ndirimbo za Israel Mbonyi zakunzwe mu buryo bukomeye, binumvikana mu bitaramo bikomeye yagiye akorera ahantu hanyuranye n'abantu bayisakaza bifashishije imbuga nkoranyambaga.

Ku mwanya wa Gatanu, Nduhungirehe yashyizeho kandi indirimbo ya Buravan yise 'Garagaza' imaze imyaka itanu, kuko yasohotse ku wa 25 Kamena 2018, aho imaze kurebwa n'abantu barenga Miliyoni 2.

Iyi ndirimbo Buravan yayikoranye na Se, ndetse iri mu muzahesheje kwegukana irushanwa rya Prix Decouverte RFI 2018.

Nduhirehe yashyize ku mwanya wa Gatandatu indirimbo 'Igare' ya Mico The Best. Iyi ndirimbo yarakunzwe mu buryo bukomeye, ku buryo Mico avuga ko yatunguwe n'uburyo yakiriwe.

Yabaye idarapo ry'umuziki we mu 2020 bituma anegukana igikombe muri Kiss Summer Awards. Mu gihe cy'imyaka itatu ishize isohotse imaze kurebwa n'abarenga Miliyoni 4.

Ku mwanya wa karindwi hariho indirimbo 'Urakunzwe' ya Igor Mabano. Iyi ndirimbo yasohotse ku wa 16 Nzeri 2019 imaze kurebwa n'abantu 475,258.

Mu buryo bw'amajwi yakozwe na Ishimwe Karake Clement naho amashusho yakozwe na Pose Films.

Indirimbo 'Te Amo' Butera Knowless yakoranye na Roberto niyo iri ku mwanya wa munani ku rutonde rwa Nduhungirehe. Iyi ndirimbo imaze igihe kinini, kuko yasohotse ku wa 9 Ukuboza 2015, aho imaze kurebwa n'abantu 2,930,942.

Roberto ari ku rutonde rw'abahanzi bakoranye indirimbo na Knowless mu gihe cy'imyaka irenga 15 ishize ari mu muziki, kandi Knowless yakunze kugaragaza ko gukorana na Roberto hari byinshi byongeye ku rugendo rwe rw'umuziki.

Ku mwanya wa Cyenda, Nduhungirehe yashyizeho indirimbo 'Complete Me' naho ku mwanya wa Cumi yahashyize indirimbo 'Turaberanye' n'ubundi ya Bruce Melodie. 'Complete me' yasohotse ku wa 19 Ukwakira 2016 naho 'Turaberanye' yasohotse ku wa 20 Nzeri 2016.

Nduhungirehe yashyize indirimbo 'Nzi ibyo nibwira' ya Israel Mbonyi ku mwanya wa 11. Iyi ndirimbo yasohotse ku wa 20 Nzeri 2014, imaze kurebwa n'abantu 3,253,161. Ni imwe mu ndirimbo za Israel Mbonyi zakunzwe mu buryo bukomeye yakubiye kuri Album ze zitandukanye.

Ku mwanya wa 12, Nduhungirehe yashyizeho indirimbo 'Naremeye' ya The Ben yasohotse ku wa 8 Kamena 2019. Iri mu ndirimbo za The Ben zakunzwe mu buryo bukomeye, ndetse ushingiye ku butumwa buyigize watekereza ko yaririmbiraga umukunzi we Uwicyeza Pamella bitegura kushinga.

Ku mwanya wa 13, Nduhungirehe yashyizeho indirimbo 'My Vow' ya Meddy. Iyi ndirimbo yaciye ibintu kuva igisohoka, ihiga izindi ndirimbo z'abahanzi Nyarwanda. Imaze kurebwa n'abantu barenga Miliyoni 31, kandi yasohotse ku wa 22 Nyakanga 2021, igaragaramo ibihe by'ingenzi byaranze ubukwe bwa Meddy na Mimi.

Ku mwanya wa 14 hariho indirimbo 'Ntacyo Nzaba' ya Meddy na Adrien Misigaro. Iyi ndirimbo ihimbaza Imana yarakunzwe cyane, ahanini bitewe n'amagambo ayigize.

Ni mu gihe ku mwanya wa 15, Nduhungirehe yashyizeho indirimbo 'Please me' ya Juno Kizigenza. Uyu muhanzi aherutse gusohora Album yise 'Yaraje'. Nduhungirehe asaba abantu kumva cyane cyane indirimbo eshanu za mbere (Top 5).

Ambasaderi w'u Rwanda mu Buholandi, Olivier Nduhungirehe yasohoye urutonde rw'indirimbo 15 z'abahanzi Nyarwanda yumvise 

Nduhungirehe yagenze ibirometero 9 yumva indirimbo z’abahanzi bo mu Rwanda

Bruce Melodie afite indirimbo eshatu ku rutonde rw'indirimbo 15 zumviswe na Nduhungirehe

Meddy afite indirimbo ebyiri mu zumviswe na Nduhungirehe ari muri Sports

Israel Mbonyi afite indirimbo ebyiri ku rutonde rw'indirimbo zumviswe na Nduhungirehe

KANDAHANO UREBE AMASHUSHO Y'INDIRIMBO 'KATERINA' IRI KU MWANYA WA MBERE

KANDAHANO UREBE AMASHUSHO Y'INDIRIMBO 'PLEASE ME' IRI KU MWANYA WA 15

“>

Nyuma yo kwirukana abatoza babiri, Simba SC irifuza umutoza wa APR FC wongerera ingufu abakinnyi, Dr Adel Zrane.

Ku munsi w’ejo hashize ku wa Kabiri tariki ya 8 Ukwakira 2023, Simba SC yo muri Tanzania yirukanye abatoza babiri, Umunya-Brazil Robertinho wari umutoza mukuru ndetse n’Umunyarwanda Hategekimana Corneille wari umutoza ushinzwe kongerera imbaraga abakinnyi.

Amakuru yatangiye gusakara mu bitangazamakuru byo muri Tanzania ku mugoroba w’ejo hashize ni uko iyi kipe irimo kwifuza kugarura umunya-Tunisia usigaye wongerera imbaraga abakinnyi ba APR FC, Dr Adel Zrane.

Amakuru ISIMBI yamenye ni uko uyu mutoza yahamagawe n’ubuyobozi bwa Simba SC bumubwira ko bifuza ko yagaruka muri iyi kipe batandukanye mu Kuboza 2021 ubwo yanasezereraga Didier Gomes Da Rosa, kimwe mu byo yababwiye ni uko byagorana ko yatandukana na APR FC kuko yishimye muri iyi kipe y’Ingabo z’Igihugu.

Si ubwa mbere yifuje kugarura uyu mutoza kuko no muri Werurwe 2022 yatangaje ko igiye kumugarura ariko birangira ataje.

Dr Adel Zrane w’imyaka 39, yageze muri APR FC muri Nyakanga 2023, akaba afite impamyabumenyi y’ikirenga mu birebana n’ubuzima bw’abakinnyi.

Esther Akoth wamamaye mu muziki ku izina rya Akothee, ni umuhanzikazi wo mu gihugu cya Kenya akaba n’umushoramari. Uyu yatunguye benshi ubwo haherutse gusohoka urutonde rw’abahanzi 10 bakize cyane muri East Africa maze akaza ku mwanya wa Kane na Miliyoni 7 n'ibihumbi 500 by’Amadorali ya Amerika. Aya uyashyize mu manyarwanda arenga Miliyari 7.

Ibi byahise bimugira umuhanzikazi wa mbere muri East Africa utunze agatubutse kurusha abandi, gusa benshi bibaza aho ubutunzi bwe buturuka dore ko atakunze no gukora umuziki cyane ndetse ntanakunze kuvugwa mu binyamakuru.

Ni muntu ki Akothee umuhanzikazi utunze amafaranga menshi muri East Africa?

Umuhanzikazi Akothee yavutse ku itariki 8 Mata mu 1983 avukira mu gace ka Kisumu County muri Kenya. Akothee akaba yaranyuze mu buzima bukomeye akiri muto bwanatumye ava mu ishuri afite imyaka 14 akajya gufatanya n’ababyeyi be gushaka ubuzima. 

Byinshi ku muziki wa Akothee

Mu 2008 nibwo Akothee yinjiye mu muziki ndetse ajya mu jyana itakunze kugaragaramo abahanzi benshi yitwa ‘Benga’ imenyerewe muri Kenya. Gusa nubwo yatangiye umuziki mu 2008 ntabwo yahise amenyekana ku rwego rwo hejuru cyangwa ngo ibihangano bye bimenyekane mu bindi bihugu byo muri Afurika.

Mu 2016 Akothee yakoranye indirimbo na Diamond Platnumz

Umuziki wa Akothee waje kuzamuka cyane utuma amenyekana mu 2016 ubwo yakoraga indirimbo yitwa ‘Sweet Love’ yafatanije n’icyamamare Diamond Platnumz. Iyi ndirimbo yarakunzwe cyane ndetse amashusho yayo agenda anyura kuma televiziyo akomeye arimo nka MTV Base yo muri Afurika y’Epfo  hamwe na Trace Urban.

Akothee yahise akomerezaho yiyambaza undi muhanzi ukomeye muri Afurika  witwa Flavour wo muri Nigeria, bakorana indirimbo bise ‘Give It To Me’. Iyi ndirimbo nayo yarakunzwe inashyirwa ku rutonde rw’indirimbo 5 zakunzwe cyane muri Kenya mu mwaka wa 2016. 

Akothee kandi yanakoranye indirimbo na Flavour yamuhesheje igihembo cy’amashusho meza y’umwaka mu 2016

Uhereye muri 2016 kugeza mu 2020 umuziki wa Akothee waratumbagiye cyane ndetse ugenda unamuhesha ibihembo bikomeye birimo nka ‘Best Female Artist’ yahawe na African Muzik Magazine Awards, ‘Best Video’ mu 2019 yahawe n’ubundi na African Muzik Magazine Awards imenyerewe mu gutegura ibihembo by’abahanzi muri East Africa. Akothee kandi yaje no guhabwa igihembo cya ‘Best Female Artist (East Africa) yahawe na African Enterntainment Awards zabereye i New York mu 2020.

Kuva mu 2020 kugeza ubu Akothee ntabwo agikora cyane umuziki nka mbere kuko usanga ubu agenda asohora ibihangano bye buhoro buhoro dore ko nk’indirimbo eshatu aherutse gusohora yazisohoye mu 2021. Kuva mu 2021 kugeza ubu Akothee ntabwo arongera gusohora igihangano gishya.

Ese Akothee amafaranga afite yamugize umuhanzikazi wa mbere ukize muri East Africa yayakuye he?

Kimwe n’abandi bahanzi b’abahanga babyaje umusaruro impano zabo, Akothee ubwo yatangiraga kubona amafaranga mu muziki yatangiye kuyashora muri bushabitsi ku ruhande.  Mu 2015 Akothee yashinze kompanyi y’imodoka zitwara bamukerarugendo yitwa ‘Akothee Safaris’.

Akothee yahise yinjira mu bushabitsi  bw’amacumbi aho afite amazu  atatu. Imwe ayifite mu gace ka Migori yavukiyemo, indi yayifunguye mu mujyi wa Mombasa ndetse iya gatatu yayifunguye mu 2021 i Nairobi. Aya macumbi yose uko ari 3 azwi ku izina rya ‘Aknotela & Akothee Homes’.

Akothee uretse gukora umuziki afite ibindi bikorwa byinshi bimwinjiriza ku ruhande

Uyu muhanzikazi kandi uretse gukora  ubushabitsi bumwinjiriza agatubutse, yanashinze umuryango wita ku batishoboye witwa ‘Akothee Foundation’ yashinze mu 2018 aho ufasha abana b’abakobwa babyariye iwabo bagacikiriza amashuri ndetse akanabafasha gusubira mu ishuri abishyurira.

Daily Africa itangaza ko Akothee uretse Business  yashinze zimwinjiriza, ngo yanagiye yinjiza amafaranga menshi binyuze mu kwamamariza kompanyi zitandukanye  zirimo nka Rosy Tissues, Orchid Valley, Ruai Family Hospital (RFH) ndetse ubu ari kwamamaza inkweto za Umoja Shoes.

Ubuzima bwite bwa Akothee

Akothee ni umubyeyi w’abana batatu b’abakobwa

Umuhanzikazi Akothee ku myaka 40 y’amavuko afite abana 3 yabyaranye ku mugabo we wa mbere. Nubwo A akunze kugira ibanga ubuzima bwe bwite, yaje kujya akunda kugarukwaho cyane mu binyamakuru kuva mu 2020 ubwo yatangiraga gukundana n’umuzungu witwa Denis Schweizer umushoramari ukomoka mu gihugu cya Switzerland.

Akothee arikumwe na Denis Schweizer bakanyujijeho mu rukundo

Urukundo rwabo rwakunze kuvugwa cyane ndetse amafoto yabo aca ibintu ku mbuga nkoranyambaga. Denis yaje kwambika impeta y’urukundo Akothee mu 2022 ndetse baza kurushinga muri Mata uyu mwaka. 

Kuva muri Nyakanga uyu mwaka nibwo inkuru zatangiye kuvugwa hirya no hino mu binyamakuru byo muri Kenya ko Akothee yatandukanye n’umugabo we nyuma y’amezi abiri barushinze. Ibi Akothee yabyemeje mu kwezi gushize ubwo yabitangarizaga kuri radiyo ya ‘Radio Citizen’ akavuga ko yamaze gutandukana na Denis Schweizer ndetse ko igisigaye ari ugusinya impapuro za gatanya. Ubwo yatangaza ibi ariko Akothee yirinze kuvaga impamvu ya nyayo yatumye batandukana nyuma y’amezi abiri  gusa bakoze ubukwe.

Akothee yatandukanye na Denis Schweizer bamaranye amezi 2 gusa barushinze

Kugeza ubu Akothee niwe muhanzikazi wa mbere utunze amafaranga menshi muri East Africa n’umutungo ungana na  Miliyoni 7 n'ibihumbi 500 mu madorali y'Amerika. Akothee kandi ari ku mwanya wa Kane mu bahanzi 10 bakize muri East Africa aho yahuriye ku rutonde n’ibyamamare birimo Bobi Wine, Sauti Sol, Diamond Platnumz, Jaguar hamwe na Professor Jay.

Ku mutungo wa miliyoni 7 n’ibihumbi 500 by’amadolari, Akothee niwe muhanzikazi wa mbere ukize muri East Africa

Iyi ni imikino yabaye kuri uyu wa Kabiri saa yine z’ijoro. Mu itsinda F AC Paris Saint-Germain yo mu Bufaransa yari yagiye gusura AC Milan yo mu Butaliyani kuri San Siro.

Paris Saint-Germain yatangiranye Umukino imbaraga ndetse ku munota wa 8 gusa myugariro Milan Skriniar yari yatsinze igitego cya 1 akoresheje umutwe ku mupira yahawe na Marqinhos.

Nyuma y’iminota 3 gusa AC Milan itsinzwe iki gitego nayo yahise yishyura gitsinzwe na Rafael Leao ahawe umupira na Olivier Giroud.

Umukino wakomeje amakipe yombi ubona ahererekanya ariko Paris Saint-Germain akaba ariyo ibona uburyo buremereye imbere y’izamu nk’aho Kylian Mbappé yari asigaranye n’umuzamu gusa yarekura ishoti rikanyura hepfo y’izamu ndetse n’aho Dembele yarekuye ishoti riremereye ariko rikubita igiti cy’izamu. 

AC Milan nayo yanyujijemo ikajya ibona uburyo bwashoboraga kuvamo ibitego ariko ba rutahizamu bayo Rafael Leao na Olivier Giroud barekura amashoti akanyura impande y’izamu bituma bajya kuruhuka bakinganya 1-1.

Mu gice cya kabiri AC Milan yaje gutsinda igitego cya 2 ku munota wa 51 gitsinzwe na Olivier Giroud ku mupira muremure wazamuwe na Theo Hernandez. 

Ku munota wa 60 AC Milan yashoboraga kubona igitego cya 2 kuri kufura nziza yatewe na Theo Hernandez ariko umuzamu wa Paris Saint-Germain aratabara ashyira umupira muri koroneri.

Paris Saint-Germain yananiwe kwishyura umukino urangira AC Milan itsinze ibitego 2-1.

Mu itsinda G Manchester City yari iri kuri Etihad yatsinze Young Boys ibitego 3-0 byatsinzwe na Erling Haaland ndetse na Phil Foden. 

Mu yindi mikino yabaga kuri izi saha RB Leipzig yatsinze FK Crvena Zvezda igitego 2-1, Atletico Madrid inyagira Celtic 6-0 naho Lazio itsinda Feyenoord 1-0.

Erling Haaland yatsinze igitego cya 1 acyishimira nka Didier Drogba 

Olivier Giroud yatsindiye AC Milan igitego cya 2