Category: Uncategorized

Hamaze kujya hanze amashusho agaragaza uburyo umugabo wa Zari Hassan, Shakib Lutaaya yibiwe muri Supermarket.

Ni ubujura bwabereye Kampala ubwo yari yinjiranye n’inshuti ye muri Supermarket barimo guhaha.

Ubwo bari bagiye kwishyura, uyu mugabo yarisatse abura ikofi ye, barayishaka barayibura niko kwibuka ko hari umuntu winjiye ahita asohoka, bahise basohoka bamushaka ariko basanga yarenze.

Amashusho yagiye hanze arimo akwirakwira ku mbuga nkoranyambaga, agaragaza uyu mugabo yinjira agahagarara iruhande rwa Shakib Lutaaya agahita amwiba ikofi agahita asohoka.

Byabaye nyuma y’ibyumweru bibiri Zari Hassan atangaje ko arimo gukorana na polisi ya Uganda kugira ngo hamenyekane uwibye imbunda ye.

Yavuze ko abantu baje bakinjira mu rugo rwe Kampala, bagahambira ushinzwe umutekano bakanamukomeretse ubundi bakabyutsa umuryango we, bakawutoteza bawusaba kubabwira aho imfunguzo z’imodoka ziri.

Umuntu wese ugendereye u Rwanda usanga kimwe mu bintu ajyana harimo kubona uburyo uburinganire n'ubwuzuzanye bwahawe umwanya, akabona uburyo abari n'abategarugori bari mu nzego zitandukanye zirimo n’izo hejuru zifata ibyemezo.

Abe kandi mu banyacyubahiro cyangwa n'abashyitsi basanzwe biragoye kumva utavuga ko abanyarwandakazi bafite ubwiza budasanzwe. Bitari cyera, Zarinah Hassan mu mpera za 2023 ubwo aheruka mu Rwanda yavuze ko abanyarwandakazi bamuteye kumva yaba umugabo kubera ubwiza bwabo.

Mu byiciro byose kandi ni ibintu byigaragaza bityo ukaba wakwibaza niba igihe kizagera umunyarwandakazi wahisemo umwuga wo kurinda abanyagihugu n'ubusugire bw'igihugu mu Ngabo z'u Rwanda [RDF] akaba yakwitabira ibikorwa by'imyidagaduro nk’uko basaza babo bagiye babikora.

Mu bihe bitandukanye twagiye tubona abasirikare b’abagabo mu muziki ariko ntabwo turabonamo ab’igitsinagore bakora muzika ku giti cyabo.

Si aho gusa ahubwo no mu marushanwa y'ubwiza ntiturababonamo, kandi abakobwa bo mu Rwanda basigaye bitabira ku bwinshi kujya mu nzego zitandukanye zirimo n'umutekano by'umwihariko igisirikare.

Ariko se ubundi amarushanwa y'ubwiza ni iki?

2nd Lt Marsha wegukanye ikamba rya Nyampinga  rya Leta Zunze Ubumwe z’Amerika ari mu Ngabo zirwanira mu kirere muri iki gihugu

Amarushanwa y'ubwiza yagiye ashingira kuri gakondo zinyuranye hagashingirwa ku bintu bitandukanye mu guhitamo ukwiriye kwambara ikamba. Akenshi bashingira ku miterere y'umubiri w’abahatana.

Gusa uko iminsi yagiye yicuma ibintu byagiye bihinduka hongerwamo n'izindi mpamvu shingiro mu kureba ukwiriye kuba Nyampinga, imico, ubuhanga, impano hongerwamo n'ibikorwa by'ubufasha.

Ibi kandi bikorwa binyuze mu biganiro abahatanye bakora hanifashishwa Akanama Nkemurampaka aho abahatana banyura imbere yako bimurika, nako kakanagira ibyo kababaza.

Kugeza ubu amarushanwa wavuga ko ayoboye ayandi arimo Miss World, Miss Universe, Miss International na Miss Earth. Ni yo ndoto z’abakobwa benshi ku isi mu bihebeye amarushanwa y’ubwiza na cyane ko ari ku rwego rw'isi.

Ibinyamakuru bikomeye yaba mu marushanwa abera imbere mu bihugu bitandukanye n’andi ari ku rwego mpuzamahanga usanga biba biri maso kugira ngo bibe ibya mbere mu gutanga akantu ku kandi kuri aya marushanwa.

Muri ibyo ibikunze kugaruka cyane kuri aya marushanwa birimo CNN, BBC na Reuters. Bijyanye nuko amabwiriza ameze, abahatanye basabwa uburyo bw'imyitwarire bwihariye yaba mu myambarire, imikorere, imivugire, imitambukire n'ibindi.

Uwegukanye irushanwa afatwa nk'umwamikazi ugasanga anatamirizwa ikamba rikoze mu milinga inyuranye bitewe n'ubushobozi n'urwego rimaze kugeraho.

Mu bihembo bihabwa uwegukanye irushanwa ry'ubwiza harimo amafaranga atari macye, imodoka, kwishyurirwa amashuri n'ibindi.

Uretse kwegukana irushanwa, kuryitabira gusa bizana n'amahirwe arimo kubona akazi, abagufasha mu ishyirwa mu bikorwa ry'umushinga werekanye n’ibindi. Bijyana n'ubwamamare butuma benshi babona ibiraka byo kwamamaza kompanyi zitari nke

Ibyo wamenya ku mwuga w'igisirikare

Ubwiza bw’abanyarwandakazi mu nzego zose buvugisha abatari bacye bagenderera urw’imisozi igihumbi

Igisirikare kigizwe n'imitwe y'ingabo zitandukanye zirimo izirwanira ku butaka, mu kirere, mu mazi, zose ziba zirimo ibice nabyo birimo iby'ubutasi, inzobere mu birebana n'ikoranabuhanga n'ibindi bizajya n’uko isi igenda yaguka.

Aba bose usanga icyo baba baratorejwe ari ukurinda ubusugire, indahiro bashyiraho umukono nk'ibyo biyeguriye by'ubuzima bwabo, ukaba ari umwuga uri mu ikomeye ku isi, kandi n’abemera kuwinjiramo bafatwa nk'abadasanzwe.

Ariko uko iminsi igenda yicuma ibintu bigenda bihinduka ku buryo mu bihugu bimwe na bimwe usanga Ingabo z'Igihugu ziba ziri mu nshingano n'ibikorwa bindi byose bigamije kuzanira ibyiza abanyagihugu.

Bamwe unasanga bitari ngombwa ko baba mu bigo bya gisirikare, ahubwo baba mu nyubako zisanzwe bijyanirana n'inshingano zabo n'ibihe igihugu kirimo.

Ni ibintu bitari kure cyane n’uko mu Rwanda bimeze nubwo usanga bimaze gutera imbere cyane mu mikino nk’aho usanga hari ikipe y'imikino y'intoki n'amaguru zikinwa n'Ingabo z'Igihugu.

Twitege abasirikarekazi mu Rwanda mu marushanwa y'ubwiza nko muri USA?

Bishobora kuzakunda nk’uko bimaze kugerwaho mu mikino kuzabona abari n’abategarugori bari mu Ngabo z’u Rwanda mu marushanwa y’ubwiza ubwo azaba asubukuwe?

Mu minsi iza ubwo amarushanwa y'ubwiza azaba asubukuwe mu Rwanda nyuma y'uko yaherukaga kuba muri 2022, mbona abakobwa babarizwa mu Ngabo z'u Rwanda [RDF] nabo bazahabwa amahirwe yo kwiyerekana, umunsi ukazanagera tukabona uwegukanye ikamba kuko barabikwiriye kandi barashoboye nk’uko babigaragaza mu nzego zinyuranye babarizwamo.

Umunsi byabaye, ntabwo bizaba ari ibintu bidasanzwe kuko kugeza ubu mu gihugu cya Leta Zunze Ubumwe z'Amerika bimaze iminsi biba ndetse hari na gahunda y'iki gihugu y'amarushanwa y'abakobwa babarizwa mu Ngabo zacyo y'amarushanwa y'ubwiza aho ababyifuza bose bacyitabira ukuyemo abasivile.

Kuri ubu umukobwa wambaye ikamba ry'ubwiza muri iki gihugu [Miss America 2024] akaba ari 2nd Lt Madisson Isabella Marsh waryegukanye kuwa 14 Mutarama 2024.

Ntabwo ari we mukobwa wa mbere uri mu Ngabo za Leta Zunze Ubumwe z'Amerika wegukanye ikamba kuko na Cpt Deshauna Barber yegukanye Miss USA muri 2016, iri kamba naryo rikaba riri mu yihagazeho.Nyuma yo kwegukana amarushanwa atandukanye y’ubwiza 2nd Lt Marsh ubu ni we Nyampinga wa Leta Zunze Ubumwe z’AmerikaAbanyarwandakazi bakomeje kwitabira ku bwinshi umwuga wo kurinda ubusugire bw’igihugu

Aba bakinnyi bashyizwe hanze mu ijoro ryo kuri uyu wa Kabiri nyuma yuko hari hashize iminsi hari gukorwa amatora ku bakinnyi batandukanye bitwaye neza mu mikino yabaye mu Ukuboza bari bari guhatana.

Umukinnyi witwaye neza kurusha abandi bose yagizwe Rutahizamu w’ikipe ya APR FC, Victor Mbaoma akaba yahawe igihembo cya Miliyoni 1 y’amafaranga y’u Rwanda. 

Mu mikino 4 yakinnye muri APR VC mu kwezi kwa 12 yatsinzemo ibitego 4 ndetse yanafashije ikipe ye kurangiza uku kwezi iri ku mwanya wa 1 muri shampiyona. 

Mu bakinnyi yari ahatanye nabo ni Heltier Luvumbu Nzinga wa Rayon Sports, Hakizimana Muhadjiri wa Police FC na Bigirimana Abedi wa Police FC.

Umukinnyi watsinze igitego cyiza cy’ukwezi yagizwe Elie Kategaya ukinira APR FC ariko iki gitego yagitsinze akina muri Mukura VS akaba yaragitsinze ikipe ya APR FC.

Mu bakinnyi yari ahatanye nabo ni Hakizimana Muhadjiri, Samuel Pimpong wa Mukura VS na Sharif Bayo wa Kiyovu Sports. Elie Kategaya yahawe ibihumbi 300 by’amafaranga y’u Rwanda.

Umunyezamu wakoze ‘save’ nziza y’ukwezi yagizwe Nzeyurwanda Djihad ukinira Kiyovu Sports, uyu mupira akaba yarawukuyemo bakina na Rayon Sports ku mukino byarangiye banganyijemo igitego 1-1.

Nzeyurwanda Djihad nawe yahawe amafaranga ibihumbi 300 Frw akaba yari ahanganye na Niyonkuru Pascal wa AS Kigali, Nicolas Sebwato wa Mukura VS na Simon Tamale wa Rayon Sports.

Igihembo cy’umutoza w’ukwezi cyegukanywe na Mashami Vincent utoza ikipe ya Police FC. Mu mikino 4 yakinnye mu kwezi kwa 12 yatsinzemo 3 atsindwa 1 akaba yari ahanganye na Thierry Froger wa APR FC, Afahmia Lotfi wa Mukura VS na Habimana Sosthene wa Musanze FC.

Ibyagendeweho kugira ngo aba bakinnyi bahabwe ibihembo ni amatora yo ku mbuga nkoranyambaga yahawe agaciro ka 20% naho 80% atangwa n’abanyamakuru 2 bahagarariye ishyirahamwe ry’abanyamakuru b’imikino mu Rwanda, abantu 2 ba Rwanda Premier League n’undi umwe uhagarariye abahoze bakinira Amavubi.

Victor Mbaoma niwe wagizwe umukinnyi mwiza kurusha abandi mu kwezi kwa 12

Elie Kategaya niwe wegukanye igihembo cy’umukinnyi watsinze igitego cyiza mu kwezi kwa 12

Nzeyurwanda Djihad yegukanye igihembo cy’umunyezamu wakoze Save nziza

Mashami Vincent yagizwe umutoza mwiza kurusha abandi mu kwezi kwa 12

Ni nyuma y’uko Perezida Paul Kagame w’u Rwanda uri i Davos mu Busuwisi, mu nama Mpuzamahanga y’Ubukungu ya World Economic Forum, ahuye n’Umunyamabanga wa Leta Zunze Ubumwe za America, Antony Blinken bakagirana ibiganiro.

Mu butumwa bugufi, Blinken yanyujije ku rubuga rwa X, yagize ati 'Ikiganiro cyanjye na Perezida w’u Rwanda Paul Kagame, cyibanze ku muhate wacu wo gusaba impande zose kuyoboka inzira za dipolomasi mu gushaka umuti w’ibibazo biri mu burasirazuba bwa DRC.'

Nanone kandi ubunyamabanga bwa Leta Zunze Ubumwe za America, bwasohoye itangazo rivuga ku byaganiriweho ubwo Perezida Kagame yahuraga na Blinken.

Iri tangazo rigira riti 'Baganiriye uko haterwa intambe mu kongera imbaraga zigamije kugabanya umwuka mubi mu Burasirazuba bwa Congo. Umunyamabanga wa Leta ya America yagaragagaje ko hakenewe ko buri ruhande mu zivugwa rutera intambwe mu gukemura ikibazo.'

Guverinoma ya Leta Zunze Ubumwe za America yakunze gusaba iy’u Rwanda n’iya RDC ko zayoboka inzira za dipolomasi mu gushaka umuti w’ibibazo bimaze iminsi biri hagati y’Ibihugu byombi.

Ni mu gihe ubutegetsi bwa Congo bwo butabikorwa, ahubwo bukaba bwarakunze kuvuga ko bwifuza gushoza intambara ku Rwanda nk’uko bitahwemye kuvugwa na Perezida Felix Tshisekedi.

Ibi kandi byanatumye u Rwanda na rwo rwitegura aho na rwo rutahwemye kuvuga ko ingabo zarwo ziryamiye amajanja ku buryo ziteguye kuburizamo uwashaka guhungabanya umutekano warwo aho yaba aturutse hose.

UKWEZI.RW

Ku gicamunsi cyo ku wa Kabiri tariki 16 Mutarama, 2024 ku mbuga nkoranyambaga hasakaye amashusho y’inzu bivugwa ko ari iza Bamporiki zirimo gusenywa.

Ni inzu iherereye mu Mudugudu wa Radari, mu Kagari ka Busanza, mu Murenge wa Kanombe mu Karere ka Kicukiro mu Mujyi wa Kigali.

Umujyi wa Kigali uvuga ko izo nzu nshya zubatswe nta ruhushya, kandi zubakwa hejuru y’ibyobo by’amazi (Septic tank/Fausse septique), ndetse bazubaka ku ruzitiro (fence), ibintu ngo bishobora guteza impanuka.

Umwe mu baturage batuye muri uriya mudugudu wa Radari, yabwiye UMUSEKE ko inzu Kompanyi yitwa Nyungwe House N’Iwacu Gakondo Ltd ikoreramo, zahoze ari iza Bamporiki ariko aza kuzigurisha umuntu uba muri Zambia.

Imvaho Nshya yo na yo yanditse kuri iki kibazo, ivuga ko yamenye ko uwaguze iyo hoteli, yashakaga kuyihindura ikagirwa ibitaro, ariko ko Umujyi wa Kigali utari wamusubiza ku bijyanye n’uburenganzira bwo kubaka.

Ibaruwa Imvaho Nshya ifitiye kopi yanditswe tariki 05 Mutarama 2024 n’Umujyi wa Kigali, igaragaza ko hari inyubako nshya yongewe kuri iyo hotel itabifitiye uruhushya.

Urwandiko rwandikiwe Umuyobozi wa Nyungwe House Ni iwacu Gakondo Ltd, rugaragaza ko inyubako zirimo gusenywa zubatswe mu buryo butubahirije ibiteganywa n’amabwiriza ajyanye n’imitunganyirize y’imijyi n’imyubakire.

Amabwiriza avuga ko iyo wubatse ibintu by’akajagari usabwa kubikuraho, utabikuraho inzego zibishinzwe zikabikuraho, ukazirengera ikiguzi cyabyo.

Ubugenzuzi bwakozwe tariki 03 Mutarama 2024 bushimangira ko hari ibitari bisanzwe ku nyubako byongeweho nta ruhushya.

Ba nyiri hoteli basabwe guhagarika imirimo yose y’ubwubatsi, kandi banikuriraho inyubako nshya zose zongeweho mu gihe kitarenze iminsi itatu.

Umujyi wa Kigali wafashe umwanzuro wo kuvanaho akajagari, nk’uko wabisobanuye ikiguzi cyabyo kikazishyurwa na ba nyiri Kompanyi.

Uretse ibikorwa byasenywe hariya hahoze ari kwa Bamporiki, Umujyi wa Kigali uvuga ko mu Karere ka Nyarugenge, Umurenge wa Mageragere, Akagari ka Nyarurenzi, Umudugudu wa Musave, hakuweho ibyubatswe n’umuturage avuga ko ari uruganda rwo gutunganya imbaho nta ruhushya rwo kubaka afite.

Mu Karere ka Gasabo, mu Murenge wa Gisozi, Akagari ka Ruhango hakuweho inzu n’uruzitiro byubatswe ahantu bitemerewe kubakwa, kandi bitaranasabiwe uruhushya.

Ivomo : Umuseke

UKWEZI.RW

Wari umukino wabereye kuri sitade ya Kigali Pele Stadium utangira ku isaha ya saa 18:00 PM, mu gihe wari uteganyijwe kubera kuri sitade ya Bugesera FC, ariko bikaza guhinduka kubera ubusabe bwa Interforce FC. 

Amakipe yombi yatangiye umukino ashaka kwitwara neza mu mukino ubanza, ariko Rayon Sports ku munota wa gatatu gusa ihita ifungura amazamu ku gitego cya Youssef.

Abakinnyi 11 Rayon Sports yabanje mu kibuga

Hhadime

Rwatubyaye Abdul

Ganijuru Elie

Mitima Isaac

Kanamugire Roger

Mucyo Didier

Youssef Rharb

Luvumbu nzinga

Camara

Muhire Kevin

Tuyisenge Arsene

Ikipe ya Interforce FC isanzwe yitwara neza mu cyiciro cya kabiri, yagerageje kwinjira mu mukino gusa kugera imbere y’izamu bikayigora, igice cya mbere kirangira Rayon Sports iyoboye n’igitego 1-0 bwa Interforce FC.

Abakinnyi 11 Interforce FC yabanje mu kibuga

Iradukunda Moriah

Mugisha Irakoze

Kalisa Samuel

Irakarama Donathien 

Nshimiyurugwiro Kevin

Ishimwe Claude

Habumuremyi Ramon

Kamanzi Abubakal

Igice cya kabiri kigitangira, ikipe ya Rayon Sports yakoze impinduka, Youssef ava mu kibuga hinjira Bugingo Hakim

Ku munota wa 51, Rayon Sports yabonye igitego cya kabiri cyatsinzwe na Luvumbu kuri kufura yateye yari inyuma y’urubuga rw’amahina umupira awutera neza urusha imbaraga umunyezamu wa Interforce FC uruhukira mu izamu. 

Ku munota wa 58, Rayon Sports yakoze impinduka, Bavakure Ndekwe Felix ajya mu kibuga asimbuye Luvumbu Nzinga, Iradukunda Pascal asimbura Tuyisenge Arsene.

Hategekimana uyu munsi ntabwo yabanje mu izamu n’ubwo ku mukino wa Gasogi United ari we wari wakoze

Habura iminota 5 gusa ngo umukino urangire, Mvuyekure Emmanuel yatsinze igitego cya gatatu ku mupira yatereye hanze y’urubuga rw’amahina. Ku munota wa 92, Mvuyekure Emmanuel yaje gutsinda igitego cya kane kiba icya kabiri cye, ndetse umukino urangira Rayon Sports itsinze Interforce FC ibitego 4-0. 

Mitima Isaac yari yabanje mu kibuga nyuma yaho umukino wo kuri Gasogi United yari yabanje ku gatebe 

Youssef yaje kugira ikibazo cy’imvune, akina igice cya mbere gusa 

Ganijuru  Ishimwe yari yongeye kubanza mu kibuga 

Rayon Sports yakinnye nta mutoza wa mbere nta n’uwa kabiri 

Staff ya Inteforce FC yagerageje ariko biranga 

KANDA HANO UREBE AMAFOTO MENSHI 

AMAFOTO: Ngabo Serge

VIDEO: Munyantore Eric