Category: Uncategorized

Abahanzi babiri b'indirimbo zo kuramya no guhimbaza Imana berekeje mu Burundu bari kumwe n'usanzwe abareberera inyungu umunyamakuru Mulindahabi Irene.

 

M masaha ya Nyuma ya saa sita zo kuri uyu wa Gatatu tariki 20 Ukuboza 2023, nibwo Vestine na Dorcas berekeje mu gihugu cy'u Burundi.Mulindahabi Irebe yabwiye Igihe ko aba bakobwa bagiye gukorera igitaramo i Bujumbura baka bacyitezeho imbaraga na cyane ko ari ubwa mbere bagiye gutaramira hanze y'u Rwanda.

 

Biteganyijwe ko aba bahanzi bazasangira nohere n'abakunzi babo bari i Burundi mu Mujyi wa Bujumbura  kuko igitaramo cyabo giteganyijwe tariki 23 Ukuboza 2023.

 

Vestine na Dorcas bagiye hanze y'u Rwanda nyuma y'umwaka bakoze igitaramo bamurikiyemo Album yabo 'Nahawe ijambo' yagiye hanze muri 2022 mu Mujyi wa Kigali.

 

Iri tsinda ryamamaye mundirimbo zitandukanye zirimo; Nahawe Ijambo, Papa, Si Bayali, Isaha n'izindi zitandukanye.

 

The post Itsinda ry'abaramyi Vestine na Dorcas berekeje mu Burundi appeared first on The Custom Reports.

Source : https://thecustomreports.com/itsinda-ryabaramyi-vestine-na-dorcas-berekeje-mu-burundi/

Bahavu Jeanette wamamaye muri Cinema Nyarwanda yatangaje iby'ubuzima bwe butoroshye yanyuzemo , avuga ko kuva kera yiyumvagamo ubukire.

 

Mu kiganiro yagiranye na Gerard Mbabazi, Bahavu Jeanette, yasobanuye ubuzima bwe bwo mu bwana aho batukwaga n'abaturanyi bakabita Abanyamwanda kugira ngo batagira ibyo babaha rimwe na rimwe bakababwira ko barwaye amase nyamara babeshya.

 

Ngo ibibyatumye akurana imbaraga n'ubushake bwo kumva ko atazaba umukene bituma akora cyane mu buzima bwe.Yagize ati:'Hari ubwo njyanibuka ubuzima butari bwiza nisanzemo, aho twabaga munzu y'igitaka cya kindi kimeramo ibyatsi byabindi bimeraho ikintu kigiye kumera nk'ikijumba cy'umukara'.

 

Yakomeje avuga ko ikindi  kintu cyatumye agira imbaraga nyinshi zo gukorera ahazaza , ari uko bajyaga munzu y'abandi bakabasohora.Yavuze ko yahise afata umwanzuro ko umwana we atazigera aba muri ubwo buzima.

 

Ati:'Kujya kureba filime munzu y'abandi bakagusohora, ngo uriya mwana aranuka bakagusohora.Ndavuga ngo umwana wanjye ntabwo azajya kureba Television ahandi batazamusohora  gutya.

 

Hari n'ubwo isabune yaburaga wajya nko kwicara muri salon yabandi, ukumva baravuze ngo buriya bwana bunuka amase.Mubakure iruhande rw'abana banjye batabatera ubuheri.Ntabuheri twari turwaye'.

 

Yagaragaje ko ibyo yakorerwaga kuva kera akiri muto byamuryaga ariko akavuga agomba gukora cyane akazihindura amateka we akajya yemerera abandi bana kujya kureba filime iwe mu rugo.

 

REBA HANO IKIGANIRO YAGIRANYE NA BAHAVU JEANETTE

The post 'Nakuriye mu buzima bubi abaturanyi batunena ngo turwaye amase tukaba no munzu y'itaka' ! Bahavu yahishuye ubuzima bubi yakuriyemo appeared first on The Custom Reports.

Source : https://thecustomreports.com/nakuriye-mu-buzima-bubi-abaturanyi-batunena-ngo-turwaye-amase-tukaba-no-munzu-yitaka-bahavu-yahishuye-ubuzima-bubi-yakuriyemonakuriye-mu-buzima-bubi-abaturanyi-batunena-ngo-turwaye-amase-tuka/

Hari ubwo umugore / umukobwa ashobora kubura imihango akaba yagirango aratwite kandi nyamara adatwite.

 

Muri uko gushaka kubakura mu gihirahiro twabateguriye zimwe mu mpamvu z'ingenzi zishobora gutera umugore guhura n'icyo kibazo cyo kubura imihango adatwite byatewe n'izindi mpamvu.

 

1.Umujagararo.

Kugira umujagararo uri ku rwego rwo hejuru , bishobora gutuma imisemburo yari ifite munshingano kuringaniza imihango cyangwa kuyishyira kumurongo ihungabana.

 

Bishobora guturuka ku kazi kaburi munsi , urukundo ,cyangwa ibindi bibera mu buzima bwawe bishobora gutuma umutima wawe utaba hamwe imihango yawe igasimbuka cyangwa igahagarara.

 

2.Imisemburo itari kumuronko.

Kuba imisemburo yawe yaba impamvu nabyo bikunze kubaho cyane bitewe n'indwara yitwa PCOS, (Polycystic Ovary Syndome) na 'Thyroid Disorder', aribyo bishobora gutuma umubiri wawe utarekura imisemburo ituma habaho imihango ubwo ukaba uyubuze utyo.

 

3.Gukora imyitozo ngororamubiri irengeje urugero.

Gukora siporo mu buryo budasanzwe, bishobora gutuma habaho kutarekurwa kw'imihango izana imisemburo.

 

4.Kugira ibiro byinshi cyangwa bike.

Kwiyongera ibiro mu buryo budasanzwe cyangwa kugabanuka kwabyo, nabyo bishobora gutera ikibazo gikomeye kuko ushobora kwisanga wabuze imihango.Ibi bishobora guterwa no ; Kurira ku masaha atagenwe,Intungamubiri zirengeje ingano, ……..

5.Gufata imiti.

Nibyiza ko mbere yo gufata imiti runaka , uganira na muganga ukamenya uko witwara nuburyo uyifata n'ubwoko bw'iyo urafata.

 

 

Mu gihe wabuze imihango utarwaye, ningombwa ko ubaza umuganga cyangwa undi mujyanama ushobora kugufasha.

The post Abagore: Dore ibintu bishobora gutuma ubura imihango kandi udatwite appeared first on The Custom Reports.

Source : https://thecustomreports.com/abagore-dore-ibintu-bishobora-gutuma-ubura-imihango-kandi-udatwite/

Nicholas Scott Cannon umunyarwenya akaba n’umuhanzi afatanya no gukina filime uri mu bamaze igihe bakunzwe muri Amerika no ku rwego mpuzamahanga, yongeye gukomoza ku rupfu rw’umwana we w’umuhungu witwa Zen Cannon umaze imyaka 2 yitabye Imana.

Ku itariki 18 Ukuboza mu mwaka wa 2021 nibwo umunyarwenya Nick Cannon n’umukunzi we w’umunyamideli Alyssa Scott bagize ibyago bagapfusha umuhungu wabo warufite amezi 5. Uyu mwana wabo Zen Cannon yapfuye azize indwara ya kanseri y’ubwonko.

Hashize imyaka ibiri (2) Nick Cannon apfushije umwana we w’umuhungu

Kuri ubu Nick Cannon yongeye kumukomozaho avuga ko magingo aya agiterwa agahinda n’urupfu rwe cyane cyane mu kwezi k’Ukuboza kw’iminsi mikuru isoza umwaka dore ko ariho yapfuye. 

Nick Cannon yavuze ko mu Ukuboza ashengurwa cyane n’urupfu rw’umuhungu we kuko ariko kwezi yapfiriyemo

Mu kiganiro uyu munyarwenya yagiranye n’ikinayamakuru Enterntainment Tonight (E.T Canada), yagize ati: ”Muri uku kwezi ni bwo ndushaho gushengurwa n’urupfu rw’umuhungu wanjye. Yapfuye twitegura gusangira nawe Noheli ye ya mbere ariko ntibyakunze”.

Umwana wabo yapfuye mu bihe biteguraga kwizihizanya nawe Noheli

Nick Cannon w’imyaka 43 yakomeje agira ati: ”Ubu umuryango wanjye uri kwitegura iminsi mikuru isoza umwaka ariko ntabwo twishimye kuko bitwibutsa ko Zen aribwo yitabye Imana. Ibihe nk’ibi biba bikomeye kuri njye na mama we”.

Uyu munyarwenya ufite ikiganiro gikunzwe kuri MTV cyitwa ‘Wild n Out’, yatangaje ko mu rwego rwo kwizihiza ubuzima bwa Zen, kuri Noheli azifatanya n’abana barwariye kwa muganga abinyujije mu mushinga ubafasha yashinze mu 2021 yise ‘Zen’s Light Foundation’ ufasha abana barwaye kanseri.

Source : https://inyarwanda.com/inkuru/137792/nick-cannon-aracyashengurwa-nurupfu-rwumwana-we-137792.html

Azamuwe mu ntera: Inkuru nziza zikomeje kwisukiranya muri APR FC.

Nyuma yaho umuyobozi w'icyibahiro muri APR FC Richard Karasira ahawe ipeti rya Colonel akuwe kuri Lieutenant Colonel ubu uwahoze ari Perezida w'iyi kipe Mubarak Muganga wari Umugaba mukuru w'Ingabo z'u Rwanda afite ipeti rya Lieutenant General yazamuwe mu ntera na Nyakubahwa Perezida Paul Kagame ahabwa ipeti rya General.

Iyi nkuru nziza isanze iya Richard Karasira nawe wazamuwe mu ntera na Nyakubahwa Perezida Paul Kagame agahabwa ipeti rya Colonel none Mubarak Muganga wahoze ari umuyobozi w'icyibahiro muri iyi kipe nawe yazamuwe mu ntera ahabwa ipeti rya General.

Source : https://yegob.rw/azamuwe-mu-ntera-inkuru-nziza-zikomeje-kwisukiranya-muri-apr-fc/

Mu mafoto yageze hanze mu gitondo cyo kuri uyu wa Gatatu, tariki 20 Ukuboza 2023, agaragaza imiterere ya Stade Amahoro iri kubakwa ku vuba, kuri ubu hatangiye gushyirwamo ubwatsi bw'ubukorano bugezweho mvaburayi.

Imirimo yo kwagura iyi stade izarangira muri Mata 2024 itwaye akayabo ka miliyari 160 Frw ikazajya yakira abantu ibihumbi 45 bicaye neza.

Ubu bwatsi bw'ubukorano buje bukurikira intebe na zo ziri gushyirwamo, hakaba hategerejwe no gutunganya umwanya wo gukoreramo siporo yo gusiganwa ku maguru izaba izengurutse ikibuga.

Source : https://yegob.rw/stade-amahoro-irimo-kuvugurwa-yatangiye-gushyirwamo-ubwatsi-bwubukorano-bugezweho-mvaburayi-amafoto/

Umuhanzikazi Tiwa Savage wamamaye mu ndirimbo 'No wahala', yatangaje ko akeneye amasengesho y'abafana be kugira ngo abone imbaraga zo kubataramira.

 

Nyuma y'ubu butumwa Tiwa Savage yagaragaje ko akeneye uwo kumuha urukundo akamwitaho.

 

Yanditse ati:'Mana mfasha kuko mfite ibitaramo bibiri uyu munsi kandi ndi kumva nta meze neza'.Yakomeje agira ati:'Ese ninde unkunda cyane kuburyo yampa Ice Scream ?'.

 

Aya magambo yayaherekeresheje ibinini byari mu ifoto bigaragara ko atameze neza mu buryo bwose.Mu mezi yatambutse, Tiwa Savage yatangaje ko ahagaritse ibitaramo yari afite avuga ko agiye kwita ku ijwi rye n'ubundi burwayi.

The post Umuhanzikazi Tiwa Savage yahagaritse umutima kubera uburwayi appeared first on The Custom Reports.

Source : https://thecustomreports.com/umuhanzikazi-tiwa-savage-yahagaritse-umutima-kubera-uburwayi/

Nyuma y’uko Mugunga Yves asubije Kiyovu Sports ko impamvu amaze igihe atitabira imyitozo ari uko yari arwaye, akongeraho ko yifuza gusesa amasezerano n’iyi kipe, yamusubije ko ahagaritswe mu bikorwa byose by’ikipe ya Kiyovu Sports.

Tariki ya 12 Ukuboza Kiyovu Sports yari yandikiye Mugunga Yves imusaba ibisobanuro by’aho amaze igihe kuko atitabiraga imyitozo y’ikipe.

Ejo hashize ku wa 19 Ukuboza 2023, Mugunga Yves yasubije iyi kipe ko yari amaze igihe arwaye infection yo mu maraso.

Yongeyeho ko kuba amaze amezi 3 adahembwa, hakagerekwaho guhabwa sheki itazigamiye ku mafaranga yari imusigayemo, yifuza gusesa amasezerano.
Kiyovu Sports ikaba yamwandikiye itesha agaciro ibi bishobanuro bye byose. Iti “kugira ngo hemezwe ko umukinnyi arwaye bikorerwa raporo na muganga w’ikipe na we agendeye kuri raporo za muganga na we wamugaragarije, iyo wivurije mu ivuriro ritari irye kuko na we afite ivuriro.”

“Kuba utarahembwa ntabwo bisobanuye gusiba imyitozo nta ruhushya kuko ntabwo ari wowe wenyine wari utarahembwa icyo gihe. Iyo sheki uvuga wahawe wayigaragariza ubuyobozi bw’ikipe kuko itari mu mazina ya Kiyovu Sports nabwo bukayifatira umwanzuro.”

Ku kuba yifuza gusesesa amasezerano bagize bati “kuba uvuga ko icyifuzo cya we ari ugusesa amasezerano ni uburenganzira bwa we ariko bifite inzira bicamo kuko bisaba ko impande zombi zibiganiraho zikagira icyo zemeranywaho.”

Nyuma y’ibi byose, perezida wa Kiyovu Sports, Ndorimana Jean Francois Regis wasinye kuri iyi baruwa yamenyesheje Mugunga ko ahagaritswe mu bikorwa byose bya Kiyovu Sports.

Ati “nyuma yo gusuzuma ibyo wasubije, biragaragara ko impamvu watanze zatumye usiba imyitozo icyumweru kirenga nta ruhushya ufite nta shingiro zifite, turakumenyesha ko uhagaritswe by’agateganyo mu bikorwa byose bya Kiyovu Sports kugeza igihe uzahabwa andi mabwiriza, ibindi bisobanuro birambuye kubikureba uzagenda ubimenyeshwa.”

Mugunga Yves yazamukiye mu ishuri ryigisha umupira rya APR FC, nyuma azamurwa muri APR FC nkuru muri 2018, batandukanye muri 2023 ari bwo yajyaga muri Kiyovu Sports.

Mugunga Yves yahagaritswe muri Kiyovu Sports

Source : http://isimbi.rw/siporo/article/kiyovu-sports-yahagaritse-rutahizamu-wa-yo-mugunga-yves-mu-bikorwa-byose-by-ikipe

Hirya no hino ku mbuga nkoranyambaga bakomeje kuvugishwa n'inkuru y'uyu mugabo washyize hanze amafoto y'imiti yahawe ngo yongera akanyabugabo maze abantu benshi batangazwa n'uburyo uyu mugabo ashobora kuba atizeye neza imiti yahawe.

 

 

Ubusanzwe birazwi neza ko bamwe mu bagabo bajya kugura imiti yongera akanyabugabo biteze ko bishobora gukora nkuko baba babibabwiye, icyakora bse siko babyizera kuko ngo hari ubwo iyo miti yanze gukora burundu.

 

 

Utagiye gushaka iyo miti kandi, kuri iyi website yacu twakoze inkuru ivuga ku bintu bishobora gutuma umugabo atinda mu gikorwa cyo gutera akabariro bitagombeye ko ajya kugura imiti yongera akanyabugabo kuko iyo miti ishobora kugira ingaruka mbi ku mubiri wawe.

 

 

Ni muri ubwo buryo, umugabo yashize hanze amafoto y'imiti yahawe ngo yongera akanyabugabo ariko agaragaza ikizere gicyeu kwizera ko iyo miti ishobora gukora maze asezeranya umuntu wayimuhaye ko niyanga gukora azahita amuboroka ahantu hose.

 

 

Uyu mugabo abinyujije ku rukuta rwe rwa X, yavuze ko imiti niyanga gukora azaboloka uwamuhaye imiti. Icyakora uyu mugabo usanzwe agurisha iyo miti we avuga ko ikora cyane ndetse ko iyo ukoresheje imiti ye umugore wakwanze agaruka kugushaka kubera kuntu ngo watinze mu gikorwa cyo gutera akabariro.

 

 

Uyu mugabo we ntiyugeze yizera neza ko iyo miti ishobora kuba ikora nibyo byatumye ajya ku rubuga rwa Twitter maze agira amagambo atangaza mu ruhame aherekejwe n'ifoto yiyo miti yari yaguze.

 

Mu magambo ye uyu mugabo yagize ati 'mbere n'ambere ndabizi ko nzakuboloka ariko mbere Yuko mbikore kangire icyo nkubwira, imiti yawe iramutse yanze gukora ndarahira ko tuzabipfa.'

 

 

 

 

Source: ghpage

The post Umugabo yaguze imiti yongera akanyabugabo ayikubise amaso imutera ubwoba appeared first on The Custom Reports.

Source : https://thecustomreports.com/umugabo-yaguze-imiti-yongera-akanyabugabo-ayikubise-amaso-imutera-ubwoba/

Stade Amahoro ibikorwa byo kuyivugurura birarimbanyije, ubu bakaba bageze mu cyiciro cyo gushyiramo ubwatsi.

Iyi Stade ikomeje gutera amatsiko menshi abantu ukuntu izaba imeze nimara kuzura kuko amafoto yayo asohoka buri munsi atera benshi amatsiko.

Ubu icyiciro kigezweho ni ugushyiramo ubwatsi mu kibuga aho abakinnyi bazajya bakinira.

Hamaze kuramburwamo ‘tapis’ akaba ari yo izaterwamo ubwatsi. Iki kibuga kizaba ari ‘Hybrid’ (tapis n’ubwasti).

Ikindi ubu barimo kwandika nimero ku ntebe. Ni nyuma y’uko mu Gushyingo 2023 hagiye hanze amashusho iyi Stade yamaze gushyirwamo uburyo bwo kwakamaza hifashishijwe ikoranabuhanga buzwi nka “Led Display Boards”, aho basaga n’abarimo bagerageza iyi sisiteme bahereye ku kwamamaza “Visit Rwanda” yanyuzwagamo.

Bigaragara ko byibuze kuyivugurura bishobora kuba bigeze nko kuri 85%, no kuyisakara hasigaye igice gito.

Mu ntangiriro za 2022 ni bwo iyi Stade yakiraga ibihumbi 25, sosiyete y’ubwubatsi y’abanya-Turikiya, SUMMA yatangiye kuyivugurura ikazajya yakira abantu ibihumbi 45.

Muri gahunda igomba kuba yuzuye muri Gicurasi 2024 aho izakira imikino y’igikombe cy’Isi cy’abakanyujijeho muri ruhago kizabera mu Rwanda.

Ni kibuga inyuma kizaba gitatswe n’Imigongo ifite amateka akomeye mu mateka y’u Rwanda.

Iyi Stade yazamuwe hejuru aho hongeweho ikindi izaba ari inyubako isakaye hose ahicarwa n’abantu usibye mu kibuga gusa kuko ari byo amategeko ya FIFA agena ko ubwatsi bugomba kubona izuba kugira ngo butangirika. Izashyirwamo ibikoresho bizatuma ishobora kwakira imikino irimo Rugby.

Ni umushinga ugizwe n’ibindi bice birimo Petit Stade na Paralympique; zombi zizavugururwa ku buryo zizaba ziri ku rwego mpuzamahanga cyo kimwe n’uko Kigali Arena imeze n’uko Stade Amahoro izaba imeze.

Tapis izaterwamo ubwutsi yamaze kuramburwamo

Intebe zirimo kwandikwaho nimero

Source : http://isimbi.rw/siporo/article/stade-amahoro-ubwatsi-bwatangiye-gushyirwamo-amafoto