Category: Uncategorized

Umunyarwanda yaciye umugani ngo 'Akaryoshye ntigahora mu itama,' undi yongeraho ko nta gahora gahanze. Iyi migani yombi, neza neza irasobanura inkuru y'amatsinda y'abahanzi nyarwanda yaje akigarurira imitima y'abanyarwanda, nyuma y’igihe gito akaza kugenda nka nyomberi.

Amatsinda nka Urban Boys, Dream Boys, Acive, KGB, Just Family, TBB, The Brothers, Tough Gang, Yemba Voice n'ayandi yarakoze, ndetse atanga icyizere cy'ejo hazaza heza h'umuziki nyarwanda, none ubu yose yamaze kuba amateka.

Bahati Makaca, umwe mu bahoze bagize itsinda rya Just Family akaba anakurikiranira hafi ibijyanye n'umuziki nyarwanda, aganira na InyaRwanda yatangaje ko bigoye cyane kuba amatsinda y'abahanzi yaramba, asobanura ko iki kibazo kitari mu Rwanda gusa ahubwo ari ikibazo rusange ku isi hose.

Yagize ati: 'Ibintu by'amatsinda biragoranye cyane kandi si mu Rwanda gusa ugiye no muri Amerika, igihugu kiyoboye mu bintu byose ku isi, usanga nta tsinda rikibayo kandi hahozeyo amatsinda akomeye. 

No mu minsi ishize itsinda rya One Direction naryo ryarasenyutse, ariko tuje no muri Afurika y'Iburasirazuba itsinda twari tumaze iminsi dufite rikomeye rya Sauti Sol, riherutse gukora igitaramo cya nyuma cyo gutandukana no gusezera ku bafana babo, aho buri wese agiye gukora ku giti ke.'

Makaca yasobanuye ko nubwo bigoye ko umuziki ukozwe mu matsinda uramba, usanga byoroha ko ayo matsinda amenyekana vuba kuko muba mufatanya, mugakorera hamwe murenze umuntu umwe.

Ati: 'Mufatisha vuba mugasenyuka byihuse kubera ko uko mworoherwa no gushaka igishoro ni nako mugorwa no kugabana inyungu. Inyungu iraza ikaza ari nkeya, yakabaye ihaza umuntu umwe mukabona mugiye kuyigabana muri abantu batatu, bane. Noneho uko mutinda muri ya matsinda muba muri kugenda mukura, mugera muri ya myaka buri wese yo gufata inshingano ze ku giti cye.'

Yavuze ko iyo abagize itsinda batangiye kureba inyungu zabo bwite kuko iza rusange byanze, biba bitangiye kwanga mu gihe uririmba wenyine aba akataje mu kumenyekanisha ibikorwa bye, inyungu ayigengaho wenyine.

Bahati yashimangiye ko isenyuka ry'aya matsinda ryateye icyuho gikomeye mu muziki nyarwanda, cyane ko aya matsinda yagaragaraga cyane mu gihe cy'abahanzi nka ba The Ben na Meddy, iyo adahagarara agakomeza gukora ubu aba ageze ku rwego rushimishije.

Yagize ati: 'Kuba amatsinda nka KGB, Just Family, The Brothers batagikora umuziki wo mu Rwanda, harimo icyuho kinini cyane ariko na none ntabwo byatuma umuziki wo mu Rwanda udakorwa neza ngo nuko nta matsinda ahari.'

Pundit Peacemaker, umwe mu banyamakuru bakurikiranira hafi umuziki ndetse n'imyidagaduro nyarwanda muri rusange, nawe yashimangiye ko ubu aho ibihe bigeze, iterambere ry'umuziki risigaye rishingiye mu kuba buri wese akora umuziki ku giti ke.

Yasobanuye ko umuziki wo mu matsinda utagitanga umusaruro, kuko inyungu iva mu byo bakora nk'itsinda usanga bayigabana ari nabyo birangira bidindije iterambere ry'abagize iryo tsinda.

Pundit yaboneyeho no kuvuga ko imwe mu mpamvu zateye ikendera ry'amatsinda y'abahanzi, ari uko abantu bose basigaye bikunda bikabije ku buryo ntawe ugishaka gufatanya na mugenzi we, ibintu bitandukanye cyane n'uko byahoze mu bihe byo hambere.

Nubwo inyungu ziba nke cyane ku ruhande rw'abakorera umuziki mu matsinda, Pundit yashimangiye ko isenyuka ry'aya matsinda ryasize icyuho kinini mu muziki nyarwanda, kuko byarangiye ubuze ihangana, habura icyanga, abafana barakonja bitandukanye n'uko byahoze hakibaho aya matsinda.

Yagize ati: 'Icyuho cyo kirahari, umuziki ubura ihangana, ukabura icyanga, abafana bakabura kwicamo amatsinda kandi ubusanzwe buri tsinda ryagiraga abafana, haba abafana Dream Boys, abafana Just Family,… Amatsinda yari menshi akagira abafana bayo, bikazamura ibyishimo mu bafana, bigakora inkuru, itangazamakuru rigacuruza ndetse n'abanyarwanda bakabona ibyo bahugiraho.'

Abenshi mu bari bagize aya matsinda, bahise batangira gukora umuziki ku giti cyabo, ndetse bamwe muri bo bakomeje kuzengurutsa idarapo ry'umuziki nyarwanda ku rwego mpuzamahanga.

Bahati Makaca wabaye muri Just Family yavuze ko isenyuka ry’amatsinda y’abahanzi ryateye icyuho gikomeye mu muziki

Pundit, nawe yasobanuye ko umuziki nyarwanda wahungabanijwe n’ikendera ry’amatsinda y’abahanzi yashyushyaga umuziki nyarwanda

Ikipe y’Igihugu Amavubi yamaze gutumizaho Mugisha Bonheur Casemiro ukinira AS Marsa yo mu cyiciro cya mbere muri Tunisia ngo aze asange abandi bitegura umukino wa Zimbabwe na Afurika y’Epfo.

Uyu mukinnyi ukina mu kibuga hagati ntabwo yari mu bakinnyi 30 bahamagawe kwitegura imikino 2 ibanza y’ijonjora ryo gushaka itike y’igikombe cy’Isi cya 2023 ruzakirmo na Zimbabwe tariki ya 15 Ugushyingo na Afurika y’Epfo tariki ya 21 Ugushyingo.

Abantu benshi bari bibajije impamvu uyu mukinnyi atahamagawe, gusa amakuru ISIMBI yamenye ni uko umutoza w’ikipe y’igihugu Torsten Frank Spittler, nyuma yo kureba umukino wahuje ikipe ye na CS Sfaxien tariki ya 5 Ugushyingo, yashimye imyitwarire ye ahitamo guhita amuhamagara akiyongera mu bandi.

Byitezwe ko Mugisha Bonheur azagera mu Rwanda ku wa Mbere tariki ya 13 Ugushyingo 2023 ni nyuma y’uko ejo ku wa Gatandatu ikipe ye izakina na US Monastir.

Mugisha Bonheur ahamagawe yiyongera kuri Maxime Wenssens, umunyezamu wa Union Saint-Gilloise na we uheruka gutumizwaho ngo aze gufasha abandi muri iyi mikino.

Nyuma yuko hakinwe imikino ya Champions League kuwa Kabiri nejo kuwa Gatatu kuri uyu wa Kane hari hatahiwe iya Europa League. Saa moya n’iminota 45 Toulouse FC yo mu Bufaransa yari yakiriye Liverpool yo mu Bwongereza bari kumwe mu itsinda E.

Umukino watangiye Liverpool iri hejuru cyane ishaka igitego irekura amashoti aremereye ariko umuzamu wa Toulouse FC, Guillaume Restes akora akazi akuramo imipira iremereye. 

Iyi  kipe yari iri imbere y’abafana bayo yo yacungiraga kukwirukankana imipira ariko ba myugariro ba Liverpool barimo Joel Matip na Quansah bagatabara.

Ku munota wa 37 Toulouse FC byaje kuyihira ibona igitego cya 1 gitsinzwe na Aron Donnum nyuma y’ikosa ryari rikozwe na Tsimikas amwihera umupira.

Mu gice cya kabiri Jurgen Klopp yaje akora impinduka mu kibuga ashyiramo Mohammed Salah, Trent Alexander Arnold ndetse na Szoboszlai agirango ashake uko yakwishyura ariko bikomeza kugorana kuko kuwa 50 Toulouse FC yari yongeye kunyeganyeza inshundura gusa umusifuzi avuga ko habayeho kurarira.

Kuwa 57 Dallinga yatsinze igitego cya 2 ku mupira rahawe na Vincent Sierro maze imibare ku bakinnyi ba Liverpool itangira kuzamo ibihekane.

Igitego cya mbere kuri Liverpool cyaje kuboneka ku munota wa 74 ari Casseres Jr witsinze ariko nyuma y’iminota n’ubundi Toulouse FC yongeye ihita ibona cya 3 gitsinzwe na Magri.

Mu minota ya nyuma y’umukino Liverpool yasatiriye cyane ishaka intsinzi ku bubi no kubwiza kuwa 90 Diogo Jota akora akazi acenga ba myugariro aba atsinze igitego cya 2.Umukino warangiye Toulouse FC yegukanye intsinzi y’ibitego 3-2

Umukinnyi ufite ababyeyi be b’Abanyarwanda ariko akaba yaravukiye muri Norway ukinira iyi kipe Toulouse FC, Warren Kamanzi muri uyu mukino yinjiye mu kibuga asimbuye ku munota wa 81.

Liverpool yatsinzwe ibitego 3-2

Umukinnyi w’umunyarwanda, Warren Kamanzi yinjira mu kibuga 

Iyi mikino izaba mu kwezi k’Ukuboza aho umukino ubanza uzaba tariki 02 Ukuboza, ubere mu gihugu cy’u Burundi ku kibuga cya Département des sports. Umukino wo kwishyura ukazabera mu Rwanda tariki 09 Ukuboza, ubere muri BK Arena. 

Bagirishya Jean de Dieu ukuriye B&B Sports Agency yatangaje ko iyi mikino iteguye ku buryo buri kipe yisangamo.

 Ikipe yose yemerewe abakinnyi 12 bazaba ari beza mu mikino ya Shampiyona z’ibi bihugu. 

Bagirishya kandi yavuze ko abasifuzi b’iyi mikino, umusifuzi wo hagati azaba ari umunyamahanga udaturuka mu gihugu na kimwe muri ibi, mu gihe ku ruhande umusifuzi umwe uzaba ari umunyarwanda, undi ari Umurundi.

Ibijyanye n’ibihembo; Ikipe ya mbere izegukana miliyoni 3 n’ibihumbi 600 y’amanyarwanda n’igikombe. 

Mugwiza Desire uyobora ishyirahamwe ry’umukino wa Basketball mu Rwanda, yavuko bishimiye igitekerezo cy’iyi mikino kandi ko cyaziye i gihe. 

Yagize Ati” Mbere na mbere turanezerewe kubera iyi mikino. Twe nka Federasiyo  dufungurira amarembo umuntu  wese uza atugana kandi agamije iterambere ry’umukino wa Basketball.

 Ikindi navuga ni uko  igikorwa cyongera imikino ku bakinnyi ba Basketball bituma shampiyona izagaruka bahagaze neza. Iyi mikino izafasha amafederasiyo kuko ari igikorwa ngarukamwaka kandi  kigiye gutuma Federasiyo z’u Rwanda n’u Burundi twirengagije za FIBA dusanzwe duhuriramo.

Mugwiza Desire yemeza ko iri rushanwa rizafasha abakinnyi kugumana ibihe byiza byabo

Apotre Manirakiza Jean Paul uyobora ishyirahamwe ry’umukino w’intoki wa Basketball mu Burundi,yavuze ko B&B Sports Agency igikorwa yateguye kizabasha kumenyekanisha umukino wabo.

Yagize Ati “B&B Sports Agency ifite kudufasha kumenyekanisha umukino wa Basketball hagati y’Ibihugu byombi, bagiye kandi kudufasha kuzamura urwego rwa Shampiyona zacu kuko abakinnyi bazajya bakina Shampiyona bifuza kuza mu beza bazitabira iri rushanwa. Ikindi tumaze kubona abayobozi ba Federasiyo za Baseball b’ibihugu bitandukanye bifuza ko twasangira iki gikorwa batubaza bati twe twabigenza gute ngo iwacu kihagere, twavuga nk’aba Tanzania bo bamaze no kigishyira ku mbuga nkoranyambaga zabo. 

Twifuza ko Basketball iba ururimi ruhuza abantu cyane cyane hano iwacu mu Karere k’Iburasirazuba bwa Afurika aho abikorera bazana ibikorwa byabo tukababamariza bakamenyekana biciye mu irushanwa nk’iri.” 

Apotre Manirakiza Jean Paul yemeza ko abakinnyi bafite mu Burundi bari ku rwego rwo gutsinda abo mu Rwanda