Category: Uncategorized

Mu ijoro ryo kuri uyu wa Kane tariki 30 Ukuboza 2023, uyu muhanzi wagarutse mu muziki akakirwa neza binyuze mu ndirimbo zirimo nka 'Confirm', yitabiriye igitaramo cy'urwenya cya 'Gen-Z Comedy' maze aboneraho no gutanga ubutumire mu gitaramo cye.

Yabwiye abari muri iki gitaramo, ko amaze iminsi yemeje gukora igitaramo tariki 15 Ukuboza 2023 muri Kigali Conference and Exhibition Village ahazwi nka Camp Kigali, kandi ko azifatanya n'abahanzi umunani, barimo barindwi bo mu Rwanda ndetse n'umwe wo mu Burundi.

Integuza y'iki gitaramo, igaragaza ko azaba ari kumwe na Butera Knowless, Christopher Muneza, umuraperi P-Fla, Drama T wo mu Burundi, Juno Kizigenza, Ariel Wayz, Afrique ndetse na Chriss Eazy.

Dany Nanone yatangiye umuziki mu mwaka wa 2009, yinjiranye n'abahanzi barimo Knowless bahojejeho mu rugendo rw'abo rw'umuziki kugeza ubwo bashinze imizi.

Ni umuraperi wagiye ukorana n'abandi bahanzi indirimbo zakunzwe, ariko hari igihe cyanyuragamo agacika intege ntiyumvikane cyane mu muziki.

Byageze n'aho afata icyemezo cyo kujya kwiga umuziki ku ishuri rya muzika rya Nyundo, agaruka mu muziki 'yabaye mushya' nk'uko abivuga. Ni urugendo ariko yanahuje no kwiga amasomo ya Kaminuza.

Mu kiganiro yagiranye na InyaRwanda, Dany Nanone asobanura ko kuba Album ye yarahisemo kuyita 'Iminsi myinshi' bisobanuye ibintu byinshi mu rugendo rwe rw'umuziki, kuko hagiye habamo kuzamuka no kumanuka.

Yavuze ati '…Turetse no kuvuga ngo wenda ni izina ry’indirimbo, uyu mu muziki mazemo iminsi myinshi niba naratangiye mu 2009, nkaba narakoze indirimbo nka ‘Iri joro’, ‘Mbikubwire’, ….Iki nicyo gihe cyo kugirango abantu baze twishimane muri izo ndirimbo zose […]'

Akomeza ati “Ni urugendo rwanjye rw’umuziki, hagiye habamo kumanuka no kuzamuka, haba ibyiza n’ibibi, ibyo ng’ibyo rero byose narabihuje mbikoramo album yitwa ‘Iminsi myinshi’ ariyo nzamurika tariki 15 Ukuboza 2023.'

Buri muhanzi yatumiye bafitanye isano mu muziki:

Dany yavuze ko buri muhanzi yifashishije muri iki gitaramo, yamuhisemo ashingiye ku bushuti bafitanye, ibihangano bakoranye, cyangwa se ubuzima banyuranyemo nk'abanyamuziki.

Cyane cyane ariko yitsa ku bahanzi Butera Knowless ndetse na Christopher kuko bakoranye indirimbo zahinduye urugendo rwe rw'umuziki.

P-Fla:

Dany yavuze ko uyu muraperi avuze ibintu byinshi kuri we, ko ajya yibuka ukuntu yajyaga atanga umwanya buri uko P-Fla yabaga ageze i Nyamirambo aho bakiranaga umukino wa Basketball.

Avuga ko muri iyi myaka yari muto cyane, ku buryo yagombaga icyubahiro P-Fla ahanini bitewe n’ubuhanga yari afite muri Basketball. Ati “Nta n’ubwo nari nagatangira kuririmba icyo gihe, ubanza nawe ari bwo yari agitangira ahari.”

Danny yavuze ko icyo gihe ari nabwo P-Fla yari avuye muri Amerika, ariko ko kugeza n’ubu amufata nk’umuraperi w’igitangaza ‘udashobora kwibagirana mu matwi y’abanyarwanda n’iyo yaba adahari’.

Afrique: Amufata nk’umuhanzi ukiri muto uri kuzamuka muri iki gihe, kandi wigaragaje cyane nyuma y’indirimbo yashyize hanze zirimo ‘Agatunda’.

Danny avuga ko akunda ibikorwa bya Afrique, byanatumye yiyemeza kumwifashisha muri iki gitaramo, kugirango azagaragaze ibyo ahishiye abanyarwanda.

Uyu muhanzi ariko anavuga ko gutumira Afrique, yagendeye ku kuba banahuriye muri Label imwe, bose ibafasha mu muziki.

Chriss Eazy: Danny yavuze ko yatumiye uyu muhanzi, kubera ko muri iki gihe buri wese wategura igitaramo, mu bantu ba hafi yatekereza bo kwifashisha harimo na Chriss Eazy.

Yavuze ko yamwegereye ‘nk’umwe mu bantu bakunzwe muri iyi minsi’ kugirango azamufashe muri iki gitaramo.

Drama T: Dany avuga ko yatumiye uyu muhanzi wo mu Burundi, kubera ko asanzwe ari umufana we, ariko kandi azi neza ko hari abanyarwanda benshi bakunda ibikorwa by’uyu musore wamamaye mu ndirimbo zirimo ‘Madamu’. Ati “Abantu benshi cyane bamuhurijeho.”

Christoper: Dany avuga ko ajya agorwa  cyane no kuvuga kuri Christopher, kuko ari umuhanzi bacanye mu buzima bukomeye kandi na bwiza.

Yavuze ko bakoranye indirimbo ‘Iri joro’ yahinduye ubuzima ku mpande zombi, irakundwa mu buryo bukomeye. Ati “Yagize byinshi ihindura mu rugendo rwacu rw’umuziki no mu muziki w’u Rwanda muri rusange.” Dany avuga ko nyuma y’iyi ndirimbo, hari byinshi byabaye byiza ku ruhande rwe no ku ruhande rwa Christopher, ari nayo mpamvu avuga ko biteguye kwizihiza ibyo bihe bagiranye. 

Ati “Christopher ni umuntu uvuze ibintu byinshi ku rugendo rwanjye rw’umuziki. Ni n’inshuti yanjye mu buzima busanzwe.”

Juno Kizigenza: Dany yavuze ko atarabona Juno aririmba mu gitaramo, ari nayo mpamvu nawe afite amatsiko yo kuzamubona aririmba mu gitaramo cye.

Ati “Iyo mba atari njye wateguye igitaramo nkumva igitaramo Juno arimo nari kuzajyayo kureba ukuntu aririmba.”

Danny abifata nk’igiciro kinini, kuba Juno ari mu bazaririmba mu gitaramo cye, ariko kandi bizaryoshywa n’uko azahurira muri iki gitaramo na Ariel wayz.

Ati “Ni ukuvuga ngo natekereje ibintu bishobora gutuma abantu bishima kandi bakanyurwa mu gitaramo bagataha bishimye.”

Butera Knowless: Dany Nanone avuga ko Knowless asobanuye ibintu byinshi mu rugendo rwe rw’umuziki, kandi amufata nk’umuhanzikazi Mukuru ‘muri iyi nyanja twakita iy’umuziki’.

Yavuze ati “Ni umuntu munini, ufite byinshi avuze ku muziki nyarwanda, wakoze ibikorwa by’indashyikirwa.”

Avuga ko uyu muhanzikazi bafitanye indirimbo zirenze ebyiri, biri mu byatumye amutekerezaho muri iki gitaramo. Ati “Tuzaririmba, tuzishimana n’abantu.”

Dany anavuga ko Knowless hari byinshi yagiye amufasha agitangira umuziki, bityo ko yagombaga kuba ari ku rutonde rw’abo bazakorana muri iki gitaramo.

Ariel Wayz: Dany avuga ko uyu mukobwa ari umwe mu bahanzi batanga icyizere mu muziki w’u Rwanda, ku buryo yagombaga kuba ari muri iki gitaramo.

Yavuze ko uyu mwari amubona ku rwego Mpuzamahanga bitewe n’ubwoko bw’imiziki akora n’umuhate ashyiramo.

Dany avuga ko asanzwe ari umufana wa Ariel Wayz, kandi ko banafitanye isano mu muziki kuko bigannye ku ishuri rya muzika rya Nyundo.

Ikirenze, kuri ibyo bakoranye indirimbo ‘Nasara’ yahinduye amateka y’umuziki wa Dany ‘kuva ngarutse mu kibuga cy’umuziki’. Ati “Ntabwo nagombaga kumurenza ingohe.”  

Danny Nanone yatunguranye mu gitaramo cya Gen-z Comedy

Dany Nanone yatangaje ko tariki 15 Ukuboza 2023 azakora igitaramo cyo kumurika album ye ‘Iminsi myinshi’

KANDA HANO UREBE IKIGANIRO KIRAMBUYE TWAGIRANYE NA DANNY NANONE

“>

Ku ikubitiro hamaze gutangazwa abanyabigwi 30 bazitabira Igikombe cy’Isi cy’Abakanyujijeho kizabera mu Rwanda mu 2024 aho bayobowe n’umunya-Brazil wakanyujijeho muri ruhago Ronaldo de Assis Moreira [Ronaldinho Gaúcho].

Iki gikombe cy’Isi cy’Abakanyujijeho muri Ruhago ku Isi (Veteran Clubs World Championship-VCWC) giteganyijwe kuzabera i Kigali tariki 1 kugeza 10 Nzeri 2024.

Ejo hashize tariki 30 Ugushyingo 2023 ni bwo hatangajwe abanyabigwi 30 bazaba bahari ni mu gihe abandi 100 bazatangazwa muri Mutarama 2024, byabereye muri Serena Hotel mu isangira ry’abafatanyabikorwa.

Abakinnyi 30 barangajwe imbere n’umunya-Brazil wabiciye bigacika wakiniye FC Barcelona wegukanye igikombe cy’Isi cya 2002 ndetse na Ballon d’Or 2005, Ronaldinho Gaúcho.

Undi ni myugariro w’Umufaransa wamenyekanye cyane mu ikipe ya Manchester United, Patrice Evra.

Abandi ni; Laura Georges, Louis Saha, Amanda Dlamini, Bacary Sagna, Gaizka Mendieta, Miguela Pauleta, Robert Pirès, José Edmílson, Jay-Jay Okocha, Edgar Davids, Roger Milla, Kalusha Bwalya, Anthony Baffoe, Jimmy Gatete, Sonny Anderson, Patrick Mboma, Maxwell Cabelino, Wael Gomaa, Maicon Douglas, Myamoto, Andrew Cole, Emmanuel Eboué, Momahed Mwameja, Charmaine Hooper, Khalilou Fadiga, Juma Mossi, Jomo Sono n’Umunyarwanda Karera Hassan.

Umuhanzi Nyarwanda Mugisha Benjamin [The Ben] yavuze ko umuhanzi wo muri Kenya, Otile Brown yamaze kwemeza ko azitabira ubukwe bwe na Uwicyeza Pamela.

Ni nyuma y’iminsi hamaze inkuru ku mbuga nkoranyambaga zivuga ko abahanzi b’ibyamamare nka Sheebah Karungi, Tiwa Savage, Diamond Platnumz n’abandi bazitabira ubukwe bw’uyu muhanzi buzaba muri uku kwezi.

The Ben yavuze ko bamwe muri aba bahanzi bazaba bahari aho bamwe bamaze no kubyemeza ni mu gihe hari abatarasubiza nka Diamond n’aho Tiwa Savage we ntabwo ngo bajya bavugana.

Yemeje ko kandi mu bahanzi bemeje ko bazaza barimo Otile Brown wo muri Kenya bakoranye indirimbo ‘Can’t get enough’.

Ati “ayo makuru aho aturuka si mpamvu gusa bamwe muri abo bahanzi bazaza. Diamond [Platnumz] ntabwo aremeza ko azaza, Otile Brown we yemeje ko azaba ahari. Tiwa [Savage] ntabwo tujya tuvugana.”

Umuhanzi Mugisha Benjamin na Uwicyeza Pamela bafite ubukwe buzaba tariki ya 15 Ukuboza 2023 ahazaba imihango yo gusaba no gukwa.

Tariki ya 23 Ukuboza 2023 ni bwo bazasezeranira imbere y’Imana ndetse habe n’umuhango wo gushyingirwa aho bizabera muri Kigali Convention Centre.

Muri Convention Centre hakaba hazajyayo abafite ubutumire ni mu gihe abandi bifuza gukurikira ubu bukwe mu buryo bwa ‘Live’ bashyiriweho Website ya www.thebenandpamela.com bazabukurikiraniraho.

Mu gitondo cyo kuri uyu wa Gatanu tariki 01 Ukuboza 2023, muri kaminuza y'u Rwanda ishami rya Huye (UR Huye) hatoraguwe umubiri w’umwana mu kimoteri giherereye mu macumbi y’abakobwa yitwa Benghazi.

Ubwo abakora amasuku barimo basukura ku nyubako mu macumbi ya Benghazi inyubako ya B iri hagati mu nyubako eshatu zigize aya macumbi akunze kubamo abakobwa biga mu mwaka wa mbere n’abiga mu mwaka wa Kabiri.

Uyu mwana yagaragaraga nk’ugejeje igihe cyo kuvuka kuko yari afite umusatsi ndetse n’inzara bigaragara ko yari akuze cyane ku buryo byari igihe cyiza cyo kuvuka nk’uko benshi bazi neza  iby’ubuganga babyemeza.

Kugeza magingo aya, abanyeshuri bahagaritswe kwiga hanyuma urwego rw’igihugu rushinzwe ubugenzacyaha, RIB, rwahise ruhagera kugira ngo rusake hamenyekane umuntu waba wakuyemo inda.

Twagerageje kuvugisha ubuyobozi bwa Kaminuza ariko ntitwabasha kubabona kubera igikorwa cyo gusaka barimo, gusa umunyeshuri ushinzwe itumanaho no gutanga amakuru muri kaminuza y'u Rwanda ishami rya Huye atubwira ko nta makuru arambuye bari bamenya kuko nyuma yo kubona uwo mwana hitabajwe polisi bakaza gusaka.

Umunyamakuru wa InyaRwanda yahageze asanga abanyeshuri bose babujijwe gusohoka kugira ngo basakwe ku buryo byari bigoranye ko wabona umukobwa uba muri ayo macumbi waguha amakuru y’uko byagenze. RIB nayo ntacyo iratangaza.

Ibi bibaye mu gihe minsi yashize, abanyeshuri biga muri iyi kaminuza batangaje ko bishora mu busambanyi cyane kubera ubushobozi bucye kandi ubuzima muri iki gihe butoroshye.

Umuntu wese wikuyemo inda, aba akoze icyaha. Iyo abihamijwe n'urukiko, ahanishwa igifungo kitari munsi y'umwaka umwe (1) ariko kitarenze imyaka itatu (3) n'ihazabu y'amafaranga y'u Rwanda atari munsi y'ibihumbi ijana (100.000 Frw) ariko atarenze ibihumbi magana abiri (200.000 Frw).

Muri UR-Huye hatoraguwe uruhinja rwajugunywe mu kimoteri

Guhera taliki 1 kugeza ku ya 10 Nzeri 2024 ni bwo mu Rwanda hazabera imikino y’igikombe cy’Isi cy’abakanyujijeho, biteganyijwe ko kizitabirwa n'abanyabigwi 150 baturutse mu bihugu 40, bagabanyije mu makipe umunani azakina imikino 20.

Muri gahunda zo gukomeza kwitegura iyi mikino, kuuri uyu wa Kane ni bwo hatangajwe bamwe mu bakinnyi ba mbere bazakitabira iyi mikino, barimo Jimmy Gatete ndetse Ronaldinho wabiciye bigacika mu makipe atandukanye arimo Barcelona na Ac Milan.

Mu bandi bakinnyi batangajwe muri uyu muhango wabereye muri Serena Hotel, arimo abakomoka muri Afurika ndetse n’indi Migabane. 

Abakinnyi batangajwe: Laura Georges, Louis Saha, Amanda Dlamini, Bacary Sagna, Gaizka Mendieta, Miguela Pauleta, Robert Pirès, José Edmílson, Jay-Jay Okocha, Edgar Davids, Roger Milla, Kalusha Bwalya, Anthony Baffoe, Jimmy Gatete, Sonny Anderson, Patrick Mboma, Maxwell Cabelino na Wael Gomaa, Maicon Douglas, Myamoto, Andrew Cole, Patrice Evra, Emmanuel Eboué, Momahed Mwameja, Juma Mossi, Jomo Sono n'Umunyarwanda Karera Hassan.

Ronaldinho wagize igikundiro ku Isi, ategerejwe mu Rwanda umwaka utaha 

Yakoreye amatake akomeye mu ikipe ya FC Barcelona 

Jimmy Gatete umwe mu bakinnyi beza u Rwanda rwagize, nawe azitabira iyi mikino