Category: Uncategorized

Hari benshi mu bahanzi impano z'abo zakomeye, biturutse ku kuba baragize urufatiro rwa korali, kuba barabyize mu ishuri rya muzika rya Nyundo, kuba ari ibintu yakuze akunda akiyemeza kubikora n'ibindi.

Josh Ishimwe uri mu bahanzi bamaze imyaka itatu mu muziki, ni umwe mu bahanzi u Rwanda rufite banyuze muri korali, kuva mu myaka 22 ishize.

Uyu munyamuziki wamenyekanye mu ndirimbo zirimo 'Reka Ndate Imana' yasubiyemo, ni umwe ku baririmbyi ba korali 'Anointed Choir' iherutse gushyira hanze indirimbo bise 'Yangezeho'.

Iyi korali igizwe n'abaririmbyi 70, kandi yatangijwe ku mugaragaro mu 2001 ari itsinda ry'abana bakorera umurimo w'Imana mu itorero ADEPR Samuduha.

Aba bana barimo Josh Ishimwe bagiye bahabwa umwanya wo kuririmba mu bihe bitandukanye mu matorero, bituma impano z'abo zaguka mu buryo bwisumbuye.

Bamaze kugera mu kigero cy'imyaka 12 y'amavuko barabatijwe, maze Itorero rirabacutsa binjira mu cyiciro cy'abakuru bafite korali y'abantu bakuru.

Byatumye batangira kuririmba mu matorero yo ku Cyumweru, banahabwa izina rya 'Ingemwezayesu choir'. Ni izina bakomezanyije kugeza ubwo tariki 28 Nzeri 2019, bahisemo gushaka irindi zina bitwa 'Anointed Family' kugeza n'ubu.

Iri zina barifashe bajyanisha n'intego bihaye yo kwamamza ubutumwa bwiza binyuze mu bihangano bitunganyijwe mu buryo bw'amajwi n'amashusho, kandi bukagera ku mbibi zose z'Isi, mu ndirimbo zitandukanye; Ikinyarwanda, Icyongereza, Igifaransa n'Igiswahili.

Mu kiganiro na InyaRwanda, Perezida w'iyi korali, Niyoyukuri Innocent yavuze ko kuba barimo ari abaririmbyi bari hagati y'imyaka 12 n'imyaka 30 y'amavuko, bituma bahuriza hamwe impano bafite mu guhimba no gushyira hanze indirimbo z'abo.

Babarizwa mu Itorero ADEPR Samuduha, Paroisse Kicukiro Shell, Ururembo rwa Kigali. Innocent ati 'Nk'uko turi benshi turimo impano zitandukanye dufite abafite impano zo guhimba indirimbo, iyo umuntu yahimbye cyangwa yahawe ihishurirwa n’Imana agahimba indirimbo, duhurira hamwe n'kitsinda tukiga ya ndirimbo, tukanahuza ibitecyerezo kugirango irusheho kubanziza kuri twe no ku bazayumva.'

Niyoyukuri Innocent yavuze ko Josh Ishimwe ari umwe mu baririmbyi b'iyi korali Imana yahagurukije impano ye iramenyekana, ariko ko na n'ubu akibarizwamo.

Yavuze ko bafite icyizere cy'uko Imana izagenda ikoresha buri umwe icyo yamuhamagariye. Akomeza ati 'Joshua Ishimwe ni umuririmbyi muri twe wakuranye natwe. Twareranwe mu ishuri ryo ku cyumweru nk'uko Imana yabitubwiraga ko izatwagurira Impano zikagera kure.'

'Nuko na Joshua Imana yamwaguye kandi Inyuma ye hari n'abandi muzabona bo muri twe barigukora umurimo nka Joshua byagutse. Byose n'amasezerano y’Imana ari gusohora. Muri macye n’umuririmbyi turirimbana mu rusengero.'

Josh Ishimwe yabwiye InyaRwanda ko gukurira muri korali byabaye imbarutso ye yo gukora umuziki w'indirimbo zihimbaza Imana mu njyana gakondo. Avuga ko atibagiwe gakondo ye, kuko buri uko ateranye mu rusengero, anaririmba muri korali yamurenze.

Avuga ko amaze imyaka 22 atangiranye urugendo n'iyi korali, kandi bamaze gushyira hanze indirimbo 14 zirimo na Album imwe.

Perezida w'iyi korali, Niyoyukuri Innocent anavuga ko Joshua Ishimwe yagiye arushaho gutanga ubushobozi 'kugirango igihangano kirusheho kuba cyiza kuko afite ubumenyi bwisumbuyeho yahwe ku bw'ubuntu bw'Imana'.

Iyi korali ariko inabarizwamo abize ibijyanye n'umuziki bakunze gutanga ibitekerezo bijyanye n'ikorwa ry'indirimbo.

Innocent ati 'Uwahimbye azana igihangano tukagihuriraho kugirango cyirusheho kuba cyiza tukanasenga Imana ikarushaho kutwungura byinshi.'

'Joshua dukorana mu bikorwa byose tugira nk'umwe muri twe. Umusanzu w'amafaranga, ibiterane dukora icyo korali ikoze cyose Joshua nawe akigiramo uruhare nk'umunyamuryango.'

Muri iki gihe, Josh Ishimwe ari kwitegura kuririmba mu iserukiramuco 'Iteka African Cultural Festival' rizabera muri Camp Kigali tariki 27 Mutarama 2024.

Ni igitaramo azahuriramo n'abandi bahanzi barimo Michael Makembe, Itorero Intayoberana, Chorale Christus Regnat, Himbaza Club, Intwari Club na Iteka Band.

Anointed Family bavuga ko bafite icyizere cy'uko Imana izahagurutsa muri bo undi muramyi nka Ishimwe

Anointed Family bavuga ko bafite intego yo gukora ibihangano bihamagarira abantu gukurikira Kristo

Anointed Family basobanura ko bahuriza hamwe urugendo rwo gukora ibihangano by'umwuka

Josh Ishimwe ni umwe mu baririmba muri Anointed Familyimaze imyaka 22 mu rugendo rw'ivugabutumwa

Ishimwe avuga ko gukurira muri korali byamuhaye imbaraga zo gukora umuziki gakondo 

Josh Ishimwe aritegura kuririmba muri iri serukiramuco rigiye kuba ku nshuro ya kabiri

KANDA HANO UREBE AMASHUSHO Y'INDIRIMBO 'YANGEZEHO'

“>

KANDA HANO UREBE AMASHUSHO Y'INDIRIMBO 'MUTANGABUNGINGO'

“>

Abafana barimo kugerageza kwitabira, ariko kuberako AS Kigali nta bafana benshi igira, bikaba byatumye sitade irimo abantu bake, biganjemo abafana ba APR FC.

17:48″ abakinnyi b’abasimbura bagarutse mu kibuga bakaba bagiye ku ntebe y’abasimbura

17:40″ Amakipe yombi asubiye mu Rwambariro

Banga yongeye gusubira ku gatebe nyuma yo kwitwara neza muri Zanzibar

Omborenga Fitina yagarutse mu kibuga nyuma y’iminsi ari mu bihano

Ishimwe Pierre niwe ugiye kubanza mu izamu rya APR FC

17:22″ Ikipe ya AS Kigali nayo yinjiye mu kibuga ikaba ije kwishyushya.

17:18″ APR FC yinjiye mu kibuga, abakinnyi baje kwishyushya. Ishimwe Pierre birashoboka ko ari bubanze mu kibuga kuko umunyezamu wa mbere ntari mu baje kwishyushya

Ombolenga Fitina akaba yagarutse mu kibuga nyuma yo gusira i Kigali ubwo ikipe yerekezaga mu mikino ya Mapinduzi Cup.

Ikaze tugendane mu buryo bwa Live

Ni umukino ugiye gutangira ku isaha ya Saa 18:00 PM, ukabera ku kibuga cya Kigali Pele Stadium. Uyu mukino ugiye gukurikira umukino Gorilla FC imaze gutsindamo Kiyovu Sports ibitego 2-0. Ikipe ya APR FC irashaka gukuraho agahigo kabi ifite kuri AS Kigali kuko imaze imyaka irenga itanu idatsinda itayitsinda mu marshanwa yose.

Tariki 23 Ukuboza 2018 ni bwo APR FC iheruka gutsinda AS Kigali, bikaba byari mu mukino wa shampiyona. Kuva icyo gihe, muri shampiyona aya makipe amaze guhura inshuro 8, bahura inshuro 1 mu mikino y’igikombe cy’Amahoro, ndetse bahura inshuro 1 ya Super Cup, ariko APR FC nta nshuro n’imwe iratsinda Abanyamujyi.

Rayon Sports yamaze kwemeza Lawrence Webo nk’umutoza mushya w’abanyezamu b’iyi kipe asimbura umugande, Samuel Mujabi Kawalya baheruka gutandukana.

Tariki ya 8 Mutarama 2024 ni bwo Rayon Sports yatangaje ko yatandukanye n’uwari umutoza w’abanyezamu ba yo, Umugande, Samuel Mujabi Kawalya.

Ibinyujije ku mbuga nkoranyambaga za yo, yemeje ko Lawrence Webo wigeze kuyikinira ari umunyezamu ari we mutoza mushya w’abanyezamu ba yo.

Lawrence Webo akaba ari umunya-Kenya wakiniye Rayon Sports kuva 2006-2009, yayivuyemo nta gikombe abashije kuyihesha.

Lawrence Webo aje muri Rayon Sports nyuma yo gutoza amakipe nka AFC Leopards ndetse n’ikipe y’igihugu ya Kenya.

Biravugwa ko ubu umuhanzi Niyo Bosco ari mu rukundo n’inkumi ikoresha amazina ya Neza Nabrizza ku mbuga nkoranyambaga.

Uyu muhanzi ukunzwe na benshi biganjemo urubyiruko kubera imyandikire y’indirimbo ze, amarangamutima afitiye uyu mukobwa yamuganje atangira kuyashyira ku mbuga nkoranyambaga.

Ku mugoroba w’ejo hashize, yashyize amashusho kuri Instagram ye yasohokanye n’iyi nkumi ndetse aherekezwa n’amagambo asize umunyu, aca amarenga ko baba bari mu rukundo.

Nabrizza na we yaje agaragaza ko hari umubano udasanzwe afitanye n’uyu muhanzi, ni ku gitekerezo yatanze kuri ayo mashusho asangira na Niyo Bosco atatinze ku mbuga nkoranyambaga ze kuko yahise ayasiba nyuma y’iminota mike.

Amakuru avuga ko ari abashinzwe kureberera inyungu ze bamusabye kuyasiba.

Niyo Bosco yamenyekabye cyane mu ndirimbo ‘Ubigenza Ute?’, ‘Ishyano’, ‘Babylon’ n’inzindi, aheruka gushyira hanze indirimbo nshya ‘Eminado’, indirimbo ye ya mbere kuva yakwinjira muri KIKAC Music.

Ikipe y’igihugu y’u Rwanda ya Handball yatangiye igikombe cy’Afurika kirimo kubera
mu Misiri, itsindwa na Cape Verde ibitego 52-27.

Wari umukino wa mbere w’u Rwanda mu gikombe cy’Afurika cya 2024 kirimo kuba ku nshuro ya 26, akaba ari inshuro ya mbere u Rwanda kandi rwari rukitabiriye.

Ni igikombe cyatangiye uyu munsi aho kirimo kubera muri Gymnase 2 ziri muri Cairo Stadium, kizasozwa tariki ya 27 Mutarama 2024.

U Rwanda na Cape Verde byagiye gukina nyuma y’uko muri iri tsinda DR Congo yari imaze gutsinda Zambia ibitego 40-21 mu mukino wabanje.

Ntabwo u Rwanda rwatangiye neza kuko mu minota ya mbere rwagiye ruhusha uburyo bwakavuyemo ibitego.

Abakinnyi ngenderwaho nka Mbesutunguwe Samuel wabonaga bamwize cyane ku buryo kureba byabanje kumugora.

Umunyezamu Arsene yagerageje kwitwara neza aho mu minota 10 ya mbere yakuyemo imipira 4 ikomeye cyane.

Gusa ntibyabujije ko Cape Verde ikomeza kuyobora umukino aho ku munota wa 15 yari ifite ibitego 14-6.

Ku munota wa 16, Cape Verde yaje kumara iminota 2 bakina batuzuye nyuma y’uko umukinnyi wa yo ahanwe kubera gukinira nabi Yves Umuhire. Iyi minota u Rwanda rwayibyaje umusaruro rwatsinzemo ibitego 3, Cape Verde nta na kimwe.

Cape Verde yakomeje kugenda imbere y’u Rwanda n’ibitego by’ikinyuranyo bikomeza kugenda bizamuka. Igice cya mbere cyarangiye ari ibitego 24 kuri 13.

Igice cya kabiri cy’umukino abakinnyi ba 6 ba Cape Verde bahawe iminota 2 hanze y’ikibuga mu bihe bitandukanye.

Ntabwo byakuze ko u Rwanda rufatirana ayo mahirwe kuko Cape Verde yarurushaga Rwanda kandi narwo abakinnyi nka kapiteni Muhawenayo Jean Paul, Hagenimana Fidele, Yves Kayijamahe, Etienne Ndayisaba na Nshumbusho Maliyamungu bakoze amakosa bahabwa iminota 2 hanze y’ikibuga.

Ku munota wa 20 w’igice cya kabiri, u Rwanda rwaje gutakaza umunyezamu Uwayezu Arsene waje guhabwa ikarita itukura ku ikosa yakoreye umukinnyi wa Cape Verde. Umukino warangiye ari 52-27.

U Rwanda ruzagaruka mu kibuga ku wa Kane tariki ya 19 Mutarama 2024 rukina na Repubulika Iharanira Demokarasi ya Congo, ni umukino uzabera muri Gymnase ya 2 ya Cairo Stadium.

Bikubiye mu itangazo ryashyizwe hanze na FARDC kuri uyu wa Kabiri tariki 16 Mutarama 2024, rivuga ko abasirikare batatu bari ku burinzi bw’umupaka uhuza RDC n’u Rwanda, bisanze ku butaka bw’u Rwanda bibeshye.

Iri tangazo ryashyizweho umukono n’Umuvugizi wa FARDC, Maj Gen Ekenge Bomusa Efomi Sylvain rigira riti 'Abasirikare batatu ba FARDC bari ku burinzi bw’Umupaka muremure uhuriweho na RDC n’u Rwanda, bisanze mu buryo bwo kwibeshya ku butaka bw’u Rwanda ahagana saa 10:00.'

Rigakomeza rigira riti 'Umwe muri bo yishwe abandi babiri bafatwa n’igisirikare cy’u Rwanda.'

FARDC ivuga ko abo basirikare ari 2e Classe Assumani Mupenda, 2e Classe Anyasaka Nkoy Lucien ari na we wishwe, ndetse na 2e Classe Bokuli Luto.

Iki gisirikare cya Congo Kinshasa kivuga ko abasirikare b’impande zombi yaba ab’iki Gihugu ndetse n’ab’u Rwanda bajya bibeshya bakisanga ku butaka bw’Igihugu kimwe kandi ko byari bisanzwe bikemuka hiyambajwe urwego rushinzwe kugenzura imipaka mu karere, ku buryo abafashwe bashyikirizwa Ibihugu byabo.

Iri tangazo rya FARDC ryasohotse nyuma y’irya RDF ryavugaga ko aba umusirikare warashwe yinjiye na we arasa ku basirikare b’u Rwanda, na bo bagahita bamurasa.

UKWEZI.RW

Ni nyuma y’uko bivuzwe ko hari abarwanyi babiri bakomeye ba M23 bishwe mu mirwano imaze iminsi ihanganishije uyu mutwe na FARDC.

Muri abo barwanyi bo ku rwego rwo hejuru bishwe na FARDC, biravugwa ko harimo Colonel Castro Elise Mberabagabo, usanzwe ari mu buyobozi bwa M23, aho yari ashinzwe ubutasi bwayo.

Mu gitondo cyo kuri uyu wa Gatatu tariki 17 Mutarama 2024, M23 yashyize hanze itangazo ryashyizweho umukono n’Umuvugizu w’uyu mutwe, Lawrence Kanyuka, ivuga iby’aba bakomando bawo bishwe.

Iri tangazo rivuga ko ubutegetsi bwa Kinshasa bukomeje kurenga ku myanzuro yafashwe igamije guhagarika imirwano, kuko kuri uyu wa Kabiri tariki 16 Mutarama 2024, bwagabye ibitero ku bari imbere mu rugamba.

Iri tangazo rigira riti 'Kuri uyu wa Kabiri tariki 16 Mutarama 2024 ubutegetsi bwa Kinshasa bwongeye kurenga ku gahenge ko guhagarika imirwano ubwo bagabaga ibitero ku barwanyi bacu bari imbere ndetse bakica abakomando bacu babiri.'

M23 yasoje ivuga ko yumvise neza igisobanuro cy’ubu butumwa yohererejwe n’ubutegetsi bwa Kinshasa, bityo ko na yo igiye gusubiza nkayo.

UKWEZI.RW