Category: Uncategorized

Ku gicamunsi cyo kuri uyu wa Gatanu tariki 1 Ukuboza 2023, uyu muhanzi uherutse gusohora indirimbo 'Ubanguke' yanditse kuri konti ye ya Twitter amagambo yaherekejwe no gutangaza ko ari gukora kuri album ye nshya.

King James wamamaye mu ndirimbo zirimo 'Ganyobwe', yakoresheje amagambo agirana inama buri wese ko uko ugenda utera imbere ari nako ubona ko hari ibidafite akamaro ukabireka.

Yavuze ati 'Iyo umaze kumenya ko ibintu byinshi bihindukana n’ibihe hari ibidafite akamaro wiga kureka.'

InyaRwanda yabonye amakuru avuga ko King James yamaze kurangiza zimwe mu ndirimbo zigize Album ye ya munani, kandi iriho indirimbo yakoranye n'abandi bahanzi.

Ni album agiye gushyira hanze, nyuma y'uko Album ye ya karindwi yise 'Ubushobozi' yakiriwe neza n'abakunzi b'umuziki n'abafana be muri rusange.

Yigeze gutangaza ko binyuze ku rubuga rwe rwa Internet yise Zana Talent.com, Album ye ya karindwi yayisaruyemo arenga Miliyoni 60 Frw.

King James yabaye umuhanzi wa 6 kugeza ubu wabashije kugeza kuri Album umunani

Muri Mutarama 2016, umuhanzikazi wagwije ibigwi mu muziki w'u Rwanda, Cecile Kayirebwa yasohoye album ya munani yise 'Urukumbuzi' igizwe n'indirimbo 11 zirimo Intumwa Zanjye, Abuzukuru, Inzozi Data Yandoteye, Kuki Mwampishe, Uzanter' Irungu, Rwagasana, Rwego Rw' Ingenzi, Ubutumwa, Mbatez' Igitego n'iyitwa Amatage.

Muri Nzeri 2022, Ezra Kwizera usanzwe ari Producer yasohoye album ya munani yise “Journey' (urugendo)”, igaruka ku rugendo rw'ubuzima bwe n'abandi. Iriho indirimbo 11 zirimo ‘Rukundo’, ‘Bolingo’, ‘Omukwano’ yakoranye na Sintex, ‘Sifa’, ‘Songa’, ‘Ninani’ na Nicolas Peks, ‘Ajabu’ yakoranye na Mani Martine, ‘Journey to Mali’, ‘Mavuta’, ‘Ameena’ ndetse na ‘Mama’.

Nicolas Peks uri kuri iyi album, ni umuhanzi wo mu Burundi wamenyekanye mu ndiirmbo 'Kugasozi' n'izindi. Iyi album ye yumvikanamo ibicurangisho bya Kinyarwanda n'ibya kizungu.

Mu Ukuboza 2021, umuhanzikazi Uwitonze Clementine wamamaye mu muziki wo kuramya Imana nka Tonzi, yatangaje isohoka rya Album ye ya munani yise 'Amakuru' iriho indirimbo umunani.

Tonzi yigeze kubwira InyaRwanda ko atorohewe no guhitamo izina ry’iyi Album, bitewe n’ukuntu buri ndirimbo iriho ari nziza, ariko ko byarangiye ayise ‘Amakuru’. Ni Album avuga ko ikubiyeho ubutumwa bw’ubuzima busanzwe, ubuhamya n'ibindi.

Ati 'Rero guhitamo izina narasenze ndavuga nti ‘Mana iyi Album ndayita gutya ariko izina ‘Amakuru’ rikomeza kuganza muri njye.”

Tom Close agejeje Album icyenda, kuko aherutse gushyira hanze iyo yise 'Essence', kandi aherutse kubwira InyaRwanda ko yanatangiye urugendo rwo gukora album ya cumi.

Ni album iriho indirimbo 13 ziganjemo cyane abaraperi. Iriho indirimbo ‘A voice note’ yakoranye na Bull Dogg, ‘Finally’ yakoranye na Wezi wo muri Zambia, ‘Fly away’, ‘Inside’, ‘Kampala’ yakoranye na A Pass wo muri Uganda;

‘Superwoman’ yakoranye na Sat-B wo mu Burundi, ‘Be my teacher’, ‘The One’, ‘Party’, ‘Feelings’ yahuriyemo na B-Threy, ‘My Number One’ yakoranye an Nel Ngabo na Riderman, ‘Don’t worry’ ndetse na ‘Mariwe’.

Mu Ukwakira 2021, Massamba Intore yatangiye urugendo rwo gusohora indirimbo zigize Album y'umurage ya 11. Ni album iriho indirimbo zivuga ku butwali, urukundo, ubukwe, ubupfura n'ibindi.

Massamba yabwiye InyaRwanda ko iyi Album ari iy'umurage kubera ko yiganjeho indirimbo za Se Sentore Athanase. Ati 'Ni Album y’umurage, kuko yiganjemo iz'umubyeyi sentore.'

Yavuze ko indirimbo zose ziri kuri iyi Album zifite igisobanuro kinini mu buzima bwa Se Sentore Athanase witabye Imana. 

Ati “Indirimbo ze zihuriye ku mateka ye y'ubuhunzi ashishikariza abantu gutaha, izindi zihuriye ku ndirimbo zibyinwa z'itorero zivuga intore, zivuga abakobwa, izindi zivuga ku gutarama; gushishikariza abantu gutarama, ariko abantu babuze kandi cyangombwa,”

Kuwa Kane Tariki ya 30 Ugushyingo 2023, Itsinda ry’abasirikare baturutse mu Gihugu cy’u Bushinwa basuye Ingabo z’u Rwanda mu rwego rwo gushimangira ubufatanye hagati y’Ingabo z’ibihugu byombi.

Minisiteri y’Ingabo mu Rwanda ibinyujije ku Mbuga Nkoranyambaga yatangaje ko iryo tsinda ry’abasirikare b’u Bushinwa ryari riyobowe na senior Colonel You Jian ryakiriwe ku biro by’Ingabo z’u Rwanda riherekejwe na Madamu Lin Hang wungirije Ambasaderi w’Igihugu cy’u Bushimwa mu Rwanda.

Abasirikare b’Abashinwa bagaragarijwe uburyo Ingabo z’u Rwanda zigira uruhare mu bikorwa bigamije guteza imbere imibereho myiza y’abaturage 

Mu biganiro byahuje Ingabo z’ibihugu byombi, Ingabo z’u Rwanda zari zihagarariwe n’Umugaba w’Ingabo zirwanira mu kirere, Lt Gen Jean Jacques Mupenzi, aba basirikare basobanuriwe uburyo Igisirikare cy’u Rwanda kiyubatse kuva kitwa RPA kugeza ubwo cyahindukaga RDF ndetse bagaragarizwa uburyo Ingabo z’Igihugu zigira mu bikorwa byo guteza imbere imibereho myiza y'abanyarwanda.

Ingabo z’Ubushinwa zari ziyobowe na Senior Col You Jian 

Ku ruhande rw’Ingabo z’Abashinwa bagaragaje ko uruzinduko rwabo rwari  rugamije  gushimangira ubufatanye hagati y’Ingabo z’u Rwanda n'ingabo z'u Bushinwa (Liberation People's Army).

Igitego kimwe rukumbi cya Bugingo Hakim yatsinze Bugesera FC, cyafashije Rayon Sports gutahukana intsinzi ya 1-0 irara ku mwanya wa kabiri ku rutonde rwa shampiyona.

Wari umukino ubimburira indi y’umunsi wa 12 wa shampiyona y’icyiciro cya mbere mu Rwanda umwaka w’imikino wa 2023-24 aho Rayon Sports yasabwaga gutsinda igahita irara ku mwanya wa 2.

Hakiri kare ku munota wa 4, Musa Esenu yabonye umupira mwiza ku burangare bw’ubwugarizi bwa Bugesera FC ariko ateye mu izamu ukubita igiti cy’izamu.

Ku munota wa 12 Youssef Rharb yahaye umupira mwiza Bugingo Hakim arawuzamukana arangije atera ishoti rikomeye maze umupira uruhukira mu izamu, biba bibaye 1 cya Rayon Sports.

Ku munota wa 18, Youssef yahawe umupira maze awinjirana mu rubuga rw’amahina ariko ateye mu izamu umunyezamu awushyira muri koruneri itagize icyo itanga.

Ku munota wa 36, Gilbert yateye umupira ugoranye mu izamu rya Rayon Sports ariko Simon Tamale arirambura awukuramo.

Ku munota wa 43, Bugesera FC yabonye penaliti ku ikosa Serumogo Ali yari akoreye kuri Vincent Adams wa Bugesera FC ariko Elijah ayiteye umunyezamu Simon Tamale ayikuramo. Amakipe yombi yagiye kuruhuka ari 1-0.

Rayon Sports yatangiranye imbaraga igice cya kabiri, ku munota wa 54 Muhire Kevin yahinduye umupira mwiza imbere y’izamu, Ojera awuteye mu izamu awushota Mvuyekure Emmanuel ujya hanze y’izamu.

Ku munota wa 60, umunyezamu wa Bugesera FC yarokoye ikipe ye akuramo umupira ukomeye wari uvuye kuri kufura yari itewe na Kalisa Rashid.

Bugesera FC yakomeje gushaka igitego cyo kwishyura ariko biranga. Rayon Sports yahuhije uburyo bwabazwe ku munota wa 74 ubwo umunyezamu kuragamo umutwe wa Esenu ukomeye, yongeye guhusha ikindi gitego ari wenyine ku munota wa 78, ku munota wa 80 Rashid na we yisanze mu rubuga rw’amahina ariko agiye gutera mu izamu bawushyira muri koruneri itagize icyo itanga. Umukino urangira ari 1-0.

Gutsinda uyu mukino, Rayon Sports yahise ifata umwanya wa kabiri ku rutonde n’amanota 23 inganya na Musanze FC ya kabiri itarakina umukino w’umunsi wa 12 ni mu gihe urutonde ruyobowe na APR FC ifite 25.

Gahunda y’umunsi wa 12

Ku wa Gatanu tariki ya 1 Ukuboza 2023

Rayon Sports 1-0 Buesera FC

Ku wa Gatandatu tariki ya 2 Ukuboza

Musanze FC vs Gorilla FC
Police FC marines FC
Kiyovu Sports vs APR FC
Sunrise FC vs Gasogi United
Etoile del’Est vs Amagaju

Ku Cyumweru tariki ya 3 Ukuboza 2023

AS Kiali vs Mukura VS
Muhazi United vs Etincelles FC

Ni amafoto atatu agaragaza mu bihe bitandukanye Chriss Eazy ari kumwe n'uyu musore ku mazi barya ubuzima, n'ahandi bari ahantu hihariye baganira 'ibyunguka'.

Ukoresha izina rya Wamu-Neggro kuri Twitter, yanditse avuga ko ashingiye ku byo yabonye Chriss Eazy yatangiye gutera ikirenge mu cya Mico The Best uherutse kwigaragaza mu majipo y'abagore.

Yanditse agira ati 'Imibare ikomeje kwiyongere nyuma ya Mico The Best n'abandi baracyigaragaza.'

Chriss Eazy yabwiye InyaRwanda ko ariya mafoto yasohotse mu gihe yari mu Burundi mu myiteguro y'igitaramo azahakorera mu mpera z'uyu mwaka.

Ibi byatumye atabona umwanya wo kubivugaho cyane mu itangazamakuru, ariko ko yasanze byarafashe indi ntera bituma yiyemeza kubivugaho.

Yavuze ko 'natunguwe n'amagambo yavuzwe kuri ariya mafoto', ariko kandi ngo kubera ko yari azi ukuri kw'ibintu ntacyamubuhungabanyije mu buzima bwe.

Chriss Eazy wamamaye mu ndirimbo zirimo 'Inana', avuga ko uriya musore bagaragaye bari kumwe ari Mukuru we usanzwe utuye mu Bubiligi.

Yavuze ati 'Uriya ni umuvandimwe turi kumwe mu mafoto. Ni mukuru wanjye tuvukana mu nda. Atuye mu Bubiligi, ubwo yazaga mu biruhuko inaha nibwo twafashe ariya mafoto twishimye nk'abavandimwe bavukana, cyane ko abantu baba hariya abenshi barishimisha mu buryo utasobanukirwa.'

Akomeza ati 'Navuye mu byo gutegura ibitaramo mu Burundi nsanga ku mbuga nkoranyambaga, ibintu byafashe indi ntera.'

Uyu muhanzi avuga ko yagiye yakira ubutumwa bw'abantu benshi, umunsi ku munsi bamubaza ibijyanye n'uriya musore bagaragayemo bari kumwe.

Chriss Eazy atangaje ibi mu gihe ari kwitegura igitaramo kizabera kuri Hôtel Source du Nil mu rwego rwo gufasha abarundi kurangiza neza umwaka wa 2023 no kugira intangiriro nziza za 2024. Kwinjira ni ukwishyura 20 000 Fbu mu myanya isanzwe ndetse na 50 000 Fbu muri VIP.

Junior Giti ureberera inyungu za Chriss Eazy aherutse kubwira InyaRwanda ko bamaze kwitegura kujya gutaramira mu Burundi, kandi ko iki gitaramo bazagikora bacurangiwe na Dj Shinski uri mu bakomeye mu gihugu cya Kenya.

Yavuze ati 'Ni igitaramo kidasanzwe, kuko Chriss Eazy niwe muhanzi wa mbere wataramiye mu Burundi n'imipaka igifunze; icyo gihe yagiyeyo afite indirimbo eshatu, ubu agiye kujyayo afite indirimbo zirenga 10, urumva ko ari igitaramo cy'urwibutso kuri we.'

Junior avuga ko batangiye ibiganiro na Dj Shinski biganisha ku kuba bakorana indirimbo mu rugendo bombi bazakorera mu Burundi.

Ati 'Shinski niwe uzacurangira Chriss Eazy mu gitaramo, birashoboka cyane ko indirimbo bahuriyeho bombi izakorwa cyane.'

 

Chriss Eazy yatangaje ko yatunguwe n'amagambo yamuvuzweho nyuma y'amafoto amugaragaza yishimanye n'umusore mugenzi we

Chriss Eazy avuga ko umusore bari kumwe ari Mukuru we usanzwe ubarizwa mu Bubiligi

Chriss Eazy avuga ko amaze iminsi mu myiteguro yo gutaramira mu Burundi ari nayo mpamvu atabonye umwanya wo gusubiza ibyavuzwe

KANDA HANO UREBE AMASHUSHO Y'INDIRIMBO 'BANA’ YA CHRISS EAZY NA SHAFFY

“>

Ni uburibwe bumara iminsi itandukanye bitewe n'umuntu ku wundi aho usanga bibangamira ubuzima bwabo n'imyitwarire isanzwe. Hari abasiba akazi cyangwa ntibagire imirimo babasha, bakaribwa cyane kugeza ku kwirirwa mu buriri, kunanirwa kurya n'ibindi bimenyetso ubundi biranga abarwayi. Nyamara mu gihe kujya mu mihango byakabaye ibintu bisanzwe ku buzima.

Iyi mihangayiko n'ibibazo abari n abategarugori bagira muri ibyo bihe usanga bamwe bakoresha imiti y'ibinini bitandukanye bishobora kugira n'ingaruka ku buzima bwabo, ni byo byatumye abahanga batekereza ku cyafasha mu kurinda ubwo bubabare, maze havumburwa 'AdLife Period Pain Relief Pads' uburyo bwo kugabanya ububabare mu gihe cy' imihango.

AdLife ni agakoresho gateguranywe ubuhanga, gakoreshwa mu gihe cy' imihango. Bagakoresha bakomeka ku nda yo hasi bakakambariraho bikakabarinda kugira uburibwe n'ibindi bibazo bidasanzwe bagiraga muri ibyo bihe.

Aka gakoresho kamamaye mu bihugu by' amahanga ubu kamaze kugera no mu Rwanda kazanywe na Ahupa Business Network Ltd, ikigo kimenyerewe mu bucuruzi bw' ibikoresho nkenerwa mu buzima bwa buri munsi.

Mu kiganiro cyihariye twagiranye n' umuyobozi wa Ahupa Business Network Ltd ,Bwana Ahmed Uwera Pacifique  yadusobanuye icyabateye kuzana bene bino bikoresho..

Uyu muyobozi avuga ko intego yabo ari uguha abagore ubushobozi binyuze mu kubegereza  ibikoresho bibafasha mu gihe cy’imihango, bigatuma bagira ubuzima bwiza.

Uyu muyobozi yakomeje agira ati: “Ibikoresho byo kugabanya ububabare mu gihe cy’imihango bya AdLife byatoranyijwe neza bitewe n’ubushobozi n’ubuziranenge bwabyo, bigamije kugira akamaro ku buzima bw’abagore bo mu Rwanda”.

Kuri ubu AdLife Period Pain Relief Pads ziraboneka ku rubuga rwa www.ahupa.store ,mu mafarumasi atandukanye no mu maguriro yo mu Rwanda hose.